يعنى الهكر دة مالقى زول غيرى

Quote: نان ماحيرنى كلوكلو

Quote: الابنه غاده سلام ليكي يا حبيبه انتي غلطانه الكلمتي الناس المتسلطه دي ... بدل ما يشمروا ويقيفوا وقفة جعليين زينا كدي يقعدوا يسوها شماته وغتاته عموما حوش اخونا ود البكري ده سداي ورضاي وفيهو شباب ولعه زي ناس دكتور سبيل وناس دكتور انور دفع الله وغيرهم (معليش السن ليها حكمها ما قادر اتذكر اساميهم )... ديل كملو لوحهم تب في حكايه الاسفيريات ده وظني فيهم إنهم جاهزين وما ببخلوا علي بنات بلدهم وشيوخها زينا كدي من إغاثه وإستغاثه معليش يا بت اخوي عمك محو اميه في حكاية النت والصوفتوير عللا انا سمعت انو الهكر خشم بيوت ..زي الموت والمرض بجيك من المسلط العينو ما صلت او كما تغني انصاف مدني ... قالوا في هكر بجي حايم في الهواء زي النزله كدي ..... في شفع شداد بعوسوهو ويوزعوهو كدي علي خلق الله بستعرضو بيهو عضلاتهم وديل غالبا بي من جنوب شرق اسيا الناس البعرفو قالو لي من انواعه هكر بجيك قاصدك عديل ..زي حاجة كدي من الناس الشغاله بي الناس لسبب او اخر زي ناس الامن مثلا وتحت تحت سمعنا انو ناس امن السودان لقو حكايه الغواصات الداسنها في الراكوبه وفي حوش البكري وغيرهم من المواقع دي ما جايبا تمنها ... استجلبوا ليهم كام واحد كدي شي صيني وشي هندي سلطوهم علي ناس من الناس الماقادرين يصموا خشمهم وقاعدين للملاطعه ... وفي هكر بعملوه الشركات بتاعة الانترنت سكيوريتي عشان يسوقو بيهو البرامج المضاده البعملوها عشان يلقوا ليها سوق وفي هكر بتباصا ليكي عن طريق رسايل من حبايبك او قرايبك وديل هم غالبا بكونو ضحايا وما عارفين الحاصل شنو بجيكي في ميل واللا في اتاشمن Attachment في شكل صوره الي اخر القائمهحي وفي هكر بجيك عن طريق التصفح خصوصا المواقع المفتوحه زي مواقع الجامعات مثلا ... وفي هكر بجي عن طريق النسخ من النت او عن طريق اخر يعجبك موضوع يكون مزروع فيهو لغم وفي هكر علي المستوي التاني في شكل data-mine وفي هكر تالت متلت من النوع البكون نايم Dormant يعني resting or suspended ويقوم يصحي في تاريخ معين واللا لامن تقومي تهبشي مفتاح معين زي مفتاح delete مثلا والقصه طريله وعريضه ونصيحتتي ليك يا بت االلاخو انو المرض الما بكتلك بقويك وحقوا تتعزي بالحكمه القرآنيه (لِكَيْلا تَأْسَوْا عَلَى مَا فَاتَكُمْ وَلا تَفْرَحُوا بِمَا آتَاكُمْ وَاللَّهُ لا يُحِبُّ كُلَّ مُخْتَالٍ فَخُورٍ) واعملي زي عمك كدي ونزلي برامج مجانيه قويه زي spybot والقيهو في الرابط ده http://download.cnet.com/Spybot-Search-amp-Destroy/3000...8022_4-10122137.html بس برمجيهو كريس عشان يفتح من لامن تجي تنومي ويقول بسم الله ينكت المخبي من الالغام كلها وتقومي من الصباح تلقي كمبيوترك زي الدخلتيهو غساله اتوماتيك والوصيه بالمهله ما تنسي تحديثهو كلو فتره والتانيه عشان يجيكي باخر موضه من الامصال وسلام ومحبه ليك يا زينة الشباب

Quote: نان ماحيرنى كلوكلو

Quote: اخونا عبدالعزيز حياك الله وجملك وكملك بي بركة دعاء الوالدين حاشا لله يا رجل .. ففوق كل ذي علم عليم .. إحنا ناس كواسا ساكت بنسوط ونكب .. ضربه تصيب وضربه تخيب وانت يا صباح الخير بريه من البلاطه وا صلوا الجواب قالوا ببين من عنوانو .. وباين عليك انك من اهل مكه واهل مكه ادري بشعابها يللا مد يدك لي اختك غاده وازرب ليها ميلاتها بي حبلا متين ..تكسب ثواب

Quote: اخونا عزيز عيسى اناغايتو فارشة وعاملة صيوان والبركة فيكم بالخشم دى مابتنفع وعلى قولك اللة يجازى اللى كان السبب (مع تقديرى للتضامن)

Quote: غايتو ياعزيز مقترحات قيد النظر والنقاش منتظرة افادة الخبراء المذكورين وبعداك نشوف حكاية الحملة دى