كتب الكاتب الفاتح جبرا المتوفرة بمعرض الدوحة
|
Re: لماذا فاز المريخ و انهزم الهلال ... هنا نتقبل التعازي في الهزيمة الصامتة (Re: Amira Elsheikh)
|
سلام يا زناتي وهاردلك التشكيلة اللعب بيها ميشو مفروض تترش عشرة لو المريخاب شدو حيلهم شوية, أو لو كان في صانع لعب حقيقي في المريخ العجب مثلا يعني ما ممكن ميشو يجرب تشكيلة زي دي و خلي النص اتنين ارتكاز وهيثم لوحده وتلاتة مهاجمين قدام هيثم ما قدر يقوم بالشي البنى عليه ميشو خطته فخلا النص للمريخ وعزل التلالتة مهاجمين تماما التغيير الأخير بدخول حمودة للنص وخروج مهاجم تالت كان كويس لكن متأخر هدف الفوز غلطة مدافع ودي لا يلام عليها ميشو طبعا عموما كويس انها هزيمة في بداية الموسم ولا زال هناك متسع لتداركها من الحسنات اننا اطمنا على مستوى محترفي هجوم المريخ كلتشي و ساكواها
| |
|
|
|
|
|
|
Re: لماذا فاز المريخ و انهزم الهلال ... هنا نتقبل التعازي في الهزيمة الصامتة (Re: محمد البشرى الخضر)
|
م ب خ سلامات
والله تحليل فني احسن الف مرة من بتوعين الاستديو التحليلي ...واحد صاحبي قال لي حضرت الاستديو التحليلي ... قلت ليهو ياخي حرام عليك تبقي علي هزيمة واستديو تحليلي ... المهم اعتقد ان ميشو لم يتسطع ان يدير المباراة بشكل كويس ... وكان من الافضل له ان يخرج احد المهاجمين ويدخل بشة او مهند الطاهر ... لان الهلال هزمه البارحة خط وسطه ... في وقت مال فيه لاعبي الارتكاز للدفاع .... شكراً علي التمرور والتحليل السليم ...
| |
|
|
|
|
|
|
Re: لماذا فاز المريخ و انهزم الهلال ... هنا نتقبل التعازي في الهزيمة الصامتة (Re: فايزودالقاضي)
|
دون تعليق علي المداخلات الحمراء فالهلال ما كان يستحق الفوز ولم اكن لافرح بفوز ياتي بالصدفة .. كما يفعلون .
الاوجب علينا كهلالاب ان نحمد الله اولا ان الخسارة جاءت مبكرة ومن المريخ وليس ممن هم دونه من المنافسين .. وان ننظر ثانيا في اسباب تراجع مستوي فريقنا وفقدانه لطعم ونكهة الكرة الهلالية وتراجع ادائه المنتظم منذ ان تولي امره المدرب الصربي ميشو ..
لو لعب الهلال مباراة الامس بدون مدرب لانتصر .. في كل المباريات التي تلت ختام دوري 2010 كان الهلال الاسوأ حتي في المباريات التي فز فيها بالخمسة والثلاثة وكان فوزه بلا طعم وبكرة عشوائية لا تدل علي ان هناك فريق اسمه الهلال يستمتع الناس بوجوده وادائه قبل فوزه ..
وهم نفس اللاعبون الذين تركهم مصطفي يونس والحيدوس وريكاردو وكامبوس وكانهم مردة وشياطين .. لماذا تحولوا بتقهقر منظم الي جنائز
من قال اننا راضون عن هذا واننا نسمح باستمراره لنخرج مبكرا من المنافسات الافريقية وربما المحلية ..
ان فوز المريخ علي الهلال ليس خبرا .. ولكن الخبر ان لا يجد المريخ خيالا للهلال في الملعب .. فيفوز .. والخبر ان يفوز شباب مصر علي الهلال وأن يعيش الهلال علي فضلات اخطاء الموردة والنيل ليفوز وان يتوقف الهلال عند تماسك النيل وضعاف الفرق المصرية ليخرج بالتعادل ..
سنتحدث الي مجلس الادارة ولست اشك انهم قد استوقفهم ما اري وانهم قد تحركوا فعلا لاعادة الهلال الي السماء ..
اما افراح اهل المريخ وصحافته فهي حقهم وشانهم لكننا نحترم المريخ فائزا علينا او مهزوما منا بمقدار العطاء والسمو الواجب ان نعطيه معا لمعني التنافس .
