|
|
|
 Re: موجة نانسي عجاج ..!! (Re: كمال علي الزين)
|
(*)
موجة نانسي عجاج ..
عمل شاق إستغرق منها زهاء العام أو يزيد من العمل المتواصل ..
حتى تخرج للناس ..
موجة حقيقية ..
ليست موجة مغنواتية عادية ..
الآن وأخيراً ..
نستطيع سماع موجة نانسي عجاج التي شغلتها وأنشغلت بها
طوال العام الماضي , حتى خرجت بها الآن ..
سأعود للمواصلة ..
| |
  
|
|
|
|
|
|
|
|
Re: موجة نانسي عجاج ..!! (Re: امير طمبل)
|
Quote: الآن وأخيراً ..
نستطيع سماع موجة نانسي عجاج التي شغلتها وأنشغلت بها
طوال العام الماضي , حتى خرجت بها الآن ..
|
وفي حضرة صوت نانسي يطيب الجلوس ... 
هل نزل الشريط في الأسواق وياريت لو في منو CD .....
شكراً كمال على البشارة الحلوة دي ... 
| |
|
|
|
|
|
|
|
|
|
Re: موجة نانسي عجاج ..!! (Re: كمال علي الزين)
|
سلامات أستاذ كمال ..
مجهـود كبير وعمـل جمـيل
تستحق نانسي والفرقة
التهنئة الخالصة وبالتوفيق
الأخـيرة عجبتني شديد والله :
آييي يالـزارعنك في الصـريف
كان ما الصـبر تكليف آلنارية
مــن بيـتكم ما بقيف يالنارية..
-------
شكـرا كتير يا كمـال
| |
|
|
|
|
|
|
|
|
 Re: موجة نانسي عجاج ..!! (Re: Abd Alla Elhabib)
|
جهـود كبير وعمـل جمـيل
تستحق نانسي والفرقة
التهنئة الخالصة وبالتوفيق
الأخـيرة عجبتني شديد والله :
آييي يالـزارعنك في الصـريف
كان ما الصـبر تكليف آلنارية
مــن بيـتكم ما بقيف يالنارية..
| |
|
|
|
|
|
|
|
|
 Re: موجة نانسي عجاج ..!! (Re: كمال علي الزين)
|
كيفك يا كمال ؟!
Quote: التي شغلتها وأنشغلت بها
طوال العام الماضي , حتى خرجت بها الآن .. |
دا حالتو التحضير ليهو قريب السنة ؟!
أمال لو كانوا كلفتوهو كان حا يطلع كيف ؟!!
يا كمال هذا الألبوم به من العيوب الفنية والإخراجية ما يجعله في دائرة أسوأ الألبومات في الفترة الاخيرة ..!
لا يفوقه في السوء إلا ألبوم نانسي الأول المعنون (سحر النغم) ويستويان الإثنان سوءاً مع ألبوم سيف الجامعة الاخير (أعذريني) ..!!
في ألبومها موجة تقهقرت نانسي مرة أخرى للمربع الاول بعد النجاح الساحق الذي حققه البومها الثاني رفقة ..!!
ألبوم موجة رغم تميز المفردات والألحان وصوت نانسي ذات نفسها ، إلا أن المكساج والإخراج النهائي والتوظيف المزعج لبعض الألات الموسيقية فيه نسف جمال الألبوم الذي كان من الممكن وبمعالجات فنية دقيقة أن يكتسح كل الالبومات الموجودة في الساحة حاليا ..!
نانسي عجاج أصامتنا الدهر ثم افطرتنا على بصلة ..!!
وكذلك سيف الجامعة في ألبوم اعذريني ..
وما يجمع ألبوم موجة وألبوم أعذريني هو تميز الإثنان بالمفردات الجميلة والالحان المميزة والصوت الطروب لكلا من سيف ونانسي ..
وأسوأ ما يجمع الألبومان هو الإخراج السي والمكساج الردي وسوء التوزيع والتوظيف الخاطئ لبعض الألات ..!!
والأسوأ أيضا في البوم موجة هوإنعدام وحدة موضوعية في الالحان المقدمة وذلك سببه توظيف بعض الألات في غير مكانها وأحيانا توظيف صوت ألة بعينها بواسطة الأورغ مما زعزع عملية التناغم وعملية الإنتقال السلس من أغنية لاخرى كي تأخذ فرصتها لتتغلغل في أذن المستمع ..!
