|
|
 فتوى لعبة اللوتري
|
لي صديق مغرود في المسألة دي
فبالله البلقى فتوى لذيذة كدا وفي صالحو* يمدو بيها
ـــــــــــــــــــــ
* فتاوى الزجر قال هو عارف مكانها وين، فما في زول يجيبا ليهو
|
|
 
|
|
|
|
|
|
|
|
Re: فتوى لعبة اللوتري (Re: Amira Elsheikh)
|
هو أساساً السائل جا عن طريق اللوتري
لكن هو ما بيسأل عن لوتري الفيزا،
بيسال عن لوتري القنزب
إتصلحي معانا يا بت الشيخ!
ـــــــــــ
ليك وحشة يا أميرة
إن شاء الله قضيتي إجازة سعيدة
| |
|
|
|
|
|
|
|
|
|
Re: فتوى لعبة اللوتري (Re: Ashraf el-Halabi)
|
بيسال عن لوتري القنزب
طلعت اوف بوينت ?الللية وووووب ...
انتو اتصلحو اول وادونا خارطة طريق كاملة شان نحن نتصلح
ونكون فى التراك ..
اما الاجازة والله كانت احسن مايكون .....اخر متعة
| |
|
|
|
|
|
|
|
|
 Re: فتوى لعبة اللوتري (Re: Amira Elsheikh)
|
Quote:
ازيك يا اشرف .......
اللوترى حرام ...حرام ...
لانو يدخل فى باب دعوة الناس للسفر لبلاد الفسوق ....
اقول قولى هذا واستغفر الله لى ولك .. |
يا بت الشيك البوست ده بيتكلم عن حاجة
تانية خاااالس مختلفة من القاصداهو إنت، اسما
الــ649ـ نحن زاتنا لو لقينا فيها فتوى مقنطرة
بنشوت ضفاري.
يا اشرف،
غايتو مرّة وآحد صاحبي ادوهو تذكرة هدية بمناسبة
الكرسماس، ورفض يتصرف فيها إلآ بعد يستشير
شيخ عبد الله إدريس (الراجل ده صديقنا وما عندنا ادنى
شك في غزارة علمه). اها شيخ عبد الله قال: طالما هي هدية
فما فيها حاجة. يا زول قفلنا عليها جنس قفلة لكن طلعت
فشوش، ومن اليوم داك بقينا زي زولك ده كايسين لينا
لفتوى مريحة.
لو وصلتوا لحاجة الرجاء إخطارنا.
اخوكم المغرود بالحيل/ ود المدير...
| |
|
|
|
|
|
|
|
|
|
Re: فتوى لعبة اللوتري (Re: Ashraf el-Halabi)
|
| Quote: اعتقد ان 649 او غيرها من اللوترى , كلها قمار و لا شك ان القمار حرام |
صديقي دا يا بو الطيب قال طال ما الترابي أجاز زواج المسلمة من كتابي أكيد شغلة اللوتري دي بتتباصر
| |
|
|
|
|
|
|
|
|
|
Re: فتوى لعبة اللوتري (Re: Amira Elsheikh)
|
الأخ ... اشرف
تحياتى ..
Quote: لي صديق مغرود في المسألة دي
فبالله البلقى فتوى لذيذة كدا وفي صالحو* يمدو بيها
|
متأكد ما ليك إنت ..
أول حاجة لوتريكم دا وين لأنو شايف ناس كندا شرّعوا و لعبتهم دى ما عارفها ..
لكن إتخيل أمس المواعيد دى إتنين كل واحد قاطع تذكرة بفت دولار شوف ربحو كم ؟!
تلتمية خمسة و خمسين مليون لنفرين ؟؟
ياربى تكون واحد منهم ؟ ههههه
يازول عندى صحبى فلسطينى حللها بحجة انو المسلمين اوجه صرفهم مازى الاسرائيلين و ما بدخلوها فى حرب لذلك هو بلعب و بعدين بيبنى كم جامع و مستشفى و سبعة
حجات و و و ... ( فقه الضرورة )
أما لو جيت للجد ..فيا صحبى دى من الموبقات المهلكات لو انا ما غلطان الشغلانة ميسر عديل و لو مغالطنى اسال زميلنا عماد موسى ، الله يستر ما يفتح ليك بوست.
