كتب الكاتب الفاتح جبرا المتوفرة بمعرض الدوحة
|
عن اي تغيير تتحدثون يا هولاء ؟
|
طوبة يحفظ للتوثيق ويناقش بعد غدا
________________
1) فتحي البحيري
Quote: معلوم يا بشمهندس
بس عليك الله ياخ ناس فرانكي والذي منو ديل ارخيهم لينا اليومين ديل عليك الله
الشغلانة بقت حياة او موت |
2) كمال سالم
Quote: يابكرى ,, تحياتى ,, كلام فتحى البحيرى ده مهم جدا ,, أرجو أخذه بمأخذ الجد ,, |
3) عاطف مكاوي
Quote: فعلا يا بكرى لاحظ للقنوات الفضائية الاخبارية المتخصصة هذه الأيام أوقفت كل ما يُعتبر هرجلة في هذه الأيام الحاسمة في تأريخ شعوب المنطقة فمن غير الممكن أن تترك بوستات في هذه الأيام علي شاكلة حبوبتي قالت حلمت ... ويا جماعة ما تأخروا الانتفاضة بعد كذا وكذا
لابد للمنبر من أن يحافظ علي وضعه ...... فالسودانيون وكل متابعي الشأن السوداني أعينهم علي هذا المنبر. |
____________ التغيير الذي ننشده نحن هو تغيير افكاركم هذه فهذه هي نفس المبررات التي اقصت بها الانقاذ الناس واعتقلتهم
فعن اي تغيير تتحدثون انتم
|
|
|
|
|
|
|
|
Re: عن اي تغيير تتحدثون يا هولاء ؟ (Re: عبد المنعم ابراهيم الحاج)
|
وليد
تحياتي
فعلا هؤلاء في الغالب لايعرفون تحمل الراي الاخر الا تجملا
وتلك افكارهم وذلك مبلغهم وبالتجربة عرفناهم من قبل ايام مايو الحمراء
ورغما عن ذلك نقول لهم اذا كانت القلة الموجودة من انصار المؤتمر الوطني في هذا البورد المنحاز للمناضلين بصورة سافرة تخيفكم لهذه الدرجة
فانتم اضعف من ان تحدثو تغييرا في الحكم
ومازال الطريق امامكم طويلا ووعرا
| |
|
|
|
|
|
|
Re: عن اي تغيير تتحدثون يا هولاء ؟ (Re: عمر صديق)
|
سلامات يا زليد
اصلا هل في السودان في غير احمد وحاج احمد؟
الزول بلا خجل يجي يقوليك احصر واحذف واحد مناضل جا قالي قروشكم ملوثة كدا ساي يكذبوا في الناس ويلفقوا باسم النضال
بئس النضال ويئس الاكاذيب
وبئس الفهم للديمقراطية
| |
|
|
|
|
|
|
Re: عن اي تغيير تتحدثون يا هولاء ؟ (Re: tmbis)
|
ان ثورة تونس و ثورة مصر قادها شباب , هدفهم الرئيسى تغيير
الرؤساء الفاسدين
و يطلعون الى حياة فيها خير و عز و مستقبل زاهر
و شباب السودان لا يقل عنهم طموحا او جسارة او شجاعة
و البشير اكثر فسادا من بن على و مبارك
فلتنطلق ثورة الشباب السودانى
فى كل مدن السودان و ليذهب البشير و زمرته الى مزبلة التأريخ .
| |
|
|
|
|
|
|
Re: عن اي تغيير تتحدثون يا هولاء ؟ (Re: على محمد على بشير)
|
والله يا علي فعلا .. دي ثورة تغيير شاملة حتى يف المواقع الالكترونية علمت انو بعض الزملاء هنا تم ايقاف حساباتهم .. والبقية تأتي .. يكون لي عظيم الشرف لو اتوقف حسابي بناء على بلاغ من أحد الشيوعيين .. يا احد ابناء الجبهة العريضة في هذا المنبر أو غيرهم .. وذلك بتهمة الكوزنة والامنجة .. والخيانة الوطنية .. إلخ من الاكلشيهات الجاهزة ..
| |
|
|
|
|
|
|
Re: عن اي تغيير تتحدثون يا هولاء ؟ (Re: على محمد على بشير)
|
. .
