|
الظاهِر إنو، خُوه سودانيز مِتْل التخا إبِل النُشوق بِتْبولو
|
بِالله الواحِد يِسعالو مع الرُجال خُوه إسْفيرِية لأكْتر مِن حولين إتْنين، تجي في البرهه القليلة الزيفه تخُمْها كَدي.. وا أسفاي على الزمن القبيل.. فوق ها الإسْفير عِشقنا وخاوينا وعِرفْنا قدر الرُجال وبِقن بنات وحريم تيجان رؤوسنا مِحل ما يِنْتهي بِنا القُعاد نتْنبر بيهِن: ديك أُختي.
قبل سِنين طويلة كتبت لي مربوعة عِلاقلات عامة، قُلت فوقا لِلود الفي القبيلة مَعَلى مقامو: لابُد يِكون في واحدة مِن ديل:
إمْن كريم مِنو الجميع بِنولو إمْن عزيز ليهو الرِقاب تَوْطولو وما يِهِمْك عُقُب ما دام شين الفعايِل هولو بِظهر كتير مِتْل التخا إلا إبْل النُشوق بِتْبولو
ـــــــ التخا: السِحابة التي لا تُمْطِر وإن أمْطرت تُمْطِر بِمِقْدار النِشوق: رحلة عَودة الإبل
|
|
|
|
|
|
|
|
Re: الظاهِر إنو، خُوه سودانيز مِتْل التخا إبِل النُشوق بِتْبولو (Re: عزام حسن فرح)
|
الذي قد ساءني جِدًا يا حَيدر الزين.. لما حاولت تحريض "نسابتي" ضِدي.. مهما بلغ بِك الغضب، ياخ خلي نفاج المَودة مُوارِب، يِمْكِن أجيك ولا تجيني صاد بعد ما الناس تقَيِل، ونِنْجم.. في معرض تحريضُك "للبطاحين" ضِد عزام فرح "الرطاني" كتبت ما معناهو: [ليه تزوجو يا بطاحين لعزام فرح بِتكُم] [ليه يا عزام فرح ما عرست مِن أهلك]
والله يا حَيدر الزين السؤالَين ديل بس الغلتَنْ علي بِالحيل.. شوف يا صاحبي القبيل إخْتِرتو.. القِسمة بتْسوق العِبيد وخَتِرْتو.. جابتني مِن المحس لِلصعيد وخَتَرَتو.. كُل الطعام بِتْاكل حتى الزايدة فوقو خَمِرْتو
أنا نسابتي "الكواهلة" و"البطاحين" لي معاهُم خُوه كبيرة خلاس بدت في "المايقوما" في بيت المرحوم / بابِكر ود علي.. يا حليلو.. بدت بِهناك وشاحد الله الكريم ما تنتهي.. الكواهلة يا حَيدر الزين ناسبتهُم وإتْزَوجت مِن خشُم بيت الشِياخة الرئاستا في دوبا.. وكانت "بِت إبراهيم" نصيبي.. إتْزَوجت "بِت إبراهيم" فوق بِت عمي رطانِية مِن أبوها، لأمْها، مِن جزيرة نِلْوتا.. وعِندي مِنهِن الإتْنين أحمد الله البنين والبنات.. نسيبي الكاهلي هِسع عِندو سَمِيي، سمى ولدو عزام، ومحمد ود حِبوس (المُفتي) مِن كبابيش خشم القربة سمى ولدو عزام، ومحمد ود طه ود علي مِن أهلك مَسلَمِية خشم القِربة، سمى ولدو عزام، ومحمد ود بابِكِر ود علي الجعلي النِفيعابي (قرية بركات ريفي مسيد ود عيسى) سمى ولدو عزام، يا زول ناس البِطانة والعِرْبان السمو أولادُمْ عزام قريب التِسعة..
