|
|
 فى النيل الازرق الان الطيب مصطفى يقول من ناحية رجاله ساكت لايليق بنا ان نتهافت على الجنوبيين؟؟؟
|
الان فى ندوة عن مألآت الانفصال يشارك فيه:
حسين خوجلى و طه النعمان والطيب مصطفى
عندما سال الطيب مصطفى عن موقف الشريكين من جعل الوحدة جاذبه
الطيب يقول قد تهافتنا على الجنوب كثيرا ولا يليق بنا من ناحية
رجاله ساكت ان نفعل اكثر مما فعلنا وباقان اموم يقول باى باى
العبودية وباى باى الرق وباى باى عدم الاحترام وباى باى التهميش..
والطيب يراهن انه لو تم استفتاء للشماليين لفضلو الانفصال عن الجنوب.
علما بان الافادات العشوائية التى تم استطلاعها من الشارع كلها قالت
انها حزينة للانفصال واتهم الطيب التلفزيون ان هذه عينات منتقاة.
هولاء هم من يقرر فى مصير شعب كالشعب السودانى.
اتمنى ان لايقرر المؤتمر الوطنى فى مستقبلنا كما قرر حاضرنا ورسمه
باجندته..
الى مزابل التاريخ الطيب مصطفى وكل من يؤيد انفصال السودان،،
|
|
  
|
|
|
|
|
|
|
|
Re: فى النيل الازرق الان الطيب مصطفى يقول من ناحية رجاله ساكت لايليق بنا ان نتهافت على الجنوبيي (Re: elsawi)
|
Quote: صديق يا صديق
واجع راسك بالتلفزيون ساي
تصدق أني قافل التلفزيون بالضبة والمفتاح
وما قاعد أعاين ليهو خير شر
عشان ما أشوف الأشكال دي...........
تحياتي لك والأسرة الكريمة... |
الشايقى كيف حالك
وحاتك يا الشايقى الزول من شدة ما حزين على البحصل
ده اى شى سودانى الزول عاضى عليه بالنواجز،خايف ناس
المؤتمر الوطنى ديل يبيعوا تاريخنا لى شركة صينية
والا ماليزيه كمان..
عشان كده بنشاهد فى باقى السودان كان فضل شى..
شكرا على التحيات الحارات فالتحايا الباردة تهدى شتاءا،،،
| |
|
|
|
|
|
|
|
|
|
Re: فى النيل الازرق الان الطيب مصطفى يقول من ناحية رجاله ساكت لايليق بنا ان نتهافت على الجنوبيي (Re: صديق الموج)
|
| Quote: الكلام ده يمشي يقولو لي ود اختو |
الصاوى العزيز سلام
تصدق عندما ابتدر مصطفى النعمان الحديث بسؤال للطيب مصطفى
عن ماذا تعنى له اسماء مثل الزين تام والراجى منو وفضل الكريم والراكز الله؟
فى اشارة الى الخطأ التاريخى الذى مارسه اهل الشمال على اهل الجنوب..
كان رد الطيب ان دينق ماجوك وهو سلطان الدينكا كان اكبر تاجر رقيق
مع ان اهل السودان يسمون السلطان دينق ماجوك حكيم الجنوب قاطبة
هذا الرجل الذى كان التعايش السلمى فى عهده ومعه طيب الذكر بابو نمر
بين دينكا نقوق والمسيرية مضرب مثل الى الان..
حدثنى الاخ فيلب شول وهو من ابناء ابييى عن حكمة دينق ماجوك
وبابو نمر فى ادارة هذه الرقعه ونحن الان لا نعرف حتى ان نسميها
بعضنا يطلق منطقة تماس والاخرون منطقة تمازج.
قال الاخ فيلب فى موسم هجرة المسيريه نحو بحر العرب كان السلطان
دينق مجوك يذهب الى المجلد وياتى الناظر بابو نمر ليجلس فى ابييى وكانت
كل قبيله تتجنب الدخول فى مشادات مع القبيله الاخرى خوفا على كبيرها
المتواجد مع الطرف الاخر حتى لايصاب بمكروه..
وياتى اخر الزمان مثل الطيب مصطفى هذا يتحكم فى مصير العباد والبلاد
متحامقا على الجغرافيا والتاريخ ويطالب ليس بالانفصال فقط بل بعدم
الوحده مستقبلا مهما كان الثمن..
هذا نوع من القرف لم ارى مثله فى حياتى..
صدق الشاعر الذى قال:
اذا جهلت من امرى اعراقه وانسابه فانظر الى ماذا يفعل..
قاتلك الله من متملق بائس منتفع حقير،،،
| |
|
|
|
|
|
|
|
|
|
Re: فى النيل الازرق الان الطيب مصطفى يقول من ناحية رجاله ساكت لايليق بنا ان نتهافت على الجنوبيي (Re: صديق الموج)
|
Quote: تحياتي صديق الموج
يا زول الطيب مصطفى دا لو عايز يمشي يزور قبر ولده في الجنوب
يعني لازم ياخد تأشيرة ويسافر عشان يزور قبر ولده ما أحسن لية يكون في جوار أخوي ما بين الدولتين تحسباً لأي ظروف مستجدة بالشمال .
غشان أهلنا قالوا الدنيا دي ما مضمونة والبتحزم بيها عريان . والدنيا أرنب ممكن تمرق في أي زمان ومكان.
