كتب الكاتب الفاتح جبرا المتوفرة بمعرض الدوحة
|
يابت
|
يابت صباح الخير عليك.. يابت الملايكه النور يضوي وانت اجمل بين سناياي ووفيك.. ولمة شفع العيد.. المراجيح... البلونات.. العراريق.. الشهيق.. لما نيلك فاض غزل وهجك.. وإستوطنك لحظك وشيك.. الشبابيك بينا ترسم.. عتمة للضوء البجيك.. ابقي تيراب للضحايا.. ابقي برقاً يصطفيك.. ابقي خيراَ لليتامي.. الذين إتعشموا النور.. اللفيكـ .. ولما قمرك ضوّ ريد.. الفوانيس تبقي وهجاً ماهو ليك.. المنارات ساعة يفيقن.. من منامن.. من هاديك.. يصبح الصبح الجديد.. يغني مشوارك صديق.. عمرو ماخان الليالي.. عمرو ما اداكي ضهرو.. ولا الليالي الفيك تفيق.. اصحي جواي شان افوق.. اصلي جواي ماني طيق.. إنتي عارفه الليل كبيس الحمي.. والأيام وشيك??.. والضرس تاور حنينو.. والسعن جلباق.. وعيكــ.. ابقي حمي.. أبقي رقاق للمساكين الغلابا... ابقي ضواً للتعابا... أبقي خرمة إبرة ثورة.. عشان ملامحك هيّ ديك.. أبقي للجايين مناره.. إتقاسموا التمر السميك.. نفسي أبقاك زول مناضل... عشمو لحظات يفتديك.. بي دماهو.. بي غناهو.. بي عشاهو.. وبي ضحاهو المِنّـو ليك.. يابت صباحِك لسه ليل.. لسه أمطارو الغيوم,, ولسه أحزانو بتولع.. من شدة البرد اللفيك.. أبقي مارقه.. أبقي رافضه.. تعالي أبداك..شان أجيك..
|
|
|
|
|
|
|
|
Re: يابت (Re: عليش)
|
سلامات ياعليش
وكل سنة وانت بخير نص مانع وماتع وشاسع، طالع وراجع شالع ومعاي بت.
| |
|
|
|
|
|
|
Re: يابت (Re: عبد المنعم ابراهيم الحاج)
|
صديقي قاسم.. تعال راجع ومعاك بهجه سنه جديده.. ستف حقايبك بالبنيات الرهــاف... فتح زراير الشوق وغني.. وعلي نخبك... علي نخبك.. وسنة جديده مليانه خير وود.. منتظرك..
| |
|
|
|
|
|
|
Re: يابت (Re: Rawia)
|
عبدالمنعم الفنان الراقي لك العام الجديد مليئ بالحب الجمال لك الفرح والحب والجمال
كل سنه وانت ــــ
| |
|
|
|
|
|
|
Re: يابت (Re: عليش)
|
عليش اها جئت اليك حاملا معى تلك الامكنة القضامية (مسكنك الراقى جدا فى ازمنة الطشاش وغباش الرؤية ) عابدين ( ذلك الحى وحضارة السودان , و رائحة الامكنة ) عين شمس شقة صابر عبد الهادى , و متخبيه والناس شايفنك باباى ونخيل متخفيه والناس عارفنك قرآآآن وانجيل وشقانا معاك وانك طاويك الليل لاكين واردنك وراويانا يوم بكرة جميل يوم بكرة جميل ..... يا عيش حابب اخرج بيك من فضاء هذة البنية التى فى ( البوست ) واحلق بعيدا .... يبدو ان التاريخ يعاود الحضور و,,,, كل الدلائل تشير الى اننا موعودون بعودة ذات الناس ( والاقتلاع من الجزور , مقررات اسمرا للقضايا المصيرية ) ناس التجمع ,,,, واحتمال المركز السودانى للثقافة والاعلام ولكن ,,,, الاشكال ليست كما هى والقادمون الجدد ... فهل تاذن لى بالتعرج على تلك الازمنة ؟؟؟؟
قاسم المهداوى
| |
|
|
|
|
|
|
Re: يابت (Re: عليش)
|
يا عليش ما فهمت او لنقل ما عرفت ولا شنو المقصد جد حابب استرسل ولا بلااااش
قاسم
| |
|
|
|
|
|
|
Re: يابت (Re: عليش)
|
قاسم لم يسترسل بعد,,, معاك الحكي والونسات بين شوارع القاهره والجلوس علي أركان الذاكرة وميدان طلعت حرب ,,, معاك البستان وشارع عدلي وبيت الهراوي.. وفلفة... احكي ياخ..