_____________________
نبقى زى اخونا الصادق اسماعيل فى البوست دا نتابع .. عسى و لعل ههههه
.
| |
|
|
|
|
|
|
|
|
|
Re: فتوى لعبة اللوتري (Re: عبدالرحمن عزّاز)
|
| Quote: اعتقد ان 649 او غيرها من اللوترى , كلها قمار و لا شك ان القمار حرام |
الطيّب اخوي، مالك موقفا خشبة كدي؟
خليك مرن شوية. يعني حاول ابقى
ترابي مرّة. ما شايف الملآيين الفوق
دي...
| |
|
|
|
|
|
|
|
|
|
Re: فتوى لعبة اللوتري (Re: معاوية المدير)
|
| Quote: متأكد ما ليك إنت .. |
دا الكلام الأنا قلتو لصاحبي دا
قلت ليهو حتجيب لي الهوا
تخيل يا عزاز أنا حتى طريقة لعبها ما عارفا!
وشايفا، بإقبال المهاجرين المحبطين الشديد عليها، زيها وزي المخدرات واحد
حاجة كدا بتغيبك عن الواقع
صاحبك الفلسطيني دا زي زميلنا الباكستاني، يقرب يقيم علينا الحد لما ناكل ساندويتش بيرقر ويوم اللوتري تلقاهو شايل ورقتو ويشخبت ويدعي!
قلت لي اللتنين ديل قسموا 355M$!!
جييس!! 
قبل كدا عملوا لقاء مع واحد فايز بخمسين مليون، قالوا ليهو أول كلمة قلتها لما تأكدت إنك فزت
قال أول حاجة قلتها "هولللي شيييت!"
| |
|
|
|
|
|
|
|
|
|
Re: فتوى لعبة اللوتري (Re: Ashraf el-Halabi)
|
Quote: قبل كدا عملوا لقاء مع واحد فايز بخمسين مليون، قالوا ليهو أول كلمة قلتها لما تأكدت إنك فزت
قال أول حاجة قلتها "هولللي شيييت! |
ههههههههههههههههههه
و الله يا اشرف فقعتنى بالضحك و طولت من البورد ماعرفت محل الوشوش الضاحكة
زولك دا يمين لو وقعت ليهو بتاعت امس دى و قسمو ليهو نصيبو بجيهو هارد اتاك عديل
ياخ دى قروش تجنن .
تعرف يا اشرف معظم الوقعت ليهم ما بعرفوا ليها ، بدفع دولارو الواحد لبتاع الطرمبة و الماكينة
تختار ليهو عشوائى يعنى زولك الباكستانى دا قدر ما يلخبت الارقام و يعمل عبقرى تلاقيهو بعد كم طاشر سنة
لسه حايم بورقو ، يمين صحبى دا حضر فيها بالتنظير ما خلى تاريخ الميلاد ، ارقام الصوشيل ، لم ليهو ستة قرى فلسطينية
جاب عدد حروفها و خت ليك رقم تلاتة آخر رقم Ball Number اخد نفسين من سجارتو و قال لى دا عدد حروف ( غزة )
و قعد يغنى :
الله معانا اقوى و أكبر من بنى صهيون
هههههه
و بعد دا ارقامو كوووولها طلعت لا فى العير و لا فى النفير.
ياخ الحلم مشروع كعب العدم ز
| |
|
|
|
|
|
|
|
|
 Re: فتوى لعبة اللوتري (Re: طارق جبريل)
|
| Quote: و لو مغالطنى اسال زميلنا عماد موسى ، الله يستر ما يفتح ليك بوست. |
ماتعمل رايح يا اشرف من كلام اخوك عزاز دا وجهز ليك فتوى قبل ما يفتوك .....