بحيراوي |
بحيراوى الطيب هذا لم يترك للصفح ولا سنتمتر واحد وافتأ بان لا
تعايش مع الكفار ولا الكتابيين وقال ان صحيفة المدينة سقطت يوم
ان طرد سيدنا عمر بن الخطاب اليهود وقال لا يجتمع دينان فى جزيرة
العرب وهاهو خال عمر الجديد يقول ذلك..
والله ما اضر بالاسلام الا نوع الطيب مصطفى ده،،،
| |
|
|
|
|
|
|
|
|
|
Re: فى النيل الازرق الان الطيب مصطفى يقول من ناحية رجاله ساكت لايليق بنا ان نتهافت على الجنوبيي (Re: أسامه الكرور)
|
اخي صديق الموج
صدقني انا ما كنت عارفك انت فقيه في التفسير ماشاء الله عليك اخبرنا جدول حلقات التفسير عندك
ولزم الفائدة ايضاً تفسير الاية كاملة
(( إِنَّ الَّذِينَ كَذَّبُوا بِآيَاتِنَا وَاسْتَكْبَرُوا عَنْهَا لا تُفَتَّحُ لَهُمْ أَبْوَابُ السَّمَاءِ وَلا يَدْخُلُونَ الْجَنَّةَ حَتَّى يَلِجَ
الْجَمَلُ فِي سَمِّ الْخِيَاطِ وَكَذَلِكَ نَجْزِي الْمُجْرِمِينَ ))[الأعراف:
(على ظاهرها، من كذب بآيات الله، واستكبر عن اتباع الحق هكذا شأنه لا ترفع روحه إلى السماء
بل ترد إلى الأرض، وإلى جسده حتى يمتحن ويختبر ويعاقب في قبره، ثم تنقل إلى النار نسأل الله
العافية وكذلك لا يدخلون الجنة أبداً، ولهذا بين سبحانه أن لن يدخل الجنة حتى يلج الجمل
في سم الخياط، ومعلوم أن الجمل لا يلج سم الخياط، سم الخياط يعني خرق الإبرة، والمقصود من
أن هذا مستحيلاً أن يدخل الجنة، كما أن دخول الجمل في سم الخياط مستحيل، فهكذا دخولهم الجنة
لكفرهم وضلالهم، ومستحيل دخولهم الجنة، بل هم إلى النار أبد )
الشيء الثاني انا خايف الطيب مصطفي بكره يرجع للناس دارفور والنيل الازرق وجنوب كردفان والشرق
ويبث سمومه لممارسة هوايته المضله (العنصرية) ويبدا في تقسيم البلد وانا كنت اشاهد الحلقة
وقلت يا ربي الطاهر ما وجد من السودانيين غير الطيب مصطفي لهذا البرنامج والمحيرني هو محتج علي الاستاذين الكبيرين حسين خوجلي والنعمان لانهم وحدويين وكان يجيب معه واحد انفصالي اخر لتكافو الفرص ولكن المعلومة الغائبة له انه لايوجد انفصالي غيره حتي يأتي به الاستاذ طاهر
نسأل الله ان يشفي كل مريضي بلادي
| |
|
|
|
|
|
|
|
|
|
Re: فى النيل الازرق الان الطيب مصطفى يقول من ناحية رجاله ساكت لايليق بنا ان نتهافت على الجنوبيي (Re: haroon asram)
|
يا الغلابة تهتو في العيشة وصعابها
البلد في عز عذابها كل زول خلاها سابها
يا الغلابة.....
النضال فكينا دربو في طريق مسدود مشينا
التراب ضيعنا حقو عشنا عاد في غربة شينة
وروحنا واقفة ممحنة ويلا نبدا من هنا
الكفاح العاجبو الهنا وقبضة الثوار مهابة
يا الغلابة.....
كل واحد حالتو حالة همو فوق اهلو الحزانة
همو في بلدو وحكايتو الخلاص فقد المكانة
وبالكفاح الليلة نشقى بكرة عاد يا حلوة نلقى
المصانع النورها بقا والبلاد الفوقها سابها
يا الغلابة.....
( الساب) اهله ودياره خلّف الاحزان وراهو
الطشى من امو وابوه يمضي حول ما يشوف جناهو
الزمان اظن قصدنا في البلاد شتت عددنا
ربي عاين لبلدنا وارحم الناس التعابة
يا الغلابة.....
الخريف هجر البوادي والحزن في كل شارع
الجفاف في الوادي عما وشفتو في وجه المزارع
يا مداين يا جناين نحن اصبح حالنا باين
يا مصانع يا جناين نحن اصبح حالنا باين
يا بلدنا يا بلدنا ..يا بلدنا يا بلدنا ..يا بلدنا يا بلدنا ..يا بلدنا يا بلدنا ..يا بلدنا يا بلدنا ..
مافي داعي نقيف نعاين نرجى في مطر السحابة
| |
|
|
|
|
|
|
| |
صديق الموج
ندى صالح الطيب
Al-Shaygi
elsawi
abuarafa
البحيراوي
موسى أحمد مروح
الطيب رحمه قريمان
يوسف السماني يوسف
معاوية عبيد الصائم
أسامه الكرور
haroon asram
Abdlaziz Eisa
فيس بوك
تويتر
انستقرام
يوتيوب
بنتيريست