|
Re: عبدالفتاح ابو شيمة ...... سؤال واحد بس !!! (Re: ناصر احمد الامين)
|
Quote: انت عاوز توصل لي شنو بالظبط ؟؟؟
هذا: اذا شفت البوست ده اصلا !!!!! |
أصل لي شنو؟ في شنو؟ البوست ما شفته لأني منذ يوم الأربعاء لم أدخل البورد لوجود مشكلات صيانة للجهاز فمعذرة للتأخير لكن يبدو أن أمراً مهما جعلك تفتح بوست لشخصي الضعيف فهلا أوضحت مقصدك فيما كتبت وماذا تريد بشيء من التفصيل
| |
|
|
|
|
|
|
Re: عبدالفتاح ابو شيمة ...... سؤال واحد بس !!! (Re: ناصر احمد الامين)
|
Quote: برضو يا ابو شيمة ما جاوبتني !!! افتكر سؤالي واضح جدا
و عشان اقرب ليك المسافة .. امسك ديل:
حنان .. ابتسام .. تغريد ..امان .. هيام .. فريد
حا يصلوا وين ؟؟ |
حمد الله على السلامة ياخي
إنت جيت صحي
لكن فسّرت
لي
الماء بعد الجهد بالماء
أقطع دراع ود الصايم ذاته
كان أنا فاهم حاجة في كلامك دا
حتى الأسماء دي ما عارف عنها حاجة الاسم الوحيد اللي مرّ علي
قبال كدي كمعرفة تغريد
ود الصايم عارفا
بالله يا راجل
خليك واضح إنت قاصد شنو معاي بالتحديد؟
أنا قايل روحي غلطت معاك في بوست من البوستات بتاعتي دي
خش في الموضوع من دون لف ولا دوران
أنا ماشي البيت وجهازي عطلان
سرّع كدا؛ أو لو في أي مشكلة اكتب لي على الداخلي
شكراً
| |
|
|
|
|
|
|
Re: عبدالفتاح ابو شيمة ...... سؤال واحد بس !!! (Re: عبدالفتاح أبوشيمة)
|
Quote: لو اتأخرت ما جيتني
بي جاي وللا جاي
برشّك
|
ههههههه يا ابوشيمة اعصابك ياخي
قدر ابوي شنو ... انت لسه شباب ياخي ... هو الكبر دا الا بالعمر
خلاص انا حا اريحك !!!
الكلمات الفوق ديل وديهن محل ما توديهن ... و وصلن محل ما توصلن .. و ما بغلبك يعني دخلهم في جملة مفيدة عشان تطلع منهم قصه علي شكل سرد لذيذ كدا من (بتوعك)
بس اهم شي انو يكون في( قصة)
و دا نظام تحدي
لكين انا شخصيا واثق فيك
وقعت ليك الفكرة
و طبعا حا يجوا جماعة داخلين للمنافسه و كدا !!!
