|
|
|
 Re: هل حقآ السودانية الأقل تعليمآ أنجح(أفضل)...كزوجة? (Re: فتحية شامي)
|
سلام يالاخوه
نعم السوداني يريدها جاهله لكي لاتعترضه ولا يسمع منها الا كلمة حاضر وكويس
يريدها جاهله لكي لا تقراء افكاره و لكي يفلت من التوجيهات و مشاركة االراي والنصح مع انه الدين نصيحه
في راي السوداني يريدها امعه يديها ويجيبها ذي ماداير
اه فتكم في امان الله ولي رجعه انشاءاالله
| |
 
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: mona altom)
|
سلامات .
موضوع شيق. شكرا.
الاخت اسمارتي كلامك صحيح 100%
لكن في االنهايه الزواج (مودة ورحمة ) واحترام وحب وتفاهم ومسئوليه.
واقول ان التعليم والتحصيل العلمي ليس بكافي , وكما يقول المثل ( القلم ما بيزيل بلم) فكم من زوجات غير متعلمات انجبن قادة وعلماء وعشن في نعيم ما ازاجهن. فالحياة مدرسة كما يقولون.
وفي النهايه الزواج قسمة ونصيب.
اللهم احفظ زوجاتنا و امهاتنا وعماتنا وخالاتنا وجداتنا وارحم الاموات منهن والاحياء يا كريم يا عظيم.
ولكم كل والود والتقدير
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: ياسر إدريس حسن)
|
Quote: سلامات .
موضوع شيق. شكرا.
الاخت اسمارتي كلامك صحيح 100%
لكن في االنهايه الزواج (مودة ورحمة ) واحترام وحب وتفاهم ومسئوليه.
واقول ان التعليم والتحصيل العلمي ليس بكافي , وكما يقول المثل ( القلم ما بيزيل بلم) فكم من زوجات غير متعلمات انجبن قادة وعلماء وعشن في نعيم ما ازاجهن. فالحياة مدرسة كما يقولون.
وفي النهايه الزواج قسمة ونصيب.
اللهم احفظ زوجاتنا و امهاتنا وعماتنا وخالاتنا وجداتنا وارحم الاموات منهن والاحياء يا كريم يا عظيم.
ولكم كل والود والتقدير |
المحترم ياسر أدريس
وعليكم السلام
نعم الزواج قسمة ونصيب...لكن السعادة الزوجية والاسرىة قسمة ونصيب وعمل مشترك بين الزوجين......
وفعلآ التعليم ليس ضمان لنجاح الزواج ولكن يمكن ان يكون عامل مساعد في النجاح اذا أحسن استغلاله او عامل مدمر اذا أسئ استعماله....
وكلام أسمارت وصف دقيق وكامل لراي غالبية الازواج السودانين فيما يريدونه من الزوجة .
شكرآ لك ...وأمين علي دعواتك
| |
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: mona altom)
|
Quote: سلام يالاخوه
نعم السوداني يريدها جاهله لكي لاتعترضه ولا يسمع منها الا كلمة حاضر وكويس
يريدها جاهله لكي لا تقراء افكاره و لكي يفلت من التوجيهات و مشاركة االراي والنصح مع انه الدين نصيحه
في راي السوداني يريدها امعه يديها ويجيبها ذي ماداير
اه فتكم في امان الله ولي رجعه انشاءاالله |
المحترمة مني التوم
وعليكم السلام
كلامك مظبوط...مادام الزوجة بتمشي وتمشي باي شي يقولوا ..حتي لو كذب ولا غلط ..دي 100%....حتي لو سالها عن رايها,,,الأحسن تقول: التشوف انت يا زوجي
او تردد نفس كلاموا...
لانو الويل لها اذا جاءت براي مخالف......
شكرآ لك...وفي انتظارك
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: فتحية شامي)
|
يا هلا بيك فتحية
Quote: اذاكان السودانى يريدها جاهله غير واعبه لكى تفهمه
والسودانيه تريده متعلما مثقفا لكى يفهمها
اوزن المعادله دى وشوف النتيجه لصالح منو
ستجد اجابة سؤالك بين السطور |
تعرفي حاولت لكني طلعت بمعادلة غريبة جدآ والا وهي:
ينفع السوداني السودانية الصماء البكماء لتكون رهن أشارته
اما السودانية فلن ينفعها الذي يحترم عقلها ولا يقتدر تفكيرها
لك الود والتقدير
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: مريم بنت الحسين)
|
اهلين وسهلآ يا مريم
| Quote: Player انا عارفاك كويس، زول فاهم ودايما عايز تفتح المواضيع على شكل اسئلة... يعني انا عارفه اجابتك المسبقة |
وطي صوتك شوية...زي تفتيحتك دي بخوف الرجال
| Quote: لكن بوستك ده عشان يعدّي على خير، محتاج ليك ساتر من الرصاص الحيجيك... وهدي سمارت بدت ليك |
دعاواتك معنا...ولو شفتي أتزنقنا شديد.......يدك معنا
تسلمي وتشكري يا غالية.
