الى أصحاب القلوب العامره بالخير...الشاعر الكبير محجوب سراج يطرق بابكم هل من مجيب????

في دعم حملة علاج دكتور الباقر العفيف:- قليل من كثر خير من كثير من قلة
نداء أنساني بخصوص الدكتور الباقر العفيف
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 21-11-2018, 02:37 PM الصفحة الرئيسية

مكتبة هبة مصطفى(bint_alahfad)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
19-04-2006, 09:12 AM

bint_alahfad
<abint_alahfad
تاريخ التسجيل: 04-02-2002
مجموع المشاركات: 3522

للتواصل معنا

FaceBook
تويتر Twitter
YouTube


الى أصحاب القلوب العامره بالخير...الشاعر الكبير محجوب سراج يطرق بابكم هل من مجيب????




    السلام عليكم ورحمة الله وبركاته

    الاخوه والاخوات الافاضل

    منذ عده ايام وجدت اعلانا فى احد المحلات السودانيه فى لندن, لفت نظرى هذا الاعلان وحزنت جدا لمحتواه, لأنسان تواجهه كل هذه الظروف ولا يجد من يمد له يد العون, لست من متابعى اعمال الفنايين ولا الشعراء لكن الحاله الانسانيه هى التى هزتنى فطلبت من المسؤل عن وضع الاعلان اعطائى نسخه منه حتى انشرها فى سودانيز اونلاين وحتى يتسنى للاعضاء والقراء مد يد العون لهذا الشاعر الكبير الزى انهكه المرض وقله الحيله

    بالتأكيد هناك معجبين كثيرين لهذا الشاعر الكبير وحتى من لم يقرأ له فستهزه كلماته وظروفه التى يعانى منها وانا متأكده ان هناك الكثير من اصحاب البر والاحسان من داخل البورد وخارجه لن يوانو فى مد يد العون والله
    لن يضيع اجر من احسن عملا

    جزا الله خيرا من وضع هذا الاعلان ومن تابعه ولم يتوانى عن بزل الجهد والوقت لهذا الشاعر الكبير وجزا الله خير كل من قدم وسيقدم يد العون والمساعده وبارك الله فيكم