و كفاره لي الكمبيوتر
| |
|
|
|
|
|
|
Re: عبدالفتاح ابو شيمة ...... سؤال واحد بس !!! (Re: محمد عبد الماجد الصايم)
|
ومين قال ليك إني أنا الفاهم؟ يسلم ضراعك يا أبو ضراع مالك ياخي داير تغيّر سياستك ما كنت كل ما اتزنقت بتقطّع أدرعة الناس وكمان لي أصحابك أقرب لما شفناها جابت وسواس خلاص خفت وصابك وسواس الحالة أخير منها الأعراس والله صحبك دا عمل لي هلواس قال ذكاوته شديدة شايل النبراس زرزرني الزرزرة اللي لا من بقيت فيها محتاس تسوي شنو بس في أولاد الناس الغربة شوتهم شي الهرّاس بقوا ما عارفين وين حل الناس غايتو الزول بكون من أصحابك يا بتاعين البتاع يا بتاعين البتاتيع ذاتم
أفهّمك يا وليدي صحبك دا شايل منك حاجات في الراس فتّش ورقه لين الكراس كل الإلكترون اللي في مدراس وقال يدخّل خالك في امتحان وسواس هو لي حسع زايد فيني الوسواس خصوصاً لما أعاين أول شي جا في الكراس ياخي حاول شوف لينا درب خلاص غايتو لعب بي لامن أنا خلاس ودقسني قطعت أنفاس بتعرف يا ولدي اللوغريثمات هو أنا قايلني فهمت الماث دا نحن كنا ندكّ الحصة دكّ الراحات دا جاب لي مسائل ماث ودايرني أحلن الخبّاث كان قلت برضو جاني أبو الكباس ما بكون كضبت ولا إحساس ياخي زول لا شفته ولا شاركته بي إحساس ينط من مافي يديني الباث أعاين في ورقي وأعيد الشكّ وادخل في شكّ وظنون تنشكّ في قليبي زي كشك كشك الليمون ذاته بديون كيفن بس أبلع ريقي وأشوف دي فنون
وعلي الكرار عينك ما تشوف إلاّ النور طبق الكرافتة في خشمه وصوف وإنت بقول ليك حل الموصوف ما شرط شعر بس كلام بحروف لامم لي بنات بي نظرة وشوف بقيت أنا دا زي الملهوف بقول يمكن ناس الحتة دي عشان بقعدوا لا ما يلمّوا حق البيت والعربية لين الخروف بتطلع ليهم أوصاف ووصوف ما عارف من وين جابا الملهوف؟ غايتو زي ما بتقول أهي ظروف وتعدي وبكرة الخبر حيكون بالمكشوف هو مشى وين تاني زاغ؟ الله يستر على قول المبروك هرون - معليش عارفك ما حتقرا الكلام دا كله
وهوستك بي وساويسي دي
خليه هو اللي يقراه يتبلّى بيه
سلام يا ولدنا
بس خليك قريب حلّني من ناس الهندسة ديل
ناصر ناصر ناصر
ياخي ما تجي تحل الفزورة
بتاعتك دي
وللا بنزل ليك فايلاتك
اللي كتبتها كلها
سلام يا ظريف
لكن ما مخيف جد!
| |
|
|
|
|
|
|
Re: عبدالفتاح ابو شيمة ...... سؤال واحد بس !!! (Re: عبدالفتاح أبوشيمة)
|
Quote: خلاص انا حا اريحك !!!
الكلمات الفوق ديل وديهن محل ما توديهن ... و وصلن محل ما توصلن .. و ما بغلبك يعني دخلهم في جملة مفيدة عشان تطلع منهم قصه علي شكل سرد لذيذ كدا من (بتوعك)
|
الاخ ناصر تحية صباحية لعلي واحد من الذين تنبأت بأنهم سوف يعودون ...للكتابة والاسباب كثيرة لكن الغريب أنك تكتب بتوجس وحذر وغرابة وحتى الآن انت شغال بالالغاز ناقش فكرتك بصراحة واخونا ابوشيمة واضح ونحن منتظرنك اذا كان في موضوع أصلا
مودتي..لكما......
| |
|
|
|
|
|
|
Re: عبدالفتاح ابو شيمة ...... سؤال واحد بس !!! (Re: ناصر احمد الامين)
|
يا علي
كنت قاعد في النت في مكان عام انا و صديق عزيز و الاتنين فاتحين سودانيز اون لاين دي
و قام فجأه صاحبي دا قال لي : انت عبد الفتاح ابو شيمة دا منو؟
قلت ليهو ما بعرفو ... مالو؟؟
قال لي ياخي الزول دا قدانا ... بمسك البوست و يرش كلام خارم بارم .. اقرأ بوستاتو
و فعلا
بديت اتابع بوستات ابوشيمة
حسيت انو زول (بيتوتي) لانو ما قاعد يمرق بره بوستاتو دي و هاك يا كتابة لدرجة انو ممكن تنسي انو الموضوع كان شنو اصلا
..........
