|
|
 (إعلان مهم )عطاء حكومي لــ(توريد) و(تأهيل) معارضين سياسيين
|
بعد ال س ق و ط و الفشل الذرييييييييييييع في امتحان ابوجنزير
حيث (لم يحضر أحد) لي ميدان التحرير... لا لا قصدي (ميدان ابو جنزير)
لدرجة انو الاستاذ (نقد) يشيل ليه (كرتوووووونة) من الواطة وكتب عليها
(حضرنا ولم نجدكم)
وعليه.......... وعشان فضائح معارضيينا كترت خاصة في الفترة الاخيرة
من الانتخابات الاخيرة مرورة بمراثون الاستفتاء وحتى اليوم......
وبقوا يحرجونا (أوي أوي) مع الشعب السوداني
ترغب الحكومة السوداني في فتح عطاء لتوريد وتاهيل معارضين
ويمكن الحصول على كراسة العطاء من ................................. جوار ............. بعد دفع مبلغ ..........( لا ترد) خلال ساعات العمل الرسمية
الــــــــ..................... غير مقيد بقبول أقل أو أي عرض اخر
اخر موعد لقبول العروض والطلبات هو .......................
والله ولي التوفيق
|
|
  
|
|
|
|
|
|
|
 Re: (إعلان مهم )عطاء حكومي لــ(توريد) و(تأهيل) معارضين سياسيين (Re: mayada kamal)
|
قادر الله
بوست لميادة وفي الصفحة الأولي وبتتكلم عن تأهيل موردين ولا معارضين ما بعرف وزول خشا ليها مافي
بالجد الزول بقي ما متابع
في مقاطعة ولا حاجة؟؟حتي مصطفي محمود ما جا لصق حاجاته ديك
___
ميادة سلامات
Quote: لدرجة انو الاستاذ (نقد) يشيل ليه (كرتوووووونة) من الواطة وكتب عليها
|
عليك الله نقد ده خليه..بحب الواطة شديد..وطوالي بخش تحتها
| Quote: ترغب الحكومة السوداني |
حكومة سوداني فول سوداني؟؟ كل علي الله
| |
|
|
|
|
|
|
|
|
|
Re: (إعلان مهم )عطاء حكومي لــ(توريد) و(تأهيل) معارضين سياسيين (Re: GamarBoBa)
|
شوفى ياحلفاويه انتى
الموضوع ليس موضوع شماته
ولاأثارة نعرات وصب المزيد من الزيت فى النار
وايضاً مطلوب عطاء لتوريد وتأهيل مؤيدين سياسيين
يجيدون فن التفاهم مع الأخرين
ويتحلون بالاخلاق الطيبه
بعيدين عن الافاظ السوقيه
مثل .. تحيض بفمك .. وياعلق .. وياكوديانه ... وأشك فى أن واحد متربى ممكن يقول الكلام دا 00 وكل واح بيمثل بيئته 00
راجعى البوستات وراجعوا انفسكم
وعلى فكره لانى معارضه ولامؤيد انا سودانى وبس
| |
|
|
|
|
|
|
|
|
|
Re: (إعلان مهم )عطاء حكومي لــ(توريد) و(تأهيل) معارضين سياسيين (Re: Alshafea Ibrahim)
|
الجماعة كانوا واقفين عند ابواب المنازل من السابعة مساءا على ضوء الشموع إلى الفجر، ناموا فتخلفوا عن الموعد...يعنى النضال الرومانسي مش نافع..والنضال في (الميدان) مش نافع
مع أن كورال هذا البورد كان يعني:
اشوفك بكرة في الموعد
تخيل روعة المشهد
وتخلف عن الحضور ايضا سفراء مصر وتونس الذين وجهت لهم الدعوة ايضا....
شايفة احلام زلوط دي كبيرة أد أيه؟؟
| |
|
|
|
|
|
|
|
|
|
Re: (إعلان مهم )عطاء حكومي لــ(توريد) و(تأهيل) معارضين سياسيين (Re: وليد الطيب قسم السيد)
|
شكرا اخوي وليد
نعم نقد قال : حضرنا ولم نجدكم
وقال ناس الامن قدموا لي شاي وموية
ووصلوني لحدي البيت بالعربية
شوووفت كييييييف !!!!!!!!!!!!
عليك الله شفت ليك تسامح وديمقراطية قدر دا
ياخي نحن ما قصرنا معاهم
وعاملناهم بي رقي واحترام كامل لحقوقهم كبني ادمين
وبعد ذلك المعارضة غير قادرة على ان توزن الكفة في مقابل الحكومة
ولان الشعب السوداني يستحق معارضة اكثر قوة وعزيمة مسؤولية من معارضتنا الكسيييييييييييحة الحالية دي
عليه ترغب الحكومة في تأهيل معارضين سياسيين
ــــــــــــــــــــــ
مسطبة جانبية
قالوا الزعيم الصادق المهدي غاب عن المظاهرت لانو في طريقة لالمانيا
تُرى ما المناسبة!!!!!!!!!!!!!
| |
|
|
|
|
|
|
|
|
|
Re: (إعلان مهم )عطاء حكومي لــ(توريد) و(تأهيل) معارضين سياسيين (Re: Alshafea Ibrahim)
|
Quote: وماذا عن تأهيل الحكومة ؟
حدوثنا عن ذلك فهو الأهم .
