|
|
|
 Re: صور ... احتفالات المجموعة السودانية بالدوحة في ذكرى استقلال السودان ال55 (Re: عزيز عيسى)
|
Quote: الصورة الفوق لدكتور جمال الماحي ووالدته الله يطول في عمرها خالة أسماء الجنيد.
ما شاء الله دكتور جمال أصبح من مواطني الدوحة النشطين |
اخونا عزيز عيسى لك التحية
ياخي فعلا الدكتور جمال رجل نشط جدا ومشاركا في كل الفعاليات
وازيدك من اوائل الحضور
لك ولوالدته التحية وطولة العمر
والتحية عبرك للشاعرة الرائعة جدا الاستاذة اسماء الجنيد
والتي شاركتنا العام الماضي احتفالاتنا باستقلال السودان ال54
| |
 
|
|
|
|
|
|
|
|
Re: صور ... احتفالات المجموعة السودانية بالدوحة في ذكرى استقلال السودان ال55 (Re: كمبورة)
|
تتقدم المجموعة السودانية بالدوحة باسمى آيات الشكر والعرفان
للاخوة في مركز اصدقاء البيئة
هذا المركز الذي نعتبره دارا لكل السودانيين
والشكر موصول للاستاذ عادل التجاني الذي اتاح لنا كل ذلك
والمجموعة السودانية في اطار احتفالاتها بالذكرى ال55 لاستقلال السودان
اقامت فعالية معرض الكتاب بمركز اصدقاء البيئة
وكذلك معرض الصور التاريخية ومعرض الخط العربي والكوفي كل ذلك بالخيمة
وتزامن معه ورشة الرسم للاطفال بالصالة
وحفل الاغاني الوطنية والاناشيد
شكرا كثيرا اخوتي في مركز اصدقاء البيئة
والشكر كذلك للاخوة ادارة الهلال الاحمر القطري
والذي اقيمت فيه الامسية الثقافية
| |
|
|
|
|
|
|
|
|
|
Re: صور ... احتفالات المجموعة السودانية بالدوحة في ذكرى استقلال السودان ال55 (Re: كمبورة)
|
تتقدم المجموعة السودانية بالشكر الجزيل للاخوة الشباب
الذين شاركونا احتفالاتنا بالذكرى ال55 لاستقلال السودان
الشكر لكل الفنانين والعازفين فردا فردا
الشكر لكم جميعا بقيادة الفنان الاستاذ عادل التجاني
الشكر للاعلاميين ونخص بالشكر اخونا الاستاذعادل ابراهيم و الاستاذ عماد الشبلي
والشكر للاخوة التشكيليين
وشكر خاص للاخوة اسلام كامل والاخ محجوب اللذان اشرفا اشرافا كاملا على ورشة الرسم للاطفال
وكذلك قاما باخراج المعرض
والشكر للاستاذ الفنان عصام الدين الذي شاركنا بمعرض الخط العربي هذا العام والذي قبله
| |
|
|
|
|
|
|
|
|
|
Re: صور ... احتفالات المجموعة السودانية بالدوحة في ذكرى استقلال السودان ال55 (Re: كمبورة)
|
الاخ محمد سلامات وكل سنة انت والاسرة الكريمة وكل ناس الدوحة بالف خير ان شاء الله
ما شاء الله دائما متألقين دائما يا ناس الدوحة
ربنا يكتر افراحكم ان شاء الله
بالله تمت سنة يا محمد ؟ سبحان الله
لي هسة بتذكر جرينا واستعداداتنا للجية واللقاء الجميل الكان معاكم ووسطكم
بالله سلامنا وتحياتنا لكل اهل الدوحة بدون فرز
وتحية خاصة للاسرة الكريمة
وكل سنة وانتم جميعا بالف خير ان شاء الله
| |
|
|
|
|
|
|
|
|
|
Re: صور ... احتفالات المجموعة السودانية بالدوحة في ذكرى استقلال السودان ال55 (Re: اسماء الجنيد)
|
Quote: الصورة الفوق لدكتور جمال الماحي ووالدته الله يطول في عمرها خالة أسماء الجنيد.
|
حبابك يا عزيز كل سنة وانت طيب
يا حليلا خالتي جات مسقط ما لاقيتها ومشت الدوحة في السنة الانا ما مشاركة فيها حظي عجيب ...