صاحبي قال لي : انت الزول دا عاوز يوصل البوستات دي لي وين
يا ربي : تحقيق اعلي عدد صفحات واللا اكبر عدد مشاركات ؟؟
ياخي ابوشيمة حر .. يكتب العاوز يكتبو و العاجبو يدخل و الماعاجبو ما يدخل ... دا منبر حر يا فردة
قال لي انت الزول دا قاعد يكتب شعر و اللا سرد و اللا قصة ؟؟ و اللا يمكن خواطر
اعتقد انها خواطر علي شكل نظم حرفي علي حسب التساهيل و السلام
قالي لي دا معناتها انو ما حا يعرف يكتب شعر جيد و لا قصة قصيره جيدة ........ لكين كلامو لذيذ
| |
|
|
|
|
|
|
Re: عبدالفتاح ابو شيمة ...... سؤال واحد بس !!! (Re: ناصر احمد الامين)
|
فكان بيناتنا التحدي (انا و صاحبي) انو ابوشيمة ما حا يقدر ينظم كلمات في شكل قصة ابدا
راهنت عليه و فتحت البوست ... و منها فرصه انو ابوشيمة يطلع بره البوستات بتاعتو التي من المفترض انو تكون ادت الغرض بتاعها
(التهنئة لي رانيا بت هارون وصلت تب)
قال لي (كاتب معروف) ان نوعية كتابة ابوشيمة تصنف من (لواقح الافكار) يعني انو بيهدي افكار لي كتاب اخرين مجانا عبر كتاباتو .. هم بيستفيدو و هو يطلع فاعل خير.
| |
|
|
|
|
|
|
Re: عبدالفتاح ابو شيمة ...... سؤال واحد بس !!! (Re: ناصر احمد الامين)
|
وكيف كدا كمان يكون فقر الأجندة؟
والله يا فقر الأجندة قصتك قصة سُهندة (ما تشتغل بي سهندة دي من الخارم بارم ساي) اللي في قليبه عندا ما بلاقي مرة سندة أصله عامل فيها هنداً من سيوف آل بن بندة أدّي خارم بارم يمكن يفهم إنه قط ما يفهمن دا أصله مسكين محرّكاه كم أجندة قايل إنه القصة تلفق مع حكايته قبل عنده أصله مسكين رسلوه ناس بحاولوا يعرفوا كيف قشنده؟ لكن ليه ما لقولهم واحداً يعرف لجنده كان يفكر قبل يبذر للكلم الما بتجيب له فايدة عنده أو كان تأدب بي أدب الحروف كل يوم تسنده إلا مسكين ما تأدّب بي أدب سخرية جنده هم هناك زي ناس ولدنا اللي غنيناله مدة قِل الأدب ما بس كلاماً يكتبوه الناس في سندة فيها الذكاوة والغلاوة والأدب والاحترام ديل هم جنده لكن تضيّع وقت ناساً ما أذوك ولا قوّلوك لي أي بنداً وما تحترم لي لا سنّهم ولا ضعفهم بس لأنك في ونيسةً في برندة قلت أحسن تستلمهم وما تخلي ليهم أي راحة حتى سندة ياخي الأجندة معروفة لكن ليه تخبّي وشن هو خايف منو يابو هِنْدَ.. هندستكم مافيها تفكير في عواقب فعل الأجندة ولا شفتواحتراماً للكلمة ذاتا أو أي من حروفها جندا والحرف ليه القداسة حتى كان ونسة برندة (دا كلّه سببه حتعرفه إن رجعت للكلمات التي افتتحت بها بوستيك؛ ولو ماعرفت الإشارة لي شنو؟ قول بجيب اقتباس منها)
-
سؤال كمان بالله هم منو اللي بيوزّوك ديل وليه باقيلهم إنت الدليل ماكان أحسن تجيني عديل وقول لي اعمل التقبيل قبال ما الدنيا تليل ليل
-
كمان:
