|
|
 انا داخل المنبر جديد ( اول فشة )
|
يا ناس سودانيز اونلاين
انا داخل اليوم جديد اول فشة بعد التحية لبكري ابوبكر
سلام
للجميع
من ارض البطانة
الطندب
طبعا انا مشاهد لكل المعارك الكلامية وغيرها لذا نتمني حفظ الود واثراء النقاش والحوار
واتمثل بحكمة ابن عطاء الله السكندري
ا ذا التبس عليك أمران فأنظر أثقلهما على النفس فاتبعه , فانه لا يثقل عليها الا ما كان حقا .
|
|
 
|
|
|
|
|
|
|
|
|
Re: انا داخل المنبر جديد ( اول فشة ) (Re: حافظ حسب القوى)
|
سلام
حافظ
ناسف للتاخير
| Quote: إذا صدق ظني، طالماكان الطندب + بن عطاء الله وحكمه نرجوأن تكثر لنا من أخبار وسيرة راع الصيد |
ما في شك نحن من اهل ذاك البلد
وسنحاول ان نمدك بسيرة راعي الصيد ما استطعنا
ولغيرك نمدهم بسيرة الصيد
| |
|
|
|
|
|
|
|
|
|
Re: انا داخل المنبر جديد ( اول فشة ) (Re: abubakr salih)
|
حبابك ملايين
يازول بركة الجيت والمنبر زاد فرحتين
الأولى لناس البطانة
الثانية لقراء وأعضاء المنبر
حتما إضافة حقيقة ونوعية للمنبر شكرا بكري
شكرا ود الطنب
عبركم تحياتي للأصدقاء آل أبو كليوة ناس محمد وعبد الله ، وكذلك للأهل أبناء حوش الخلفية ناس الاستاذ بكري وبناؤه عموم ، وخاص جدا للزملاء الاجلاء محمد حسن البخيت وشقيقه حيدر ...
والباقي بيننا لقدام
الشفيع ابراهيم
| |
|
|
|
|
|
|
|
|
|
Re: انا داخل المنبر جديد ( اول فشة ) (Re: محمد سنى دفع الله)
|
تسلم
محمد السني نحن صغار تشكلت جزء من معارفنا ومدركاتنا عبركم من خلال ما تقومون به من عمل علي المسرح
Quote:
مرحب من تقدم الينا
ومعه حكمة ابن عطاء الله السكندري
نستقبلك ومعنا حكمة ابن عربي والحلاج والسهروردي
الف مرحبا
|
العُزلة مُطمئنة .
إنّها تعطيني مساحة كافية لأقترب ماشئت ، وأبتعد ماشئت .
أن تختار عُزلتك ، لا يعني أن تكُف عن الحضور في قلب العالم ، إنّها في أبسط أشكالها ،
يعني أن تحضُر بإختيارك ، وأن تُباشر حضورك ضمن حدودك الخاصة بحيث لا يسع أحداً أن يسرقُك من ذاتك على غفلة ..
أو يُشكّل وجهك وفق مايُريد ، أو يؤذيك أو يلوي عُتق بوصلتك !
| |
|
|
|
|
|
|
|
|
|
Re: انا داخل المنبر جديد ( اول فشة ) (Re: محمد عبدالله الطندب)
|
امحمد عوج الطندب
نار الهبلة ما بتعدلو
.
.
والجنيات اتقبلوا وضاقوا الحارة وحجازن صقر الجو
.
.
ابشر يا امحمد ود عمي عبدالله
.
.
اختا ناس الموية الساقطة والرغيف والجنيات المتفلهمين
وتعال حاحي معانا
في رواكبنا
وحيشانا
وفي الخلا والصي
.
.
حبابك يا حبيبنا
محمد عبدالله الطندب
.
.
ما عارف لشنو ذكرتني
اللواء اركان حرب
قسم الله عبدالله رصاص
.
.
