|
|
 وصلت السودان ومن المطار كرهت البلد ورجعت الطيارة
|
فى فترة من الفترات قتلنى الحنين للوطن والاهل واصدقاء الطفولة واولاد الجيران وناس الحلة فنزلت السودان بعد قرابة العشرين
سنة ولكن فرحتى بالوصول لم تكتمل فعدت ادراجى الى الطائرة المتجهة الى اديس ابابا والسبب انى شاهدت احد ضباط الجمارك
تعمد اهانة احد المغتربين امام زوجته واولاده باستخدام شتائم ودفر فى الراجل وسط دهشة زوجته واولاده , فادركت ان هذا ليس
السودان الذى كنت اعرفه واتشوق لرؤيته , ونسأل الله السلامة ( من اين اتى هولاء يا الطيب صالح رحمك الله )
|
|
 
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: omer osman)
|
| Quote: وسط دهشة زوجته واولاده |
والله أدهشتنا أنحنا زاتنا !!
والله حيرتونا وما عرفنا رقبتنا أنحنا قاعدين فى السودان ولّ فى حته تانية ؟؟
ياخ ما تخافوا الله فى البلد العلمتكم وربتكم !| Quote: وصلت السودان ومن المطار كرهت البلد ورجعت الطيارة |
ياخ إنت جاى بى طيارة ولّ بى ركشة ؟؟
ولّ تكون جاى بى طيارة خاصة ؟
ووقفت إنتظرتك لغاية ما كرهت البلد ورجعت ؟؟
ياخ ما تحترموا عقولنا دى شوية
عليك الله عشان نصدقك جيب لينا تاشيرة الدخول للسودان وتاشيرة الخروج معاً
عشان نتأمل !!
| |
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: هاشم نوريت)
|
Quote: ياعمر مافى استغراب فى البيحصل والممكن يحصل
لكن خلف در والصعود الى الطائرة دى كتيرة
غايتو كان كانت بص سلبونا ما ممكن تحصلوا
الله هونينى |
والله ياهاشم .............. علمو واسع
لكن انا بقصد بالاستغراب مابدر من ضابط الجمارك وهو ما استفزني في هذا البوست ........
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: هاشم نوريت)
|
اخونا هاشم اولا انا ما محتاج اجراءات سفر معقدة او تاشيرات سفر لكثير من الدول وبعدين العالم اصبح قرية يعنى ما محتاج
امشى وكالة ابومروان جوار البنك التجارى عشان اقطع تذكرة سفر , وانا استغرب تركيزك على اجراءات مقادرتى البلاد
وكنت اتمنى ان تشاركنا فى مصيبة الراجل الغلبان ده ولا انت واحد من الجماعة
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: ناصر احمد الامين)
|
| Quote: هههه .. اسه السؤال دا علاقتو شنو بالدفير و الطياره يا باوقة ؟ |
كيف ياخ دا اهم سؤال لناس المؤتمر اللاوطني ..قبيلتك منطقتك وبعد كدا يتشكل الراي
الاخ صابر مسالة البوليس البقل ادبو ويحقر الناس دي عادي جدا في السودان وكويس الما قطع زرارتين من قميصو وحول الموضوع لتعدي علي رجل قانون ...
اذا كان الرئيس ما بعرف من الشريعة غير القطع والجلد تفتكر العسكري الساي ح يكون كيف ؟!!
بس وبصراحة مسالة انت رجعت بنفس الطيارة دي ما ركبت راسي زي اخوي ود نوريت دا
ياخي لو بص ساي بتغير البص لانو بقيف في الصف ..