    --------------------------------------------------------





    بالاطلاع لعدد الامس من جريدة الصحافة ... وجدت هذا الخبر المؤلم عن معاناة الشاعر الكبير / محجوب سراج
    وكم هى تصيب الانسان بالاشمئزاز تلك الاخبار ... بلد ينهب من كل الجهات والمبدعون لا يجدون ابسط يد العون ..
    ونسة حزينة
    مع زول رقيق جدا
    الرئيس كان ما مشغول بجيني ..
    الشاعر الغنائى محجوب سراج :
    عميان وعندي ثلاثة اولاد متخلفين عقليا
    اما قبل :
    عربة الصديق وليد محمد خالد ما قصرت معنا ... فقد تبرع بها لتوصيلنا لهذا المشوار الذي شاركنا فيه الصديق الفنان غدير ميرغني لحبه الشديد لهذا الشاعر الرقيق .. اذن فقد نجحنا في الوصول الى منزل الشاعر محجوب سراج ... نحن الآن في وسط الحارة (1 بالثورة .. فسحة الجامع الكبير .. شاب سألناه : وين بيت محجوب سراج ؟
    اجابنا متسائلا : الشاعر ؟ .. جاري .. يلاكم اوصلكم انا الخير .. وذهبنا حتي وصلنا الى بيت من الجالوص طرقنا الباب.
    صوت من الداخل .. منو ؟
    الخير : انا الخير يا خالة نعمات ..
    حوش واسع عليه ثلاثة سراير حديد بلا مراتب .. الغرف مظلمة .. الا من لمبة واحدة في الحوش .. شابة لم تأبه لنا .. تقدمتنا خالة نعمات زوجة محجوب سراج حتي وصلنا الى سرير محجوب واقف مد يده في اتجاه غير اتجاهنا همس لنا الخير : اصلو عميان .. في اقصي الحوش سرير آخر عليه شاب نائم ذهلت .. هل صحيح هو محجوب سراج الذي نقصده ام هو شخص آخر يحمل ذات الاسم .. قطع هذه التساؤلات صوته العميق :
    مرحب حبابكم .. شرفتونا .. زمن ما جوني ناس زيارة ..ثم عرفناه بأنفسنا ..
    خليفة من الصحافة ..
    قاده الخير لندخل الى غرفته .. سريرين ودولاب من الفورمايكا ابوابه بلا مفاتيح .. تربيزة متوسطة واخري صغيرة .. لحظات صمت يكسرها هو بتكرار ترحابه بنا ولعله شعر بحرج موقفنا .. ثم بدأت عملي معه .
    * استاذنا محجوب جينا نسمع رحلتك الجميلة مع الشعر والفن ؟
    < والله انا طبعا اتخرجت من الثانوي قبل حوالي خمسين سنة .
    * انت من مواليد ام درمان ؟
    < ايوه ياخي مواليد ام درمان حي العرب.
    * اتولدت سنة كم ؟
    < اتولدت سنة 1938م وقريت في ام درمان لغاية الثانوي اتخرجت من المؤتمر الثانوية سنة 1957م .. بعدها طوالي مشيت ابحث عن شغل وصادف اني اشتغلت في الكهرباء والمياه سنة 1958م في المصلحة اتعرفت فيها بالفنان السني الضوي ..
    * كنت بتكتب شعر وقتها ؟
    < كنت بكتب شعر فصيح ما شعر غنائى ونشاطي كان في الجمعيات الادبية في المؤتمر الثانوية.
    * ................؟
    < انا والسني في نفس الوقت داك اشتغلنا في مجلة الصراحة وبقينا نقدم فيها اعمالا فنية .. والسني كان بعزف وابتدأ يلحن لي من اشعاري ..
    * هو اول من لحن ليك ؟
    < لا اول زول لحن لي هو صالح سعد فنان قديم ربنا يرحمه وده كان في بداية الستينات.
    * بتتذكر الاغنية ؟
    < في القطار انا قلبي طار يوم حبيبي ودعتو .. مسجلة في الاذاعة بي صوتو.
    * السني بدأ معاك شنو ؟
    < انا كنت بكتب شعر ما للفنانين لكن هواية عندي السني بدأ بتصفح الاعمال البكتبها لقي فيها جانب غنائى وهو كان يعزف على العود قال لي انا حألحن الحاجات دي وفعلا ابتدأ من اوائل الستينات يلحنها ويديها للفنانين .
    * وبديتو مع منو من الفنانين ؟
    < أدينا ابراهيم عوض ليه بتسأل عني تاني واغنية مين قساك مين قسى قلبك .. والاغنية الثالثة قصدني ما مخليني راخصني ما مغليني يا قلبي يا معذبني .. بعدين ادينا صلاح بن البادية اغنية الجرح الابيض ودي لقت رواج كويس.
    * مستحضر كلماتها ؟
    < دقيقة اتذكرها ليك (بعد لحظات) لو نعيم الدنيا عندك احرميني لو جحيم الآخره ملكك عذبيني يا ضناي ياوهج اشواقي الحبيسة جرح اصبح ما بسيل لو تجرحيني .. وصلاح ده برضو غنا لينا اول حب وآخر حب حبك نار وكله ودار منه بقول انا آه يا رب ..
    * لكــن انت مرتبط كثير بي الفنان صلاح مصطفي ؟
    < اتعرفت بي صلاح مصطفي وهو كان يادوب ناشئ سجل اغنية للاذاعة ويعزف في البيت وبلحن يحاول يخلق من نفسو فنان اديتو عددا من الاغاني ولحنها وقدمها للناس.
