|
استاذ محمد ميرغنى بشكى ليكم {الترامبيت} دعوه للاستماع ....والدعاء بعاجل الشفاء
|
قال الاستاذ شوقى بدرى
Quote: في سبتمبر الماضي كان الاخ بكري محمد ميرغني ابن الفنان محمد ميرغني في زيارتي و معه الاخ زكريا و بعض العازفين الاخرين ، و كان يتحدث بحرقه و الم فائق. و استمر الحديث حتي الصباح في مائدة الافطار لان الدكتور جهاد الغزالي نكاية في دكتور المعز قد بلغ السلطات عن بكري و اخرين مما ادي الي طردهم من السويد، لان الاستاذ محمد ميرغني صديق لدكتور معز .
|
المصدر للاخ فتحي البحيري و الاخرين ....بخصوص د. معز
الكلام ده كان حوالى سنه 2002 او 2003 والله ما متذكر
المهم الاخ بكري محمد ميرغني هو اخ وصديق عزيز بالنسبه لى ايضاً وكنا نسافر كثيراً ونغنى باجمل اغانى والده الفنان المعروف الاستاذ محمد ميرغنى كنت اعزف آله الترامبيت وهى الآله الرئيسيه التى اعزفها بالاضافه الى آلات اخرى فى احدى دردشاتنا ذكر لى بكرى ان والده لا يحب هذه الآله لان صوتها عالى ومزعج واذا لاحطت فانه لا يشركها ابداً فى اوركسترته يذكر انه مره قال بانه اكبر خطاء هو ادخال هذه الترامبيت فى الموسيقى السودانيه.....المهم الكلام ده عمل لى نفسيات وكان بكرى يضحك منً تضايقى وقال لى ةانت مالك ومالو اعزف اغانيه واقنعوا....ههه وهكذا كانت بدايه اول محاولات التسجيل والعزف الموسيقى بدون مغنى..ثم التحويل الى آله الساكسفون وقصص كثيره وحكاوى طويله يمكن سردها
|
|
|
|
|
|
|
|
Re: استاذ محمد ميرغنى بشكى ليكم {الترامبيت} دعوه للاستماع ....والدعاء بعاجل الشفاء (Re: محمد زكريا)
|
الاخ محمد زكريا اللهم اشفه شفاء ليس بعده سقما ابدا..اللهم خذ بيده اللهم احرسه بعينيك التى لا تنام .
و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار .
و ارحمه بقدرتك عليه ّ.أنت ثقته و رجائه يا كاشف الهم . يا مُفرج الكرب يا مُجيب دعوة
المُضطرين .اللهم البسه ثوب الصحة والعافية عاجلا غير اجلا ياأرحم الراحمين..
اللهم اشفه اللهم اشفه اللهم اشفه..اللهم امين.
اللهم اشفى عبدك محمد مرغنى وكامل التحايا للاخ /بكرى محمد مرغنى
| |
|
|
|
|
|
|
Re: استاذ محمد ميرغنى بشكى ليكم {الترامبيت} دعوه للاستماع ....والدعاء بعاجل الشفاء (Re: ناصر فراج)
|
Quote: اللهم اشفه شفاء ليس بعده سقما ابدا..اللهم خذ بيده اللهم احرسه بعينيك التى لا تنام .
و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار .
و ارحمه بقدرتك عليه ّ.أنت ثقته و رجائه يا كاشف الهم . يا مُفرج الكرب يا مُجيب دعوة
المُضطرين .اللهم البسه ثوب الصحة والعافية عاجلا غير اجلا ياأرحم الراحمين..
اللهم اشفه اللهم اشفه اللهم اشفه..اللهم امين.
