|
عفاف الصادق وميرفت حسين لمن الغلبة ؟
|
عن نفسي بقيت مقتنع تماماً إنو حقو ندي المرأة فرصة في كل المجالات التي هيمن عليها الرجل ومن ما قمنا وفتحنا عيونا لقينا الرجال ماسكين فيها ليي ما عارف.. القناعة جات وبكل بساطة بسبب البرامج الرياضية !! أكتر من عشرين سنة متابع للبرامج الرياضية السودانية التلفزيونية وأكتر من طاشر مقدم برامج مروا خلال تلك الفترة .. ضعف في التقديم وسوء في التحضير خرمجة ولخبطة وعدم ترتيب ما بعدو .. علي الريح ..محمد شريف علي..سيف الدين علي..عمر النقي..كمال حامد ..رضا مصطفى الشيخ.. عوض الجيل و و و و و ناس ليهم في الحقل الرياضي اكتر من خمسين سنة وبعد ده ما فيهم زول بيعرف يسأل سؤال واااحد ..ما فيهم زول بيجي ومجهز روحو ولا حالو .. تسمعهم بيتكلموا تحلف تقول الناس ديل ما عندهم علاقة بي كورة القدم لا من قريب ولا من بعيد .. سبعة فنوات فضائية معظمها يقدم برامج رياضية وتحليلات للمباريات وإستضافة للمسئولين عن الرياضة والأندية ورغم ذلك ضعف في الاعداد والحوار والنقاش والفهم من (الرجاجيل) اصحاب الوجعة ناس الكورة .. الان تسيطر على الساحة الرياضية الأصوات النسائية والنسائية فقط لا غير.. أفضل البرامج الرياضية في كل القنوات السودانية يقدمنها بنات حوا.. اكثر الأسئلة جرأة تطرحها بنات حواء في البرامج الرياضية .. الجنس اللطيف اكثر خشونة وحدة في طرح القضايا الرياضية .. هذه الايام اتابع التنافس الشديد والمحموم بين اثنين من مقدمي البرامج الرياضية وعن نفسي ارى انهم الافضل في الساحة الرياضية .. عفاف الصادق وميرفت حسين .. وإن كانت ميرفت حسين قد ظهرت في البداية عبر قناة النيل الأزرق وطرحت نفسها بقوة من خلال تحليل المباريات قبل التوجه لنقاش هموم الرياضة إلا أن جرأة عفاف الصادق وطرحها للأسئلة المباشرة والواضحة في احلك الظروف وفي أوج المشاكل وحدتها جعلها تسحب البساط من ميرفت .. عن نفسي أجد أن افضل البرامج الرياضية الحالية مقدمة من خلال (الحرمتين) ديل.. تحية وتقدير وإحترام ليهن الإتنين والجميل حتى في تقديم البرامج عبر البوابة النسائية ظهر التنافس المحموم بين الهلال والمريخ فعفاف صادق هلالبية وميرفت مريخابية .. فلمن الغلبة في هذا التنافس النسائي في رياضة ظللنا نردد أنها حكر على الرجال ..
|
|
|
|
|
|
|
|
Re: عفاف الصادق وميرفت حسين لمن الغلبة ؟ (Re: ALGARADABI)
|
Quote: عن نفسي بقيت مقتنع تماماً إنو حقو ندي المرأة فرصة في كل المجالات التي هيمن عليها الرجل Omer |
هو المتل عفاف و ميرفت ديل كان منتظرينكم "تدوهم فرصة" كان ظهرو ووركم قدراتهم؟ من غير ما تدونا يا عمر، ماخدينها ماخدينها
انا والله الزولة الاسمها ميرفت دي، بتكيف ليها خالص خالص مع انه حد الله ما بيني و بين البرامج الرياضية في تلفزيونا عفاف ما بعرفها، او بكون شفتها و ما عرفت انها عفاف.