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: smart_ana2001)
|
العزيزة أسمارت انا
| Quote: سلامات يا بلير.... |
عليكم السلام
| Quote: مواضيعك الاجتماعية دى دائما بتجيب المشاكل |
تعرفي ان اكثر مشاكل الانسان هي الأجتماعية
خاصة مع الزواج...كلما يصادفني بجيبوا البورد عشان نتشاكل فيهوا ونساعد غيرنا,
| Quote: الرجل السودانى (الان) طموح جدا. عاوزها متعلمة و مثقفة و سمحة و قيافة و طباخة و بتسوق و مطيعة. |
صدقيني ما كلهم......كدي وسعي االدائرة الأجتماعية الانت فيهو شوية بتشوفي انو في رجال دايرنها مقفلة ...وكل شي تصلها عبرهم...كدي اتخيلي واحد في أمريكا ويقول لك أحسن زوجتو تكون قاعدة في السودان....او واحد زوجتوا معاهو في اروبا أحتيجاتها الشخصية راجلا البوصلا عشان تمشي تشتري....والكل بهذه الحالة.......
شكرآ لك كثيرآ لقوة أرائك وحسن ظنك بالرجل السوداني keep it up
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: صلاح الفكي)
|
المحترم صلاح
Quote: بلير ياحبيب ..البعض يفضلها أمية لأنه أمي الفكر..حتى يسهل له تطبيق كل فكر عليها ..
نجاح البيوت ينبع من فكر الزوج والزوجة .. فان كانا دون مستوى المسئولية .. فحدث ولا حرج.. |
اتفق معك تمامآ في هذا الجملة(البعض يفضلها أمية لأنه أمي الفكر)...لاني شخصيآ اعرف سوداني زوجته قروية طيبة .
وهو يقوم بكل شي خارج البيت من شراء الاحتياجات الي توصيلها الي اي مكان بالأضافة الي عمله...
سالته مرة لماذا لا تجعلها تتعلم لتقوم ببعض الأشياء حتي تخفف عنك الحمل فرد,,, قائلآ :كدا أحسن لانو لو فتحت تجيب لنا المشاكل .....سكتت .
تحياتي
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: PLAYER)
|
| Quote: من أيجابيات الأمية" تواضع الطموح ..والقناعة بالنصيب ..والرضأ بالموجود |
لا تصدق ما دائما اتخيل طموح بجهل
الامية الجامهلة بتكون عايزة زوجها يبقى ذي خاتم المنى اي حاجة شافتها عند ناس ست النفر
عايزاها
لاحظ انا قلت امية وجاهلة لان الجهل ما مرتبط بالامية الابجدية
بعرف خريجات جامعة وجاهلات.
متطلعات اكثر من اللازم وداخلات في شخصيات وهمية صنعنها لانفسهن
(عايزة اسكن في شقة في الرياض عايزة يكون عندي عربية فارهة وعايزة وعايزة والزوج تجده لا حول له ولا قوة)
ولذلك باختصار نقول المرأة الجاهلة هي المشكلة لو كانت امية او متعلمة.
المرأة الواعية هي زوجة ممتازة لو كانت امية او متعلمة.
والرل السودان ضايع لانه هو نفسه ما عارف عايز شنو
المعرس متعلمة عايز امية والمعرس امية عايز متعلمة.
عينو فارغة وعايز الحاجة الما عنده
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: د.نجاة محمود)
|
يا ألف مرحب يا د نجاة
والله اتطرقتي لنقطة هامة جدآ ما كانت علي بالي اللي هي الجاهلة(سواء كانت متعلمة أمية)...اسمحي لي أضيف كلمة أجتماعية لتكون الجاهلة الأجتماعية.
وبذلك اتفق معك كليآ في كلامك أدناه:
Quote: ولذلك باختصار نقول المرأة الجاهلة هي المشكلة لو كانت امية او متعلمة.
المرأة الواعية هي زوجة ممتازة لو كانت امية او متعلمة.
..................................................
بعرف خريجات جامعة وجاهلات.
متطلعات اكثر من اللازم وداخلات في شخصيات وهمية صنعنها لانفسهن
(عايزة اسكن في شقة في الرياض عايزة يكون عندي عربية فارهة وعايزة وعايزة والزوج تجده لا حول له ولا قوة) |
ذي ديل شفتهن كثيرات برة السودان ...وطموحهن الخيالي دمر حياتهن الزوجية..بعرف واحدة متعلمة جدآ ضغطت علي راجلا بالمطالب لما الزول خلاها في أمريكا ورجع السودان ...وشاف ليهو واحدة ثانية.