مع إحترامي لكل وجهات نظر الإخوة المطالبين بالثورة والتغيير :
بالله ده وقت ثورة ولا قلاقل وزعزعة امن واستقرار وفوضى؟
وجهة نظري : السودان يمر بمنعطف خطير للغاية ومهددة بالتمزق والفوضى على الطريقة الصومالية وحركات مسلحة في الغرب والشرق والجنوب وفتن كقطع الليل المظلم ،فليس هذا وقت تهديد الحكومة المركزية مهما بلغت من السوء .
الأمن إذا انفرط في ظل ظروف السودان الحالية فهي النهاية والدمار الذي لا صلاح بعده .
أجلوا الثأرات وفش الغبائن والأحقاد حتى تتجاوز البلاد هذه المرحلة .
قليلاً من العقلانية والحكمة في هذا الظرف الدقيق .
ألا هل بغلت اللهم فأشهد
قومي هم قتلوا أميم أخي : فإذا رميت أصابني سهمي
. .
| |
|
|
|
|
|
|
Re: عن اي تغيير تتحدثون يا هولاء ؟ (Re: ALazhary2)
|
قلنا النقاش بكره ما الليلة
عشان ما تقولوا خربت الرصة وقاصد المظاهرة
لكن لحدي بكره
من يحجر على الراي المخالف ليه ويضيق بيه في منبر يقال انه منبر للحوار وما عاوز يسمع الا صوتو هو بس في منبر اسفيري
اكيد لو لقى فرصة في عالم واقعي وكانت السلطة عنده حا يعتقل صاحب الصوت المخالف ليه
ما قلنا ليكم لا فرق الطينة واحد والفهم واحد
| |
|
|
|
|
|
|
Re: عن اي تغيير تتحدثون يا هولاء ؟ (Re: عمر صديق)
|
مرحب عمر صديق
Quote: فعلا هؤلاء في الغالب لايعرفون تحمل الراي الاخر الا تجملا |
الكلام ده بنطبق عليكم الاثنين يا عمر
طينتكم واحده فوقة وانقسمت نصين
الفرق بيناتكم
انتم تفعلون وهم بكل اسف حتى الفعل لا يستطيعون ...
بحنسوا في بكري عشان يوديك الصالح العام في سودانيز اون لاين
حالة ميؤس منها
| |
|
|
|
|
|
|
Re: عن اي تغيير تتحدثون يا هولاء ؟ (Re: محمد النيل)
|
Omer Mustafa و محمد النيل
طبعا الغثاء الذي يفعله امثالكم هو ما افشل مظاهرة اليوم
لا غزروا اخوانهم في الارض ولا الله فتح عليهم براي سديد او فكرة جيده يكتبوها في المنبر
بطلوا عباطة كوبي بست دي وانجروا راسكم شوفوا ليكم افكار جديده للمظاهرة الجاية ناقشوا الاسباب الخلت المظاهرة حقت 30 دون الطموح شنو وكت ما عندكم مساهمة ممكن تقدموها ليها خلاف النك نيم بتاعكم في اون لاين ده اكسبوا زمنك وافيدوا اخوانكم وبطلوا النقلي والاطناب البتسوا فيه ده
نوع كوبي بست كوبي بست دي ما بتمرق الانقاذ لو بتمرقهم مصطفى محمود كان بكون في القصر الان
حالة يرثى لها
| |
|
|
|
|
|
|
Re: عن اي تغيير تتحدثون يا هولاء ؟ (Re: محمد النيل)
|
سلامات يا وليد من الضروري ان يدرك الجميع و خصوصا المنضوين تحت الوية التنظيمات السياسية ان ثورة التغيير التي انطلقت اليوم، ليست ملكاً لاحد و خصوصاً لهذه التنظيمات. فهي فشلت في احداث التغيير السياسي الذي تريده مسيرة اليوم طيلة 21 عاماً و هذا لا يمنعها من الاستمرار في المحاولة لاجل تحقيقه و لا يمنعها ايضاً من المشاركة فيه ان كانت تصبو الي اهدافه و لكن كافراد. هذه الثورة ملك جماعي لكل (و اكرر لكل) ابناء الشعب السوداني ، فليخرج المنضوين تحت رايات احزابهم كمواطنين في شعب السودان و ليتركو للجماهير التي حسمت امرها قيادة المسيرة بصورة جمعية تحدد وجهاتها و مساراتها ، فليخرجوا ليلتحموا بهذه الجماهير بدون محاولة بائسة لفرض وصاية سياسية بل بغرض خلق مساحات اوسع لحراك التغيير القادم. فليشارك الجميع في هذا الامر كمواطنين سودانيين فهذا هو المغزى و هذا هو التجاوز الحقيقي الذي يمكن ان يصنعه هذا الحراك و حتى هولاء الذين يعيبون على المسيرة فليأتو بدفوعاتهم ان كانت لهم دفوعات في الدفاع عن هذا النظام البائس