الزول وِكْتين يِزْعل مِن صاحبو ويِكَنْكِش فيهو.. حقو يِزح عُكازو بس مِن عرضو ويِمْسِك فيهو.. ايه غير الملام والعيب واللوم بِجيهو.. أكان تسيب نِسْواني وعُقْبًا قولو رأيك وسيهو..
| |
|
|
|
|
|
|
Re: الظاهِر إنو، خُوه سودانيز مِتْل التخا إبِل النُشوق بِتْبولو (Re: HAIDER ALZAIN)
|
ايههههههه
الزول السمح والفرقان تشكر فيهو خاتي العيبة وعماتو بالشبال ترميهو راكز وسط الدارة وسوط العنج يقيل فيهو شن فايدتو لو ما لي بنات عمتو رمي ضلو يقيلن فيهو
هييييه ركاز القبيلة الضو الليهو ركزن الحكامات وغنن ود ام خدودن الشقنقا الشلوخ وورمن ابوهو من الصعيد جاب الاسود في قيدن يتُرن حررم ماك اخو البنات العليهن ولاد عمك يعرضو ويبزن...
| |
|
|
|
|
|
|
Re: الظاهِر إنو، خُوه سودانيز مِتْل التخا إبِل النُشوق بِتْبولو (Re: طارق ميرغني)
|
أخي الفاضل حيدر الزين لك المودة والحب والتقدير,,
والشهادة لله لم تقل كلمة لم تكن في محلها,, لأن من طاعنك في نسابتك يستحق التعامل بالمثل,,والبادي اظلم..
انت يا عزام جاي تتباكي ليه وكت شتمت نسابته كان الامر عادي ولما رد عليك بقى ليك حااااار,,,
ـــــــــــــــــ
عافي منك والله يا حيدر ود الزين مرتين,,
الاولى لأنك أخدت حقك بضراعك,,حمرة عين يعني,,كنت واقعي وبديت الامر بحوار وخد وهات غلى ان إجبرت على (استخدام سلاح المنافس ضده)
والتانية لقبولك العفو وانت في مركز قوة,, ودي شجاعة وكرم منك فهل يملك من يطالبك بالاعتذار شجاعة الاعتذار ايضا؟؟
ــــــــــــــــــ
ويا حيدر يا اخوي شكرا لييك كتيييييير انابة عن كثيرين لانك كبير وكبرت في نظري اكتر والله وانا بقرا كل كلمة سطرتها في البوست الذي ذهب للخور ,,في وقت كان يضمحل فيه اخرون. واقسم بالله رغم اني قررت ما اتداخل مع صاحبنا ده لان مسنجري اتملا بطلبات عدم الانجرار للسخافات والترفع عن الردود لكن الواحد مفروض يقول الحق عشان زوار البوست يعرفو انك ابدا ما بديت الغلط.
ورغم كلامك الشال النوم من حبيب قسانا ده
Quote: ليه تزوجو يا بطاحين لعزام فرح بِتكُم] [ليه يا عزام فرح ما عرست مِن أهلك] |
زي تساؤلات,,ولو انا شخصيا برفضها لعدم إيماني بالتميز العرقي زيك تماما لكني كنت متابع وعارف دافعك شنو زي ما انا عارف معدنك أصيل قدر شنو..ولتذكير عزام لو ناسي الاقتباس ادناه هو سبب رد الاخ حيدر..
Quote: لو ها الغرباوي الما بِسُر القلِب، جِدو السابع عشر إتْولد في توتي وإنْعرك نسبو بِالجعلِيين ثُم حصُل حفيدِهِ المدعو [أ] بعهد نميري على الجِنسية الإنْكِليزِية، فعاد وتزوج بِشايقية، وأصبح مِن سُكان الرِياض، وبِها أنجب إبنه [ب] الذي أنجب مِن محسية [ج] . هذا الـ[ج] يظل "لا يسُر القلب". هكذا الأمر حَيثُ نشأت. وأنا نشأت في الخُرطوم بحري |
فقط عشان اي زول اقرا البوست ده يعرف من وين كان منبت الشرر ومنو البدا الكلام الشين
شكرا يا حيدر تاني وتالت ورابع لانك زول نصيحة..
