|
|
|
 Re: ارتفاع جنوني في قيم القطع السكنية بالبردانة (قريتي) مع اقتراب اعلان حجم المخزون النفطي ح (Re: محمد المرتضى حامد)
|
Quote: جيت آآآآآآآآآآ الشوم لحسادتك - بكرة بتجي تبيع الكبكبي تحت راكوبة في البردانة
هلا هلا جنس تشنقة |
واقع علي حلف
يمرق البترول في البردانة وتظلوا على حالكم
عريريق الدبلان أب زيق والسروال كريع فوق وحيدة تحت ( الترزي مو حريف )
وتلوكوا في ملح عرق الجبين النازل فوق العراقي
والبترول يمرق من عندكم وهببببع يقدل بي قريزين فوق الخرتوم في سيارة همر
يطاقته تحمل كلمة عضو منظم
تقول لي البردانة البرد اليقوقربك يا المسنوح
دخليو كانون الحطب معاكم في الاوضة إدفو وارقدوا عافية
بترول قال
ما مرق صابنا منو شنو ياهو الجوع في حالو العلاج في حالو نموت من الملاريا لي هسي
خم وصر من البترول يا مقطوع الطاري بجي ابيع ليك الترمس لكن ترمسي غالي بتقدر علي
| |
  
|
|
|
|
|
|
|
|
Re: ارتفاع جنوني في قيم القطع السكنية بالبردانة (قريتي) مع اقتراب اعلان حجم المخزون النفطي ح (Re: خالد علي محجوب المنسي)
|
Quote: يمرق البترول في البردانة وتظلوا على حالكم
عريريق الدبلان أب زيق والسروال كريع فوق وحيدة تحت ( الترزي مو حريف )
وتلوكوا في ملح عرق الجبين النازل فوق العراقي
والبترول يمرق من عندكم وهببببع يقدل بي قريزين فوق الخرتوم في سيارة همر
يطاقته تحمل كلمة عضو منظم
تقول لي البردانة البرد اليقوقربك يا المسنوح
دخليو كانون الحطب معاكم في الاوضة إدفو وارقدوا عافية
بترول قال
ما مرق صابنا منو شنو ياهو الجوع في حالو العلاج في حالو نموت من الملاريا لي هسي
خم وصر من البترول يا مقطوع الطاري بجي ابيع ليك الترمس لكن ترمسي غالي بتقدر علي |
ات قايل زى زمان آآآآآآ الشوم وحاة الرسول يبقى كلامك صاح طوالى نطالب بالانفصال وننفصل وتبقى انت في شندى جنوبي الشوايقة والدناقلة
| |
|
|
|
|
|
|
|
|
|
Re: ارتفاع جنوني في قيم القطع السكنية بالبردانة (قريتي) مع اقتراب اعلان حجم المخزون النفطي ح (Re: عبدالعزيز الفاضلابى)
|
Quote: ود المنسي ,, كيف حالك وين اراضيك ياخ.
قلت لى العريريب داير يدقسنا ,,
آآآآي شايفو الأيام دى مرة بول إبل ومرة بترول.
يمين البردانة دى كان بقت جزر الباهاماس ما اشترى فيها عود.
مش كان مرق فيها بترول واللا بول ابل ,, كان ظهر فيها جن سليمان زاتو.