| |
|
|
|
|
|
|
Re: يابت (Re: عليش)
|
Quote: جئت اليك حاملا معى تلك الامكنة
|
إنهـا الأمكنة التي لاتٌنسي ..رائحة النيل المتعفنة بين الأسدين الأدروجيّين...ورائحة اقدام العشاق المتلاصقة علي ضفاف لعنات سائقي الميكروبصات الأكثر تعفناً من النيل الراكض,,, أسترسل ياصديق..فانت مدعو الليله... لحن القطامية الاخير,,
| |
|
|
|
|
|
|
Re: يابت (Re: عليش)
|
Quote: قاسم لم يسترسل بعد,,, معاك الحكي والونسات بين شوارع القاهره والجلوس علي أركان الذاكرة وميدان طلعت حرب ,,, معاك البستان وشارع عدلي وبيت الهراوي.. وفلفة... احكي ياخ.. |
معاك الفطاير و السندوتشات من الحسين و الكتكات .... براكم بتعرفوا تكتبوا شعر كل سنة و جميع البورداب في كل مكان بخير و عافية و سنة جديدة سعيدة على الجميع معليش يا عليش و بقية الشباب اسغليت البوست للتهنئة بالسنة الجديدة .. دي اول مداخلة لي من السنة الفاتت تحياتي
| |
|
|
|
|
|
|
Re: يابت (Re: سناء عبد السيد)
|
Quote: معليش يا عليش و بقية الشباب اسغليت البوست للتهنئة بالسنة الجديدة .. دي اول مداخلة لي من السنة الفاتت
وإنتي طيبه وإنشاءالله سنه جديده عليك ملانه تفاؤل وخير... أسمعي سندوشتات فلفله ولا جاد؟ ههه |
| |
|
|
|
|
|
|
Re: يابت (Re: عليش)
|
Quote: أبقي خرمة إبرة ثورة.. عشان ملامحك هيّ ديك.. أبقي للجايين مناره..
|
عليش كل سنة وانت طيب
| |
|
|
|
|
|
|
Re: يابت (Re: عليش)
|
يامســام الروح ..بقيت مَحسُــوس.. هيَّـج غُـبار الصمْت.. نَزفْ حُزني الجواي مدسُـوس. بيناتنا النِهـارات المَلونه.. ...والقَمـر الفي وَشيكـ ملّبوس.. ماضاري حزنـاً فيكـ.. خُتي الكلام مرصوص.. غني المواويل ضيْ.. لحن القمر مهموس.. انا عشت ليكِ نَضُر.. انا شوقي ليك مهَووس.. كان شفتي مره النيل!! باسم علي الجالوص.. نشوان يقالد القيف.. والسر غريق محبوس
| |
|
|
|
|
|
|
Re: يابت (Re: عليش)
|
يامسام الروح .. تعال ماتقيف.. تعال إتمايل الفرح.. البمطّر شوق وريف.. تعال بيناتنا إلفة وريد.. وامرق من جواك الزيف.. وخوض الحضره ميعادا.. بلا كشَرة وبلا تكليف.. بناتا من ورق منديل.. ولاهن كيف ولا قد كيف.. مع الحجوات يبارنَك.. ونص الليل حجاهو رهيـف.. مسام الروح مسامك.. روح..
| |
|
|
|
|
|
|
Re: يابت (Re: عليش)
|
يامسام الروح.. وسر المسام ميؤس.. الشوق يداهم البوح.. والبوح معاك مدروس.. ياليل تعال بالنيل.. ضوي الجراح فانوس
| |
|
|
|
|
|
|
|