|
|
 يوم الغضب الالكتروني ..
|
تم ايقاف حسابات .. بعض الزملاء هنـا ..
بالمقابل تمت اعادة حسابات البعض .. وظهرت حسابات قديمة جدا توقفت منذ فترة
..
وهناك ديباجات جاهزة تصرف في الحـال ..
كل ذلك تزامنا مع يوم الغضب الالكتروني .. في المنبــر ..
|
|
  
|
|
|
|
|
|
|
 Re: يوم الغضب الالكتروني .. (Re: tmbis)
|
إذا كانت طقطقة كيبوردات من تدعونهم كيزانا ترعبكم في السايبر .. أمام طقطقة كيبورداتكم المضادة لهم في السايبر ..
ماذا أنتم فاعلــون معهم في الواقع ..؟
..
هل عزمتم على المواجهة في الواقع .. وتناسيتم السايبر ..؟
| |
|
|
|
|
|
|
|
|
|
Re: يوم الغضب الالكتروني .. (Re: tmbis)
|
الحكومة المصرية .. سدت المنافذ الالكترونية .. والاتصالات .. ومواقع التنسيق اتفتحت في الشارع المصري مليون جبهة في كل مكان ونزل الشعب للشارع .. الهكـر يهاجم موقع سودانيزاونلاين من فترات بعيدة لاسباب د يعلمها البعض أو لا يعلمها البعض .. فكانت هناك مليون الف طريقة للتأمين والحماية ..
هناك اصوات تنادي بحماية الانتفاضة القادمة من الجيش .. والشرطة حتى اجهزة الأمن ..
حال نجاح الانتفاضة الموعودة اليوم في تمام الحادية عشـر ..
هل سيتم تنظيف الموقع هنا من كل الكيزان والامنجية واشباه الكيزان .. أو كل من يدرج في القائمة ..؟
ويترك الحبل على القارب .. لاصحاب الاسماء المذدوجـة .. وبقية من يضربون بعرض الحائظ قانون المنبر بصورة واضحة ..؟
| |
|
|
|
|
|
|
|
|
 Re: يوم الغضب الالكتروني .. (Re: tmbis)
|
يا تمبس
انا بعرفك من زمان في البورد ده
وبحق العرفه القديمه دي
كتابتك دي محيراني أفهم منها
إنك (كوز - مع الإنقاذ - موالي ساكت - ضد المسيره - ضد منو بالظبط؟ )
| |
|
|
|
|
|
|
|
|
|
Re: يوم الغضب الالكتروني .. (Re: صلاح أبودية)
|
Quote:
يا تمبس
انا بعرفك من زمان في البورد ده
وبحق العرفه القديمه دي
كتابتك دي محيراني أفهم منها
إنك (كوز - مع الإنقاذ - موالي ساكت - ضد المسيره - ضد منو بالظبط؟ ) |
توما
صدقيني انا بعرف تمبس دا زيك واحتمال اكتر منك... احتمال!!
صدقيني الزول دا لاهو كوز ولاهو موالياً لانقاذ
زيك انا كنت متحير كتير في تغير شكل حاجات تمبس في الفترة الاخيرة.. جلست مع نفسي بحثت في الارشيف كتير
املاً في تحديد شكل او اكتشاف حقيقة تمبس..
هل هو حقيقة حقاً ام.....؟
النتيجة الطلعت بيها انو تمبس دا زول زهجان ذي كدا..
زول فقد الامل واحتمال الايمان بما يدعي عبساً معارضة... و صادق، ميرغني و نقدا الكلهم من ورق..
حاول يعبر عن ما بداخله
اتلحوهو بعض من ازيال وهبل المعارضة امثال بشاشة، تراجي، مصطفي محمود و الموهوم جداً جداً هشام هباني
حاولو معه كل اشكال وقذارة اغتيال الشخصية، ادعو كذباً انه كوز... وايضاً " عب" ناكر لاصله "مستعربا"
جاراهم تمبس بحماقة عميا، عن نفسي استنكرها جداً.
استقلو هذه الفرصة بعض من كيزان البورد في شكل خلق علاقة "مناصر" للاخ تمبس
واقرب مثال مداخلة نجاد الفوق دي!!
وبقي كل ما ينشبك مع فاتح البوستات ام عناوين كاذبة هشام هباني يجو يناصروهو ...
وفي غفو صارو اصدقا لتمبس... وهكذا صار تمبس يدافع عنهم عندما يجدهم مزنوقون في ركن لتراجي او بشاشة.
تخلو عنه الكثيرون من امثالنا، وفضلنا المشاهدة والمتابعة..
اخر مره اتصلت بتمبس كانت في عام 2004 شفتو كيف؟
كان من الممكن او ربما ما كان من الصعب ان نتكلم مع تمبس بشفافية ونتناقش معه في الحاصل شنو؟
لكن اكتفينا بمقولاتنا الشهيرة " الزول دا ما حقيقة، انكسر، ما بشبهنا، انساااااااااااااااك منو"
دون الاجتهاد مننا لمعرفة ماهي الاسباب..
.
.
ياااااااخ ما داير اطول..
لكن داير اقول ليك.... تمبس.... دا...... اخر ...... من .... ما .... يبقي.... كوز.
الزول دا زهجان سااااااااااااكت..... خلوهو يزهج ساكت زي ما داير
ولا خوفاً عليه.
ودي
راني السماني
| |
|
|
|
|
|
|
|
|
|
Re: يوم الغضب الالكتروني .. (Re: rani)
|
Quote: النتيجة الطلعت بيها انو تمبس دا زول زهجان ذي كدا..
زول فقد الامل واحتمال الايمان بما يدعي عبساً معارضة... و صادق، ميرغني و نقدا الكلهم من ورق.. |
راني
نعم لا خوف على تمبس ولكن الخوف مما يفعله تمبس!!!
كلنا زهجانيين من الوضع ومن كون احزابنا السياسية خاوية فى المحتوى حاليا والدليل
مازال على رأسها الاسماء التى ذكرتها الصادق والميرغني ونقد ...الخ
لكن هل دا مبرر كافي انو نخدم النظام القائم ده؟
هل دا مبرر كافي يخلينا نستسلم ونسلم رقابنا للكيزان؟
البعمل فيهو تمبس بأسم الزهج والكتيرين زيوا بخدم فى النظام حتى اذا كان
قصدهم غير كده يا راني انا زيك اكتر واحد فاهمهم لاني بعرفهم من زمان جدا
فى المنبر ده. وكمان بعرف ناس بشاشا وتراجي كويس جدا وعندي اشياء كتيرة مختلف معاهم
فيها وعندك ارشيف المنبر ارجع ليهو. لكن دا كله كوم والاختلاف مع حكومة الكيزان
دا كوم تاني. الديمقراطية لا يفقد فيها الامل الا متخاذل او او سلبي.
واليأس لم ولن يكن فى يوم من الايام عذر.
السنجـــك
| |
|
|
|
|
|
|
|
|
|
Re: يوم الغضب الالكتروني .. (Re: alsngaq)
|
Quote: يا تمبس
انا بعرفك من زمان في البورد ده
وبحق العرفه القديمه دي
كتابتك دي محيراني أفهم منها
إنك (كوز - مع الإنقاذ - موالي ساكت - ضد المسيره - ضد منو بالظبط؟ )[/QUOTE
| |
|
|
|
|
|
|
|
|
|
Re: يوم الغضب الالكتروني .. (Re: بدر الدين الأمير)
|
Quote: النتيجة الطلعت بيها انو تمبس دا زول زهجان ذي كدا..
زول فقد الامل واحتمال الايمان بما يدعي عبساً معارضة... و صادق، ميرغني و نقدا الكلهم من ورق..
حاول يعبر عن ما بداخله
اتلحوهو بعض من ازيال وهبل المعارضة امثال بشاشة، تراجي، مصطفي محمود و الموهوم جداً جداً هشام هباني
حاولو معه كل اشكال وقذارة اغتيال الشخصية، ادعو كذباً انه كوز... وايضاً " عب" ناكر لاصله "مستعربا"
جاراهم تمبس بحماقة عميا، عن نفسي استنكرها جداً.
|
ياسلاااااااااااااام يا راني
كلام فائقث الجمال والدقة في التحليل
أنا شخصياً أعتقد إن تمبس (مُعارض) مُتقدم على المُعارضة في وعيه بالقضية
وهو (وطني) مُتقدم على مؤيدي الحكومة في وطنيته
| |
|
|
|
|
|
|
|
|
|
Re: يوم الغضب الالكتروني .. (Re: Ahmed musa)
|
حركة العدل تدين الاعتقالات وسط المتظاهرين
30th, January 2011, 8:41 pm
أكدت دعمها للمظاهرات السلمية
حركة العدل تدين الاعتقالات وسط المتظاهرين
أعلنت حركة العدل والمساواة مساندتها الكاملة للمظاهرات والمسيرات السلمية التي قام بها الطلاب والشباب الذين سموا انفسهم” شباب من اجل التغيير” مع بعض القوي السياسية ضد نظام الخرطوم ،واعتبرت الحركة هذا التحرك بداية لتغيير شامل يعيد قضايا الشأن العام وقضايا الوطن باسره الي الشعب بعض طول اختطاف من قبل المجموعة الحاكمة ،وجددت الحركة في تصريحات صحفية علي لسان أحمد حسين ادم الناطق الرسمي باسمها ،مساندتها وتحيتها للكادحين والمهمشين والطلاب والنساء والشباب في كل ارجاء بلادنا الحبيبة ،خاصة في الوسط من مهمشي الجزيرة وسكان الكنابي ولاهلنا في شرق وشمال السودان وفي دارفور والخرطوم ،واشار ادم الي ان الحركة تمد يدها وتؤكد مساندتها بكل ما أوتيت من قوة لهذا الحراك الجماهيري السلمي الذي يهدف الي تغيير النظام وواقع الفقر والفساد والحروب وانتهاك حقوق الانسان والابادة .
