|
Re: كما هو متوقع فشلت ( المسيرة ) قبل أن تبدأ .. ما بين يومي 21 و 27 !! (Re: السيد المسلمي)
|
لا مؤسف ولا حاجة
Quote: أحمد بن عوف .. دا كلام شنو دا ؟؟ معني كدا الحكاية تجاوزت تحديد الزمان الي ماهية المتظاهرين أنفسهم ! مؤسف جداً والله !! |
دا الزرعتو الانقاذ في عشرين وجاء يوم الحصاد، التخم وتصر
آآآ، في فرق تاني
ناس يوم 21 قالوا عليهم ، شكلهم كدا، ما باقين شديييد على فصل الدين من الدولة
اما ناس يوم 27 ديل ، علمانيين، عندهم مشكلة مع تدخل اي دين سماوي (وليس الاسلام فقط) في مسائل الحكم والدولة
| |
|
|
|
|
|
|
Re: كما هو متوقع فشلت ( المسيرة ) قبل أن تبدأ .. ما بين يومي 21 و 27 !! (Re: أحمد ابن عوف)
|
ونزيدك من الشعر بيت، في معارضين من نوعيتي كده، لا طالعين في 21 وللا 27
ويوم نطلع ما بنفح بوستات زاتو، زي خليل، توووش بتلقونا في نص الميدان
وخلى بالك، برضو في ناس لا من يوم 21 او 27 او ويمنا او يوم خليل ابراهيم حزب الامة والاتحادي والشيوعي بمسيماتهم الرسمية
يعني ممكن تسمهو تكتيك جديد في شكل الثورات العربية، المصريين اكتفوا بيوم واحد
لكن السودانيين ح يعملوهم عشرة او عشرين
| |
|
|
|
|
|
|
Re: كما هو متوقع فشلت ( المسيرة ) قبل أن تبدأ .. ما بين يومي 21 و 27 !! (Re: أحمد ابن عوف)
|
Quote: دا الزرعتو الانقاذ في عشرين وجاء يوم الحصاد، التخم وتصر
آآآ، في فرق تاني
ناس يوم 21 قالوا عليهم ، شكلهم كدا، ما باقين شديييد على فصل الدين من الدولة
اما ناس يوم 27 ديل ، علمانيين، عندهم مشكلة مع تدخل اي دين سماوي (وليس الاسلام فقط) في مسائل الحكم والدولة |
طيب بعيداً عن مفردات الأسف علي حال هذه المعارضة المتفتفتة .. شنو هو الزرعتو الإنقاذ حتي تحملها وهن وضعف هذه الأحزاب !!؟ الخطير في كلامك دا يابن عوف هو عدم إتساق الخارجين يومي 21 و27 ..
ــ والله غاية الأسف .!
| |
|
|
|
|
|
|
Re: كما هو متوقع فشلت ( المسيرة ) قبل أن تبدأ .. ما بين يومي 21 و 27 !! (Re: السيد المسلمي)
|
السيد المسلمي
Quote: شنو هو الزرعتو الإنقاذ حتي تحملها وهن وضعف هذه الأحزاب !!؟ |
الانقاذ زرعت حاجتين 1- جدل العلاقة بين الدين والدولة 2- جدل الوحدة الوطنية وتفتيت الشعور القومي بتأجيج الصراعات الدينية والقبلية والاثنية و و الخ من البلاوي التي تحكم السودان اليوم، اضف الى ذلك سياسة التهميش للمهمشين اساسا وصراع مثلث حمدي ضد الاقاليم الاخرى
كنتاج طبيعي لكده، وللماساة الاساسا مستمرة من 56 تفتت المعارضة الى مجموعات كل تعبر عن حاجاتها، لكن اليوم يجمعهم هم مشترك، ازالة المؤتمر الوطني او الانقاذ من سدة الحكم
Quote: الخطير في كلامك دا يابن عوف هو عدم إتساق الخارجين يومي 21 و27 .. |
قد يبدو لك، وانا هنا اذكر بانني ليس لي اي علاقة بالجهتين، قد يبدو لك عدم اتساق لكن كزول ممكن تقول عليه مراقب بدرجة متوسطة، التنسيق عالي جدا، اللاعب السوداني معروف عنه عدم اللياقة والقدرة على مواصلة اللعب لآخر دقيقة، فناس 21 يبدؤأ الشغل ولمن لياقتهم تضعف، تجي مجموعة 27 وتستلم وهكذا دواليك
