عزيزنا خطاب سلامات وعامل ايه مع الدنيا ؟ ياخ أنت تلفونك ده جدعتو في الخور ؟ والله الشقوق الليلة في كل الدنيا من اليابان وحتي كلفورنيا . والشوق برضو من هناك لي هناك . عليك الله يا خطاب كل ما تجي فايت تسلم علي كل المقابر الجميلة هناك . كلها . من ضريح عزيزنا الطيب صالح الي الدوش الي علي المك الي العميري والي ودفرح . وسلم علي الكتاحة والحر والهمبريب والفول المسيخ .
سلامات
03-18-2011, 11:24 PM
khatab
khatab
تاريخ التسجيل: 09-29-2007
مجموع المشاركات: 3433
عزيزنا خطاب سلامات وعامل ايه مع الدنيا ؟ ياخ أنت تلفونك ده جدعتو في الخور ؟ والله الشقوق الليلة في كل الدنيا من اليابان وحتي كلفورنيا . والشوق برضو من هناك لي هناك . عليك الله يا خطاب كل ما تجي فايت تسلم علي كل المقابر الجميلة هناك . كلها . من ضريح عزيزنا الطيب صالح الي الدوش الي علي المك الي العميري والي ودفرح . وسلم علي الكتاحة والحر والهمبريب والفول المسيخ .
سلامات
ياسلا م يا عتمان يا ود موسى يافنان دى رجعتى من ود الشيخ محمد مدنى ود محمود الشيخ الجناالبشيل النم البهِد الحيل , الجنا, البناضم البحر.. عليك الله ياود موسى لاقاك فى من لاقاك فى هذى الدُنا زولاً بناضم البحر !! يابحر قُم.. حرِك تحرَك او فعُد نحو ابتداءك !! كيفنك يا عتمان اخوي وبالنسبه للنُجبا الأجلا المذكورين اعلاه فلهم الفواتح المضيئة بالمحبة والتقدير الذى تعلم ويعلمون .. شوق لى مجالستك ياانيق العطايا .. .
شفت الصُدفه , خلت كلامنا اتداخل مع بعض حكمه والله وحكايه بي صوت الجابرى طبعاً أها.. . .
03-18-2011, 11:55 PM
Osman Musa
Osman Musa
تاريخ التسجيل: 11-28-2006
مجموع المشاركات: 23082
والله يا خطاب كل ما افوت بشارع الحلة القديمة بتاعتكم . اتذكر حديثك الصادق عن المرحوم سامي سالم . وجلستنا مع محمد قرفة يوم ندوة د / صلاح الزين . الندوة حقت المكان . ياخ داير أفتش في فرجينا صور ديك الليلة . وما عارف الجرجرنا في الكلام عن قصة الرجل القبرصي اليوم داك شنو .
03-19-2011, 06:26 AM
khatab
khatab
تاريخ التسجيل: 09-29-2007
مجموع المشاركات: 3433
Quote: الى أُم البنات هُدى وندوه أُم الأولاد يسار ومنيف الى جمعيه التى غافلتنا وذابت .. اليك يا مدنى وأنت المُلِح بالشوق والحضور اليها والمثول بين عشر ايادٍ انامل لجمعيتك الحبيبه التى غافلتنا وذابت فى سحاباتٍ تشبهها تماماً كسحابات الهموم .. اليك يا مدنى وأنت ياكَ ذاتك .. محمد محمود الشيخ وجواهر محمود سيدة مصوع ُ المُبجله وعم محمود ذلكم الشيخ الورِع العنيد سبقوك فى الحاره .. علي السودان قدامَك فى بور سودان و ماشين على الخرتوم .. ترحب بيك الدار يا حبيب يرحب البعيد قبل القريب كًلها شوق وشقوق يرحب بيك الفنار تنفخ اوداجها بوارج البواخر تشيل النشيد الشديد عل الاّخِر والبحر يقوم احرِك يتحرَك ولا يعود إلا وقد شالت امواجه زبد العمامات التُقى لا الزيف لا للنزيف المجانى فى الطرقات ونعم للطُرقات المعافاة .. مرحب بيك يا مراحب , بالقوافى الناصعه يا مراحب .. .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة