|
|
 سمعا و طاعة يا مشير ،،،،،،،،،،،،،،،
|
من العيب لنا أن نعصي نداءك ،،،
لا حكومة قومية ،،،
الشريعة و بس ،،،
من له إقتراج سنسمع ليهو ،،،
من له تصور أيضا سنسمع ليهو ،،،
حكومة مدغمسة مافي مجال ليها ،،،
العندو راي تاني يلاقينا في شارع الله ،،،
،،،،،،،،،،،،
واضح يا مشير و بحكم معرفتكم اللصيقة و درايتكم بشئون البلاد و بحكم
أنكم القائمون علي أمور حكم البلاد و بحكم التأييد غير منقطع النظير
الذي تتمتعون به و تجدونه و تحسونه من سائر جماهير شعبنا،،، أنكم
علي علم تام بأنو الناس نايمة و مرتاحة و ما عندها هم ،،،
ندعو كل المعارضين و الشباب و الذين ذهبت نيتهم لتصعيد الإحتجاجات
من أجل إسقاط النظام أن يتوقفوا عن ذلك و أن يستمعوا لصوت العقل
صوت المشير و ألا ينجرفوا وراء صعاليك مصر و تونس و أن يتحلوا بالأدب
و البعد عن أصدقاء السوء ،،، فزين العابدين بن علي في حقيقة الأمر
قرر يبطل الصعلقة و يزهد الدنيا و ما فيها و يجاور النبي عليه الصلاة
و السلام ،،،
أما حسني مبارك فهو في الحقيقة في نقاهة في شرم الشيخ و قرر يترك تسيير
أمور البلاد للشباب عشان يضمن الإستمرارية و عشان كده بعث أبنائه علاء و
جمال في دورة تدريبية في لندن للصقل و التدريب ،،، و قصة سقوط النظام
دي القايمين بيها مجموعة من الصيع و الصعاليك حاتنتهي في غضون الأيام
القادمة و تعود الأمور لمجاريها ،،،
مافي داعي يا مشير أن تتحدي الناس و تقول ليهم العايزني يلاقيني في
الشارع فالناس عارفنك تربية شوارع و عارفينك جاي من الشوارع و مافي
داعي للفضايح ،،،
|
|
 
|
|
|
|
|
|
|
|
Re: سمعا و طاعة يا مشير ،،،،،،،،،،،،،،، (Re: الهادي هباني)
|
والله يا هادى يا صديق
كنت بفكر في عنوان لأفترع بوستا مشابها
ولكن لا يمكن أن يكون هنالك عنوانا أقوى من هذا
اضافة لمقدراتك التحليلية والكتابية الفائقة
فشكرا أن أعفيتني من ذلك ... وأن يظل هذا
البوست ملكا لنا جميعا .......
بالله شفت كيف؟
وأهلك ناس قوى الاجماع الوطني
لا يزالون في حلمهم ..... (الحوار ولا شئ غير الحوار)
فتأمل !
والغريب يا ود الناظر أن الأحزاب الوطنية في كل من
تونس ومصر واليمن والسودان .. الخ تتمسك بالحوار
ساعة أن لا جدوى منه ... أنظر لأحزاب اللقاء الوطني باليمن
الشارع هائج ومائج وهم يصرحون للفضائيات علي استحياء
بأنهم علي وشك أن يصلوا لحلول مع النظام الذى حكمهم لأربعة عقود
ومن قبلهم أهلك ناس الوفد والتجمع والناصرى الذين تفاجأوا بميدان التحرير
أما قوى تجمعنا الوطنية جدا فقد بح صوتنا معها.