موضوع رانيا بت هرون لم يكن العنوان التهنئة بالزواج حتى تعدها تهنئة والهدف من البوست لم يكن فقط التهنئة ولا أعرفها أصلاً وإنما يهمني عن جد ما تقوم به من عمل وإشهاره عبر وسائل مختلفة عمل خير أيضاً كما قال صاحبك - وبرضو موضوع رانيا هرون وغيره
بالنسبة لي رانيا هرون فاكرني مجنون بي دالة لو كان بس الهدف التهنئة ما كنت رديت على زول ولا حالة لكن قيم بيشيلوها الرجالة في كل تخوف من أثقالا وتجينا بنية تسوي بدع في سرد الحالة كمان بتجامل الناس في أحوالا يبقى أنا بتكلم بس عن تهنئة؟ ياخي قول قولاً فيه دلاالة مالك ما تسيب الناس في حالة هو في زول جالك قيّم عملك إنه ما نافع أبداً في حالة ليه ما كلفت نفسك تمر لو مرة عشان ماتهني وتشرح نقدك في أيتها حالة - والبعرف أصلاً بكتب ما بيختار امتحان زي حالك دية غرور في أسوأ حالة - كتر خيرك هديتني البوست اللي بيه اكشف حالة بيعاني منها البورد في كتيرمن أحواله عاد الله يسامحك ود الخالة وكتر خيرك على كل حالة دخلت أنا فيها في إجمالا
قصة فاعل خير ما بطالة يمكن تجيب أجر علالة الواحد بدل ما يفتح بوست دلالة عشان ما يشارك ود الخالة
-
ودعوة صالحة إن شاء الله
واتهبلنا في آخر عمرنا جونا الدرسناهم نحن عشان مايقولوا إنتو في محنة ربنا بيهم وبينا الأحنى ألا فلترض ربي عنه وعنّا --
ومن استغضب فلم يغضب
ومن دون مؤاخذة فهو ...
لماذا غضبت سأفسر لك فيما بعد؟
ولا تظنن أنّي أعتب عليك
وما زعلان منك في النقد
ودي أحسن حاجة عملتها
والنقد اللي وجّهته حأعمل بيه
بعد ما تقنعني إني غلطان
يا أخي ارجع لمداخلات كثيرة مع كثيرين
أني نفيت علاقتي بالشعر
تقوم تجيب لي شعر وقصة كمان!
-
هل في يوم شفتني زعمت إني قاص أو شاعر يالا هو حتى لما يقول لي زولاً إنك شاعر دا أنا اللي بنفي الحالة وما حصلت سميت كتابتي كحالة بل أقول أنا بكتب جلمنتوش يا زولا عشان أنا إني ماني شاعر ولا بهوالا واتغالطت كمان مع أكتر من واحد
-
ولسع ما كملت كلامي
لكن دا ذاته لو قريته
يكون كويس ولو قريته وتجاهلته
برضو ما مشكلة
لكن سأحاول أن أجيب عن كل تساؤل أو حيرة
وردت في ردّك على علي الكرار
بس ما أكضب عليك متحسس
ليه ما كتبت البوست دا بالطريقة
اللي بتكتب بيها مشاركاتك
في بوستات فقط لم أطلع عليها إلا اليوم
ليه محاولة أن تكون غامضاً ومتحسساً ولا تريد أن تفصح وتبيّن ما تريد من البداية
ولم تريد إقحامي في شيء لم أدّعيه أصلاً
معذرة إنو النفس قايم شوية
يمكن تعدل مسار البوست
برضو كتر خيرك على الكلمة
الواحدة اللي رديت بيها( ليه)
أنا ذاتي
بقول ليه
وعشان ما تكون
شكوك وغيره
الآن أيضاً افصح
ابن
من صاحبك هذا
وما الذي يضايقه من كتابتي
هل هو الأسلوب أم المضمون؟
وضح الأمور بكل شفافية
حتى لا تذهب بنا الظنون
وما الهدف؟
هل نقلع عن الكتابة
أم نستجدي مشاركة
الشلل والحزبيات وغيره وغيره
يا أخي إن كنا وجدنا