الشفيع |
من بين 70 حزب سياسي وعقائدي في السودان نلاحظ ان حزب المؤتمر الوطني وحدة الذي يتحدث عن الاصلاح
ايضا المؤتمر الوطني يعتبر الحزب الوحيد الذي شكل وكون لجنة لاعادة النظر في كل شئ بدأ دستور الحزب كنظام اساسي مرورا بقيادة الحزب (فقد قراءنا قبل ايام عن عدم نية الرئيس البشير للترشح لرئاسة الحزب في العام القادم)
| |
|
|
|
|
|
|
|
|
|
Re: (إعلان مهم )عطاء حكومي لــ(توريد) و(تأهيل) معارضين سياسيين (Re: GamarBoBa)
|
Quote: بوست لميادة وفي الصفحة الأولي وبتتكلم عن تأهيل موردين ولا معارضين ما بعرف وزول خشا ليها مافي
بالجد الزول بقي ما متابع
في مقاطعة ولا حاجة؟؟حتي مصطفي محمود ما جا لصق حاجاته ديك
|
بوبا إزييييييييييك
مسكاقمي
ياخي ما ضروري يخش لي زول
المهم رسالتي وخطابي الاعلامي الدايرة اوصله يصل
ونصيحة مني ليك
في اي بوست ........ ما تشوف الردود كم بل الاهم ان تحسب عدد القراءات كم
لانك لو قفلت على المتداخلين بس
انت كدا بتتخطي شريحة مهمة جدا
وهم القراء ....... سواء الاعضاء او غير الاعضاء
والاخيرين ديل هم الاهم بالنسبة لي
| Quote: في مقاطعة ولا حاجة؟؟حتي مصطفي محمود ما جا لصق حاجاته ديك |
ياخي مالك ومال مصطفى محمود
خليه يستمر في غيه دا
لانو هو اكثر زول بيخدم اجنتدتنا......... وخصم على المعارضة ......... دا لو في معارضة اصلا
| Quote: حكومة سوداني فول سوداني؟؟ كل علي الله |
اعتقد انو ما خطه يداي
لا يفوت على فطنة القارئ الكريم انو خطأ مطبعي نتيجة لسرعة الطرطقة على الكيبورد
| |
|
|
|
|
|
|
|
|
|
Re: (إعلان مهم )عطاء حكومي لــ(توريد) و(تأهيل) معارضين سياسيين (Re: Mohammed Elhaj)
|
سؤال يجب على المعارضة ان تحاول البحث عن اجابة عليه..............
لماذا كلما أعلنت المعارضة عن مظاهرة.. في الزمان والمكان المحددين .. ولا يأت المتظاهرون؟؟؟؟؟؟؟؟؟؟؟؟
على المعارضة ان تدرك أنها بشكلها الحالي
لن تقنع (نملة) بالخروج للشارع للتظاهر ضد الحكومة
ناهيك عن (شعب) معروف على صعيد الشعوب العربية بانه صاحب ثلاث ثورات شعبية اطاحت بانظمة ديكتاتورية
الغريبة الظروف المحلية ملائمة جدا لاسقاط الحكومة والثورة ضدها
يعني انفصال الجنوب وما تلاه من ارتفاع في اسعار السلع خاصة السكر والدقيق
والاجراءات الاقتصادية الاخيرة اللي اتخذتها الحكومة
كلها كفيلة بانها تودي اي حكومة وراء الشمس
لكن يبدو انو (حكومتنا ولاد حلااااااااال)
والشعب السوداني شعب (مُعلم) كما وصفه الرئيس البشير ادبان الانتخابات الاخيرة
نعم شعب معلم يعلم ما عند المعارضة وما عند الحكومة
ويعلم حقيقة ما توعده به المعارضة بانها تقدم لهم (عطاء من لا يملك)
| |
|
|
|
|
|
|
|
|
|
Re: (إعلان مهم )عطاء حكومي لــ(توريد) و(تأهيل) معارضين سياسيين (Re: ود الباوقة)
|
| Quote: مفروض نطلع مسيرة تضامن لمواساتهم في محنتهم |
سلام يا استاذ عمر ود الباوقة
انا قناعتي انو لو دا مستوى (المعارضة)
تاكد تماما انو الحكومة بتاعتنا (الحبة ما بتجيا)
تخريمة :
يمكن المشكلة في ابو جنزير (فالمعارضة ارادت ان تخرج ضد الحكومة من ابو جنزير... فقام الجنزير كبل يدين وارادة المعارضة)
ونصيييييييييييييحة مني للمعارضة
انتو ما سمعتوا انو (بحري) فيها ميدان التحرير
خلاس المظاهرة الجاية امرقوها من (ميدان التحرير ) ببحري
لعل وعسى تضرب معاكم المرة الجاية
| |
|
|
|
|
|
|
|
|
|
Re: (إعلان مهم )عطاء حكومي لــ(توريد) و(تأهيل) معارضين سياسيين (Re: mayada kamal)
|
ميادة وضيوفها سلامات
عارف انو البوست دا بوست مكاواة ساكت
لكن خلينا نستفيد من الحتة دي
| Quote: ثلاث ثورات شعبية اطاحت بانظمة ديكتاتورية |
واحدة اكتوبر والثانية ابريل .. اها التالتة دي ياتها.. طبعا الحديث عن ثورات شعبية وليس حزبية
ـــــــــــــــ
ما كل الانظمة بتسقطها مظاهرات او معارضة ... ممكن تتآكل من الداخل خاصة لمن الفساد يبقى مؤسسي
| |
|
|
|
|
|
|
| |
mayada kamal
GamarBoBa
Mustafa Mahmoud
Mudather Kunna
وليد الطيب قسم السيد
كمبورة
الطيب رحمه قريمان
Mohammed Elhaj
محمد أبوالعزائم أبوالريش
سلمى تاور
محمد هشام
شرفى عبدالقادر
فيس بوك
تويتر
انستقرام
يوتيوب
بنتيريست