|
(البطولة الافريقية للمحليين) وبوادر فشل تلوح فى الافق
|
من البداية كنت ادرك ان استضافة البطولة الافريقية للمحليين فى السودان حاتجيب لينا الكلام واصلا الكلام العندنا ماشويه فنحن نمثل النموذج الامثل للفشل فى شتى المجالات وما ان تظهر قائمة للفشل الا وتصدرناها بجدارة واستحقاق..
اليوم استاد ود مدنى الذى اقيمت عليه مباراة النيجر وزيمبابوى ومن قبلها مباراة جنوب افريقيا جاب لينا الكلام داخل الاستديو التحليلى لقناة الجزيرة بعد ان ترك المحللين تحليل المباراة لانهم كانوا مصدومين من الارضية العجيبه للاستادالتى لا تضاهيها ارضية فى السوء وبعد ان تهكموا ######روا واتريقوا فى حضرة الكابتن الرشيد المهدية الذى اكتفى بابتسامة باهته وترمشياتو العجيبه وهو يقف عاجز امام هجمات المحللين فى الجزيرة.. وبصراحة ليس بوسعه ان يفعل شى فالصورة كانت ابلغ من اى حديث.....
|
|
|
|
|
|
|
|
Re: (البطولة الافريقية للمحليين) وبوادر فشل تلوح فى الافق (Re: مدثر قرجاج)
|
كما عودتنا الدولة تريد ان تقيم بطوله وخلاص من اجل مكاسب اخرى من دون ان تكون هنالك بنية تحتية تجعلنا اكثر قبولا واحترام حين يشاهدنا العالم ، فقد كان يجب ان يكون هنالك شكل افضل مما رأيناه فى خلال يومين لكن الدولة همها الوحيد لفت الانتباه ولمة ناس وزخم والمحصلة صفر كبير يضاف لأصفارنا الاخرى هذا اذا اضفنا ان المنتخب مظهره فى المباراة الاولى لايوحى بانه سيكون البطل الا اذا جد جديد فمستوى اللياقة متدنى والصورة كلها تبدو باهتة وقاتمة
| |
|
|
|
|
|
|
Re: (البطولة الافريقية للمحليين) وبوادر فشل تلوح فى الافق (Re: مدثر قرجاج)
|
هذا التقرير يوضح استياء غانا من المنشات المتهالكة واستغرابهم من منح البطولة للسودان
Quote: Ghana has complained about the facilities available to them at the Championships of African Nations with senior delegation member George Afriyie questioning the award of the tournament to Sudan in the first place.
The Ghana team who begin their title bid against South Africa on Sunday say the facilities available to them at their Wad Madani base is not up to scratch.
"The facilities are not the best and I don't know why CAF would award a tournament like this here. It's not the best but we will manage. We can't use this as an excuse but I am disappointed with the facilities available to the team," Afriyie said.
Ghana are bidding to go one step better at the tournament having finished as runners up ti Congo DR in the inaugural tournament in Ivory Coast two years ago. |
| |
|
|
|
|
|
|
Re: (البطولة الافريقية للمحليين) وبوادر فشل تلوح فى الافق (Re: Wasil Ali)
|
السودان قال انه يأمل عبر تنظيم هذه الدورة ان تسند اليه دورات عل مستوى اضخم في افريقيا
Quote: Khartoum, Sudan - The 2011 African Nations Championship (CHAN) starting in Sudan Friday is being seen by the country's football authorities as its ticket to organising bigger tournaments in future, hence the need to make it a success, according to the Director of Sudan Football Association, Dr. Moaatesem Gaafar. Gaafar assured, therefore, that the country would make the 4-25 Feb.a success.
The second edition of the tournament, reserved exclusively for players in the continent's domestic leagues, opens later Friday with a match between host Sudan and Gabon.
Teams that will participate in the tournament are Algeria, Tunisia, Mali, Senegal, Cote d’Ivoire, Ghana, Niger, Cameroon, Gabon, DR Congo, Uganda, Rwanda, South Africa, Angola, Zimbabwe and host Sudan.
Gaafar added Sudan was one of the countries that founded African soccer governing body, CAF, with a long record in the African football, and it must make a success of the CHAN.
"It has been a long time since our last time to host CAF events, so it was necessary to return to our ordinary place and I think this tournament will be the beginning for hosting more important football events in the near future," the director said.
He assured that the football association had provided all available facilities to ensure a successful tournament, starting from the infrastructure.
"The country provide us with the support needed as the airport where we made an office for all deputies who are coming for this event and we facilitate all process for the country entry.