وتسلم لي نسابتك (وجه منشرح)
التغير لاضافة لام
(عدل بواسطة mohmed khalail on 01-17-2011, 03:37 AM)
| |
|
|
|
|
|
|
Re: الظاهِر إنو، خُوه سودانيز مِتْل التخا إبِل النُشوق بِتْبولو (Re: mohmed khalail)
|
mohmed khalail
ده عمود أكبر مِنك يا زِويل.. ده عمود قبايِل.. رُجال بِتعرِف قدر أنْدادا.. يعني مثلاً شوف صِنْعتك الما بتشبة الرُجال السويتا هِنا ده، قمت جلبت إقْتِباسات مِن عمود كان سبب خِلاف بين حَيدر وبين عزام.. قام عزام إفْترع عمود إعْتِذار بِمكنه لوم.. إنت طبعًا الحِكاية دي غلتت عليك.. بدل ما تقول الحمدلله الذي أعاد المياة لِمجاريها أو تحاوِل تصلِح الحال، كُنت في العمود المحذوف مُسْتمتِع، ولامِن إتْحذف تحسرت، وجيت هِنا تبداهو جديد.. يا زول أنا وحَيدر الزين أولاد قبايِل مهما حصل بيناتنا بِرجِعنا "إلْ" بِرجِعنا "كلِمة". لامِن ود الأقرع فتح عمود لَومني فوقو أنا وحَيدر الزين: و الله عيب ، بل شينه فى حقكم يا اخوان ، ما ذنب هذه القبائل ؟
لامِن ود الأقرع فتح عمودو أعلاه، الأكل والشراب غلبني، رجعت وإسْتغفرت، ود الأقرع سوا البِشبهو وجاب عوايِد أهلو في اللوم والجودِية.. ده شُغل الرُجال الأنت ما بِتعرفو.. البتعرفو يا mohmed khalail سويتو في مُداخلتك أعلاه [إنت يا حيدر ما كُنت غلطان على عزام][عجبني ردك على عزام][أصلو عزام غلطان يهبش قبيلتك][أنا ومعاي كُتار والله إنْبسطنا غاية الإنْبِساط مِن ردك على عزام][ده ياهو الرد الحار يا حيدر الزين].. يِخٍ عليك.. والله يِخس، مُش قلت ليك أعمال الرُجال مُش أي حد بِسيها.. دي الزول بِقوم بيها.. إنت المُغلِت عليك إنك شاعِر نحوي بِالدونِية، ياخ أنسى، معليش، الحِكاية دي ما تخليها تعطل مسيرتك، حاوِر تتجاوزا.. خصوصًا إنو أنا ما عِندي فوقا ذنب، دي أعمال الإله، هو وحده يضع نُطفِهِ حَيثُ يُريد، ويُنْبِت المرء حَيثُ يرغبُ..
| |
|
|
|
|
|
|
Re: الظاهِر إنو، خُوه سودانيز مِتْل التخا إبِل النُشوق بِتْبولو (Re: عزام حسن فرح)
|
Quote: إنت المُغلِت عليك إنك شاعِر نحوي بِالدونِية، |
كااااااااااااااااااااااااااااااااااااااااااااااااااااااك
وتااااااااااااااااااااااااااااااااااااااااااااني
كااااااااااااااااااااااااااااااااااااااااااااااااك
والله يا مسكين.... الشاعر بالدونية من الاخرين كل البورد ده بعرفو...
بتفضحو مواقفو ..وكتاباتو...وكلو موثق يا جنا..
دحين النخليك.... واصل إعتزاراتك
كااااااااااااااااااااااااااك
| |
|
|
|
|
|
|
Re: الظاهِر إنو، خُوه سودانيز مِتْل التخا إبِل النُشوق بِتْبولو (Re: عمار محمد ادم)
|
شكراً يا عزام ومحمد خليل انكم جلبتو لينا رابط اخونا هجو الاقرع هنا .. الواحد حسّ انه كان متلوم معاهو مارد ليهو في بوستو .. ولو ما هسع هو مطالب بحذف الرابط كان بيّن ليهو الحاصل فيهو شنو .. فيقبل تحياتي وتقديري هنا .. والموضوع انشرح وفات الحد لو مني هنا او من اخونا عزام في ردو عليك بهناك .. وبراك اكيد تابعت الحاصل يا هجو ..