    * حبة شوق ؟
    < ايوه اغنية حبة شوق واغنية الماضي والحاضر البقول فيها :
    انت لو فكرت تتذكر غرامك وتبكي ماضيك البعيد
    برضي زيك كنت عاشق وكانت ايام عمري عيد
    يا سلام ..
    وغنا لي ما بغيرني صدودك عني ما بحولني غرورك يوم
    سيب نيران الشوق تحرقني واملأ ليلي عليا هموم
    غناها لي صلاح مصطفي هي احسن اوادعك وتودعني مادام حبك بيضيعني
    * عثمان حسين ما اديتو حاجة ؟
    < تصادف مرة لاقيتو في الاذاعة قال لي انا عملت لحن جميل لي كلمات عوض احمد خليفة لكن اللجنة ما اجازت الكلام دايرك لو بتقدر تعمل لي كلمات لي اللحن ده وسمعني.
    اللحن كان جميل وعجبني
    وكتبت ليه كلمات ؟
    < ايوة عملت ليه :
    احبك احبك الي ما لا نهاية
    واغنيك حنين وشوقي وهوايا
    لانك حبيبي وغاية رجايا
    * وتاني اديتو شنو ؟
    < لا غير دي ما غنا لي شئ لكن ثنائى العاصمة غنوا لي من زمن ما كانوا ثلاثة كان معاهم الحويج الله يرحمه اتوفي وهسة برضو ابودية اتوفي ربنا يرحمه.
    غنوا لي عددا من الاغاني ذي حيرت قلبي معاك خليتو بيك مشغول
    يا احلي من ضماك ما بصح عذابو يطول
    وتاني اغنية : يا حبيبي وانت غايب قلبي وراني العجائب ، مره شاكي ومره باكي وعمري ماحسيتو طايب.
    وبرضو اغنية : مهما تصدي عني ومهما زعلتي مني
    برضي بحبك يا حياتي
    * ده كلام عملتو في الستينات ؟
    < لغاية الثمانينات بتلقي فيه جزء.
    * الاغنية القدمتك للناس ولفتت الانتباه لشاعر اسمو محجوب سراج ؟
    < أغنية اول حب وآخر حب لصلاح ابن البادية .
    * واجمل اغنياتك في حسابك انت ؟
    < اغاني كلها مقربة لي نفسي ومحبوبة ولكن في حاجات استغرقت وقتا في كتابتها ذي الجرح الابيض لصلاح ابن البادية .
    * لسة بتكتب شعر ؟
    < لا وقفت من ما اتأثروا عيوني ديل .
    * طيب خلينا نتكلم عن حالتك الصحية .. انت مالك عندك شنو ؟
    < مشكلتي عيوني .. قبل ستة سبعة سنين عميت عديل .. وده خلاني ما اكتب شعر واقعد في البيت ما اشتغل وما عندي دخل ولا امكانيات وغايتو.
    * والاسرة كبيرة ؟
    < الحمد لله ثلاثة اولاد وتلاتة بنات واحدة منهن اتوفت الله يرحمها .. والباقي بتين وثلاثة اولاد .. منهم ولدين وبت عندهم قصور في النمو العقلي وبت واحدة اتزوجت وبقي معانا الصادق بس هو البعولنا مع المعاش بتاعي.
    * نحن مشينا فتشناك في حي العرب ؟
    < انا اصلا كنت ساكن في حي العرب في بيت ورثة كانت فيه 60 متر حقتي وهبتها لي خالتي بعتها بعد ما طلعت لي قطعة ارض في الحارة دي بنيتها جالوص بي ثمن الـ 60 متر في حي العرب.
    * قبيل قلت لينا مافي زول يزورك ؟
    < ايوه ..
    * الزملاء الشعراء واتحادكم والفنانين والمسؤولين ؟
    < ولا واحد منهم جاني لا شعراء لا فنانين لا مسؤولين .
    * قاعد تلومهم ؟
    < والله ما بلومهم ظروفهم امكن تكون صعبة.
    تدخل هنا خالة نعمات تحمل زجاجات البارد وجاءت منفعلة كأنها كانت تنتظر هذا القدوم لتفضفض : كدي يا ولدي هسة انتو براكم شفتو الحال .. ونحنا بنثق في عيونكم ده حالة شاعر اسمو محجوب سراج ؟ راقد عميان مافي زول جايب خبرو .. والله كنا متعشمين في الحكومة .. اولادو مجدعين في السراير دايرين العلاج .. . معاشو كله .. 100 الف بس الولد الوحيد الشغال الصادق سائق ليه ركشة ما حقتو .. البجيبها كلها بنتعشى بيها .. وعمك ده سقناه مستشفي بر الوالدين كشفوا عليه وديناه المغربي كشفوا عليه وقالوا بتعالج وبشوف بس العملية دايرة قروش لكن يا للاسف ..
    * انتبهنا فاذا الشاعر محجوب سراج يبكي ؟
    ـ كدي يا خالة نعمات مشكلة العيون ليه ما تابعتوها ؟
    < يا ولدي انا مشيت اى حتة الثقافة والفنون وناس الشعراء في واحد منهم جا لقي اولادي واقعين مع المرض اداني عشرة الف جنيه كتر خيرو.
    * تقرير العيون شنو؟
    < عندو ضغط في العين بعدين ناس المغربي قالوا دايره عملية بتاعة الضغط وقالوا ممكن يعملوا قرنية للعين الثانية لكن العملية دايرة قروش وايدنا ما واصلة خشمنا يا ولدي.