هذه المسيرة و ان بدأت متفرقة ستتواصل و ستحاول و ستنجح ان تركت للمهمومين باهدافها في الوصول
و نحلم بالغد
| |
|
|
|
|
|
|
Re: عن اي تغيير تتحدثون يا هولاء ؟ (Re: Amjed)
|
و ملحوظة هامة يجب ان يقرأها الجميع
ان المعتقلين و المصابين في هذا اليوم كانوا من ابناء الشعب السوداني فحسب كان بينهم شيوعيين و انصار و اسلاميين و ختمية و مواطنين غير منظمين سياسيين و مواطنيين من جنوب السودان و طلاب و عمال و اطباء و (صدق او لا تصدق ) و مرضى ... و اخرين لم يكن يجمعهم غير انتماءهم لهذا الوطن و ه########م ضد الفساد و الغلاء و انعدام الحريات و حلمهم بالتغيير !
| |
|
|
|
|
|
|
Re: عن اي تغيير تتحدثون يا هولاء ؟ (Re: Amjed)
|
well said ya Amjad
ثورة تونس الملهمة وثورة مصر وارهاصات ثورة السودان ليست ملك لاي من الاحزاب .
في تونس ثار الاسلامى مع الشيوعى مع النقابى مع الليبرالى مع اللامنتمى مثل هذا تماما حدث في مصر وليس ببعيد
حدوثه في السودان .ما حدث هو ثورة ضد القمع ضد التسلط ضد الفساد ضد البطالة ضد الجوع ضد حجر الراي.
الاخ وليد حرية التعبير لمن يؤمن بها لا يمكن ان نطالب باعطائها لمن قهر الناس وصادر حقهم في الراي
هذا اشبه ما يكون باعطاء النازيين في المانيا حق التعبير والدعوة لافكارهم.
| |
|
|
|
|
|
|
Re: عن اي تغيير تتحدثون يا هولاء ؟ (Re: Elmuiz Haggaz)
|
مرحب المعز حجاز
انت قريب مصعب حجاز ؟
___________
عموما
Quote: الاخ وليد حرية التعبير لمن يؤمن بها لا يمكن ان نطالب باعطائها لمن قهر الناس وصادر حقهم في الراي |
وهل تعلم عن اعضاء المنبر المختلفين معاك هنا ان احدهم بالدليل القاطع قد صادر او قهر انسان ان كان كذلك فهو يستحق
اما عن موضوع حرية التعبير لمن يؤمن بها فقط
تكون مشكلة لو مرق الرائي ده من زول مؤمن بحرية التعبير انو بعتقد انه يحق ليه يحجر على حرية تعبير ايا كان تحت اي مسمى
بالمناسبة حرية التعبير تختلف عن التحريض
| |
|
|
|
|
|
|
Re: عن اي تغيير تتحدثون يا هولاء ؟ (Re: Amjed)
|
غريبه يا وليد تاتى بفكره وتعمل ضدها >> كده لاحظ معاى هنا >> Quote: طبعا الغثاء الذي يفعله امثالكم هو ما افشل مظاهرة اليوم
لا غزروا اخوانهم في الارض ولا الله فتح عليهم براي سديد او فكرة جيده يكتبوها في المنبر |
اعتقد انو نسخ الفكره هو ايضا فكره و ترديد الهتاف برضك رأى
فمجرد هتافك بسقوط شئ بيعنى انك غير مقتنع بيهو وده هنا ايضا ايضا بمثل رأى >> والسقط ايضا بيكون نتيجه لرأى مبنى على قناعه >
وبرضك طرد الكيزان من المنبر بمثل رأى
يبقى انا بحترم رايك ,,, بل ومقتنع بيهو و هنالك كثيرييين و اظن بكرى من ضمنهم بدليل بوستات بعض الكيزان الموجوده الآن >>> يبقى ماف مشكله
دعاة التغيير لكل شخص فيهم رأى ... فهل معنى هذا نستسلم ولا نتحدث عن التغيير اذا كان راى احدهم ديكتاتورى !!!!
