|
|
|
 Re: جوبا.. بنايات ترتفع وعلب ليل ومساجد وكنائس وفنادق مليئة بالأجانب (Re: HAIDER ALZAIN)
|
ساعة إلكترونية تعد الزمن المتبقي ..
شرطة المرور تتولى تسيير الحركة في الشوارع القليلة التي تمت تهيئتها، ويبدو الانضباط واضحاً في الشارع، وحينما تسال أحد الجنوبيين عن موقفه من الاستفتاء يجيبك غالباً بلغة هجينة تعرف بـ"عربية جوبا"، بأن الاستفتاء يعني له الحرية والاستقرار.
وفي السوق حيث الشوارع المحطمة وأكوام الأتربة التي تعمل فرق من البلدية على جمعها تتسابق الشركات على افتتاح مقرات، ويجتهد تجار آخرون في طلاء الواجهات، وتتسابق الماركات العالمية على تعليق إعلاناتها.
وفي المفترقات الكبرى عند مدخل المدينة ترتفع ساعة إلكترونية تعد الزمن بالأيام والساعات والدقائق وصولاً الى التاسع من يناير الذي لن يكون سوى موعد يمنح شرعية دولية لشرعية تعد حقيقة على الأرض، فقوات الأمن والشرطة تقوم بين الحين والآخر باستعراضات تجوب الشوارع، وإذاعة جوبا تبث على مدار الساعة الأغاني الوطنية باللهجات المحلية، وتنقل بلاغات الانشطة الحاصلة في مختلف ولايات الجنوب البالغ عددها عشراً.
العربية نت ...
| |
 
|
|
|
|
|
|
|
|
Re: جوبا.. بنايات ترتفع وعلب ليل ومساجد وكنائس وفنادق مليئة بالأجانب (Re: العوض المسلمي)
|
مرحبتين حبيبنا العوض ...
| Quote: من ذاق حلاوة الخرطوم مسخت عليه عواصم العالم ... |
مع احترامي ليكم لكن اكتر مدينة مزعجة ومقرفة وتصيب بالكآبة الخرطوم دي ..
المرة الفاتت وقت جيت السيد شبكني انت مالك سارح كدة وما مفرفش .. ونجر ليهو سبب كدة
بس هو ما عارف انو دا قرف بس من خرطوم السجم والرماد دي ..!!
جوبا شكلها حا تنهض عاصمة تفوت الكبار القدرها .. ويكفي فيها الانفتاح دا..
وليس عسس حايمين ليل ونهار ويحددو مواعيد نومك ومتين تحتفل ..
مودتي
| |
|
|
|
|
|
|
|
|
|
Re: جوبا.. بنايات ترتفع وعلب ليل ومساجد وكنائس وفنادق مليئة بالأجانب (Re: العوض المسلمي)
|
حبيبنا العزيز العوض ...
الوضع بالتاكيد هنا يختلف يا قولك.. لكن بظن انهم وقت يمشوا هناك حا يلقوا واقع افضل من واقع معيشتهم السابقة بالخرطوم ويندموا علي الزمان الضاع منهم
سواء بارادتهم او غصب عنهم برة جوبا وبكدة ما حايكون ليهم حنين لكرش الفيل...
عموماً بقول الخرطوم حلوين فيها ناسها البنعرفهم بطيبهم وحسن معشرهم واكيد اي جنوبي كان عايش في الشمال حا يمشي هناك لو مشي محمل بقدر طيب
من الذكريات الحلوة لناس خاواهم وعاشرهم وكانت بينهم جيرة ومعرفة وصحبة زي ما شايف كتير من الاخوان هنا من ناس الخرطوم تالموا وحزنوا لفراق
ناس عاشروهم عشرة عمر وملح وملاح .. والانسان موطنو العاش فيهو اطول فترة ما بيناسوا وبيشعر اول مرة بالاختلاف والغربة حتي ولو داخل بيتو
لكن بعد فترة اكييد بينسجم مع واقعو الجديد - خاصة اذا كان موطنو وموطن اجدادو ويشعر انه سيد ارض وملك..
اتمني ليهم التوفيق اينما كانوا ومهما قرروا فهم اصحاب القرار الوحيدين .. وبيني وبينك بتكون في حبة غيرة وحسادة خفيفة لانهم ناس ماشيين يعمروا بلد جديدة
وينشئوا دولة حلموا بيها من سنة 46 ومن حقهم وكل مقومات النجاح عندهم لو اعتبروا من تجربة المؤتمر الوطني في هدم ما كان مبني اصلاً
تحياتي لك ولكل الاسرة والناس الحلوين
| |
|
|
|
|
|
|
|
|
|
Re: جوبا.. بنايات ترتفع وعلب ليل ومساجد وكنائس وفنادق مليئة بالأجانب (Re: HAIDER ALZAIN)
|
يا الخرطوم يا العندي جمالك جنة رضوان طول عمري ما شفت مثالك في إي مكان
أنا هنا شبيت يا وطني وغيرك ما لقيت يا وطني في وجودي أحبك وغيابي يا وطني يا بلد أحبابي
لك التحية الاخ حيدر ولا تعليق لي غير هذه الأبيات التي كتبتها لك .. وأتمنى أن نرى سودان جديد متفائل بالوحدة والسلام فالجنوب جزء لا يتجزأ من سودانيتنا ،، والسودان كالجسم الواحد إذا إشتكى له عضو .....
تحياتي : ياسر العيلفون
| |
|
|
|
|
|
|
|
|
|
Re: جوبا.. بنايات ترتفع وعلب ليل ومساجد وكنائس وفنادق مليئة بالأجانب (Re: ياسر السر)
|
Quote: لك التحية الاخ حيدر ولا تعليق لي غير هذه الأبيات التي كتبتها لك .. وأتمنى أن نرى سودان جديد متفائل بالوحدة والسلام فالجنوب جزء لا يتجزأ من سودانيتنا ،، والسودان كالجسم الواحد إذا إشتكى له عضو .....
|
ولك التحية الفنان ياسر العيلفون...
ما انا كمان برضو ممكن اغني ليك ..
عطبرة الطيبة ....او اغني قطار الشوق متين ترحل .. او او....
يا صديقي العبرة مافي كلام الشعراء وما قالوا .. العبرة في الواق البيحكي عن نفسه الآن في الخرطوم وسوءها..
نعم طبعاً وللاوطان في دم كل حر يد سلفت ويد مستحق...
وكمان البلد بناسها وكدة
وقلت قبيل للعوض احترم شعوركم للخرطوم فهي داركم ودار اهلكم وناسكم ... لككن انا نهئ .. نهئ
لك التحية يا حبيب ونرفع اكفنا بالدعاء معاك لواقع افضل للسودان شماله وجنوبه
| |
|
|
|
|
|
|
| |
HAIDER ALZAIN
العوض المسلمي
Sharif Nasirladeen
أمير فتحي
عبداللطيف حسن علي
ياسر السر
JOK BIONG
فيس بوك
تويتر
انستقرام
يوتيوب
بنتيريست