ــــــــــــــــ ياخ ازيك، من ديك و عيك
| |
|
|
|
|
|
|
Re: عفاف الصادق وميرفت حسين لمن الغلبة ؟ (Re: ALGARADABI)
|
يا قرددددابي ويا يابا سعداااابي ويا التيم الهلاااالااابي .. ياخ من شدة ما بضحك في نفسي لمن خجلان من فاطمة صادق.. عفاف الصادق دي غير المطبخ ما عندها شي ما فارزة الهلال من ريال سرقسطة .. بس تشابه علينا (البقر) وكده .. بعد رسلت البوست وقريت عفاف الصدق قلت حولااااا مرت خالنا دي علاقتا شنو بي الكورة تصدق تعويدة لسان .. معقولة في زول ما بيعرف فاطمة صادق ؟؟؟ ياخ 2011 دي فعلاً أكدت إني كبرت شديد .. التحية للاستاذة فاطمة صادق ويا بكري افزعنا في 2011 دي
| |
|
|
|
|
|
|
Re: عفاف الصادق وميرفت حسين لمن الغلبة ؟ (Re: ALGARADABI)
|
صاحبي عمر اللايوق كل سنة وانت طيب أما بعد الحكم على المذيع او مقدم البرنامج من خلال ما يقدمه من مادة لا يعتد به يا زول .. ليس بالضرورة أن يكون المقدم هو المعد للأسئلة وبالتالي فان نجاح أو فشل مقدم البرنامج رهين بالمعد . شخصيا أعرف أن اختنا ميرفت وراءها معدين متميزين مثل أخونا ياسر بابكر وحبيبنا محمد فضل الله وغيرهما .
| |
|
|
|
|
|
|
Re: عفاف الصادق وميرفت حسين لمن الغلبة ؟ (Re: عمر الفاروق)
|
اخونا طلحة : طيب خلينا نفترض كلامك ده صاح ..لييه لمن تغيب ميرفت ويجي يقدم البرناج زول غيرها بيكون مختلف؟؟؟ مش نفس المعدين موجودين ؟؟ عموما ميرفت تحديداًُ أتوقع إنها خريجة كلية التربية الرياضية وده اداها وضع افضل وممكن تكون بتشارك في الاعداد يعني هي ما مجرد مقدمة وبس اضافة لي إنها منتجة البرنامج ..
| |
|
|
|
|
|
|
Re: عفاف الصادق وميرفت حسين لمن الغلبة ؟ (Re: ALGARADABI)
|
قرضابي .. 2011 سعيدة إن شاء الله ..
Quote: عفاف الصادق دي هنا معانا في دبي وماشة الدوحة تعمل شاي ولقيمات في كأس العالم |
تعرف غمضته عيونى وفتحتها قلت يا ربي دي أنا .. اصلوا فقدنا عنصر الدهشه ..
عمر الفاروق .. سنتك سعيدة يا اخوي ..
| |
|
|
|
|
|
|
Re: عفاف الصادق وميرفت حسين لمن الغلبة ؟ (Re: عمر الفاروق)
|
Quote: عفاف الصادق وميرفت حسين لمن الغلبة ؟
|
عمر سلامات
يا حليلك يا ودّ الفاروق خرّفت عفاف الصّادق زميلة الـمنبر ؟ ولاّ دكتورة عفاف الصّادق حـمد النّيل زوجة عركـي ؟ قصدك فاطمة الصّادق يا عجوز
مودّتـي وكُلّ سنة وإنت والعيال بألف خير
| |
|
|
|
|
|
|
Re: عفاف الصادق وميرفت حسين لمن الغلبة ؟ (Re: لؤى)
|
ودو كماين يا بيش كورتك فكت وبقيت تجليها ثابتة هسع كلامي الفوق دا معناهو كلامك التحت دا ؟ أبدا طبعا .. قصدي انو الحكم بنجاح مقدم برنامج او فشلو قياسا على ما يقدمه من مادة غلط .. بالمفهوم دا ممكن تكون ميرفت ناجحة وممكن لا وهو نفس ما ينطبق على فاطمة .
| |
|
|
|
|
|
|
Re: عفاف الصادق وميرفت حسين لمن الغلبة ؟ (Re: لؤى)
|
صديق الموج: يا اخوي انت بعد سلبطتك في ود عمتي أول الشهادة السودانية داك تاني مااا بصدقك كلو كلو .. اسة نساكك نلقا ميرفت دي بت عمة اولاد خالة جد اولاد حبوبة أهلك :) يا زول لو كنت مع ادريس علم الهدى كان كتبت ليك ميرفت الصادق وفاطمة حسين ..:) ده طبعا كان قدرت أكتب من اساسو ..
