|
|
 ماذا يفعل المازدا بمنتخبنا القومي ... احضرونا وافتونا يا أهل الرياضة ...
|
هذه كانت مداخلة لي بوست بهاء عيسى
| Quote: امكانيات المدرب مازدا مناسبة مع امكانيات المنتخب |
شكل ومستوى المدرب ومنهجيته ورؤيته الفنية تتضح في شكل اللاعبين وطريقة اداءهم حتى وإذا خسر أو ربح الفريق
سؤال : را يكم شنو في التشكيله وطريقة الاداء ...
غايتو يامازدا الحاجة الوحيدة الفيك عجبتني قشرتك ( اناقة كاملة ) برضو حسنه كبيرة
ملاحظين هذه الايام انا ماسك في قصة لبس اللاعبين والمدربين والجاهز الفني .... برضو ح نتكلم عن تصميم شعار المنتخب
|
|
 
|
|
|
|
|
|
|
|
Re: ماذا يفعل المازدا بمنتخبنا القومي ... احضرونا وافتونا يا أهل الرياضة ... (Re: وليد عبد اللطيف)
|
Quote: غايتو يامازدا الحاجة الوحيدة الفيك عجبتني قشرتك ( اناقة كاملة ) برضو حسنه كبيرة
ملاحظين هذه الايام انا ماسك في قصة لبس اللاعبين والمدربين والجاهز الفني .... برضو ح نتكلم عن تصميم شعار المنتخب |
وليد عبداللطيف .....سلام وكل سنة وانت طيب ..
قنعت من خيرا فى اللعب واللاعبين .. قلت احسن تشوف طريقة اللبس ?
برضو شغل كويس ومابطال شان ما يبقى علينا بشتنة لعب ولبس ...
لكن حسب ظنى اخير اللعب من موضوع اللبس ...
مرة من سفراتى بالقطرية شايفة ليك وفد رياضى لابسين فل سووت بس درجات اللون متفاوتة
كل درجة من بلد ..قلت برضو كويس ما بطال ... لما عاينتى للرجلين عينك ماتشوف الا السفنجات والشباشب .
تقول لى موضوع اللبس ???
| |
|
|
|
|
|
|
|
|
|
Re: ماذا يفعل المازدا بمنتخبنا القومي ... احضرونا وافتونا يا أهل الرياضة ... (Re: وليد عبد اللطيف)
|
بالله كمان بالمره شوفو لينا قصة اطراف المنتخب الجارية ساكت زي السيل ومافي شيء يثبتهم غير صافرة الحكم
دائما هذه هي مشكله اطراف الكره السودانية ...
نفسي يوم اشوف لاعب يحدد لاعب ويعكس له الكره
حتى من خلال حركة الهجوم معهم تحس الهجوم جاري بس عشان يدخل خط المرمي
ويقول بعد ذالك انا وصلت المرمى ومافي واحد عكس لي الكره ...
حتى الضربات الثابته تحس انه مافي جمل تكتيكية يتفقون عليها او عملوا على التمارين عليها
واقفين وسارحين وكنت عايز اشبه لكن استغفر الله العظيم ...
اين المازدا هنا ...
| |
|
|
|
|
|
|
|
|
|
Re: ماذا يفعل المازدا بمنتخبنا القومي ... احضرونا وافتونا يا أهل الرياضة ... (Re: وليد عبد اللطيف)
|
قصة المضحك المبكي
مثل اللقطة الفوق
عمر بخيت وعلاء الدين بابكر اختلفوا في تنفيذ الركله الحره امام مرمى الخصم
اها من غير اتفاق في تنفيذ الضربة وشكلهم لم يتمرنوا عليها من قبل
ويظهر لي اقرب واحد للكرة هو الذي ينفذ الفاول امر عجيب
اها ياحبايبي ياحلوين يقوم علاء الدين جاري ويمرر عمر بخيت الكره في ظهره وضاعت
و طبعا ضاعت فرصة ممكن تحقيق هدف منها ..
مارفت اضحك وللا ابكي
اين مازدا هنا
.
.
بنفس هذه الطريقة تكرر المشهد نجح مهند الطاهر في تنفيذها ... وعجبتني جدا
ولكن لم اذكر او اشاهد اللاعب الذي كان معه ساعدونا بالشريط يامعاوية حسين
دي نجحت بمجهود اللعيبه فقط
والمهارات والاشياء التي يضيفها المدرب على اللاعب تظهر
والاشياء التي يقدمها اللاعب داخل الملعب بمجهودة برضو بتظهر
ارى انها كانت من مجهود مهند وزميله فقط والمازدا ليس له دخل بها ...
| |
|
|
|
|
|
|
|
|
|
Re: ماذا يفعل المازدا بمنتخبنا القومي ... احضرونا وافتونا يا أهل الرياضة ... (Re: اسامه خليفه)
|
الاخ اسامه خليفة
Quote: وليد .. سلام
انت مازدا دا بدفع قروش عشان يدرب ولا كيف ؟
الفرقة كانت جاهزه ولكن بدون اي خطة ...
