|
|
|
 Re: شقق تمليك بالأقساط في العمارات شارع 15 (Re: EMU إيمو)
|
اميره السيد
السلام
Quote: بعدين نحن بنسمع قطعة الأرض
فاضية ثمنها 300 ألف دولار |
عرفت انك فى نيويورك
كدى انتى و ثلاثه اشخاص
اشتروا ليكم عماره فى اى مكان بى نيويورك
استثمارطبعا
افضل من شراء شقه ضيقه بهذا المبلغ
اذا اتمغيطى تفتحى الثلاجه
السودان دى اولا غير مستقر و الاستثمار فيه غير مضمون
سلام امان
| |
 
|
|
|
|
|
|
|
|
Re: شقق تمليك بالأقساط في العمارات شارع 15 (Re: Mubarak kunna)
|
يا جماعة الخير الحكاية دي حقيقية وما كلام (فضائي) ساي..
السعر دا مغري شديد زي ما أشار البعض خاصة مع الموقع النموذجي والحساس دا..
بعدين الشقق الصغيرة دي غرفة وصالة ومطبخ وحمام،يعني (استديو) ممكن تتفرش فرش كويس وتتأجر للخواجات
وممكن تتأجر لشركات لأنو الموقع تجاري
وزي ما هو مكتوب في شقق كبيرة أكتر من 150 متر مربع ودي 3 غرف للناس البتحب الوساع
ونظام البرج كل طابق شقة كبيرة وشقة صغيرة وهو 9 طوابق
واتصلوا بالرقم المكتوب وحتلقوا كل المطلوب
ومافي أي مواسير في القصة دي : )
| |
|
|
|
|
|
|
|
|
Re: شقق تمليك بالأقساط في العمارات شارع 15 (Re: اميرة السيد)
|
Quote: وبعدين نحن بنسمع قطعة الأرض فاضية ثمنها 300 ألف دولار وكيف يكون سعر شقة مبنية 43 ألف دولار
عاوزين شرح |
أختنا أميرة سؤالك دا جوهري في التفريق بين سكن البيوت وسكن الشقق
فالشقق معروف إنها خيار اقتصادي عشان كده هي دائماً وأبداً أرخص من الأراضي في المناطق المرغوبة مثل العمارات والرياض والمنشية..
القطعة في العمارات سعرها 300 ألف دولار صاح لكن مساحتها كم؟ 600 متر مربع،ومساحة الشقة يا دوب كم أربعين أو كم وخمسين،،،
يعني أول حاجة في فرق في المساحة..
بعدين بجيك فرق طريقة السكن ذاتها لأنو الشقة حاجة مقفولة وآمنة لكن غير قابلة للتوسع،بينما الأرض ال600 متر بتقدري تعملي فيها العاوزاهو،يعني ممكن تبني فيها برجين كل واحد فيهو 28 شقة مساحة كل واحدة 140 متر مربع،،،والنقطة دي أصلاً مدخل الاستثمار في التطوير العقاري،،
يعني الشركات بتشتري قطعة غالية في حته حساسه وتبنيها وتقسمها لشقق وبتستفيد من القصة دي ودا في العالم كلو
إن شاء الله أكون أفدتك ياخي : )
| |
|
|
|
|
|
|
|
|
|
Re: شقق تمليك بالأقساط في العمارات شارع 15 (Re: الواثق الصادق)
|
| Quote: ومافي أي مواسير في القصة دي |
العزيز الواثق سلامات ومشتاقين
بالمناسبة فكرة مبتكرة وذكية
وتجعل أحلامنا تصبح حقيقة
بي مناسبة المواسير دي يا الواثق
سمعت بأن شركة المهاجر دي تابعة
لجهاز المغتربين فهل هذه المعلومة
صحيحة؟! نريد أن نطمن أكثر
تحياتي
| |
|
|
|
|
|
|
|
|
|
Re: شقق تمليك بالأقساط في العمارات شارع 15 (Re: النذير حجازي)
|
مبارك
كل سنة وانت طيب
انت ما عارف أن أغلى سعر لقطعة ارض في نيويورك وخاصة في مانهاتن في الجادة الخامسة ويبلغ سعر البوصة من الارض أكثر من 10 ألف دولار وطبعا أقل منزل مبني في نيويورك ثمنه 400 ألف دولار وما فوق ,, واذا انت عندك ثلاثة أراع المبلغ من ثمن عمارة في نيويورك أنا مستعدة أشارك معاك في الربع الباقي،، وطبعا الربع الباقي حنجيك انا ومعاي 500 مشارك..