والوحدة الموضوعية والتوظيف السلس للألات كانتا أكثر العوامل التي ساعدت في إنجاح ألبوم رفقة لنانسي عجاج ..!!
عذرا يا كمال لو افسدت المزاج العام لهذا البوست وأفقدته (وحدته الموضوعية) التي تميز بها في مداخلات من سبقني ولكن كان لا بد لي من إبدا هذه الاراء وسأعود ربما للإستفاضة أكثر ..
| |
|
|
|
|
|
|
|
|
|
Re: موجة نانسي عجاج ..!! (Re: ناذر محمد الخليفة)
|
(*)
العزيز ناذر الخليفة ..
في إنتظار عودتك للحديث بشكل مفصل ..
أنا للأسف ماسمعتا الكاست كامل لحدي اليوم ...
لكن أتمنى إني أسمعه بسرعة عشان أقدر أحاورك وأنا سامع ومقيم بشكل كويس ..
محبتي ..
| |
|
|
|
|
|
|
|
|
|
Re: موجة نانسي عجاج ..!! (Re: كمال علي الزين)
|
سلام كمال ..
Quote: أنا للأسف ماسمعتا الكاست كامل لحدي اليوم ...
|
إذا فقد إستعجلت بفتح هذا البوست ...!!
أنصحك بسماعه عدة مرات وليس مرة أو مرتين حتى تقف بنفسك على كثرة عيوبه الفنية والإخراجية ...
| |
|
|
|
|
|
|
|
|
|
Re: موجة نانسي عجاج ..!! (Re: ناذر محمد الخليفة)
|
لحين سماعي لانتاجها الجديد
اقول ان نانسي صوت مرهف وحساس
تراني من اشد المعجبين به
فقط هي كسلانه وانتاجها ضئيل برغم جمهورها العريض ومعجبي صوتها الكثر
نسمع ثم نقيم كمستمعين وذواقين
ــــــــــ
ازيك يادفعه
| |
|
|
|
|
|
|
|
|
|
Re: موجة نانسي عجاج ..!! (Re: نجلاء قرافي)
|
سلام يا كمال
سمعت اغنيات موجة واندريا واهلا بيك في مرحلة سابقة وقبل ان يخرج الالبوم للسوق
اعجبت بالالبوم جدا واتمنى ان يتم حماية حقوق نانسي بعدم نشر الاغاني في النت كما تم سابقا
فكرة انزال تسجيل فيه مقاطع قصيرة من كل الاغاني ممتازة وحرفية
| |
|
|
|
|
|
|
|
|
|
Re: موجة نانسي عجاج ..!! (Re: Abdel Aati)
|
سلام يا كمال
سمعت اغنيات موجة واندريا واهلا بيك في مرحلة سابقة وقبل ان يخرج الالبوم للسوق
اعجبت بالالبوم جدا واتمنى ان يتم حماية حقوق نانسي بعدم نشر الاغاني في النت كما تم سابقا
فكرة انزال تسجيل فيه مقاطع قصيرة من كل الاغاني ممتازة وحرفية
________________________________________________________
سلامات أستاذ / عادل
نشر الأغاني في النت لابد منه , لكني أتفق معك أنه يجب أن يتم بعد فترة لا تقل عن 5 سنوات من التسويق
الحقيقي للكاست ..
محبتي ..
| |
|
|
|
|
|
|
|
|
|
Re: موجة نانسي عجاج ..!! (Re: نجلاء قرافي)
|
لحين سماعي لانتاجها الجديد
اقول ان نانسي صوت مرهف وحساس
تراني من اشد المعجبين به
فقط هي كسلانه وانتاجها ضئيل برغم جمهورها العريض ومعجبي صوتها الكثر
نسمع ثم نقيم كمستمعين وذواقين
ــــــــــ
ازيك يادفعه
____________________________________________________
سلامات يادفعة ..
أخبارك وأحوالك ..
صدقتي نانسي قليلة الإنتاج , لكن يشفع لها التجويد والتميز والتمرد عن السائد في الساحة
من غناء ...