الجهتين ح يلعبوا في ميدانيين مختلفين، يعني ما ح يكون في تصادم مباشر بينهم
يبقى الح يتعب بالجد، المؤتمر الوطني وجهازه القمعي
وفي نظري دي خطة ذكية ومتقدمة
| |
|
|
|
|
|
|
Re: كما هو متوقع فشلت ( المسيرة ) قبل أن تبدأ .. ما بين يومي 21 و 27 !! (Re: أحمد ابن عوف)
|
Quote: الانقاذ زرعت حاجتين 1- جدل العلاقة بين الدين والدولة 2- جدل الوحدة الوطنية وتفتيت الشعور القومي بتأجيج الصراعات الدينية والقبلية والاثنية و و الخ من البلاوي التي تحكم السودان اليوم، اضف الى ذلك سياسة التهميش للمهمشين اساسا وصراع مثلث حمدي ضد الاقاليم الاخرى |
لا يا بن عوف أنا قصدي هل تشرزم المعارضة وإنقسامها الي إثنيات وفشلها في معالجة هذه المعضلة الجلل هو مرده الي الإنقاذ !!؟ إذا أقروا بذلك فحقو يقلبوا كورة وكفر :)
Quote: لكن اليوم يجمعهم هم مشترك، ازالة المؤتمر الوطني او الانقاذ من سدة الحكم |
ومنذ متي أجتمع المهمشين مع المرطبين في الهم ! حقو الكلام يكون مبني علي حجج بدلا عن الإستهلاك !
Quote: قد يبدو لك، وانا هنا اذكر بانني ليس لي اي علاقة بالجهتين، قد يبدو لك عدم اتساق لكن كزول ممكن تقول عليه مراقب بدرجة متوسطة، التنسيق عالي جدا، اللاعب السوداني معروف عنه عدم اللياقة والقدرة على مواصلة اللعب لآخر دقيقة، فناس 21 يبدؤأ الشغل ولمن لياقتهم تضعف، تجي مجموعة 27 وتستلم وهكذا دواليك |
هل هو عدم ثقة في ناس 21 وإحتمالية أن ينفذ وقودهم قبل اللفة الأولي !!؟ أم هو كما ذكرت قبلاً إختلاف من حيث التكتيك والتوجه والإتجاه !!؟ كدي ركز معاي شوية . ــ من دون قهقهة :)
| |
|
|
|
|
|
|
Re: كما هو متوقع فشلت ( المسيرة ) قبل أن تبدأ .. ما بين يومي 21 و 27 !! (Re: Tabaldina)
|
تبلدينا ياحبيب
Quote: والله حيرة ساااى .. ياخ والله قصة .. والعجب النقاشات الواقعية ..!!
|
والله أنا البوست دا طلعت منو بي فائدة لا يعلمها إلا الله .. معقولة الحكاية دي ..!! إيه البشتنا دي .. جلابة وحناكيش ودعاة شريعة يو 21 !! مهمشين ونوبة وغُبش وعلمانيين يوم 27 !! أنعم وباركـ ..
ـــ نحن حاجزين بعد يوم 15 أغسطس أي بعد ثورة العزابة :) :) :)
| |
|
|
|
|
|
|
Re: كما هو متوقع فشلت ( المسيرة ) قبل أن تبدأ .. ما بين يومي 21 و 27 !! (Re: السيد المسلمي)
|
المسلمي يا عمكـ كان أخير ليكم تبقوا على يوم 21 براهــو .. أهو المسيرات أتبهلت و الجماعة عملو ليكم نظرية ( سهر الجداد و لا نومو ) .. أسه الكيزان يقعدوا يحاحو في الناس من الشارع كل يوم ؟
الحكاية دي ما بتشغلهم عن لهف المال العام ؟؟
* اقترح تكوين مبادرة من كيزان المنبر لإقناع الخارجين يوم 27 بالخروج يوم 21 و الإكتفاء بذلك أو بالعدم أبقوا عشرة على ناس يوم 21 ديل طالما ما عندهم مشكلة مع قضية فصل الدين عن الدولة أو كما قالت !!