** حبيبنا ابو احمد خالد المحرب .. تم الاتصال بينا تاني يوم يعني ما تشبكني ما رديت علي تاني مالك
*** الاخ محمد خليل .. كان نفسي اشكرك على كلماتك الطيبة بحقي .. بس مابيجي الشكر وانت راجع مداخلاتي الاخيرة مع عزام ومداخلات عزام معاي .. دا غير اتصالاتنا التانية .. يا عزيزي خلنا نلعن ابليس والشيطان شاطر بيدخلك بينك وبين عزام وبيني وبينه وبين معظم الاعضاء بالباب دا .. ماتم يوم الجمعة الماضية ياهو من الباب الجنس دا .. حصل غلط مني ومنه ماضروري نقعد هسع نفصل وناصل نقول الغلطان منو والبيعتذر منو مفروض نعرف انه الزول يمسك اعصابه ووقت يحصل خطأ الواحد يتلح الزول في رقبتو هو وماينط منها لرقبة زول تاني يحمل الوزر معاهو .. اتمني انكم تتجاوزو الخلاف مع بعضكم برضو لانه مابيجي في حق اسركم وكلو العندو راي ورؤية بيشوفها في مكون تاني من مكونات السودان يايقولها بصورة منطقية يامتن مايفتح الباب عشان يسئ لناس ما بيعرفهم واليخلي الاساءة مركزة في كيبورد الزول البيكتب ليهو دا لو قدر .. قولوا عفا الله عما سلف .. ولكم التحية..
**** عمار محمد آدم العِرّة : شايفك زغت من بوستك دا .. حينما ظرطت ######ة الرباطاب
فكيتها ضرطة وقمت جاري
| |
|
|
|
|
|
|
Re: الظاهِر إنو، خُوه سودانيز مِتْل التخا إبِل النُشوق بِتْبولو (Re: HAIDER ALZAIN)
|
Quote: *** الاخ محمد خليل .. كان نفسي اشكرك على كلماتك الطيبة بحقي .. بس مابيجي الشكر وانت راجع مداخلاتي الاخيرة مع عزام ومداخلات عزام معاي .. دا غير اتصالاتنا التانية .. يا عزيزي خلنا نلعن ابليس والشيطان شاطر بيدخلك بينك وبين عزام وبيني وبينه وبين معظم الاعضاء بالباب دا .. ماتم يوم الجمعة الماضية ياهو من الباب الجنس دا .. حصل غلط مني ومنه ماضروري نقعد هسع نفصل وناصل نقول الغلطان منو والبيعتذر منو مفروض نعرف انه الزول يمسك اعصابه ووقت يحصل خطأ الواحد يتلح الزول في رقبتو هو وماينط منها لرقبة زول تاني يحمل الوزر معاهو .. اتمني انكم تتجاوزو الخلاف مع بعضكم برضو لانه مابيجي في حق اسركم وكلو العندو راي ورؤية بيشوفها في مكون تاني من مكونات السودان يايقولها بصورة منطقية يامتن مايفتح الباب عشان يسئ لناس ما بيعرفهم واليخلي الاساءة مركزة في كيبورد الزول البيكتب ليهو دا لو قدر .. قولوا عفا الله عما سلف .. ولكم التحية..
|
حيدر ود الزين سلامات ابوي..
ياخ والله انا زاتي ما شفت رابط هجو ده إلا هسي بعد تنبيهك عنو ..ياخ والله دي كانت فرصة نخلي شيخنا هجو يقرا شوية درر.. انا حقيقة من يوم الجمعة انشغلت بعرس صديقي والكمبيوتر يا الله اديهو.. طلة....المهم يا حبيب لا عليك ما بيني وبين الشخشية دي ضقيل كورة..وتسلية..وتقضية وقت بالنسبة لي ليس إلا ...بس هو اوسع سروالو..وما يضايق من الثقالة..(كان اضايق ..ادق راسو الغليد ده في اقرب حيطه).