Quote: والرل السودان ضايع لانه هو نفسه ما عارف عايز شنو
المعرس متعلمة عايز امية والمعرس امية عايز متعلمة.
عينو فارغة وعايز الحاجة الما عنده |
ووالله ما كل الرجال السودانين كدا في ناس عارفين البنفع معاهم ياتوا..ووحسي مبسوطين.
شكرآ لشماركتكك االقيمة
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: PLAYER)
|
بعض الرجال السودانيين يريدون زوجه مغمضه و ما عارفه حاجه عشان تكون تحت طوعه و يمارس عليها شذوذه الفكري و جهله, بعضهم ما عازها حتى تتعرف على صاحبات متعلمات او مفتحات عشان ما يفتحوا عيونها و يوعوها. برجع ليك بعد ما تجيب الستره الواقيه من الرصاص زي ما قالت ليك مريم.
مواضيعك رائعه كاعاده
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: Dania Elmaki)
|
سلامات تاني يا بلير
شكلك ما قريت جملتي للنهاية
( مطيعة) دي كلها ما شفتها؟ شكلي مفروض اشرح اكتر
الراجل السوداني الان عاوز زوجته متعلمة عشان الأوساط الراقية و عاوزها قاشرة و عاوزها بتسوق عشان توصل الأولاد المدارس
لكنه عاوزها مطيعة في النهاية.
ده نموزج أصعب جدا من العاوزها جاهلة.
| |
|
|
|
|
|
|
|
|
 Re: هل حقآ السودانية الأقل تعليمآ أنجح(أفضل)...كزوجة? (Re: smart_ana2001)
|
سلامات يا عادل
وأخبارك وكيفنك علك بخير؟؟
تحياتي للإخوة والأخوات هنا..
أليس من الأجمل أن نقول يوجد:
(بعض)...(جزء)...(غالبية)...(كمية)...(في رجال).... (في نساء).... الخ
التعميم يضر بالنقاش والطرح
ويسد أبواب التداخل, وينسف الفكرة تماماً ويضع أحكاماً مسبقة..!
ليس المقياس , درجته\ها العلمية أو منصبه\ها الوظيفي\ـة و لكن,
الوعي.... المسؤلية....الفهم.... الطموح.... القناعة.... الثقة....الإيمان بالأخر في شخصه\ها....
الإطلاق علي عمومه قد يتضارب و تجاربنا الشخصية, وتجربتنا الشخصية قد لا تصلح علي أن نعممها علي الكل
توجد كل الأنواع وليس هنالك مقياس واحد
للإختيار.
لكم\ن عاطر التقدير و الإحترام.
__
يا عادل منتظر تلفونك ياخ..!.
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: هواري نمر)
|
Quote: سلامات يا عادل
وأخبارك وكيفنك علك بخير؟؟ |
العزيز هواري
اهلين...ومشتاقين...وانا بخير
Quote: أليس من الأجمل أن نقول يوجد:
(بعض)...(جزء)...(غالبية)...(كمية)...(في رجال).... (في نساء).... الخ
التعميم يضر بالنقاش والطرح
ويسد أبواب التداخل, وينسف الفكرة تماماً ويضع أحكاماً مسبقة..! |
رايك سليم
Quote: ليس المقياس , درجته\ها العلمية أو منصبه\ها الوظيفي\ـة و لكن,
الوعي.... المسؤلية....الفهم.... الطموح.... القناعة.... الثقة....الإيمان بالأخر في شخصه\ها....
الإطلاق علي عمومه قد يتضارب و تجاربنا الشخصية, وتجربتنا الشخصية قد لا تصلح علي أن نعممها علي الكل
توجد كل الأنواع وليس هنالك مقياس واحد للإختيار. |
نحن كقبيلة الرجال لكل منا مقايسه الخاصة في أختيار شريكته ,حيث هناك من يشترط ماقلت(درجته\ها العلمية أو منصبه\ها الوظيفي\ـة ,الوعي.... المسؤلية....الفهم.... الطموح.... القناعة.... الثقة....الإيمان بالأخر في شخصه\ها....).......... وأخرون لا
لكن
ما نتفق عليه كرجال هو االقرار والسلطة والقيادة لنا في دولة الزوجية...حيث القلة توافق علي القيادة المشتركة وقلة أخري ترضي بالتشاور في صنع القرار....اما السلطة فلا نقاش فيه الا عند القلة القليلة ولظروف أستثنائية.
