|
|
 ( دمع العين ) باكورة ألحاني .. يلا سجن سجن ..غرامه غرامه
|
دمع العين
كلمات وألحان: فاروق أبوحوه
كلّمناك أنسي جفاك
ما همّاك قولنا معاك
دمع العين ما كفّاك ؟
كيف بنطول نحن عُلاك ؟
كيف بتطيب روحنا بلاك ؟
ليه بتقول قلبي سلاك ؟
يالهالكنا إنت هلاك
دمع العين ما كفّاك ؟
إنت الغالي إنت ملاك
شاغل بالي والله غلاك
نورك يضوي للأفلاك
حامد المولي لي دلاك
دمع العين ما كفّاك ؟
سامي شعور وما أسماك
يالنورت إنت سمــاك
فيك جمال وليك براك
إلا شقايا ما همّـــاك
دمع العيــن ما كفّاك ؟
|
|
  
|
|
|
|
|
|
|
|
Re: ( دمع العين ) باكورة ألحاني .. يلا سجن سجن ..غرامه غرامه (Re: omer osman)
|
قوووووووووووووووووووووووون يا فاروق...
حلوة والله..
قال باكورة قال..
الشي ولادتكم دي بتجي مارقة بشنطتها وبوشها ماشة الجامعة؟؟
ما شاء الله والله حاجة مية مية..
الزول دا غناي كمان إحساسو جميل خلاص..
والزول بتاع الكيبورد برضو مفروض تعرفنا بيهو ياخي.. زول فنان خالص برضو..
مية مية يا شباب يا حلوين..
حاجة تفرح فعلاً..
مليون مبروك تحت الحساب..
| |
|
|
|
|
|
|
|
|
|
Re: ( دمع العين ) باكورة ألحاني .. يلا سجن سجن ..غرامه غرامه (Re: هند محمد)
|
الاخ شاعرنا والترجم بي قلمو مشاعرنا
ابو حوه
مبروووووك الباكورة
خلقة وأخلاق
عمل سيضاف لي ميزان حسناتك
اولاً بالتبادي
مبروك الخطوبة ( لو ما باركت ليك من أصلو )
العطر الفائح من بوستك دا ........ خلانا نرجع للمفردات
برغم انو ( انكتل فينا الامل وبقينا ذي ابو الدرداق مع القمرة ... نتفتش لي منفي نسردب فيهو
أخد الحرف نَفسـو
بديت اكتب
قصايد زول بعدما كسر المجداف
وفوق البر غرق مركب
شال السكة في الاكتاف
ورجع آخر العمر يعتِب
عمرنا الضاع بدون عنوان
حرام .... يا زمنا ليو تحَسِب
لم يبدا عمرك من هنا ولكنه سيتخذ مذيداً من التوهج
محمد الفاتح خالد
| |
|
|
|
|
|
|
|
|
 Re: ( دمع العين ) باكورة ألحاني .. يلا سجن سجن ..غرامه غرامه (Re: محمد الفاتح خالد حسون)
|
Quote: الاخ شاعرنا والترجم بي قلمو مشاعرنا
ابو حوه
مبروووووك الباكورة
خلقة وأخلاق
عمل سيضاف لي ميزان حسناتك
|
أخوي محمد الفاتح
تسلم يا غالي و كلامك زاد رحله بلا شك.
Quote: اولاً بالتبادي
مبروك الخطوبة ( لو ما باركت ليك من أصلو )
|
الله يبارك فيك يا جميل
لكن صاحبك طارق جبريل قال لي والله تاني جنس (زرزير).. الكلام دا جد؟
Quote: برغم انو ( انكتل فينا الامل وبقينا ذي ابو الدرداق مع القمرة ... نتفتش لي منفي نسردب فيهو
|
والله يا حسون تذكرت بعض الأيام الكوالح وقد كنت أناجي النفس فيها بأن (يا بشر تمتع بالسئ فإن الأسوء آت آت).لكننا سردبنا وما زلنا نمارس نفس الفعل ونحن في هذه الإكتهاف المطلق الوجع.
دعنا نتقوي بالحرف ونتجاسر علي ظلمات بعضها فوق بعض.
هذا بشأن الذي كتبته عاليه ، أما ما نثرته بعده من قول فيحتاج (جمه) وترتيب لمتناثر الأشياء فينا و (بروااااقه).
كن بخير
| |
|
|
|
|
|
|
|
|
 Re: ( دمع العين ) باكورة ألحاني .. يلا سجن سجن ..غرامه غرامه (Re: هند محمد)
|
Quote: جمال x جمال .. لحن وكلمات
فاروق ياشاعر الكلمة الصادقة تحية ليك وللملحن فاروق ابو حوة
فنان شامل يا اخي
امنياتي لك بمزيد من التميز وبالسعادة دائما
تحية لفنك الراقي وللفنان سامي عز الدين |
الرائعة هند محمد:
خوفتينا يا هند قلنا إمكن يطلع (جمال مبارك) الذي تم (كرشه) من الكنانه.