وأدان بشدة الطريقة البربرية التي تعاملت بها عصابات النظام المسلحة مع مظاهرات الطلاب السلمية واعتقالات الطلاب والشباب والناشطين التي طالت اكثر من “50″ معتقل ، وحذر النظام من مغبة التمادي في انتهاكات حقوق الانسان ،وطالب المجتمع الدولي بكل مؤسساته التدخل الفوري لدي النظام لاطلاق سراح كافة المعتقلين السياسين وتأمين حق التظاهر السلمي لجماهير شعبنا وهو حق مكفول بموجب كافة العهود والاتفاقيات والمواثيق الدولية .
وشدد علي ادانة الحركة للانتهاكات الجسيمة التي يتعرض لها النازحين في معسكرات دارفور خاصة معسكر زمزم في شمال دارفور ،وقال انها لن تمضي دون عقاب .
| |
|
|
|
|
|
|
|
|
|
Re: يوم الغضب الالكتروني .. (Re: محمد النيل)
|
واقرب مثال مداخلة نجاد الفوق دي!!
________________________________________________
حمد الفويلح في المويلح
الولد حلال خلاص..
تمبس كشف لعبة النضال بتاع تحليل النضال بعد قد السلك.
وكشف الناس دي يوم سرقة جثمان الخاتم المزعومة ذي ما انا كشفتهم من رسالة مقاتل مريود
| |
|
|
|
|
|
|
|
|
|
Re: يوم الغضب الالكتروني .. (Re: محمد النيل)
|
Quote:
راني
نعم لا خوف على تمبس ولكن الخوف مما يفعله تمبس!!!
كلنا زهجانيين من الوضع ومن كون احزابنا السياسية خاوية فى المحتوى حاليا والدليل
مازال على رأسها الاسماء التى ذكرتها الصادق والميرغني ونقد ...الخ
لكن هل دا مبرر كافي انو نخدم النظام القائم ده؟
هل دا مبرر كافي يخلينا نستسلم ونسلم رقابنا للكيزان؟
|
سلامات اخ السنجك
ياعزيزي، لم ولن يكون هناك اي مبرر يسخرنا، مهما كانت الظروف لنكون خدماً لهذا النظام
وفي ما ذكرنا ياصديقي، لم نسطر اي حرف يدعو الي استسلامنا او تسليم رقابنا للكيزان.
كل الذي قيل من جانبنا ان تمبس زول زهجان زي وزيك وزي الكثيرون غيرنا،
فينا من فضل " سكاتي ولا الكلام النى"
وفينا من كان مقتدر لاخراج ما بدواخله،
وفينا من بقي يهضرب زي العضاهو عقرب
وفينا من انكسر وباع القضية
تمبس كان واحد من ديل واكيد ما كان في خانة المثال الاخير.
Quote:
البعمل فيهو تمبس بأسم الزهج والكتيرين زيوا بخدم فى النظام حتى اذا كان
قصدهم غير كده يا راني انا زيك اكتر واحد فاهمهم لاني بعرفهم من زمان جدا
فى المنبر ده. وكمان بعرف ناس بشاشا وتراجي كويس جدا وعندي اشياء كتيرة مختلف معاهم
فيها وعندك ارشيف المنبر ارجع ليهو. لكن دا كله كوم والاختلاف مع حكومة الكيزان
دا كوم تاني. الديمقراطية لا يفقد فيها الامل الا متخاذل او او سلبي.
واليأس لم ولن يكن فى يوم من الايام عذر.
السنجـــك
|
عارف يالسنجك... وحات ربي، هنا دا ماني شايفلي زول بيخدم في ناس النظام دا اكتر من ناس تراجي وهشام هباني وباقي الشلة ديل
ياخ ديل يجيهم ليك واحد مشلخ شيويعي عديل، يختلف معاهم في كلمتين يطلعوهو ليك كوز لا يدو لا كراعو.
هل تعلم انو النظام دا ممكن يكون متكيف من ناس تراجي وهشام هباني ديل اكتر من ناس ود الباوقة وصلاح غريبة .. هل تعلم؟
اتفق معاك تماماً يا صديق انو البنعمل ونقول فيهو " دا كله كوم والاختلاف مع حكومة الكيزان
دا كوم تاني"، وتعال من الكوم التاني دا ... نمشي ونسكت ونستمر...
.
.
ودي
راني السماني
.
.
هي... نسيت اقول: لا خوف علي ما يفعله تمبس... الخوف علي ما يفعله ويمارسه اعدا تمبس علي تمبس وعلي كل من اختلف معهم.
ياااااااااااااخ تعال نخليهو يزهج زي ما داير.
| |
|
|
|
|
|
|
|
|
 Re: يوم الغضب الالكتروني .. (Re: rani)
|
| Quote: هي... نسيت اقول: لا خوف علي ما يفعله تمبس... الخوف علي ما يفعله ويمارسه اعدا تمبس علي تمبس وعلي كل من اختلف معهم. |
العزيز راني ..
احذر يا صديقي ..
إنت قاعد (تنقز) في الغام بشرية .. واحد بالقدم اليمنى وواحد باليسرى ..
كنت لن اضيف على ما كتبت .. لكن :
إليك من اقوال إيمون ديفاليرا : (إني أواجه الإعوجاج بالإستقامة على الدوام ...لأنني رجل مستقيم)
الاستقامه هنا في هذا المنبر والوقوف على المبدا فيه .. اصبح من اصعب الافعال .. بالرغم من سهولته ..
إذا نظرنـا لي محدودية ان نظل هنا أو على قيد الحياة.. نجدها لا تستاهل .. أن نتجمل لها لنظهر بعكس ما تشغله دواخلنا .. نتجمل من أجل ان ننافق إرضاء للبعض بعكس قناعاتنا .. بعكس فهمنا ونظرتنا لبعض الأمور من منظورنـا الشخصي الديمقراطي البحت الذي ليس من الضرورة أن يطابق وجهات نظر الجميع والهتاف معهم .. ذلك بالرغم من كمية الاخطاء التي لو تمت معالجتها بشكل جذري لكان الهتاف اعلى واقوى ويقود إلى الطريق الصحيح ..
..
أعمل حسابك يا زول .. زي ما حذرتك .. في ناس اليومين دي قاعدين وشايلين فرازتم .. عادي جدا تتفرز زيك وزي اي تمبس .. والواحد يكسر في اضانو قشه ..
| |
|
|
|
|
|
|
|
|
|
Re: يوم الغضب الالكتروني .. (Re: محمد النيل)
|
Quote: سقطت سقطت يا كيزان
يوم الدولة انفصلت ياكيزان
سقطت سقطت يا كيزان يوم انفصلت ياكيزان
سقطت سقطت يا كيزان يوم انفصلت ياكيزان
سقطت سقطت يا كيزان يوم انفصلت ياكيزان |
.. أما بالنسبة لي محمد النيل دا ..
فدا نموذج مشرف جدا .. بل نموذج مناسب جدا زي قميص عامر .
بيشرح الوضع المتردي جدا الوصل ليهو البورد .. زيو وزي سيف مساعد الفوقاني دا .. اضف ليهم نسخ ولصق مصطفى محمود لكتاباتو المتكررة
يعني بي صورة أوضح كتاباتو المكرورة وحمارو السايقو وداخل بيهو في اي بوست لي اي زول ما متفق معاهو ..
.. إنت نموذج مشروح يا محمد النيل .. ناقصك فقط حمار الشيخ مصطفى لتقف به في عقــبة النضال وتقول ليهو حااااوو حووووش ..
البتعلمو فوقو اليومين دا بالطريقة دي .. ما بينفع بي تعريفه .. اسهل حاجة تتغرق كل البوستات بي نفس الكيبورد البتكتب بيهو إنت ..
..
عندك المقدرة توريني عايز تقول شنو بالضبط هنـا دا ..؟ واللا ح تقولي انا ما عايز معاك مداخلات زي بتاعت شرح العـود المرة الفاتت ..؟
يللا لف .. وادينا عرض اكتافك بلاش فوضى معاك ..
| |
|
|
|
|
|
|
|
|
|
Re: يوم الغضب الالكتروني .. (Re: saif massad ali)
|
Quote: حركة العدل تدين الاعتقالات وسط المتظاهرين
30th, January 2011, 8:41 pm
أكدت دعمها للمظاهرات السلمية
حركة العدل تدين الاعتقالات وسط المتظاهرين |
بالنسبة لي سيف مساعد .. والكلام الشايلو وحايم بيهو دا ..