بالمناسبه >>> دعنى اهتف هنا ببعض قناعاتى التى تكونت عندى بسبب راى يتمثل فى ان هؤلاء الكيزان من المجرميين وكمثال قتلهم لطلاب لاذنب لهم سوى انهم ارادوا التعبيير بالرفض لهم>>> والهتاف يا عزيزى وليد هو :
العار العار للكيزان
| |
|
|
|
|
|
|
Re: عن اي تغيير تتحدثون يا هولاء ؟ (Re: طارق الكوتش)
|
مرحب يا كوتش
مختلفين
اختلافي معاك الان بمثل خلاف رائي
لكن الرائ المحرض على اقصاء الاخر فعلا ده ما رائي ده تحريض .. لو كان صاحبو يمتلك السطة كان حا يحولوا لفعل
لو ايقاف اعضاء في سودانيز اون لاين لمجرد الاختلاف فعل مبارك ؟ البخلي حملات الصالح العام زمان فعلا غير مبارك شنو ؟
بالنسبة لي انا رائي كتبته في النسخ والبت المتكرر والناسخ يمتلك نك نيم وباسوير لم اطلب بايقافهم يعني ممكن بكل بساطة يرد على بانو ينسخ كلامو تاني وتالت ورابع
وانا اقول رائي في نسخو ده
لكن الدعوه لايقاف زملا عشان مختلفين معاكم ده حجر مو اختلاف
موده
| |
|
|
|
|
|
|
Re: عن اي تغيير تتحدثون يا هولاء ؟ (Re: Amjed)
|
مرحب امجد
اول شي اضرب لي تلفون هسع تلفونك اليوم داك ما اتحفظ لي مستنيك
___________
هي بداية يا امجد لكن للحقيقة كانت دون الطموح والمؤمل
ما مشكلة خيرها في غيرها
لكن لابد وان يكون التنظيم والتنسيق هذه المرة على درجة عالية جدا الاستعجال ما بفيد بل بضر ومحاولة ركوب قطار مصر وتونس بسرعة اضر بتحرك اليوم
الايام دي الشعب متململ جدا .. لو كان التنسيق والتنظيف للمظاهرة بصورة ممتازة وبدون تعجل كانت حققت مرادها
لكن الجايات اكتر من الرايحات بل بتركيز وبدون تعجل
ولو بعدوا عنها نوع الدراويش الفوق ديل عوجة ما بتجيها
| |
|
|
|
|
|
|
Re: عن اي تغيير تتحدثون يا هولاء ؟ (Re: وليد محمد المبارك)
|
الأخ الكريم وليد
الإقصاء مرفوض والبديل الديمقراطى لا بد له أن يؤمن بها ويعمل بها... وتعسا للنفاقية السياسية والمنافقون السياسيون.. ومن ينشد التغيير وفى قلبه مزعة نيه لتكميم الأفواه : فقد خاب طنه.. كبر مقتا عند الله أن نقول ما لا نفعل... سلامى
| |
|
|
|
|
|
|
Re: عن اي تغيير تتحدثون يا هولاء ؟ (Re: عبد المنعم ابراهيم الحاج)
|
Quote: مع إحترامي لكل وجهات نظر الإخوة المطالبين بالثورة والتغيير :
بالله ده وقت ثورة ولا قلاقل وزعزعة امن واستقرار وفوضى؟
وجهة نظري : السودان يمر بمنعطف خطير للغاية ومهددة بالتمزق والفوضى على الطريقة الصومالية وحركات مسلحة في الغرب والشرق والجنوب وفتن كقطع الليل المظلم ،فليس هذا وقت تهديد الحكومة المركزية مهما بلغت من السوء .