عاين عليك الله المسنوح ده هو نحنا مرق عندنا الضهب عديل خليك من بول الإبل. |
ههههههههههههههه
عامل مفتح الداقس
داير يبيع منزوع البركة ويبني بيت الوادي الاخضر الميعة أم قعويا يعوي
جحلام زعزط هو وود المحرب ابار الخليج قطت
ديك الملك مرق لهم وقال ليهم دا اخر جالون
وديل جنونهم اتعلمو وبفوا محامين وقضاء
خلي يرجع محاكم سنجة من تاني ويمر بي الرماش قصاد بيت هند يستريح في شدرة
ويعاين لي بيضة النعام في رأس قطية هند ويمر بي ربوع عبدا سايق حميرو
اللما من الخليج ما بجيب لي عربية بعد ما يبني بيت الوادي الاخضر وكان بنطلونو أتقدا
مايقدر يرقعو وفي سنجة الناس فتحت وبقت تعرف حقوقها كويس وبقت الناس تفرز المفيد
من المستفيد راح زمان بمرقك منها بس انكت
زولك موكر وداير يبيع بس .. تمام انت قرط علي كدي وخليك مفتح هو عشمو فوق ناس
امريكيا وكندا وبريطانيا ناس الخليج عارفين عمايل شيقوق مرة معونة لي اللقاف ومرة دوانكي
ومكرزن لي بيت الوادي الاخضر قروش وباونكي
تحياتي الفاضلابي
| |
|
|
|
|
|
|
|
|
|
Re: ارتفاع جنوني في قيم القطع السكنية بالبردانة (قريتي) مع اقتراب اعلان حجم المخزون النفطي ح (Re: الطيب شيقوق)
|
اخوك خلاس عال العال .... ويا عيال ود البوب قومو ارقصو
فيلا في ماليزيافي جزيرة لانكاوي
فندق 7 نجوم في جنب التوين تورز
منتجع ولا اروع في جنوب تركيا
فندق 10 نجوم في البردانة - لزوم المستثمرين الخواجات عشان يكونوا جنب مناطق الانتاج وياخدو حقهم حار حار اول ما يطلع البترول من البير
فكرت في فندق في تونس لكين غيرت راي تونس دي بتاعت مشاكل وثورات وانا جني وجن الثورات واصلا ما بشترك فيها لانو قالو الثورة بتاكل بنيهاوتقوم الثورة تاكلني واروح في مرقة
يا عيال ود البوب ما شاء الله اتفتحت عليكم...اتحضرو من هسه
بلا مدارس بلا مذاكرة
ما شيقا صاحب ابيار البردانة هو صاحب ابوكم
مبروك لينا جميعا يا شيقا
وانا هسه مفكر اعمل اعلان في كل جرايد قطر وعلي الصفحات الاولي ... كل من يبتغي تغيير حاله فليتصل بي او بزعيم الزعماء شيقا ولن نقصر
مبروووووووووووووووووووووووووووووووووووووووووووووووووووووووووووك
والرهيفة التنقد ... العبارة دي في مكانها يا شيقا ولا لأأأأأأ؟
عايز مني حاجة يا شيقا ..... نحن تحت الامر
----- طيب ابو الفياصل كم نصيبه شنو ؟؟
جاييك راجع يا شيق
الحكاية فيها بترول ...
| |
|
|
|
|
|
|
|
|
|
Re: ارتفاع جنوني في قيم القطع السكنية بالبردانة (قريتي) مع اقتراب اعلان حجم المخزون النفطي ح (Re: حسن طه محمد)
|
تحياتي ياود شيقوق
هاشم هجو خليهو الخطر ثم الخطر من المتعافي والشركة العربية وسمسارة وشيوخ زمن الغفلة ديل مسحوا وسجلوا كيري ... نخاف أن يأتي زمنا لا يجد فيه أصحاب البلدات والحيازات فسحة تصلح كمقبرة ناهيك عن مزرعة ... بالمناسبة أنت لا تغباك تلك المساحات التي تقع شرق وغرب شارع سنار مدني جنوب الجزيرة وهي حيازات لا استطيع أن أحدد لك منذ متى بدأت لكن الثابت المؤكد متى أنتهت ، كل من هب ودب ختم من اللجنة الشعبية والمحلية والمساحة والأراضي وسجل وأصبح مالك (بالغفلة) ..
أها كمان فيها بترول ... ابقوا عشرة على مساحات بيوتكم ... أو كما قال أبوروف ... أعلنوها منطقة (رفاعة) الكبرى ليتداعى إليها الرهط ...
تحياتي لكم وضيوفكم
الشفيع
| |
|
|
|
|
|
|
|
|
|
Re: ارتفاع جنوني في قيم القطع السكنية بالبردانة (قريتي) مع اقتراب اعلان حجم المخزون النفطي ح (Re: Alshafea Ibrahim)
|
ود البوب
| Quote: فندق 10 نجوم في البردانة - لزوم المستثمرين الخواجات عشان يكونوا جنب مناطق الانتاج وياخدو حقهم حار حار اول ما يطلع البترول من البير |
ههههههههههههههههع كمان اتوقع تكون في خجة انتخابية تانية واعادة هيكلة وزارية تانية لزوم اعادة توزيع السلطة والثروة واخوك قطع شك يرضو قبيلتو بوزارة بس ما معروف الاسكان او الزراعة وزارة النفط قالوا لي دم احمر دي ملهمنها لواحد من الشوايقة شفت كيف ؟ عايزين يقمحونا وبترولنا يطلع شيح في ريح .