هل ممكن نعتبرو دا مثلا زول وطني وشريف .. وبيكشف في الكيزان .. وإلخ ؟؟
مع مراعاة إنو الكلام الجايبو دا ما ليهو علاقة بالبوست .. ودي طبعا حركة وهمية جدا شايفه حايمة اليومين دي باسم النضال ..
يعني مفروض الآن إنو سيف مساعد دا .. مناضل وانا كوز وأمنجي .. مش كدا يا مناضلين ..؟
خلاص اتفقنا ..
يبقى الاستمرار في حركات زي دي .. في رد فعل عكسي بيقابله ..
الناس البتبارك الحركة الوهمية دي .. هل بالضرورة الواحد يرد لي سيف دا بي طريقة ترضيهم كدا علشان يكتب الواحد عندهم مناضضل أو بطل أو شجاع ..؟
لاحظ عزيز بشاشا القارئ إنو سيف مساعد بيقول هو في اعلام حركة العدل والمساواة .. معناته بيروج لي الحركة بتاعتو في حتات ما ليها علاقة بي ترويجو ..
يعني معناته الواحد لو عندو حركة يا منتمي لي اي قوة إن شاء الله قوة دفع رباعي ممكن يجي عادي يروج ليها في اي مكان ..؟
دا طبعا لو الناس اخلاقة رياضية .. وديمقراطيين ..
..
| |
|
|
|
|
|
|
|
|
|
Re: يوم الغضب الالكتروني .. (Re: tmbis)
|
Quote: يعني مفروض الآن إنو سيف مساعد دا .. مناضل وانا كوز وأمنجي .. مش كدا يا مناضلين ..؟
خلاص اتفقنا ..
|
الغضب الاكتروني دي افتي فيها انور كنج...فتوة
لو تبعها الغاضبون لأسقطوا الحكم يوم غد...
المشكلة انو الناس شالتا الهاشمية...من خلف الكيبوردات...
فمن كانو يكتبون في الفيسبوك من مصر...كانوا داخلها..
ولديهم القدرة علي الكتابة والحركة والفعل...
أما هنا فأغلب الناس...تكتب وتنتظر فعل الآخرين...
وربما الآخرين نفسهم لم يسمعوا بهذه الانتفاضة...
ومع ذلك فالاماني...لا زالت اعرض من ردة الفعل...
تمبس تحياتي..لك وللدكتورة...واصل...يا زول
ان شاء الله خلق الله ديل كلهم يقولوا انت غلط..
انت قاعد ليهم فوق كرسي رئاسي...!!!؟؟؟
| |
|
|
|
|
|
|
|
|
 Re: يوم الغضب الالكتروني .. (Re: alsngaq)
|
Quote: وبقول ليك يا تمبس كلامك ذاتو الوجهتو لي اجعل المكان ارحـب وحاصر الطرفين الزهجانيين والمابعرفوا يعارضو زي ما بعمل
مش طرف على حساب طرف وكله على حساب الديمقراطية. دا دورك ودور اي انسان بنشد الحق وما بجامل نهائي فى الحق |
سلام يا سنجك سلام ..
احيانا الوقوف على الحق .. بيكلفك كتير جدا .. لكن الحاجة الجميلة انك تكون واقف على المبدأ وما تتزحزح ..
ودا هو ما احسب اني بعمل فوقو ..
هنا في حاجة عجيبة يا السنجك في البورد دا .. الدور البتتكلم عنو دا .. سياسة التبطيب على البعض .. عارف لما تكون براك كدا وشايت في مكان حقك متوفرة فوقو قناعاتك .. بتكون عامل زي اليد الواحدة ما بتقدر تصفق بيها .. وكان اجتهدته علشان تصفق .. بيجيك البلوي ليك يدك دي .. زي ما قلته في اقتباسك الفوق .. لي هشام هباني انو بتتشاف ليك اقرب شجرة بتاعت جهة معينة علشان يربطوك فيها والواحد بيكون بي كدا سعيد جدا .. هنا في المكان دا يا وليد في اصنام زي اصنام الاحزاب القلتها دي .. الاصنام ديل بيكوركو بي صوت عالي .. صوتم العالي دا بيجذب ليهم كمية بتاعت هتيفة .. يكفي بس انو واحد من الهتيفة ديل يدخل ويكتب ليهو مفردة علي شاكلة .. فلان الفرتكاني .. اشكرك على هذا البوست
فلانة الفرتكانية .. ستشرق يوما شمس الحرية .. إلخ
فلانه الفرتكانية يا فلان الفرتكاني .. تلقاهو في نفس المكان البشركروهو فوقو .. تلقاهو مخرمج الدنيا .. وفلانه الفرتكانية دي .. تلقاهـا بعد خطوتين بس .. صايطة الحلة بي عـود .. لا حق يخلوهو ليك تنشدو .. ولا حق ضايع تقدر تقول فوقو يا جماعة استهدو بالله الكلام دا ما مظبوط .. تدخل اصبعك معاهم .. طاااخ .. يقطعوهو ليك .. بي الكوزنة .. وبي الامنجية وحقك يروح .. ويروح معاهو مية حق تاني ..
.
.
V
| |
|
|
|
|
|
|
|
|
|
Re: يوم الغضب الالكتروني .. (Re: توما)
|
انا بعرفك من زمان في البورد ده
إنك (كوز - مع الإنقاذ - موالي ساكت - ضد المسيره - ضد منو بالظبط؟ )
يا تومــا ..
ملحوظة:
انا بكتب ليك من زمنا خدو مشلخ
سلامات
احترم جدا زملاء العضوية القديمة والذين يعرفون من هو تمبس الذي لم تتغير مواقفه.. يعرفون تمبس من قبل فترة تسييس البورد .. وتصنيف العضوية ..
غيابك يا تومـا عن هذا المكان لفترة طويلة حدثت الكثير من المتغيرات ..
لموقف .. تنطق فيه كلمة حـق تصنف في الحـال .. كوز .. مع الانقاذ .. موالي ساكت .. ضد الاجماع ..
أنا يا تومـا .. اعبر عن نفسي بنفسي .. اكتب وفق قناعتي الشخصية .. من منطلق حبي لهذا المكان السوداني .. الذي اهداني الكثير .. اكره الكذب وامتطاء القضايا فيه .. اكره ان يجعل البعض من انفسهم ابطال وهم نفس حرامية الأمس ..
كلما صنفني البعض هنا لاختلافي معهم .. ازداد قوة في قناعاتي .. بينما يتقازم هم امامي .. وذلك ليس على سبيل المكاواة .
أكره السكوت . على بعض الافعال من البعض .. اعبر عن رائي بحرية وبشجاعة طالما انا حر نفسي .. لا يهمني من سأتفق معه أو من سيختلف معي أو من سيمجدني لا ابحث عن عبارات على شاكلة .. البطل فلان .. السامق فلان .. الشهم فلان .. المناضل فلان أو غيرها من الاكلشيهات التي يلهث من وراها بعضهم هنا .. لهث الظمآن للماء ..المسافة بين صفة الما كوز.. والكوز .. والأمنجي .. سهلة جدا فقط بالقفز على لوحة المفاتيح وبعض المفردات القبيحة جدا والتي من السهل جدا محاكاتها والرد عليها بنفس طريقتها .. لكن كما اسلفت أن تحافظ على مبدا عفة وتقف فيه .. صعب جدا وسهـل .. واوسطهم خيرا في كيفية أن تجعل من تلكم الاصنام عبرة لمن يعتبر ..
اكره أن انتمي إلى أي جهة تقيدني وتملي علي ما اكتب أو أقول .. أنا حر كيبوردي يا تومــا ... اضع اعتبار كامل لكل من يحترم قناعاتي مع أو ضد في حدود لا تجعله يتجاوز الخط الفاصل بين احترامنا المتبادل.. لا يهمني أن يقول علي من يقول ويصنفني حسب ما يتماشى مع قناعاته ..
بإمكاني أن انسخ واللصق ملايين الحروف هنا .. ابتدعها قبلي الكثير منهم هنـا واحمل وجهة نظرهم اوقع في مخطوطاتهم التي ترضي احزابهم .. وتجمعاتهم .. لكن هل .. هم على الدوام في المسار الصحيح ..؟
إذا تجاوزت الزمن الخدو مشلخ دا يا تومـــا .. وسالتك بناء على ما كتبتيه
(كوز - مع الإنقاذ - موالي ساكت - ضد المسيره - ضد منو بالظبط؟ )
إنت الاداك الحق منو علشان تستجوبيني .. وهل الكتابة هنا مشروطة بالانتماء .. لجهة محددة يشترط فيها أن نعلن هنا عن وجهة نظرنا السياسية ..؟ (اجابتك تحدد هل نحن هنا نتبع لجهة ما أو اي ميولات شخصية أو وطنية عامة .) ؟
وهل كل من يكتب هنا شاتما الحكومة .. أو يعلن عن معارضته .. يجب علي ان اكون بجانبه ..؟ هل يستوي عندك جالب الحمير هذا .. وشاب أو شابه يواجهون العنف .. بكل اشكاله من أجل السودان او تونس أو اي مكان بالدنيا .. لا من أجل أحد ولا من أجل أن يزج بهم البعض زجا .. ؟ (اجابتك تحدد مفهوم النضال من جهتك وجهتي ) ..