تحياتي
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: smart_ana2001)
|
شكلك ما قريت جملتي للنهاية
| Quote: ( مطيعة) دي كلها ما شفتها؟ |
معليش يا اسمارت ...والله ما انتبهت لكلمة مطيعة في مداخلتك الاولي والا كان ردي أختلف.....
Quote: الراجل السوداني الان عاوز زوجته متعلمة عشان الأوساط الراقية و عاوزها قاشرة و عاوزها بتسوق عشان توصل الأولاد المدارس
لكنه عاوزها مطيعة في النهاية. |
دي المطلوبة والمرغوبة 100% لدي السوداني...وذيدي عليها الطبيخ
نعتذر مرة أخري
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: PLAYER)
|
لك التحيةاخي/الكريم
ارجو ان تسمح لي بالمداخلة لأن الموضوع جدير بالمناقشة
لعله من الواضح بأن التعليم شئ
والثقافة شئ وهما في الأخير مكملان لبعض
فهناك من نال حظا من التعليم العالي
ولكنه يفتقر للثقافة وذلك لأنغلاقه في التفحيص والغوص
فيما يتعلق بتخصصه
وهناك من من لم ينال القدر الكافي من التعليم
ولكن نهم القراءة في كل ما تطاله يده سعيا وراء
المعرفه جعل منه انسانا مثقفا
اما بالنسبة للمرأة المثقفة (الموضوع)
فالمثقفة هي:
التي تتبع الحوار مع زوجهافي ادب وشفافية
بعيدا عن الأسترجال وتسلط الرأي
المثقفة هي من تشاركه همومه وتعينه في ايجاد الحلول
المثقفة من تعرف ماذا يريد زوجها
المثقفة هي من تشحذ من همة زوجها وتجعل منه رجلا طموحا ذو ارادة
المثقفة من تعين زوجها على التقوى حتى يظل نقياوبالتالي يخاف الله فيها
واخيرا
المثقفة هي التي تسد الخلل وتستر الزلل وتشفي العلل
حينها لا طلاق ولا زعل
كل المودة للجميع
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: رشا بابكر)
|
بلير...العفو يا اخى..ما فى داعى للاعتذار..
د.نجاة ...تسلمى
مريوم...اتفق معك تماما
رشا بابكر
Quote: فالمثقفة هي:
التي تتبع الحوار مع زوجهافي ادب وشفافية
بعيدا عن الأسترجال وتسلط الرأي
المثقفة هي من تشاركه همومه وتعينه في ايجاد الحلول
المثقفة من تعرف ماذا يريد زوجها
المثقفة هي من تشحذ من همة زوجها وتجعل منه رجلا طموحا ذو ارادة
المثقفة من تعين زوجها على التقوى حتى يظل نقياوبالتالي يخاف الله فيها
واخيرا
المثقفة هي التي تسد الخلل وتستر الزلل وتشفي العلل
حينها لا طلاق ولا زعل |
ابدا...دى بعض مواصفات الزوجه الصالحة...و عموما كل الامهات بيحاوا يعلموا بناتهم الحجات دى..بطريقة مباشرة او غير مباشرة.
المثقفة هى اللى لما تدخل مع زوجها فى حوار او ايجاد حلول للمشاكل اليومية بيكون عندها راى او فكرة تضيف للحوار او افكار جديده توسع الافاق. الموضوع ما تسلط اواسترجال....الموضوع هو انتو الاتنين بتضيفوا لبعض شنو؟
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: smart_ana2001)
|
العزيزة أسمارت
| Quote: ابدا...دى بعض مواصفات الزوجه الصالحة...و عموما كل الامهات بيحاوا يعلموا بناتهم الحجات دى..بطريقة مباشرة او غير مباشرة. |
دا رؤية الأمهات(نظرة الجيل السابق من النساء للزوجة)...مقبولة ع عند غالبية الرجال السودانين.(that is the old school wife)
| Quote: المثقفة هى اللى لما تدخل مع زوجها فى حوار او ايجاد حلول للمشاكل اليومية بيكون عندها راى او فكرة تضيف للحوار او افكار جديده توسع الافاق. الموضوع ما تسلط اواسترجال....الموضوع هو انتو الاتنين بتضيفوا لبعض شنو؟ |
دي نظرة الجيل الجديد من الزوجات ,لانهن بعتبرن أنفسهن شريكات في الحياة الزوجية....ديل مرغوبات من القلة الواعية والمتفهة لأهمية الطرفين في أنجاح العلاقة الزوجية.(this is the new fashion lady of the house)
ودائمآ هناك صراع بين القديم والحديث
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: رشا بابكر)
|
Quote: لك التحيةاخي/الكريم
ارجو ان تسمح لي بالمداخلة لأن الموضوع جدير بالمناقشة
لعله من الواضح بأن التعليم شئ
والثقافة شئ وهما في الأخير مكملان لبعض
فهناك من نال حظا من التعليم العالي
ولكنه يفتقر للثقافة وذلك لأنغلاقه في التفحيص والغوص
فيما يتعلق بتخصصه
وهناك من من لم ينال القدر الكافي من التعليم
ولكن نهم القراءة في كل ما تطاله يده سعيا وراء
المعرفه جعل منه انسانا مثقفا |
الف مرحبآ بك يا رشا
كلامك صحيح في التعليم ليس الثقافة...لكن الشائع ان المتعلم مثقف (لانو ببقرإ الجرائد والمجلات او بفهم شوية لغة أجنبية)..والغير متعلم غير مثقف (ما بيعرف حاجة).