لو بتحمل جواز سوداني لازم في حاجة اسمها ضرائب هنبته ناس اسمهم جهاز المغتربين او المغربلين
ولو عمرك مية سنة برضو في خدمة الزامية
وكمان لازم تدفع تذكره جديدة
الخ الخ الخ الخ
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: ود الباوقة)
|
ود الباوقة سلامات
انت عارف انا من وين ؟
انا من بلدا رئيسها سرق 9 مليار واعترف بقتل عشرة الف دارفور واعلن الجهاد فى الجنوب , انا يا ود الباوقة
مع الاسف الشديد من بلدا فيها حواء مهانة وانا من بلدا يا ود الباوقة فيها رئيسا ممنوع من السفر ويرقص فى البيت
مع ناس فاطمة ووداد وفناناتها يرقصن فى نيجيريا
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: صابر أتير)
|
الأخ صابر،،
ممكن الموقف يكون حصل ،،
بس،،
| Quote: اخونا هاشم اولا انا ما محتاج اجراءات سفر معقدة او تاشيرات سفر لكثير من الدول وبعدين العالم اصبح قرية |
هو دخول الحمام ذي خروجو،،
تدخل وترجع من غير ما تمشي المغتربين
وتأشيرة الخروج ،،
وتدفع الضرائب ،،
والخدمة الإلزامية؟
غايتو دي أمنية ،،
أكثر منها واقع ،،،
(على رأي ود البشرى)
أو إحتمال تكون دي إستعارة
قصدت بيها المفروض يحصل ..
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: ود الباوقة)
|
Quote: بعد قرابة العشرين
سنة ولكن فرحتى بالوصول لم تكتمل فعدت ادراجى الى الطائرة المتجهة الى اديس ابابا |
يا زول انت اتخلطت عليك الامور شكلك جاى من زقلونا وماشى العششش....بعدين يا عمك 20
سنه ما شفتا السودان اتنزعت من دواخلك الاصاله السودانيه...انت شخص اخر فبالله كيف كرهت
السودان ورجعت طوالى كده دى فاروق ابوعيسى ايام مجدو ما بسويها...اقول ليك حاجه
قم لف ياخى...
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: Abd-Elrhman sorkati)
|
Quote: اخونا هاشم اولا انا ما محتاج اجراءات سفر معقدة او تاشيرات سفر لكثير من الدول وبعدين العالم اصبح قرية يعنى ما محتاج
امشى وكالة ابومروان جوار البنك التجارى عشان اقطع تذكرة سفر |
,
ههههههه
انت يا ود مفتكر نفسك بتتكلم مع منو؟؟؟؟؟؟
دعنى اعطيك مخرج اخر...
ياخى قول انك متحصل على الجنسيه الامريكيه او اى جنسيه اخره
وعملت كونكشن فى الخرطوم وكنت ناوى تنزل تبل شوقك شويه يوم
يومين لكن المنظر الحصل ده منعك و اوصلت رحلتك فى نفس الطائره الجيت بيها الى اديس....
النجر الساهل ده ما بتعرفو الشكيه لى باليد قويه....
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: وليد الطيب قسم السيد)
|
انت يا وليد الطيب ولا وليد 500 عايش فى قرن مختلف وتحتاج تنوير حتى ولو كان من البروفسير بتاع جامعة افريقيا
الارهابية داك , اسمه منو هو ؟ انا مرة قابلته فى ندوة فى دار الطلبة الوافدين فى القاهرة عام 1990 وقال انذاك ان كلمة افريقيا تعنى
( مغرب العرب ) عملها كيف الراجل ده ما عارف , ديل هم منظراتية المشروع الحضارى وانا اقول المشروع ده انتهى ليه
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: بشير أحمد)
|
صابر .. صابر !!
الونسة تختلف توتلى عن الكتابة !!
تانى لمن تتونس مع ناس ما تجى تكتب ونستك هنا !!
هنا الناس بتتلايق فيك وطلع كلامك كلوا كضب !!
الناس البتتونس معاهم ممكن تخمهم وتعمل ليهم فيها شفت ..
ما حا يقدروا يحرجوك بالذات لو كانوا سودانيين !!
وطبعاً إنت مارجعت بنفس الطيارة عشان كده بتكون قلت ليهم دقيت بتاع الجمارك !!
لكن هنا ما بحلك مننا إلا صورة الجواز !