محبتي ..
| |
|
|
|
|
|
|
|
|
|
Re: موجة نانسي عجاج ..!! (Re: ناذر محمد الخليفة)
|
Quote: فقد إستعجلت بفتح هذا البوست ...!!
أنصحك بسماعه عدة مرات وليس مرة أو مرتين حتى تقف بنفسك على كثرة عيوبه الفنية والإخراجية |
العزيز / ناذر
لم أستعجل بفتح البوست ..
ماسمعته (كمستمع ) فقط ولست متخصصاً بالطبع أعجبني ووجدته أفضل ما أنتج في الفترة السابقة
خاصة وأنني أعتقد أن نانسي هو الفنانة السودانية الوحيدة في الساحة (فنانة يعني فنانة مش غناية زي الغنايات الماليات الساحة) ولا يوجد لها منافس سوى (فهيمة) وللأسف هناك معوقات كثيرة بوجه فهيمة جعلت منها نداً ليس قوياً فالراهن القريب لنانسي ..
ويكفيني فقط أن أستمع لصوت نانسي وهي تغني , حتى ولو بدون موسيقى فهي سيدة الغناء في السودان دون منازع ..
وبعد سماعي للتسجيل كاملاً سآتي محاوراً بشكل أفضل ..
وأرجو أن تضع في مخيلتك وأنت تحاورني أنني مجرد مستمع فقط , أتجاوب دون معايير النقد الموسيقى لأنني غير ملم بها مثلك ..
وفي إنتظار نقدك المفصل لتعم الفائدة ..
______________________________
أنا بالمناسبة عاوز أسمع الأغنية الكردفانية دي كاملة لأنها هي أكثر ما دغدغ إحساسي
بهذه المجموعة , ونانسي لما تهبش حاجة بتظبطا بشكل عجيب ..
محبتي ..
| |
|
|
|
|
|
|
|
|
|
Re: موجة نانسي عجاج ..!! (Re: كمال علي الزين)
|
Quote: ويكفيني فقط أن أستمع لصوت نانسي وهي تغني , حتى ولو بدون موسيقى فهي سيدة الغناء في السودان دون منازع ..
______________________________
|
كمال ده كلام شنو يا زول ؟؟
بسسسسسسسسم الله صحيح شقي ومهكووووووووور ...!
والله والله بالغت جنس بلوغ ...!
| |
|
|
|
|
|
|
|
|
|
Re: موجة نانسي عجاج ..!! (Re: عثمان دغيس)
|
Quote: كمال ده كلام شنو يا زول ؟؟
بسسسسسسسسم الله صحيح شقي ومهكووووووووور ...!
والله والله بالغت جنس بلوغ ...! |
أنا طوالي ببالغ ..
ورينا أنتا رايك شنو يا أبوعفان وسمعتا الكاست ولا لسا؟
| |
|
|
|
|
|
|
|
|
|
Re: موجة نانسي عجاج ..!! (Re: كمال علي الزين)
|
سلام يا كيمو
ننضم نضمنا والا نسكت!؟
غايتو السمع سمعناهو لكن
النضم كتيييييير
وناذر ده رغم وجاهة رؤيتو في تسجيل اعذريني بتاع سيف
لكن مقارنة بالتسجيل بتاع موجة بيكون ظلم سيف.
اها كيف معاك الكلام ده نتمو؟
| |
|
|
|
|
|
|
|
|
|
Re: موجة نانسي عجاج ..!! (Re: سفيان بشير نابرى)
|
سفيان نابري ..
وينك يا صاحب ..
Quote: وناذر ده رغم وجاهة رؤيتو في تسجيل اعذريني بتاع سيف
لكن مقارنة بالتسجيل بتاع موجة بيكون ظلم سيف.
|
سيف الجامعة أستاذ وما فيهو كلام .. ورغم صداقتنا الشديدة إلا إنو دا ما بيمنعني أقول رأيي في أعمالو الفنية البينتجا مهما كان الكلام قاسي وما بينبلع وسيف بيتقبل الاراء دي بي رحابة صدر .. للأسف أنا لحدي هسي ما سنحت لي الفرصة أقابلو عشان أقول ليهو .. ألبوم أعذريني دا ما بيشبهك ولا بيشبهنا نحنا معجبيك ومحبيك ..