وكل التعديلات التي اجريت كانت غير موفقه تماما ... بالجد الكج في مازدا .. |
مازدا مابيدفع قروش زمان في كل هزيمة كان شماعتهم مازدا شغال مجاني
اها عمل درون مع غانا عملوا ليهو عقد لتدريب الفريق القومي
وخسر المباراة الاخيرة قدموا له خطاب شكر ...
المشكله مافي مازدا المشكلة المنتخب ليس له وجيع ( يتيم )
تحياتي
| |
|
|
|
|
|
|
|
|
|
Re: ماذا يفعل المازدا بمنتخبنا القومي ... احضرونا وافتونا يا أهل الرياضة ... (Re: وليد عبد اللطيف)
|
مازدا
مازدا
الفرق الكينية توقف عطائها الكروى بعد زوال قورماهيا وليبرس
وحسب علمى ان اللاعب الكينى فى هذة الايام وفى ظل تقصير الدولة
تجاة الرياضة عامة لا يمتهن الكرة ولا يتابعها وفى المباريات
الدولية تتم دعوة اللاعب الى المشاركة بعد دفع مبلغ مالى لة
فى شكل تعاقد ينتهى بعد انتهاء المباريات المتفق عليها و بعد
الاستأذان من مقر عملة ثم ينتظم فى التدريب قبل اسبوع او اسبوعين
من بدء المشاركات.
اى ان فرق كينيا لا تمتهن ولا تتابع الرياضة ان صح القول كما
كانت فى السابق ويمكن حسب راى هزيمتها وبالعشرة ولكن وجود مازدا
وافكار مازدا وتدريب مازدا العقيم جعلت من اللقمة الثائغة شوكة حوت
فى حلق الشعب السودان .
اسال الله العلى العظيم ان يذهب مازدا غير مأسوفا علية كما اذهب
سلفة شداد يا رب
| |
|
|
|
|
|
|
|
|
Re: ماذا يفعل المازدا بمنتخبنا القومي ... احضرونا وافتونا يا أهل الرياضة ... (Re: وليد عبد اللطيف)
|
Quote: لكن وجود مازدا
وافكار مازدا وتدريب مازدا العقيم جعلت من اللقمة الثائغة شوكة حوت
فى حلق الشعب السودان .
|
يوم امس في عالم الرياضة الفاتح النقر قال كلام خطير
قال : ليه الناس تنتقد مازدا وحاول يعمل كمية من المبررات
واسخفها قال : الذين انتقدوا مازدا في الصحف ليس لهم علاقة بكرة القدم ولم يلعبوها قبل كدا
اندهشت جدا من كلام كابتن كبير ومدرب مثل الفاتح النقر
ياخي بشوف ناس بتكتب هنا بس عن كرة القدم احيانا اتخيل لو كانوا بلعبوا كورة وعندهم نفس الفهم دا كان مستواهم بكون شنو
وحتى اذا احترفوا التدريب كان سوف يكون لهم مستوى طيب
وهذه عقدة لاعبي كرة القدم اذا تحدث معهم شخص في فنون كرة القدم ابسط شيء يسالوه
عن اذا لعب كرة قدم ام لا
كلام غريب يالفاتح النقر ...
| |
|
|
|
|
|
|
|
|
|
 Re: ماذا يفعل المازدا بمنتخبنا القومي ... احضرونا وافتونا يا أهل الرياضة ... (Re: Hisham Amin)
|
** ود عبداللطيف ..
** ســـــــــلام ..
## قناعتى الذاتيه بهذا المازدا لايصلح لتدريب فريق رابطه ناهيك عن فريق فى درجه أو فريق قومى ,, غايتو اللعيبه اللعبو المباراه الاولى ضد كينيا لو دربم ابو اللول كان رشو كينيا ..
** الخوف الكوره الجايه من التلاتات ,, هذا الرقم المُحبب لمازدا .. (والعذر الجاهز أنو المُشاركه الغرض منها الإعداد!!! ولى شنو ؟؟؟ ماعارف !!!)
### غايتو الكوره والتدريب وعلاقة مازدا بيهم زى علاقتى بهندسة الفيزياء الفضائيه وأثرها فى توجيه الصواريخ الليزريه ..
(ودام الود بيننا)
(ابو محمد فؤاد)
| |
|
|
|
|
|
|
|
| |
وليد عبد اللطيف
عبدالله السفاح
اسامه خليفه
Hisham Amin
عبدالكريم أحمد الامين
الصادق صديق سلمان
فيس بوك
تويتر
انستقرام
يوتيوب
بنتيريست