كتب الكاتب الفاتح جبرا المتوفرة بمعرض الدوحة
|
Re: القبض على محرض المواطنين على التظاهر عبر الفيس بوك (Re: فدوى الشريف)
|
اتضح انه فني باحدى الشركات نحجت الاجهزة الأمنيه في الوصول لصاحب الموقع الذي ارسلت منه رسائل عبر الفيس بوك تحرض للخروج في تظاهرات ضد السلطة ونشر إساءات وصور لمسئولين في الدوله وكانت الاجهزة الأمنيه التي قد تابعت تلك الرسائل التي جاءت على شكل منشورات تحت مسمى شباب من اجل التغيير شراره قد حرضتت للخروج في تظاهرات وتوصلت مجهودات الأجهزة الأمنيه الي أن الرسائل التي ارسلت من داخل السودان تمت من مدينة بربر بولاية نهر النيل ونجحت في الوصول لصاحب الموقع وهو فني شبكات باحدى الشركات التجاريه بيد أن صاحب الموقع نفسه كان قد ابلغ الشرطه عن مجهولين اخترقوا موقعه الالكتروني وبثوا منه رسائل فيها اساءات وكان نائب رئيس المؤتمر الوطني بولاية الجزيره قد كشف تصريحات صحفيه نشرتها الصحف امس أن أجهزة حزيه تمكنت من محاصرة تلك الحمله الالكترونيه التي قادتها اطراف من خارج السودان لتحريض المواطن للخروج للشارع 85% كم تلك الحمله كانت من خارج السودان بواقع 800 رساله من دولة النرويج 4 الاف رساله من كل من السعوديه والامارات و700 من دولة البحرين وبضعة الاف رسالة من بريطانيا وماتبقى منها 15% من داخل السودان من بينها 700 رساله من شخص واحد الاهرام
| |
|
|
|
|
|
|
Re: القبض على محرض المواطنين على التظاهر عبر الفيس بوك (Re: محمد اشرف)
|
Quote: بيد أن صاحب الموقع نفسه كان قد ابلغ الشرطه عن مجهولين اخترقوا موقعه الالكتروني وبثوا منه رسائل فيها اساءات |
بناء على الاتقباس أعلاه: لماذا تم اعتقال صاحب الموقع، إذا تعرض موقعه للاختراق؟ ثم إن العنوان غير دقيق طالما أن الأجهزة لم تتمكن من الوصول إلى من قام بالاختراق وتوزيع الرسائل. وإذا كانت الدعوة عبر الويب للتظاهر تعد مخالفة تقود للاعتقال، فإن العديد من أعضاء سودانيزأونلاين سيكونون عرضة للاعتقال. على النظام الحاكم أن يتذكر مقولة: لا تتمارضوا فتمرضوا فتموتوا. فمن يستعد للانهيار سينهار، ومن يهتم لعروض التونسية فإنه سيركبها يوما ما!