    * البعولكم الصادق ؟
    < ايوه ومرات انا بسوي شباشب ابيعها لكن مافي سوق ومرات كمان ناس يجيبوا لي جلابية جلابيتين رجالية اعمل ليها عمود والقي لي فيها قرشين تراها تساعد.
    * ...............؟
    < ناس المصنفات كانوا بدونا 75 الف في الشهر لكن بعد ما اتغير علي الماحي جابو مدير مالي جديد بدلوا واظنها موظفة قاموا وقفوها مننا كانت الـ 75 الف بتجيب لي دقيق وزيت وكده يعني بتساعدني والله لكن الحمد لله وقفت هسة كلو كلو .
    * اردنا ان نغير دفة الحديثة لان الاستاذ مازال يبكي ؟
    < ليه ما عملت ديوان ؟
    < والله يا ابني جمعتها كلها في دفاتر وفلسكاب ووديتها للاخ الصديق التجاني الحاج موسي كان الوقت داك في الهيئة القومية للثقافة والفنون لكن بعد فترة قالوا الاشعار دي ضاعت وخلاص اتعوضنا الله فيها.
    * كتبت شنو في الخالة نعمات ؟
    < كتبت ليها : ذي عينيا وغالية عليا دي العاجباني مشاعر حية.
    * ضحكت الخالة ومسحت دمعتها ؟
    < قلت لها : اهو مسجلة انت في وجدان الناس.
    < قالت : والله يا ولدي امنيتي هو يفتح بس .. لكن اقول ليك حاجة سر غايتو البتعرس ليها شاعر حتجن كلمهن كلهن.
    (وضحكنا كلنا).
    * يعني هسة مافي شعر يا استاذ ؟
    < والله يا ابني بجيني واقعد اردده بس لغاية ما انساه اكتبو كيف ؟ وتعرف ذي الحصلت جفوة غير متعمدة بيني والشعر.
    * ممكن تسجلو علي جهاز تسجيل ؟
    < «يضحك» هو انحنا لا راديو لا تلفزيون تقول لي مسجل.
    * يعني ما قاعد تسمع اذاعة ؟
    < من وين انا ما بتحرك من البيت وهنا ما عندنا راديو او تلفزيون (تتدخل الخالة نعمات) الصادق بكتب شعر.
    * اجزتو انت كشاعر ؟
    < الصادق شاعر جيد ورانيا اختو برضها شاعرة .
    * منو البعجبك من الشعراء ؟
    < حسين بازرعة شاعر مافيه كلام.
    * آخر حاجة بترددها من شعرك شنو ؟
    < جاتني خاطرة قبل فترة بقول فيها :
    اتمني اسعد في الحياة اصلو الشقا في الناس وهم
    اصوات تقول لي عيش هواك واصوات تجرعني الألم
    غردت بي حب الحياة اصدق غنا واجمل نغم
    وسبحت ضد الموج سنين انا في الوجود قبل العدم
    موج المظالم والعذاب لاقاني ذي طير الرخم
    احمل احباي وعناى فوق الجبال اعلى القمم
    * رسالة للرئىس والمسؤولين ؟
    < ياخي الجماعة ديل مشغولين خلاص .. لكن بس نقول لهم كان مافيها ازعاج اتوصوا بيننا خير والله لو انا الليلة ما محتاج لي الالف جنيه ما بكلفهم.
    اما بعد :
    هذه تراجيديا سودانية ... بطلها شاعر رقيق سكن في وجداننا وهذا ذاته الذي يديننا ويجرمنا ويحق لمن هو بلا هذا الجرم ـ جرم صمتنا عنه ـ ان يرمينا بحجر قاتل .. او يدفعنا للوقوف امام المحكمة كلنا .. سادة وشعب.
    *** سيدي الرئىس : لم يحدثونك عنه ولو فعلوا لكان هو اول باب تطرقه في برنامجكم بين الراعي والرعية ولكنه مازال رعيتكم ومازلتم سيدي الرئىس الراعي له ولأمثاله .. سادتي وزراء الثقافة الاتحادية والولائىة عشمنا فيكم كبير .. يا مجتمع .. تحركوا نحو هؤلاء الذين يعطون من دمائهم ويموتون في صمت فقط لاننا لا نسمع صرخاتهم المكتومة.
    سيدي الشاعر الرقيق املنا في الله كبير ان يستجيب لحالتكم من يهمه الامر ومن بيده الامر وحتي يتم ذلك سنواصل في تذكيرهم لعلهم كما قلت مشغولين.
    * اهدي هذا الحوار الحالة للزميل بألوان عثمان شبونة فقد ظل يكتب عن محجوب سراج وهو الذي حرضني بكتاباته تلك للبحث عنه وها انذا افعل ... عزيزي الغاضب الشقيق شبونة نعم لم يسلم الشاعر من النسيان الطويل ولعنة المرض ولؤم الراهن .. ولكن ماعسانا نفعل ..؟؟؟؟؟
    ------------------------------------------------------------------------
    * هل بالامكان عمل شئ من هنا لذلك الشخص النبيل وهو يعانى الامرين ؟؟؟؟
    علينا ان نساهم والا ننتظر الدولة ان تقدم عونا لهؤلا ابدا ... وهذه ليست المرة
    الاولى التى يعلن عن وضع شاعرنا المزرى , لانهم خارج حساباتها ...
    لك الله يا وطن لايقيم فيك الفن والابداع .......................................

