|
Re: الرومانسية ....... (Re: ود الباوقة)
|
باوقوش الشهير بعمر
خلينا من الشقق المفروشه والسعوديه العينك ماتشوف الا الحديد والدراب دي
رايك شنو في معدل الرومانسيه لدى الرجل السوداني ؟
هل يعي الرجل السوداني أن ملح وتوم وشمار الحياه الزوجيه هي الرومانسيه ؟
هل المرأه السودانيه تتقبل الرومانسيه أم تصدها كالصخرة الصماء وتتعاور ؟
هل الرومانسيه (بتلبأ) على قول إميل لحود على معشر السوادنه؟
هل وهل وهل ...أدق تفاصيل رومانسية الحياة الزوجيه السودانية
خالص الود
| |
|
|
|
|
|
|
Re: الرومانسية ....... (Re: أمير فتحي)
|
Quote: رايك شنو في معدل الرومانسيه لدى الرجل السوداني ؟ |
اخي فتحي
اعتقد ان الرجل السوداني يترمسس برمسسة
من حوله
فان وجد ست بيت ناجحة
تتفهم الحياة الزوجية
وتقدسها
فانه ينداح في الرمسسة
Quote: هل المرأه السودانيه تتقبل الرومانسيه أم تصدها كالصخرة الصماء وتتعاور ؟ |
غالبا تتعاور
حتى وان ترمسست معها
ممكن تقول ليك الليلة الكلام الفارغ البتسوي فيهو دا شنو
طبعا مع كل هذا الزخم توجد رومانسيات
Quote: هل الرومانسيه (بتلبأ) على قول إميل لحود على معشر السوادنه؟ |
مش عارف.. فجاة زكرتني ميدان رمسيس ..
Quote: هل وهل وهل ...أدق تفاصيل رومانسية الحياة الزوجيه السودانية |
السؤال دا لازم نسال منو عشقوتي المخمخاني
شكرن اخي فتحي
لكن يتخيل لي بك قليل من النرجسية
| |
|
|
|
|
|
|
Re: الرومانسية ....... (Re: ود الباوقة)
|
Quote: هل يعي الرجل السوداني أن ملح وتوم وشمار الحياه الزوجيه هي الرومانسيه ؟ |
ارجو ان تستبدل السؤال
بـ
هل للرومانسية سن معينة
ام انها حالة تصاحب صاحبها حتى الزهايمر
| |
|
|
|
|
|
|
Re: الرومانسية ....... (Re: ود الباوقة)
|
Quote: لكن يتخيل لي بك قليل من النرجسية
|
لا وكلاااااااا...دا أنا غلباااااااااااااان
آخر مره غايتو قدمتا للمره هديه عباره (والله أخوانك ديل طيبين خلاص) فكان أن تهللت أساريرها وكادت أن تطير من الفرح ...شفتا الرمسسه دي قدر شنو ؟
إنتا قدمتا شنو في الربع السابق ؟
غايتو أنا شاعر إنك رمسيس الأول عديل كدا والدليل حبك للأغاني العاطفيه
| |
|
|
|
|
|
|
Re: الرومانسية ....... (Re: فيصل محمد خليل)
|
Quote: بمناسبة الصحوه الرومانسيه دى يطيب لى ان اهدى لك اغنية (يا غرامى الاول) وما الحب الا للحبيب الاول |
فيصل
ارجو ان تعطينا فكرة عن الرومانسية من منظور ماركسي
جزاك الله خير ........
| |
|
|
|
|
|
|
Re: الرومانسية ....... (Re: ود الباوقة)
|
والله ياودالباوقة إنت قاعد تجيب لينا حاجات جميلة بقالب بسيط وحلو.
بالرغم من إن هذا البوست سوف يكسح مع ألأرشفة لكن أبت نفسى إلا أن أشاركك..
تساؤل ألأخ/أمير موضوعى...
أحكى ليك قصة الراجل مشى وحضر ليك محاضرة جميلة عن كيفية التعامل مع الزوجة وتشبع بكمية من الرومانسيةومر على محل زهور جاب ليه باقة كده جميلة وجا داخل البيت قال لزوجته تفضلى حبيبتى قالت ليهو العوارة دى شنو الليلة.
ثقافة الرومانسية شىء يمكن أن يكتسب فقط أن يتاح المناخ المناسب لذلك .