| |
|
|
|
|
|
|
Re: القبض على محرض المواطنين على التظاهر عبر الفيس بوك (Re: فدوى الشريف)
|
Quote: حجت الاجهزة الأمنيه في الوصول لصاحب الموقع الذي ارسلت منه رسائل عبر الفيس بوك تحرض للخروج في تظاهرات ضد السلطة ونشر إساءات وصور لمسئولين في الدوله وكانت الاجهزة الأمنيه التي قد تابعت تلك الرسائل التي جاءت على شكل منشورات تحت مسمى شباب من اجل التغيير شراره قد حرضتت للخروج في تظاهرات وتوصلت مجهودات الأجهزة الأمنيه الي أن الرسائل التي ارسلت من داخل السودان تمت من مدينة بربر بولاية نهر النيل ونجحت في الوصول لصاحب الموقع وهو فني شبكات باحدى الشركات التجاريه بيد أن صاحب الموقع نفسه كان قد ابلغ الشرطه عن مجهولين اخترقوا موقعه الالكتروني وبثوا منه رسائل فيها اساءات |
صاحب الموقع
بيد ان صاحب الموقع..؟؟؟؟
يا مولانات صحب الموقع المخترق دا هو مارك زوكربيرج والا زول تاني.. لانو الخبر بيقول الرسائل عبر الفيس بوك.. والمحرر الصحفي - العبقري - بيقول انه فني الشبكات قال اخترقو بريدو ورسلو عبر موقعو .. يا اظبطو الطبخة صاااح الصاح .. يا امتن اسندو الاخبار لزول بيعرف نت وبيعرف يكضب سمح قال صاحب الموقع قال
انتو الاهرام دي بتاعت الهندي عز الديك والا بتاعت زول تاني ؟
| |
|
|
|
|
|
|
Re: القبض على محرض المواطنين على التظاهر عبر الفيس بوك (Re: HAIDER ALZAIN)
|
حيدر انت جاهل بمخرجات التكنولوجيا الهندية والامنية
الخبر بقول ليك صاحب الموقع الذي يرسل الرسائل عبر الفيس بوك
يعني واحد عندو موقع اسفيري كدة وبجي يكتب فيهو رسائل ويكتب في خانة العنوان الى الفيس بوك الهندي تقومي انت يا رسائل التحريض تمشي طوالي على الفيس بوك السوداني وتطلع ليك كدة في شكل تحريضة
تعبتونا معاكم بالشرح ادونا حقنا
| |
|
|
|
|
|
|
Re: القبض على محرض المواطنين على التظاهر عبر الفيس بوك (Re: محمد إبراهيم علي)
|
Quote: تعبتونا معاكم بالشرح ادونا حقنا |
لا اله الا الله .. تصدق يا دوب فهمت القصة دي ..
يعني انت هسع - حسب ما فهمت يا باش مهندس - عاوز تقول لي ممكن اتجاوز قصة الاسكايبي دي واتكلم مع اي زول باسودان عبر السوا منزل القيمة عبر الاسكايبي والا ممكن ارحل مخالفات ساهر من نمرة عربيتي و ع ن تلاتة خمسات باثر رجعي لسنة 2004م غايتو انا هسسع عاوز شئ واحد انا مارك مين كدة دا يعلن في مؤتمر صحفي انه لا علاقة له بشباب 30 يناير والا سنرفع عليه قضية في محكمة الجنايات الدولية
قال صاحب موقع بيرسل عبر الفيس بووك قال..
ماء وجه وحياء مافي
قال الحكيم ود العزام في حديثه: لا يزال الرجل يكذب ويتحري الكذب المفضوح الضحل والبيبين كذبتو حتي يأتي الله يوم القيامة وليس بوجهه قطرة ماء من حياء قيل يا حكيم الله وحتي اعلام السلطان في زمن القهر ؟ قال: وحتي ناقلة الكضب فدوى الشريف الجاية تفنجط بطبخة فطيرة زي دي
صدق حكيم الزمان ( رواه ابن المستغرب الزماني في عجائب الانقال وفاضح الاقوال )
| |
|
|
|
|
|
|
Re: القبض على محرض المواطنين على التظاهر عبر الفيس بوك (Re: فدوى الشريف)
|
انا ما فهمتا خلي كل اللامنطق البيخلي الاجهزة المنية تتابع رسالة في فيسبوك و كل النقة بتاعت الخصوصية اللي لما الحكومة الامريكية طلبت من فيسبوك يخرقها ليها عشان تتابع المجموعات الارهابية فيسبوك قال ليها كان ليك و حقيقة انها لحدي حسي ما قادرة عليهو و رفعت عليهو قضية و كسبها و ايييك دي ، و لا قانونية التجسس على حسابات فيسبوك دي كمان براها يعني لا خجلة لا حيا بيعلنوها ما علينا
Quote: الموقع الذي ارسلت منه رسائل عبر الفيس بوك |
يعني شنو؟ ما هو فيسبوك ده موقع ، يعني انتا ممكن يكون عندك صفحة في فيسبوك ، مجموعة في فيسبوك ، بروفايل في فيسبوك ، لكن موقع ارسلت منه رسالة عبر الفيسبوك دي زي ضربتا بي موبايلي من التلفون :/
| |
|
|
|
|
|
|
Re: القبض على محرض المواطنين على التظاهر عبر الفيس بوك (Re: حمور زيادة)
|
يا فدوى .. شوف عيني يوم 24 يناير في جريدة الاخبار المصرية كركتير لمتظاهرين حناكيش واحد بيقول للتاني و لما نخلص الثورة نعمل ساين اوت.