مشاركات حوار
ماكنا استخدمنا الحوار الداخلي لتوصيل رسالتنا إلى القارئ
معليش خذ دي كمان:
ردا على دا: من كلامك لي علي
(حسيت انو زول (بيتوتي) لانو ما قاعد يمرق بره بوستاتو دي و هاك يا كتابة لدرجة انو ممكن تنسي انو الموضوع كان شنو اصلا) كلامك صح في جزء وجزء جاوز كلامك سبب الحالة شوف عدد بوستاتنا كم؟ ومشاركاتي 31160 مجموع المشاركات تطرح منها عدد البوستات وهي في عامي 2010-2011تقريباً 9 أو قول عشرة وشاركت في البورد عام 2008 وابتعدت لظروف أكثر من عام أو عامين وشوف عدد مشاركاتنا كم؟ وبعدين تحكم لو كنت بمرق من بوستاتي وللا لا؟ يعني لغاية يوم الليلة 31160 مشاركة عدد بوستات منذ 2008 وحتى 2011 مع خصم سنتين غياب لا توجد مقارنة بين مسألة البقاء داخل البوستات وخارجها في مشاركات
كانت كتيرة وقوية زي ما بقولوا حكاية لو شفت البوست أصلاً
لأن الإنسان إن لم يقرأ فلن يكتب اتهمتني تهمة كبيرة خالص الله يسامحنا الاتنين -- والآن التحدي قائم اكتب لي أنت قصة شعرية بالكلمات التي وضعتها حتى لم تكلف نفسك أن تشرح لي فزورتك هذي
وأنا ألح عليك بالأسئلة كدا وللا كدا؟
وكأن أحداً كان يردد لك تجاهل تجاهل
هههههههههههه
-
ومعليش يمكن بسبب تعطل الجهاز
سأغيب الخميس والجمعة وربما أكثر
وأرجو ألا تغضب مني
ولك كل الود
| |
|
|
|
|
|
|
Re: عبدالفتاح ابو شيمة ...... سؤال واحد بس !!! (Re: عبدالفتاح أبوشيمة)
|
يا سيدي الكريم ابو شيمة
لا في اجندة خفية و لا متأمرين واقفين وراي
ما كتبته هو الحقيقة
و التسائل كان عن اسلوب كتابتك الذي بدأ لي غريبا من الناحيه الادبية (شعر، نثر، قصه) و كذلك ملاحظتي لمحاولة الاضافة الي بوستاتك المفتوحة مما افقدها معناها و هذا ذكرني بأحد الاعضاء، فقد كان عندو بوست واحد فقط بيدخلوا كل يوم و يضيف ما شاء من مواضيع و لا يزور البوستات الاخري تماما.
مجرد رأي لا أكثر و لا أقل
انا لم اقصد التقليل من شأنك او الاساءه لك و لم احسب حساب اساءة فهم هذا البوست ابدا، و اذا كان هذا البوست قد سبب لك بعض القلق او كما ذكرت:
Quote: اختشي واعتذر ياخي فقد تجاوزت حدود الزمالة وروح الكتابة
|
ارجو ان تتقبل اعتذاري، و احتراما لك و للزمالة اذا اردتني ان افتح بوست اعتذار منفصل .. سأفعل
امسحها لي في وشي يا عم ابوشيمة .. و برضو العين ما تعلي عن الحاجب
| |
|
|
|
|
|
|
Re: عبدالفتاح ابو شيمة ...... سؤال واحد بس !!! (Re: محمد عبد الماجد الصايم)
|
Quote: يعني قصيدة .. في شكل شجرة وقصيدة .. في شكل وردة وعصيدة .. في شكل زلابية! |
يجازي محنك يا ود الصايم....
تحياتي ناصر...
الأخ أيوشيمة يستخدم القوالب الأدبية لتوصيل فكرته وقد اندهشت شخصيا عندما تداخل معي في بوست كتبته قبل أشهر حيث يملك قدرة هائلة (ما شاء الله) على الكتابة والسرد.