اللهم اشفى عبدك محمد مرغنى وكامل التحايا للاخ /بكرى محمد مرغنى |
سلامات اخ ناصر فراج ويديك الفى مرادك ويخلى ليك اولادك اللهم اعطيه الصحه والعافيه ياالله وياالشافى وادمها نعمه يا رب العالمين
| |
|
|
|
|
|
|
Re: استاذ محمد ميرغنى بشكى ليكم {الترامبيت} دعوه للاستماع ....والدعاء بعاجل الشفاء (Re: محمد زكريا)
|
تباريح الهوى
الشاعر التجانى حاج موسى غناءالاستاذ محمد ميرغنى
ده الجانى منك ومن تباريح الهوى ، وصفو بصعب يا جميل وبعدت عنك ، ولما طال بى النوى ، بقى لى أسيبك مستحيل ، تبقى سيرتك هى الكلام وتبقى صورتك هى الرؤى الحلوة البعيشها فى صحوتى ، او حتى فى عز المنام ويبقى اسمك هو الغنا هو البجفف لى عذابات الضنى ما الشفتو منك يا منى الروح يا أنا ، وصفو بصعب يا جميل .... وبعدت عنك .... ولما طال بى النوى بقى لى أسيبك مستحيل *** بشكى ليكم يا مظاليم الهوى أصلى مجروح مرتين ، يمكن القى الزيى فيكم ضاق جراح الحب ومتعذب سنين ويمكن القى وصفة تنفع .. ولا يمكن القى حاجة تخفف الجرح القديم .. حاجة تشفع .. ** ده الجاني منك ومن تباريح الهوى وصفو بصعب يا جميل وبعدت عنك ، ولما طال بي النوى بقى لى أسيبك مستحيل
التسجيل@ 2002
<EMBED SRC=http://www.sudanvoice.net/v2/03Spor1.wma AUTOSTART=0 LOOP=FALSE WIDTH=145 HEIGHT=55 ALIGN=CENTER><BR></EMBED>
.
| |
|
|
|
|
|
|
Re: استاذ محمد ميرغنى بشكى ليكم {الترامبيت} دعوه للاستماع ....والدعاء بعاجل الشفاء (Re: محمد النيل)
|
ان شاء الله يلبس توب العافيه استاذناالكبير محمد مرغني ويعود لينا من تاني
مغردا يشجينا بالحانه الرائعة..
شكرا ياودزكريا علي الشغل الجميل بدون مجاملة واكيد لو الاستاذ سمع المقطوعة ديه
حيغير رأيه في الطرمبيت ..وبدون ميوت كمان..
بكري محمد مرغني ساكن معاي في نفس المدينة وهو رجل لطيف وكان متأثر لمرض والده
وان شاء الله شافي ومعافي ونطمئن عليه كلنا..
واتمني ان التقيك واسمع صوت ترمبيت علي الهواء مباشرة ..لي قرابة 20 سنة ماسمعتها
كان بعزف معانا واحد اسمه محمود داموك, كان معانا في مركز شباب السجانة ومدرسة البوليس
من امدرمان ..كلما نتلاقي قبل السلام بقوليهو طاط طاط ..يااخوانا طاط طاط وين؟؟
كانت ايام مخدره.. زمن جميل ولي وراح والله يجازي اللي كان السبب!!!
اهو زكرتنا يازكريا بالزمن الجميل ...
دمت ودامت معك العافيه ...
| |
|
|
|
|
|
|
Re: استاذ محمد ميرغنى بشكى ليكم {الترامبيت} دعوه للاستماع ....والدعاء بعاجل الشفاء (Re: عماد شمت)
|
أسأل الله تعالي أن يشفيه شفاء لا سقم بعده ويعود تاني وتالت لجمهوره و احبابه .. وشدة وتزول إنشاء الله. وما الشافي إلا الله.
------------------------- الاخ محمد/ لك التحية و الإحترام... شكرا لك علي إشراكنا للإستماع لاعمالكم الرائعة. استمعت اليه ومازلت , وحينها كنت أقراء بوست أخونا/ أبوبكر أبوالقاسم. بعنوان: حسنى مبارك: إله عجوة الأمريكان وأشياء أخرى
الرابط يعمل بصورة طيبة http://www.sudanvoice.net/v2/03Spor1.wma ممكن للسادة القراء ضغط كلك شمال و إختار خيار الحفظ.
التحميل لا يعمل تلقائي في البوست, نسبة لان الإدارة عطلت خاصية الأكواد. بعد الهجمات الاخيرة التي استهدفت تخرب منبر السودان.
| |
|
|
|
|
|
|
|