شكلى دخلت اللعبة
| |
|
|
|
|
|
|
|
|
|
Re: فتوى لعبة اللوتري (Re: Amira Elsheikh)
|
Quote:
يا حلبي
انا غايتو زي ود المدير دة |
يا ود جبرين، انا غايتو من تُلقا نفسي كدي
ماااا بمشي عليها. لكن اكان في شيخ غِاِت
غلتة سغيررررونة كدي، وفكالنا باظ. اكان
ما ختيتا ليكم في التمانيات ما تديني إيّدك...
| |
|
|
|
|
|
|
|
|
|
Re: فتوى لعبة اللوتري (Re: معاوية المدير)
|
Quote:
ماتعمل رايح يا اشرف من كلام اخوك عزاز دا وجهز ليك فتوى قبل ما يفتوك .....
شكلى دخلت اللعبة |
يا بت الشيخ، بالله لمان نكون بنتكلم في مواضيع جادة متعلقة
بالمصلحة، والمنفعة العامة ما تجيبولنا ناس هآك ألِوا ديل
بيعملولنا لباش كري. عايزين ناس يتمطوا زي حلآوة علف،
ويكونوا سريعي الذوبان زي حلآوة قطن. ارجوكم ختونا
بتاعين النصيحة.
منتظرين الفتوى يا بت الشيخ. وحات شيخي الـ100 ألف
دولآر حقتك في السهلة.
| |
|
|
|
|
|
|
|
|
|
Re: فتوى لعبة اللوتري (Re: معاوية المدير)
|
Quote: منتظرين الفتوى يا بت الشيخ. وحات شيخي الـ100 ألف
دولآر حقتك في السهلة. |
..دقيقة بجيبها ليك اسى وقبل ما ادبج الفتوى ..
القروش دى حلااااااااااااااااااااااااااااال ياالمدير
| |
|
|
|
|
|
|
|
|
|
Re: فتوى لعبة اللوتري (Re: Amira Elsheikh)
|
التحية لصاحب البوست وزوّاره
قول لصاحبك، قالوا استفتي قلبك... وواضح انه قلبك ملاوز منّها... عشان كده أختاها وشوف ليك موضوع تاني...
غايته ال355 مليون دي كان جاتني لا دايراها ولا بشوفها بي عيني... دي مصيبه والله وبتجيب مليون مصيبه... نبرى منها ونستبرى
| |
|
|
|
|
|
|
|
 Re: فتوى لعبة اللوتري (Re: طارق جبريل)
|
بالله دا أخر موضوع كنت بفكر فيهو أمس قبل ما أنوم
واحدة شغالة في البيت قالت لي أمشي أشتري تذكرتي
وكلمتني بالـ355 مليون
أها أنا قررت من الليلة العبها
وياعزاز قلت لي بيخلوا الماكينة تختارويكسبوا؟
أنا كنت شاكة من كسبان إختيار الماكينة
لاني مابعرف ليها كلو كلو مرة وقفت زي الزول البيعرف وقعدت اختار المرة قالت لي في حدود للارقام
وارقامك ديل فايتات الحد... خجلت
بس الليلة حا اقعد ليها ولازم اعرف طريقة اللعب
| |
|
|
|
|
|
|
|
|
|
Re: فتوى لعبة اللوتري (Re: Rawia)
|
السلام عليكم ورحمة الله وبركاته
اللوترى حـرام وهو عبارة عن يانصيب فأنت تدفع لتكسب وهو عكس المسابقات التلفزيونية الأخرى فهى مجانية الأشتراك فقط عليك الأجابة على أسئلة .
فاللوترى حرام وكسب ماله غير شرعى
-------------------------------------------------------
كنت فاتح حساب توفير فى البنك وبعد سنة أرسل البنك لى شيك عبارة ربا لمالى الموجود فى البنك أحد أصدقائى العرب أستغرب كيف أرفض هذا المبلغ وحاول بكل الطرق أن يقنعنى بأنه مبلغ حلال
| |
|
|
|
|
|
|
|
|
|
Re: فتوى لعبة اللوتري (Re: يسرى معتصم)
|
Quote: ] وهو عكس المسابقات التلفزيونية الأخرى فهى مجانية الأشتراك فقط عليك الأجابة على أسئلة .
|
يسرى بتجيب فتاويك من وين (الاتصال بالبرنامج مش بى قروش انت قايل الهدايا دى بتجى من جمعيه
ايتام المسلمين ما من تلفونك وتلفونى )
اها الفتوى النجيضه :-
بنائء على فتوه اخونا يسرى اللوترى حلال بائن بينونه صغرى اذا كان المبلغ اقل من مليون
وبائن بينونه كبرى اذا كان المبلغ اكثر من عشره مليون دولار 3.
