|
Re: دي بموت فيها عديل كدا - يوجد فيديو (Re: أحمد ابن عوف)
|
حمادة ابن عوف
Quote: عرفت ليك القصة فيها ما فيها من امكانات البندراب، لكن للاسف يا حبيب اخوك ما بعرف للحركات دي هههههههههه والف تحية للذوق وما احلى التصافي |
اكيد جاي ناطي متخيل الكاتلاني واحدة حلوة صاح ؟ لكن بيني وبيني دي الحقيقة لكن بموت بيها جوااااااااى بس
يا اخي احلى حاجة في الدنيا دي تكون حاب ليك جكسوية وتقوم تحاربك وبعد سنة كااااااااااااملة تلقى رسالة منها في موبايلك تقــــول ليك فيها ( ما احلى التصافي من بعد التجافي)
| |
|
|
|
|
|
|
Re: دي بموت فيها عديل كدا - يوجد فيديو (Re: ود الباوقة)
|
باوقة
Quote: ختيتك
هههههههههههههه
تصبح على خير |
اى يابا كتر خيرك خليني براي مع ناس البندر وجكسويات البندر هم بحبوني وبحبهم ساااااااااااااااااااى لله
انا مع (الله اكبر القديمة)
سبحان الله - الله اكبر بقت خشم بيوت قديمة وجديدة
| |
|
|
|
|
|
|
Re: دي بموت فيها عديل كدا - يوجد فيديو (Re: محمد عبدالرحمن محمد)
|
م ع الرحمن
Quote: عارفك [مَشَرِّك] لاكين قت اشاغلك.. وفعلاً ما أحلى التصافي! |
اولاد الضهاري ما بتريحوا
Quote: وبالمناسبه دي: حبيب الكل [ودحامد] مالو غايب؟ |
سافر اهلو امدرمان حي المسالة - يعني بنداروي جد جد مش زيك من نيو يورك محزم شنطو للشكابات والقريرات
| |
|
|
|
|
|
|
Re: دي بموت فيها عديل كدا - يوجد فيديو (Re: الطيب شيقوق)
|
Quote: موبايلك تقــــول ليك فيها ( ما احلى التصافي من بعد التجافي) |
وكمان لو فيها تنية دلال وغمزة في الفيس بوك واليوتيوب ومعاهم التويتر
حتقول شنو ؟؟
سلام جاك يا شيق..........ا
شايفك رايق
ان شاء الله دايما
اول أمس حضرت لي حفل زواج .... بدون ام العيال.
القاعة مولعة ..... فاتتك
سؤال : ما هو الفرق بين الجكس زمان وهسه ؟؟؟؟
منكم نستفيد
| |
|
|
|
|
|
|
Re: دي بموت فيها عديل كدا - يوجد فيديو (Re: حسن طه محمد)
|
الخال ود البوب
يا اخي افتقدناك كتير وقطعنا فيك كتير مع ود عبد اللطيف قريبك في بوست اتلحس مع الارشفة بعنوان (الذكريات لعثمان الشفيع)
البوست كان مخصص للتعليق عن الاداء المتميز لهذه الاغنية من قبل الشابة المبدعة شموس . فعليك الله راجع اليو تيوب واكتب (الذكريات - شموس ) بس خلي جنبك كمية من مناديل الورق عشان تبكي وتغش في دموعك .
Quote: وكمان لو فيها تنية دلال وغمزة في الفيس بوك واليوتيوب ومعاهم التويتر |
هههههههههههههههههها الله يمسخك .
Quote: سؤال : ما هو الفرق بين الجكس زمان وهسه ؟؟؟؟
منكم نستفيد |
عفارم عليك دا احلى واهم سؤال قبل مع نهايات العام 2010 م وقبل عشرة ايام بالضبط من اجراء عملية البتر لوطننا الحبيب
يا اخي جاتني حزنة كدا حمتنى من الرد على السؤال دا .
