Alfarwq والفرقــان

Quote: شكرا سناء خالد توارد خواطر.. أنا كنت متحمسة أكتب بوست بنفس المعنى بس سؤالي كان بالتحديد موجه لاثنين: الأول وليد الكوز.. وليد من يوم ما رموا ساس هدا المنتدى ما حصل يوم خبا ولا دارا ولاؤ الشديد للبشير والثاني فرانكلي.. وفرانكلي أعرف كتاباته المتزنة من قبل ما يرموا الساس هنا حتى كنت عارفة انه مناصر دينه .. لكن من وقت قريب بس عرفت انه مناصر النظام مهم أعرف رأيهم الاتنين في خطف النساء والتحرش والاغتصاب.. لتقديري المعلوم لشخوصهم وهم عارفين اليوم بالنسبة لي يوم الفرقان.. والتقدير لازم يمشي لناس (حقيقة وليس وهما) بستحقوه ولحد الآن لهم فائق الاحترام

Quote: وامكن يكون مناسب كمان اجيب الاقتباس ده: Quote: الحاجة التانية اللي لزم توضيحها أني لما أخاطب وليد بوليد "الكوز" ، كوز على الاطلاق ما بشوفها منقصة ليه ولا شتيمة ولا تحقير.. بالعكس أنا بقولها لانه معتز بيها وما شايف فيها أي نقيصة.. هو انسان واضح ويكفيه هذا الوضوح ويكفيني لانه وضوحه سبب من اسباب احترامي ليه

Quote: رمانة تحياتي و احترامي ... عارف انه القرف من الوضع بخلي الزول بقول اشياء كتيرة ... و لاني عارف مقدار الاحترام المتبادل اسمحي اقول ليك كلامك عن تحديد العلاقة و الاحترام بناءا على مواقف فكرية و سياسية ما بشبهك ... يا رمانة لو تذكري نقشاتنافي سوادن نت و هنا برضو انا و ابو حمزة النوبي و ودمدني و مهدي و عيون الحرية و غيرهم مع الجمهورين ... دائما كان عندك موقف قوي انه احترامنا للناس ما مفروض يبني على الاختلاف الفكري او السياسي و انه نتواجد و نتناقش في المنبر باحترام ... و ده بخدم الفكرة و صاحبها ... قولك انه اليوم يوم الفرقان ما بشبهك و كلامك عن انه الاحترام مفروض يمشي لناس حقيقة مش وهم فيه تجني كبير على الاخ كمال و الاخ وليد ... مهما اختلفنا يا رمانة مفروض ما نصل لدرجة انه نصف انسان بالوهم لا لشئ لانه فقط ما ادان خبر يحتمل بكون صح و وارد انه يكون خطاء .. انا القدامك ما ادنت اي من الروابط العرضت لاني بكل بساطة ما مستعد ادين شئ بدون اي اثباتات اتحمل وزر الادانة ... و السبب انه المنبر اصبح ما عندة اي مصداقية ... كم من الرابط طلعت فشنك كم من الاخبار طلعت مفبركة و كم من القصص طلعة كذبة كبيرة .... مجرد انه فلان او علان متحفظ من انه يدين حادثة ما مثبته (و لانه مصداقية الناشر الكلام دي صفر كبير)ما اظنه بكون سبب لعدم الاحترام .. و بمناسبة الناشر الهو عبدالمنعم سليمان ما زول صادق .... انا اكتر زول بعرف الزول دي في منبر بكري لكن ما حبيت اذكر اكتر من كدي من اجل اشخاص نحترمهم

Quote: لا أعتقد أنّ هنالك إنسان سوي وعاقل وراشد يستطيع أن يبرر ما حدث أو يغض الطرف عنه وإدانة مثل هذا الفعل لا تحتاج لاستجداء ونداء جريمة الاغتصاب مرفوضة دينيا وعرفياً وأخلاقياً هذا من ناحية من ناحية ثانية أرجو أن تضعي ما جاء به الأخوة تمبس ووليد وأساسي وود الصائم نصب عينيك فهو من الأهمية بمكان أسف جداً لشح الوقت الذي أملك للتعقيب والتداخل ولكن في هذا الإيجاز أرفض رفضاً قاطعاً محاكمات التفتيش وقراءة نوايا القلوب فمواقفي في هذا المنبر ليست باهتة بل ناصعة واضحة وضوحاً تاماً أعبر عن رأيي بكل مسؤولية واستقلالية ولا أبه إطلاقاً بالألقاب الجزافية والتنميطات الغبية أخطأت الحكومة نقول أخطأت الحكومة ليس إرضاءً للمعارضة ولكن تلبية لنداء مبادئنا أخطأت المعارضة نقول أخطأت المعارضة ليس إرضاءً للحوكمة ولكن تلبية لنداء مبادئنا لا يهمني أبدأً رضاء معارضة أو نظام في سرد أفكاري وتقييم كتابات الأخرين وليس خطي أن أغرد مع سرب المعارضة في العباطة والعوارة التي تسود المنبر بإلصاق الألقاب على كل مختلف مع المعارضة ووصمه بموالاة النظام وهو رأي يتسم بالغباء والبلادة لدرجة تثير الشفقة والرثاء على البديل الذي يريدون لهذا الوطن نظافة المعارضة يجب أن تكون متواصلة وكشف الزيف والكذب والتدليس والخداع وسياسات الإقصاء والديكتاتورية التنظيمية وفكرة "كل من هو ليس معنا فهو ضدنا" الإنهزامية البالية تحياتي وتقديري أختي سناء وشكراً للأخوة وليد المبارك وأساسي وتمبس وود الصايم لكتابة ما يعبر عن نفسي في ذا الخصوص