    المصدر جريدة الصحافة --عدد الجمعة
    منقول من سودانيات
    -42

    [color=#FF00FF]البورداب الكرام

    هذا هو حال الابداع والمبدعين في وطننا الحبيب ليس لهم سوى الحسرة الضياع
    هي دعوة كريمة لكل من يود ان يعمل عمل خير ويحسن الى شاعرنا الكبير محجوب سراج
    فهو في اشد الحوجة الى ايادينا ويمكننا ان نقدم حتى القليل وسيكون اثره كبيرا في نفوسنا ونفسه وهو الشاعر الانسان
    فالى ذوي القلوب الرحيمة من بورداب وحتى قراء سودانيز اونلاين يمكنكم المساهمة حتى بالقليل
    ولا يضيع الله اجر من احسن عملا
    ساضع تلفوناتي وحساب خاص لكل من يود المساهمة على ان يرسل جميع ما جمع الى الحساب الخاص الى شاعرنا محجوب بالسودان ولكم الثواب من رب العالمين

    07961233729
    07796007382
    وكذلك يمكن وضع اي مساهمة على الحساب التالي"
    Mr. M Mohamed
    Abbey bank
    بنك ابي ناشونال القديم
    Sort code: 09 01 26
    Account no: 36678823


    ------------------------

    للمعلوميه

    هذه الهواتف يملكها المسؤلين والمتابعين لهذا النداء وليس هواتفى الشخصيه

    اى أستفسار يمنكم الاتصال بهذه الهواتف او مراسلتى على ايملى [email protected]

    مع العلم ان المساهمات ترسل مباشره للمسؤل عن جمعها فى الحسابات الموضوعه ولا ترسل اى مساهمات لى بصوره شخصيه


    وجزاكم الله خيرا


    وفى امان الله

    لا اله الا الله
                   |Articles |News |مقالات |بيانات

23-04-2006, 03:33 PM

bint_alahfad
<abint_alahfad
تاريخ التسجيل: 04-02-2002
مجموع المشاركات: 3522

للتواصل معنا

FaceBook
تويتر Twitter
YouTube


Re: الى أصحاب القلوب العامره بالخير...الشاعر الكبير محجوب سراج يطرق بابكم هل من مجيب???? (Re: bint_alahfad)

    هي دعوة كريمة لكل من يود ان يعمل عمل خير ويحسن الى شاعرنا الكبير محجوب سراج
    فهو في اشد الحوجة الى ايادينا ويمكننا ان نقدم حتى القليل وسيكون اثره كبيرا في نفوسنا ونفسه وهو الشاعر الانسان
    فالى ذوي القلوب الرحيمة من بورداب وحتى قراء سودانيز اونلاين يمكنكم المساهمة حتى بالقليل
    ولا يضيع الله اجر من احسن عملا
    لكل من يود المساهمة على ان يرسل جميع ما جمع الى الحساب الخاص الى شاعرنا محجوب بالسودان ولكم الثواب من رب العالمين