تحياتي لكما...
| |
|
|
|
|
|
|
Re: عبدالفتاح ابو شيمة ...... سؤال واحد بس !!! (Re: عبدالأله زمراوي)
|
Quote: الأخ أيوشيمة يستخدم القوالب الأدبية لتوصيل فكرته وقد اندهشت شخصيا عندما تداخل معي في بوست كتبته قبل أشهر حيث يملك قدرة هائلة (ما شاء الله) على الكتابة والسرد.
|
ما انحنا قولنا كدا برضو يا عبدالاله
لكين عمنا طلع من النوع الما بيقبل النقد كلو كلو و هسه رادمني بي كمية بتاعة شكوك غريبة جدا.
تحياتي ليك و للاسره الكريمة
| |
|
|
|
|
|
|
Re: عبدالفتاح ابو شيمة ...... سؤال واحد بس !!! (Re: عبدالفتاح أبوشيمة)
|
Quote: إنت يا حاج بتكتب بالكيلو ولّ شنو؟ كيلو شنو يا ناصر
|
يا عمنا الكلام دا ما قلتو انا
هو بس اي شي ناصر !!!
Quote: الظاهر إنت ما من الناس اللي عندهم سواقي وعوضوهم ما بالمتر بالأفدنة أهو نحن لما نكتب بي مزاج بنكتبا بالأفدنة أو الهكتارات حضّر بس المتّارات |
طيب ما تقول كدا من البداية .. التعويض شملكم. عشان كدا بالك رايق و بتكتب بالافدنة.
| |
|
|
|
|
|
|
Re: عبدالفتاح ابو شيمة ...... سؤال واحد بس !!! (Re: ناصر احمد الامين)
|
Quote: بكون خالف رجل علي رجل في احدي الشواطئ الكاريبية الساحره |
إنت يا أبو النصور كاريبية حتة واحدة هذه اتجاهات نرفضها؛ تخريبية مش كفاية تسيبنا ملطوعين وتمشي تشم هوا وتقول لينا الجو اليومين ديل ما جو قعاد في البيت لو مشيت الكاريبي ما بتنسانا ذاته وتنسى الخضار اللي في البراري وجمال حلل في ديك الحلل وفي النهاية برضو حتفتش حلل يمرق شنينك شان ترجع ترتحل ياخي الناس اللي مشيو بعيد ما نسيو كل شي حتى ديلك الأهل ياخي امش قريّب زور هناك التاج محل خليك هنا يمكن قريب تصفى النفوس وترجع تهل في البلد بي عودة طوعية ويا ربي سهل ليه السهل
ونواصل ما انقطع من حديث يتوجل:
| |
|
|
|
|
|
|
Re: عبدالفتاح ابو شيمة ...... سؤال واحد بس !!! (Re: Tabaldina)
|
Quote: يا ابوشمة رشهم رشاهم بلاء اديهم قصيدة عصماء فى شكل جبل طارق
|
الردود على الكبار أولاً بعدين يجو الجنوي مفهوم بجيكم
يا حلوين
يا جبل طارق وينك إنت ووينه الطارق اللي دق لصدره وحرّق الغارق وختاها عديل البحر وراك مهما تتاوق وقدام أبو شيمة شايل مخلايته اللي فيها بيارق إنتو بقيتو بين أمرين طالما صدر الأمر الحارق لي تبلدينا حبيبنا شديد لا تبدو فوارق كيفن أهلك يا تبلدينا إن شا الله حريقم ما عاد حارق صبراً صبراً أبيي حقتكم مهما قال وعمل بيفارق الناس ما كانت عايشة ما بينها فوارق لكن الله يجازي الزول العارض اللي خرب بين الناس كشقايق تعال يا كبير أدي لي وليداتنا مطارق وكويس كمان كان شلختهم بمطارق لأنهم بسخروا بي عجوز ومفارق من دنيا الناس اللي فيها فوارق بين دا ودا ضاعت دي حقائق الاتنين قول لهم ما عندكم مشكلة البوست دا بي وضع اليد ختينا طرايق الداير يشرد اللي يدي الرجلين دروب لطوالق يسخري مني الاتنين عشان شيبت وابيضوا مفارق شوف كيف بالله كيف صار الفارق من جيلكم دي اللي كان متوافق بي كل همة مع نفسه دون نفساً ضايق يديك العافية ويصبح بالك دايماً رايق
