|
كلمت الخريف عنك، اسألى عنى عيناتو
|
للبنية الشرقت فى صباح الروح
وهلت ونورت فى ليل الهم
ضوت ولونت زى ما تقول غنوة معطونة فى ألق
زى ما تقول مدحة مغمسة فى عطر الجنة
وفاتت
شمتت فينا الدنيا والعالمين
قالو وين تلقاها تانى يا شقى ؟
|
|
|
|
|
|
|
|
Re: كلمت الخريف عنك، اسألى عنى عيناتو (Re: أبوذر بابكر)
|
أستاذى القدير ... الموهوب
المطر ... أباذر
تحياتى الزاكيات .
ياخ أسمح لى أسجل إعجابى بكتاباتك التى تلامس شغاف الروح دوماً ، أتابع فيها منذ البوست الشهير و معك من الفرسان فى ساحة الشعر
جورج بنيوتى و صلاح شتات ..... ( جورج دى كفك و لا غيمة )
مروراً بفاطنة ... و كل ما تكتب .
عوجة هذا المكان الشللية يا أستاذنا واصل فى سكب الجمال فلك قراء لا يتداخلون حيث الدهشة تعبر عنهم ... لك المحبة
و أبقى مضيئاً كما عودتنا .
| |
|
|
|
|
|
|
Re: كلمت الخريف عنك، اسألى عنى عيناتو (Re: عبدالرحمن عزّاز)
|
ازيك يا عبد الرحمن
وكيف حالك واحواالك ياخ
مشكور والله على شعورك النبيل الطيب
واهو بنحاول بقدر الامكان وبما يتيسر نشارك مع الناس ونمد كتابنا بكلتا اليدين
ويا حليل ايامنا ديك
كانت ايام ندية وبهيه وسمحة
كلمنى عنك ولدنا "د. عصام عبد الجليل" وطريناك بالخير والله
اما بخصوص الشلليات هنا، فده موضوع قديم طبعا زى ما بتعرف، وما اظن عنده أهمية أو تأثير
لأنه الكتابة فى الأصل بتكون للقراءة وما بتكون للكتابة المرتدة، على قياس الهجمة المرتدة
سلبا أو ايجابا
الكتابة فى المنتديات ما بعيدة شديد من الكتابة فى الصحف او المجلات
فالمهم القراءة فى المقام الأول
اما المشاركة فخير وبركة، خصوصا لو اترافق معاها ملاحظات، تصويبات و نقد الخ
ليك التحية يا عبد الرحمن آلاف
ودمت ططيب وسعيد
| |
|
|
|
|
|
|
Re: كلمت الخريف عنك، اسألى عنى عيناتو (Re: أبوذر بابكر)
|
Quote: يمينى الريد مستف بالحنين أطياف زمن ممحوق يبارى عجاج سنينو الحاف وانتى معاى اشوفك فى المعانى الفوق واريد ذاتك شمالى الشوق موهط بين مسافاتك ساكنه مداينو فى جواى وأستناكى زى صفصاف يهابش فى رموش الموج يجابد فى الروا المسروق يفتش لى مراسى الروح خائف زى غنا الزول البعيد بكاى وكل ما ليهو ماشى يزيد وخايف إروح وأجيكى ضفاف معاى حلم الأسى الخواف مِعشرِق حس نشيد الريد
محبوس فى الحشا المحروق أجيك ملهوف اساسق بين عذابات الكلام والخوف أتاوق لى شموسك فوق أشيل إسمك طعم وسمك أخافلك من هجير نار المحن يغشاكى |
أبا ذر يا مطر ...
لك أزكي التحايا الطيبات ....
أمطرنا دائماً بهذا الرذاذ الجميل يا أبا ذر ... وامنحنا من هذا الكلام السلاف الذي يعشرق في حشا الحنايا فلا فكاك .... ما أجمل الصدق الرابض بحنايا الحرف المترف بالألق والجمال ... وما أجمل اللوحة حين يزيّن جيدها فنان مأتلق أصيل مثلك ... أسكرتنا يا رجل في هذا الصباح فارتشفنا الكأس حتى الثمالة ....
دمت لنا مطراً في عز الحريق يا مطر ولآليء زاهية في بحر الكلام الجميل .... سلمت يداك ....
| |
|
|
|
|
|
|
Re: كلمت الخريف عنك، اسألى عنى عيناتو (Re: إدريس محمد إبراهيم)
|
Quote: يمينى الريد مستف بالحنين أطياف زمن ممحوق يبارى عجاج سنينو الحاف وانتى معاى اشوفك فى المعانى الفوق واريد ذاتك شمالى الشوق موهط بين مسافاتك ساكنه مداينو فى جواى وأستناكى زى صفصاف يهابش فى رموش الموج يجابد فى الروا المسروق يفتش لى مراسى الروح
|
نعم إنه أباذر صديقي الذي أعرف.
قلت ليك قبل كده مثلك ما مفروض يغيب عن سماء البورد.
واصل ياخي,,,
معاك لما تملنا.
| |
|
|
|
|
|
|
|