ولا تياسوا فالهلال قادم وميشو ذاهب
عمر علي حسن
| |
|
|
|
|
|
|
Re: لماذا فاز المريخ و انهزم الهلال ... هنا نتقبل التعازي في الهزيمة الصامتة (Re: عمر علي حسن)
|
يا امير ... الهلال فريق ما هين ... وهزيمة عابرة لن تؤثر عليه .... اتمني ان تسير الامور كما نريد ... خاصة في الجانب الاداري حيث اللعب في الخفاء والضرب تحت الحزام في ظل الصراع الحاد في الجناح الهلالي ... ليس هذا تقليلاً من فوز المريخ ... الا انه تحذير مما سياتي ... اعتقد ان الصراع الهلالي سيصل للمرة الاولي الي مرحلة تكسير العظام وسيكون الفريق الضحية الاولي والاخيرة بلا شك ...
| |
|
|
|
|
|
|
Re: لماذا فاز المريخ و انهزم الهلال ... هنا نتقبل التعازي في الهزيمة الصامتة (Re: زهير الزناتي)
|
Quote: في البدء التهاني لكل المريخاب الذين تكالبوا علي البوست ...كما تكالب اهل المؤتمر الوطني علي الغنائم ... وليس تكالب النسور علي الجيفة ... لان الهلال لن يصير جيفة في يوم من الايام ... |
يا راجل .. ياخى إنتو عندكم يا رشاشات قناة كامله إسمها ( قوون ! ) لا تسبح إلا بحمد ( زريبة العيش ) و ( بنى زرقان ! ) يمتلكها الرشاشة ( رمضان أحمد السيد ! ) السكرتير المالى لنقابة الصحفيين الإنقاذية بقيادة الهلالابى و العضو و القيادى بالمؤتمر الوطنى ( محى الدين تيتاوى ! ) و إن أنكر الأصوات لهو صوت ( الغنم ! ) ... غلبناكم ده شى عادى لانكم سوف لن تطالوا الأعظم المريخ عرضا و طولا ... و كأسات أرضا و بحرا و جوا محمولا ... عبدالماجد
| |
|
|
|
|
|
|
Re: لماذا فاز المريخ و انهزم الهلال ... هنا نتقبل التعازي في الهزيمة الصامتة (Re: mohmed khalail)
|
زهير .. ياخى البركة فيكم
وانشاء الله مـــا آخر الاحزان الهلالية ..!
قال ليك هلالابى متفائل مشى الكورة من الساعة 12 الضهر وطبعا زى ما عارفين الكورة إنتهت بمسمار ساكواها أها ... زولنا جاء البيت زعلان داير يطق قال لى مرتو : قومى سوى العشاء مرتو قالت ليهو : سمح بس أمشى قفص الجداد جيب بيض مشى زهجان عاين فى القفص (فيهو عشرة جدادات ) لقى بيضة واحدة بس. قال : ما ناقص إلاَّ دى ... حتى البيض واحدة ؟!!!. مرتوا سمعتوا وقالت ليهو : أنا عارفة ؟!!! ... يمكن الديك زامبى ...!!
| |
|
|
|
|
|
|
Re: لماذا فاز المريخ و انهزم الهلال ... هنا نتقبل التعازي في الهزيمة الصامتة (Re: زهير الزناتي)
|
الله يسألك.. داير ليك شرح والا بتدردق فوقي؟ انا ما لاقيت لي مريخابي يوم قال لي فريقنا لعب كعب.. كان المريخ دا لعب زي الواطه.. يقولو ليك العجب احسن لاعب في افريقيا.. كان المدرب كعب.. يقولو ليك اشتريتو الحكم.. كان غلبتهم تلاته.. يقولو ليك المحموله جوا.. والمقصوره والاستاد و.. و... و... يوم كدا مافي واحد فوقهم قال لي ياخي لعبتو سمح امس.. والا ياخي قودلك ليكم في أفريقيا.. ياخي أنا مره خشيت كوره فريق قومي مع فريق بلغاري زائر في استاد المريخ.. الشوط الاول.. كنت قايل نفسي في بلغاريا.. الاستاد عن بكره أبيه يشجع في الفريق البلغاري.. عشان مازدا ملعب الغالبيه من الهلال.. في الشوط التاني نزل لعيبه زياده من المريخ.. حتن التشجيع استعدل.. عشان كدا.. ما مبروك للمريخ ولا أي حاجه.. هلالنا دا كان زي الواطه... فوق..
| |
|
|
|
|
|
|
|