الأمن إذا انفرط في ظل ظروف السودان الحالية فهي النهاية والدمار الذي لا صلاح بعده .
أجلوا الثأرات وفش الغبائن والأحقاد حتى تتجاوز البلاد هذه المرحلة .
قليلاً من العقلانية والحكمة في هذا الظرف الدقيق .
ألا هل بغلت اللهم فأشهد
قومي هم قتلوا أميم أخي : فإذا رميت أصابني سهمي
. |
.
+ Quote: الأخ الكريم وليد
الإقصاء مرفوض والبديل الديمقراطى لا بد له أن يؤمن بها ويعمل بها... وتعسا للنفاقية السياسية والمنافقون السياسيون.. ومن ينشد التغيير وفى قلبه مزعة نيه لتكميم الأفواه : فقد خاب طنه.. كبر مقتا عند الله أن نقول ما لا نفعل... سلامى |
وكفي شعارات واهمة
| |
|
|
|
|
|
|
Re: عن اي تغيير تتحدثون يا هولاء ؟ (Re: محسن عبدالقادر)
|
ارفض الااقصاء ولكني اسال عمر صديق سؤال مباشر اتمني ان يرد عليه Quote: وليد
تحياتي
فعلا هؤلاء في الغالب لايعرفون تحمل الراي الاخر الا تجملا
|
وكيف تتعامل حكومتك يا عمر صديق التي تنافح عنها ليل نهار مع الرأي الآخر ؟؟؟!!! الم تسمع ب سجناء ا الرأي ام لم ترى صور تعذيبهم بواسطه اجهزتكم القمعيه الامنيه ؟؟؟!! الم تسمع باستشهاد الطالب محمد عبدالرحمن الاعزل الذي خرج ولا يمتلك غير حنجرته فارديتموه قتيلا ؟؟؟!!.
| |
|
|
|
|
|
|
Re: عن اي تغيير تتحدثون يا هولاء ؟ (Re: doma)
|
Quote: سلامات يا زليد
اصلا هل في السودان في غير احمد وحاج احمد؟
الزول بلا خجل يجي يقوليك احصر واحذف واحد مناضل جا قالي قروشكم ملوثة كدا ساي يكذبوا في الناس ويلفقوا باسم النضال
بئس النضال ويئس الاكاذيب
وبئس الفهم للديمقراطية |
فعلا يا دكتورة بئيس النضال
| |
|
|
|
|
|
|
Re: عن اي تغيير تتحدثون يا هولاء ؟ (Re: doma)
|
Quote: عن اي تغيير تتحدثون يا هولاء ؟ |
تغيير الوجوه يا وليد ....
فمن جاءوا بالبشير قبل 21 سنة سبحان الله اليوم مناضلين و ينادون بإسقاطه
و اللذين سلبوا الحرية و الديمقراطية من الشعب المسكين يطالبونه اليوم بالخروج لإسقاط البشير
و من فرطو في الديمقراطية و قدموها للبشير في طبق من ذهب يطالبون الشعب بالخروج مرة أخرى
أحزاب الديناصورات هم من سلموها للبشير و هم وحدهم المسؤلين عن إعادتها للشعب المظلوم.