مرحبا ود البطانة
يا ود المحرب تعال رحب
واضبح الشايل لود البطانة
| |
|
|
|
|
|
|
|
|
|
Re: انا داخل المنبر جديد ( اول فشة ) (Re: عبدالله ود البوش)
|
سلام عبدالله ود البوش
Quote: اختا ناس الموية الساقطة والرغيف والجنيات المتفلهمين
وتعال حاحي معانا
في رواكبنا
وحيشانا
وفي الخلا والصي
|
انت عارف انا اول ما جئت الخرطوم حبوبة وصتني بشنو
ابعد من البحر
والكهرباء
والحكومة
وبنات الخرطوم ما يغشنكم
لكن قدرنا الان نحاحي ونناحي ونهش ونبش والخلاء ياهو ذاتو الخلاء
ولو قام جدنا من مرقده لما استوحش المنظر لان الدروب هي ذات الدروب
والمساكن لم تبارح مكانها منذ وفاة الاولين
| |
|
|
|
|
|
|
|
|
|
Re: انا داخل المنبر جديد ( اول فشة ) (Re: عبداللطيف حسن علي)
|
اخوي ود (الطندب)
حبابك الف ومرحب بيك والبيت بيتك وابقى لا جوه
بس والله عجبتني كلمة (الطندب) السمو بيهو جدك الله اعافيه بالصحة ان كان حيا وبالرحمة والمغفرة ان كان ميتا و(الطندب )من الاشجار الاليفة المحببة الى قلبي منذ ايام طفولتي وانا بن بيئتها واحب ثمرتها الاشهر وهي (الحمبك)!
بس انا ما عارف ناس الخرطوم زمان بشبهوا البنية السمحة ب(الحمبكاية) وهو تشبيه اعتقد انه في محله وواقعي لمن يعرف جمال لون الحمبك وحلاوة طعمه واعتقد ان من اطلقوه على جمال البنت عندنا قصدوا منها استحياء حلاوة وجمال الشفاه او الثغر وليس (الشلوفة او الطرومة او التلوشة ) ولانهم عذريون فقد تجاوزوا هذه الحالة الغرائزية وقد استخدموه بشكل واقعي من بيئتهم بدلا من كلمة (الكرز) وهو ثمرة حمراء لفاكهة مشهورة ولذيذة اشبه بالحمبك عندنا يشبه به بعض العرب الذين يزرع الكرز في بيئاتهم شفة او ثغر الحبيبة به تعبيرا عن جمال لونه وحلاوته واعتقد ان من عاش في بيئة الطندب هو الذي قد اتي بمفردة (الحمبك)الى الخرطوم وقد وهط كلمة (الحمبكة بت الطندب) في قلب عاصمة البلاد لتشبه به جميلات جميلاتها وهو احقاق لحقيقة كون الحمبك فاكهة سودانية برية لذيذة لا يستطعمها الا من عاش في بيئات الطندب وهو شجرة معمرة يبدو لا تموت ابدا وهي الى اليوم تمثل في بيئتنا في شمال النيل الابيض سدا منيعا امام غول التصحر وظلا وريفا برغم صغرها نلوذ اليها وكلابنا في ايام القنيص هاربين اليها من لسعة شمسنا الحارة الحبيبة ونستطعم حمبكها الغني بالسكر وربما فوائد اخرى وهويعطينا حيوية وعافية لنواصل القنيص بهمة عالية وغالبا ما تختبيء الارانب في الطندب وهو افضل ملاذ لها لكثافته ككتلة من خضرة بلا اوراق يصعب علينا وكلابنا الوصول اليها عندما تحتمي بهذا الكائن الاخضر الامين ومن خشب الطندب نصنع ( مجاديعنا او سفاريقنا) التي نستخدمها في صيد الارنب وايضا نصنع من خشبه اسرجة حميرنا
المكادية والحرة وهلم جرا
مودتي
.
| |
|
|
|
|
|
|
|
|
Re: انا داخل المنبر جديد ( اول فشة ) (Re: هشام هباني)
|
Quote:
بس والله عجبتني كلمة (الطندب) السمو بيهو جدك الله اعافيه بالصحة ان كان حيا وبالرحمة والمغفرة ان كان ميتا
. |
العزيز هشام عندما تحدثت عن النيل الابيض
تاكدت انك ابن الامراء والعمد
لك التحية
وبهذه الرمية ابن الامراء والعمد
انا اسم جدي ليس الطندب ولو قريت البوستات لعرفت ان الطندب اسم البلد
وانما جدي عمدة من عمد البطانة وهو العمدة البخيت جبر الله ابوكليوة
اما حديثك عن الطندب لقي عندي الاعجاب ولك
الشكر بهذا الترحيب الكبييير
ولك فائق الاحترام والتقدير
| |
|
|
|
|
|
|
|
|
|
Re: انا داخل المنبر جديد ( اول فشة ) (Re: طارق جبريل)
|
Quote:
من ارض البطانة
الطندب
|
العزيز/ محمد الطندب
مليون مرحبا بك وهلا....