Quote: اما بالنسبة للمرأة المثقفة (الموضوع)
فالمثقفة هي:
التي تتبع الحوار مع زوجهافي ادب وشفافية
بعيدا عن الأسترجال وتسلط الرأي
المثقفة هي من تشاركه همومه وتعينه في ايجاد الحلول
المثقفة من تعرف ماذا يريد زوجها
المثقفة هي من تشحذ من همة زوجها وتجعل منه رجلا طموحا ذو ارادة
المثقفة من تعين زوجها على التقوى حتى يظل نقياوبالتالي يخاف الله فيها |
كلامك جميل...او بأختصار التي تعرف ان مكانها خلف الرجل وليس بجواره(زي دي بتمسك بيتها وراجلا...ولكن وتخسر نفسها)
Quote: واخيرا
المثقفة هي التي تسد الخلل وتستر الزلل وتشفي العلل |
ياني تعرف متين تتكلم وتقول شنو....ومتين تسكت وتعاين بعيونها وتبتسم مهما كان الموقف
| Quote: حينها لا طلاق ولا زعل |
ودا المطلوب
شكرآ لمشاركتك القيم
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: Dania Elmaki)
|
المحترمة دانيا
مرحبتين
| Quote: بعض الرجال السودانيين يريدون زوجه مغمضه و ما عارفه حاجه عشان تكون تحت طوعه و يمارس عليها شذوذه الفكري و جهله, |
دي النوع المطلوبة لانها ما بتشكل اي خطورة علي الرجل طالما هي مغمضة
| Quote: بعضهم ما عازها حتى تتعرف على صاحبات متعلمات او مفتحات عشان ما يفتحوا عيونها و يوعوها. |
دا من ضمن الوصاية العشرة....وكمان لان فلانة فتانة, وعلانة خرابة بيوت....الي اخر الوصاية......
المسكينة تصدقوا فاكرة انو بحميها من المشاكل , أتاري بححميها المعرفة.
| Quote: برجع ليك بعد ما تجيب الستره الواقيه من الرصاص زي ما قالت ليك مريم. |
انشاءالله بتلقيني لابد في حتة أمنة...بس تعالي انت راجعة
| Quote: مواضيعك رائعه كاعاده |
شكرآ لحسن الظن ورفع المعنويات
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: حاتم حسن مبروك)
|
تحياتي
يا بلير
على فكرة كلام اسمارت بتكلم عن الحاصل وفيهو مسحة من السخرية حسب مافهمتو ..يعني الراجل الأيام دي داير زوجة "فل أوبشنس" ..
| Quote: عاوزها متعلمة و مثقفة و سمحة و قيافة و طباخة و بتسوق و مطيعة. |
لكن حسب رأي بهتم بكونها
| Quote: سمحة و قيافة و طباخة و بتسوق و مطيعة |
أكتر
من
وبدقة أكتر متعلمة ومثقفة ما بالمعنى العميق للكلمتين كشي ببحث عنو وداير بشدة ،وانما على شكل قشرة إجتماعية ، وزولة ممكن يقدما للناس بدون حرج ، وبتشتغل وتساعد ..وده برضو ما تعميم لكنه الغالب ..
وبنفس المستوى ما كلهم بشوفو الأفضل هي الأقل تعليما ..
أما سؤال البوست ..
| Quote: هل حقآ السودانية الأقل تعليمآ أنجح(أفضل)...كزوجة? |
من ناحية أنجح ..بتعتمد على الشريكيين في العلاقة ..وتطلعاتهم وشخصياتهم وتربيتهم الخ ..