تقديرى وأحترامى.
| |
|
|
|
|
|
|
Re: الرومانسية ....... (Re: معاوية عبيد الصائم)
|
معاويه الصائم
إييييه الجمال دا ...ليهو حق ود الباوقه يتشبع بكل هذا الجمال والرومانسيه
صدق اللي قال الانسان ولد بيتو ...ويعني إبن بيئته
ود مثل مكسيكي كما حكى لي صديقي ود الباوقه في إحدى الليالي المقمره
| |
|
|
|
|
|
|
Re: الرومانسية ....... (Re: ismeil abbas)
|
Quote: ثقافة الرومانسية شىء يمكن أن يكتسب فقط أن يتاح المناخ المناسب لذلك |
اخي سمعة
ومرات كدا تكون داخل البيت
واول كلمة مع المدام
اها يا حبيبتي الليلة طابخة لينا شنو...
ثم يات الرد
حباك مورلي
دا شنو العبط البتعمل فيهو الليلة دي
الكلمة دي لفحتها من وين كمان ؟
| |
|
|
|
|
|
|
Re: الرومانسية ....... (Re: ود الباوقة)
|
كيف ما بتذكر التوابيت يا ودالباوقة؟ ولقد تم ادخالنا فيما اذكر مع الاخ تروتسكي.. لكن حتي تروتسكي اعترض (الله قادر).. بس عبدالقيوم دا اخو البوابة برضو؟ اما قولك انك نرجسي دي كلمة سنديكالية بتجيب ليك الهوا خصوصا ناس البنيوية والذي منو؟ اللهم الا اذا كان قصدك سندسي..وليس نرجسي.. تشكرنا الماكن.
| |
|
|
|
|
|
|
Re: الرومانسية ....... (Re: محمود الدقم)
|
Quote: ولقد تم ادخالنا فيما اذكر مع الاخ تروتسكي.. لكن حتي تروتسكي اعترض (الله قادر) |
الدقم
تروتسكي عندما سالناه من سبب عدم وضعك معه في تابوت واحد
قال الدقم دا قاعد ( يقرص )
والله ايام كانت لها ايقاع
هس العميان شايل المكسر .........
| |
|
|
|
|
|
|
Re: الرومانسية ....... (Re: ود الباوقة)
|
حدثني عشقوتي البلموني قال
حدثه حبيب باسطة
قال في يوم جاء داخل البيت وهرمونات النرجسة مرتفعة عندو
180 على 500
جاء يحمل معه اصايص من الجوري هدية لزوجته
وما ان فتحت له الباب حتى باغتها
الى اعز زوجة في الكون
الى روح عمري وقرة عيني
الى من تراني وتبتسم
الى ..........
وقبل ان يكمل حتى اخذت منه الاصايص
وفننن فوق راس البيت
دي زوجته الاولى والتي اعقبها باخرى
بعد ان طلقها طلقة بائنة بينونة كبرى ...
| |
|
|
|
|
|
|
Re: الرومانسية ....... (Re: ود الباوقة)
|
معاوية الصائم عليك الله صغر الصورة شوية ، و يا ريت لو إكتفيت لينا بشدرة شدرتين ولا بالجدول أب عشرين
ود الباوقة ، البوست دة كان عاوز الربع الجاي غايتو : إذا ترمنس الرجل فهذا أمر من إثنين : إما أن هرموناته قد إضمحلت ، أو تكاثرت عليه ذكريا الماضي تكاثرت عليه ذكريات الماضي NO PROBLEM تضاءلت هرموناته ، أمامه حل من إثنين : إما يتصفح كتاب الحاجة راكز الله للمطبخ السوداني و يطبق محتوياته في مائدتو اليومية ، أو يراجع صفحة >>>> في الفيس بوك
*** كنا حنواصل لغاية صفحة عشرة بس عندي مشوار
| |
|
|
|
|
|
|
Re: الرومانسية ....... (Re: ابو جهينة)
|
شوف بلاهي أبوجهينه دا بفكر كيف بعقليه ذكوريه موغله في السودانيه وداير يخرج الرومانسيه عن إطارها الطبيعي
والله أنا بقترح الحكومه أصلا جنها تعمل وزارات تقوم تعمل وزارة (للرومانسية) وتمسك الرجال السودانيين راجل راجل ...المايقتنع ويتقدم في رمنستو يجلد جلد غرائب الإبل...