| |
|
|
|
|
|
|
Re: كما هو متوقع فشلت ( المسيرة ) قبل أن تبدأ .. ما بين يومي 21 و 27 !! (Re: خالد عبد الله محمود)
|
Quote: المسلمي يا عمكـ كان أخير ليكم تبقوا على يوم 21 براهــو .. أهو المسيرات أتبهلت و الجماعة عملو ليكم نظرية ( سهر الجداد و لا نومو ) .. أسه الكيزان يقعدوا يحاحو في الناس من الشارع كل يوم ؟
|
خالد يامكـ .. قال الشاعر تأبي الرماح إذا أجتمعن تكسرا ..... الخ خليك من قول الشاعر دا وأعتبرو أوت أوف بوينت ، إنت رأيك شنو في ناس يوم 27 ؟ أعني ثورة المهمشين والنوبة والعلمانيين ..! وعرج لينا برضو علي الحناكيش والجلابة وكدا :) دي إسمها في عرف الكوشينة ورق وإتفرق .. تاني بي جوكرين ما بنزلوا :) قال سهر الجداد .. جداد ولا بط
ـــ
Quote: اقترح تكوين مبادرة من كيزان المنبر لإقناع الخارجين يوم 27 بالخروج يوم 21 و الإكتفاء بذلك أو بالعدم أبقوا عشرة على ناس يوم 21 ديل طالما ما عندهم مشكلة مع قضية فصل الدين عن الدولة أو كما قالت !! |
مبادرة بتاعت شنو ياعمك !!؟
| |
|
|
|
|
|
|
Re: كما هو متوقع فشلت ( المسيرة ) قبل أن تبدأ .. ما بين يومي 21 و 27 !! (Re: ود الباوقة)
|
السيد الكوز ...سلامات
Quote: يبدو أن المعارضة ما زالت تغض في نوم عميق ! قد يكون مقبولاً أن تفشل في إخراج الجماهير لأنها لا تمتلكهم .. أو لأن الجماهير فقدت الثقة في هكذا معارضة .. |
ياالسيد ديل شباب طلعوا عشان يعبروا عن حاجاتهم وبحسب حقهم الدستوري في التظاهر السلمي ومامنتظرين حشود جماهيرية للتعبير عن هذا الحق ولا منتظرين ثقة المعارضة الحزبية لانهم هم المابثقوا فيها...فماعارف انتو قلقانين في شنو من مجموعة ليس لها دعم جماهيري ولا ثقة الحكومة ولا المعارضة؟!! ...وليه الحكومة شغالة اعتقالات فيهم مادام انهم ليسوا ذا تأثير وثقل جماهيري ؟!! انتو لو شايفين انهم ماعندهم حق فلكم الحق في محاربتهم بكل ماتملكون من قوة ..ولو شايفين انهم من حقهم يعبروا عن رايهم الذي يدعمه الدستور فاعتقد من واجبكم تقيفوا معاهم او كمان تخلوهم وتتفرجوا فالفرجة بصمت اضعف الايمان ...
محبتي التي تعلم ..
ــــــــــــــــــــــ البلك عامل كم هسي ؟!!
| |
|
|
|
|
|
|
Re: كما هو متوقع فشلت ( المسيرة ) قبل أن تبدأ .. ما بين يومي 21 و 27 !! (Re: محمد المهدي)
|
السيد المسلمي
Quote: لا يا بن عوف أنا قصدي هل تشرزم المعارضة وإنقسامها الي إثنيات وفشلها في معالجة هذه المعضلة الجلل هو مرده الي الإنقاذ !!؟ |
سؤالك دا عشان اجابو بكل دقة لازم اواصل اكتب لمدة تلاتة يوم
خلينا في المهم، سؤالك الاساسي وجاوبناهو ليك، مافي تضارب، وناس يوم 21 طلعو او كما ظهر للآن حاولوا يطلعوا لكن البوليس كرتن الجامعات، وهذا ما كنا نبغ، الجامعات من الساهل حصارها لكن تأدبا لا نستطيع ان ننتقد، فهذا خيارهم واهم احرار يحددوا الزمن والمكان.