أما من ناحية أفضل ..فهنا بتعتمد على أفضل لمنو؟ بمعنى لأي نوعية من الأزواج ؟
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: عبدالله ود البوش)
|
المحترم عبدالله ود بوش
مرحب بك
| Quote: الحب وحده بين الزوجين هو الذي يضمن الاستمرارية والاستقرار |
كلامك صاح لكن بس في السنوات الأولي من الزواج الحب هو كل شي
لكن
لما تبدا تناديك بابو فلان او ابونا...وانت تناديها بالحجة او ام فلانة
ويظهر الواقع بانكما زوجين وليس حبيبين...وتواجهكما مشاكل الحياة الزوجية ومسئوليتها يتحول الحب الي عنصر جانبي فقط.....
أمنياتي بدوام الحب
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: داليا حافظ)
|
داليا حافظ
تحية طيبة
Quote: وبدقة أكتر متعلمة ومثقفة ما بالمعنى العميق للكلمتين كشي ببحث عنو وداير بشدة ،وانما على شكل قشرة إجتماعية ، وزولة ممكن يقدما للناس بدون حرج ، وبتشتغل وتساعد ..وده برضو ما تعميم لكنه الغالب ..
وبنفس المستوى ما كلهم بشوفو الأفضل هي الأقل تعليما .. |
اتفق معاك في وجهة نظرك...صحيح الراجل داير الناس تشيد بان زوجتو متعلمة ومثقفة(برة البيت بس)..............
لكن
جوة البيت أحسن ليها تنسي الثقافة والتعليم وتتذكر انو هي زوجة مطيعة وبس
| Quote: من ناحية أنجح ..بتعتمد على الشريكيين في العلاقة ..وتطلعاتهم وشخصياتهم وتربيتهم الخ .. |
صحيح...وبالأضافة لتفهمهم لبعض
| Quote: أما من ناحية أفضل ..فهنا بتعتمد على أفضل لمنو؟ بمعنى لأي نوعية من الأزواج ؟ |
كلامك واضح ومقنع جدآ
لك الود والتقدير
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: حاتم حسن مبروك)
|
المحترم حاتم حسن
شكرآ لرضأك
| Quote: لكن الزواج قسمة ونصيب ، والعلم الصحيح يزيد الانسان فهما ووعيا ، |
نعم قسمة ونصيب...وكمان عمرة وصيانة عشان يستمر بنفس روعة البداية...والعلم مفترض يضيف أيجابيآ للزواج...ولكن عند البعض بكون سلبي
| Quote: هو المشكلة في متعلمة او جاهلة ولا المشكلة في ........... |
أكيد المشكلة في ...........( هو شنو في مكان النقاط)
تحياتي
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: PLAYER)
|
| Quote: 2/ فشل السودانية المتعلمة في الأستمرار الطويل في الزواج أكبر من نظيرتها الأقل تعليمآ(بمعني ان اكثر المطلقات هن المتعلمات)...واكثر البيوت مشاكلآ الزوجة متعلمة جدآ. |
يا بلير الاستمرار فى الحياة الزوجية نجاح ولكن ,
هل يعنى نجاح المؤسسة الزوجية بالفعل؟
هل كل العلاقات المستمرة قدرت تحقق السعادة الزوجية ؟
والاستقرار النفسى للزوجين والاطفال؟
العلاقات المستقرة فى شكلها الاجتماعى والدينى نسبتها اكثر وسط المتعلمين والغير متعلمين
وقصيرة الامد اقل ولكن قول لينا فكرتك عن النجاح .
| Quote: واكثر البيوت مشاكلآ الزوجة متعلمة جدآ. |
طيب ما ممكن يكونن الما متعلمات مقهورات ودة النوع المطلوب للرجال؟
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: Hadia Mohamed)
|
المحترمة هادية محمد
مرحبآ
Quote: يا بلير الاستمرار فى الحياة الزوجية نجاح ولكن ,
هل يعنى نجاح المؤسسة الزوجية بالفعل؟ |
نعم.......والدليل هو الأستمرارية
Quote: هل كل العلاقات المستمرة قدرت تحقق السعادة الزوجية ؟
والاستقرار النفسى للزوجين والاطفال؟ |
ليس جمعيها....خاصة التي تستمر بالمجاملة...او بهدف
Quote: العلاقات المستقرة فى شكلها الاجتماعى والدينى نسبتها اكثر وسط المتعلمين والغير متعلمين
وقصيرة الامد اقل ولكن قول لينا فكرتك عن النجاح . |
انا ما فهمك قصدك بـــــــ.. شكلها الاجتماعى والدينى
فكرتي هي: قدرة الطرفين في التغلب علي مشاكلهم بأيجاد الحلول لها وترضيهماالاثنين
| Quote: طيب ما ممكن يكونن الما متعلمات مقهورات ودة النوع المطلوب للرجال؟ |
حاصل....وبكثرة (نظريتهن هي:المهم أستمرار الزواج حتي لو علي حساب سعادتي)(متزوجة تعيسة..ولا مطلقة سعيدة)..........