''We also made some modification to all stadiums that host the tournament games as Al-Hilal, Al-Mariekh and Port-Sudan. We provided all communications and transportation for media and authorized deputies. In addition to the modern hotels to host all guests.
''We provide all these to make a successful tournament. We also work on new world class stadiums that will be ready next year to host other events," Gaafar told Cafonline, CAF's official website. |
| |
|
|
|
|
|
|
Re: (البطولة الافريقية للمحليين) وبوادر فشل تلوح فى الافق (Re: مدثر قرجاج)
|
ياحبيبي اهلنا بقولو الجواب بيبان من عنوانو وتميمة هذه الدورة تقول فشل النظام والتنظيم لها وكنت عايز افتح بوست بخصوصها ولكن لمن تنادي يعني اذا جبت طفل وقلت ليهو اعمل تميمة للدورة الافريقة للمحليين طوالي بجيب ليك زول في شكل صقر وحامل كرة او اشايتها ومدخل فيهو الوان السودان ياود قرجاج من المؤسف التميمة لم يعمل لها مسابقة بين المصممين في السودان واول ماظهر شكل التميمة في التلفزيون ضحكت وهذا يثبت فشلنا في كل شيء لاننا لانستند على التنظيم والتخطيط وهذا هو عنوان الدورة الم اقول لك ياعزيزي ..
| |
|
|
|
|
|
|
Re: (البطولة الافريقية للمحليين) وبوادر فشل تلوح فى الافق (Re: وليد عبد اللطيف)
|
Quote: اليوم استاد ود مدنى الذى اقيمت عليه مباراة النيجر وزيمبابوى ومن قبلها مباراة جنوب افريقيا جاب لينا الكلام داخل الاستديو التحليلى لقناة الجزيرة بعد ان ترك المحللين تحليل المباراة لانهم كانوا مصدومين من الارضية العجيبه للاستادالتى لا تضاهيها ارضية فى السوء وبعد ان تهكموا ######روا واتريقوا فى حضرة الكابتن الرشيد المهدية الذى اكتفى بابتسامة باهته وترمشياتو العجيبه وهو يقف عاجز امام هجمات المحللين فى الجزيرة.. وبصراحة ليس بوسعه ان يفعل شى فالصورة كانت ابلغ من اى حديث..... |
فشل ذريييييييييييييييييييع يا مدثر ... ويجب محاسبة كل المسؤولين المتسببين في هذا السقوط المدوّي .. ولازم نعرف اننا بعيدين كل البعد عن ثقافة تنظيم اي محفل دولي .. نحن مهرجلون ومهرّجون ليس الا !!!!!!!!!!!! قناة الجزيرة ومحلليها بما فيهم الرشيدد لهم كل الحق في السخرية من هذا العبث !!!!
تحياتي
| |
|
|
|
|
|
|
Re: (البطولة الافريقية للمحليين) وبوادر فشل تلوح فى الافق (Re: احمد التجانى احمد)
|
Quote: فشل ذريييييييييييييييييييع يا مدثر ... ويجب محاسبة كل المسؤولين المتسببين في هذا السقوط المدوّي .. ولازم نعرف اننا بعيدين كل البعد عن ثقافة تنظيم اي محفل دولي .. نحن مهرجلون ومهرّجون ليس الا !!!!!!!!!!!! قناة الجزيرة ومحلليها بما فيهم الرشيدد لهم كل الحق في السخرية من هذا العبث !!!!