تسلمي يا هند وما غريبه عليك نداوة الحروف
شكراً تماماً
| |
|
|
|
|
|
|
|
|
|
Re: ( دمع العين ) باكورة ألحاني .. يلا سجن سجن ..غرامه غرامه (Re: Mahmoud Mustafa Mahmoud)
|
| Quote: قوووووووووووووووووووووووون يا فاروق... |
أخوك خايف يجي (بتاع رايه) ويطلع قونا دا أوف سايد
| Quote: ما شاء الله والله حاجة مية مية.. |
طمنتني ياخ ..
| Quote: الزول دا غناي كمان إحساسو جميل خلاص.. |
فعلاً سامي زول فنان في كل شئ..
Quote: والزول بتاع الكيبورد برضو مفروض تعرفنا بيهو ياخي.. زول فنان خالص برضو..
مية مية يا شباب يا حلوين..
حاجة تفرح فعلاً..
مليون مبروك تحت الحساب.. |
علي الكيبورد والهندسه الصوتية (المعلم الكبير) وضاح حمو..
تسلم يا محمود ودا غنا الليل أبدفناً برا ههه
كل الود
| |
|
|
|
|
|
|
|
|
|
Re: ( دمع العين ) باكورة ألحاني .. يلا سجن سجن ..غرامه غرامه (Re: omer osman)
|
يا فاروق..
عملاً بمبدأ تبادل المراكز..
ممكن تجاسف لأخوك لحن للحاجة دي؟
(نجر الليل أبْ كراعاً برة)..
==============
الجميل مغرور..
ولَا طبعو كدا
شوف زهور الروض
ماخدة منه ندى
ياخي حتى القمرا
ماخدة منه النور
ماري فينا مرور
ما اتلفت ماشي
كلمة ما اتكلم
لما ما سلم .. قلنا ما ممكن
قولوا ليهو غلط
****
قالوا لينا الناس
سمحة أخلاقو
البخيل بي نظرة
تشفي عشاقو
الجمال والعفة
فيهو اتلاقوا
عادي ما يكلم
إلا ما يسلم ،،
أصلوا ما ممكن
قولوا ليهو غلط
****
الغزال ده جميل
ظاهرة ما في كلام
طبعو قاسي ونافر
أصلو طبع آرام
عفة خايلة عليهو
حشمة حاجة تمام
بس يمر فينا
يقسى ما يسلم
أصلو ما ممكن
قولوا ليهو غلط..
============
لو ما لحنت (الأغنية) دي وسمعتنا ليها هنا ده
في ظرف أسبوعين من تاريخه،،، فلا تلومن إلا نفسك..
واضح؟
قول يا لطيف .. ونحن في انتظار (القرمة)..
...>>...
| |
|
|
|
|
|
|
|
|
|
Re: ( دمع العين ) باكورة ألحاني .. يلا سجن سجن ..غرامه غرامه (Re: وليد عبد اللطيف)
|
Quote: ياخي عليك الله من الصباح معاي في الونسه والنقة وما تسأل عني ليه مادخلت هنا
بوست مفتوح من يوم 13 لكن زي ما قال ود جبرين فعلا انت شقي ومجنون
حاجة جميلة وشغل مُكلّف
حاجات زي دي يا مان في الايميل طوالي قبل كل شيء |
تحياتي يا ولي
عايزها طوالي في الايميل والغلابة الزينا يضيعوا ساكت
من الابداع دا
نعمل اتفاق من ايميلك وطوالي لايميلي
ونحنا في انتظار الجديد
كل الود والاحترام لك وللاخ فاروق والف مبروك الخطوبة يا فاروق
| |
|
|
|
|
|
|
|
|
 Re: ( دمع العين ) باكورة ألحاني .. يلا سجن سجن ..غرامه غرامه (Re: Mahmoud Mustafa Mahmoud)
|
| Quote: (نجر الليل أبْ كراعاً برة).. |
صديقي محمود (النجّار). .
مشتاقين يااااخ
| Quote: ممكن تجاسف لأخوك لحن للحاجة دي؟ |
لكن يا عمك بالطريقه دي (حتهرجونا) ..
ملحوظه: ما بين الأقواس لك الحق في إشتقاقه من (الإحراج) أو من (التهريج).
قلنا ليك زمااااان ..لكن راسك قوي و سادّي دي بي (طيبه) وديك براها (عجيبه).
Quote: لو ما لحنت (الأغنية) دي وسمعتنا ليها هنا ده
في ظرف أسبوعين من تاريخه،،، فلا تلومن إلا نفسك..
واضح؟
قول يا لطيف .. ونحن في انتظار (القرمة)..
|
يا محمود الشي (كُوار) ؟ أصبر لي شويه النشيل نفسي
لكن بيني وبينك كلامك سمح بالحيل و أخوك عمل فيهو بهارات كدي شوفه تحت ..
قرمه ؟ ياخي إنتو عالم شرّامه وقرّامه بشكل ..
قول يا لطيف
| |
|
|
|
|
|
|
| |
فاروق أبوحوه
omer osman
Mahmoud Mustafa Mahmoud
nazar hussien
هند محمد
محمد الفاتح خالد حسون
عماد الدين عبدالله
عبدالله الشقليني
طارق جبريل
وليد عبد اللطيف
الصادق خليفة
Hatim Gubara
فيس بوك
تويتر
انستقرام
يوتيوب
بنتيريست