    07961233729
    07796007382
    وكذلك يمكن وضع اي مساهمة على الحساب التالي"
    Mr. M Mohamed
    Abbey bank
    بنك ابي ناشونال القديم
    Sort code: 09 01 26
    Account no: 36678823






    وفى امان الله

    لا اله الا الله
                   |Articles |News |مقالات |بيانات

23-04-2006, 04:36 PM

ali elhassan

تاريخ التسجيل: 04-12-2004
مجموع المشاركات: 1386

للتواصل معنا

FaceBook
تويتر Twitter
YouTube


Re: الى أصحاب القلوب العامره بالخير...الشاعر الكبير محجوب سراج يطرق بابكم هل من مجيب???? (Re: bint_alahfad)

    up
                   |Articles |News |مقالات |بيانات

23-04-2006, 04:49 PM

ثابت محمد
<aثابت محمد
تاريخ التسجيل: 17-10-2005
مجموع المشاركات: 2006

للتواصل معنا

FaceBook
تويتر Twitter
YouTube


Re: الى أصحاب القلوب العامره بالخير...الشاعر الكبير محجوب سراج يطرق بابكم هل من مجيب???? (Re: bint_alahfad)
                   |Articles |News |مقالات |بيانات

24-04-2006, 02:27 AM

قرشـــو
<aقرشـــو
تاريخ التسجيل: 05-02-2002
مجموع المشاركات: 11371

للتواصل معنا

FaceBook
تويتر Twitter
YouTube


Re: الى أصحاب القلوب العامره بالخير...الشاعر الكبير محجوب سراج يطرق بابكم هل من مجيب???? (Re: bint_alahfad)



    الابنة العزيزة بنت الأحفاد

    الحمد لله على سلامة العودة

    وجعل الله قلبك مفعما دوما بالرحمة فمن لا يرحم لا يُرحم وبارك الله فيك لاحساسك بما قرأت عن الشاعر وحقيقى قصته تقطع القلب ولذا فقد كنت انزلت بوستين تحث الناس على تقديم العون اضافة الى بوستات الاخ ثابت وهى :
    والله كنا متعشمين في الحكومة ...

    الشعراء يتبهم الفلس ... شعراء وراء خط الفقر ..

    ولو تابعت تلك البوستات فقد تم تقديم بعض المساعدات للشاعر الكبير ولم اتابع بعد ذلك الى اى مدى وصل الأمر ولكنه كان فى تقدم كبير ...


    وقد قام الأحباب فى منتدى عكس الريح كما افادنا الأخ مهاجر زميل البورد بعمل كبير ايضا


    http://drmoiz.com/phpBB2/viewtopic.php?t=15154&postdays...613da2bbdab2f77fda9b

    ترين بنيتى ان الجهود بذلت ونرجو ان تستمر أكثر وأكثر ...

    مع خالص تحياتى وودى
                   |Articles |News |مقالات |بيانات

25-04-2006, 02:09 PM

Ridhaa
<aRidhaa
تاريخ التسجيل: 04-02-2002
مجموع المشاركات: 10057

للتواصل معنا

FaceBook
تويتر Twitter
YouTube


Re: الى أصحاب القلوب العامره بالخير...الشاعر الكبير محجوب سراج يطرق بابكم هل من مجيب???? (Re: bint_alahfad)

    up
                   |Articles |News |مقالات |بيانات

25-04-2006, 06:15 PM

عبدالله وداعه الامين

تاريخ التسجيل: 14-06-2004
مجموع المشاركات: 2072

للتواصل معنا

FaceBook
تويتر Twitter
YouTube


Re: الى أصحاب القلوب العامره بالخير...الشاعر الكبير محجوب سراج يطرق بابكم هل من مجيب???? (Re: Ridhaa)

