كتب الكاتب الفاتح جبرا المتوفرة بمعرض الدوحة
|
ناس الامارات صفحتنا وين جنبتنا وين ـ ساعدونا يا جماعة
|
ود اختا لي نجيض خلاس لكن لاول مرة ماشي دبي في الليام الجاية دي خايفو اروح وسط العمارات الطوال ديل . . قال خافس على دبي اجيب بضاعة واجي ابيعا في اللفة انا خايف عليهو اروح في رقبتو دي ونبقى في حاو وهش ود اختي راح ود اختي راح اها استباقا من الروحان طالب منكن تعدلوا ليهو راسو مش قالوا البورداب بتلقاهن في كل مكان وزمان اتو دبي دي وين لابو ظبي سمعت قالو بيتاتن في ترعة بس انا خايف الجنا دا اقوم امش استحم في الترعة دي واغرق علينا ونبقى في حكاية طفح وما طفح غايتو ود اختي دا في ذمتكن يا ناس اللمارات صفحتنا وين جنبتنا وين اجييييييي ملحوظة : ثبت المؤشر على الكلمة الصعبة فقد اتفقنا مع قوقل لترجمة العوضيات بختكن يا الحنكش
|
|
|
|
|
|
|
|
Re: ناس الامارات صفحتنا وين جنبتنا وين ـ ساعدونا يا جماعة (Re: عبدالله ود البوش)
|
جانا في حلتنا ضيف مغترب جاب وصية لاهل لاحد زملائه هناك اتلموا فوقو الناس في زول كان مغترب قديم قام سعلوا شغال وين ؟ وفي باله شغلو القديم دينا في البرحة بالرياض قام الجنا قال ليهو في الرياض زولك انعدل وقال ليهو وين في الرياض ان شاء الله تكون قريب لبرحة الدينات الجنا قال ليهو شغال في سفارات الامارات بالرياض عمك قال ليهو يا سلام عسل علي لبن
| |
|
|
|
|
|
|
Re: ناس الامارات صفحتنا وين جنبتنا وين ـ ساعدونا يا جماعة (Re: عبدالله ود البوش)
|
غايتو النحن عارفنو إنو الجنى خال أها وقس على ذلك
ونقول: غايتوعربي ونجح
فت طقة من العتامنة لي دبي؟ ماشاء الله يازول ها خت الرحمن في قلبك يمين بالله الحبة مابتجيهو ياخي نحن عندنا عرباً لينا كدي يمين مرقوا في الصين المرة اللوله كان قدامن دليل البعدا جدعوا الدليل غااااادي وشقوا الصين وكمبلوا وعرضوا
سلامات ياودالبوش ياعربي ياخي فضحتنا مع ناس البورض ديل يقول علينا شنو هسه بي جنس نضميك ده؟ ده عربي؟ هريوغليفي؟ ده جنسو شنو ده؟ المهم ياعلامات تبارك داك: أول ما النصيبة الأسما اللرشقة دي تنقضي تفتح بوست تأهيلي لينا نحن زاتنا محسوبنكم ديل عشان نقدر نسوق معاك جنس سواقتكم انت والراجل وماطوس ديلك، سامع؟
وكده نكون ماقصرنا مع ود أختك ده برفع البوست بس يجيب لينا معاهو أمبايل ططش
| |
|
|
|
|
|
|
Re: ناس الامارات صفحتنا وين جنبتنا وين ـ ساعدونا يا جماعة (Re: أبوعبيدة محمد الأمين)
|
Quote: فت طقة من العتامنة لي دبي؟ |
يا خوي كان دبي عاجباك ات نحن حرم ما عا########ا وطلاق بالتلاتة دبي ما تسوي عندي تكل من العتامنة يسد رمق الغاشي والماشي نحن يا جنا دبي دي بنمشي ليها تجارة ونجي جارين منها جري التقول الواحد كان في سجن وما نرتاح الا في العتامنة دبي تتفوق على العتامنة بحاجة واااااااااااحدة بسسسسس وهي المال والمال يا خوي ضل ضحي يعني ممكن يصبح معاك وتقيل في الصحراء اما العتامنة لو ماعارف اعرف العتامنة ارث وتاريخ طويل ارض الجدود ارض الكرم ارض الشهامة خلوة وتقابة ثروة العتامنة غالية يا ولد ولاتفنى باذن الله مش ثروة زيت واسهم ما تعجبك المباني الشاهقة الخالية من القيم والاخلاق ولاتعجبك القناطير المقنطرة من الذهب والفضة فهي تزول ولو زالت من دبي الاموال فتبقى صحراء قاحلة على الطلاق حمار ما اقدر اهنق فيها والعتامنة كما هي منذ مئات السنين والاموال تجي وتروح وتظل قريتي التي احببت
| |
|
|
|
|
|
|
Re: ناس الامارات صفحتنا وين جنبتنا وين ـ ساعدونا يا جماعة (Re: عبدالله ود البوش)
|
غايتو النحن عارفنو إنو الجنى خال أها وقس على ذلك
ونقول: غايتوعربي ونجح
فت طقة من العتامنة لي دبي؟ ماشاء الله يازول ها خت الرحمن في قلبك يمين بالله الحبة مابتجيهو ياخي نحن عندنا عرباً لينا كدي يمين مرقوا في الصين المرة اللوله كان قدامن دليل البعدا جدعوا الدليل غااااادي وشقوا الصين وكمبلوا وعرضوا