ذكرني ليهو بعد اتوازن نفسيا يا ود البوب
| |
|
|
|
|
|
|
Re: دي بموت فيها عديل كدا - يوجد فيديو (Re: الطيب شيقوق)
|
Quote: اى يابا كتر خيرك خليني براي مع ناس البندر وجكسويات البندر هم بحبوني وبحبهم ساااااااااااااااااااى لله
انا مع (الله اكبر القديمة)
سبحان الله - الله اكبر بقت خشم بيوت قديمة وجديدة |
شيقا صبحك الله بالخير
الكلام الفوق داك نرده عليك مكان آخر!!
بيني وبينك.. زمان تحوم حول الجكسوية زمن وهاك مقدمة ابن خلدون.. وتسمتع في الصدقة بالقطارة.. دحين الكباري الجديدة عملت الشورتكت!! وامسك لي و....
خليني أحت شوية واجيك..
| |
|
|
|
|
|
|
Re: دي بموت فيها عديل كدا - يوجد فيديو (Re: عبدالله كع)
|
عبد الله ود العوض
Quote: عبدالوهاب الصادق ابدع .. وفيمه عبدالله ادة الاغنيه رونق جديد وذادتها حلاوةً |
يا اخي الراجل ده اكتر من مبدع اغنيهو كلها حلوة
التصافي
وست الريد
حبايبي الحلوين
ما اروع تلك الليلة التي كرم فيها وتغنى له خلالها حسين شندي
فهيمة فعلا جننتا جن
| |
|
|
|
|
|
|
Re: دي بموت فيها عديل كدا - يوجد فيديو (Re: الطيب شيقوق)
|
يا ود شيقوق ازيييييك والسلام عليكم ياخى والله مشتاقيييين
كل سنة وانت طيب وكل الاسرة وكذلك ( الجكس) القديم والجديد
انا ذاتى جيت ناطى
قايل دى فلانة ديييييك ( الكاسرة فينى منجل )
قدر ما سكّيتها بالسفروق مالحقتها
عاد هى لكن مااااغزال .... مو ارنب وما احلى التصافى
كامل ودى ومحبتى
انور
| |
|
|
|
|
|
|
Re: دي بموت فيها عديل كدا - يوجد فيديو (Re: أنور سيد ابراهيم)
|
مولانا انور
يا اخي الف مرحب بيك ومشتاقون ليك قناطير
البركة في البوست دا الطلعك لينا من مخاليك
Quote: وكذلك ( الجكس) القديم والجديد
انا ذاتى جيت ناطى
قايل دى فلانة ديييييك ( الكاسرة فينى منجل )
قدر ما سكّيتها بالسفروق مالحقتها
عاد هى لكن مااااغزال .... مو ارنب وما احلى التصافى |
هههههههههههههههههها اوع تكون ادتك شاكوش لحقتك امات طه ؟
| |
|
|
|
|
|
|
Re: دي بموت فيها عديل كدا - يوجد فيديو (Re: أنور سيد ابراهيم)
|
لاعرفتو ريد لاعرفتو جن دايرلو قيد
ود شيقوق قصتك شنو ياعايز تبكي براك ياقاعد تموت . . الاغنية دي زمان ونحن صغار الشباب كان يكون لابس (جاميكي ) البنطلون ضيق والقميص واسع والرقيص ريجي لانهم يقولون ايقاع الاغنية ريجي وتعال شوف تنية الضهر والنطيط مره بالجنبة اليمين ومره بالجنبة اليسار (اولاد البندررررررر) فعلا اغنية حلوة وممتعه وتموت عديل ... ليك حق تموت . . ياشيقوق
Quote: سؤال : ما هو الفرق بين الجكس زمان وهسه ؟؟؟؟ |
ضحكت وافتكرت عايز ترد لقريبي تقول ليهو ياخي نحن من زمن دق الشلوفة هه هه هه . . الجكس زمان ليهو مساير ومعاها ضفاير الجكس اليوم مفتح وشاطر ومعاه ما تقامر
| |
|
|
|
|
|
|
Re: دي بموت فيها عديل كدا - يوجد فيديو (Re: الطيب شيقوق)
|
الإخوة الاعزاء الطيب وعمران وبقية الأحباب. شكرا شديد على عبدالوهاب الصادق وما أحلى التصافي. يا خي دي أغنية مهم جدا في تطور جيلنا الوجداني، وأنا طولت ما سمعتها. أخواننا الفنانين ديل والله ما قصرو في ربط وجدان السودانيين. وعبدالوهاب الصادق زول قامة. وبيني وبينكم هو أفضل من ترباس بي كتييير، لكن ما لقى إنتشار ترباس. (بس ما تكلموا ناس البورد ديل إنو أنا قلت كدا).