وحبابك ما غريب الدار
كنا زمن نفتش ليك
أها ياخوي/...
تجينا بي عنكوليبك وما تبقى لينا زي المسنوح!!
وكان انت صفوي
كمان بنفرش ليك بساط أحمر..
من الفاضلاب إلى دوحة ود دياب..
هلا بيك
تحياتي
| |
|
|
|
|
|
|
|
|
|
Re: انا داخل المنبر جديد ( اول فشة ) (Re: Abdlaziz Eisa)
|
اخوي عبدالعزيز
تسلم
علي الترحيب
Quote: أها ياخوي/...
تجينا بي عنكوليبك وما تبقى لينا زي المسنوح!!
وكان انت صفوي
كمان بنفرش ليك بساط أحمر..
من الفاضلاب إلى دوحة ود دياب..
العنكوليب زمنو لسه
لكن اديك من عنكوليب الحديث
للحاردلو
قدمت من هنا وبي أضانا سمعت كرَّة
فوق كرتوت شخيتيراً تِخَيِّن خرَّ
قلاتو الوهاط بي لشغة قبل ام حرَّة
يا باسط النعم تسقيها في ها المرَّة
والقدال قال
اماتي القبيل بحنهن لجني
كرفة وقدلة كيف شوق البن رجن
حزنا جاني في ميع الصبا يلجني
اطلع مني يا جلدي المنمل جني
اطلع مني يا حزنا بقي مكجني
ولمن عنكوليب السكر موسمو يخش عليك لي اجيبلك لوري
| |
|
|
|
|
|
|
|
|
|
Re: انا داخل المنبر جديد ( اول فشة ) (Re: علي الكرار هاشم)
|
تسلم
علي الكرار هاشم
| Quote: تشرح الكلمة بمعناها ( الشجري) |
الطندب شجرة ثمارها الحمبك
ولكننا لم نراها للزحف الصحراوي
| Quote: ممكن يكون مكان زي المنشيه وحي الزهور |
فنحن من وطن ( صغير ) عرف بين الوري وليس من باب كل فتاة بابيها معجبة
فبلدي هو الطندب البطانة والحمد لله
وربنا
ينعم علي ناس
المنشية وحي الزهور بوفرة الماء بعيدا عن الجمرة الخبيثة
ولك خالص المودة
| |
|
|
|
|
|
|
|
|
|
Re: انا داخل المنبر جديد ( اول فشة ) (Re: عادل فضل المولى)
|
عادل فضل المولي تسلم
Quote: مرحب بيك يا محمد
وانت تفش دخولك بإحدى الحكم الرائعة
وكما قال ابن عطاء الله
من اشرقت بدايته ..اشرقت نهايته
فإن بدايتك مشرقة وعسى ان يكون كذلك وجودك في هذا الوطن الاسفيري
اقامة طيبة |
اتمني ان يكون الوطن الاسفيري حقيقيا
ولا اتمني ان اشارك اناس خلف نيمس كود ولاوجود لهم في الحقيقة
لان الحوار ليس الغرض منه منتصر ومهزوم
بقدر ما هو توضيح وابانة وازالة سوء فهم
ولك مودتي
| |
|
|
|
|
|
|
|
|
|
Re: انا داخل المنبر جديد ( اول فشة ) (Re: امير طمبل)
|
ناسف للتاخير في الرد عليك
Quote:
حبابك الف ...نورت البورد يا حبيب
ابعد من المظللة بالاحمر دي و القشة ما تعتر ليك
موفق يا صديقي |
امير طمبل لك الود والتقدير
نحن من البطانة
شرق الله البارد
لا سجنا يعارض
لا حكومة تطارد
| |
|
|
|
|
|
|
|
|
|
Re: انا داخل المنبر جديد ( اول فشة ) (Re: haroon diyab)
|
Quote: العنكوليب زمنو لسه
لكن اديك من عنكوليب الحديث
للحاردلو
قدمت من هنا وبي أضانا سمعت كرَّة
فوق كرتوت شخيتيراً تِخَيِّن خرَّ
قلاتو الوهاط بي لشغة قبل ام حرَّة
يا باسط النعم تسقيها في ها المرَّة
والقدال قال
اماتي القبيل بحنهن لجني
كرفة وقدلة كيف شوق البن رجن
حزنا جاني في ميع الصبا يلجني
اطلع مني يا جلدي المنمل جني
اطلع مني يا حزنا بقي مكجني
ولمن عنكوليب السكر موسمو يخش عليك لي اجيبلك لوري |
الاخ العزيز/ الطندب
سلام
شكرا للابيات الجميلة,,
هسيتها دوبيتا يشق صمت الخلا ويندس في مواعين الحبيب ويعوم..