| Quote: فكرت في فندق في تونس لكين غيرت راي تونس دي بتاعت مشاكل وثورات وانا جني وجن الثورات واصلا ما بشترك فيها لانو قالو الثورة بتاكل بنيهاوتقوم الثورة تاكلني واروح في مرقة |
لا انت زول تاني ما بتتحمل الزخم والحركات الثورية خليك زى الوليد بني طلال اركب طائرتك يوم في عبري والتاني في الدندر والتالت في قلع النحل ( تعرف قلع النحل يا خال؟)
Quote: يا عيال ود البوب ما شاء الله اتفتحت عليكم...اتحضرو من هسه
بلا مدارس بلا مذاكرة |
مدارس شنو بس عايزين الواحد فيهم يعرف يقرا ويكتب بس - الماجستير والدكتورة فد غرفة من البير بتخليها ليهم هبطرش شفت كيف ؟
| Quote: وانا هسه مفكر اعمل اعلان في كل جرايد قطر وعلي الصفحات الاولي ... كل من يبتغي تغيير حاله فليتصل بي او بزعيم الزعماء شيقا ولن نقصر |
ختينا ناس كمال سالم بس
| Quote: والرهيفة التنقد ... العبارة دي في مكانها يا شيقا ولا لأأأأأأ؟ |
بالحيل في محلها تاني انت اكان كدى ناس البردانة بشيلوك في رؤوسهم و يوم تصلهم تااااااااح يضبحوا ليك الديك اب علاعل
لا لا فيصل طباخ للخواجات بس
| |
|
|
|
|
|
|
|
|
|
Re: ارتفاع جنوني في قيم القطع السكنية بالبردانة (قريتي) مع اقتراب اعلان حجم المخزون النفطي ح (Re: الطيب شيقوق)
|
الشفيع
Quote: هاشم هجو خليهو الخطر ثم الخطر من المتعافي والشركة العربية وسمسارة وشيوخ زمن الغفلة ديل مسحوا وسجلوا كيري ... نخاف أن يأتي زمنا لا يجد فيه أصحاب البلدات والحيازات فسحة تصلح كمقبرة ناهيك عن مزرعة ... بالمناسبة أنت لا تغباك تلك المساحات التي تقع شرق وغرب شارع سنار مدني جنوب الجزيرة وهي حيازات لا استطيع أن أحدد لك منذ متى بدأت لكن الثابت المؤكد متى أنتهت ، كل من هب ودب ختم من اللجنة الشعبية والمحلية والمساحة والأراضي وسجل وأصبح مالك (بالغفلة) ..
أها كمان فيها بترول ... ابقوا عشرة على مساحات بيوتكم ... أو كما قال أبوروف ... أعلنوها منطقة (رفاعة) الكبرى ليتداعى إليها الرهط ...
تحياتي لكم وضيوفكم |
والله يا الشفيع اخوى اهلنا ديل فاكين اراضيهم سايبة ساى لا تسجيل ولا تخطيط يعني ممكن يخمشوا اراضيهم ويعوضوهم بعطية مزين بس
لكن كان قاموا عييييييييييييييك نار حمرة
| |
|
|
|
|
|
|
|
|
|
Re: ارتفاع جنوني في قيم القطع السكنية بالبردانة (قريتي) مع اقتراب اعلان حجم المخزون النفطي ح (Re: الطيب شيقوق)
|
[B| Quote: ]تم اطلاق اسم (شيقوق 1) على اول بئر نفطية جوار البردانة |
والله شكلو البرد زاد عندكم ......... احلامكم كلها بقت سابع المستحيلات
كان صح ( ضم الواو يا عريبى لتطابق اللغة) طلع عندكم البترول ......... اول طلب يولعوا فيكم كم بئر لزوم الدفوية كان يتغير اسمكم من البردانة للحرانة او الدفوية ..
تانى العنكوليب من الله خلقوا فصلوا عليكم انت تاكلوا من جيية ..... ياكلو من الجهة التانية
بعد داك نفكر نجيب ليكم مستمرين اجانب ذى المحرب وعمو كمال ....
ونجيب خبرات تعليمية زى ناس عمو فيٍٍٍٍٍٍٍٍٍسل ...
وتانى خبرات ثقافية زى ناس جنابو الطيب وود الصائم
واهم شى تفهم العروب غسيل وكوى الاموال ما معانا ...... تخليهم ياكلو الفتريتة ويتمسحوا بالبترول وبس
وخاصة الجازولين مبيد وقاتل لجميع انواع الباعوض
قال البردانة قال
عالم بتحــــــــــــــــلم
| |
|
|
|
|
|
|
|
|
|
Re: ارتفاع جنوني في قيم القطع السكنية بالبردانة (قريتي) مع اقتراب اعلان حجم المخزون النفطي ح (Re: الطيب شيقوق)
|
سنو
Quote: والله شكلو البرد زاد عندكم ......... احلامكم كلها بقت سابع المستحيلات
كان صح ( ضم الواو يا عريبى لتطابق اللغة) طلع عندكم البترول ......... اول طلب يولعوا فيكم كم بئر لزوم الدفوية كان يتغير اسمكم من البردانة للحرانة او الدفوية ..