ومع الأسف الشديد ديل المرغوبات ...بالرغم انو دا أسوء أنواع الحياة الزوجية
لان شكلو شكل حياة زوجية ..بس طعمو لا..........................
تحياتي
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: عاطف عمر)
|
PLAYER
لك التحية.
شوف ألأخت المحترمة منى.
Quote: نعم السوداني يريدها جاهله لكي لاتعترضه ولا يسمع منها الا كلمة حاضر وكويس
يريدها جاهله لكي لا تقراء افكاره و لكي يفلت من التوجيهات و مشاركة االراي والنصح مع انه الدين نصيحه
في راي السوداني يريدها امعه يديها ويجيبها ذي ماداير
اه فتكم في امان الله ولي رجعه انشاءاالله |
أقول ليك عكس ذلك تمامآ اختى منى مع إحترامى لوجهة نظرك.كيف نريدها جاهلة وهى من تربى أولادنا...وأين كلام ألأم مدرسة إذا أعدتها أعدت شعبآ طيب ألأعراق.
كيف نريدها جاهلة وسوف تكون مسئولة عن تربية جيل..وهل الحياة أوامر وفرض أراء وإشباع ذات فقط..الحياة مشاركة ولابد من ان تحس بالذى يشاركك الحياة بأنه قريب إلى فهمك وتفكيرك حتى تنمو مؤسسة الحياة الزوجية بوعى لتكون سعيدة.
الحب لابعرف الفوارق العلمية أو ألأجتماعية هذا فى المقام ألأول..وألأحترام والتقدير يعزز ألأستقرار ويرسم حياة وردية سعيدة.
ياplayer
مالى اراك تحمل أفكار قديمة مثل قولك مناداة الرجل لزوجته بالحاجة أومناداته بأبو فلان..هذا كلام أكل عليه الدهر وشرب.
الحب الصادق لايموت وإذا قيلت هذه الكلمات تقال من جانب ألأحترام والتقدير.
ممكن كان يكون بوستك بالشكل التالى:هل السودانية ألأقل تعليمآ تسعد الزوج أكثر؟لآن من الممكن أن تكون اسرة ناجحة ولكنها غير سعيدة....تقديرى وأحترامى للجميع.
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: ismeil abbas)
|
مرحبا الاح اسماعيل عباس
نعم الام مدرسه ولم يكن لدي اعتراض هذا لكن ماستنتجته من الوضع الرهن
هل قارنت وضع الاسر الحالي بالماضي
هل سالت نفسك لماذا ارتفعت نسبة الطلاق في مجتمعاتنا السودانيه و كذلك نسبة تعدد الزوجات
على العموم عممت في مداخلتي ولكني اعني الجزء
وفي الختام لك الود
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: mona altom)
|
يابلير تحياتي
الامية هي التي لا تقرا ولا تكتب
بعدين مستوى التعليم لحدي وين يعني
بعدين ياخي الزوجات السودانيات كلهن همهن مشترك حنة ودخان وتياب بعدين المرجع بتاعهن واحد وهو امهاتهن حتى لو الواحده بروفيسر بتمشي تسال امها او امها بتوصيها عشان كده مسالة التعليم دي بالنسبة لغالبية السودانيات مافارقة كتير بالنسبة للرجال
اديك مثال في الغربة هنا زوجات خريجات ومن عرسوهن نسوا الشهادة والعمل الصالح وقاعدات في البيوت ومخهم اتحجر
والشهادة ماليها اي اهمية الا في ونسة لو سالوها تقول خريجة لوووولز
رائي الشخصي المراة العايزة تتعلم تواصل حتى الدكتوراة او الشغلانة ح تكون تقضية وقت ساكت
تحياتي
زاتوووو
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: ismeil abbas)
|
العزيز اسماعيل عباس
مرحبآ
| Quote: مالى اراك تحمل أفكار قديمة مثل قولك مناداة الرجل لزوجته بالحاجة أومناداته بأبو فلان..هذا كلام أكل عليه الدهر وشرب. |
هذا ما سمعته من بعض الأزواج والزوجات....وليس انا ...لاني ببساطة ...عازب.
| Quote: الحب الصادق لايموت وإذا قيلت هذه الكلمات تقال من جانب ألأحترام والتقدير. |
صحيح.......لكن تذكر ان الجميع ليس متزوجون عن حب صادق
| Quote: لآن من الممكن أن تكون اسرة ناجحة ولكنها غير سعيدة |
اتفق معك في هذا
| Quote: ممكن كان يكون بوستك بالشكل التالى:هل السودانية ألأقل تعليمآ تسعد الزوج أكثر? |
نعم كان ممكن
لك الود والتقدير
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: عاطف عمر)
|
العزيز عاطف عمر
شكرآ للهدية البوست...فعلآ مفيد للحوار هنا...