اي زول عنده مراتب مخليها في الحوش اليلمها، كتاحه يوم 27 برضو جاية
تحياتي
| |
|
|
|
|
|
|
Re: كما هو متوقع فشلت ( المسيرة ) قبل أن تبدأ .. ما بين يومي 21 و 27 !! (Re: أحمد ابن عوف)
|
.. . فشل ذريع .. عليك الله شد سلك للعوض غايتو بقت فينا بتاعت نقد حضرنا لابوجنزير ولم نجد احد؟؟ جيت قريت هنا انه النظرية .. بتقول كل ناس تطلع فى حلتها وشوارعها ..!!؟؟ ياخى حلة شنو ؟؟ وتقعقد ووين زاتو ؟؟ يمين البوكس زاتو البرفعو فيهو الناس غير المرتكزين جنب البنك الفرنسى وبنك الخرطوم مافى وابوجنزيز الناس تغسل فى العربات وبتاعين المرور يشربوا الشاى ؟؟ مامافى حافلات او كما قال احدهم :)
--------
الذ موقف يا سيد قلت اوقف جنب بنك تنمية الصادرات لاقنى عسكرى قال الموقف بقى طولى مافى طريقة .. قلت ليهو لا انا بسال : مافى مسيرة جات بهنا ؟؟ قال لى : شنو ؟؟ قلت ليهو بفتش فى مظاهرة ما مرت بجاى ؟؟ عاين لى وقال امشى ايقف هناك قدام .. يا استاذ وفى ملامح وجهه انه يتحدث لمجنون راق ..
| |
|
|
|
|
|
|
Re: كما هو متوقع فشلت ( المسيرة ) قبل أن تبدأ .. ما بين يومي 21 و 27 !! (Re: Tabaldina)
|
Quote: فشل ذريع .. عليك الله شد سلك للعوض غايتو بقت فينا بتاعت نقد حضرنا لابوجنزير ولم نجد احد؟؟ جيت قريت هنا انه النظرية .. بتقول كل ناس تطلع فى حلتها وشوارعها ..!!؟؟ ياخى حلة شنو ؟؟ وتقعقد ووين زاتو ؟؟ يمين البوكس زاتو البرفعو فيهو الناس غير المرتكزين جنب البنك الفرنسى وبنك الخرطوم مافى وابوجنزيز الناس تغسل فى العربات وبتاعين المرور يشربوا الشاى ؟؟ مامافى حافلات او كما قال احدهم :)
--------
الذ موقف يا سيد قلت اوقف جنب بنك تنمية الصادرات لاقنى عسكرى قال الموقف بقى طولى مافى طريقة .. قلت ليهو لا انا بسال : مافى مسيرة جات بهنا ؟؟ قال لى : شنو ؟؟ قلت ليهو بفتش فى مظاهرة ما مرت بجاى ؟؟ عاين لى وقال امشى ايقف هناك قدام .. يا استاذ وفى ملامح وجهه انه يتحدث لمجنون راق .. |
والله إنت زاتك بتبالغ نقول ليك ناس ماقادرين يتفقوا علي تحديد الزمن تقوم تمش أبوجنزير .. هسي لو في الساعة دي قريت ليك لغز ولا مجلة ميكي ماكان أحسن من الكتاحة والعرق وزحمة المرور !! وبعدين ياخ بإعتبارك زول عندك نظرة ثاقبة علي دينك الناس الأختلفوا في اليوم ديل ممكن ينجحوا رحلة !!؟ ناهيك من مسيرة وما معروف مصيرا :)
ــ لو عايز أي حاجة لي رجل المستحيل أعمل مس كول . ياصالح ياتبلدينا .
| |
|
|
|
|
|
|
Re: كما هو متوقع فشلت ( المسيرة ) قبل أن تبدأ .. ما بين يومي 21 و 27 !! (Re: أحمد ابن عوف)
|
أحمد بن عوف ..