..
احترم يا تومـا وجهة نظرك حال ان كانت اسئلتك موجهة بشكل سليم .. لا تتجاوز ما هو مسموح به عن انتمائي عن ميولي .. مع محافظتي على المعرفة القديمة في هذا المكان .. وحق ايام جميلة في هذا المكان لن تعود ..
لكن اترك لك .. ما يمكن ان يصلني منك .. إذا حبيتي ان تبحثي عن حقيقة التعامل مع هذا المكان والتغيرات التي حدثت فيه حال ان ترك الحبل فيه على القارب .. وسمح لكل متطاول ان يتجاوز حد خصوصيته ليدخل في خصويات البعض بإسم المعارضة ، فساتيك ببيان ضافي من خلال ماكتبته هنا يحمل نفس الملامح ونفس الشرارات الصغيرة التي اصبحت الآن نيران كان العقلاء قد حذروا منها هنا ونادوا بإحترام الحرف هنا والكلمة ونادو بمصداقية الخبر .. بعيدا عن الزج باسم المعارضة للنظام ..
بالمناسبة يا تومـا ..
ربما اكتب ليك كتير جدا في البوست دا .. وربما استجوبك بطريقة منكر ونكير .. حتى نصل لنقاط محددة عن الخصوصية .. والتعدي .. إلى ذلك الحين .. راجعي ما كتبه راني السماني .. عن بعض النقاط المهمة جدا .. وهي التي تحكم توجهات الكثيرين هنا .. ونقلتهم من مربع إلى مربع .. عندما صمت امثالك الذين لا يرغبون في الدخول إلى دهاليز البورد المظملة جدا .. وعندما غادرنا من هنا من غادر خوفا من الارهـاب اللفظي .. والتشهير .. إلخ ..
صورة لي .. بهاء بكري .
صورة لي بدر الدين الأمير ..
| |
|
|
|
|
|
|
|
|
 Re: يوم الغضب الالكتروني .. (Re: عمر صديق)
|
لابد من مقاطعه بوستات الكيزان في هذه المرحله التي تمر بها البلاد ..
البلد تمر بمنعرج حاد وضيق ضيق الله لا وراكم ليه ..
فساعدونا بمقاطعة بوستات الكيزان وازيالهم واظافرهم ..
وساعدونا ايضا بالمويه البارده ..والصبر ..
| |
|
|
|
|
|
|
|
|
|
Re: يوم الغضب الالكتروني .. (Re: tmbis)
|
Quote: توما
صدقيني انا بعرف تمبس دا زيك واحتمال اكتر منك... احتمال!!
صدقيني الزول دا لاهو كوز ولاهو موالياً لانقاذ
زيك انا كنت متحير كتير في تغير شكل حاجات تمبس في الفترة الاخيرة.. جلست مع نفسي بحثت في الارشيف كتير
املاً في تحديد شكل او اكتشاف حقيقة تمبس..
هل هو حقيقة حقاً ام.....؟
النتيجة الطلعت بيها انو تمبس دا زول زهجان ذي كدا..
زول فقد الامل واحتمال الايمان بما يدعي عبساً معارضة... و صادق، ميرغني و نقدا الكلهم من ورق..
حاول يعبر عن ما بداخله
اتلحوهو بعض من ازيال وهبل المعارضة امثال بشاشة، تراجي، مصطفي محمود و الموهوم جداً جداً هشام هباني
حاولو معه كل اشكال وقذارة اغتيال الشخصية، ادعو كذباً انه كوز... وايضاً " عب" ناكر لاصله "مستعربا"
جاراهم تمبس بحماقة عميا، عن نفسي استنكرها جداً.
استقلو هذه الفرصة بعض من كيزان البورد في شكل خلق علاقة "مناصر" للاخ تمبس
واقرب مثال مداخلة نجاد الفوق دي!!
وبقي كل ما ينشبك مع فاتح البوستات ام عناوين كاذبة هشام هباني يجو يناصروهو ...
وفي غفو صارو اصدقا لتمبس... وهكذا صار تمبس يدافع عنهم عندما يجدهم مزنوقون في ركن لتراجي او بشاشة.
تخلو عنه الكثيرون من امثالنا، وفضلنا المشاهدة والمتابعة..
اخر مره اتصلت بتمبس كانت في عام 2004 شفتو كيف؟
كان من الممكن او ربما ما كان من الصعب ان نتكلم مع تمبس بشفافية ونتناقش معه في الحاصل شنو؟
لكن اكتفينا بمقولاتنا الشهيرة " الزول دا ما حقيقة، انكسر، ما بشبهنا، انساااااااااااااااك منو"
دون الاجتهاد مننا لمعرفة ماهي الاسباب..
.
.
ياااااااخ ما داير اطول..
لكن داير اقول ليك.... تمبس.... دا...... اخر ...... من .... ما .... يبقي.... كوز.
الزول دا زهجان سااااااااااااكت..... خلوهو يزهج ساكت زي ما داير
ولا خوفاً عليه.
ودي
راني السماني |
وانا زمنى دا كلّو محترم تمبس وقايلو عندو فكرة مختلفة ومفيدة ... اتاريهو طلع زهجان ساى ... كلّو من الكوزة د. نجاة محمود دى ...
يا كوزة خلّى الولد "البرئ" يبطل تفكير ... ويرجع مناضل شريف بدون مخ زى ما كان ....
... المهم ....
| |
|
|
|
|
|
|
|
|
|
Re: يوم الغضب الالكتروني .. (Re: تبارك شيخ الدين جبريل)
|
الرائع تمبس
عندما بدأت المشاركة فى هذا الموقع قبل عشر اعوام كنت من معارضى الانقاذ وتعرضت لفصل تعسفى وأنا فى مدخل الخدمة والأخت دريمز شاهد على ما زكرت ولمجرد أننى انتقدت نهج ما يدعى انهم مناضلين واقول الحقيقة مجردة صنفت فى هذا المنبر على اننى كوز و مأجور فأدركت حينها ان هامش الحرية المتاح من النظام اكثر كثيرا من الذى يمنحه ادعياء النضال هنا وطلبوا مننا ان نكون معهم فى كذبهم و اوهامهم او نكون ضدهم فلم يتركوا لنا سبيل ان نعارض بما نعتقد فقررت ان اكون ضدهم ضد الدجل والمتاجرة بقضاية الوطن وبيع الوهم وضد تشويه سمعة السودان وانا اعلم ان البعض منهم يمتهن هذا الأمر و يتكسب منه حفنة دولارات
فوجدت نفسى اختار الوطن واصبحت كوز بأمر مناضلى الكيبورد
| |
|
|
|
|
|
|
|
|
|
Re: يوم الغضب الالكتروني .. (Re: 7abib_alkul)
|
Quote: هل تعلم انو النظام دا ممكن يكون متكيف من ناس تراجي وهشام هباني ديل اكتر من ناس ود الباوقة وصلاح غريبة .. هل تعلم؟
|
جيت أسلم بس يا تامبا
الكوتيشن دا ما ليهو علاقة بالسلام
| |
|
|
|
|
|
|
|
|
|
Re: يوم الغضب الالكتروني .. (Re: تبارك شيخ الدين جبريل)
|
بعد التأمين على كلام راني والسنجك ...اقول ..
رغم معرفتي القصيرة بتمبس ومن خلال تحليلي لكتاباته منذ تسجيلي في المنبر اقول تمبس ماكوز - رغم من حقه يكون مايكون - لكن دخوله في خلافات ومشادات في نقاشات مع بعض الاخوة في المعارضة اصبحت هذه الخلافات تاخذ طابع شخصي اكثر منها اختلافات اراء ..ووصلت لحد انو مايقبل منهم اى حاجة ويعارض اى حاجة يطرحوها حتى لو تتفق معاه كراى ...ولأن المعارضة على خلاف دائم مع الكيزان وفي اى نقاش بين الفريقين يظهر تمبس معترضاً هؤلاء بغض النظر عن انه يتفق مع الكيزان او لايتفق فهذا آخر مايفكر فيه . فاهم حاجة يقيف ضد هؤلاء الشخوص المحددين ..
في نظري تمبس يخلط بين الشخوص والاراء والافكار ....نهائي لاتجده يتفق مع راى ارتأه المعارض فلان - دون ذكر اسماء بس هي اسماء محددة - حتى لو كان هذا الرأى سديداً ...في اسماء كده لو تلت آيات قرأنية ماظنيت تمبس يقبل منها هذه الآيات ...اما الكيزان كطرف موجود في اى حوار ماقاعد ينظر ليهم كرأى بل ينظر ليهم كشخوص وادوات لمحاربة اولاءك ...