عايني الضيق الدخلو فيو هسه. حتى هيكل العظيم قال ظلمنا شباب الفيس بوك و لم نعطهم قدرهم. لا تستهيني بشباب يعيش الحرية في عالم افتراضي .. لأنه سينمو بلا قيود و يخرج لصنع عالم واقعي حر ايضا.
| |
|
|
|
|
|
|
Re: القبض على محرض المواطنين على التظاهر عبر الفيس بوك (Re: حمور زيادة)
|
Quote: تصريحات صحفيه نشرتها الصحف امس أن أجهزة حزيه تمكنت من محاصرة تلك الحمله الالكترونيه التي قادتها اطراف من خارج السودان لتحريض المواطن للخروج للشارع 85% كم تلك الحمله كانت من خارج السودان بواقع 800 رساله من دولة النرويج 4 الاف رساله من كل من السعوديه والامارات و700 من دولة البحرين وبضعة الاف رسالة من بريطانيا وماتبقى منها 15% من داخل السودان من بينها 700 رساله من شخص واحد |
الرسائل دي نصيه sms ولا ايميلات ؟ وهل تقوم الاجهزة الامنيه بقراءة كل الرسائل المرسلة من خارج السودان الخاصة منها والعامه وهل يسمح لها القانون بذلك ؟
| |
|
|
|
|
|
|
Re: القبض على محرض المواطنين على التظاهر عبر الفيس بوك (Re: حمور زيادة)
|
Quote: نحجت الاجهزة الأمنيه في الوصول لصاحب الموقع الذي ارسلت منه رسائل عبر الفيس بوك تحرض للخروج في تظاهرات ضد السلطة ونشر إساءات وصور لمسئولين في الدوله وكانت الاجهزة الأمنيه التي قد تابعت تلك الرسائل التي جاءت على شكل منشورات تحت مسمى شباب من اجل التغيير شراره قد حرضتت للخروج في تظاهرات وتوصلت مجهودات الأجهزة الأمنيه الي أن الرسائل التي ارسلت من داخل السودان تمت من مدينة بربر بولاية نهر النيل ونجحت في الوصول لصاحب الموقع وهو فني شبكات باحدى الشركات التجاريه
|
التوقيـع:
حـبيـب العادلي
| |
|
|
|
|
|
|
Re: القبض على محرض المواطنين على التظاهر عبر الفيس بوك (Re: جعفر محي الدين)
|
Quote: الأسئلة صعبة وتعسّفية .... عشان كده حأعمل ملحق. ...... باقي ليك بنجح؟ |
وحات نضري تنجح نجاح يكيل العين ويفضل إت هين ولا لين يا ود عمي ابو العزائم ؟ فشـــــــر هم الفاشيلين يا الحنين ارقد عافية والبركة في العضم الدكر في الحلقوم عاد جنس ده بنبلع باقيلك ؟ خصووووووووووصا ود عمي اب تفة حايم بي عصايتو يصوت في الروب بالشطة ود طيفور دحين الشتتها دي دليخ ؟؟؟ ولا قبانيت شطة قضارف ؟ حنضلت عليهم البلع كدي
شغلكم قاسي بالحيل لكن بعجب والله صحي
| |
|
|
|
|
|
|
Re: القبض على محرض المواطنين على التظاهر عبر الفيس بوك (Re: اسماء الجنيد)
|
Quote: ممكن اسألك سؤال تجاوب عليه مباشرة من غير اضافات (اخرين وتحليه طعم الليمون بنكهات غير متوفره)
انت طالع ليه؟؟ وداير بالضبط شنو ؟؟ |