| |
|
|
|
|
|
|
Re: عفاف الصادق وميرفت حسين لمن الغلبة ؟ (Re: عمر الفاروق)
|
يا ابو اللووول ياااخ : يعني اسة الواحد لو عايز ينكرا عديييل بعد صورتك دي ماف طريقة .. وعشان اوريك اني ما عجوز ..نعم انا قاصد بنت الشرقية الرياضية المثقفة زميلة المنتديات فاطمة صادق وتحية اعجاب ليها ياخ .. لكن بيني وبينك اخوك بقا بيلعب تحت الاربعين ..
| |
|
|
|
|
|
|
Re: عفاف الصادق وميرفت حسين لمن الغلبة ؟ (Re: ALGARADABI)
|
غايتو يا قردابي التقول السنة دي ما روووست .. مصحصح كده مالك يا اخوي ؟ غايتو اتذكر إنو شقيق الاستاذة ميرفت كان عضو معانا هنا في المنبر الاخ جمال (ح اكتب تقريبا عشان ما القردابي يجي يقول لي اسمو وائل ) ..
اخونا طلحة : كلامك صاح ومنطقي في قصة الاعداد بس صدقني نفس المعدين ديل لو ادوهم لي كمال حامد ولا سيف الدين علي ما اتوقع الحلقة تظبط ..
| |
|
|
|
|
|
|
Re: عفاف الصادق وميرفت حسين لمن الغلبة ؟ (Re: ALGARADABI)
|
Quote: غايتو اتذكر إنو شقيق الاستاذة ميرفت كان عضو معانا هنا في المنبر الاخ جمال (ح اكتب تقريبا عشان ما القردابي يجي يقول لي اسمو وائل ) |
عمر يا اخوى كلامك صاح يا هو ود اخوى جمال عبد الناصر حسين الصادق بعدين تغالطنى فى اهلى؟؟ ما مره حمزاوى قال اوبرا بت خالتو وتعرف تعمل تركين زى الطلقه فى زول غالطو؟؟ نحن كلنا ناجحين كده على فكرة قولو ماشاء الله ومريخاب عشان القرضابى وجمال السنوسى ينقرضوا زاتوووووووو ان شاء الله ما مرقو منها بعدين يا طلحه اعداد شنو البخلى الزول ناجح،الحضور والثقافه قلنا ليك دى ابوها زمن الناس ما بتعرف الجريده كان عنده اضخم مكتبة وارشيف رياضى ما تاكلو حقنا ساكت له الرحمة، وكان رئيس نادى المريخ فى الابيض،،
| |
|
|
|
|
|
|
Re: عفاف الصادق وميرفت حسين لمن الغلبة ؟ (Re: gamal elsadig)
|
يا سلام عليك يا عمر الفارق عينك نجيضة وأنصفت الاثنتين فهما الأفضل على الاطلاق وحضورهما مميز وتمتلكان أدواتهما ويحضرن أنفسهن جيدا مما يشكل احترام كبير للمشاهد وتلبية ما يمح له ويجيب على تساؤلاته.. طلحة: بعد غيبة أجمل التحيات وكل سنة وانت طيب .. بس الاعداد يحتاج لمقدم برنامج مثقف وصاحب حضور وسرعة بديهة وهو ما نجده في هاتين المبدعتين.. عمر الفاروق: ياخ شوف لينا مستويات المعلقين بتاعين المباريات .. احتراماتي..
| |
|
|
|
|
|
|
Re: عفاف الصادق وميرفت حسين لمن الغلبة ؟ (Re: عثمان جلال الدين)
|
Quote: Quote: غايتو اتذكر إنو شقيق الاستاذة ميرفت كان عضو معانا هنا في المنبر الاخ جمال
كاااان ياعمر الفاروق ؟؟ رفدتني ولاشنو؟
إحتراماً لعمي وخالي العزيز ودالموج ... حاامشيها ليك .. |
عمر اها جاك ود اخوى زاتو رايك شنو؟ ممكن تطرد القرضابى وطلحه ديل من هنا ونناقش الموضوع عائلى وكده؟؟ يازول انا معاك البنيات ديل اثبتن انهن افضل من كل الذين مروا على البرامج الرياضية من الرجال.. لهن قبعتى ارفع.. جمال سلم على الاهل ووينك يازول ياكيك نفتقدك هنا وهناك اظهر ياخى،،،
| |
|
|
|
|
|
|
Re: عفاف الصادق وميرفت حسين لمن الغلبة ؟ (Re: عثمان جلال الدين)
|
يا جماعة كلامي كان ومازال في حتة الاعداد والمقدم وليس في نجاح أو فشل زيد أو عبيد ..
