اتفرجوا !! اليوم قالوا مشروع الجزيرة هو البقرة الحلوب للاقتصاد السوداني وطيب كانت قبيل عاقر؟

Quote: الانفصال وكده ضياع البترول ومشتقاته فلن يتبقى في الشمال غير مشروع الجزيرة الكان ممشي البلد زمن وزمن الخطوة الاولى هي نصف المشروع، الخطة الكاملة هي كل المشروع

Quote: الخطورة في التصريح دا بعني ان الحكومة ستقلع اراضي مشورع الجزيرة وما الوجود المصري الا تمهيدا لذلك

Quote: سهام ان كنت تقصدين فقدان جزء من الوطن فانا معك ابصم بالعشرة اما ان كان قصدك لا امل في اعادة الحال الى ما كانت عليه لمشروع الجزيرة ففي تقديري الامل متوفر طالما الارض موجودة غير ان العودة اليه بعد تلك السياسات التي استهدفته ومزارعيه ستكون حتما عودة مزلة .

Quote: زمان د. فاروق كدودة قال انو الاقتصاد ده مافى مشكلة انو نحل مشاكلو فى طرق كتيرة لى كده لكن الاخلاق دى هى المشكلة نرجعها كيف؟؟؟؟

Quote: آآآآآآآآآآي لانك جاى هامل من الشمالية وما ليك علاقة بالمشروع حد بعتب عليك مافي

Quote: اها، لي حق ارفع كلاشي في شان المشروع دا وللا كيف

Quote: انت يا ود شيقوق من الجماعة ال لمن تصب المطرة بعيد بركبو البوكسي ساعة عشان يشوفوها صبت وين؟؟

Quote: المطرة لما تنزل علا ترفع عراقيك و سر.......ك فوووووق وتخوض بكرعيك

Quote: ان شاء الله المكنة جاز بس

Quote: ابعدوا انتم ما ناس وجعة واحد كردفاني وواحد شمالي وواحد لحم راس كلكم ما من الجزيرة لكن لولا مشروع الجزيرة لكان الاول ( الفاتح) هسع امي متجول بين شدر التبلدي والهشاب والتاني ( على ) بينجر في سبيطة بركاويهو والثالث ( الشايقي) بقيس في سمك القراصيييييييييييييييييييي

Quote: والتاني ( على ) بينجر في سبيطة بركاويهو والثالث

(عدل بواسطة Ali Sirelkhatim on 01-11-2011, 02:35 AM)

Quote: يا الطيب شيقوق يعني انحن نسكت ما نتكلم ونبعد من بوستك دا ولا شنو ؟

Quote: يا شيقوق يا طيب خليك من الجزيرة انت غاز البردانه وين ؟ راح فى البير

Quote: علاقتى بمشروع الجزيرة والمناقل الوالد عمك سرالختم ابراهيم عيسى سوارالدهب مهندس رى وحاتك يا ودشيقوق المشروع ده قام على اكتافو قبل مانولد نحنا وبعد ولدونا ياخوى الاماكن العشنا فيها اثناء خدمة الوالد {تفتيش ودفقدة والكريمت و24 القرشى وسرحان و26 الكوة وودالحداد} يا خى انا قريت الابتدائى فى ودالحداد ستة سنة بنمشى من التفتيش للمدرسة وبنقطع كبريين واحد فى ترعة الجزيرة واحد فى ترعة المناقل والمدرسة فى ودالحداد القرية وده كان قبل ان ينقل الوالد الى رى حلفا الجديدة حيث درست العام والعالى هناك ومنها جامعة القاهرة الفرع وكلية الشرطة واحالة للصالح الخاص وهجرة للولايات المتحدة . وحقنا من البلح فى الشمالية يرضو محفوظ..

Quote: خير فينا إن نسينا دور مشروع الجزيره في حياتنا .... زي دور الوالدين في حياتنا ..

Quote: الناس قاصدننا عديل دمروا الجزيرة وفيها حواشاتنا وكل العقاب دمروا مشروع السوكى ولى بة أشقاء من المؤسسين ودمروا الرهدوديل ديوك عدة تحدى كدة شنو الفى السودان ماجابوا خبرو .