أها قلت شنو؟؟
| |
|
|
|
|
|
|
|
|
 Re: شقق تمليك بالأقساط في العمارات شارع 15 (Re: الواثق الصادق)
|
..
.
Quote: 43 متر مربع
46 متر مربع
51 متر مربع
57 متر مربع |
قيل لا تبخسوا الناس اشيائهم
ولكن دى شقق ولا عشش فراخ ؟؟
-------
قال شنو مليون ميل مربع** -
اجى اشترى لى 43 متر مربع
**
رغم الانفصال فلا زالت هى مليون حسب ما عبرته من فيافى
ووهاد وجبال وبقاع ؟؟
| |
|
|
|
|
|
|
|
|
|
Re: شقق تمليك بالأقساط في العمارات شارع 15 (Re: Tabaldina)
|
سلام الواثق
ممكن تنورنا موقف البناء في العمارة وصل وين؟ هل اكتمل البناء وباقية علي التشطيب؟
هل الشقه تسلم مشطبة جاهزة يعني تستلم المفتاح وتدخل؟
ماهي الميزات الأخري؟ جنريتر كهرباء؟ استقبال وأمن؟ لأن شارع 15 منطقه تجارية وتحتاج تأمين
كما ذكرت الطابق شقتين كبيره وصغيرة. هل ممكن دمج الشقتين في شقة كبيرة؟
في حالة الدفع كاش هل هناك سعر خاص؟
| |
|
|
|
|
|
|
|
|
|
Re: شقق تمليك بالأقساط في العمارات شارع 15 (Re: ASHRAF MUSTAFA)
|
شكراً ليك حبيبنا أشرف وياخي نحنا شركاء في الهندسة والإعلام فتأمّل زي ما بقول ملاسي : )
Quote: كيف يمكن استخراج شهادة بحث علي هذه الشقق؟؟
فحسب علمي ان اي عقار سكني يقل عن 120 متر لا تستخرج له شهادة
|
حسب قانون الأرض فإن الشقق التي تقل عن 120 متر مربع تستخرج لها شهادة حث على الشيوع..
يللا منتظرينك : )
| |
|
|
|
|
|
|
|
|
|
Re: شقق تمليك بالأقساط في العمارات شارع 15 (Re: أسامة البلال)
|
تحياتي لصاحب البوست والضيوف الكرام
ما لينا في الموضوع دا ..
لكن عندي عرض لأختي أميرة بت السيد دي
بعد حكاية الـ300 ألف دولار دي
أها يا الأميرة أنا عندي ليك قطعة أرض في حلتنا
القسم الشمالي الغربي من مشروع الجزيرة
لا ريحة عوادم سيارات .. ولا زحمة بشر .. ولا مخلفات مؤذية
أحلى وأنضف هواء في السودان كلو
المساحة: 30 × 20 م يعني 600 متر
موية وخدار وهوا نضيف من تلاتة جهات .. والجهة الرابعة جيران أحلى من العسل
يوم تجيك منهم كورية لقمة بي ملاح روب
ويوم يجيك منهم صحن زلابية .. وهكذا
ويجن النسوان نص النهار يشربن معاك الجبنة في بيتكم ..
أو يرسلن ليك الشافعة الصغيرة (قالو ليك الجبنة جاهزة أرحكي) ..
والجبنة ما بتكون جاهزة (ما بفوتوك القلوة) لكن عشان تستعجلي ما تأخريهم
أها نجي للسعر:
عارفة تمن القطعة دي كم
والله مجان سااااااااااااي .. ولا تعريفة
ونجيب ليك العيال يشتغلو ليك بنيان البيت نفير
وسيد اللوري يجيب ليك دورتين تراب بالقروش ويحلف من حق التالتة
إكراماً لي جيرتك وضيافةّ ليك
وأخلي همسة بتي تلف معاك تعرّفك على ناس الحلة كلهم- بيت .. بيت
أها شن قلتي ..
| |
|
|
|
|
|
|
|
|
|
Re: شقق تمليك بالأقساط في العمارات شارع 15 (Re: أسامة البلال)
|
أشكرك أخي أسامة على استفساراتك المهمة..وليتك ترفدني برقم تلفونك في المسنجر حتى أتصل عليك للمزيد ..
Quote: ممكن تنورنا موقف البناء في العمارة وصل وين؟ هل اكتمل البناء وباقية علي التشطيب؟
|
نعم اكتمل البناء تماماً وهي في المرحلة الأخيرة من التشطيب..إذ تمت تمديدات الكهرباء والماء والصرف الصحي والتبريد وبدأ تركيب السيراميك والحمامات..