سلامات ياودالبوش ياعربي ياخي فضحتنا مع ناس البورض ديل يقول علينا شنو هسه بي جنس نضميك ده؟ ده عربي؟ هريوغليفي؟ ده جنسو شنو ده؟ المهم ياعلامات تبارك داك: أول ما النصيبة الأسما اللرشقة دي تنقضي تفتح بوست تأهيلي لينا نحن زاتنا محسوبنكم ديل عشان نقدر نسوق معاك جنس سواقتكم انت والراجل وماطوس ديلك، سامع؟
وكده نكون ماقصرنا مع ود أختك ده برفع البوست بس يجيب لينا معاهو أمبايل ططش
| |
|
|
|
|
|
|
Re: ناس الامارات صفحتنا وين جنبتنا وين ـ ساعدونا يا جماعة (Re: عبدالله ود البوش)
|
ود البوش سلام التجارة شطارة وحساب ربح وخسارة كان بدور يتعلم التجارة ويبدا من دبي يكون غلتان وعلا كان زولن توجر ومدردح وحسابو نضيف خليهو يجرب يا صاب ربح ويا صاب تجربة وخسر وتعلم كيف يعوض خسارتو ..ما ني تاجر علا بعرف الحاصل ..خليهو يسعل الجماعة البجو من وليدتنا الفي سعد قشرة أو في سوق ليبيا ..في جنايتن نجاض بلحيل ...على طاري العتامنة زمااان كان لينا عقب فيها علا رحلو علينا في الحلاوين دا كلامن قديم من زمن البص أبكراسي ههههه أنا قايل وليد أختك دا حايم في شوارع دبي ههههههه دا كان بحلق في البلي الهنا يمرقو الشديد القوي غايتو
| |
|
|
|
|
|
|
Re: ناس الامارات صفحتنا وين جنبتنا وين ـ ساعدونا يا جماعة (Re: عبدالرحمن الحلاوي)
|
Quote: دا كان بحلق في البلي الهنا يمرقو الشديد القوي غايتو |
خالو ذاتو كان شاف البلي منك ومن الفيش وتكس امل تكس ما ارجع اصلو كلو كلو . . يا زول هوي نحن ناس خلا ساهي حرم التوب في الحبل اجهجهنا . . الجناكان كدي ماااااااا بجي راجع تاني ابقى في عوك عوك . . قلت لي البلي عندكن كيف ؟ عشان كان ختري خالص خالص اخير اجرب انا في اللول عشان انا زول كبير كان ما جيت مو مشكلة عليك الله آ عبدالرحمن قلت لي عندكن بلي ممتاز خلاس بجيب معاي ضرابي وبجي ولبعدين بخلي ود اختي اجي بعدي عشان اعرف المحلات وما اخليهو امشي ليها وبقول لي لو سويت الككا بسوي ليك الحيا
| |
|
|
|
|
|
|
Re: ناس الامارات صفحتنا وين جنبتنا وين ـ ساعدونا يا جماعة (Re: عبدالله ود البوش)
|
Quote: خلاس بجيب معاي ضرابي وبجي |
ات آزول داير تلعب بلي ..لازم يكو ن عمرك بين 20 لغاية أربعين يمكن ما تجلي علا الزول بعد كدة ضرابو بجلي ...عشان ما يجي زول ناطي غلت ...الضراب دا في البلي واللعب كلو في المثلث والميس شبحتين ونص ...شكيت محنك آود البوش ...ناس سودانيز أونلاين ديل قاعدين على الهبشة ...محمد معانا لا تغشانا
| |
|
|
|
|
|
|
Re: ناس الامارات صفحتنا وين جنبتنا وين ـ ساعدونا يا جماعة (Re: عبدالله ود البوش)
|
ياود البوش ياخوي أخير ليك ترعى بي قيدك لاتغرنك الأرشفة ممكن تهبش الكي بورض وتلقى روحك في الفنقة
Quote: قلت لي البلي عندكن كيف ؟ عشان كان ختري خالص خالص اخير اجرب انا في اللول عشان انا زول كبير كان ما جيت مو مشكلة عليك الله آ عبدالرحمن قلت لي عندكن بلي ممتاز خلاس بجيب معاي ضرابي وبجي ولبعدين بخلي ود اختي اجي بعدي عشان اعرف المحلات وما اخليهو امشي ليها وبقول لي لو سويت الككا بسوي ليك الحيا |
هههههههههههه كلمة حق أريد بها باطل ياخي دي حاجات تتجرب؟ في حد يروح المطعم ومعاهو ساندوتش؟ مجرد سعال يعني كدي
| |
|
|
|
|
|
|
Re: ناس الامارات صفحتنا وين جنبتنا وين ـ ساعدونا يا جماعة (Re: ismeil abbas)
|
Quote: يا زول هوي اخير لينا بيت الله والرسول دا الله اكبر وسمع الله لمن حمده واستوا يرحمكم الله |
ههههههههههههه أضحكتني حتى أدمعت عيناي ...في واحد قريبنا مشى زيارة لولدو في والوليد بيتو قريب من المسجد النبوي ..زولنا لما رجع قال الوليد ما قصر تب معاهو ..الصلاة في ضنب الصلاة لمن فارق المدينة علا تاني ما شاف شي !
في مدن مطموسة وفي مدن قميئة وفي مدن تتمنى ان لا تراها أصلا ...وفي مدن تبقى محفورة في الذاكرة ...ومدن الإمارات بحق الكل يتمنى أن ينقلها لوطنه . تلفوني معلقو فوق ..
| |
|
|
|
|
|
|
|