قول لى صاحبك يترى لى تذكره باسمى وبعد داك لو كسيته بشوف وضعو شنو ؟بشوف لى فتوه احاول اطلع
حقو بره لو افتونى ......
ولا خاب من استفتى او استفتاء يوم 9/1
| |
|
|
|
|
|
|
|
|
|
Re: فتوى لعبة اللوتري (Re: manal eltahir)
|
Quote: يسرى بتجيب فتاويك من وين (الاتصال بالبرنامج مش بى قروش انت قايل الهدايا دى بتجى من جمعيه
ايتام المسلمين ما من تلفونك وتلفونى )
|
الأخ الكريم / عمر سعد
السلام عليكم ورحمة الله وبركاته
معليش أنا بتحدث عن أسئلة التلفزيون داخل الأستديو بس الأتصال بقروش من خارج الأستديو دى ماعندنا هنا
تحياتى
| |
|
|
|
|
|
|
|
|
|
Re: فتوى لعبة اللوتري (Re: يسرى معتصم)
|
سلامات يا شباب
صديقي صاحب الحاجة يشكركم فرداً (فردة) على تعاونكم، وبقول ليكم كدي باصروها تاني
لقيت منه 4 رسائل يعترض فيها على عنوان البوست
رأيه إنو المفروض كان يكون "فتوى تحليل لعب اللوتري" عشان نختصر الطريق
فتأملوا!
| |
|
|
|
|
|
|
|
|
|
Re: فتوى لعبة اللوتري (Re: Ashraf el-Halabi)
|
| Quote: ماتعمل رايح يا اشرف من كلام اخوك عزاز دا وجهز ليك فتوى قبل ما يفتوك ..... |
أحيلك لأول مداخلة في البوست يا بت الشيخ
قلنا عايزين فتاوى (لذيذة)
حاجة كدا فلكسبل تصطحب روح العصر وكدا
| |
|
|
|
|
|
|
|
|
|
Re: فتوى لعبة اللوتري (Re: Ashraf el-Halabi)
|
Quote: اها يا جماعة وصلتوا وين
دايرين نلعب ياخ
عشان نشتري لينا بي |
تقول ليو 355 مليون دولار يقول ليك بيت ناصية!
يا بو الطا المبلغ دا براحة يجيب ليك جزيرة في الكاريبي
يا مان أحلم Big
| |
|
|
|
|
|
|
|
|
|
Re: فتوى لعبة اللوتري (Re: Ashraf el-Halabi)
|
زي ما قالت بنت الحسين يا سيف اليزل
دي أرقام مخيفة
تكون مباصر حياتك بطاقية دا فوق راس داك، وبتحلم بخمسة ألف دولار عشان ترخي زردة الحبل من على رقبتك،
وبين يوم وليلة يكون عندك ميتين مليون!!!
يخيل لي أول حاجة المفروض يعملها الفائز إنو يزور طبيب نفسي
| |
|
|
|
|
|
|
|
|
|
Re: فتوى لعبة اللوتري (Re: Ashraf el-Halabi)
|
| Quote: اللوترى حـرام وهو عبارة عن يانصيب فأنت تدفع لتكسب |
التجارة كذلك أنت تدفع لتكسب يا يسري!
يخيل لي يا يسري الأفضل ناخدها زي ما هي، ما تلعب ميسر يعني ما تلعب ميسر، ذات إز إت، لكن لو قعدنا نفصص فيها يانا اللاعبين
| |
|
|
|
|
|
|
|
|
|
Re: فتوى لعبة اللوتري (Re: Ashraf el-Halabi)
|
| Quote: أشرف هسع أنا قلت حاجة؟ :) |
ما دي حركة استباقية عشان ما تقول
بيني وبين يا العوض الراجل واعدني بكوميشن محترم في حالة تسهيل الموضوع دا
أنا ما بلعب لكن ما برفض الهدية
النبي قبل الهدية ياخ!
| |
|
|
|
|
|
|
|
|
 Re: فتوى لعبة اللوتري (Re: معاوية المدير)
|
Quote:
..دقيقة بجيبها ليك اسى وقبل ما ادبج الفتوى ..