تحياتي |
فشل ذريييييييييييييييييييييع ياود الجمري وكنا مستورين ومافي زول جايب خبرنا يازول يكونوا ضربوا نصها وحاج ماجد سوار ماجايب خبر تعبان ساكت الدورات الرمضانية التي نقيمها في الحله افضل منها
| |
|
|
|
|
|
|
Re: (البطولة الافريقية للمحليين) وبوادر فشل تلوح فى الافق (Re: مدثر قرجاج)
|
Quote: ياحبيبي اهلنا بقولو الجواب بيبان من عنوانو وتميمة هذه الدورة تقول فشل النظام والتنظيم لها وكنت عايز افتح بوست بخصوصها ولكن لمن تنادي يعني اذا جبت طفل وقلت ليهو اعمل تميمة للدورة الافريقة للمحليين طوالي بجيب ليك زول في شكل صقر وحامل كرة او اشايتها ومدخل فيهو الوان السودان ياود قرجاج من المؤسف التميمة لم يعمل لها مسابقة بين المصممين في السودان واول ماظهر شكل التميمة في التلفزيون ضحكت وهذا يثبت فشلنا في كل شيء لاننا لانستند على التنظيم والتخطيط وهذا هو عنوان الدورة الم اقول لك ياعزيزي ..] |
ياوليد انشالله طيب والله كلامك صاح انا غايتو كنت متوقع فشل لكن ماكنت متخيل نصل مستوى زى ده شى مخجل والله ، انا مقتنع باننا دولة فاشلة فى كل شى نفتقر الى التنظيم والتخطيط والاشياء المدروسه بس دايرين نعمل لينا ضجيج بدون طحين ،، الوزير كلو يوم يقول نحن جاهزين ومعتصم جعفر متحمس واتاريهم ماعملوا اى شى يجعلنا ننجح بتقدير مقبول انشالله ،، محبتى
| |
|
|
|
|
|
|
Re: (البطولة الافريقية للمحليين) وبوادر فشل تلوح فى الافق (Re: مدثر قرجاج)
|
Quote: فشل ذريييييييييييييييييييع يا مدثر ... ويجب محاسبة كل المسؤولين المتسببين في هذا السقوط المدوّي .. ولازم نعرف اننا بعيدين كل البعد عن ثقافة تنظيم اي محفل دولي .. نحن مهرجلون ومهرّجون ليس الا !!!!!!!!!!!! قناة الجزيرة ومحلليها بما فيهم الرشيدد لهم كل الحق في السخرية من هذا العبث !!!!
تحياتي ãÍÈÊì |
امير سلام والله مفروض يقدموهم للمحاكمة عديل لكن مين يسمع الغريب هم هسه فرحانين وعاملين فيها انهم قدموا عمل كبير وهم اصلا قدموا فضيحة كبيرة جعلت اسم السودان الاصلو مهتز يهتز زيادة ،،وكمان عشمانين الاتحاد يديهم بطولات اكبر فى المستقبل والله لو الاتحاد الافريقى نافع ما اقيم حتى مباراة ودية فى دولة تفتقر للبنية التحتية الاولية لسه يا امير محللين الجزيرة عندهم كلام كتير فى قادم الايام خليهم يشمتوا عشان المسؤولين يحسو بالنكسة الكبيرة الدخلونا فيها تحت شعار السودان الامن المطمئن غايتوالعايز يشوف علامات الساعة حين يتولى الامور غير اهلها يجى السودان عشان يعرف انو القيامة قربت تقوم ..لله درك ياوطن ملطشه فى كل شى محبتى
| |
|
|
|
|
|
|
Re: (البطولة الافريقية للمحليين) وبوادر فشل تلوح فى الافق (Re: مدثر قرجاج)
|
Quote: ياحبيبي اهلنا بقولو الجواب بيبان من عنوانو وتميمة هذه الدورة تقول فشل النظام والتنظيم لها وكنت عايز افتح بوست بخصوصها ولكن لمن تنادي يعني اذا جبت طفل وقلت ليهو اعمل تميمة للدورة الافريقة للمحليين طوالي بجيب ليك زول في شكل صقر |
فعلا التميمة فضيحة
ممكن لاي هاوي بإستخدام أبسط البرامج مثال الرسام MSPaint يصمم حاجة زيها و كمان أحسن منها.
أعتقد أن من صمم هذه الشعار ما أخذ منو أكثر من خمس دقائق و إحتمال أقل من كده.
البلد مليانة بالفنانين و المواهب. و لكن هذا هو النتاج الطبيعي للفساد.
أتمنى ان يفتح احد الإخوة الفنانين المتخصصين بوست لفضح هذا الفشل الزريع.
| |
|
|
|
|
|
|
Re: (البطولة الافريقية للمحليين) وبوادر فشل تلوح فى الافق (Re: امير عوض الجمري)
|
الحمد لله الذي اذهب عني قناة الجزيرة الرياضية كي لا اشاهد مثل السقوط المريع في حال الرياضة عندنا بالامس الاحد فقط شاهدت لقطة لمدة خمسة دقائق مباراة مالي وكوتديفوار ووجت جمهورا هزيلا رغم انه محب للكرة الافريقية بصفة عامة ولكن علمت ان خيبة الامل اصاب الجمهور من ضعف التنظيم وعدم اهتمام مسئولي الرياضة في بلادنا واظن ان الوزير لا يصلح الا كواعظ مبنر في مسجد باقاصي الدخينات او تمبس في الشمالية فالرياضة انتهت بانتهاء عمالقة الكرة السودانية بدءا من جكسا وماجد وقاقارين والدحيش وكمال عبدالوهاب والمرحوم سامي عزالدين والنقر وعبده الشيخ وطارق والوالي وابراهومة........ فالاخلاق الرياضية انتهت ايضا رغم الصرامة المرسومة والجبرة(صرة الوجه) يبدو لي أغلب افراد الرياضة في بلادي غير جادين.فالواحد يخبيء دائما ابتسامة خبيثة يغالبها وتغالبه.وبسبب غلبة الايديولوجبة علي سلوكه فهو لا يعبر بالمرة عن شعوره الحقيقي وكل ما يقوله ليس ما يقصده. وهناك فجوة عميقة بين ظاهره وباطنه.ويظل طوال عمره يخفي شخصيته الاصلية.