ده تحليلي لشخصية تمبس في المنبر ...
| |
|
|
|
|
|
|
|
|
|
Re: يوم الغضب الالكتروني .. (Re: حامد بدوي بشير)
|
تحياتي لكل الناس الاكترونيين هنا دا .. في البوسطي دا تحديدا .. واحب اشكر كل الاخوان شديد
الليلة يوم الجمعة دا حقو اي زول عندو محل بتاع اكترونيات .. يطلع لي حاجة لانو الواحد شغال اوفر تايم عديل كدا .. قبيل المسؤول عن الاتصالات العالمية صحاني لي بوسطي كتبت فوقو واخدته باقي نومتي
جيت حسع دي لقيتو اتلحس .. قمت لقيت البوسطي دا شغال تش ..
شكرا يا شباب .. وشكر لبكري لان جعل هذا ممكنا ..
يا جماعه البحللني انا عافي ليهو تب .. لذلك اخدو راحتكم شديد تبارك دا ما شتتغلو بيهو ولامؤاخذه لانو شكلو ح يجيب لي هوا .. لانو كوز راسو عديل وجا اثبت هنا مما لا يدع مجالا للشك انو تمبس كوز ومعرس ليهو كوزة دقي يا مزيكا ..
المهم ..
..
فايز ارصفه تحليلك فطير جدا .. وبما انو الدنيا ليل فتحليلك فطير بي لبــن بالنسبة للعشاء وكدا
..
انتو يا جماعة .. الرد علي الكيزان والامنجية بقى مسموح بيهو ..؟
يعني مثلا فكو الحظر ؟
لانو المفكر سبارتاكوس .. او بين قوسين (حامد بدوي) .. شخصيا كسر الحظر وكلف نفسو تكليفا منقظع النظير وجا رد لي ..
والله يا سبارتاكوس انا احييك علي شجاعتك بتاعت الضبان والحشرات دي .. من كونك جيت هنا بالرغم من سياسة المقاطعة .. ورديت .. ياخ انت ما تخلينا نجيك هناك في بوستاتك ونجيب معانا حجارة بطارية نرفع بيها البوسطات حقتك .. اصلو غيري انا ماف زول شغال بيك وبهبب ليك بي هبابة سعف .. والله تختاني انا كان فرشت بوسطاتك دي رمله ورشيته بي موية زرقا ما تديك طراوة ..
غايتو كان فهمتك كاتب شنو .. يضربني جناح الطيارة الجايبه تبارك في احدى بوستاتو .. وبي كدا بقينا في الهوا سوا .. بقيت زينا واحد تكتب كلام خارم بارم .. اتاريك بتاع خارم باريمات وعامل لينا فيها بتاع فلسفة وعلم اجتماع واجناس .. ووعي .. وتوهم وتخلعات والله الخلقني .. طلعت اي كلام يا قدع
اقوليك حاجة:
حقو تجيب معاك الحمار بتاع شيخ مصطفى محمود دلالة على نضالك (الاسفيري) مش بقوليك كالحمار يحمل (اسفارن) .. وبالمرة تجيب لي معاك رادي صغير بشتغل بي (حجرين بطاريتين اثنتين) طبعا الواحد عايز يكتب ليك باللغة العربية الفصحى .. لكن نعمل شنو دا العندنا ..
ملحوظة:
يا تبارك بوست المساء والسهرة اتلحس ؟؟ يا خسارة .. ساهر في البوسطي دا ولامؤاخذه جدا
بالنسبة للمسدس التحت المخدة .. لقيتو من اول يوم .. وكان محشي .. لكن محشي شنو ما بقدر اقوليك حسع
المهم ..
| |
|
|
|
|
|
|
|
|
|
Re: يوم الغضب الالكتروني .. (Re: tmbis)
|
Quote: يا تبارك بوست المساء والسهرة اتلحس ؟؟ يا خسارة .. ساهر في البوسطي دا ولامؤاخذه جدا
بالنسبة للمسدس التحت المخدة .. لقيتو من اول يوم .. وكان محشي .. لكن محشي شنو ما بقدر اقوليك حسع
المهم .. |
البوست دا شكلو كدا حا يسخّن ... امشى اجيب عرقينى من بدرى ... عشان الليلة الردود لط ....
(انا طبعاً بقيت مدمن براندى فرنسى رخيس وبشرب ما بمز!)
... المهم ....
| |
|
|
|
|
|
|
|
|
 Re: يوم الغضب الالكتروني .. (Re: تبارك شيخ الدين جبريل)
|
Quote:
تمبش أم إنك ربما تمبس/
الآن تكشف عن وجهك الحقيقي.
المصدر مهدد الآن بمناضلي الكيبورد. |
الان ؟؟
عليك الله يا سبارتاكوس .. جاي في الفين وحداشر ميلادية .. تقولي لي الان ..؟ ياخ والله اخير منك بشاشا ومرتضى جعفر ديل نقشوها طايره من سنة الفين وخمسة قبل الهجرة ..
تعرف ذكرتني بالنكتة بتاعت القرد والثعلب و (الحمار) ..
القرد .. حكى نكته لي الثعلب و (الحمار) ..
الثعلب ضحك .. ضحك الارصفه .. ضحك جدا ..
و (الحمار) ما هببو للقرد ..
تاني يوم القرد ماشي الشغل الصباح .. جا لقى ليك (الحمـار) بتدردق .. وماسك بطنو ومصارينو اتكطعت من الضحك .. قاليو:
دا شنو يا (حمـار) انت زول وهم واللا شنـو ؟؟ بتضحك مالك من يوم السبت الصباح ..؟
(الحمار) قاليهو:
والله يا القرد كطعت مصاريني من نكتتك حقت امبارح لما كنا قاعدين هنا دا ..
تخيل يا حامد (الحمار) دا بليد كيف ؟؟
| |
|
|
|
|
|
|
|
|
|
Re: يوم الغضب الالكتروني .. (Re: tmbis)
|
| Quote: (انا طبعاً بقيت مدمن براندى فرنسى رخيس وبشرب ما بمز!) |
المويات الفوق دي لا مؤاخذة يا تبارك .. بدوك معاها سوار باريس وبت السودان واللا بتتصرف ..؟
ما المهم ولا حاجة ..
| |
|
|
|
|
|
|
|
|
|
Re: يوم الغضب الالكتروني .. (Re: tmbis)
|
تمبش أنا قلت ما أردت قوله،
وممكن أعيدو ليك وأشرحو رغم أن الثعلب لم يعد النكتة للحمار ولم يشرحها.
عنيت أن مصدر الرزق الحرام مهدد الآن بثورة الشباب في كل مدن السودان. لهذا أصبح لزاما على المنتفعين من النظام الآيل للسقوط أن يسفروا عن وجوههم ويدافعوا عنه.
وأضفت من باب رد التحية بأحسن منها، أن أقدام شعب السودان العظيم ستدوس على جميع ..... الخ
فهمت ولا حتضحك بكرة؟
| |
|
|
|
|
|
|
|
|
 Re: يوم الغضب الالكتروني .. (Re: tmbis)
|
| Quote: عندما بدأت المشاركة فى هذا الموقع قبل عشر اعوام كنت من معارضى الانقاذ وتعرضت لفصل تعسفى |
Quote: فأدركت حينها ان هامش الحرية المتاح من النظام اكثر كثيرا من الذى يمنحه ادعياء النضال هنا وطلبوا مننا ان نكون معهم فى كذبهم و اوهامهم او نكون ضدهم فلم يتركوا لنا سبيل ان نعارض بما نعتقد فقررت ان اكون ضدهم ضد الدجل والمتاجرة بقضاية الوطن وبيع الوهم وضد تشويه سمعة السودان وانا اعلم ان البعض منهم يمتهن هذا الأمر و يتكسب منه حفنة دولارات
فوجدت نفسى اختار الوطن واصبحت كوز بأمر مناضلى الكيبورد |
حبيب الكل .. سلامات
الفين واتنين شنو يا حبيب الكل .. في واحدين بجو حسع دي .. الواحد بيجي شايل اليافطة حقتو وشايل معاها الحفارة .. يحفر حفرة لاخيه .. ويعلق ليك اليافطة قدام اي مداخلة من مداخلاتك .. ويضرب عصفورين بي يافطة واحدة :
عصفور كوزنتك ..
وعصفور عشان خاطر النجومية المطلقة في البورد ..
عليك الله شوف في كم عصفور هنا اتضرب في الحفرة بتاعت الجماعة ديل ..
لا عليك يا زول .. اتمنى لك اقامة سعيدة في وطن من لا وطـن له .. وبدون شك ابشر بطول سلامة طالما عصافيرك مجرحة بي سكاكينم ..
| |
|
|
|
|
|
|
|
|
|
Re: يوم الغضب الالكتروني .. (Re: tmbis)
|
| Quote: وممكن أعيدو ليك وأشرحو رغم أن الثعلب لم يعد النكتة للحمار ولم يشرحها. |
.. | Quote: فهمت ولا حتضحك بكرة؟ |
.. أول حاجة نكتتك بايخه ودمها تقيل .. والله دي (ضبـانه) ما تضحك خليك من انها تضحك ليها (حمـار) ..
شرحك فطيـر .. لا يرتقي إلى مستوى المفكرين والادبـاء .. وإلخ ..