Quote: السودان بقى مخيف يا الفاروق .. امكن انت لسه بعيد عنه ممكن أي انسان يقول ليك هو أمن ويطلع بطاقة ويعمل العايزه الحاميها حراميها وانا ما بقدر اتجاوز محاسبة المسئوليين عن انتشار الفزع بين الناس أو حرمانهم من الامن والأمان.. الماقادر يتحمل مسئولية وظيفته يستقيل ويدي الفرصة لحد تاني قادر على أداء العمل والنساء مستهدفات بصورة خاصة.. لو عايز تعرف .. أمشي بيت البكا وشوف الناس بتبكي على شنو بالاضافة للميت

Quote: بدون تعليق

Quote: راجعى كتاباتك انت يا رمانه لانو الناس ديل هم نفسهم ناس سودانت 2002م دا الفاروق وفرانكلى وتبلدينا .. ارائهم كما هى وان طال الزمان بهم.. ---------- وان جاء عيون الحرية يوما سيؤكد ما اقول .. وربنا ويديم الود ولا ازيد ؛

Quote: رمانة تحياتي و احترامي ... عارف انه القرف من الوضع بخلي الزول بقول اشياء كتيرة ... و لاني عارف مقدار الاحترام المتبادل اسمحي اقول ليك كلامك عن تحديد العلاقة و الاحترام بناءا على مواقف فكرية و سياسية ما بشبهك ... يا رمانة لو تذكري نقشاتنافي سوادن نت و هنا برضو انا و ابو حمزة النوبي و ودمدني و مهدي و عيون الحرية و غيرهم مع الجمهورين ... دائما كان عندك موقف قوي انه احترامنا للناس ما مفروض يبني على الاختلاف الفكري او السياسي و انه نتواجد و نتناقش في المنبر باحترام ... و ده بخدم الفكرة و صاحبها ... قولك انه اليوم يوم الفرقان ما بشبهك و كلامك عن انه الاحترام مفروض يمشي لناس حقيقة مش وهم فيه تجني كبير على الاخ كمال و الاخ وليد ... مهما اختلفنا يا رمانة مفروض ما نصل لدرجة انه نصف انسان بالوهم لا لشئ لانه فقط ما ادان خبر يحتمل بكون صح و وارد انه يكون خطاء .. انا القدامك ما ادنت اي من الروابط العرضت لاني بكل بساطة ما مستعد ادين شئ بدون اي اثباتات اتحمل وزر الادانة ... و السبب انه المنبر اصبح ما عندة اي مصداقية ... كم من الرابط طلعت فشنك كم من الاخبار طلعت مفبركة و كم من القصص طلعة كذبة كبيرة .... مجرد انه فلان او علان متحفظ من انه يدين حادثة ما مثبته (و لانه مصداقية الناشر الكلام دي صفر كبير)ما اظنه بكون سبب لعدم الاحترام .. و بمناسبة الناشر الهو عبدالمنعم سليمان ما زول صادق .... انا اكتر زول بعرف الزول دي في منبر بكري لكن ما حبيت اذكر اكتر من كدي من اجل اشخاص نحترمهم

(عدل بواسطة Alfarwq on 02-25-2011, 02:14 PM)

Quote: كلنا يا أخي في حياتنا كذبنا أخبار بس عشان هي أشنى مما نحب أو نتوقع.. وكذبنا أخبار بس عشان ما بنحب أو بنثق بالناقل.. بس ده ما بيعني أنه كل الكذبناه ما هو حقيقة أو ما فيه شي من حقيقة... طيب لو قلت ليك أنا سمعت من مصدر موثوق بأنه التعرض للنساء خاصة لو سايقات سيارات بالليل لوحدهن ده موجود حتصدقني ولا لازم أجيب ليك بلاغ مفتوح ؟ العايز يكذب بس حيكذب كل شي حتى البلاغ المفتوح.. لأنه الهدف مش البحث عن الحقيقة.. الاهداف بتختلف.. وآخرها وأقلها أهمية بس هو البحث عن الحقيقة.. عندك في السيرة ..كذب أهل مكة سيدنا النبي وفضلوا يطالبوه كل يوم بدليل جديد.. وكل ما يجيب ليهم دليل يزيدوا في الطلبات والتكذيب.. وفي النهاية، قعدوا يستدروا في عطفه عشان يقول ليهم اذهبوا انتم الطلقاء.. بالله كم من السنوات ضيعوا؟