تصدق يا عزيز المرة دي هي وامي لاول مره يكونوا في مسقط مع بعض
بتجي زيارات لكن المره دي كان ملمومين ما شاء الله كلهم مع امي وجمال وخالتي واخواني في عمان وانا مجدوعة في بلاد العم سام
لكن والله نفسي اعرف ماسكة المايك بتقول في شنو؟ وشاركت ناس الدوحة بي شنو ؟
يا كمبورة ياخ ما كان تجيب لي التسجيل
يا ناس الدوحة السنة الفاتت شاركتكم سوما والسنة دي ما شاء الله جمال وخالتنا الحنينة الله يديها العافية يا رب
يا عزيز ياخ جمال صاحبكم ده عندو محن كتيرة خلاص ههههههههه
والله يا حليلهم كلهم وحشوني
| |
|
|
|
|
|
|
|
|
|
Re: صور ... احتفالات المجموعة السودانية بالدوحة في ذكرى استقلال السودان ال55 (Re: الفاتح الجنيد)
|
معليش يا كمبورة سامحنا على إنحراف البوست بس نرد على أختنا العزيز سومة
لأنها مشتاقة لأهلها.
Quote: يا عزيز ياخ جمال صاحبكم ده عندو محن كتيرة خلاص ههههههههه
والله يا حليلهم كلهم وحشوني |
قبل شهر ونصف زرت جمال في الدوحة وجلست ثلاثة أيام ما أجملها.
ورغم معرفته المحدودة بالدوحة لكن والله ما قصر خالص طاف بي
الدوحة كلها ومرات لما نشعر بأننا رحنا من المكان الذي نقصده
يوقف السيارة في أقرب محل وبفتح الخريطة ويبحث.
أولاده كانوا معاهو لمدة أسبوعين ورجعوا الإسبوع الماضي.
لاحظت إنك ذكرتي بإنك في بلاد العام سام.. يعني إنتي معانا هنا
في أمريكا وأنحنا ما جايبين خبرك؟
الأخ الفاتح الجنيد تحياتي.
| |
|
|
|
|
|
|
|
|
Re: صور ... احتفالات المجموعة السودانية بالدوحة في ذكرى استقلال السودان ال55 (Re: الفاتح الجنيد)
|
Quote: العزيزكمبوره
كل سنه وانت والعيال وامهم بالف خير وعافية
دائما ملمومين فى المناسبات بطلعاتكم البهية تحفكم الافراح
ربنا يزيدها ويدومها
حبيبنا الدكتور جمال ده ابقوا عليهو عشره
هسى جاكم بى امو
بعد شويه بجيكم بى حلتو كلها
ادوهو فرقه بملاها ليكم لمن تدفق
تحيه ليهو وللحنينة ام جمال
وللاخوة القائمين على هذا العمل الرائع
ولكل الاخوة الافاضل بدوحة المحبة |
عزيزنا الاستاذ الفاتح الجنيد لك التحية والسلام
وكل عام وانت بالف خير وخير والصحة والسلامة ليك ولام العيال والعيال
لك الشكر علي التهنئة
ياخي الدكتور جمال تشوفو تقول له سنين عددا بالدوحة
رجل ود بلد ومشارك نشط وعنده التزام بالمواعيد تضبط عليهو ساعتك
يديه الصحة والعافية ودعواتنا للوالدة بطولة العمر
| |
|
|
|
|
|
|
|
|
|
Re: صور ... احتفالات المجموعة السودانية بالدوحة في ذكرى استقلال السودان ال55 (Re: اسماء الجنيد)
|
Quote: الاخ محمد سلامات وكل سنة انت والاسرة الكريمة وكل ناس الدوحة بالف خير ان شاء الله
ما شاء الله دائما متألقين دائما يا ناس الدوحة
ربنا يكتر افراحكم ان شاء الله
بالله تمت سنة يا محمد ؟ سبحان الله
لي هسة بتذكر جرينا واستعداداتنا للجية واللقاء الجميل الكان معاكم ووسطكم
بالله سلامنا وتحياتنا لكل اهل الدوحة بدون فرز
وتحية خاصة للاسرة الكريمة
وكل سنة وانتم جميعا بالف خير ان شاء الله |
الاستاذة الشاعرة اسماء الجنيد الف الف تحية وسلام ليك وللعيال
الجميع بخير وافتقناك في هذه المناسبة
نعم تمت سنة شايفة الايام بتجري كيف
يوصل سلامك يا بت القبائل
| |
|
|
|
|
|
|
| |
كمبورة
عزيز عيسى
عماد الشبلي
معتصم الطاهر
اسماء الجنيد
الفاتح الجنيد
فيس بوك
تويتر
انستقرام
يوتيوب
بنتيريست