|
|
|
 Re: ابشر ايها الشعب السودانى واليكم قرارات اجتماع مجل الوزراء واستدعاء مدير عام قوات الشرطه (Re: عثمان محمد كرار)
|
{زيادة اسعار المحروقات والسكر والدقيق...ووزير المالية يرفض الادلاء باى تصريحات ويحيل القرارات الى البرلمان وقد تم استدعاء كل من مدير الشرطه ومدير المرور} لزومو شنو النقه في حكاية (وزير الماليه يرفض يدلي باي تصريحات)
دحين وزير الماليه ده ما ياهو القال لينا اكلو كسره ؟ ... تاني يصرح يقول شنو؟! ما اهو الراجل من قولة بسم الله جانا من الاخر كدي ..يعني يسوي لينا شنو تاني ..اكان البلد مافيها دولار ولا ريال... يجيب لينا الدقيق من وين؟
والانا مستغرب ليهو حكاية (استدعاء) مدير الشرطه ومدير المرور ...
هم كانوا وين تطير عيشتن عشان يقومو يستدعوهم .. ؟!
هم كمان بقوا وزراء واللا مديرين جامعات ..بسافروا في جماعات .. يحضروا المؤتمرات ... يلقطوا الدولارات ....وبدل السفريات ... يشتروا في العمارات
ما لازم بتاع المرور ده يجي ويجيب جماعتو عشان يوقوفو الشوارع الجايطه بالعربات الصغار ناس امجاد وجياد وابو البها والبشبها شغله بلا شغله ... لزوم ترشيد المحروقات عشان ناس الكامري والهمر والبرادو والدبل كبينه مظلله وغير مظلله تعرف تمشي وتجي في الظروف الحرجه دي..
وحكاية مدير الشرطه دي.. ما دايره ليها تفسير واللا كلام كتير ..ما تكبر في روسينا ساكت ونشيل شوفنا ونختو في عبد المأمور ..
القصه وما فيها عشان كلمة (دقيق) جايه من تصريف (دق) فهو (داق) و (مدقوق) ونحن كلنا راقدين (دقيق) .. اقصد (رقيق)
دق البن قلي وحريق...
يللا ... بلا زحمة ...
يفكنا إحنا وناس ابو ذر الفكه (بله) ... من القيد والذله
| |
 
|
|
|
|
|
|
|
 Re: ابشر ايها الشعب السودانى واليكم قرارات اجتماع مجل الوزراء واستدعاء مدير عام قوات الشرطه (Re: احمد محمد احمد عتيق)
|
Quote: ال د. كمال عبيد وزير الإعلام ان خطة وزارة المالية الرامية لإحداث إصلاحات إقتصادية خلال المرحلة القادمة والتي وافق عليها مجلس الوزراء اليوم، ستعرض امام البرلمان غداً لإجازتها حتي تصبح قانونا ساريا
وأوضح في تصريحات صحفية بمجلس الوزراء ان الإجراءات التي إتخذتها وزارة المالية تستهدف دعم الإنتاج والشرائح الضعيفة في المجتمع لمواجهة تكاليف المعيشة خلال المرحلة القادمة مبينا ان هذه الخطة ستكون نافذة حال إجازتها من المجلس الوطني مشيرا إلي أن وزارة المالية أكملت ترتيباتها لتنفيذ هذه الإجراءات في المرحلة القادمة
واضاف عبيد أن مجلس الوزراء وجه حكومات الولايات لإعادة ترتيب أولوياتها المالية وفق موجهات خطة وزارة المالية |
شفت كيف ياعتيق
| |
|
|
|
|
|
|
|
|
Re: ابشر ايها الشعب السودانى واليكم قرارات اجتماع مجل الوزراء واستدعاء مدير عام قوات الشرطه (Re: محمد عادل)
|
| Quote: وأوضح في تصريحات صحفية بمجلس الوزراء ان الإجراءات التي إتخذتها وزارة المالية تستهدف دعم الإنتاج والشرائح الضعيفة في المجتمع لمواجهة تكاليف المعيشة خلال المرحلة القادمة مبينا ان هذه الخطة ستكون نافذة حال إجازتها من المجلس الوطني مشيرا إلي أن وزارة المالية أكملت ترتيباتها لتنفيذ هذه الإجراءات في المرحلة القادمة |
الكلام دا بس أقطع لصق ...!
كل سنه بس يغيروا التاريخ
والحالة من سييء الى ....
خاف الله فينا خاف الله ...
ناس المرور لزيادة وتلقيط المخالفات
ناس الشرطة لمزيد من الرسوم على المواطنين الباقين ... من الشعب ..
شعب ... هو وينوالشعب ....
| |
|
|
|
|
|
|
| |
محمد عادل
احمد محمد بشير
عثمان محمد كرار
محمد مصطفي مجذوب
Hisham Ibrahim
Ali Sirelkhatim
فيس بوك
تويتر
انستقرام
يوتيوب
بنتيريست