|
|
|
 Re: حوته والحزن النبيل ، عيب الصوت أم الذاكرة ؟؟ (Re: صبري طه)
|
تعرف يا صبري أحياناً كثيرة لعاطفتنا تجاه الناس والأشياء من حولنا نتعامل بردة فِعِل الحياء أو الزعل
طريقة محبتنا لمحمود " ولا ضير فيها " تجعلنا نحس به ونتعامل مع أشيائه باعتبارها من " خصوصياتنا " إن صح التعبير
عندما بدأ يغني والصوت يمتد بين الحضور خفت عليه من الأغنية والناس
وعندما " تاه " حسيت بالخجل والزعل وتمنيت أن ينهي ما بدأه أياً كانت طريقة النهاية .
| |
  
|
|
|
|
|
|
|
 Re: حوته والحزن النبيل ، عيب الصوت أم الذاكرة ؟؟ (Re: داليا حافظ)
|
| Quote: حوته والحزن النبيل ، عيب الصوت أم الذاكرة ؟؟ |
بل توّهان..توّهان يا عمران
حوتّة شبك في (ندّمان أنا) و ما قِدر يطلع منها تاني...!!
المشكلة وين ؟؟
عدم البروفات ؟؟ ولا المرض؟؟ ولاّ شنو بالظّبط؟؟
مؤلم ياخ, مؤلم ما يحصل لي حوتة..!!
__
تحياتي لك يا عمران و لزوار\ات البوست.
| |
|
|
|
|
|
|
|
|
|
Re: حوته والحزن النبيل ، عيب الصوت أم الذاكرة ؟؟ (Re: داليا حافظ)
|
| Quote: والله يوم سمعتو ده ضحكت لمن شرقت .. |
يا داليا مودة ( الإستماع ) الشايلنها لمحمود ، هي والله الخلتني ما أقدر أضحكـ .
____________________
رغم انو الضحكـ هنا ممكن وحصل لب مع شكرالله لامن المذيعة قالت ليهو كدي أدينا مقدمة رائعة زيدان
صحي إتغيرت إنت خلاص ، يعني بدون موسيقى !!
وتعالي شوفي لامن الحشرجة جات مارقة 
| |
|
|
|
|
|
|
|
|
|
Re: حوته والحزن النبيل ، عيب الصوت أم الذاكرة ؟؟ (Re: عمران حسن صالح)
|
كنت بسمع ليه قبل فترة في حفل بقناة الشروق
وكان بغني في اغنية بعد الغياب ( الجميلة )
وفجاة تاه كالعادة في البيت البقول ( اندس في قلبي النغم )
وراح حودة جاكي بالكلمات ( اندس في قلبي النغم و ( شنو كدا ما عارف دي اكلها اكل ) عيونك ثراب )
والامر والاغرب انو في حفلة برضو ليو في تلفزيون السودان قبل فترة
دخل في اكتر اغنية بحبها ليو ( هو اللي اختار دنيتو .. هو المخير في اختيارو )
اغنية كان بغنيها على قول جارنا ( من جوة )
وبحكم حبي لمحمود وحفظي لاغانيو ابتديت اردد معاو فيها من موسيقتها
لحدي ما وصلنا حتة كدا اتفاجات انو محمود راح لاحس كوبليه كامل موش كلمتين او بيت
وكالعادة دخل الاوركسترا في ضفارينم
محمود كنز كبير
ابتدا فنان ومبدع
كانت لديه بعض الاملاحظات والاخطاء المقدور عليها
تاخير في بروفة
سطلة لمبة في حفلة ( بتحصل مرة في السنة ) اها مشي
وكان العزاء في الصوت الجميل والشخصية الطيبة
لكن الشغلة زادت وضاقت يا عمران
الصوت راح عليه خلاص وجابت ليها حاجة كدا عاملة زي الزهايمر
عارف !!
والله وبدون مبالغة احيانا بذكرني بجدي زمان لما خرف وبقى يقطع ويواسي براو
حقيقة حاجة محزنة جدا
خامة صوت زي العند محمود دي تنتهي بالشكل التعيس دا
حاولوا الحقوه يا جماعة
حتى لو تسفروه للخارج ويدخل مصحة ولا اي مصيبة زمان
الله يعينه غايتو
| |
|
|
|
|
|
|
|
|
|
Re: حوته والحزن النبيل ، عيب الصوت أم الذاكرة ؟؟ (Re: مازن الجمّال)
|
| Quote: وكان العزاء في الصوت الجميل والشخصية الطيبة |
شخصية طيبة دي مرسومه على وش الولد ياخي
حقت أهلنا ديكـ وما بتحتاج لموقف عشان تقيِم سيده ، زول طيِب وتعابير وشو مليانه محنَة .
صوت لامن ببالغ مرات ، رغم ضعفو الآن إلا أن ندماااااااااااااان أنا دي ما بيقدره أيِ برينسة حايم :)
" برينسات لغة تخاطب الأستاذ المرحوم حسن عطية لصغار الفنانين أو فناني الشباب في زمنو ما عارف حسي كان رجع حي يسميهم شنو ؟؟ :) "
| |
|
|
|
|
|
|
|
|
|
Re: حوته والحزن النبيل ، عيب الصوت أم الذاكرة ؟؟ (Re: بدر الدين الأمير)
|
Quote: الفن مسؤلية والموهبة تزيدك مسؤلية
ومحمود عبدالعزيز على النقيض تماما |
والسؤال : ليه هو على النقيض رغم كمية المحبة " والإستماع " التي تحيط به ؟
الكلام إتكرر حوله هنا عشرات المرات ، وفي كل مره يكون الحزن على حالة هو المسألة .
أحب الرجل ولا حيلة لي " ولنا " غير البُكاء .
حاله حال بلد راحت
| |
|
|
|
|
|
|
| |
عمران حسن صالح
داليا حافظ
هواري نمر
مازن الجمّال
مرتضى احمد عبد القادر
مزمل خيرى
بدر الدين الأمير
فيس بوك
تويتر
انستقرام
يوتيوب
بنتيريست