بعدين قبل كدا . مش قلت ترفعت انك ترد لي نوعيتي دي .. وقلت ما عايز معاي ..؟
البجيبك هنا شنو والناس في حالة مقاطعة ..
يبدو انك عايز تسمع النكتة بتاعت القرد مع (الحمارين) .. حاسي بيك استهوتك الفكرة دي ..
لو جيت راجع ح احكيها ليك واحكي ليك معاها النكتة بتاعت القرد .. براهـو .. والـ ( ######### )
طبعا الشخوت .. شخوت دي .. متعبة شوية .. بديك كلمة سر خاصة علشان تفك بيها الشخوط دي .. لانو في واحد من (الحمارين) فكاها وحير القرد ..
..
إنت موضوع نكتة (الحمــار) دا لو مزعلك .. ممكن ما اضغط عليك فيهو .. ممكن احكي ليك نكتة النحل .. يا الكدندار .. يا أبو الحصين .. لانو شايف تخصصك حشرات طايرة ..
يعني بي صورة أوضح :
بتفكر بي طريقة الطيران الشراعي ..
| |
|
|
|
|
|
|
|
|
|
Re: يوم الغضب الالكتروني .. (Re: tmbis)
|
| Quote: (إني أواجه الإعوجاج بالإستقامة على الدوام ...لأنني رجل مستقيم) |
هههههههههههههههههههه
____
اعوجاجك بائن لدرجة انه يجب ان يطلق عليك لقب احدب سودلنيزاونلاين
| |
|
|
|
|
|
|
|
|
|
Re: يوم الغضب الالكتروني .. (Re: tmbis)
|
الأخ علاء...
معليش جيناك في بوسطك دة ويمكن كلامنا مايعجبك....
بس عليك وريني بوست فتحتة ولا حتي رد تدعو فية للتغير وذهاب حكومة الظلم والفساد....
أنا دة غايتو ماشفتك يوم مع الديمقراطية ولاسمعتك يوم بطالب بالبشير يغور...
عشان كدة الناس علي أقل تقدير بتشوف إنك متصالح مع النظام....
ودة طبعا حقك وما في زول عندة عندك حاجة....
بس ما يجونا ناس تمبس دة زهجان ساكت.....لانة تمبس واضح وكلامة واضح....إذا إفترضنا إنة مامؤيد للحكومة...فهو علي أقل تقدير ما رافض أو معارض لها
| |
|
|
|
|
|
|
|
|
|
Re: يوم الغضب الالكتروني .. (Re: Haitham Elsiddiq)
|
Quote: الأخ علاء...
معليش جيناك في بوسطك دة ويمكن كلامنا مايعجبك.... |
مرحبتين يا الاخ هيثم ..
منو القاليك كلامك ما يعجبني ..؟ بالعكس .. زي كلامك دا زاتو هو البيحرضني اني اكون قاعد اكتب هنا دا .. لانو نوعيتك دي انا بفتش عليها بالفتاشة ..
| Quote: أنا دة غايتو ماشفتك يوم مع الديمقراطية ولاسمعتك يوم بطالب بالبشير يغور... |
.. طيب يعني تفتكر انا ح اشكك في طريقة شوفك .. ؟
بعدين كدي تعال راجع عليك الله .. لانو إنت نموذج تاني زي النموذج بتاع .. تومــا الكتبت فوق دي ..
إنت طبعا جيت سنة الفين وسبعة .. مش كدا ..؟
يعني ليك اربعة سنة كدا .. شوفك دا انا ما عارفو من سنة كم لي كم ..
كدي وريني علشان نكون اكثر دقة .. شوفك دا من سنة كم لي كم .. يا ابو ديمقراطية وشوف إنت ..
| Quote: بس ما يجونا ناس تمبس دة زهجان ساكت..... |
ارجو أنو ناس تمبس زهجان ديل ما يجو يردو عليهو .. افضل في طريقة الرد .. نوعية ناس هيثم ديل ومن لف لفهم ..
اتفضل يا مناضل قول وريني شوفك دا شفتو كيف ومتين .. إنت قايل البورد دا عملو بكري لما جيت انت في سنة سنة الفين وسبعة . وقالو ليك في مكان هنا دا اسمو سودانيزاونلاين بكتبو فوقو المعارضين ..؟
| |
|
|
|
|
|
|
|
|
|
Re: يوم الغضب الالكتروني .. (Re: tmbis)
|
Quote: هههههههههههههههههههه____
اعوجاجك بائن لدرجة انه يجب ان يطلق عليك لقب احدب سودلنيزاونلاين |
مووبالغة ..
بيجو ضفــارة شخصيا ..؟
إنت ما مقاطع واللا شنـو ..؟
....
اتاريك طلعته مثقف .. احسن من حامد بدوي نص المثقف ..
| Quote: احدب سودلنيزاونلاين |
.. مع انو بروف صديق الموج لو قرا الحتة دي .. احتمال يشتكيك لي الترابي ..
بالمناسبة:
شيخك مشيت وديت ليهو .. الضفارة واللا لسـة ..؟
| |
|
|
|
|
|
|
|
|
|
Re: يوم الغضب الالكتروني .. (Re: tmbis)
|
Quote: اعوجاجك بائن لدرجة انه يجب ان يطلق عليك لقب احدب سودلنيزاونلاين
|
والله يا جماعة أنا عبد المنعم سليمان دا
اكتر زول بكرهو هنا وفي الأماكن المجاورة لأنو عندو سبعتاشر وش
وخمستاشر لسان ..
لكن اعترف أنو مرات مرات كدا بقول كلام كبار كبار لدرجة أني
شكيت أنو يكون فيلسوف متنكر في شكل عضو معانا في حوش بكري دا.
إتا يا عبد المنعم سليمان جريدتكم ما فيها رياضة لشنو ..؟
| |
|
|
|
|
|
|
|
|
|
Re: يوم الغضب الالكتروني .. (Re: tmbis)
|
شكرا علي الترحيب ياعلاء....سلام ليك وللأسرة.....
| Quote: منو القاليك كلامك ما يعجبني ..؟ بالعكس .. زي كلامك دا زاتو هو البيحرضني اني اكون قاعد اكتب هنا دا .. لانو نوعيتك دي انا بفتش عليها بالفتاشة . |
يازول تفتش شنو أنا قاعد هنا .....وما محتاج تفتيش.... من ماجيت هنا دة كلامي ولغتي واحدة ما إتغيرت يوم واحد....
Quote: .. طيب يعني تفتكر انا ح اشكك في طريقة شوفك .. ؟
بعدين كدي تعال راجع عليك الله .. لانو إنت نموذج تاني زي النموذج بتاع .. تومــا الكتبت فوق دي ..
إنت طبعا جيت سنة الفين وسبعة .. مش كدا ..؟
يعني ليك اربعة سنة كدا .. شوفك دا انا ما عارفو من سنة كم لي كم ..
كدي وريني علشان نكون اكثر دقة .. شوفك دا من سنة كم لي كم .. يا ابو ديمقراطية وشوف إنت .. |
أنا قلت ماشفتك ما قلت إنت ما قلت....فلو السلامة علي النظر نورنا ياخ ما الأرشيف قاعد....ليك علي يوم توريني بوست ضد البشير ومع التغيير....أعتزر ليك وأمشي أعمل كشف نظر.....
ياعلاء في ناس كتار كانو متابعين البورد دة من الفين وإتنين قبل ما يبقوا أعضاء....علي كل مافي مشكلة نبدأ من ...2007
Quote:
اتفضل يا مناضل قول وريني شوفك دا شفتو كيف ومتين .. إنت قايل البورد دا عملو بكري لما جيت انت في سنة سنة الفين وسبعة . وقالو ليك في مكان هنا دا اسمو سودانيزاونلاين بكتبو فوقو المعارضين ..؟ |
ياتمبس ياخوي إسم هيثم دة ما يغشك ساي....أنا زول كبير وطاعن في السن وكدا....
وأنا لما بديت أكتب في منتديات النقاش السودانية....إنت كنت لسة قول ماقالوة ليك....خلي القالوة لي......
أنا يا أخ علاء عارف عاوز شنو من البورد دة و عارف إنة ونسة....هو تعريفة كدة ونسة ونقاش....
موضوع مناضل ومناتل وبتاع أمن البخوفوا بيها الناس دي ما بتجيب حقها....
هنا فرصة لنشر الوعي وتبادل الأفكار والتعلم من الغير.....
فلا البشير ستزيحة سودانيزاونلاين ولا الحكومة تغيرها البوردات...
ولكن نبدئ راينا في حال بلدنا المايل بالظلم والفساد والإستبداد...في المكان الوحيد المتاح لنا....
لست مناضلا ولا أدعية....ليس لي أي حزب سياسي...ولكني ضد الحكومة....
علي كل إذا إنت شايف إنك برضو ضد الحكومة يبقي تمام....بس قول للمابشوفو زينا كدة و ريحنا ياخ.....
وسلام وتحية
| |
|
|
|
|
|
|
|
|
|
Re: يوم الغضب الالكتروني .. (Re: Haitham Elsiddiq)
|
شوف ياهيثم :
تغلط في تمبس ، تغلط في بكري أبو بكر ، تغلط في محمد حيدر المشرف
دا كلو ماخصاني ،،
لكن تغلط فيني أنا دا ح تتعب معاي!!!
