|
عساكرهم وعساكرنا .. كيزانهم وكيزاننا ... معارضتهم ومعارضتنا .. توجد أمراض قلب
|
عساركنا ... واقفين داب وردة .. للإنقلابات وإستلاب السلطة بدعوى فشل النظام الديموقراطي وما أدراك .. طيب ما تدوها صنة شوية إمكن الديموقراطية الطايرة عيشتا دي يجي منها ...
بينما عساكرم تحترم الدستور لا يتدخلون في السياسة كثير محترمين الشعب وبدافعوا عن الدولة وحقوق الشعب الشعب بحبهم وبثق فيهم يا ليتنا نصل لهذه الدرجة من الثقة المتبادلة ... وفي أزمتم الأخيرة إنحازوا لشرعية الثورة . كيزانم صرحوا بعدم رغبتهم في الحكم وبأنهم جزء من الشعب وما حا يرشحوا رئيس من عندهم وما حاشرين موضوع الشريعة في كل حاجةعشان يستعطفوا مشاعرالناس لأنه رؤيتهم للإسلام رؤية من منظار واسع منظار رحمة وعدل هم عايزين تحقيق الديموقراطية والعدالة و معظم المنتسبين لكيزانم يعيشون حياة الكفاف. بينما جماعتنا ... تنتفخ جويبهم وكروشهم من مال الشعب المسكين .. ويقولو ليك للناس الباقيين دي إبتلاءات ولازم تصبروا ... قال ما دايرين حكم قال ديل بكنكشوا فيها برجليهم وكرعيهم ... ومستعدين يتنازلوا عن كل شئ كل شئ جنوب السودان جزء من شرق السودان وغربه ... المهم يظلوا على الكراسي لحدي ما السودان يبقى زي اليابان زي ما قال ود الباوقا ( طبعا دي إشارة ضمنية إنو حا يظلوا في الحكم ليوم القيامة ) لأن السودان تحت حكمهم حا يتصلح يوم القيامة العصر... أما المعارضة عندهم ..راقية وواعية وثابتة ومتعددة وليها شعبية وحركة وقاعدة في بلدها وبتناضل من جوة البلد ما طلعت برة وعاشت في باريس ولا نيويورك ولا الواق واق ولا أستعانت بالأجنبي لكنها عملت حركات ثورية داخلية محترمة منها من قال كفاية في عين السلطان لكن من جوة بلده مهما عذبوه وشردوه لحدي ما تم ليهم النصر أما معارضتنا نحن سجم الرماد الواحد فيهم أول أبواب النضال عندو الجري لبلاد بره والإستعانة بالشيطان زاتو هل قرأتم كتاب "الإستعانة بالشيطان في سبيل دك الكيزان" عليكم بقراءته لتتعرفوا على أهم ما يميز المعارضة عندنا... المهم الباقي لينا شنو ؟؟؟؟؟... والله ما عارف !!!! أنا خايف شعبهم ذاتو يكون ما زي شعبنا وتبقى دي مصيبة كمان...
|
|
|
|
|
|
|
|
|