Quote: هل الشقه تسلم مشطبة جاهزة يعني تستلم المفتاح وتدخل؟
|
نعم
Quote: ماهي الميزات الأخري؟ جنريتر كهرباء؟ استقبال وأمن؟ لأن شارع 15 منطقه تجارية وتحتاج تأمين
|
العمارة مزودة بمولد طواريء يغطي مرافق الخدمات فقط..
بالنسبة للأمن والاستقبال وخلافه فهو متروك لاتحاد ملاك البرج والشركة لا تتدخل فيه..
Quote: كما ذكرت الطابق شقتين كبيره وصغيرة. هل ممكن دمج الشقتين في شقة كبيرة؟
|
نعم يمكن..وقد تم بيع طابق كامل لشخص واحد مرتين..
| Quote: في حالة الدفع كاش هل هناك سعر خاص؟ |
للأسف فإن هذا السعر نهائي بالتقسيط أو الكاش : )
للمزيد أنتظر رقم تلفونك في المسنجر
| |
|
|
|
|
|
|
|
|
|
Re: شقق تمليك بالأقساط في العمارات شارع 15 (Re: الواثق الصادق)
|
هناك سؤال مهم سبق من الدكتور محمد الأمين موسى عن التشطيب ومستواه,,وقد اتصلت بالرجل المفخرة وأوضحت له الصورة..
ولكن أعتقد أنه لابد من بيان للمتابعين لهذا البوست..
تشطيب كل الشقق ديلوكس،،وللعميل الحق في اختيار ألوان السيراميك والحمامات والمطابخ والدهان...
كما أن كل شقة مكيّفة بمكيفات LG
وفي حال أراد العميل مواصفات عالية جداً كالجاكوزي وما يلحق به من أسباب الرفاهية فإنه يتكفل بثمنها : )
| |
|
|
|
|
|
|
|
|
|
Re: شقق تمليك بالأقساط في العمارات شارع 15 (Re: احمد التجانى احمد)
|
Quote: الاخ الواثق
تحياتى
هل يمكن تمديد الفترة الزمنية للاقساط بعد دفع مبلغ الثلاثين فى المائة
الى 36 او 40 شهر مثلا وان كان متى يتم التسليم فى هذه الحالة
ولك الشكر |
مرحباً حبيبنا أحمد
يا ريت لو نقدر نخدمك ياخي : )
نصيحتي ليك في الحالة دي هي التمويل العقاري من البنوك
| |
|
|
|
|
|
|
|
|
|
Re: شقق تمليك بالأقساط في العمارات شارع 15 (Re: الواثق الصادق)
|
نادر النور
تحية طيبة
والله كلامك ده إلا نلقاه في الجنة.. لأننا بنسمع أن القصص التحكيها دي انتهت من زمان وان زمن الطيبة والجارة البتقول الجبنة جاهزة وترسل ليك حاجات انتهى .. لكن اذا في الجزيرة الحاجات دي موجوده معناها السودان ما زال بخير.. بس سودان الاقاليم وما سودان الخرطوم... ويا ود النور لسع بنات الاقاليم بغنن اغنية" بتين نشوف الخرطوم".. ؟ لكني بعتقد ان بنات الخرطوم هسع بغنن " بتين نمشي الاقاليم" عشان عيشة الاقاليم اذا بقت زي ما انت بتقول حتكون افضل ألف مرة من عيشة العزلة وعدم الاجتماعيات الحاصلة في الخرطوم والناس كأنها عايشة في غربة زينا تمام..
والله يديك العافية
| |
|
|
|
|
|
|
|
|
 Re: شقق تمليك بالأقساط في العمارات شارع 15 (Re: اميرة السيد)
|
| Quote: لكن اذا في الجزيرة الحاجات دي موجوده معناها السودان ما زال بخير |
أميرة الأميرة
والله يا ستي موجودة .. والأنا نقلتو ليك دا من أرض الواقع تماماً
ونحن لسة بخير كتير والحمد لله
لكن حياة المدن أخذت الناس بالرغم من مشاكلها وغرقها في الماديات..
..
الأهم في حياة الريف زي ما اتفضلتي هي الحميمية في العلاقات بين الناس
عندي كم صورة أخدتها يوم عيد الأضحى وبعد العيد .. حا أحاول أنزلها في الفترة الجاية
حا تشوفي الكلام دا واضح جداً
تحياتي
| |
|
|
|
|
|
|
| |
nazar hussien
EMU إيمو
Mubarak kunna
خضر حسين خليل
الحاج حمد الحاج
النذير حجازي
محمد الأمين موسى
ود شاموق
أسامة البلال
ASHRAF MUSTAFA
نادر النور آدم
احمد التجانى احمد
فيس بوك
تويتر
انستقرام
يوتيوب
بنتيريست