أسمح لي بنقل تساؤلك أدناه,,,ومحاولة الاجابة عليه من وجهة نظري.
Quote: هل يتجنب الرجل* المرأة المتعلمة الواعية ؟؟
هل يتجنب الرجل* المرأة المتميزة مهنياً ؟؟
وإن كانت الإجابة بنعم
فهل يعزى ذلك لضعف في شخصية الرجل لا يود أن يأتي من يكشفه ؟؟
هل غذت المرأة ** - حتى دون أن تقصد - هذا الشعور لدى الرجل فصار هذا هو الإنطباع السائد عنها ؟؟
هل كانت نظرة المرأة ** لمن هم دونها في العلم أو في الوظيفة نظرة سالبة فصح عنها هذا الإعتقاد ؟؟ |
| Quote: هل يتجنب الرجل* المرأة المتعلمة الواعية ؟ |
نعم ...خاصة عقليتهاالمفتحة ووعيها الكبير..ومنطقتها الحواري والنقاشي اللامحدود ...وتحررها.....حيث يصعب السيطرة عليها تمامآ.
| Quote: هل يتجنب الرجل* المرأة المتميزة مهنياً ؟؟ |
نعم........ولا (حسب نوع المهنة)
| Quote: فهل يعزى ذلك لضعف في شخصية الرجل لا يود أن يأتي من يكشفه ؟؟ |
القليل نعم...لكن عند الغالبية عدم رغبة الدخول في معركة خسائرها كبيرة (الرجولة...حسب التربية الشرقية)
| Quote: هل غذت المرأة ** - حتى دون أن تقصد - هذا الشعور لدى الرجل فصار هذا هو الإنطباع السائد عنها ؟؟ |
نعم...بمطالبتها للمساوي
| Quote: هل كانت نظرة المرأة ** لمن هم دونها في العلم أو في الوظيفة نظرة سالبة فصح عنها هذا الإعتقاد ؟؟ |
الغالبية نعم....لذلك تراهن يريدنا الأرتباط بمن هو أعلي علمآ ووظيفة منهن.
تحياتي
| |
|
|
|
|
|
|
|
|
|
Re: هل حقآ السودانية الأقل تعليمآ أنجح(أفضل)...كزوجة? (Re: PLAYER)
|
اهلين وسهلآ باخونا الزمان الزول زاتوا
| Quote: الامية هي التي لا تقرا ولا تكتب |
ياها زاتا زيما بقولوا:المابتفك الخط.........
قيل لو تزوجتها تمشيها زي ما داير..........
اصلها طيبة القلب وغلبانة التفكير...تقول ليها شمال دور, يمين دور,خلف دور,,,,,تنفذ بدون سؤال ومناقشة
| Quote: بعدين مستوى التعليم لحدي وين يعني |
اقل شي تخلص الجامعة او دبلوم عالي من معهد
| Quote: بعدين ياخي الزوجات السودانيات كلهن همهن مشترك حنة ودخان وتياب بعدين المرجع بتاعهن واحد وهو امهاتهن حتى لو الواحده بروفيسر بتمشي تسال امها او امها بتوصيها عشان كده مسالة التعليم دي بالنسبة لغالبية السودانيات مافارقة كتير بالنسبة للرجال |
يا أخوي ضحكتني بالكلام دا...غلبتني اقول فيهو شنو
Quote: اديك مثال في الغربة هنا زوجات خريجات ومن عرسوهن نسوا الشهادة والعمل الصالح وقاعدات في البيوت ومخهم اتحجر
والشهادة ماليها اي اهمية الا في ونسة لو سالوها تقول خريجة لوووولز |
دا شي محزن ومؤلم....انو بعد تعب سنين الدراسة الواحدة تجي تقعد في البيت ساكت....معلقة الشهادة في الحيطة او مرمية في مكان ما
| Quote: رائي الشخصي المراة العايزة تتعلم تواصل حتى الدكتوراة او الشغلانة ح تكون تقضية وقت ساكت |
رايك جميل جدآ....... لكن داير وقوف ومساعدة من الراجل
تحياتي
| |
|
|
|
|
|
|
| |
PLAYER
smart_ana2001
مريم بنت الحسين
mona altom
ياسر إدريس حسن
Dania Elmaki
هواري نمر
رشا بابكر
داليا حافظ
عبدالله ود البوش
Dr.Elsadig Abdalla
عاطف عمر
ismeil abbas
ALZOLZATOO
فيس بوك
تويتر
انستقرام
يوتيوب
بنتيريست