كتب الكاتب الفاتح جبرا المتوفرة بمعرض الدوحة
|
|
 ما الذي سيحل بنا بعد الانفصال؟
|
كل المؤشرات تقول بأن كفة الانفصال هي المرجحة
نقطة صفحة جديدة وليس سطر جديد
ما الذي سيحل بنا نحن مواطني الشمال؟
علي الصعيد الاقتصادي نحن في تدهور مستمر
علي الصعيد الاجتماعي فلن يقبل أحدنا الاخر
وسيظهر ألف صوت إنفصالي آخر (شرق -غرب وحتي الوسط*)
* أنا طبعاً من الوسط ولو ديل طالبو بقرير مصير
ياني الخاشي لي في غابة عشر وما سك سلوكتي
|
|
 
|
|
|
|
|
|
|
|
Re: ما الذي سيحل بنا بعد الانفصال؟ (Re: ممدوح أبارو)
|
ياخ حتي شبكة الانترنت نحنا عندنا في الجزيرة كعبة
تقول لي ما مهمشين؟
قمت من الصباح وكالعادة شلت ألف جنيهي( بالقديم)
قاصد الدكان عشان أجيب صندوقين بسكويت بي تمنمية*
واحد للشافع والتاني المدام وسجارة من أبو مية وخمسين حسب قدرتي لي براي
مقنعاً نفسي بأنه تمييز إجابي كونو نصيبهم أكبر مني!
فما كان من سيد الدكان إلا وأن صفعني بخبر مفاده أن السيد بسكويت (بركة)
أصبح بخمسمية وبالتالي راحت علي سيجارة الصباح
* القمح بنزعو عندنافي مشروع الجزيرة
ومصنع البسكويت علي بعد كيلو من بيتنا
وبرضو صندوق البسكويت بي 400
| |
|
|
|
|
|
|
|
|
 Re: ما الذي سيحل بنا بعد الانفصال؟ (Re: ممدوح أبارو)
|
الحاجة الوحيدة الطمنتني إنو المواصلات زادت بقت تمنمية
يعني في متين مرتجع حق سيجارة
جيت الشغل وبعد وريت وشي للمدير نزلت تحت
قلت أشرب كباية جبنة بي مزاج عند خالاتك تحت النيمة
بعد ضربت كبايتي ديك وحبست بالسيجارة القبيل
جاء وقت الحساب لأتقي صفعة أخري بأن كباية القهوة بقت بي ألفين!
والخالة شبكتني ليك ياولدي السكر زاد والفحم بقي نار من شوالو وكلام كتيير
قلت ليها والله يا خالة مافرقت أي حاجة طلعت السماء أشمعني إنتو؟
ونقدتها عدد إتنين جنيه بالجديد بعد أن ودعتهما وداع الاخوة الجنوبيين
| |
|
|
|
|
|
|
|
|
|
Re: ما الذي سيحل بنا بعد الانفصال؟ (Re: ممدوح أبارو)
|
أها يازول لملمت طرف حسرتي ديك ورجعت المكتب
ودورت ليك نقاش مع بعض الزملا/ت عن الاوضاع والنفصال والكلام الكتيير داك
وبالجد أحبطت أكتر من إحباطي بتاع ضياع سيجارة الصباح
اللمستو من بعض الزملاء تجاه قضية الاستفتاء والانفصال برغم إنو ما معيار
زاد يقيني بأننا شعب لايمكن نتعايش بإختلافاتنا العرقية والدينية دي
وزاد يقيني بأنو الجنوبيين أحسن ليهم ينفصلو ...
علي الاقل يحاولو يعيشو حياتم من غير وصاية ولا إقصاء
| |
|
|
|
|
|
|
|
|
|
Re: ما الذي سيحل بنا بعد الانفصال؟ (Re: ممدوح أبارو)
|
Quote: الحاجة الوحيدة الطمنتني إنو المواصلات زادت بقت تمنمية
يعني في متين مرتجع حق سيجارة
جيت الشغل وبعد وريت وشي للمدير نزلت تحت
قلت أشرب كباية جبنة بي مزاج عند خالاتك تحت النيمة
بعد ضربت كبايتي ديك وحبست بالسيجارة القبيل
جاء وقت الحساب لأتقي صفعة أخري بأن كباية القهوة بقت بي ألفين!
والخالة شبكتني ليك ياولدي السكر زاد والفحم بقي نار من شوالو وكلام كتيير |
الاخ العزيز
ممدوح ابارو
تحياتى ومتابع بدون سجارة
| |
|
|
|
|
|
|
|
|
|
Re: ما الذي سيحل بنا بعد الانفصال؟ (Re: ممدوح أبارو)
|
ممدوح قول يا معين......
الاسؤ من كل الغلاء هو عنصرية زملائك التي اشرت لها باستحياء
عارف ده الشيء الوحيد البخلينال ا تونس ولا مصر
هو انقسام الشارع عرقيا.
البقول يمشوا الجنوبين عشان ما بيشبهونا
بكره حيقول يمشوا النوبه ما هم برضو ما بيشبهونا وكذلك الدارفورين!!
اها الدارويش الزي ديل لو سالوهم هم بيشبهوا منو؟؟؟؟ما تلقة لك اجابه.
دعواتي بان يحفظكم الله يا ممدوح.
| |
|
|
|
|
|
| |
ممدوح أبارو
طلعت الطيب
Hisham Ibrahim
Tragie Mustafa
فيس بوك
تويتر
انستقرام
يوتيوب
بنتيريست