البورد ...ده ...داير ...كده
تحايا كما البنفسج..
| |
|
|
|
|
|
|
Re: الظاهِر إنو، خُوه سودانيز مِتْل التخا إبِل النُشوق بِتْبولو (Re: وليد عبد اللطيف)
|
أبو ساندرا كيف حالك؟ علك طَيِب
Quote: يا عزم يا اخو غايتو خوة الأسافير دي أخير من خوات تانية خوة او رفقة النضال مثلآ وغيرها من ( الخيات ) كلها ضياع وكت في المابيسوى |
لا والله.. خُوه النِضال جزاها ظِل الله يوم لا ظِل إلا ظِلِهِ.. يا زول إنت بِجدك؟ زول تِتْقبِض معاهو وتِتْدق معاهو ويِضمِد جِراحك وتضمِد جِراحو، مِتِل ده كيف بِكون "ضَياع وكِتْ"؟!
| |
|
|
|
|
|
|
Re: الظاهِر إنو، خُوه سودانيز مِتْل التخا إبِل النُشوق بِتْبولو (Re: mohmed khalail)
|
وليد عبداللطيف (ولي) كيف حالك؟ علك طَيِب
كتر خيرك والله يا حبيب.. إنت عارِف كُل ما أقول أجي بِهناك، ألقى لي "كائِن مُتحرك" مُحْتاج مني "تأديب" لكِن خلاص بجي تاااب بِهناك بعد ده يا خوي، أصلو أنا حتى لامِن أدور أأدِب زويل كَدي، لابُد في التبادي يِكون ها الزِويل بشِبهني ومِن بيئتي، أها لقيت الزِويل "محمد خليل" لا شكلاً ولا مَوضوعًا بشبة حتى رعاعنا، ما علينا، ده كان سبب البُعاد مو الجفا، في زول بيجفى صاحبو ونديدو وسِرو
| |
|
|
|
|
|
|
Re: الظاهِر إنو، خُوه سودانيز مِتْل التخا إبِل النُشوق بِتْبولو (Re: عزام حسن فرح)
|
معقولة بوست بسبوسة زي ده تخليهو يحتل اها رجّعنا ليك تاني من القاع..سهر الجداد ولا نومو (لووووول)
لقيتك قلت:
Quote: أصلو أنا حتى لامِن أدور أأدِب زويل كَدي، لابُد في التبادي يِكون ها الزِويل بشِبهني ومِن بيئتي، أها لقيت الزِويل "محمد خليل" لا شكلاً ولا مَوضوعًا بشبة حتى رعاعنا، |
أحلم يا ابو الدرداق أصلو الحلم مجاني لامن تجيبو الحد وأشرع سريع في التاني من زمن الجدود ... ما شفت لي سوداني معوج راي وروح.. زي الزويل ده لقاني
| |
|
|
|
|
|
|
Re: الظاهِر إنو، خُوه سودانيز مِتْل التخا إبِل النُشوق بِتْبولو (Re: mohmed khalail)
|
محمد عَوض أحمد كيف حالك؟ علك طَيِب..
Quote: حمدالله ع السلامة سألت عليك وكتب ليك فى صفحتك الشخصية ع الفيس بوك بركة الجيت.. تحياتى لك ولكل الاخوان فى البوست |
(أنا حأفترِض إنو الكلام الفوق ده بِعْنيني) تسأل مِنك العافِية مِحِلْ تقبِل. معليش، بِكون ما عِرِفْتك في الفيسبوك، ولو إتْفضلت علي وكتبت مِن تاني، أكون ممْنون.
إحْتِراماتي،،،
| |
|
|
|
|
|
|
Re: الظاهِر إنو، خُوه سودانيز مِتْل التخا إبِل النُشوق بِتْبولو (Re: عزام حسن فرح)
|
حليلي يا يمة اسبوع مرا يعني تمانية يوم يعني 192 ساعة يعني 11520 دقيقة 691200 ثانية
حليلنا نحن الليلة يا عزام لا سمك لا هامور.. ملاح سلج وكمونية بايتة من مطعم المنتجع
بس عليكم الله مقولة - بمناسبة حسبتي علاهو - مقولة دقات قلب المرء قائلة له ان الحياة دقائق وثواني دي تودوها وين
ويا محمد خليل حبيبي جيت هسسع داخل من صلاة الجمعة ارجوك بطل لواكة الكلام عشان ترجعني مع عزام للمربع الاول
يمين بالله عزام دا خبرتو ولمستو عن قرب راااجل وفايت القدرو .. ود قبيلة دحين روق المنقة وقول قولاً حسناً يحفظ معزتنا وماتجي تسوق لخط الشيطان الفتننا مع بعض ــــــــــــــــــــ معزتي يا محمد خليل وخليك اون تطش كبير كدة
** جمعة مباركة
| |
|
|
|
|
|
|
Re: الظاهِر إنو، خُوه سودانيز مِتْل التخا إبِل النُشوق بِتْبولو (Re: Yasir Aloob)
|
ألاخ حيدر الزين,,
سينقسم الناس حتما حول ما دار وما سيدور,,, ولكن الحقيقة اوضح من قرص الشمس يا صديق,,
نسأل الله السلامة.