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: صابر أتير)
|
Quote: انت يا وليد الطيب ولا وليد 500 عايش فى قرن مختلف وتحتاج تنوير حتى ولو كان من البروفسير بتاع جامعة افريقيا
الارهابية داك , اسمه منو هو ؟ انا مرة قابلته فى ندوة فى دار الطلبة الوافدين فى القاهرة عام 1990 وقال انذاك ان كلمة افريقيا تعنى
( مغرب العرب ) عملها كيف الراجل ده ما عارف , ديل هم منظراتية المشروع الحضارى وانا اقول المشروع ده انتهى ليه |
ما اختلفنا تب انا محتاج لتنوير من ايا كان
وفوق كل ذو علم عليم انا محتاج بالفعل لتنوير
لكن انت محتاج لمخرج يخرجك من وصلت المطار ورجعت الطياره اقصد الرقشه
| |
|
|
|
|
|
|
|
|
 Re: وصلت السودان ومن المطار كرهت البلد ورجعت الطيارة (Re: وليد الطيب قسم السيد)
|
Quote: فيصل الرشيد
حمد لله على سلامتك
ومشتاقووووووووووووووون |
باوقه يا صديقي ..
الله يسلمك يا اخي ..واشواقنا تحملها البطاحات اليك في نجد ..
ــــــــــــــــــــــــــــــــــــ
ده شنو يا باوقه الفكيتو فينا ده ؟؟الزول ده قولو ليه قول بسم الله ما بفكوها كده
لكن تسجيلاتكم الشتويه ابداااع ..وين صديق بالمناسبه السعيده دي
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: Faisal Elrasheed)
|
Quote: Quote: انت من وين في الاهل بالسودان
هههه .. اسه السؤال دا علاقتو شنو بالدفير و الطياره يا باوقة ؟ |
ناصر...
انت من وين دي...اهم سؤال في السودان عشان بعد دي تحدد اي درجة من المواطنة تحملها...عشان نعرف انت يحق ليك تقول اي وجهة نظر ولا.. عشان نعرف انت عميل مدسوس ولا شريف مرفوع....عشان نعرف انت شعبي ولا وطني ولا طابور خامس...
انت من وين دي سؤال في ظاهره التعارف في باطنه العنصرية والجهوية التي مزقت السودان...انت من وين!!!
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: عيسي الطاهر)
|
أقصر طريق للشهره الإسفيريه وربما (تبوء) منصب رفيع في حكومة مابعد الإنقاذ والدخول الى قيادة الصف الأول في الجبهات الوطنيه المتحده أو غير المتحده ...أو حتى أسوأ إحتمال تربيته (مجهبزه) من اللوبي الخارجي المعادي لحكومة الانقاذ ....
هو أن (تشتم) وتكثر من الشتيمه وتتفنن في الحاق مخالفيك بالرتب العليا في جهاز أمن الجبهه ...وقطع شك بتنجح أكان كنتا (طيره) أو حتى (ريالتك سايله) .....
سر وعيونهم ترعاك
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: عبدالله كع)
|
ألأخ/صابر السلام عليكم..
Quote: فى فترة من الفترات قتلنى الحنين للوطن والاهل واصدقاء الطفولة واولاد الجيران وناس الحلة فنزلت السودان بعد قرابة العشرين
سنة ولكن فرحتى بالوصول لم تكتمل فعدت ادراجى الى الطائرة المتجهة الى اديس ابابا والسبب انى شاهدت احد ضباط الجمارك
تعمد اهانة احد المغتربين امام زوجته واولاده باستخدام شتائم ودفر فى الراجل وسط دهشة زوجته واولاده , فادركت ان هذا ليس
السودان الذى كنت اعرفه واتشوق لرؤيته , ونسأل الله السلامة ( من اين اتى هولاء يا الطيب صالح رحمك الله ) |
ألأخوة المتداخلين...كلام ألأخ/صابر بخصوص كلامه الفوق ده تقنيآ وعمليآ ممكن فى معظم المطارات المتقدمة وإن كان فيها صعوبة فى مثل مطارنا ده..قبل المسافر أن يدخل صالة الجوازات ويعمل إجراءته.. يمكن أن يصدر تذكرة إلألكترونية عند طريق حاسوبه المحمول ويدفع بأى بطاقة إئتمان.ولكن بعد الدخول وبما إن جماركنا بعد الجوازات لابد أن يلزمه تأشيرة خروج من البلد.
أما بخصوص ما تحته خط من الكلام المقتبس..فهذا ليس سبب مقنع والمتحيل بتبكى الريشة...
تقديرى وأحترامى..