    الاخت العزيزة بنت الاحفاد

    تحية و ود لكي عزيزتي وشكرا لكي على هذا البوست الانساني الجميل

    وشكرا الى كل الاخوة والاخوات الذين تضامنون مع هذا الجهد الانساني

    فشاعرنا محجوب سراج لازال يعاني ما يعاني من المرض وكفاف العيش

    وبمساهمة الخيرين من ابناء هذا الوطن العزيز يمكن ان ترتسم ابتسامة

    كبرى في وجه هذا الزمان (الشين) وحومة ضنت ان تكفل العيش الكريم الى مبدعيها

    فلك الله محجوب وكل محجوب اخر شرب من نفس الكاس لا لشيئ سوى حبة للناس والوطن

    التلفونات اعلاه ورقم الحساب تخصني انا وقد جمعت بعض المال من المتبرعين

    المحسنين غير الاعضاء في هذا المنبر اضافة الى شخصيتين اخريين من منبرين
    اخريين كذلك وجزاهم الله خير الجزاء

    ازرعوا الخير تحصدوه واحسنو الى عزيز ذل

    شكرا بنت الاحفاد وشكرا الى كل من مرّ من هنا وفي نفسه زفرة امل لفجر قادم

    يكسو وجوه اهل بلادنا الطيبين



    عبدالله
                   |Articles |News |مقالات |بيانات

06-05-2006, 03:46 PM

bint_alahfad
<abint_alahfad
تاريخ التسجيل: 04-02-2002
مجموع المشاركات: 3522

للتواصل معنا

FaceBook
تويتر Twitter
YouTube


Re: الى أصحاب القلوب العامره بالخير...الشاعر الكبير محجوب سراج يطرق بابكم هل من مجيب???? (Re: عبدالله وداعه الامين)

    وفى امان الله

    لا اله الا الله
                   |Articles |News |مقالات |بيانات

06-05-2006, 04:21 PM

ali elhassan

تاريخ التسجيل: 04-12-2004
مجموع المشاركات: 1386

للتواصل معنا

FaceBook
تويتر Twitter
YouTube


Re: الى أصحاب القلوب العامره بالخير...الشاعر الكبير محجوب سراج يطرق بابكم هل من مجيب???? (Re: bint_alahfad)

    up
                   |Articles |News |مقالات |بيانات

07-05-2006, 02:16 AM

خدر
<aخدر
تاريخ التسجيل: 07-02-2005
مجموع المشاركات: 13188

للتواصل معنا

FaceBook
تويتر Twitter
YouTube


Re: الى أصحاب القلوب العامره بالخير...الشاعر الكبير محجوب سراج يطرق بابكم هل من مجيب???? (Re: bint_alahfad)

    شاب سألناه : وين بيت محجوب سراج ؟
    اجابنا متسائلا : الشاعر ؟ .. جاري .. يلاكم اوصلكم انا الخير .. وذهبنا حتي وصلنا الى بيت من الجالوص طرقنا الباب.
    صوت من الداخل .. منو ؟
    الخير : انا الخير يا خالة نعمات ..
    حوش واسع عليه ثلاثة سراير حديد بلا مراتب .. الغرف مظلمة .. الا من لمبة واحدة في الحوش .. شابة لم تأبه لنا .. تقدمتنا خالة نعمات زوجة محجوب سراج حتي وصلنا الى سرير محجوب واقف مد يده في اتجاه غير اتجاهنا همس لنا الخير : اصلو عميان .. في اقصي الحوش سرير آخر عليه شاب نائم ذهلت .. هل صحيح هو محجوب سراج الذي نقصده ام هو شخص آخر يحمل ذات الاسم .. قطع هذه التساؤلات صوته العميق :
    مرحب حبابكم .. شرفتونا .. زمن ما جوني ناس زيارة ..ثم عرفناه بأنفسنا ..
    خليفة من الصحافة ..
    قاده الخير لندخل الى غرفته .. سريرين ودولاب من الفورمايكا ابوابه بلا مفاتيح .. تربيزة متوسطة واخري صغيرة .. لحظات صمت يكسرها هو بتكرار ترحابه بنا ولعله شعر بحرج موقفنا .. ثم بدأت عملي معه .