Quote: ياتمبس ياخوي إسم هيثم دة ما يغشك ساي....أنا زول كبير وطاعن في السن وكدا....
|
تصدق ياتمبس الزول دا أنا درستو في خور عمر الثانوية!!
وعشان أزيدك من الشعر بيت:
في وليد صغيروني كدا قاعد يجي يبكي في تلفزيون السودان في قصيدة:
وا شوقاً علي بلدي !!!
دا هيثم دا زاتو البيقول ليك طاعن في السن!!
=
والله ياهيثم مشتاقين لوطن نموذجي على شاكلة خور عمر القومية!!
لا يفرق الناس إلا السياسة،،
لعنة الله على الحكومة والمعارضة ما سعييا لتفتيت السودان وزرع الفتنة بين أهله،،
=
تمبس ياعريس ،،
حفلتكم ماشاء الله عليها ، وربنا يسعدكم ،، وتأكد أنو هيثم دا واحد من الأبرار في
حب الوطن،،
| |
|
|
|
|
|
|
|
|
|
Re: يوم الغضب الالكتروني .. (Re: عبد اللطيف بكري أحمد)
|
Quote: وعشان أزيدك من الشعر بيت:
في وليد صغيروني كدا قاعد يجي يبكي في تلفزيون السودان في قصيدة:
وا شوقاً علي بلدي !!!
دا هيثم دا زاتو البيقول ليك طاعن في السن!! |
شكرا يا عبد اللطيف .. طبعا انا نزلت مداخلة لي عمو هيثم دا ..
لكن قريت كلامك دا .. واستغربته شديد .. شديد جدا ..
اغرب حاجة يا عبد اللطيف .. الزول الكان بيبكي في القصيدة دي .. وعلى حسب ما كتبت انو هيثم دا زاتووو .. تخيل كان بيبكيني لما يجيبوهو في التلفزيون .. واكيد انو كان بيبكي ليهو كم واحد من الناس الهنا ديل ..
بلاي يا هيثم بالمرة كدا تعال اشرح لي الحركة بتاعتك دي .. لانو الشاشة دي الواحد ممكن يقول اي حاجة ويكسر في اضانو قشة ..
اتفضل ياخ ..
| |
|
|
|
|
|
|
|
|
 Re: يوم الغضب الالكتروني .. (Re: tmbis)
|
| Quote: دا ملاح شنو كمان دا؟ |
الكوز راني السماني ..
يازول دقيقة بس .. جدك هيثم دا .. عايزنو يجينا بالنجيضة .. بعداك نشوف الحنك شنو ..
..
والله يا راني الكوز الواحد بقى لما يشوف ليك مداخلة يلاوز عديل .. بقيتو تجيبو لي الواحد الهوا
| |
|
|
|
|
|
|
|
|
|
Re: يوم الغضب الالكتروني .. (Re: tmbis)
|
للمعارضة بالداخل آفات و أمراض كثيرة.. لكن
الآفة الكبرى هي في معارضي المهاجر .. و خاصة الاسفيريين!
المقلب الأساسي في مظاهرة 30 يناير (الهادرة) (العارمة) كان من معارضي الكيبورد بالسعودية! كيف؟
4000 رسالة صادرة من السعودية تؤكدخروج عشرات الآلاف لشارع القصر الساعة 11 صباحاً
و النتيجة بقلم المعارض (عمر عشاري) من شارع القصر فقط 90 شخص !
في نكبة أكبر من كده؟
| |
|
|
|
|
|
|
|
|
|
Re: يوم الغضب الالكتروني .. (Re: Hashim Taha)
|
يا هيثم ..
والله انا منتظرك .. خاصة وانو عندي اصحابي كتار جدا قرينا مع بعض .. هم فاتو خور عمر وانا قعدته في وادي سيدنـا ..
احتمال تكون صاحب واحد فيهم ونطلع معرفـة ..
غايتو عبد اللطيف بكري دا انا بعرفو حق المعرفة .. كزول صديق .. والله العظيم ا كنت قايلو استاذ ومربي اجيال .. ودرس في خور عمـر .. مدرسة النخبة ..
يللا اها الكورة الآن في ملعبك ..
يا إنت يا استاذ عبد اللطيف ..
والله خايف كلامي ليك عن انك نموذج .. يتحول لي نموذج تاني ..
يللا انا منتظر .. يا انت يا استاذ عبد اللطيف بكري ..
يللا عليك الله خلصنا ورانا ردود كتيرة ..
دا انت نفس الزول الكان ببكي داك ..
بالمناسبة ..
يا استاذ عبد اللطيف .. البكا بتاع هيثم دا .. كان في زمن نميري واللا زمن الانقاذ .. ؟ واللا زمن الديمقراطية .. ؟
دا طبعا لو افترضنا انو هيثم دا .. هيثم المعني .. ما هيثم الخلاء سااي
| |
|
|
|
|
|
|
|
|
|
Re: يوم الغضب الالكتروني .. (Re: tmbis)
|
والله ياعلاء سؤالك جميل وممكن يكون بادرة نقاش قوي في موضوع
الخوف على الوطن والشوف إليه،،
هيثم الصديق ، إبني العزيز ، وإبن مدينة الابيض العتيقة أبكانا جميعنا
وهو يشتاق للوطن ، قد يختلف الأمر عنده الآن ، وقد تختلف الظروف التي
جعلته يعبر بتلك الطريقة عن شوقه للوطن ،، يمكن يزعل منو نفس الناس
الذي أعجبتهم القصيدة لأن مفهوم الوطن الآن يتأرجح بين الشك واليقين،،
عموماً كانت قصيدة واشوقاً على بلدي ، شوق زولاً ولوف بكاي ، نغمة جميلة
في نهايات عهد النميري وبداية العهد الديمقراطي ،،
تعرف ياعلاء : يمكن هيثم نفسه يكون زعلان أنو أنا كتبت عنه هذا الكلام
وقد لا يحبذ الرجوع لهذه السالفة ، ولكني لا أمل تكرارها مطلقاً فقد
كانت إحدى إشراقات ذلك العهد ، وكانت في النهاية موهبة رائعة ليافع
تجاوب معها كل السودان حين كانت قلوبهم مجتمعة على على حب الوطن،،
ربع قرن الآن من مدرسة خور عمر ياعلاء ، قل لي من هم إصدقاءك فإن عاصرتهم
سأعطيك عنهم نبذة كاملة ، فهم خالدون في وجداني لأنهم كانو يمثلون قمة
الوطنية والقومية التي نادى بها مؤسس المدرسة المربي الفاضل الأستاذ
عبد الباقي محمد عبد الباقي ، والد (زميل البورض) الأستاذ التجاني عبد الباقي،،
شكراً ياعلاء ، وتحية لهيثم فأنتم وأيالكم تعقد عليكم آمالنا في الفهم المنطقي لقضايا
وطننا،،
| |
|
|
|
|
|
|
|
|
|
Re: يوم الغضب الالكتروني .. (Re: tmbis)
|
| Quote: وجا اثبت هنا مما لا يدع مجالا للشك انو تمبس كوز ومعرس ليهو كوزة دقي يا مزيكا .. |
تمبس انت بطريقتك كوز كوز ماعلينا لكن اياك وتقول داليا كوزة..
والله الجزولاب يجى يجاهدو فيكم الاتنين..
لاحولالالالالالالالا والله كلامك ده بكتل ليه خليفه
يازول دى جدودها الاثنين بعد السيد على مباشرة..
داليا كلمى زميل البورد ده..
| Quote: مع انو بروف صديق الموج لو قرا الحتة دي .. احتمال يشتكيك لي الترابي .. |
يا تبارك ومن لف لفهم.. تمبس ده مادام اعترف ببروفتى الزول ده بالجد شيوعى احمر
جناح القسام بتخصص شبه الحاد من روسيا عديييييييييييييييل
والله بروف دى ريحتنى راحه يا تمبس
والله تقول قالتها لى باسكال مشعلان ..لاحولالالالالالالالالا
والله مسختها فى خشوم الناس ياخى
بالمناسبة تكون طالبنى مائة ريـــــال،،،
| |
|
|
|
|
|
|
|
|
|
Re: يوم الغضب الالكتروني .. (Re: معتز القريش)
|
Quote: ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى
1- التجاهل
2- التجاهل
3- التجاهل
عايز ارفع البوست ساااي كد |
سعادة العميد امن معتز القريش..صفا...انتباهـ
كده بتبقى ظاهره ياخى ماتتداخل فى البوست ده تانى لو سمحت
مالك ومالو رافعو يرفع دبابيرك،،،
| |
|
|
|
|
|
|
|
|
|
Re: يوم الغضب الالكتروني .. (Re: Mohammed Awad)
|
| Quote: فهمك وحده لا يكفي للتغيير .. السكوت اكبر ضرر قاد هذا البورد إلى هذا المكان .. قف بشجاعة امام ما تراه خطأ .. |
تمبس كيفك
تعرف اصلو ما بجيب دليل من الارشبف لزول فى المنبر ده لكن انت بتهمني.