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: طلال جبير جابر)
|
Quote: فى فترة من الفترات قتلنى الحنين للوطن والاهل واصدقاء الطفولة
واولاد الجيران وناس الحلة فنزلت السودان بعد قرابة العشرين
سنة ولكن فرحتى بالوصول لم تكتمل فعدت ادراجى الى الطائرة المتجهة
الى اديس ابابا والسبب انى شاهدت احد ضباط الجمارك |
دينااااااااااااااااك.....!!!!!
احييييييييي يابطني....!!!!
يوم حتكتلو ليكم زول في المكان ده.....!!!!
اها انت كنتا جاي بي جواز ملس زيناوي
ولا راكب طيارة الامم المتحدة.....؟
ياعمك ...
جيت السودان بعد عشرين سنة
لقيت ضابط بيهين في سوداني قدام اسرتو
رجعت طوالي ركبت الطيارة وعدت الي اديس ابابا
ياخي اكان انت مصدق الكلام ده
انا زاتي مصدقو....!!!!
سمعته بي
كااااااااااااااااااااااااكـ
----
فيصل الرشيد
سلامات يااعز عزيز
شوفته المحن الواحد ماقدر يبث لواعجه معاك ( حلوه لواعجه دي....)
الا في الماسورة دي
اصلو صحبك ده ذكرني بوست
طارق مختار كائن في ........؟
ياخي رسل لي تلفونك اصلو فقدت الارقام
شكرا لاخونا صابر اتير والذي اتاح
لنا الفرصة في ملاقاة الاحباب
امثال فيصل الرشيد وابو حسين تطير عيشتو
وود الباوقة الهطيريق.....!!!!
ياخوانا حدي يصحي ود الصايم وود البشري
وكااااااااااااااااااااكـ تااااااااااااني.
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: BAKTASH)
|
يا صابر ياخي الناس دي كان ما ماتت شقت المقابر... نفترض إنه كل التعقيدات بتاعت إنك تلقى حجز في نفس اللحظة ولا تشتري ليك تذكرة و ما عارف شنو دي اتحلت. و نضع في اعتبارنا إنك تحمل جواز اجنبي و لا تحتاج تأشيرة دخول لمحطتك القادمة... في حاجة ما تنساها مطار الخرطوم صالة المغادرة فيه غير صالة الدخول... بعدين ناس الجمارك ديل ما بتشوفهم إلا بعد ما تعدي ضباط الجوازات فحكاية عدت أدراجي دي أصلا ما بتقسم هنا... زي ما قال أخونا حيدر ياخي على الأقل أسبك الحكاية أول و خليها تحتاج شوية مجهود من الناس عشان يناقشوها. بالمناسبة فاقدنك في بوستات قديمة.
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: Elawad)
|
والله يا العوض حننتني كيف و انت محاول تشرح لصابر.
يشهد الله انك زول طيب.
ياخي ما تقرا و تضحك و انت ساكت. حاجة بتفش الغربة و مرارتا غير البوستات الزي دي مافي.
اتذكر في بوست العبيد واحد من الاخوة قال لي كان تنصح صابر و توريو كلامو غلط ليه. ما رديت عليو. فضلت انو دردود صابر تشرح ليو ليه ما ممكن اشرح او ارد.
هسه دحين ياخ استمتع و خلينا نستمتع.
اخونا صابر ..
اي زول ما يصدق انك رجعت من صالة الجوازات ركبت الطيارة على اديس طوالي ده أمنجي.
أحكي أحكي .. أفضح أذيال النظام ديل و عريهم ام فكو.
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: Elawad)
|
Quote: فيصل الرشيد
سلامات يااعز عزيز
شوفته المحن الواحد ماقدر يبث لواعجه معاك ( حلوه لواعجه دي....)
الا في الماسورة دي
اصلو صحبك ده ذكرني بوست
طارق مختار كائن في ........؟
ياخي رسل لي تلفونك اصلو فقدت الارقام
شكرا لاخونا صابر اتير والذي اتاح
لنا الفرصة في ملاقاة الاحباب
امثال فيصل الرشيد وابو حسين تطير عيشتو |
هرون يا صفوه ..
ولله في خلقه شئون يا اخوي ..
وزي ما قال المثل رزقا تكوس له ورزقا يكوس لك ..