عمر الفاروق ومنه مشكورا إلى القرضابي فعلا أنا لا أعرف فاطمة الصادق ولذلك أمتنع عن التعليق عليها .
يا صديق الموج يا حبيب .. الإعداد هو القاسم المشترك في نجاح أو فشل البرنامج .. إعداد ناجح ودقيق ومرتب يعني برنامج ناجح يمكن أن يقدمه أي واحد عندو أقل فكرة عن المادة المقدمة .. إعداد فاشل ومرتبك وملخبط يعني فشل البرنامج حتى ولو كان يقدمه أذكي واشطر مقدم برنامج في العالم .. دي حاجة بديهية يا صديق ياخ . إحترامي وتقديري لميرفت حسين .
| |
|
|
|
|
|
|
Re: عفاف الصادق وميرفت حسين لمن الغلبة ؟ (Re: عثمان جلال الدين)
|
يا جماعة كلامي كان ومازال في حتة الاعداد والمقدم وليس في نجاح أو فشل زيد أو عبيد ..
عمر الفاروق ومنه مشكورا إلى القرضابي فعلا أنا لا أعرف فاطمة الصادق ولذلك أمتنع عن التعليق عليها .
يا صديق الموج يا حبيب .. الإعداد هو القاسم المشترك في نجاح أو فشل البرنامج .. إعداد ناجح ودقيق ومرتب يعني برنامج ناجح يمكن أن يقدمه أي واحد عندو أقل فكرة عن المادة المقدمة .. إعداد فاشل ومرتبك وملخبط يعني فشل البرنامج حتى ولو كان يقدمه أذكي واشطر مقدم برنامج في العالم .. دي حاجة بديهية يا صديق ياخ . إحترامي وتقديري لميرفت حسين .
| |
|
|
|
|
|
|
Re: عفاف الصادق وميرفت حسين لمن الغلبة ؟ (Re: طلحة عبدالله)
|
Quote: يا صديق الموج يا حبيب .. الإعداد هو القاسم المشترك في نجاح أو فشل البرنامج ..
|
طلحة ات عايز تغالط ساكت اعداد شنو البصنع مقدم برنامج ناجح عاوز دليل جيب اى مذيع مثقف مثلا عبد الله محمد الحسن ولم ليك شعراء وادباء وفنانين وموسيقيين وفكو فى نصهم قول ليه عايزين برنامج وشوف النتيجه.. وجيب اشطر معد برامج فى الدنيا واديه سنه اعداد وشيل البرنامج ده واديه هناى داك وتعال قارن وشوف النتيجه.. شوف الاعداد ممكن يضع هيكل او اطار لكن مرات الضيف بكون عنده معلومه والله حاجه عاجباهـ داير يقولها فبقوم يلوى عنق البرنامج ويدخل الحاجه دى غصبا عن عين المقدم،فلو لم يكن المقدم مثقف البرنامج بطلع مسخ ممجوج وما ملموم.. ياخى برامج الرياضة دى قدمها عمر النقى ولعب كورة راقية وجامعى وحاتم التاج وووو ماكان وراهم معدى برامج؟ يازول ميرفت دى لو انت جلست معاها لعرفت انها لاتحتاج لمعد ثقافتها عاليه جدا جدا.. وان غالطتم غالطتنا ويبقى الود،،،
| |
|
|
|
|
|
|
Re: عفاف الصادق وميرفت حسين لمن الغلبة ؟ (Re: صديق الموج)
|
أخونا عمر
Quote: عفاف الصادق دي غير المطبخ ما عندها شي ما فارزة الهلال من ريال سرقسطة .. |
يا عمر
أسمع كلامي زول لا بعرف تلفزيون ولا بفرز المذيعات ونانسي عجرم عرفتها قبل ايام محدودة
شفت كان قاصد عفاف الصادق أختنا الكبيرة الهنا في البورد دا وفي الامارات
عليك الله أمشي فتش في ارشيفها وكل مداخلاته