| |
|
|
|
|
|
|
Re: دي بموت فيها عديل كدا - يوجد فيديو (Re: موسى أحمد مروح)
|
كيفك بالله يا ود شيقوق
تعرف بالجد كدا ذكرتنى الايام دييييك
آخر مرّة حضرت فيها الرائع عبد الوهاب الصادق ..حفظه الله
كانت حفلة نهارية فى كوستى والله .. تصدق يا ود شيقوق ..!!!
وكانت فى منزل اخونا منيب عبدو ربه ( تتذكر الزمن داك يا شيقا ؟؟
وطبعا الشغلة كانت وااااره .. هيييييييييييع
الله يجازى الكان السبب
| |
|
|
|
|
|
|
Re: دي بموت فيها عديل كدا - يوجد فيديو (Re: أنور سيد ابراهيم)
|
الوليد ع اللطيف
خالك جاء قبيل ساط البوست وقنجر - حكيت ليهو بقطيعتنا ان وانت فيهو في البوست الاتلحس
Quote: الجكس زمان ليهو مساير ومعاها ضفاير الجكس اليوم مفتح وشاطر ومعاه ما تقامر |
الجكس زمان دق ال ... والان احامر سااااااااى
الجكس زمان ودك وسكسك وهسع كريمات اكسوسرات
الجكس زمان ما بمشي بقدم العجول وهسع جنو الجات
الجكس زمان برد الموية من البحر والجمام والان برش الزهور والورود من الصباح
| |
|
|
|
|
|
|
Re: دي بموت فيها عديل كدا - يوجد فيديو (Re: موسى أحمد مروح)
|
موسى .... سلامات
Quote: وبيني وبينكم هو أفضل من ترباس بي كتييير، لكن ما لقى إنتشار ترباس. (بس ما تكلموا ناس البورد ديل إنو أنا قلت كدا). |
يازول دي مداخلتك رقم 28 ليك حق تعمل ساتر من ناس البورد . . موسى الف مرحب بيك بين الاخوان والاخوات ومنور المنبر
| |
|
|
|
|
|
|
Re: دي بموت فيها عديل كدا - يوجد فيديو (Re: وليد عبد اللطيف)
|
استاذ موسى ود احمد
Quote: الإخوة الاعزاء الطيب وعمران وبقية الأحباب. شكرا شديد على عبدالوهاب الصادق وما أحلى التصافي. يا خي دي أغنية مهم جدا في تطور جيلنا الوجداني، وأنا طولت ما سمعتها. أخواننا الفنانين ديل والله ما قصرو في ربط وجدان السودانيين. وعبدالوهاب الصادق زول قامة. وبيني وبينكم هو أفضل من ترباس بي كتييير، لكن ما لقى إنتشار ترباس. (بس ما تكلموا ناس البورد ديل إنو أنا قلت كدا). |
تخيل يا موسى جيلنا دا مع بدايات احساسو بتذوق الفن ظهر المبدع عبد الوهاب الصادق الاغانيه من نوع السهل الممتنع - كلمات ساهل جدا تحفظها لحن ساهل جدا تقلدو ولذا برزت مواهب كثيرة من شباب قرانا تتغني باغنيه - وكانت الرقصة وقتها هي الحت بالاكتاف.
ايضا مع جيل عبد الوهاب ظهر ابو عبيدة حسن واغانيه يا عقد الجواهر وشوفوا لي حلل وايضا من جيلهم كبوشية وحسين شندى غير ان الاخير التحق في فترة متاخرة .
خالص ودي
| |
|
|
|
|
|
|
Re: دي بموت فيها عديل كدا - يوجد فيديو (Re: الطيب شيقوق)
|
انور
Quote: تعرف بالجد كدا ذكرتنى الايام دييييك
آخر مرّة حضرت فيها الرائع عبد الوهاب الصادق ..حفظه الله
كانت حفلة نهارية فى كوستى والله .. تصدق يا ود شيقوق ..!!!