أنا عندي إتنين أساتذة ما بفرط فيهم .. يوسف الموصلي وسيف الجامعة .. والإتنين رغم محبتي الشديدة ليهم لكن مرات أمكن الزول بيكون قاسي شوية معاهم أو ممكن تقول صريح لأبعد درجة معاهم ...
سيف الجامعة أدى أغنية (الخلاني أحبك أكتر) لي معتز صباحي عشان يغنيها .. ودي من الأغاني الرسخت في أذهان الناس بصوت سيف .. في واحدة من المنتديات طلبت من سيف يغني الاغنية دي قام قال أنا اي أغنية بديها لي قنان تاني بنساها طوالي !!
طيب نحن ذنبنا شنو ؟؟!!
وبرضو كمان يوسف الموصلي .. أغنية يا مستطاب من اجمل أغنيات ألبوم حبايبنا يقوم كدة بي كل سهولة يديها لي شروق أبو الناس ما عارفو بعد داك نساها ولا لا .. لكن برضو بسأل : أنحن ذنبنا شنو ؟؟!!
تم الكلام يا سفيان لحدي ما كمال يسمع الالبوم ويجينا ..
| |
|
|
|
|
|
|
|
|
|
Re: موجة نانسي عجاج ..!! (Re: ناذر محمد الخليفة)
|
Quote: سيف الجامعة أستاذ وما فيهو كلام .. ورغم صداقتنا الشديدة إلا إنو دا ما بيمنعني أقول رأيي في أعمالو الفنية البينتجا مهما كان الكلام قاسي وما بينبلع وسيف بيتقبل الاراء دي بي رحابة صدر .. للأسف أنا لحدي هسي ما سنحت لي الفرصة أقابلو عشان أقول ليهو .. ألبوم أعذريني دا ما بيشبهك ولا بيشبهنا نحنا معجبيك ومحبيك ..
أنا عندي إتنين أساتذة ما بفرط فيهم .. يوسف الموصلي وسيف الجامعة .. والإتنين رغم محبتي الشديدة ليهم لكن مرات أمكن الزول بيكون قاسي شوية معاهم أو ممكن تقول صريح لأبعد درجة معاهم ...
سيف الجامعة أدى أغنية (الخلاني أحبك أكتر) لي معتز صباحي عشان يغنيها .. ودي من الأغاني الرسخت في أذهان الناس بصوت سيف .. في واحدة من المنتديات طلبت من سيف يغني الاغنية دي قام قال أنا اي أغنية بديها لي قنان تاني بنساها طوالي !! طيب نحن ذنبنا شنو ؟؟!!
وبرضو كمان يوسف الموصلي .. أغنية يا مستطاب من اجمل أغنيات ألبوم حبايبنا يقوم كدة بي كل سهولة يديها لي شروق أبو الناس ما عارفو بعد داك نساها ولا لا .. لكن برضو بسأل : أنحن ذنبنا شنو ؟؟!!
|
أسي عليك الله يا دغيس بالغتا أنا ولا بالغ ناذر ؟
(:
| |
|
|
|
|
|
|
|
|
|
Re: موجة نانسي عجاج ..!! (Re: كمال علي الزين)
|
سلام يا ناذر
وتحية طيبة لك
تمام اتفق معك بأن سيف الجامعة فنان جيد اقدره واحترم طريقته جداً وربما بشكل شخصي اجد نفسى
منجذب للحنه الذي اختص به اغنية (اعذريني) - رغم أن شراكة هذه الاعنية لا تريحني البته - الشراكة
اللحنية والشعرية- فقد بت في الفترة الاخيرة لا ارتاح للكثير من اشعار الحلنقي بسبب تماهيه مع اشخاص
مثل الملحن علي احمد (وهذا موقفي الشخصي و اقوله مكتفياً به ولا اللزم به اخروؤن) واغنية اعذريني قد
سمعتها عند الفنان المتمكن والجميل عادل مسلم وهو ايضاً يغنيها بغاية الامتاع ولكن حينما تسمعها عند
جمال فرفور ربما تفر هارباً .
عودة لسيف واللبومه اغذريني اتفق معك قد جاء مخيب ليً ايضاً واتمنى أن يتدارك سيف الجامعة هذا الامر .