الغريبة الناس
يتشاكلوا
في حاجة
ما حقتهم
غايتو
الله
يمرقكم
ساي
Quote: كان هرب ما عارف! البوست حقّكـ ولّ حقي؟
|
وئعو في بعض دا بالمصري بالسوداني عايزين حجّاز وللا حبّة جاز
ويييييييييييييييو
كااااااااااااااااااك من حفر حفرة لأخيه وقع فيها
قضايا انصرافية
لتأجيل القضية
وتشتيت الكرة
Quote: تعرف الضحاكات هن شنو يا عمنا؟؟ |
برضو بنجاوب
ديل اللي بيشيلن صرات وشيك تقلبا لي آيات من البسمات ديل ياخوي هن القريشات ناس السياسة جارين بالدبابات عشانها يا زينها الضحاكات بس إنتو يا المغتربين عمركم ما تسوولكم ضحاكات عايزين تستمتعوا بي حياتكم بالترطيبات أصلاً ما بجتمعن الضحاكات مع الصرف البذخ للقريشات أما اللي فصلوا السودان ديل ناس الضحاكات بيشيلوها آبار بي حتة كلاشات معاها شوية شيطنة وحكايات يازول بطل حركات مهما تصرفني وتدورني ما ني ناسي باقي الحكايات اللي شغلننا عن البحث في مجال الضحاكات أو ع تكون فاكرني اتكلمت عنك بشأن الضحاكات؟
| |
|
|
|
|
|
|
Re: عبدالفتاح ابو شيمة ...... سؤال واحد بس !!! (Re: محمد عبد الماجد الصايم)
|
Quote: يا حسبو .. خليكـ شفيف شوية! القصيدة الفوق دي على وزن تفعيلة وشكل (تحميلة)!! |
Quote: كان تتنازل ما عارف! يا زول إنت مرشوش هنا رشّة العدس عديل!! أكرب بطنكـ وتعال أدرش أبو شيمة دا!!
_ تبلديكم .. ألبد يا عمكـ! أبشيمة دا لو مسكـ فيكـ إلا تطير!!
|
ودالصايم خلاص يا ذو الرجل إنت خلاص نويت تخرب البوست والله بعد دا كلام تبلدينا لازم نعمل بيه ونورّيكم كيف يكون علامو شنو الكلام اللي نصه هلامو ومهما صار سمح يشبه أبو دلامو خلو الموضوع وشردوا لي غلامو أنا بغني ليك بي بوست عديل إنه مؤدّب وشنو يا مهذّب تطلع لي داير الضرب تجييني تقل الأدب في أدب يا خي امشي للرجل اليد وللا كمان حنقيم الحد بي قدوقدو أو أي ود ود البوست دا ما هو حقّك ولا حقّه إنتوا حسي البوست دا مكتوب فيه اسم منو؟ بالله فارق كدا وللا كدا وللا قوم لف بتاعتك دي ما تقّوم نفسي بعدين إنت ذاتك حتقول الروب ومعاه الكاك والواك واك ذاته حداك أحسن ليك ما تشتت لي كورة خلينا نتحقق من حكاية الروب دي عن جد بطل لهظار وشوف لك مشوار وبدل البرادو شوف ليك جاغوار وللا حنهتف العار العار أحسن والله تقول يا ستار وتفتش درب القبر والنار حكايتكم إيه إنتو ما جايين لحوار بكلم ليكم سيد الدار أحسن ليكم ابقوا لي من الثوار أخدوا لي حقي من سيد البوست الغيّاظ وغيار وكمان حقّار تقوموا تنصرفوا بهذا الشكل الهدّار بعد كدا حنجي بالجلالات اليوم الحار ما بندار ضرب النار دايرله رجال ابقوا عشرة واخدوا ستار ساتر وستار ما تلعبوا تاني أبداً بالنار دل دلل دل دللل دل دل دل دل وكعوت شل جاك البل ما دايرين دل كانكبودوف كانكانكبودف أمانة الليلة ما وقعوا رجال ما ختو البال لي راحة البال جاك قول الزول اللي أصر وقال داك زنقوه لامن بال معقول يا ناس مفارقين موال وإنتو تلعبوا بي عقل رجال هذا إهدار لي كل المال نحن مازيّكم في الموال بندفع من جيبنا عشان أقوال ما تهدروا لينا الوكت في مقال ما جايب همه ولا مثقال بعدين شن بتقولوا كان قالولكم كيف الحال؟ بتقولوا وكتنا قضيناه في أسوا مقال عيب والله يكون دا الحال لي شعب يادوب نال لي انفصال اختشوا بس من هادي الأحوال عشان تمشولنا لي نعم الحال أها بطلنا تكوين أشكال شوفولكم حجةً غيرتتقال أوزن يا زول كلامك بي مثقال ما تروح التوج ويبقى أسوأ حال أصل الكلمة بترقد ليك لي يوم زوال من دي الدنيا اللي ما بتعرف لها عيال
--
هوي ياناصر
تقول لي سؤال وسريع يتحول لي شغل سُعال بيذكرني كحة عادل إمام بهم بهم بهههو بهههها لا دا أنا بكح، باللاي بتكح؟ والروب وشنو يا زول افرد طولك والحق روحك كان بالجد بتقول الروب ما دايرين نظري بل شياً عملي غير لفظك في مفتتح البوست عشان ما يبقى هظار وطيوب وللا يجيك كل كبوب وتدخل تاني جوة كروب تتكسر فيها زي كرتوب وتولول تاني تقول الروب - ود الصايم أها وتبلدينا كمان ماله؟
نرشّه ليه؟
بجيك
| |
|
|
|
|
|
|
Re: عبدالفتاح ابو شيمة ...... سؤال واحد بس !!! (Re: عبدالفتاح أبوشيمة)
|
Quote: هل هذا روب
أم كوب؟
شربته لتنام
|
سلامات يا عمنا ابوشيمة .. و الله ليك وحشة !!
انا قااااعد .. بجي اتاوق و اتخارج ... جنس كلامك دا انا ما بقدر عليهو والله .. انا مواطن بسيط جدا، جنس الردمي دا بعوقني طوالي
النجيضة يا عمنا: انا استسلمت عديييل كدا، و داير اتخارج من الموضوع دا! و شروطك كلها مقبولة من هسه.
يلا .. نقول دعاء الخروج و نتوكل ؟
| |
|
|
|
|
|
|
Re: عبدالفتاح ابو شيمة ...... سؤال واحد بس !!! (Re: ناصر احمد الامين)
|
Quote: يلا .. نقول دعاء الخروج و نتوكل ؟ |
ياتو خروج؟
حق الروح
وللا إنك تعمل فيها
بتروح
خلاص ياخي ما برشّك
لكن تتناقش معاي
عن إيجابيات وسلبيات الكتابة
في هذا البورد
الملووح
الآن بالهكر
اللي ما بتكفيه جروح
عشان ما يروح
خت شروطك
زي ما عايز
واستغفر لي الله وتوب
وفكر بي رواقة وتعال لي
سمح؟
وليكن أول موضوع
الغموض
أو عدم الوضوح
أو أي موضوع في ذهنك يلوح
| |
|
|
|
|
|
|
Re: عبدالفتاح ابو شيمة ...... سؤال واحد بس !!! (Re: ناصر احمد الامين)
|
سبحانك اللهم و بحمدك .. اشهد ان لا اله الا انت .. استغفرك و أتوب اليك؛ اللهم اغفر لنا ما أسررنا وما أعلنا، ناصر قلنا آمين لكن سأفتح بوست ولكن على شروطي لا تكن حراً وتقيّد حرية الآخرين، ثم كن ملتزماً فالكتابة التزام أستودعك الله ولكن مرة أخرى إن لم أجدك في مستوى ما طلبت من التزام ياها اللي معلقة فيك مهما قلت سيك ميك شكراً لطولة بالك وأخلاقك العالية ولا فضّ فوك
في رعاية المولى عزيزي القارئ
وإلى لقاء آخر
| |
|
|
|
|
|
|
|