ياخوي شيخنا المسنوح عنكوليبي على الدوام قدام..
ما عندو موسم ولا غياب ولا بدل..
بس خليهو يتم عرس البنة ويجيك..
هلا بيك
تحياتي
| |
|
|
|
|
|
|
|
|
|
Re: انا داخل المنبر جديد ( اول فشة ) (Re: Abdlaziz Eisa)
|
Quote:
ياخوي شيخنا المسنوح عنكوليبي على الدوام قدام..
ما عندو موسم ولا غياب ولا بدل..
بس خليهو يتم عرس البنة ويجيك. |
لا كان كدا شوقتنا
وتسلم علي التواصل اليوماتي
وكمان هاك تاني
البارح حديث الناس بدورو فرقنا كل مرق كضب عقبان صفينا ورقنا
الدقسه أمشلوخا ستة مالكة عشقنا تتمايح متل قصبة مدالق الحقنة
| |
|
|
|
|
|
|
|
|
|
Re: انا داخل المنبر جديد ( اول فشة ) (Re: عبداللطيف حسن علي)
|
العزيز عبد اللطيف
Quote:
ما من عاداتي ارحب بالجدد
لكن عجبتني منطقة البطانة
المشهورة بالشعر والدوبيت
والغريب مداخلتي كانت مدبلة(مرتين)
|
انت عشان المشاركة مدبلة
ما حسمت امري عشان ارد علياي منهما
ولكن قولك ما من عادتك ترحب البرالمة
لم تجد عندي ارتياح لاننا نحن معشر اهل البطانة تحديدا ناس ضيف الهجعة وبنرحب بالجدد
بس كنت بفتش لمقولة قالها مونتيسكيو عند الديمقراطية وما لقيتها تحديدا لكن معناها ان الديمقراطية لم تتحقق ولن تتحقق
وان اردت بهذا القول ان تصنفني فلكان تصنف مونتيسكيو (الديمقراطي الكبيييير )
الباشا عبد اللطيف
الذي اضر ببلادنا التصنيف والتصنيف المضاد
وفي رواية التنصفيف
وانا لا اخاف من احد ولا اخاف ان اطرح راي بكل شجاعة وعندها عليك ان تقرا اول ما كتبته
ولك المودة والاحترام ولك العتبي
؟؟؟؟؟؟
| |
|
|
|
|
|
|
|
|
|
Re: انا داخل المنبر جديد ( اول فشة ) (Re: فيصل محمد خليل)
|
Quote: جيت من الصعيد لقيت جدادتي بتكاكي
و من حبل العنقريب اندلدلت .........
الباقي تمو انت باااااااااا
وشوف بكري حيسوي ليك شنو !!!!
مرحباً بك على متن السفينة ] |
فيصل تسلم
عندما كنت في محاضرة في كلية الاداب جامعة الخرطوم عن الادب السياسي في عهد المهدية قال الحاردلو في هجاء عامل الخليفة عبدالله في منطقتنا البطانة
كان للمهدي داك جنايا قدل فوق عزة
حت ود البصير بدور اسينا في .... وزة ولك تعرف ان هذا ليس بفخ ولكن ......