بخصوص الاستاذ الموصلي فأنا ليس في مقام تقييم له أو لسيف أو حتى لنناسي لكن بشكل شخصي أجد نفسي في
اللحان وموسيقي الموصلي بعيداً عن غناه و أتمنى حقاً أن يبتعد عن الغناء ويركز جهده في التلحين والموسيقي .
بخصوص نانسي اجد انك ظلمت سيف الجامعة ويوسف الموصلي حينما تناقش وسط اسميهم أسم نانسي عجاج فنانسي لا زالت
في اول عتبة لها وعليها أن تعلم هذا جيداً و أن تغلق اذنها من كل الذين يسمعوها بأنها وصلت اخر السلم .
تحياتي لك
وتحياتي لصاحبي كمال المطنشني ده .
| |
|
|
|
|
|
|
|
|
|
Re: موجة نانسي عجاج ..!! (Re: سفيان بشير نابرى)
|
| Quote: وتحياتي لصاحبي كمال المطنشني ده . |
والله ياسفيان ماطناش لكن عاوز أجيك برواقة ..
بعدين ياخ سيف الجامعة وعادل مسلم فنانين إنتو معجبين بيهم ..
أقول ليكم شنو تاني ؟
أكيد نحن في واديين مختلفين ..
):
| |
|
|
|
|
|
|
|
|
|
Re: موجة نانسي عجاج ..!! (Re: كمال علي الزين)
|
(*)
بعد أن سمعت الكاسيت كامل ..
غايتو ياناذر وسفيان وقعتو معاي ..
إنتو بتسمعوا كيف؟
ياخي كلامكم ده كلو ماعندو علاقة بالغناء الرائع والموسيقى المعمولة بذوق عالي دي
لكن أعمل ليكم شنو طالما بتحبوا سيف الجامعة وعادل مسلم ماممكن تكونوا بتتذوقوا جنس
الشغل العجيب ده ..
ياخي موسيقى فاهمة وهادية وراقية جداً ..
ونانسي صوتها مشكل مع الأوركسترا آلة إضافية , يعني كأنها مقطوعة موسيقية مافيها
فنان بجعر ذي ماعودونا السودانيين , صوتا شغال مع القروب كأنو آلة من ضمن المجموعة
وأجمل صوت لآلة موسيقية كمان ..
_________________________
ناذر منتظرين جيتك بالتفصيل
وإنتا كمان ياسفيان
لأنو كلامكم عن الشغل ده غريب ومامطابق للشئ السمعتو
كأنكم بتتكلمو عن فنانة تانية وشغل تاني ..
| |
|
|
|
|
|
|
|
|
|
Re: موجة نانسي عجاج ..!! (Re: كمال علي الزين)
|
الاخ كمال والاخوان تحية واحترام
Quote: وبرضو كمان يوسف الموصلي .. أغنية يا مستطاب من اجمل أغنيات ألبوم حبايبنا يقوم كدة بي كل سهولة يديها لي شروق أبو الناس ما عارفو بعد داك نساها ولا لا .. لكن برضو بسأل : أنحن ذنبنا شنو ؟؟!!
|
غايتو دي بالغ فيها الموصلي يعمل السمح ويرميه البحر
غايتو كان لقيته بدندن براه بنط ليه اخلي يغنيها
| |
|
|
|
|
|
|
|
|
|
Re: موجة نانسي عجاج ..!! (Re: عبدالعزيز حسين عبدالرحيم)
|
ودي فرصة الواحد يستأذن المبدعة نانسي والشركة المنتجة
بعد أحترامي نسبة لشفقتي ولهفتي أضطريت أنزل نسخة من السي دي من النت مع الوعد والالتزام بعدم توزيعها والتعهد بشراء نسخة أصلية حال توفرها وارجو المسامحة
نسمع ونجيكم
| |
|
|
|
|
|
|
| |
كمال علي الزين
rani
امير طمبل
omer osman
عاطف عبدون
Abd Alla Elhabib
ناذر محمد الخليفة
نجلاء قرافي
Abdel Aati
سفيان بشير نابرى
فيس بوك
تويتر
انستقرام
يوتيوب
بنتيريست