ود الباوقه أرفع التوصيه دي في أول مؤتمر عليك الله
| |
|
|
|
|
|
|
Re: الرومانسية ....... (Re: أمير فتحي)
|
Quote: والله أنا بقترح الحكومه أصلا جنها تعمل وزارات تقوم تعمل وزارة (للرومانسية) وتمسك الرجال السودانيين راجل راجل ...المايقتنع ويتقدم في رمنستو يجلد جلد غرائب الإبل...[/QUOTE
اخي امير
اقتراحك جميل ورائع
لكن دعنا نبلور الفكرة هنا في المنبر
ومن ثم نقوم بتكوين الرابطة وبعدها ننطلق للاقليمية ثم الدولية
خليك قريب
| |
|
|
|
|
|
|
Re: الرومانسية ....... (Re: ابو جهينة)
|
Quote: إذا ترمنس الرجل فهذا أمر من إثنين : إما أن هرموناته قد إضمحلت ، أو تكاثرت عليه ذكريا الماضي تكاثرت عليه ذكريات الماضي NO PROBLEM تضاءلت هرموناته ، أمامه حل من إثنين : إما يتصفح كتاب الحاجة راكز الله للمطبخ السوداني و يطبق محتوياته في مائدتو اليومية ، أو يراجع صفحة >>>> في الفيس بوك |
انت عارف يا ريس ابوجهينة
نسبة الرومانسية في المنبر دا متدنية جدا
وتسير بوتيرة بطيئة جدا
وهناك مساعي حثيثة جدا لتكوين رابطة النرامسة والرناجسة
ودي طبعا لا بد من الاستعانة فيها بالخاص
شكرا
| |
|
|
|
|
|
|
Re: الرومانسية ....... (Re: خالد عبد الله محمود)
|
Quote: أسه أنا قايلكـ قاصد مطعم الرومانسية لأنو الدنيا قبايل غداء و كده |
حبيبنا خالد
والله مطعم الرومانسية دا تم افتتاحه في شارع الابراج قبل شهر تقريبا
يوم الافتتاح العميان شايل المكسر
ويوم لازم اعزمك فيه غداء
منها عزومة ومنها ترينتغ
شكرا
| |
|
|
|
|
|
|
Re: الرومانسية ....... (Re: ود الباوقة)
|
ود الباوقة مساءك ورد وفل وياسمييين وعطر اللافندر والجبل كفاك ولا نردمك رمسسه ؟ غايتو انا ضغطت على حواء الطقطاقة لقيتها بتكورك هرمنا هرمنننا فى انتظار لحظة رومانسية وما لقينا وووووب على يا الهجروك عليا وووووب على ونكد تقيل ..
ــــــــــــــ دا لو بوست مطاعنة انا برررررررررا ما فهميت ما فهميت ما فهيمت !!
| |
|
|
|
|
|
|
Re: الرومانسية ....... (Re: دينا خالد)
|
Quote: ود الباوقة مساءك ورد وفل وياسمييين وعطر اللافندر والجبل كفاك ولا نردمك رمسسه ؟ |
اردميني
Quote: غايتو انا ضغطت على حواء الطقطاقة لقيتها بتكورك هرمنا هرمنننا فى انتظار لحظة رومانسية وما لقينا وووووب على يا الهجروك عليا وووووب على ونكد تقيل .. |
جبتها مضطر يا دينا
قدر ما دورت ما ليقت غيرها
والاغنية دي من الاغاني المحببة الى نفسي
Quote: دا لو بوست مطاعنة انا برررررررررا ما فهميت ما فهميت |
يشهد الله ما فيه اي مطاعنة
بعدين الجواب من عنوانو
تشكرات
| |
|
|
|
|
|
|
Re: الرومانسية ....... (Re: ود الباوقة)
|
هذه عين الرومانسية عند الماركسيين يا ود الباوقة الشيوعية: أن تكون لديك بقرتان فتأخذ الحكومة الاثنتين وتمنحك بعض اللبن. كان كدا الرومانسية تطير و ماركس في كراعها
____ امميون طبقيون مناضلون ثوريون
| |
|
|
|
|
|
|
Re: الرومانسية ....... (Re: فيصل محمد خليل)
|
Quote: الشيوعية: أن تكون لديك بقرتان فتأخذ الحكومة الاثنتين وتمنحك بعض اللبن. كان كدا الرومانسية تطير و ماركس في كراعها |
يا اخ نقول ليك الرومانسية
تقوم تدخل لينا فيها بقر
يا لك من رومانسي متقاعد .......
| |
|
|
|
|
|
|
Re: الرومانسية ....... (Re: ود الباوقة)
|
طيب نجيكم من الاخر
يعني الرومانسية دي ليست بالشيء الهين
لها ادوات لابد من توفيرها
من قبل الرجل
ومن ثم بعد ذلك تتقمص المراة ثم
ترتد الى الرجل
دي طبعا بسموها رومانسية ارتدادية ...
| |
|
|
|
|
|
|
Re: الرومانسية ....... (Re: ود الباوقة)
|
صديقي كمال الفكي
كان متزوج من ابنة عمه
وفجاة فك البيرك منها الى لبنان
واستقر به المقام هناك
حيث تزوج من لبنانية
في اول اجازة صادفته في السودان
وبعد التحية والمجاملة سالته
اها كيف الاخبار
قال والله العظيم انا كنت مدفون حي
كيف يا زول
قال لي يا اخ رومانسيةفايت الحد
تجيب الشاي
اشرب فلبي
تشيل الكباية الفاضية
شربت عيوني
تجيب القهوة
امسك كمولي
تشيل الفاضي
بالهناء بلبوسي
وكدا
| |
|
|
|
|
|
|
Re: الرومانسية ....... (Re: ود الباوقة)
|
كما إنها مطاعم للرز البحاري وخلافه من الشعبيات
-- لا أدرى كيف جاءت التسمية حيث لا ثمة تناسب بين مكان لأكل الرز، الحنيذ، المظبي ..الخ" و"الرومانسية" هذا من عجائب التسميات فى هذه البلاد!!