القروش دى حلااااااااااااااااااااااااااااال ياالمدير |
حسب علمي يا بت الشيخ،
المال لا يُحرّم مرتين. يعني كان في زول كسب
مال بالحرام، مثلاً كان فاتح لِيكر إستوّر ولمّ
منو قروش، وبعد دآك إتلحس. اولآدو البيرثو
المال، المال بيكون حلآل عليهن.
دحين يا بت الشيخ ليلة القدر جاتك في مكانك.
الحقينا بالفتوى، واوووعك تفرطي...
| |
|
|
|
|
|
|
|
|
|
Re: فتوى لعبة اللوتري (Re: معاوية المدير)
|
Quote: اها يا جماعة وصلتوا وين
دايرين نلعب ياخ
عشان نشتري لينا بيت |
يا ود جبرين اصبر، الصابرات روآبح. ما تمشي تقع في الحرآم.
منتظرين فتوى زي حقت قريبك الشايقي.
قالوا: بت بنتو جات من المدرسة حاقبا شنطتا وتبكي.
قال لها: اهآ دقوكييي؟
قالت لو: لا.
قال لها: نان بتتنخجي في شِنو؟
قالت لو: يا جدي المُدرسة قالت لنا، البيشرب العرقي
ربنا بيوديهو النار، وإنت قاعد تشرب العرقي.
قال لها: هيييي، مدرستك دي ماها خابرِي شي.
تمشي تقولِيلآ، جدي قال البيشرب عرقي الجاو،ويمشي
اللِعِب يهز فوق النسوان، ده مكروه. اما البيشرب عرقي
البركاوي، ويتوسد عصاتو ويرقد زي، اها عآد ده
ما فيهو شي...
| |
|
|
|
|
|
|
|
|
|
Re: فتوى لعبة اللوتري (Re: معاوية المدير)
|
كل سنة وإنت طيب يا حلبي،
الحكاية شنو ؟ يبدو إنك لحقتني في اليأس من انك ممكن تعمل قروش من عرق جبينك!!!
أنا غايتو يئست .
وكان لميت ليك في طرف فتوى بّرني بيها( راعي حرماني وأخشى عامل السن) .
تحياتي لضيوفك كلهم وأخص بالتحية بت الشيخ وبلغها عني إنو اللوتري الفي بالها دا
الواحد كان ما جاء ليهو بي قروشو إلا يقعد في إنتظار هذه الفتوى!!
أسه الزول القافل على الفتوى دي مش زي القافل على اللوتري زاتو؟ بالله بلغه تعاطفي الشخصي
برضو.
| |
|
|
|
|
|
|
|
|
|
Re: فتوى لعبة اللوتري (Re: أسامة عبد الجليل)
|
يا سلام ياخ !
زاد عدد الحالمين ، بالله لو إضطريتو شديد خالص قولوا و ممكن نفتى ليكم لكن بتاعت العراقى الجابها أخونا عماد شمت لاتخلو من وجاهة !
لو ربحت فى مليون مبرر إمكن القرضاوى ذاتو يفتى ! أو بالعدم الجماعة بتاعين فتوى الرضاعة الزمان جهجهوا ناس هنا خلوهم بقوا فى عدد الرضعات
و كمان لو خسرت فى دا بقى حرام لانو إضاعة عرق جبين فى قمار ... شغل الترزية سمح
راوية سلامات
Quote: وياعزاز قلت لي بيخلوا الماكينة تختارويكسبوا؟
أنا كنت شاكة من كسبان إختيار الماكينة |
مرة بحضر لى فى برنامج بتكلم كلو عن الشغلانة دى ، نسبة عالية جداً من الفائزين كانو حديثين عهد باللعبة او دخلوها صدفة ساكت ، منهم واحد كاشير
قطع التذكرة و قام الزبون غير رايو ، صاحب الشغل طبعاً دفعوا ليك حقها زى الترتيب بعد ما فاز جابت ليها غلاط و الاونر حلف ستين يمين الراجل
سارقها .. المهم البوليس حسمها بالكميرا لصالح الكاشير المسكين .