Quote: أنا بفتكر اختلاف الناس نعمة وليس نقمة يا الفاروق .. طالما ما دايما محكوم بالاحترام .. بنتعلم من بعض وبنشوف باكتر من عينين..والعيون الكتيرة دي بنقدر مرات نوجهها للآخرين ومرات لذواتنا.. وبعدين الاختلاف ده قدر من ربنا على عباده ..مش هو ربنا الـ قال: (ولو شاء ربك لجعل الناس أمة واحدة ولا يزالون مختلفين إلا من رحم ربي) يعني ربنا قدر لينا الاختلاف وخياراتنا هي البتحدد نحن وين في الدنيا وبكرة وين نحن في الآخرة.. أنا عارفة انه في أشياء بتتكتب في البورد بتحتمل الخطأ.. ويجوز الناقل بقصد أو بدون قصد الكذب نقل خبر كاذب أو غير مؤكد.. ويجوز في وجوه أخرى للخبر غير الوجه اللي ورد بيه.. كله جايز.. انا ملاحظة أعضاء البورد هنا من كتر ادمان الكتابة الواحد بقى مستعجل (للسبق الصحفي).. لانه البورد نفسه بقى مصدر معلومات.. أنا واحدة من الناس اللي بجي هنا لمعلومة .. لكن كمان الانكار في حد ذاته يا أخي ما مفروض يكون الهدف..الواحد لازم يخلي جواه شي من الشك ولو ضئيل عشان ما يصيبه (العمى)

Quote: كوني طلبت موقف من الشخصين ديل كان من باب الاطمئنان والعشم انه الدنيا لسه ما غيرتهم.. أنا فاهمة طبعا في ناس، رغم انهم لا زالوا مؤيدين للنظام، بس قادرين يشوفوا السلبيات العديدة للنظام لكنهم برضو بيشوفوا حاجات كويسة فيه وعندهم أمل فيه وفاكرين ان الشين البين ده مجرد زبد هم بقدروا يزيلوه .. وكمان في الماشي وهو عميان ومصدق انه شايف وشايف كويس كمان لدرجة الدفاع المخلص عن النظام بدون ما يقيف ويدي نفسه لحظة تفكر ويسأل روحه السؤال بتاع "طيب لو اني طلعت ما صاح حيكون موقفي شنو؟" مش كده وبس .. عاااارف لكن مصر على "صم بكم عمي فهم لا يفقهون ولا يرجعون ولا يعقلون ولا يبصرون.."...هديل يا الفاروق اللي صدق عليهم قول الله تعالى : ( فإنها لا تعمى الأبصار ولكن تعمى القلوب التي في الصدور).. ديل من حقي ما أحمل ليهم تقدير وطبعا من حقهم ما يشتغلوا بعدم تقديري ليهم..

Quote: أخي..أنا ما وصفت شخص بالوهم يا الفاروق أنا بقول انه الموقف من الحدث المعين بيوضح لي اذا الانسان المقصود بيستحق التقدير ده ولا الاستحقاق والاحترام ده مجرد وهم أنا عايشة فيه ..وضح ليك الفرق؟.. طبعا أنا ما عندي كمية من التقدير الزايد محرق روحي وبوزعه بالمجان للعالمين.. أنا بحترم الشخص رغم اختلافي السياسي أو الفكري معاه لانه عنده ثوابت (اخلاقية) خلته يستاهل الاحترام. أنا كنت بتوقع الشخص يقول لي أنا استنكر اختطاف النساء من الشوراع وأرفض اغتصاب النساء وان اي شخص يعمل كدة مفروض يحاسب بالقانون، أنا كده بعرف انه الانسان ياهو لسه ذاته الاحترمته زمان عشان الثوابت الاخلاقية دي.. بغض النظر عن انه لازال قادر يشوف شي جميل أو مشجع في النظام ولسه بيأيد فيه

Quote: لكن يا رمانة استحقاق التقدير و الاحترام ما يتحدد بموقف واحد بغض النظر عن الموقف .... لابد ان يبني على اساس قوي و مواقف كثيرة... اذا افترضنا انه الاخوة ماادانو الفعل هل ده بكون الشئ البقطع احترام بني على مواقف كتيرة و قوية ؟ ما ظنيت

Quote: لكن يا رمانةالمنبر ما زي ما خليته ... ناس المنبر ما شغالين بعين واحدة و هي عين المعارض المحض .. ناس المعارضة ناسين انه في ناس لافي صفهم لا في صف الحكومة .. في ناس بشوفو انه المعارضة بصورتها الحالية في الواقع و الاسافير ما افضل من النظام ... و للناس دي الحق في وجهت نظرهم و مفروض تحترم

Quote: و بالتاكيد يا رمانة السوء يغلب على النظام لكن برضو في ايجابيات

(عدل بواسطة rummana on 02-26-2011, 02:43 PM)

Quote: بكري يترصدلي في كل صغيرة و كبيرة اكتبها و متحسس من جملة كتبتها في بوست سناء خالد فحوها انه المنتدى يفقد مصداقيته و رسل لي استفسار مقتضب ... و اشتم رائحة ايقاف حسابي زي المرة الفائتة من دون اي سبب .. فقط لانتقادنا المنتدى ... و برضو منبر حر