وكانت فى منزل اخونا منيب عبدو ربه ( تتذكر الزمن داك يا شيقا ؟؟ |
يا سلام يا انور ويا حليل منيب الرجل الخيّر والرجل الفنجري - اتخيل منيب دا في السبعينات لما يعزم ناس البهجة بيكون عندو طباخين لابسين ارايل لخدمة الضيوف وكانك في فندق 5 نجوم
| |
|
|
|
|
|
|
Re: دي بموت فيها عديل كدا - يوجد فيديو (Re: الطيب شيقوق)
|
وليد
Quote: الاغنية دي زمان ونحن صغار الشباب كان يكون لابس (جاميكي ) البنطلون ضيق والقميص واسع والرقيص ريجي لانهم يقولون ايقاع الاغنية ريجي وتعال شوف تنية الضهر والنطيط مره بالجنبة اليمين ومره بالجنبة اليسار (اولاد البندررررررر) فعلا اغنية حلوة وممتعه وتموت عديل ... ليك حق تموت |
.
هههههههههههها يجازي محنك والله بالجد رسمت لوحة تذكارية جميلة
| |
|
|
|
|
|
|
Re: دي بموت فيها عديل كدا - يوجد فيديو (Re: الطيب شيقوق)
|
يا سلام ياود شيقوق
ايام زى ديك ما بتعود .. بس ربنا يعيد الفرح والمرح
................
كدى قول لى ؟! انت وصاحبك ود ابوكدوك المسنوح داك
يا كافى البلا .. لا بتجو حج ولا عمرة .. حكايتكم شنو يعنى
دايرين نلاقيكم ونرجع ذكرياتنا فى كوستى معاك وايام ( س ) بتاعة مكتبكم الزمان داك
زنحكى مع ود ابو كدوك عن ايامنا وسنينا القضيناها فى لندن
آآآآآح آآح يا شيقا
ما احلى التصافى ...وجع
| |
|
|
|
|
|
|
Re: دي بموت فيها عديل كدا - يوجد فيديو (Re: الطيب شيقوق)
|
يا الحبيب
آذان الظهر أذّن .. نقوم نمشى الصلاة وندعو ليك بان تكون السنة الجديدة
خير عليك وعلى الجميع .. وربنا يتقبل
ولو رجعت المكتب ..؟! بواصل معاك ولو زوّغت !! يانى المواصل معاك يوم السبت باذن الواحد الاحد
أها فتّك بعافية والى اللقاء
ودمت فى رعاية الله وحفظه
| |
|
|
|
|
|
|
Re: دي بموت فيها عديل كدا - يوجد فيديو (Re: almulaomar)
|
من أمتع الحفلات الحضرتها (وهذا نادراً لدرجة الندرة) حفل زواج في واحدة من قرى الجزيرة ، كنا نحن الجايين مجاملين من الخرطوم قاعدين في الصيوان والصيوان خلا لحدت الساعة 11 مسا مواعيد نهاية الحفلات، بعد ما زهجنا ونحن راجين الناس والفنان، في ساوند لكن ماف حفلة، المهم الساعة 12 نص الليل ظهر ليك البعيو ومسك ليك المايك، مع أول تننن في الساون اشوف ليك الناس من نهاية الميدان هناااااك اي واحد خاتي طرف جلابيتو في سنونو وجارين على الصيوان. وما احلى التصافي دي أذان الصبح تاني ما وقفها
| |
|
|
|
|
|
|
Re: دي بموت فيها عديل كدا - يوجد فيديو (Re: الطيب شيقوق)
|
الاخوة
ود الباوقة
مقيلة سمحي بالحيل علا ما بتنفع معاك احسن لك تختانا ساى
محمد يوسف الزين