مره بي ملاييين الرجال وختها في مكان براه يعلم الله عندها حنية حبوبات وفطرة اصيلة تحبها كأختك الكبيرة من أول ما تشوفها تسند قلبك وتعرف نفسك ما براك زوله بسيطة لذيذة جميله تجيك مما تشوفها طرواه اخواتك الكبار وكأنك قاعد في راكوبة وجات مدت ليك كوز مويه بارد من الزير يا عمر تاني مره الاقيها نهرتني قالت لي يازول أنت مالك شكال كدا دا شنو البتسوي فيه دا ورغم المعرفة البسيطة البيني بينها شوف والله حسيت نفسي صغير وقربت اطير اموت زاته
عفاف الصادق دي براها وحساب براه اختنا الكبيرة وراعينا هنا في المنبر دا الله يخليها ويديها العافيه وكان الزيها مافي نحنا زاتنا ما بنجي هنا أنت قايل المقعدنا هنا شنو غير الزيها
عفاف الصادق اقيف واحسب حساب اخوانها الرجال هنا
| |
|
|
|
|
|
|
Re: عفاف الصادق وميرفت حسين لمن الغلبة ؟ (Re: عفاف الصادق بابكر)
|
عمر الفاروق
كل سنة وانت طيب
ياخي والله ده تقدم ملحوظ كونو تدي الحريم حقوقها وبارك الله في الرياضة ذكرتني استاذنا في الابتدائي بتاع حساب لمن يسال من جمع اعداد وفي ناس بتكون مسطحة يقوم يقول في ناس مابتفهم لا بالعيش ( الرغيف ) اها يقوم يسال واحد من ناس كنبة وراء ويقول ليهو سبعة عيشات زائد سته عيشات كم طوالي يقول ليهو 13 عيشة لووووووولز نطالب اتحاد نساء السودان بتكوين فرع ليهو في وزراة الشباب والرياضة
سؤال واحد بث
ياخي شايفك قلت ميرفت يمكن خريجة تربية رياضية هاهاهاي ودي علاقتها شنو بي تقديم البرنامج غايتو الا تكون بتجي الاستديو جكة .
نرجو ان توسع نطاق ثقافتك لتكون كروية وسياسية حتى تعطي اكبر قدر من النساء حقوقهن
تحياتي كما تعلم
زاتوووو
| |
|
|
|
|
|
|
Re: عفاف الصادق وميرفت حسين لمن الغلبة ؟ (Re: لؤى)
|
هلا .. ابو وردي الصغير .. كل سنة وانتم بالف خير ..
Quote: عفاف الصّادق زميلة الـمنبر ؟ ولاّ دكتورة عفاف الصّادق حـمد النّيل زوجة عركـي ؟ |
عشان كده يا لؤي يا اخوي انا كاتبه اسمي دسم (ثلاثي) ..
| |
|
|
|
|
|
|
Re: عفاف الصادق وميرفت حسين لمن الغلبة ؟ (Re: عفاف الصادق بابكر)
|
صديق الموج أنا ما عايز اغالط ساي لانو الكلام دا قالوا لينا كدا في الجامعة ولأني كنت شغال في التلفزيون وسط ناس الإعداد والتقديم ديل ..( لن ننس أيام مضت ).. عبدالله محمد الحسن نفسه إن لم يعد لبرنامجه إعدادا مرتبا ودقيقا وإستعان بترسانة معلومات فلن ينجح في تقديم برنامجه رغم ثقافته العالية جدا . .............. غايتو كان جيت تاني قلت لي لا وغالطت بعرفك مارق للربا والتلاف وبخليك ..
| |
|
|
|
|
|
|
Re: عفاف الصادق وميرفت حسين لمن الغلبة ؟ (Re: فيصل نوبي)
|
للناس الشايتة شمال : شايف طلع في عفافين صادقين في المنبر..وعفافي العوست بيها الابري بي الحلو مر ما عفافكم ولااا صادقكم دي عفاف حقتنا زوجة خالي الله يديها العافية وبما إنو اللسان انطلق واتعود قولة الاسم كان ده سبب اللخبتة الشديييدة خلااااس يا قول نوبي :) سبب واحد يخليني اغلط في اسم فاطمة صادق ماف..وسبب واااحد ماف يخليني اكون قاصد واحدة من عفافات المنبر ..لكن نقول شنو 2011 وكده يا قول القرضابي..