.
| |
|
|
|
|
|
|
Re: عن اي تغيير تتحدثون يا هولاء ؟ (Re: doma)
|
وليد أزيك يا مان..للأسف تاني ما أتلاقينا مع أني ولله كنت داير أجيك في البيت ... طيب يا وليد...أنا شخصياً ضد أي أقصاء...و أشجع على الحوار..و الحوار يكون مع المختلفين معك و ليس المتفقين في الرأي..لذلك الحوار مع الكيزان=عضوية المؤتمر الوطني شيء صحي و مهم للمعارضين..ولكن!!! يا وليد..لمن يكون هناك أشخاص..الموضوع البتحاور فيهو ما هاميهم و يمكن ما فاهمنينو..لاكين جاءوا مدفوعين لتخريب أي حوار بناء لمصلحة جهة أو أخرى..و لا اريد ان اسمي او القي التهم جزافاً.. دا ببقى يا وليد زي لامن تكون بتتونس وللا تتناقش بي مزاج في حلتكم يجي واحد عوير يقعد يكورك و يهرج عشان يفرتك ليكم قعدتكم وونستكم...حتعمل ليهو شنو؟؟ حتقعد تتحاور معاهو وللا تديهو كف و تقول ليهو اتخارج شوف ربك وين؟؟؟ دي ما مسألة ديمقراطية وللا حوار مع الرأي الآخر يا وليد...دي مسألة تهريج أو تخريب متعمد...بقى منو البحدد منو المسؤول؟ و منو الجاي بأجندة التخريب و الهرجلة؟؟ دي مسألة تقديرية ترجع لصاحب الموقع... والله لي هسي أنا ما عارف الوقفوهو منو وللا السحبو باسويردو منو...لاكين دا رأيي في موضوع بوستك يا حبيب
| |
|
|
|
|
|
|
Re: عن اي تغيير تتحدثون يا هولاء ؟ (Re: doma)
|
الاخ وليد
تحياتى..
لم يسبق لى ات تداخلت معك و لكنى اقرا لما تكتب احيانا وانا كمن غيرى مندهشا لمواقفك ولا استطيع لها تفسيرا هل هى مع المعاضة ام الضد؟؟ بس يا اخى الخروج من اجماع الجماعة و محاولة التخزيل او شق الصف هو راى وراى كبير كمان!! وعلى الاقل مناصحتك الفوق دى ان كنت تريد ان تخدمنا بها احسن تسكت عنها لاننا لن نقبلها ولن نسمع لها الان و ليس هناك شيئا يولد كاملا! الانسان نفسه يبدا طفلا ثم ينمو وكذ الحال الثورات تبدا شرارة ثم تشتعل لتقضى على اخضر الدكتاتوريات!! فكون انتفاضة الامس لم تلبى الطوح لا يعنى ان ناتى هنا ونعمل على التثبيط و التبخيس منعا فى اعادة القيام بها!! فمزيدا من التكرار و التجويد سنحقق المستحيل ونحن لسنا كمصر او تونس فهم يفوقونا اقمارا ضوئية فى كل شيئ اقل تقدير مستوى الوعى الجماهيرى الذى ساعد فيه انتشار تقنيات العصر الحديث من نت و فضائيات فى كل قرية!! فطبيعى ان يتوحد الراى الشعبى المصرى او التونسى سريعا و يتلكا هنا فى السودان , حتى فى مستوى الرياضة وانت رجل تشجع كرة القدم نحن متخلفين عنهم, يمكن ان نقارن نفسنا مع ليبيا او اليمن او تشاد, لانهم الاقرب الى مستوياتنا. دع الناس تعبر لان ظلم الكيزان و تجبرهم فاق الحد , فكونهم يناصروك فى هذا البورد هذا فى حد زاته تصنيف!! فاتمنى انت والاخت د. نجاة ان تراجعو مواقفكم وتختاروا التوقيت المناسب لاسداء النصح.
| |
|
|
|
|
|
|
Re: عن اي تغيير تتحدثون يا هولاء ؟ (Re: الصادق الزين)
|
Quote: نعم لتجميد عضوية الموالين للنظام على الأقل كموقف أخلاقي لإعتقال الزملاء ولفرض حالة الطوارئ التي يستخدمونها تجاهننا على الارض . |
نعم لتجميد عضوية الموالين للنظام على الأقل كموقف أخلاقي لإعتقال الزملاء ولفرض حالة الطوارئ التي يستخدمونها تجاهننا على الارض .
نعم لتجميد عضوية الموالين للنظام على الأقل كموقف أخلاقي لإعتقال الزملاء ولفرض حالة الطوارئ التي يستخدمونها تجاهننا على الارض .