بالله مش كدا يا فدوى... هسع عليك الله السودانيين ديل يطلعوا ليه؟ بلد آمنة موحدة ولا جندي أجنبي ما حايم فيها و قرارنا في يدنا لا مبعوث أمريكي ولا صيني ولا بتاع اتحاد أوربي... ناس دارفور يحمدوا ربهم قاعدين في قراهم يزرعوا في كل أمان... ناس الشرق لمن جاتهم السيول طوالي الحكومة بنت ليهم قرى بديلة و عملت ليها سدود وهسع موية السيول بقوا بسقوا بيها زراعتهم و يشربوا منها و يملوا بيها أحواض السباحة كمان... جامعاتنا تخرج أحسن الخريجين و كل خريج بوظيفته و المتفوقين منهم مالين جامعات الدنيا بعد الحكومة رسلتهم للدراسات العليا... المستشفيات ما تديك الدرب لا في زول بموت لأنه ما عنده حق الحقنة و لا في مرة بتموت لأنه ما لقت ليها عربية إسعاف توصلها للمستشفى و ما بننسى طبعا العلاج المجاني... أما المدارس و التعليم المجاني لأطفالنا دا طبعا موضوع تاني أصلا ما حصل قبل كدا في طفل انتحر لأنه قالوا ليه جيب مصاريف المدرسة و إذا ما جبتها بنطردك زي ما بحصل في أمريكا و الدول الكافرة دي... و الحمد لله متوسط عمر الزواج لأولادنا بقى تلاتة و عشرين سنة و لبناتنا عشرين سنة... أما عن الحريات و الشفافية و عدم الفساد و الديمقراطية فدي قصة طويلة دايرة ليها كتب... ياما انت كريم يا رب. ياخي السودانيين ديل ناس غريبين فعلا ذكروني زول عادل إمام في مسرحية شاهد ما شفش حاجة الساكن هو و مرته و أمه و نسيبته و أولاده السبعة في أوضة واحدة... تصدقي يا فدوى سايبين الشقة كلها و ساكنين في أوضة واحدة. و هسع السودانيين ديل سايبين نعيم الإنقاذ الوفرته ليهم دا كله و قاعدين في أوضة واحدة و دايرين يطلعوا مظاهرات كمان... الله يهديهم. غايته بالطريقة دي الله أعلم تاني الضغط ينخفض و ربنا يستر من السكري.
| |
|
|
|
|
|
|
Re: القبض على محرض المواطنين على التظاهر عبر الفيس بوك (Re: قرشى محمد عبدون)
|
Quote: بالله مش كدا يا فدوى... هسع عليك الله السودانيين ديل يطلعوا ليه؟ بلد آمنة موحدة ولا جندي أجنبي ما حايم فيها و قرارنا في يدنا لا مبعوث أمريكي ولا صيني ولا بتاع اتحاد أوربي... ناس دارفور يحمدوا ربهم قاعدين في قراهم يزرعوا في كل أمان... ناس الشرق لمن جاتهم السيول طوالي الحكومة بنت ليهم قرى بديلة و عملت ليها سدود وهسع موية السيول بقوا بسقوا بيها زراعتهم و يشربوا منها و يملوا بيها أحواض السباحة كمان... جامعاتنا تخرج أحسن الخريجين و كل خريج بوظيفته و المتفوقين منهم مالين جامعات الدنيا بعد الحكومة رسلتهم للدراسات العليا... المستشفيات ما تديك الدرب لا في زول بموت لأنه ما عنده حق الحقنة و لا في مرة بتموت لأنه ما لقت ليها عربية إسعاف توصلها للمستشفى و ما بننسى طبعا العلاج المجاني... أما المدارس و التعليم المجاني لأطفالنا دا طبعا موضوع تاني أصلا ما حصل قبل كدا في طفل انتحر لأنه قالوا ليه جيب مصاريف المدرسة و إذا ما جبتها بنطردك زي ما بحصل في أمريكا و الدول الكافرة دي... و الحمد لله متوسط عمر الزواج لأولادنا بقى تلاتة و عشرين سنة و لبناتنا عشرين سنة... أما عن الحريات و الشفافية و عدم الفساد و الديمقراطية فدي قصة طويلة دايرة ليها كتب... ياما انت كريم يا رب. ياخي السودانيين ديل ناس غريبين فعلا ذكروني زول عادل إمام في مسرحية شاهد ما شفش حاجة الساكن هو و مرته و أمه و نسيبته و أولاده السبعة في أوضة واحدة... تصدقي يا فدوى سايبين الشقة كلها و ساكنين في أوضة واحدة. و هسع السودانيين ديل سايبين نعيم الإنقاذ الوفرته ليهم دا كله و قاعدين في أوضة واحدة و دايرين يطلعوا مظاهرات كمان... الله يهديهم. |