الجماعة بتاعين امس ديل لو دبلوها يعنى دولارين كان كل واحد كسب نفس المبلغ براهو ، بس المشكلة مافى اللعب الكلام الحظ. سمعنا فى الدنيا دى بسيريال
كلر ، لكن حصل سمعتى بى دا :
| Quote: Serial" Lottery Winner Shares Secrets (he won 7 times) at |
جنس البطقشها ليهم فى سبعة مرات و بوصلها الحد دا تلعبى معاه كيف ؟!
| Quote: ماتعمل رايح يا اشرف من كلام اخوك عزاز دا وجهز ليك فتوى قبل ما يفتوك ... |
سلام يا بت الشيخ ..
والله شايف مولانا بتاع قطر ضمن الحضور يلم ليك فى اشرف إن شاء الله لو جات سليمة اقلاها رجس من عمل الشيطان دا لو ما نفاه مع احكام اخرى
و الله الحبشى ما يحلو .
غايتو النصيحة أنا مع راى بت الحسين القروش دى اول حاجة بترفع ضغط الدم و احتمال تصلب فى الشرايين يعملوا بيها شنو ذاتو؟!
ياريت تشوفوا الفلم بتاع Lottery Ticket
نزل قبل فترة بسيطة و زاد الحمى بتاعت الشغلانة بطل الفلم عمل اى حاجة ياخ حبوبتو عرست !
الفلم بطولة Bow Wow
يشاركه الفنان الشامل ... ممثل ، مخرج ، سيناريست ، مغنى Ice Cube
جدير بالمشاهدة
.
| |
|
|
|
|
|
|
|
|
|
Re: فتوى لعبة اللوتري (Re: عبدالرحمن عزّاز)
|
| Quote: خلآس، دآير تبعزِقِن؟؟؟ |
Quote: حسب علمي يا بت الشيخ،
المال لا يُحرّم مرتين. يعني كان في زول كسب
مال بالحرام، مثلاً كان فاتح لِيكر إستوّر ولمّ
منو قروش، وبعد دآك إتلحس. اولآدو البيرثو
المال، المال بيكون حلآل عليهن |
ما بتدي حريف يا ود المدير،
أسي كان كنت مفتي ما كان حليت لصاحبي أزمتو بنوع فتوتك اللذيذة دي!
| |
|
|
|
|
|
|
|
|
|
Re: فتوى لعبة اللوتري (Re: Ashraf el-Halabi)
|
| Quote: وكان لميت ليك في طرف فتوى بّرني بيها( راعي حرماني وأخشى عامل السن) . |
صديقي دا يا أسامة ليهو فترة طويلة مطالبني بالبوست دا وأنا متفه الفكرة
لكن يبدو أنا زاتي راسي جا وبقيت من متابعي السحب الأسبوعي
كان لمينا في الفتوى ياني المشخبت معاو رغم طولة لساني عليهو زمان
| |
|
|
|
|
|
|
|
|
|
Re: فتوى لعبة اللوتري (Re: Ashraf el-Halabi)
|
| Quote: والله شايف مولانا بتاع قطر ضمن الحضور يلم ليك فى اشرف إن شاء الله لو جات سليمة اقلاها رجس من عمل الشيطان دا لو ما نفاه مع احكام اخرى |
يا عزّاز عشمنا في الله كبير يسخر لينا مفتي زي الشيوخ الأفتو بحرمة التصويت للحركة الشعبية وبحرمة سفر الرئيس لما بقى مطالب دولي.. إلخ الفتاوى اللذيذة ديك
الفيلم ما شفتو لكن مع توصيتك دي طوالي add to cart
| |
|
|
|
|
|
|
| |
Ashraf el-Halabi
معاوية المدير
الطيب رحمه قريمان
عبدالرحمن عزّاز
طارق جبريل
مريم بنت الحسين
عماد شمت
سيف اليزل برعي البدوي
Rawia
يسرى معتصم
عمر سعد
Elawad
أسامة عبد الجليل
فيس بوك
تويتر
انستقرام
يوتيوب
بنتيريست