نعم لتجميد عضوية الموالين للنظام على الأقل كموقف أخلاقي لإعتقال الزملاء ولفرض حالة الطوارئ التي يستخدمونها تجاهننا على الارض .
انهم حصان طروادة بالمنبر.. فلا بد من وقفهم..
| |
|
|
|
|
|
|
Re: عن اي تغيير تتحدثون يا هولاء ؟ (Re: Abdlaziz Eisa)
|
الأخ وليد السلام عليكم ورحمة الله
تناقضات أهل السياسة في بلدناتتعب من يعمل في عدها وحصرها كدي شوف صحف اليوم : (عرمان يطالب بإطلاق سراح الترابي) بقدرة قادر شفقة ما شاء الله ورحمة ، بسبب شنو ؟! وليه ؟! على الأقل يخبروا الناس لماذا هذا التغير!! تقرأ أيضاً مبارك الفاضل يتحدث عن الاثنيات وخراب البلد والحريات وووو وهو الذي طالب أمريكا بمزيد من الضربات بعد ضرب مصنع الشفاء وقبلها بفترة كان وزيراً للداخلية شوف أيضاً فطاحلة السياسة !! وعلى رأسهم الترابي والمهدي في جلسات (تجمع جوبا) وأمل منشود وأماني بالحركة لكن الحركة الشعبية لتحرير (جنوب السودان) فكتهم عكس الهواء حيث تمرست في ذلك وكمثال سابق(التجمع الوطني ) وأضحك كمان لما تشوف الشماليين من الحركة اليومين دي يرددوا : في الفترة القادمة حانعمل لأجل استعادة الوحدة وشيوخهم سلفا وباقان يقولوا على الملأ نحن تحررناالآن ويحتفلوا ، عربيهم ماشة بدون دركسون شكلها !!! هل هذه هي قيادات ، وهل هؤلاء هم رموز التغيير ؟! الترابي كتب قبل ثلاثين سنة في كتاب (تجديد اصول الفقه) وتكلم عن الجهل في البلد وقلة العلم وأبدى (سعادته) بذلك حيث قال وقد يبدو ذلك لأول وهلة (نقمة) بينما هي (نعمة)!!! وبرر حتى لا ينكر عليه طرحه ولا نستغرب إذا وجدنا من لا يستفيد من كل تلك الدروس والعظات ومع إنه أهلنا وعجائزنا في البلد كانوا يهتفوا : نحن نؤيد حزب السيد وحزب الأمة يسقط ضمة الآن حتى هؤلاء غيروا قناعاتهم وما شايفين في هذه الرموز بدائل وقالوا : ديل بحالهم السيء ده هم أحسن السيئين ، والطشاش في بلد العمي شوف وما مستعدين يجربوا المجرب
ـــــــــــــــــــــــــــــــــــــــــــــــــــــــــــــــــــــــــــ في ظني أن المطالبة بتكميم الأفواه سببها ضعف الحجة وهشاشة الدعوة وإدراك أن نسبة نجاح المظاهرات ضعيف جداً في هذا المنبر سب لله لم يتوقف ، وإلحاد وسب للنبي محمد صلى الله عليه وسلم ، وطعن في الشريعة فهل من طالبوا بتكميم الأفواه كانت لهم مطالبات سابقة لبكري بتطميم أفواه أولئلك الملاحدة؟! إشارة توضح الكثير ، فلنقارنها بما يريد غالبية أهل الشمال السوداني ليعرفوا أين موقعهم
| |
|
|
|
|
|
|
Re: عن اي تغيير تتحدثون يا هولاء ؟ (Re: عارف الركابي)
|
مرحب الركابي
تعرف .. افتكر ان بوست ما هو المعيار للزميل محمد اي سليمان هو بوست كل المواسم ويصلح لقياس اي مدالخة لعضو او مجموعة
لا معايير يا الركابي هي اهواء واماني فقط
المعاي وفي صفي اسكت عنه والما معاي ( لاحظ الما معاي موش الضدي عديل ) اكمم صوته
ويقولوا ليك الحكومة تكمم الافواه وتحرم الناس حرية التعبير
بالله !!
