|
فضيحة كأس السودان في ولاية كسلا..الناس ديل جادين؟
|
معقولة يجو الملعب 3 فرق عشان يلعبوا كورة ؟ مريخ حلفا ..التاكا كسلا ..الميرغني كسلا.. مريخ حلفا جا عشان كورة لقا فريقين في الملعب من كسلا منتظرنو وأي فريق بيقول هو المفروض يلعب الكورة.. ناس الميرغني قالوا جانا تلفون من الاتحاد قبل الكورة بي ساعتين قال ليهم لبسو فريقكم وامشو الميدان الحقو الكورة قائمة وانتو الحا تلعبو .. ناس التاكا جاهم خطاب لا فيهو ختم لا يحزنو وقال ليهم الكورة إتأجلت وانتو ما حا تلعبو ومفروض يلعب الميرغني.. رئيس الاتحاد المحلي في الولاية قال سمع الاخبار دي في برنامج عالم الرياضة في الرادي .. ناس الاتحاد العام قالوا ضربو تلفونات لأنو الاتحاد المحلي في كسلا ما عندو فاكس يرسلو ليهم فيهو الخطابات !!!!
|
|
|
|
|
|
|
|
Re: فضيحة كأس السودان في ولاية كسلا..الناس ديل جادين؟ (Re: عمر الفاروق)
|
ياااا حليلك يا شداد ...
دي هينة يا عمر ..نيل الحصاحيصا اتفاجأوا قبل مباراتهم الافريقيه الاولي انو اسامي اهم لاعبين عندهم ما مرفقه في الكشف الافريقي (او مرفقه خطأ) وتم استبعاد اللاعبين قبل المباراة بثواني من تشكيلة الفريق ...المصيبة الاكبر انو اللاعبين هم اهم لاعبين في نيل الحصاحيصا ..علاء الدين بابكر ومحترف يوغندي استجلب اساسا لهذه البطولة ..
| |
|
|
|
|
|
|
Re: فضيحة كأس السودان في ولاية كسلا..الناس ديل جادين؟ (Re: عمر الفاروق)
|
القصة دي ذكرتني أيام بنلعب في الروابط وكان في مدرب إسمو أبو النيل خرخااار جداً بينظم الدورة ولو فريقو اتغلب بيرسل للفريق التاني خطاب يقول ليهم فيهو رفعنا فيكم شكوى في اللاعب رقم 14 وكسبناها وعليه فقد تأهل فريقنا .. اها كان عندنا مدرب لذيذ جداً إسمو " أوبيّ "بيدرب فريق الثوار ..أها المباراة كنت دور الاربعة وضد فريق ابو النيل ده أها أصصصلو ما أداهو ليك فرقة في شكوى ولا يحزنون والثوار تأهل للمباراة النهائية ضد فريق إسمو نجوم الشياخة والكورة ح تتلعب في ميدان الكرتينة خلف الجوازت امدرمان .. أها قوم يا أبو النيل رسل لي أوبي ده خطاب قول ليهو فيهو إنو تم تأجيل المباراة النهائية تتلعب يوم الجمعة بدل الخميس ..وبهناك رسل لي نجوم الشياخة إنو الكورة في مواعيدا.. أوبي طبعا زول مجرم قام يوم الخميس زاااتو قال لينا يا شباب تجو جاهزين ولبسنا ليك مننن الساعة 2 ومشا بينا ودسانا ليك ورا مباني الاشلاك جمب ميدان الكرتينة .. أها الساعة 3 ونص نشوف ليك فريق ابو النيل دخل الميدان وشويتين وجا نجوم الشياخة .. اها الحكم عايز يصفر للبداية كده أوبي ده قال لينا قومو خشو الميدان .. أوول ما ظهرنا ليهم كده نسمع ليك ابو النيل بيقول لي أولادو ..شباااب شباااب أطلعوا أطلعوا الخطة إنكشفت ..