هسه عليك الله عاين زي المحن دي .. نحن قاعدين في صمت خشمنا يجينا زول باللوفتهنزا ..ينزل المطار ..
يكشف للناس كده ويعاين للصاله بتاعتنا التعبانه دي ..ويلقي ليه كم كديسه ساكه ليها فار تحت كاونتر الجوازات ..اها يقوم الزول الحساس ده يستاء ..
يستاء شديد خالس خالس ..
اها يقوم يدق دخول بي جوازه الماعارفو بتاع ياتو دوله كده ويدخل للسودان ..
ويقرر فجأه كده انه ما داخل البلد ويجلي فكرت الاخوان والفرد القدام والاهل ..
يقوم تنقش تنقش تنقش يمشي صالة المغادره ..
اها يا جماعه عندكم بص قايم اااقصد طياره قايمه قريب ؟؟
يقولو ليه انت ماشي وين يا الاخو؟؟
يقول ليهم اي حته تمرقني من البلد دي ...انا مستاء ومحبط ولو ما خارجتوني هسه احتمال ابقي شاعر ..
والله االف فيكم كتاب ..
ثم يسكــلـــــب ويعوعي ..ويديها نخجه ومخاخيت ..
اها يركب الاثيوبيه الي اديس ومن اديس الي وين كده ما عارف..
طبعا الزول ده لانه جوازه ما سوداني بكون ناس البوليس احترموهو ولا سالوهو من تسجيل اجانب ولا تاشيره خروج ولا يحزنون ..
الشي شنو..
غايتو كان كلامو ودرابو ده صاح ..بكون برا ليك الزول الحبشي الراكب جنبو بري جد خلاهو قلم رصاص بتاع طالب هندسه ..
احتمال يكون الحبشي ده تلب وانتحر ..
اللهم لا تؤاخذنا بما عمل السفاء منا..هو منا والا من وين الزول ده ..
ـــــــــــــــــــــــــ
هرون يا حبيب الحضري كيف بالله
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: Elawad)
|
| Quote: احد ضباط الجمارك تعمد اهانة احد المغتربين |
يعنى جواز سفرك ( الأجنبى ) إتختم دخول وإلا لما وصلت الجمارك
أهااا متين وصلت تسجيل الأجانب، وعبيت الفورمات، ولصقت الصور، ودفعت الرسوم
وكم واحد كان قدامك؟؟؟؟
وكيف دخلت المنافست بتاع نفس الطيارة؟؟؟
والميزان القافل فتحتو كيف؟؟
__________________________
غايتو بس نهدى ليك اغنية يا طير يا طاير...
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: صابر أتير)
|
وصل بعد عشرين سنه غياب ورجع من المطار
اولا دا انسان قلبو ميتكيف استطاع ان يبعد عن اهله عشرين عام
ثانيا الزول دا تقول جا ببص الديوم الذي انزله ثم بدا يشحن وقبل المغادره ركبه صاحبنا ورجع
ثالثا الشرطه في هذا البلد محترمه وادائها ممبز وهي في خجمة الشعب وهذا شعارها
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: singawi)
|
| Quote: ولكن فرحتى بالوصول لم تكتمل فعدت ادراجى الى الطائرة |
طيب
لو رجعت بلدك الثانى
ومريت بمطار أوروبى
وضابط الجمارك قاليك أدخل الغرفة دى ( دواعى أمنية ) ومن حقو!!!
(ولبس جونتى ) وجاك.....
فرحة وصولك دى...تمشى بيها وين؟؟؟
_____________________________
حليلك يا ضابط جمارك مطار الخرطوم....
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: سيف اليزل جعفر عبد الرحمن)
|
Quote: والله يا العوض حننتني كيف و انت محاول تشرح لصابر.
يشهد الله انك زول طيب.
ياخي ما تقرا و تضحك و انت ساكت. حاجة بتفش الغربة و مرارتا غير البوستات الزي دي مافي. |
والله يا حمور من ناحية ضحكت ضحكت... لكن حارقاني الزول دا مستخف بينا كدا. ياخي على الأقل شوية مجهود مافي؟
خالك ما يكون دقسك و نام بالظرف حقك يا حمور تبقى من بروفيسور صابر لي دكتور أمين.