تانى العنكوليب من الله خلقوا فصلوا عليكم انت تاكلوا من جيية ..... ياكلو من الجهة التانية
بعد داك نفكر نجيب ليكم مستمرين اجانب ذى المحرب وعمو كمال ....
ونجيب خبرات تعليمية زى ناس عمو فيٍٍٍٍٍٍٍٍٍسل ...
وتانى خبرات ثقافية زى ناس جنابو الطيب وود الصائم
واهم شى تفهم العروب غسيل وكوى الاموال ما معانا ...... تخليهم ياكلو الفتريتة ويتمسحوا بالبترول وبس
وخاصة الجازولين مبيد وقاتل لجميع انواع الباعوض
قال البردانة قال |
يا زول ما تكون حاسد ومضر - نحن اهم حاجة عندنا يطلع الغاز ونسيب الفحم عشان غابات الطلح تتلاقى ونبقى مصدرين البترول للخارج والطلح لناس البندر المسانيييييييح لزوم يتدفوا بيهو ويصنعوا منو بنابر وسروج حصين .
مسنووووووووووووح
| |
|
|
|
|
|
|
|
|
|
Re: ارتفاع جنوني في قيم القطع السكنية بالبردانة (قريتي) مع اقتراب اعلان حجم المخزون النفطي ح (Re: عبدالفتاح أبوشيمة)
|
شوشو
Quote: باردة عليك يا البردانة
بردتي القليب بي كل بشارة ونحقق عليها رضانا
أنحن بي جاي البرد كاتلنا أمانة
دفايات الجنوب جنك بعد ماأبانا
من الكفلوك من دون أي جركانة
شيقا بقينا بي جاي والنفوس بقت عيانة
بي سبب البرد كمان دار تجيبلنا البردانة
بعد ما يجي البترول كمان داير تسو راكوبة
أصل الضهراوي مهما تحاول معاه ما بمرق أبد من كتروبا
دحين ما بنلقالنا فيزا بس لو قمنا قلبنا الهوبة
في أي فجة حتى إن كان هديك راكوبة
ربنا يرجعنا ليكم من هدي الغربة وكل كروبا
مالي ما شايف واحد داير يشتريها قطعتك اللي مي دفيانة
يا الله الكريم تديه فوق لي مكانته مكانة
طالما بسعدنا بي مواضيع ديمة هي الراضيانا |
جنك داير يقابل البردانة وبترولا ؟
قال قلبنا الهوبة
بالله انت بتعرف الهوبة يا مسنوووووووح؟
| |
|
|
|
|
|
|
|
|
|
Re: ارتفاع جنوني في قيم القطع السكنية بالبردانة (قريتي) مع اقتراب اعلان حجم المخزون النفطي ح (Re: أسامه الكرور)
|
Quote: يا ود المنسي
انت عارف الحيجو يلحسوهم منو بس ما قادر تقول... |
ود مريغني يا اخوي سلااام
والله أكضب عليك عارفهم بالحيل
بس ما تدودينا في داهية عليك امان الله لو سألوا الملك ذاتو يوريهم
بيتنا في شندي ويمشوا يخربو عقابي
خلنا في البردانة السجمانة دي
بس نقول قادر الله الخلق ودباشري
مادام دخلها المحمول والهاتف الأرضي والتلزيون لوح الفورمايكا
وبناتها خلن الودك والكركار والشف وبقن علي الكريمات وزيت ويلا وسلسل بي قلبين
بطلع فيها البترول وناسك كل واحد بركب في تكت لباسو لمبة ويمشي مشلق راسو لي فوق
وبدل عطاز مضبب بشيل لي سبحة لزوم كشخة وبدل الشقيانة بدرع الأيطلي أصلي بلادو
زمان كان كل البيت باب هسي بسو الباب الضيق وباب القراج ... وعييييييييييييييييييييع
عرووب او في رواية عررريب وشطحوا وبتغير المثل الكان بقول من كدَّ وجد ويصير
من أشقوهو وجد
الناس ديل شقو والوحيدين الفكو الحرف ياهو
ودشيقوق وود عمو
لكن شيقوق قال لي الحلب بخافوا من الكلاب
صح الشئ دا
تحياتي ومودتي
| |
|
|
|
|
|
|
|
|
|
Re: ارتفاع جنوني في قيم القطع السكنية بالبردانة (قريتي) مع اقتراب اعلان حجم المخزون النفطي ح (Re: عمر علي حسن)