فالرياضة عندنا مظهر قبل ان يكون جوهر، شعب يتمهن السياسة والرياضة والغناء سياسيون حتى النخاع رياضيون نحن في القاع اما في الفن فيا لعجبي شاهدت قبل يومين في التلفيزون القومي ان 160 فنانا جديدا سيشاركون في مسابقة نجوم الفن ولا ادري كم نسبة الفنانين الى عدد سكان السودان بعد الانفصال.
نشوف استاد بورتسودان اليوم يا أمير الجمري
| |
|
|
|
|
|
|
Re: (البطولة الافريقية للمحليين) وبوادر فشل تلوح فى الافق (Re: Zomrawi Alweli)
|
البوديكم تتابعوها شنو ؟ ثورات الشعوب هذه الأيام أجمل الخلفية أجمل الهتافات أجمل العنوان أصلاً يثير الإستغراب : السودان ينظم بطولة المحليين بمشاركة دشليون دولة والشليون دولة ديل كل واحدة منها لديها من الإستادات الأجمل والأكثر إستعداداً لتنظيم أكبر البطولات فضائحنا متلفزة !! ومُصرين نمد رجلينا في فرشة أكبر من كل ما نملكـ فنحن لا نملكـ شيئاً
| |
|
|
|
|
|
|
Re: (البطولة الافريقية للمحليين) وبوادر فشل تلوح فى الافق (Re: مدثر قرجاج)
|
Quote: يا جماعه انا حقيقة ما حضرته اي حاجه في الدورة دي .. والحاجه الوحيدة العارفه عنها انها منظمه في السودان واسمه دورة المحلين ! لكن يا قرجاج والساده المتداخلين معه انتهيتو مننا نهاية .. ( وجه ضاحك وفي نفس والوكت محتار ) !! كدا خلونا واقعين : انتو كنتو متخلين شوووونو ؟ عن الاستادات ! الفنادق ! الملاعب الرديفه ! طريقة نقل المباريات ! واظن انكم ختيتو السوادن وقطر في كفه وااااااااااااحده !! حتي لو كانت المقارنه بمصر .. مستحيلة - انتو اتفضحتو والكان كان ................ لكن دي امكانياتنا وفهمنا .. اما عني انا لم اتفاجاء عنما زكرتوهو عن فشل الدورة ورادءة الاستادات - فالموضوع عادي جدا جدا وطالما الدورة دورة محلين - مفروض ما في زول في الدنيا يشوفها اللا .. ( نحنا برنا ) ونموت بعفنتنا !!
بس اانتو اصحو وووووووو |
ياعبد الله انشالله طيب نحن كنا متوقعين حاجات كتيرة لكن فضيحة استاد ود مدنى بالجد اصابتنا بالدهشة واظنك لو شفته المنظر كنت حاتحتار لان الارضية كانت غريبه وحدث لم يشاهده شخص منذ سنوات طويله حتى فى الدول الاقل مننا ، الشى البغيظ ياكع انو الجماعه ديل ليهم تلاته شهور مساهرين بينا وبيكلمونا عن الاستعدادات والتجهيزات والطفرة الحصلت فى الاستادات وكنا مامصدقين خالص لكن يطلعوا كذابين للدرجه دى ما اتخيلنا ... ياخى الناس ديل بس شافوا استاد المريخ قالوا نعمل دورة وخلاص بدون مايعرفوا انو البطولة تحتاج لامكانيات فى شتى الضروب وربنا يصبرنا مودتى
| |
|
|
|
|
|
|
Re: (البطولة الافريقية للمحليين) وبوادر فشل تلوح فى الافق (Re: حبيب نورة)
|
والله يامدثر حاجه مؤسفه ...حضرتا لي لقاء في التلقزيون للمذيع المجتهد رضا الشيخ وجايب ليك زول كدا شكلو ماعندو أي علاقه بالكوره لا من قريب لا من بعيد ...قال إيييه وزير الشباب والرياضه ...اها أخينا دا بتكلم عن إستاد مدني دا وبتغزل فيهو التقول ماشاهد كاس العالم ولا الدوري الأسباني ...وقال بالحرف الواحد إنو أنا استغرب للناس البتقول أرضية الملعب تعبانه ياخي أنحنا ناس الجزيره المرويه والخضراء وموش عارف إيه وقال قصيده طويييييييييله ...يغلبنا نعمل لينا نجيله في إستاد ...أظنو صاحبك دا قاعد في مكتبو والجماعه بجيبو لي التقارير بس لأنو لو بمشي الأستاد ماكان قال القصيده دي ...