فما العمل يا صديق؟
| |
|
|
|
|
|
|
|
|
|
Re: سمعا و طاعة يا مشير ،،،،،،،،،،،،،،، (Re: عاطف مكاوى)
|
| Quote: فما العمل يا صديق؟ |
تحياتي يا أبومكاوي ،،،
الحل هو السمع و الطاعة للمشير فأكثر من 99% من أهلنا معاهو:
* الديش معاهو
* البوليس معاهو
* الأمن معاهو
* بمليشياتو و رباطو براهو
* الهمباتة معاهو
* الشباب معاهو
* العجزة و الأطفال معاهو
* النسوان معاهو
* الطرق الصوفية معاهو
* الملايين قاعدة تستقبلوا و تتخوجل معاهو
* حسني مبارك معاهو
* زين العابدين بن علي قاعد يدعو ليهو في الحرم
* القذافي و علي عبدالله صالح و بوتفليقة و الأسد و نجاد قاعدين يقدموا ليهو عرض تدريبي مفيد
* إيران معاهو
* الصين معاهو
* أمريكا قال معاهو
* أوكامبو ذاتو خاف منو
* ربنا بجلالة قدره ذاته معاهو
أما باقي الواحد في المية ديل ناس دغمسة ساكت ،،، و عشان إنت صاحبي خايف عليك من الدغمسة و
الكلام المدغمس و مبارات المدغمسين ،،،
و خايف عليك برضو من المروق لشارع الله يقوم يلاقيك ليك واحد رباطي يعيقك ساكت و نبقي في رويحتك
| |
|
|
|
|
|
|
|
|
|
Re: سمعا و طاعة يا مشير ،،،،،،،،،،،،،،، (Re: عاطف مكاوى)
|
عفارم عليك أسد الجفير و مبروك علينا و عليك شيلة 12 لواء
من الديش و مبروك مقدما شيلة العمداء الجاية في مقبل الساعات
أو الأيام ،،، يستاهلوا و يستاهل أي واحد تاني ينفض ريشو و يقول
كلام المشير عيب ،،، و إكتناز الذهب و الفضة عيب و تشييد العمارات
و القصور و المزارع المسورة بالحيطان الخرسانية العالية المزينة و
المبخرة بعطور و رياحين أجمل مما أنتجته بلاد السند عيب ،،، و ضرب
الناس العزل عيب ،،، و الكضب عيب ،،، و هز الوسط عيب و ما بليق
برجال الديش ،،، و البجاحة و الترهيب و التلفظ بلغة الشوارع عيب ،،،
سمعا و طاعة يا مشير و لييييقدام و أي واحد دياشي يمد رقيبتو و يرفع
رويسو و يقول كلام مدغمس ما بنضرب الناس العزل و الديش ديش الشعب
و ما عارف أيه عليك بيهو و لبيتو طوالي و أكان بيتو ما شالو بتشيلو
البكمة ،،،
| |
|
|
|
|
|
|
|
|
|
Re: سمعا و طاعة يا مشير ،،،،،،،،،،،،،،، (Re: معاوية عبيد الصائم)
|
Quote: بمسجد والده حسن أحمد البشير بكافوري..عمر البشير يخاطب المصلين ويدعو لمحاربة
الفساد والمحسوبية
كتبت الرائد صحيفة حزب البشير :
جدد رئيس الجمهورية المشير عمر حسن أحمد البشير دعوته لمحاربة الفساد والمحسوبية وذلك بإنشاء
مفوضية في هذا الخصوص.
وقال خلال مخاطبته المصلين بمسجد بمجمع النور الإسلامي عقب صلاة الجمعة أمس إن محاربة الفساد
والمحسوبية مسئولية مشتركة ما بين المجتمع والدولة داعيا إلى مراعاة المصلحة العامة وضرورة
تغليب المصالح الوطنية على الشخصية وأكد البشير أن التمسك بحبل الله المتين اكبر عاصم لنزغ
الشيطان وميول السلطان.
من جهته وصف الداعية الإسلامية د. عصام أحمد البشير خطوة محاربة الفساد والمحسوبية بأنها تعزز
من الجهود للمحافظة على المال العام. |
عفارم عليك يالمشير خلاس ضمنت جنتك ،،،
* ضربت المثل في البر بالوالدين و بنيت لأبوك مسجد قصر عديل كدا من حر مالك و من تحويشة عمرك الفضلت
تحوش فيها من ما كنت بتشيل المونا و بدق الطوب الأخدر لحدي ما خشيت الديش و بقيت مشير و رئيس ،،،
* سالت دميعاتك في جامع أبوك لمن يا دوبك أكتشفت أنو في فساد بين جماعتك و حكومتك و ربنا حا يجازيك
خير علي دميعاتك السالن ديل و يعوضك عليهن،،،
* مسكك لدرب الله و حبله حفظك و صانك و خلاك فوق الشبهات رمز للأمانة و الشرف و النزاهة و يا ريت كلو الناس
الفاسدين يحذوا حذوك و يبقو زيك و زي أمات المؤمنين نسوانك و أخوانك و أهلك الكرام و كل ناس حوش بانقا ،،،
و عشان كدا ربنا أداك من نعيمو و فتحا عليك من كل باب و بقيت ما شاء الله صاحب أطيان و أملاك و قصور و شركات
و حسابات و مليارات ،،،
* ما قصرت مع بطن بيتك و أهلك و فتحتها ليهم من كل باب و ما حرمتهم من نعيمك و ده برضو عمل خير و زي ما قال
النبي الكريم الأقربون أولي بالمعروف ،،،
| |
|
|
|
|
|
|
| |
الهادي هباني
عاطف مكاوى
معاوية عبيد الصائم
فيس بوك
تويتر
انستقرام
يوتيوب
بنتيريست