| |
|
|
|
|
|
|
Re: عن اي تغيير تتحدثون يا هولاء ؟ (Re: Abdlaziz Eisa)
|
مرحب عبد العزيز عيسى اسعدنا مرورك ياخ
ثم
لا لتجميد عضوية ايا كان، تحت اي زريعة او سبب ، خلاف الاسباب الموضوعة في لائحة المنبر مع الادانة التامة لإعتقال الزملاء ولفرض حالة الطوارئ التي يستخدمها النظام لى الارض .
| |
|
|
|
|
|
|
Re: عن اي تغيير تتحدثون يا هولاء ؟ (Re: وليد محمد المبارك)
|
من اقوال فقد السودان الكبير
د. قرنق
انه سعيد ان المؤتمر لم ينتصر علي الحركة والحركة لم تنتصر علي المؤتمر
حتى نتعلم ان نتعايش مع بعض
اقصاء الراي الاخر ثقافه بالعمل السياسي متاصله
ليس كل من يدعو للديمقراطيه
ديمقراطيا
وليس كل من يؤمن بفكرة المشروع الحضاري مجرم
ولكن كل من يساعد هذا النظام المجرم فهو بلا شك مجرم
التغيير مطلوب تغيير في دواخل طالبي التغيير مطلوبه لكن حتي تتساوي الفرص في المنبر وفي الشارع
وحتما تغيير نظام المؤتمر الوطني
من يحاور فله كل الحق في الحوار ومن يستخدم هذا المنبر او غيره لمساعدة هذا النظام فلا يمكنه ان يستخدم الحريه بالمنبر لخنق كل الحريات
بالشارع
ودمت
وليد اخر
| |
|
|
|
|
|
|
Re: عن اي تغيير تتحدثون يا هولاء ؟ (Re: حمزه بابكر الكوبي)
|
Quote: تعرف .. افتكر ان بوست ما هو المعيار للزميل محمد اي سليمان هو بوست كل المواسم ويصلح لقياس اي مدالخة لعضو او مجموعة |
.. ازيد على ذلك .. حقو بكري يعمل ليهو مكتبة خاصة يسميها ما هو المعيار ..؟؟ .. حاجة غريبة .. عندي بوست فاتحو بي هناك .. لقيت فوقو نفس الكلام البكتب فوقو .. ونفس الحاجات الحايمه لي في راسي .. .. من هذا المنطلق ادعو لقيام حركة (قرفنـا) السايبيرية .. المرة دي .. عديييل كدا نكاية في علماء النضال في السايبر .. يعني بي صورة اوضح : يكون في قرفنا في الواقع .. وقرفنا في الكيبورد .. وزي ما قال احد المناضلين هنا يوم تلتين يناير الحشاش يملى شبكتو.. هل من متبني للفكرة القرفانه دي ..؟ لانو بالجد في ناس كدا مداخلاتم (تقرف) عديل ..
| |
|
|
|
|
|
|
Re: عن اي تغيير تتحدثون يا هولاء ؟ (Re: وليد محمد المبارك)
|
** أبو محمد .. ** ســلام .. ## كيف يمكنك فهم مُعارضك ومحاورته إذا لم يُسمعك صوته ؟؟ ## هل من يطلبون الإقصاء يتعاملون بنظرية المُعامله بالمثل لنظام الفساد والإفساد؟؟ ** إذاً ماالفرق بين من يُساند الفساد والإفساد ومن يُعارضه؟؟ ** وجهة نظرى المتواضعه ضـــد الإقصاء ,, ولكن على الاطرف المُتناظره إحترام القارئ والطرف الآخر وعدم إستفزازه وإحترام عقليته ,, فمن تلاقح الأفكار وإختلافها نجد الحلول لننعم بوطن ديُمقراطى يسع جميع الوان الطيف ,, ومن أراد السيطره والكنكشه فليتحد الجميع لبتره وإقصائه ..
(ودام الود بين الجميع حتى نستعيد حُرية الوطن) (ابو محمد فؤاد) - الماكيكى..
| |
|
|
|
|
|
|
|