Re: هنا الفرق بين الشاب المستقل ( وليد الشفت) وهذه ا...ورة ( فيديو تحفة)!!
Quote: هشام هباني
تحية طيبة""
شخصيا لم اشعر ابدا ان وليد دعم الانقاذ على حساب الاحزاب السودانية
أو العكس. امثال وليد عدد كبير جدا فى السودان وما تعتقد انهم بميزوا
بين الكيزان واخوان واتحادي ....الخ عندهم كلهم واحد ديناصورات وبس
ما اعتقد انهم بختلفوا عن قرفنا او غيرهم كلهم شباب حزين على حال البلد عندهم
رغبة حقيقة وصادقة انو السودان دا يمشي لقدام.
وليد دا ببساطة قال انو السودان ما متخلف لكن واقف فى مكانه بسبب الديناصورات
القائمة على امره. واختار النظام الديناصوري ده يحاربه بأسلوبه مع ضمان عدم
ظهور ديناصور اخر.
وانت ايضا يا هشام هباني من حقك تناضل ضد النظام ده من اي مكان بره السودان
او داخله. طريقة النضال ومكانه دي ما بحددها اي انسان ولا بتحدد نوايا الشخص
اسي براحة كده يا هشام سؤال:
مافي اي قاسم مشترك بينك وبين وليد نهائي؟؟؟؟
تعرف من زمان بكتب فى المنبر ده وبقول انو معظم ناس المعارضه هنا بعملوا على
كوزنة اي شخص داخل السودان غاضب على الاحزاب!! ود خطأ شنيع استفادوا منه
اهل الانقاذ فقط. لانه ما ممكن لمجرد هجوم الشباب على الاحزاب السودانية
تقوم تصفهم الناس بالكوزنة والعمل على دعم النظام. خاصة وان هجوم الشباب ككل
على الاحزاب السودانية لم يأتي من فراغ(حقيقة لا ينكرها الا مكابر). تعرف وحدة من مشاكلنا كسودانيين شنو؟
اننا ما بنعرف نسمع غير صوتنا كل واحد هنا مفتكر انو هو بس الشايف الظلم الواقع
على السودان وانو طريقته هو بس الصاح فى تغير الواقع ده. اذا كل معارض للنظام فتح قلبه
وسمع للشباب ده حيصل لنتائج مذهلة والله. لكن ما عارف ليه كثيرا جدا ما بشعر ان هنالك مناضلين
يفرحون لاثبات كوزنة اي شخص من كسبه معارض للكيزان كنظام!!!!!!!! |
ودائما الكلام دا بقولوا هنا ما بعرف الخوف والاهم من ده كله ما بعرف اجمال عشان اكسب
واحد فى المنبر دا والحمدلله.
وبقول ليك يا تمبس كلامك ذاتو الوجهتو لي اجعل المكان ارحـب وحاصر الطرفين الزهجانيين والمابعرفوا يعارضو زي ما بعمل
مش طرف على حساب طرف وكله على حساب الديمقراطية. دا دورك ودور اي انسان بنشد الحق وما بجامل نهائي فى الحق
فى طريقنا لتحقيق الديمقراطية التى ننشدها لا يوجد فرد او جماعة تتمتع بالحق أو الصحيح المطلق الكل يخطئ ويصيب يعني مرات كتيرة
بكون تمبس ووليد الشفت واساسي على حق ومرات كتيرة بكون بشاشا وتراجي وهشام هباني على خطأ والعكس صحيح
لكن الطريق الى الديمقراطية خيار لا يحيد عنه الا كوز.
طبعا الكوز بهمه جدا وجود فريقين زهجانيين ومناضلين كيبورد
يا تمبس عشان كده ما لازم نستبعد مفردة الديمقراطية دائما زي ما بتقول يا تمبس انت كده بتقع فى نفس الخطأ وعملته
فاااير باااك بكلامك ده واصبح دفاعك عن الديمقراطية عبارة عن رد فعل وليس فعل ممارسة الديمقراطية فعل يا تمبس لازم
نمارسوا في اي مكان وتحت احلك الظروف حتى اذا اصحاب النضال تعمدوا نسيانه عند مكاسبهم الشخصية.
الديمقراطية ما حقت بشاشا او تراجي الديمقراطية قضية كل وطني حر ما ترحم عشانها اخوك المن لحمك ودمك.
كده يا تمبس بنحصر اي طرف في الخطأ بتاعو وليس طرف على حساب الآخر.
| |
|
|
|
|
|
|
|
|
|
Re: يوم الغضب الالكتروني .. (Re: alsngaq)
|
يا السنجك ..؟
مالك إنت ناسخ المداخلة تاني ..؟
انا كلامي لسة ما خلصتو .. وختيت ليك العلامة دي دليل على انو الكلام لسة فيهو باقي ..
أرجو انك تكون نسختها على سبيل الخطا ما عن قصد ..
| |
|
|
|
|
|
|
|
|
|
Re: يوم الغضب الالكتروني .. (Re: Haitham Elsiddiq)
|
Quote: في وليد صغيروني كدا قاعد يجي يبكي في تلفزيون السودان في قصيدة:
وا شوقاً علي بلدي !!!
دا هيثم دا زاتو البيقول ليك طاعن في السن!! |
والله امانة ما اتلومت يا هيثم يا ود اختى
من الفين وسبعة هنا وما شغال بخالك
كدى اول حاجة تعملها ترخى لى اصحابى
انا بعد كم يوم عندى مشوار للرياض , وقافل على تمبس دة
يبرمج لى قعدتى فى الرياض , فلو استمريتوا فى قصة الملاح دى
والجد شعبان .. الخ ما ح يحصل اى حاجة غير انها تطرشق على مشوار الرياض
| |
|
|
|
|
|
|
|
|
|
Re: يوم الغضب الالكتروني .. (Re: احمد التجانى احمد)
|
| Quote: والجد شعبان .. الخ ما ح يحصل اى حاجة غير انها تطرشق على مشوار الرياض |
يا هندســـة ..
ياخ انا افديك الساعة لما تجي .. يا اي واحد من الأخوان تجيبو رياح جـدة ..؟
الجـد شعبان أو الخـال هيثم ح نديهو مطلق الحرية والصراحات ياخد راحتو خالص في البوست دا .. ياخ دا مكلفني رد من هنا لحدي الشربتلي .. رسلتو لقيتو ليك لا جدو ولا حاجة .. عملت ليك للمداخلة يععع طوالي ..
هيثم قال المكان دا عايز يجي يتونس معانا .. نرحب بيهو جدا .. ونونسو لمان يقنع ولما يجي ماشي نديهو الفاتحـة .. لكن نجي نشبكو الوطـن .. والراي العام .. والميدان .. والدار .. إلخ .. دي واسعة شوية في حقنـا..
ادينا خبر يا هندسة
| |
|
|
|
|
|
|
|
|
|
Re: يوم الغضب الالكتروني .. (Re: احمد التجانى احمد)
|
إزيك ياخال....
واللة مشتاقين ياهندسة....
سنيين ياخال والبركة فيكم في عمك حاج علي....
ياخ مافي مشكلة تمبس خليناة...جابت ليها الجد شعبان وعمكم مختار وملحات وحلل...أخير أتخارج...
ياعلاء أدينا الفاتحة وخالي دة مابوصوك علية....
ياخال تلفونك بالمسنجر عليك اللة....
| |
|
|
|
|
|
|
|
|
|
Re: يوم الغضب الالكتروني .. (Re: Haitham Elsiddiq)
|
| Quote: إنت فمت شنو بقصة الملاح دي....أشرح لينا ياخ....وماعلاقتة بالرابط بتاع البونبان.... |
تصدق مافهمت اى حاجة من القصة...
جابتنى ريحة الحلة بس !!
علاقتا بالبمبان عشان تانى مافى زول يشُم ريحة حلتك
يقوم يجيك ناطى زيي كدا...
| |
|
|
|
|
|
|
|
|
|
Re: يوم الغضب الالكتروني .. (Re: عمر صديق)
|
سلام لي صاحب الدار وضيوفو
Quote: في وليد صغيروني كدا قاعد يجي يبكي في تلفزيون السودان في قصيدة:
وا شوقاً علي بلدي !!!
دا هيثم دا زاتو البيقول ليك طاعن في السن!! |
انا داخلة بس عشان اقول لي هيثم ده برافو عليك
مع انك ابكيتنا كثيرا ولكنك كنت مبدعا وياريت تكون ما زلت
| |
|
|
|
|
|
|
|
| |
tmbis
توما
صلاح أبودية
Mohammed Awad
عمر صديق
rani
alsngaq
بدر الدين الأمير
بهاء بكري
Ahmed musa
saif massad ali
محمد النيل
nazar hussien
على محمد على بشير
Faisal Elrasheed
تبارك شيخ الدين جبريل
عبداللطيف حسن علي
7abib_alkul
البشير دفع الله
فايزودالقاضي
عبد المنعم سليمان
صديق الموج
فدياس نجم الدين
احمد التجانى احمد
ساميه حامد
فيس بوك
تويتر
انستقرام
يوتيوب
بنتيريست