Quote: خلينا في المهم، سؤالك الاساسي وجاوبناهو ليك، مافي تضارب، |
يازول إت بي صحك !!؟؟ الحقيقة يابن عوف هو أنت من أثبت تشرزم وتمزق المعارضة من حيث ( من هم ولماذا يخرجون ).. ولو إنت شايف غير كدا راجع كلامك دا Quote: مافي تضارب وللا اي حاجة، مظارهة يوم 21 بتاعت جلابة |
Quote: ويوم 27 بتاعت هامش، نوبة بس |
Quote: كل زول باجندتو الخاصة والحشاش يملأ شبكته |
Quote: ناس يوم 21 قالوا عليهم ، شكلهم كدا، ما باقين شديييد على فصل الدين من الدولة
اما ناس يوم 27 ديل ، علمانيين، عندهم مشكلة مع تدخل اي دين سماوي (وليس الاسلام فقط) في مسائل الحكم والدولة |
عشان نمش لي قدام وما ناكل الملف قبل الملف .. كلامك واضح لا يحتاج الي تعليق .. نجي للأهم وهو ضعف المعارضة ووهنها حتي لدرجة أنها لا تجرو علي تحمل مسؤلياتها وأخطاءها التاريخية والآنية !! ودي ما عايزة تفكير ولا كتابة تلاتة يوم . تحياتي ..
ـــ كتاحة 21 شفناها ولاسف طلعة فسوة عجوز :) منتظرين يومك الذي وعدت .
| |
|
|
|
|
|
|
Re: كما هو متوقع فشلت ( المسيرة ) قبل أن تبدأ .. ما بين يومي 21 و 27 !! (Re: فايزودالقاضي)
|
Quote: ياالسيد ديل شباب طلعوا عشان يعبروا عن حاجاتهم وبحسب حقهم الدستوري في التظاهر السلمي ومامنتظرين حشود جماهيرية للتعبير عن هذا الحق ولا منتظرين ثقة المعارضة الحزبية لانهم هم المابثقوا فيها...فماعارف انتو قلقانين في شنو من مجموعة ليس لها دعم جماهيري ولا ثقة الحكومة ولا المعارضة؟!! ...وليه الحكومة شغالة اعتقالات فيهم مادام انهم ليسوا ذا تأثير وثقل جماهيري ؟!! انتو لو شايفين انهم ماعندهم حق فلكم الحق في محاربتهم بكل ماتملكون من قوة ..ولو شايفين انهم من حقهم يعبروا عن رايهم الذي يدعمه الدستور فاعتقد من واجبكم تقيفوا معاهم او كمان تخلوهم وتتفرجوا فالفرجة بصمت اضعف الايمان |
ودالقاضي الذي غاب وعاد من سكات !! كدي في الأول إنت بتتكلم عن ياتو شباب .. ناس 21 ولا ناس 27 ؟ عشان الفهم في الحالتين مختلف ... غايتو لحدي هسي ناس 21 فشلوا فشل زريع في أن يجتمعوا أو يخرجوا الي الشارع .. وهذا أنا أرجعه لأسباب سوف اذكرها لك لاحقاً .. وبعدين ياعمك يبدو لي وكأنك بتتكلم عن فريق تالت آخر لأنو بإختصار الناس الطالعة أو القالت حـ تطلع هي معروفة الإتجاه والتوجه .. مش زي ما أنت بتقول ! المهم ياقول أخونا تبارك .. مافي زول عايز يطلع بيتمنع ومافي زول عايز يثور بيتهمد..إن كان ذلك كذلك لما غادر بن علي وحسني مبارك الي يومنا هذا .
ـــ محبة أكثر من التي تعلم :) البلك بقي ماف :)
| |
|
|
|
|
|
|
Re: كما هو متوقع فشلت ( المسيرة ) قبل أن تبدأ .. ما بين يومي 21 و 27 !! (Re: السيد المسلمي)
|
الاخ/السيد المسلمي
تحياتي؛؛؛؛
Quote: مالي لا اسمع قهقهةً |
المناضل احمد ابنعوف ده كتب ليكـ مداخلة طويلة عريضة ياخي فوق حقت القهقهة مباشرةً وإجتهد شديد فيها عشان يلقمكـ حجراً وجاب ليك حاجات الانقاذ كلها و...و.... الخ الخ
وتجي إنت تشبكو مرطبيين وسلع إستهلاكية وبطيخ ؟
قدرّ تعب المناضل ده ياخي
_________ ياخي جيبوا صور بتاعة البطيخة دي . جوال ابو كميرا ماعندكم يامناضلين.
| |
|
|
|
|
|
|
|