ياااااااخ أنحنا والله فشفاشنا أتورم بالمغصه والتعاسه البتجينا من كل ناحيه دي ؟
الله في
| |
|
|
|
|
|
|
Re: (البطولة الافريقية للمحليين) وبوادر فشل تلوح فى الافق (Re: مدثر قرجاج)
|
وتتواصل فوضى بطولة الامم ..انقطاع التيار الكهربى اثناء الموتمر الصحفى لا تزال الفوضى غالبة على لقاءات بطولة امم افريقيا للمحليين ، فبعد نهاية اللقاء الذي جمع منتخبا الجزائر والجابون ، وجد الطاقم الفني للمنتخبيين صعوبات في عقد الموتمر الصحفى ، حيث انقطع التيار الكهربائي أثناء حديث مدرب الجزائر بن شيخة، وعمت الفوضى، كما دخل بعض الصحفيين الغابونيين في شجار مع المنظمين وتم إبعادهم، لكن مدرب منتخب الغابون اشترط السماح لهم بالدخول حتى يتحدث لرجال الإعلام . نقلا عن صحيفة سودانا فوق الالكترونية الرياضية www.sudanafoog.com
| |
|
|
|
|
|
|
Re: (البطولة الافريقية للمحليين) وبوادر فشل تلوح فى الافق (Re: مدثر قرجاج)
|
Quote: السودان ليس مؤهل لتنظيم مثل تلك البطولات لسبب واحد عدم المسؤولية من قبل اتحاد الكرة ولقد سبق وفشل في تنظيم كثير من البطولات الافريقية على مستوى كأس ابطال الدوري وكأس الكؤوس الافريقية آنذاك اختيار السودان ولجنة تفتيش الاتحاد الافريقي بها مجاملات وربما كانت هناك رشاوي وليس ببعيد على الاتحاد الافريقي والذي عرف بسقوطه في مستنقع الرشاوي وبيع الزمم ولكن أكثر ما أحزنني مباراة الأمس وكنت افكر بافراد بوست خاص بها ولكن اهو برضو الواحد يتنفس في هذا البوست في مباراة الامس وعند سقوط اللاعب معصب عمر خرج من الملعب لأن رقم الفنيلة التي يرتديها قد تمزق ومكث كثيراً بالخارج لخياطة الرقم ولصقه ربما بصمغ عليكم الله في فضائح اكتر من كده منتخب دولة كاملة ما اكون به قمصان بديلة فضحونا وشرطوا عينا |
ياسيف سلامات والله الشى الحصل ل مصعب ده قمة الفضيحة معقول فريق جاى ماعندو احتياطى بتاع فنايل يمشى مصعب بره ويدنقر زى الدايرين يضبحوا عشان يخيطوا ليه الرقم والله الحركة دى غاظتنى شديد ووضحت لى زيادة انناغير مؤهلين لفعل اى شى مشرفمحبتى
| |
|
|
|
|
|
|
Re: (البطولة الافريقية للمحليين) وبوادر فشل تلوح فى الافق (Re: مدثر قرجاج)
|
Quote: وتتواصل فوضى بطولة الامم ..انقطاع التيار الكهربى اثناء الموتمر الصحفى لا تزال الفوضى غالبة على لقاءات بطولة امم افريقيا للمحليين ، فبعد نهاية اللقاء الذي جمع منتخبا الجزائر والجابون ، وجد الطاقم الفني للمنتخبيين صعوبات في عقد الموتمر الصحفى ، حيث انقطع التيار الكهربائي أثناء حديث مدرب الجزائر بن شيخة، وعمت الفوضى، كما دخل بعض الصحفيين الغابونيين في شجار مع المنظمين وتم إبعادهم، لكن مدرب منتخب الغابون اشترط السماح لهم بالدخول حتى يتحدث لرجال الإعلام . نقلا عن صحيفة سودانا فوق الالكترونية الرياضية
|
والله شى عجيب غايتو بس خلينا نتخارج من المباريات وانا متأكد ان البطولة ستكون خصما على السودان فى استضافة البطولات الكبرى مودتى
| |
|
|
|
|
|
|
|