Quote: من أمتع الحفلات الحضرتها (وهذا نادراً لدرجة الندرة) حفل زواج في واحدة من قرى الجزيرة ، كنا نحن الجايين مجاملين من الخرطوم قاعدين في الصيوان والصيوان خلا لحدت الساعة 11 مسا مواعيد نهاية الحفلات، بعد ما زهجنا ونحن راجين الناس والفنان، في ساوند لكن ماف حفلة، المهم الساعة 12 نص الليل ظهر ليك البعيو ومسك ليك المايك، مع أول تننن في الساون اشوف ليك الناس من نهاية الميدان هناااااك اي واحد خاتي طرف جلابيتو في سنونو وجارين على الصيوان. وما احلى التصافي دي أذان الصبح تاني ما وقفها |
ههههههههههههههههههههها والله بالغت - ديل يا اخوى ناس الضهاري اصلو الشغلانية بتسري فيهم بعد 12 تاني بشنقوا ساى وبحتوا للصباح؟
| |
|
|
|
|
|
|
Re: دي بموت فيها عديل كدا - يوجد فيديو (Re: Al-Shaygi)
|
الفاضلابي
Quote: الطيب تكسب فينا ثواب إذا طلبت من بكرى إخراج هذا البوست من الأرشيف ليظل Active . فيلم أمريكي يؤكد للعالم أجمع وجود النبي محمد صلى الله ع... / يوجد فيديو مترجم |
تامر يا الحبيب بس مرات عندو عصلجة المسنوح
الشايقي
انتوا بترطبوا بشنو ؟
اوع بالعنكوليب؟
| |
|
|
|
|
|
|
Re: دي بموت فيها عديل كدا - يوجد فيديو (Re: الطيب شيقوق)
|
Quote: انت عارف في اغاني بتذكرني ايام كنا زمان الواحد يشتري ليهو سجارة ويدسها منتظر بيها الحفلة ولما الفنان يغني ما احلى التصافي يقوم تش يولع السجارة قدام الج.......س يعني شوفوني انا مرطب كيف؟ |
وبعدين اهم شى انك تبشّر بيها كمان يا شيقا
| |
|
|
|
|
|
|
Re: دي بموت فيها عديل كدا - يوجد فيديو (Re: Ali Sirelkhatim)
|
Quote: وبعدين اهم شى انك تبشّر بيها كمان يا شيقا |
نعم يا علوب بشرط تختار اللحظة المناسبة يعني تخلي العطلجية الفي الساحة كووووووولهم يطلعوا وتبقى الفسحة ليك براك تتجدع فيها وبعدين ما تركز في الجك....وية شديد عشان ما يقلوا عينك طايرة ابقى تقيل كدا ممكن تجيب مريسة تا ام زين
لقيتني كيف؟
| |
|
|
|
|
|
|
Re: دي بموت فيها عديل كدا - يوجد فيديو (Re: الطيب شيقوق)
|
Quote: نعم يا علوب بشرط تختار اللحظة المناسبة يعني تخلي العطلجية الفي الساحة كووووووولهم يطلعوا وتبقى الفسحة ليك براك تتجدع فيها وبعدين ما تركز في الجك....وية شديد عشان ما يقلوا عينك طايرة ابقى تقيل كدا ممكن تجيب مريسة تا ام زين
لقيتني كيف؟ |
والله يا شيقا لقيتك زول خترى {من خطير} عديييييييييييل كده..
| |
|
|
|
|
|
|
Re: دي بموت فيها عديل كدا - يوجد فيديو (Re: الطيب شيقوق)
|
Quote: عزو المسنوح ما بتدقس اصلك
علي الايمين ناسك كووووووووووووووولهم دقستهم ليك علا انت الشيطان المسلط بتعرف فك الشفرات كووووولها
لقيتني كيف؟ |
وإت ما قصرت يا الحبيب... تلميذ في مدرستك!!!
ما تجي تبرمها: المدرسة فاتحها على الشارع!!
لقيتك رابط العزبة!! جمعة مباركة...
| |
|
|
|
|
|
|
Re: دي بموت فيها عديل كدا - يوجد فيديو (Re: فيصل محمد خليل)
|
Quote: ومبرووووك النيو لوك الجديد
وكل عام وانت والعروسة بالف خير
مافي جديد ولو صفار ؟ |
نيولوك لليلة دي..