    * استاذنا محجوب جينا نسمع رحلتك الجميلة مع الشعر والفن ؟
    < والله انا طبعا اتخرجت من الثانوي قبل حوالي خمسين سنة .
    * انت من مواليد ام درمان ؟
    < ايوه ياخي مواليد ام درمان حي العرب.
    * اتولدت سنة كم ؟
    < اتولدت سنة 1938م وقريت في ام درمان لغاية الثانوي اتخرجت من المؤتمر الثانوية سنة 1957م .. بعدها طوالي مشيت ابحث عن شغل وصادف اني اشتغلت في الكهرباء والمياه سنة 1958م في المصلحة اتعرفت فيها بالفنان السني الضوي ..
    * كنت بتكتب شعر وقتها ؟
    < كنت بكتب شعر فصيح ما شعر غنائى ونشاطي كان في الجمعيات الادبية في المؤتمر الثانوية.
    * ................؟
    < انا والسني في نفس الوقت داك اشتغلنا في مجلة الصراحة وبقينا نقدم فيها اعمالا فنية .. والسني كان بعزف وابتدأ يلحن لي من اشعاري ..
    * هو اول من لحن ليك ؟
    < لا اول زول لحن لي هو صالح سعد فنان قديم ربنا يرحمه وده كان في بداية الستينات.
    * بتتذكر الاغنية ؟
    < في القطار انا قلبي طار يوم حبيبي ودعتو .. مسجلة في الاذاعة بي صوتو.
    * السني بدأ معاك شنو ؟
                   |Articles |News |مقالات |بيانات

08-05-2006, 04:48 AM

قرشـــو
<aقرشـــو
تاريخ التسجيل: 05-02-2002
مجموع المشاركات: 11371

للتواصل معنا

FaceBook
تويتر Twitter
YouTube


Re: الى أصحاب القلوب العامره بالخير...الشاعر الكبير محجوب سراج يطرق بابكم هل من مجيب???? (Re: bint_alahfad)




    أدينا ابراهيم عوض ليه بتسأل عني تاني واغنية مين قساك مين قسى قلبك .. والاغنية الثالثة قصدني ما مخليني راخصني ما مغليني يا قلبي يا معذبني ..



    بعدين ادينا صلاح بن البادية اغنية الجرح الابيض ودي لقت رواج كويس.

    لو نعيم الدنيا عندك احرميني
    لو جحيم الآخره ملكك عذبيني
    يا ضناي ياوهج اشواقي الحبيسة
    جرح اصبح ما بسيل لو تجرحيني ..

    وصلاح ده برضو غنا لينا اول حب وآخر حب حبك نار وكله ودار منه بقول انا آه يا رب ..



    اتعرفت بي صلاح مصطفي وهو كان يادوب ناشئ سجل اغنية للاذاعة ويعزف في البيت وبلحن يحاول يخلق من نفسو فنان اديتو عددا من الاغاني ولحنها وقدمها للناس.
    * حبة شوق ؟
    ايوه اغنية حبة شوق واغنية الماضي والحاضر البقول فيها :

    انت لو فكرت تتذكر غرامك وتبكي ماضيك البعيد
    برضي زيك كنت عاشق وكانت ايام عمري عيد

    وغنا لي :
    ما بغيرني صدودك عني
    ما بحولني غرورك يوم
    سيب نيران الشوق تحرقني
    واملأ ليلي عليا هموم

    غناها لي صلاح مصطفي هي

    احسن اوادعك وتودعني
    مادام حبك بيضيعني



    * عثمان حسين ما اديتو حاجة ؟
    ايوة عملت ليه :

    احبك احبك الي ما لا نهاية
    واغنيك حنين وشوقي وهوايا
    لانك حبيبي وغاية رجايا




    ثنائى العاصمة غنوا لي من زمن ما كانوا ثلاثة كان معاهم الحويج الله يرحمه اتوفي وهسة برضو ابودية اتوفي ربنا يرحمه.
    غنوا لي عددا من الاغاني ذي

    حيرت قلبي معاك خليتو بيك مشغول
    يا احلي من ضماك ما بصح عذابو يطول

    وتاني اغنية :
    يا حبيبي وانت غايب
    قلبي وراني العجائب
    مره شاكي ومره باكي
    وعمري ماحسيتو طايب.

    وبرضو اغنية :
    مهما تصدي عني ومهما زعلتي مني
    برضي بحبك يا حياتي
    * ده كلام عملتو في الستينات ؟



    * الاغنية القدمتك للناس ولفتت الانتباه لشاعر اسمو محجوب سراج ؟

    أغنية اول حب وآخر حب لصلاح ابن البادية .
    * واجمل اغنياتك في حسابك انت ؟
    < اغاني كلها مقربة لي نفسي ومحبوبة ولكن في حاجات استغرقت وقتا في كتابتها ذي الجرح الابيض لصلاح ابن البادية .
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de