كالذى كتب فى لافتة كبيييرة " بحــر المطــابخ" D:
ود الباوقة تحياتي
| |
|
|
|
|
|
|
Re: الرومانسية ....... (Re: walid taha)
|
Quote: لا أدرى كيف جاءت التسمية حيث لا ثمة تناسب بين مكان لأكل الرز، الحنيذ، المظبي ..الخ" و"الرومانسية" هذا من عجائب التسميات فى هذه البلاد!! |
حبيبنا وليد
تعرف اسهل طريقة لوصول الرجل للرومانسية بطنه
يعني المظبي
والحنيذ والمطازيز كلها ادوات سريعة التوصيل
انت قايل الناس ديل بسموا ساي
مودتي
| |
|
|
|
|
|
|
Re: الرومانسية ....... (Re: ود الباوقة)
|
أم عيالك ربنا يحفظها ، ما غلطت عليك لأن مزاجك للشاي جا في وكت ما مناسب أكيد.
أها شوف القصة دي الخالق الناطق حكايتك مع أم العيال :
زولنا المحسي جا أنصاص الليالي واقف لط ( و في رواية أخرى واقف سلك ) بفعل مشروب العرقي الغتيت قام صحا المدام من النوم و قال ليها : أنا ما إتعشيت قومي سوي لينا عشا قالت بلوية بوز : مافي أي عشا قال لها : عندك قفص جداد برة ، أضبحي ليك جدادة و حمريها قالت : ما عندي أي إمكانية تحمير ، البيت لا فيهو زيت لا بهارات و لا شي فنام الرجل و هو يتأبط شرا و أمرا بعد قليل سمعوا كركبة في قفص الجداد و الجداد في حالة هياج قالت ليهو : قوم يا راجل الظاهر في ثعلب في البيت قال ليها : خليهو ينتهي منهم كلهم و يتعشى بيهم ، يمكن عندو إمكانيات
| |
|
|
|
|
|
|
Re: الرومانسية ....... (Re: ابو جهينة)
|
Quote: أم عيالك ربنا يحفظها ، ما غلطت عليك لأن مزاجك للشاي جا في وكت ما مناسب أكيد.
|
الريس ابو جهينة
هذه رمزية لم تحدث معي ولكن حدثت مع الكثيرين غيري
وحفظ الله ام العيال وادام رمسستها
Quote: قال ليها : خليهو ينتهي منهم كلهم و يتعشى بيهم ، يمكن عندو إمكانيات |
غابتو يا ريس مرات عندك كسرات كدا
ابوعلي ما يكسرها
كسرة يا ريس
مودتي
| |
|
|
|
|
|
|
Re: الرومانسية ....... (Re: ود الباوقة)
|
Quote: مرة قلت اشاغل المدام شوية
اها قمت قلت ليها في شاي ( عيوني )
فجاء ردها
عيونك بي التقددن ليك ان شاء الله
دا وقت شاي هس |
والله انا قايل براى العندى بعد نظر اقوليك نصحيه خليك من البوست المخستك ده وارجع لبوست الشياطين قبال ما يقوموا يأرشفوك يا اب عيون مقدده
| |
|
|
|
|
|
|
Re: الرومانسية ....... (Re: ود الباوقة)
|
انتو الكيزان ديل كورتهم فكت ولا شنو
بقوا كمان رومانسيين ويتكلموا فى الرومانسيه
غايتو للضمان كدا بتكون دى سياسه جديدة لاختراق صفوف
الرومانسيين ..
تحياتى استاذ عمر ونتمى لك خميس رومانسى مافيهو قديد عيون
وارشفه سعيدة.
| |
|
|
|
|
|
|
Re: الرومانسية ....... (Re: MOHAMMED ELSHEIKH)
|
Quote: الرومانسية في السودان يا عمر يتم استهلاكها في فترة الخطوبة مش كدى؟؟؟ |
ودعمي
الخطوبة زاتا كان طولت شوية الرومانسية ما تكفيها
شفت شحتفة الروح دي كيف
شكرا هندسة .............
| |
|
|
|
|
|
|
| |