| |
|
|
|
|
|
|
Re: فضيحة كأس السودان في ولاية كسلا..الناس ديل جادين؟ (Re: عمر الفاروق)
|
الناس ديل لسة ياما حا يشوفو من مستجدين الإدارة الكروية ديل.. ياخ ديل طلعوا بيعملوا لجان داخل الاتحاد العام ويسموها براااهم بدون علم المجلس ..زولهم الما بيفهم داك الإسمو محمد سيد أحمد داك عمل ليهو لجنة براااهو وطلع يصرح في التلفزيون والاذاعة ويرسل بيها خطابات توقيف واستدعاء ولمن سألو مجدي شمس الدين مها قال لاااا علم لنا بها !!! مجلس كلو أولاد عم وأولاد خالات تتوقع منو شنو ؟
| |
|
|
|
|
|
|
Re: فضيحة كأس السودان في ولاية كسلا..الناس ديل جادين؟ (Re: Maawya Hussein)
|
ولا فضيحة ولا حاجة !! عادي يا معلم الفضيحة كانت ستكون بجلاجل لو استمر الموسم دون أخطاء لأنو سيتضح أن " الولاء قبل الكفاءة " مقولة ماسية عديل كده وطريقة ناااااااجحة ويمكن تكون قانون ملزم لدول العالم عشان تتبعو معتصم جعفر ابن عاق رصيده الولاء وضعف الشخصية وماجد سوار تاريخه به كف لعميد كُليته .
_________________________ مافي طريقة يا عمر السياسة هي المُتحكم وبالمناسبة في " ونسة عن تدمير الهلال " الذي لم يقدم بيعة إستاد الهلال إسوة بالمريخ " على ذِمة الزول الإتونس "
| |
|
|
|
|
|
|
Re: فضيحة كأس السودان في ولاية كسلا..الناس ديل جادين؟ (Re: عمران حسن صالح)
|
الاخ عمر
لك التحايا و لمن مر عبر هذا الرابط
الاتحاد دا ما عنده هم و لا شغلة بال بيحصل او حا يحصل للكورة
الهم الاول هو تدمير الهلال و ايجاد الفرصة للمريخ لينال شرف السيادة على الساحة
الرياضية للاربع سنوات القادمة
و محمد سيداحمد عامل فيها ابو القوانين و يكّون لجنة انضباط لاستدعاء لاعبى الهلال
و الاتحاد يفرض عقوبة واحدة لفريقين ثم يقوم بمضاعفتها للهلال
و لسع الجايات كتيرة و طالما على راس هذا الاتحاد معتصم و فى عضويته ابن عمه محمد
سيداحمد فنحن موعودون بالكثير و العجيب
| |
|
|
|
|
|
|
Re: فضيحة كأس السودان في ولاية كسلا..الناس ديل جادين؟ (Re: ismeil abbas)
|
شداد منو الجايين تقولوا عليهو يا هلالاب شداد القال الايميل فى شارع البلديه ضعيف ولكنه قوى فى نمره اتنين
Quote: ياخ داير اعرف مؤهلات محمد سيد احمد دا شنو غير انو مؤتمر وطني ؟؟! ما ممكن زول من اللجان الشعبيه وتوزيع كوتات السكر يجي يتحكم في مصير ومستقبل الكورة السودانيه |
الراجل دا يا معاويه كان رئيس اتحاد الحصاحيصا سكر شنو كمان فى الصقط دا
| |
|
|
|
|
|
|
Re: فضيحة كأس السودان في ولاية كسلا..الناس ديل جادين؟ (Re: على محمد على بشير)
|
يا علي يعني إنت عايز تشكك في مقدرات البروف ودرجاته العلمية ؟ الراجل من حقو يكون غير مثقف تكنولوجياً وناس كتااار من ناس زمان ديل منفصلين من التكنولوجيا وبيتعاملوا بي الادوات التقليدية .. طالما عندو فاكس ودي إتش إل من حقو ما يستخدم الإيميل وممكن ما يعرفو فهو بالنسبة ليهو علم لا ينفع وجهل لا يضر.. خرمجة البروف في الايميل زي لو يوم حاولت تتكلم في قوانين الفيفا صدقني ح تقول اكعب من كلامو ده .. انت سمعت ناسك اولاد العم ديل قالوا شنو ؟ ال سر الختم ديل ؟؟ مش عندهم ود عمهم التاني اللي قال طعن في شداد واللي هو رئيس اتحاد الكاملين ولا هو شنو ما بعرفو ليك !!! ده في التلفزيون وانا بحضر فيهو قال للبت تسابيح يكفينا فخراً إنو ملك دبي كرم كاكي.. قال يلحق نفسو ويصلح المعلومة قال ليها لالالا هو ما ملك هو الأمير داك ياخ ..إسمو منو ؟؟؟
| |
|
|
|
|
|
|
|