طبعا لمن يا فيصل محمد خليل الحاردلو من ارض البطانة يشكر المهدي الدنقلاوي هذا شرف كبيييييييير ( طبعا محمد خليل فيها الجرس النوبي )
لكن نبذ عامل الخليفة ود البصير
ولك فائق الشكر
ولا ارجو الا يكون تشبيهك للمنبر كالسفينة لان السفن نهايتها الانهيار تحت الماء وما تايتنك ببعيدة
تسلم انت وبكري وكل المنبريين
| |
|
|
|
|
|
|
|
|
|
Re: انا داخل المنبر جديد ( اول فشة ) (Re: الرفاعي عبدالعاطي حجر)
|
اخوي الرفاعي
Quote: انت بتبيع تياب
يا اول فشة عموما مرحب بيك
وحقيقي اعجبتني العبارة اول فشة دي . |
انا الطندب
اريد ان اقدم المسالك التي تحمل اليكم سلوكي
ونسبح معكم بحمد الله في البحر الذي عبرناه حتي تشاهد ما شاهدناه وتتحقق ببصيرة نفسك كل ما تحققناه
اخوي الرفاعي البحر الغريق بنعام
والهوائل لا تخيف الكافة
والزول ان وقع لابد من يقوم
ويبقي بيننا التواصل
____________ الطندب
| |
|
|
|
|
|
|
|
|
|
Re: انا داخل المنبر جديد ( اول فشة ) (Re: عبداللطيف حسن علي)
|
Quote: شنو الماعاجبك يابرلوم ، شكرا ساي مافي
يظهر البروفايل ماعجبك وبكدة تكون صنفت نفسك
بدري |
يا وكد
انت لديك درجة عالية من العداء
كيف لك ان تصف شخص ليس بينك وبينه سابق معرفة وتقول له يا وكد
فيبدو انك ممتلئ بالغبائن والحقد
ولا الومك بل عليك ان تكن ما تؤمن به
ولك ان تختار ما يعجبك ويلائمك من الاصدقاء
فانا لا اصادق ضيق افق ولا كثير ذم
فاتمثل القول
الزين ما بفسل والفسل ما بزين والزول الرخيص ما بنفعه التحسين
الدخل البطن ما بتقطعو السكين ...............................
............................. الطندب
| |
|
|
|
|
|
|
|
|
|
Re: انا داخل المنبر جديد ( اول فشة ) (Re: نجلاء سيد أحمد)
|
نجلا سيد احمد
Quote: قلت لايفوتنى مشاركتك فى اول فشة
مع تمنياتى لك بعطاء يشبه كرم اهلنا فى ارض البطانة
|
الكرم انتم اهله
ولاتعوذك حكمة
الكنداكة
لتعرفي كما اهلك واهلنا كرماء لدرجات
تسلمي نجلاء ومزيدا من الترابط والتداخل
| |
|
|
|
|
|
|
|
|
|
Re: انا داخل المنبر جديد ( اول فشة ) (Re: الشاذلي عجب)
|
تسلم الشاذلي
ولكني لم افهم هذا التوجيه جيدا
| Quote: بس قلل من الحكم دي شوية ، بعدين اي بوست جاي واللا جاي حكايتك بتشرب |
ما معني ان اقلل وقصة الشراب دي صعبة علي افهما وانا برلوم
لكن ممكن تقول لي وانا
شاكر لك هذا الشعور الطيب
اما قولك
( ناس المنبر ديل ما بنسو حاجة بالساهلة)
والله لم افهم قصدك بالضبط
وفي الختام شكرا لك ولك فائق الود والتقدير
| |
|
|
|
|
|
|
|
|
|
Re: انا داخل المنبر جديد ( اول فشة ) (Re: الشاذلي عجب)
|
بعد التجوال
وسط المنبر العام
اكتشفت ان الناس قاعدة تتصارع وتتصارع
لكن يجب ان نستبدل
التصارح بدل التصارع
لان الحقيقة والمصارحة
قادت جنوب افريقيا
الي بر الامان
لذا انا ادعو المنبريين الي الحقيقة والمصارحة وليس الصراع
هذا ان فهمت شكل العلاقات بين اعضاء المنبر
| |
|
|
|
|
|
|
|
|
|
Re: انا داخل المنبر جديد ( اول فشة ) (Re: محمد عبدالله الطندب)
|
اهلاً باهل البطانه وناس القنيص والمسادير
كنت داايما بخلط بين الطندب والانضراب والحميض والزونيا
ياربى تكون مسميات لشجره واحده تختلف من منطقه لمنطقه
نرحب بك الان ومع الايام نتعرف عليك اكتر
ذاكره المنبر لا تنسى دى كلمه مأثوره وحقيقه
