|
|
|
 Re: السلطات الامنية.. تمنع توزيع صحيفة الميدان بعد الطبع وتسلم للمندوب بعد العاشرة من صباح الي (Re: عفاف ابوكشوه)
|
الأخـت الـحـبيـبـة الـحـبـوبـة،
عفاف ابوكشوه،
تحياتي ومـودتي،
***- شنو الغريب في انو الجهات الأمنية تقوم بمنع شركات التوزيع من استلام صحيفة "الميدان" بعد الطبع من المطبعة?..مامن سنة 1946 وزمان الحاكم البريطاني في الخرطوم ومطبوعات الحزب الشيوعي تتعرض للمصادرة ومباغتة رجال البوليس السري للمطابع لمصادرة اعداد جريدة "اللواء الاحمر". . ومنشورات "الرونيو" وده كله معروف وموثق...وجاء عبود وصادر وبقيت الجريدة وراح عبود...وجاء بعده ابعاج ضرار المحن وصادر برضو المطبعة ونزل الحزب لتحت الواطة وانتهي نميري وطلعت الجريدة من تحت الواطة ومارست نشاطها..
***- واليوم وبعد 65 سنة من نضال الحزب الشيوعي " ترجع حليمة الانقاذية لعادتها القديمة بتاعت سنة 1946 " وتصادر بنفس اسلوب المراحيـم القدامي (الحاكم العام البريطاني وعبود ونميري) اعداد جريدة "الميـدان"!!!
***- كلمة صادقة اقولها لناس الأمن، انتو بدل ماتصادروا جريدة او اعداد من جرائد هي لاتسمـن ولاتغنيكم من جوع،... صادروا الشركات بتاعت "المافيآ" الاسلامية الدخلت الدقيق المسرطن والاسمنت المضروب وقطع غيارات السيارات المقلدة الادوية المنتهية الصلاحية،...اقبضوا علي "المافيوزي" السعودي الخطير جمعة الجمعة وصادوا منه مباني السوق الحرة وفندق قصر الصداقة بالخرطوم بحري والبنك العقاري، وبالطبع جـمعة الجمعة ده معروف عندكم وكيف هو اصلآ دخل السودان لغسيل ملايينه القذرة ببنوك الخرطوم الاسلامية،
***- واسألكم ياناس الامن مرة تانية، بالله عليكم الله منو الاشرف من التاني الصحفي المسكين بتاع جريدة "الميدان" البكسب عيشه بالحلال بالكتابة النشر ويلاقي الاهوال في اكل عيشـه...ولا من تقومون انتم بحمايتهم وهم حرامية وعلي رأسهم الف ريشة?!!
***- والله العظيم ربنا لن يحرم فمآ شقاه من الطعام والشراب، الله سيتكفل بكل من تحاولون قطع عيشه ورزقه، وسيكون حسابكم عسيرآ مريرآ...واقراءوا كتب التاريخ.
***- لك مودتي اخـتي عفاف.
| |
  
|
|
|
|
|
| |
عفاف ابوكشوه
عمر ادريس محمد
عاطف مكاوى
خالد العبيد
ibrahim alnimma
عبد الناصر حسن أحمد
فيس بوك
تويتر
انستقرام
يوتيوب
بنتيريست