Quote: ومن اكبر المظاهر التي أدت الي تدهور المشروع صدور قانون مشروع الجزيرة لسنة2005م الذي الغئ مسئولية الدولة تماما عن المشروع وأعطي المزارع حرية اختيار المحاصيل وبالتالي الغي نظام الدورة الزراعية.فنجد الحواشة فيها أكثر من محصول زراعي الشئ الذي يؤدي الي أنهاك التربة بحيث لاتري تلات أو قصادا يترك بورا لكي يزرع السنة القادمة،كما ان المزارعين في ظل هذا القانون لايستطيعون تحمل تكلفة الانتاج الباهظة بالاعتماد علي الذات مما يضطرهم للجوء مكرهين الي البنوك او الاستدانة من بعض الافراد وعندما ينتهي الموسم الزراعي لايستطعون الوفاء بالتزاماتهم بسبب ضعف الأسعار أو قلة الانتاج فبالتالي تؤول الحواشة من بعده الي البنك بسبب تعسره او الي طبقة إقطاعيه وهي موجود منذ الازل في المشروع ودائما ماتحالف هذه الطبقة الطفيلية الأنظمة الحاكمة لتحقيق حلمها الدفين المتمثل في تحويل اراضي المشروع الي حوا كير إقطاعية والمزارعين الي( أقنان). أذا أرادت الدولة النهوض بمشروع الجزيرة فعليها ان توفر كل الخدمات الزراعية المطلوبة من بذور وأسمدة وإرشاد مع ضمان علاقات أنتاج مقنعة ومحفزة للمزارع وان لاتترك المزارع عرضة لقوانين السوق فدعم المزارع ركن اساسي(بأي شكل من الاشكال)لان المزارع المرتبط بأرضه والمقتنع بعائد عمله هو الأرضية التي تتحرك عليها بقية المهن كما عليها الغاء قانون مشروع الجزيرة لسنة2005م وسن قانون يهتم بتحسين علاقات الانتاج لصالح المزارع. وتعويض الملاك(ملك حر) حتي تكون هناك نهضة زراعية حقيقية عليها أيضا ان تقوم بإعادة تأهيل المشروع من الخزينة العامة. وأخيرا حتي يتم كل ذلك يظل مشروع الجزيرة (لا هو حي فيرجي او ميت فينعي).

Quote: أجزم لن ولم يقدروا على إعادة تأهيل 50 فدان ناهيك عن مليون فدان

Quote: الناس دي محتاجة مليون سنة ضوئية عشان يرجعوا المشروع زي ما كان

Quote: تاباها مملحة تاكلها يابسه فكم امتلأت البطون و انتفخت من مشروع الجزيرة و كم كانت بلادنا مزدهرة بالزراعة التي هي عماد الحضارات فهي (تشبع البطون) و (تملأ الجيوب) و تحقق التنمية المستدامة فالزراعة لا تقوم على مجهود استثماري كبير كما البترول و لكن عائدها و هامش ربحها المادي و المعنوي أكبر بكثير من استخراج المعادن من مصارين الأرض

Quote: مشروع الجزيرة هرم الإقتصاد السوداني لعقود من الزمن.. بوصفا قريبا ليك.. هو جمل الشيل وشريان الخزينة العامة.. انا وات ناس المطرية كنا ماسكين البلد من الداخل, ما خلينا زولا جاع ولا مدّ قرعته إلا كان في بينشات الجامعه... الناس ديل قالوا البترول خلاص بيجيب ليم الكاش.. ومشروع الجزيرة بعماله العاملين ليهم وجع راس قاموا رموه.. ونسوا أن يتركوا باب العودة ليهو.. اها الليلة البترول طار مع أهله.. لكن حليمة للأسف لم يعد عندها قديما ترجع له!!..

Quote: اها لا البترول ولا الجزيرة جونا هسع قالوا بقرة حلوب تقطع منها العلوق وكمان جاي تحلب ؟

ما شاء الله

صاروا هندوس ولا ايه!!!!!!






شعار الإنقاذ الجديد........

Quote: الاخ الحلاوي تحياتي وسلامي عفوك يا ابن عمي فقد جنيت عليك بنكئ جراحاتك .

Quote: والله اعلامكم يطمم البطن

Quote: امس الحقير الاسمو سيف في ندوة الجزيرة مباشر قال مشروع الجزيرة كان عالة علي الدولة وبتصرف عليهو من غير فائدة ... مشروع الجزيرة بقى عال والدولة بتصرف وطيب لامن ما تصرف ح يصل وين ؟؟؟

Quote: صاروا هندوس ولا ايه!!!!!!

Quote: مرافعة منك ذكية ..وقد شفتها لك ببعض المعطيات التاريخية التي لا تخطئها عين ولعلها سبب هذا الحقد على إنسان الجزيرة المتسامح مع الكل دون من او أذى ..لكن مهما طالت بهم الايام فاكيد فجر الشعوب ليس ببعيد وسيذهب الطغاة والطغمة المدنية التي زينت لهم الباطل وملأت نفوسهم غلا والزمن كفيل بتغيير الأحوال إن فشل البشر !

Quote: الطمام الهين دا يا ود شيقوق؟ .. الله يديك العافية....البطن مقلوبة منهم ومن اعلامهم....قول سرطان في المرحلة الثالثة والرابعة يصبح التشبيه ابلغ.

Quote: ديل يبيعوك انت ذاتك .. خلك من مشروع الجزيرة

Quote: شكرا ود شيقوق فالجرح أحيانا يحتاج أن ننكاءه ليطيب

Quote: عزو Quote: صاروا هندوس ولا ايه!!!!!! يا اخي الهندوس بكرموها وبعبدوها وبقبلوها وبنشوا منها الباعوضة وكمان ما بحلبوا لبنها تتجدع مدللة ساى .

Quote: تسلم ، وما تنزعج اكتر من كدا