Quote: محمد لم يلوك الكلام عن هوى كنت اتمنى لو انك قسطت الميزان و اوضحت لمن وزر ابتداءا وزره الصدى سيصم الاذان ما دام هناك فرقعة |
شكرا أستاذ أحمد,,
أنقضى غرضي من هذا البوست وأوصلت رسالتي التي اردتها الي المدعو عزام .. وانا واثق انها وصلته كاملة الدسم وزيادة شوية ووعى ما فيها..سأكون عند كلمتي التي قلتها في المداخله السابقة..لن أعود مرة أخرى فمن يهرب لا يستحق المطارده.
لك التجلة والتقدير
| |
|
|
|
|
|
|
Re: الظاهِر إنو، خُوه سودانيز مِتْل التخا إبِل النُشوق بِتْبولو (Re: mohmed khalail)
|
كتبت أنا لحيدر الزين جابِرًا لِخاطِرِهِ:
Quote: شوف يا صاحبي القبيل إخْتِرتو.. القِسمة بتْسوق العِبيد وخَتِرْتو.. جابتني مِن المحس لِلصعيد وخَتَرَتو.. كُل الطعام بِتْاكل حتى الزايدة فوقو خَمِرْتو |
وكتب حَيدر الزين لي مُجارِيًا:
Quote: الزول السمح والفرقان تشكر فيهو خاتي العيبة وعماتو بالشبال ترميهو راكز وسط الدارة وسوط العنج يقيل فيهو شن فايدتو لو ما لي بنات عمتو رمي ضلو يقيلن فيهو
ركاز القبيلة الضو الليهو ركزن الحكامات وغنن ود ام خدودن الشقنقا الشلوخ وورمن ابوهو من الصعيد جاب الاسود في قيدن يتُرن حررم ماك اخو البنات العليهن ولاد عمك يعرضو ويبزن...
ود عمي البيهو افتخر واباهي سيد الناس البيهو سوطي يجاهي الود الفحل الفي الكلام امر وناهي ليك المعزة اللي لراسي رافع وبين القوم بيهو اضاهي |
ـــــــــــــــ أها تعالو شوفو عفن محمد خليل.. جا وكتب لِحَيدر الزين:
Quote: أخي الفاضل حيدر الزين لك المودة والحب والتقدير,,
والشهادة لله لم تقل كلمة لم تكن في محلها,, لأن من طاعنك في نسابتك يستحق التعامل بالمثل,,والبادي اظلم..
انت يا عزام جاي تتباكي ليه وكت شتمت نسابته كان الامر عادي ولما رد عليك بقى ليك حااااار,,,
الاولى لأنك أخدت حقك بضراعك,,حمرة عين يعني,,كنت واقعي وبديت الامر بحوار وخد وهات غلى ان إجبرت على (استخدام سلاح المنافس ضده) |
(عدل بواسطة عزام حسن فرح on 01-21-2011, 06:28 PM)
| |
|
|
|
|
|
|
Re: الظاهِر إنو، خُوه سودانيز مِتْل التخا إبِل النُشوق بِتْبولو (Re: عزام حسن فرح)
|
حيدر الزين رد عليهو بِطريقة ظريفة:
Quote: الاخ محمد خليل .. كان نفسي اشكرك على كلماتك الطيبة بحقي .. بس مابيجي الشكر وانت راجع مداخلاتي الاخيرة مع عزام ومداخلات عزام معاي .. دا غير اتصالاتنا التانية .. |
قام محمد خليل -ما غبي، ما فِهِم إشارات ود الزين- تاني جا ناطي.. قام ود الزين جابا ليهو على بلاطه:
Quote: دحين روق المنقة وقول قولاً حسناً يحفظ معزتنا وماتجي تسوق لخط الشيطان الفتننا مع بعض |
| |
|
|
|
|
|
|
|