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: احمد معتصم الطيب)
|
ظرف شنو يا العوض .. ما شفت منو أي ظروف إلاالظروف الصعبا العيشني فيها.
لكني ما لايمو .. دي غلطة أبوي الناسب عبيد البرتغال .. نحن كعبيد أندلس عندنا تقاليدنا و خصوصيتنا .. بالذات أهلنا ناس حلة غرناطة السوق .. عبيد البرتغال ديل ما بيخارجو معانا كلو كلو.
بالنسبة لأخونا صابر التنويري فما تعتبر كلامو استهتار بالناس .. بالعكس .. دي مهمة تنويرية.
عليك الله بعد تقرا بوستاتو ما بتحس بسعادة و رضا داخلي ؟ عايز اكتر من كده شنو ؟
أما إنك عب مفتري ياخ.
انت من عبيد وين بالمناسبة دي ؟
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: سيف اليزل جعفر عبد الرحمن)
|
| Quote: انت من عبيد وين بالمناسبة دي ؟ |
والله يا حمور حكاية أنا من وين دي فيها خلاف... زمان دكتور بشاشا قال أنا زنجي كاره نفسي هسع د. صابر قال نحن من حظيرة عبد الله الجزار (أو أيا كان اسمه على قول ملاسي) ساقونا فتحنا الأندلس بعد داك قتلوا أسيادنا كلهم و فضلنا نحن العبيد لأنه جماعتك الصليبيين بتاعين الأندلس ديل ما شاء الله عليهم حنينين جدا و جنهم و جن زول يهبش المهمشين فبدل ما يقتلوا أجدادنا رسلوهم المغرب... أجدادنا غفر الله لهم بدل يكسروا ركبة في المغرب أو حتى في مصر القريبة دي (أمخاخ أخوال زي ما بقول بشاشا نسوي شنو عاد) أصروا يواصلوا لمن وصلوا شمال السودان. و ديل أحسن حالا من أولاد عمنا المسيرية يا زول ديك جدودهم طشوا من المغرب ما قدروا يخشوا غرب السودان إلا عن طريق الحبشة. المهم هسع صاحبك تايه و ما عارف يحدد هويته... مرة مرة بقول إمكن الدكاترة الاتنين كلامهم صاح أنا أكون زنجي كاره نفسه و في نفس الوقت من عبيد الأندلس. غايته كان بقيت من عبيد الأندلس متأكد حأكون من ناس سبتة و مليلة... ياخوي الجماعة كان بقوا طاردننا من السودان دا جهجهة البحر دي ما بنقدر عليها أخير نشوف لينا حتة قريبة كان ناس الأندلس نكرونا نكون قاعدين في واطات الله و نرجع كداري.
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: Elawad)
|
طفشتو الزول دا زاتو خلو الراجل يفضفض ...يمكن يكون حلمان اويمكن يكون رجل اعمال وعندو طياره خاصه اويمكن يكون صاحبو وزير الطيران,,,او احتمال انتظروه اهلو في التارمك وسلم عليهم واتخارج ...كلو وارد....