نرجع لي موضوعنا الاساسي.. يا جمال يا صادق ياخ عاش من شافك ..وبعدين ياخ انت من الزرررة ديك تاني لبدت التقول الدكتور قال ليك بلاويك دي سببا سودانيز وبوستات الكورة وناس عمر الفاروق :)
بالنسبة لي طلحة وصديق الموج النصييحة الاتنين صاح الاعداد بدون مقدم ذكي ولماح مثقف وواعي بيساوي صفر..ومقدم مثقف ذكي لماح مثقف بدون اعداد ممكن يتورط ..لكن يا طلحة لو الاعداد ضعيف بس المقدم مثقف وذكي الحلقة بتمشي بس العكس ببقا صعب مش؟ يعني اسة عليييك الله فييي ذمتك معتصم محمد الحسن بتاع الشروق ده لو جبت ليهو كتيبة معدين باقي ليك بينجح برنامج؟ دي ما تعتقد فيها عليك الله لأنها واااضحة .. فاطمة صادق واحدة من مقدمات البرامج في قناة قوون ادعوك لي متابعتها على ضمانتي زولة روحها خفيفة وطريقة تقديمها مريحة بتدي الضيف حقو في الشرح وبتداخل متى ما احتاج الوضع وبي اسئلة تكون في بال المشاهد ..مرات بتسأل السؤال وواضح إنو مسستنبط من كلام الضيف وليس من الاعداد .. بالمناسبة سؤال من زول جهلول في قصة الاعداد : هل الاعداد يتضمن وضع الاسئلة للمقدم ويكون هو فقط اداة لطرح الاسئلة ؟
تخريمة : اها يا ود الموج انا اتسلبط ليك في الناس ديل؟ ولدنا احمد عرس منهم وناسبهم وانا حضرت العرس في النيل الازرق يا جمال:)
| |
|
|
|
|
|
|
Re: عفاف الصادق وميرفت حسين لمن الغلبة ؟ (Re: عمر الفاروق)
|
.
Quote: يا جمال يا صادق ياخ عاش من شافك ..وبعدين ياخ انت من الزرررة ديك تاني لبدت التقول الدكتور قال ليك بلاويك دي سببا سودانيز وبوستات الكورة وناس عمر الفاروق :) |
الزرة بصراحة كانت جامده شوية ياعمر لكن صدقني بعض العلاج معكم هنا.... اعمل حسابك الهلال السنة دي مايخليك تضوق الزرررره ...شايفك مركز شديد في القنوات السودانية ؟؟ ومتابع افراح افراح ...عارف الاسم ده عندو علاقة قوية بالمريخ .. مريخ السعد جالب الكاسات والافراح .
ماداير اقول ليك انتو العكس تماماً ... لكن ممكن يكون في برنامج تاني يسموه (فرحانين فرحانين) يكون كده كاس( بن يأس ) داااك جاب حقو ؟
.
| |
|
|
|
|
|
|
Re: عفاف الصادق وميرفت حسين لمن الغلبة ؟ (Re: وليد عبد اللطيف)
|
عثمان جلال الدين : بل نجيضة عينك انت ياخ .. يديك العافية ..
عمنا حمزاوي : امبدة حقت منير ام بدة ولا امبدة تانية ؟
عز الدين عباس: سلمت انت والله ..
الزول زاتو : تحياتي.. طيب مدام اقتنعت اني اديت الحريم حقهن في ده عليك الله كان ما اقتنعت برضو لما ما ادي الحروم حقهن فمعناها ما كان حقهن ..بالنسبة لي سؤال التربية الرياضية فكنت بتوقع إنو أسهم في التصاقها بي المجتمع الرياضي وخلاها قريبة ومتابعة بس الاخوان صححوني وقالوا انها قرت علوم صحية ..بالمناسبة ما عارف لو وسعت ثقافتي سياسياً ممكن انصف ياتو حروم ؟؟ غايتو لو قاصد اللي في بالي بالك فالثاقفة محمداااك يا اخوي انت امشي اتثقف ساااي ..:) تحياتي ..
| |
|
|
|
|
|
|
|