| |
|
|
|
|
|
|
Re: القبض على محرض المواطنين على التظاهر عبر الفيس بوك (Re: حسن حماد محمد)
|
Quote: سلام حمور صراحة بالضيط كدا ماعارفه المادة القانونيه لكن عارفه أن حفظ الامن والسلم اهم مقومات الحكم الصالح |
اهلين يا فدوى .. مسألة حفظ الامن و السلم دي كلام مرسل ساي .. لانو منو الحيحدد الامن و السلم ده ؟ طيب المواطن الشايف انو الحكومة نفسها تهديد للامن و السلم بدكتاتوريتا و بيوت اشباحا و سياسات الافقار و قمع الحريات و محاولات تصدير الثورة الى العالم و غيره من الاشياء .. ده مثلا نسفه رايو و نقبل راي الحكومة البتعتبر انو التظاهر ضدها تهديد للامن و السلم ؟
يا فدوى لما يفوز فريق كورة الملايين في الخرطوم بتنزل الشارع و تحرق و ترشرش بالموية و تكسر و تقطع الشوارع على الناس. ده لا يعتبر تهديد للامن و السلم لأنه لا يلمس كرسي الحاكم. لكن لم يمرق ميه او ميتين يقولو للحاكم غور ده يكون تهديد للامن و السلم ؟ هل التظاهر للتعبير عن الراي تهديد للامن و السلم ؟
عايني الحكم الصالح بيحفظ الامن و السلم كيف.
في كل الشموليات يا فدوى بيقولو كلامك ده. اي طاغية بيعتبر انو التظاهر ضدو تهديد للامن و السلم. بل ما بيقول ده الشعب. بيقول ديل مخربين و قلة مندسة و ايادي اجنبية و اجندة خفية. الحاكم الشمولي لا يصدق انو شعبو ممكن يتظاهر ضدو.
عايني دي صورة شباب فيس بوك من الانت مستهتره بيهم .. استشهدوا عشان الحاكم شاف انهم تهديد للامن و السلم:
يلا قولي لي : ثورة تونس مش كانت تهديد للامن و السلم ؟ انتفاضة ابريل مش كانت تهديد للامن و السلم ؟ الثورة الايرانية مش كانت تهديد للامن و السلم ؟ ليه يا فدوى المطلوب من الشعوب انها تعيش خانعة و ساكتة و لو قررت تنزل الشارع تقولو امن الوطن و سلامتو ؟ ليه ما يبقى الكلام دوغري انو امن الحكام و سلامتم. و انو البيحاول يقرب من كراسينا بنفرمو. ليه بتخلطو الوطن بالكرسي ؟ الوطن ما ياهو الناس المرقت دي. و ياهو الزول البتقولو قبضتوهو بدون جريمة ده.
خليكم واضحين يا فدوى. عشان ما تخربو اسم الوطن و الوطنية ساي.
| |
|
|
|
|
|
|
Re: القبض على محرض المواطنين على التظاهر عبر الفيس بوك (Re: محمد النيل)
|
العنوان الصحيح للبوست القبض على محرض المواطنين على التظاهر السلمى عبر الفيس بوك
بعدين ده منو الشفت الاخترق الفيس بوك ده الفيس بوك ده بخشوه بالباب ما عنده مدخل تانى ولو فى زول بقدر يخترقه كان عملتها CIA لما الفيس بوك رفض التعاون فى إغلاق قروب الظواهرى الحالى السودانيين دخلوا الفيس بوك بالباااااااااااااااااب يا ربى ال5000 الف عضو كلللللللللهم هاكرز ؟
| |
|
|
|
|
|
|
|