|
Quote: زيدوني بترولا زيدوني
فانا بي ظمأ لمزيج البردانه
يرشح من جوف (البكماء)
فيطرب من صم البؤس اذانه
ويضيء الفجر بلون الذهب
البرّاق ويعيد العز والوانه
ويقول لارض بلادي هياهاتي
ما انت به من خير ملآنه
الخير بوطني لا تذهبة قسمة
ثروات او اوصال نزعت بخيانه
الخير بوطني في البردانه
بل في كل مكان ومكانه
تحمله الارض وجوف الارض
بترولا وخضارا ومعادن وبطانه
لن نركع لو ذهب الخير جنوبا
فالارض شمالا لاتفتأ بردانة . |
هههههههههههههههههههها خالي ما تسوى كدا بطقوك لي بعين - الناس دى بتجغم على الوصف
دى انا حفظتها عندي يوم يجي الافتتاح بتاع البئر اقوم البس ليك الجلابية الما خمج والعمة الما خمج والشال الما خمج والمركوب البسيّك مع طلعتي للمنبر واقوم اقرأ القصيدة دى للعالم . بس اكان ترجمتها لي عشان ولدك بالحيل قراي بالانجليزي وكمان بالآكسنت الاسكتلاندية اقوم اقرها للخواجات كمان .
لقيتني كيف؟
| |
|
|
|
|
|
|
|
|
|
Re: ارتفاع جنوني في قيم القطع السكنية بالبردانة (قريتي) مع اقتراب اعلان حجم المخزون النفطي ح (Re: الطيب شيقوق)
|
| Quote: واقوم اقرأ القصيدة دى للعالم . بس اكان ترجمتها لي عشان ولدك بالحيل قراي بالانجليزي |
الترجمة ستصلك بعد معرفة نوع الخواجات المدعويين .. فاذا كانوا انجليز فستكون شكسبيرية من نوع
How heavy do I journey on the way,
When what I seek - my weary travel end -
Doth teach that ease and that repose to say
"Thus far the miles are measured from thy friend
اما اذا كانوا امريكان من ابناء كوندي فلا بد من شوية
Bardana guys and dames لتحلية الكلام والمنظر ..
واذا كان الخواجات صينيين او اندونيسيين فانا برة ...
لقيتك دفيان .. وشايل دفتر الكفالات تحت اباطك .. وناس سلفاكير ساكنك بالجيش الشعبي .
عمر علي حسن
| |
|
|
|
|
|
|
|
|
|
Re: ارتفاع جنوني في قيم القطع السكنية بالبردانة (قريتي) مع اقتراب اعلان حجم المخزون النفطي ح (Re: كمال سالم)
|
كمال سالم
ازييييك
Quote: والله كان بترولنا ماعارف !!!
يازول بترول شنو ؟! حرم نافع والجاز هسع
وصلوا البردانه وخلو ليك عرق ناسها ينقط !
جزم لهفوا كلوا ,,, وكان ليك إنت ياشيقوق
سواق ساى ما بتلقاها معاهم !!
أمسك فى ناس قابوس ديل قوى وماااااتدفق مويتك
على الرهاب . |
سامع من لنا مهدي وعمر فضل المولي انو خالك الصادق المهدي عندو كلام مساء اليوم في قناة العربية الساعة السادسة بتوقيت السودان - وشايف ناس حزب الامة بكبروا ساى قال كلامو سيدعو فيه للنضال ضد الحكومة .
دحين خالك دا فيهو عشم ولا ساى؟
| |
|
|
|
|
|
|
| |
الطيب شيقوق
خالد علي محجوب المنسي
محمد المرتضى حامد
خالد المحرب
Mamoun Ahmed
سيف الدولة كامل
أسامة البلال
عبدالعزيز الفاضلابى
يوسف محمد يوسف
حسن طه محمد
شكرى سليمان ماطوس
Yousif A Abusinina
عبدالفتاح أبوشيمة
Munir
أسامه الكرور
Ahmed al Qurashi
Ali Sirelkhatim
عمر محمود محمد
أيمن مبارك أبو الحسن
كمال سالم
فيس بوك
تويتر
انستقرام
يوتيوب
بنتيريست