والقال ليك حكايتك بتشرب زول نصيحه ساى وحكيم زمانه
المنبر بدور النفس الطويل
| |
|
|
|
|
|
|
|
|
|
Re: انا داخل المنبر جديد ( اول فشة ) (Re: محمد زكريا)
|
محمد زكريا
تسلم
Quote: اهلاً باهل البطانه وناس القنيص والمسادير
كنت داايما بخلط بين الطندب والانضراب والحميض والزونيا
ياربى تكون مسميات لشجره واحده تختلف من منطقه لمنطقه
نرحب بك الان ومع الايام نتعرف عليك اكتر
ذاكره المنبر لا تنسى دى كلمه مأثوره وحقيقه
والقال ليك حكايتك بتشرب زول نصيحه ساى وحكيم زمانه
المنبر بدور النفس الطويل |
البطانة القنيص الفيها اصبح ارانب وحبر وشوية طيور
اما كمية الاشجار الزكرتها دي ما عرفت فيها غير الزونيا
وافتكر الحميض دا نبات زاحف زي البطيخ والحنضل
لكن برضو قد تختلف المسميات لبعض الاسماء ولكن الاكثر شهرة تظل معلومة للجميع
اما النفس الطويل فوصيتك علي العين والرأس
| |
|
|
|
|
|
|
|
|
|
Re: انا داخل المنبر جديد ( اول فشة ) (Re: محمد عثمان ابراهيم)
|
Quote: البارح حديث الناس بدورو فرقنا كل مرق كضب عقبان صفينا ورقنا
الدقسه أمشلوخا ستة مالكة عشقنا تتمايح متل قصبة مدالق الحقنة |
الاخ/ محمد الطندب
سلام
أها كدا جيت نازل الغريق..
الدقسة: بمعناها الرندوكي ده؟
تتمتايح:..؟
مدلاق:...؟
الا تعمل كي نوت وقاموس عون الشريف والطيب محمد الطيب بمعيتك...
تحياتي
| |
|
|
|
|
|
|
|
|
|
Re: انا داخل المنبر جديد ( اول فشة ) (Re: Abdlaziz Eisa)
|
Quote: أها كدا جيت نازل الغريق..
الدقسة: بمعناها الرندوكي ده؟
تتمتايح:..؟
مدلاق:...؟ |
الباشا
طبعا الحاردلو هنا عاوز يتحدث عن الليونة عند الموصوف
ودا ابتكار في التشبيه غير عادة ما هو سائد ......
فكلمة تتمايح مثل قصبة مدالق الحقنة .....
لو اتيح للواحد يكون مزارع يوما ما لعرف ما قصبة مدالق الحقنة
لكن هاك دي كمان ..........
المولي الكريم البجمال خصاها شقريب الملايين شوفوا كيف رصاها
سلطان الغرام بالتيه علي عصاها شمبانيها ريشة قلبي تب قصاها
لك الود
| |
|
|
|
|
|
|
|
|
|
Re: انا داخل المنبر جديد ( اول فشة ) (Re: عبدالعزيز الفاضلابى)
|
الفاضلابي
تعبير ود الخال اثلج صدري
لان الخال من قد خلا لك جيبه والعم من بالخير لك عم
معناها علي طول نحن في مدافرة معااااك
Quote: المنبر ده عاوز ليهو زول يشيل فوق الدَبَرْ
لأن الثقالات بالكيمان ,, |
والله انا كل يوم بسمع كلام عن المنبر لكن لماذا الثقالات والتفاهات
هل هذا هو اتوكيت سوداني منبري ام ان الناس اصابتها الاندراوة
| |
|
|
|
|
|
|
|
|
| |
osman righeem
Mohammed Taha
abubakr salih
)
الفاتح علي التوم
المسافر
محمد سنى دفع الله
عبدالله ود البوش
عماد حسين
Hisham Ibrahim
عبدالرحيم أبراهيم العبيد
مدثر صديق
طلحة عبدالله
عبداللطيف حسن علي
هشام هباني
طارق جبريل
Abdlaziz Eisa
ابوبكر قسومة
علي الكرار هاشم
عماد الدين عبدالله
عادل فضل المولى
امير طمبل
أبو الحسين
haroon diyab
محمد عبد الماجد الصايم
الصادق خليفة
فيصل محمد خليل
الرفاعي عبدالعاطي حجر
ismeil abbas
نجلاء سيد أحمد
مهيرة
ابراهيم سائحون
محمد زكريا
عبدالعزيز الفاضلابى
عماد الشبلي
إبراهيم عبد الحليم
محمد عثمان ابراهيم
خالد العبيد
هيثم التوم
فيس بوك
تويتر
انستقرام
يوتيوب
بنتيريست