كربنا الأحزمة بعد صلاة الجمعة على طول..
لالا عندنا حَمًار...
أهو إت تباري لي هنا وهناك والشرك ما قبض لحدي فيسل ظهر... اها خم ولا تصر...
| |
|
|
|
|
|
|
Re: دي بموت فيها عديل كدا - فيها ولا نف سيها!! (Re: Abdlaziz Eisa)
|
علوبة
Quote: والله يا شيقا لقيتك زول خترى {من خطير} عديييييييييييل كده.. |
دي المناظر بس يا العشاء
عزو
شايفك توزع في الحقائب الوزارية -
ما فيها قشمة عادلة للسلطة
اي واحد فيكم يرفع شعار العدالة ولما تناط اليه مهمة توزيع الحقائب الوزارية يدي ناس البندر العنكوليب وناس الضهرة الموليتة ودردقو
| |
|
|
|
|
|
|
Re: دي بموت فيها عديل كدا - فيها ولا نف سيها!! (Re: الطيب شيقوق)
|
Quote: عزو
شايفك توزع في الحقائب الوزارية -
ما فيها قشمة عادلة للسلطة
اي واحد فيكم يرفع شعار العدالة ولما تناط اليه مهمة توزيع الحقائب الوزارية يدي ناس البندر العنكوليب وناس الضهرة الموليتة ودردقو |
يا رئيس القضاء..
أدينا حقائب لي:
الجزيرة كردفان دارفور الجنوب الشمالية الوسط باقي الشرق فقط..
انتو اصلو ما مكن يرضوكم..
| |
|
|
|
|
|
|
Re: دي بموت فيها عديل كدا - فيها ولا نف سيها!! (Re: Abdlaziz Eisa)
|
Quote: يا اخوانا خالي معاى ولا سارح؟ |
يابوي خالك ما بيقدر علي السباق القائم ده - 72 مداخلة قبل ما امسك عصاتي واحاول احت معاكم ..
انا كنت فاكر انه جيل عبد الوهاب الصادق هم وحدهم الذين يعرفون ما احلي التصافي ، لقيت ليك العميان شايل المكسر وسبق 100 yards .. ده جري ماعندنا ليه كرعين .
اما الحت فخليه ساكت .. قادرية بس .. بي عجاجو .. والجكس البرسلو رسائل بعد سنة ما عندهم رقم الموبايل لانه علي ايامهم ماكان في موبايل والأرضي ما بيقبل رسائل .. وهن ذاتهن بقن ديوك .
ومع ذلك ورغم انف اللي قال لك خالك بحمر في البصلة خالك مظبط البدله والكرافته (والسبحه في جيبو) ومنشن علي حفلة راس سنة كده كلها جكس وشباب ..
وبس بعاين .. بعيونيييييييييييييي
عمر علي حسن
| |
|
|
|
|
|
|
Re: دي بموت فيها عديل كدا - فيها ولا نف سيها!! (Re: عمر علي حسن)
|
خالي
Quote: يابوي خالك ما بيقدر علي السباق القائم ده - 72 مداخلة قبل ما امسك عصاتي واحاول احت معاكم ..
انا كنت فاكر انه جيل عبد الوهاب الصادق هم وحدهم الذين يعرفون ما احلي التصافي ، لقيت ليك العميان شايل المكسر وسبق 100 yards .. ده جري ماعندنا ليه كرعين .
اما الحت فخليه ساكت .. قادرية بس .. بي عجاجو .. والجكس البرسلو رسائل بعد سنة ما عندهم رقم الموبايل لانه علي ايامهم ماكان في موبايل والأرضي ما بيقبل رسائل .. وهن ذاتهن بقن ديوك .
ومع ذلك ورغم انف اللي قال لك خالك بحمر في البصلة خالك مظبط البدله والكرافته (والسبحه في جيبو) ومنشن علي حفلة راس سنة كده كلها جكس وشباب .. |
هههههههههههههههههههههههههههههههههها والله كتلتني بضحكة الله يجازيك
بطلاق دموعي من الضحك عيييييييييييييييك
| |
|
|
|
|
|
|
|