الزول دا كان جاوب لي ودالباوقه كان اداكم اخرو سريع مع انو قرررب يقولو انت كان عندك اهل واصدقاء مابترجع بنفس الطياره
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: احمد معتصم الطيب)
|
Quote: فى فترة من الفترات قتلنى الحنين للوطن والاهل واصدقاء الطفولة واولاد الجيران وناس الحلة فنزلت السودان بعد قرابة العشرين
سنة ولكن فرحتى بالوصول لم تكتمل فعدت ادراجى الى الطائرة المتجهة الى اديس ابابا |
والله ياشفوت الزول اصلوا ما يحاول يهظر معاكم تنشبوا لية في حلقة
الراجل دة كلامة واضح
* اولا قال في فترة من الفترات هو يعني ما حدد لكن انانقشتو هو قاصد الفترة القبل نميري حيث كانت الدنيا ساهلة
وصالة الوصول والمغادرة واحدة تركب تسافر تمر بيها وتجي برضو محمداك (بالله لو في جلاكين في المنبر دة حضروا الزمن داك يفوتوها ومايعلقوا)
* ثانيا الراجل قال عدت ادراجي ( أدراجك دي اتقطعت فيها ياأتييير ) نحو الطائرة المتجه لأديس أبابا ماقال عدت أدراجي نحو الطائرة التي نزلت منها قبل شوية وشتان مابين هذا وذاك
* الزمن داك لا في تسجيل أجانب ولا حاجة لودخل أتير بجواز أجنبي وكمان لو جا شايل الجواز الأخدر (الزمن داك كان لبني ) نقول لية برضوا محلولة لانو ما كان في كرت تجنيد ولا يحزنون
صابر أتييير المرة الجاية لمن تدور تنجر ليك قصة زي دي أنا برشح ليك ناذر الخليفة يزبط ليك السيناريو عشان هو فاهم شديد في حتات السيناريوهات وكدة عشان ماتشمت فيك الناس
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: عثمان محمد كرار)
|
| Quote: يا جماعة هسع انتو نسيتو تتعاطفو مع الراجل المغترب المسكين دا بس مركزين على سفرى |
ما عشان كدا الناس يا صابر الناس حسها اتقرش إنه القضايا بتضيع ببعض الممارسات غير المقبولة. هسع لو كان بالجد إنت شفت الحكاية دي في واحدة من زياراتك و حكيتها من غير التوابل دي كان ممكن صاحبنا المغترب يلقى ليه تعاطفاية تعاطفايتين كدا... لكن براك ساعدت على صرف الموضوع بعدت أدراجي دي.
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: الطيب العامرى)
|
Quote: يا جماعة هسع انتو نسيتو تتعاطفو مع الراجل المغترب المسكين
دا بس مركزين على سفرى |
انا شخصيا متعاطف مع الطيارة الرجعت ليها
بعد ما وصلت الجمارك...وشفت اللي شفتو
قبل ما تشوفك عيني...
الطيارة دي لي هسي بتكون محتارة في راسا دا...
والله علا تغني للكابتن بتاعا(ما بنمشي لي ناس ما بيجونا)
وبعدين نحن شن شغلتنا بي المغترب داك...نتعاطف معاه
فوق دار ابو منو..انت والطيارة اولي بالتعاطف...
المخرج الوحيد ليك...
تستلف ختم الدكتور..
والتجاهل
التجاهل
التجاهل
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: nazar hussien)
|
الاخوة الكرام
نحن فى منبر بكرى الديمقراطى ونتعامل مع اناس لهم وجهات نظر ومعتقدات وافكار وتخصصات مختلفة فبالتالى لا اتوقع
اتفاق الجميع معى وكونى انسان ديمقراطى احترم كل الاراء حتى المنحط منها , وهذه فرصة طيبة لتكوين فكرة عن البعض
وتصنيفهم وانا اعتبرها بداية جميلة افادتنى كثيرا , اما عن حكاية طريقة عودتى من الخرطوم والباسبورد الذى احمله كما تناولها
عديمى الشغلة لن اخوض فى الامر كثيرا وهذه اشياء خاصة جدا ويكفى انى كتبت بالعربية واوضحت للجميع ما حل بالرجل وكفى
اما اصحاب الفارغات الموجودين فى المنبر للتسلية فلهم يوم وانا جاهز ومستعد لهم
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: nazar hussien)
|
الاخوة الكرام
نحن فى منبر بكرى الديمقراطى ونتعامل مع اناس لهم وجهات نظر ومعتقدات وافكار وتخصصات مختلفة فبالتالى لا اتوقع
اتفاق الجميع معى وكونى انسان ديمقراطى احترم كل الاراء حتى المنحط منها , وهذه فرصة طيبة لتكوين فكرة عن البعض
وتصنيفهم وانا اعتبرها بداية جميلة افادتنى كثيرا , اما عن حكاية طريقة عودتى من الخرطوم والباسبورد الذى احمله كما تناولها
عديمى الشغلة لن اخوض فى الامر كثيرا وهذه اشياء خاصة جدا ويكفى انى كتبت بالعربية واوضحت للجميع ما حل بالرجل وكفى
اما اصحاب الفارغات الموجودين فى المنبر للتسلية فلهم يوم وانا جاهز ومستعد لهم
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: haroon diyab)
|
Quote: فيصل الرشيد
حمد لله على سلامتك
ومشتاقووووووووووووووون |
ابو عدي
تعرف الشي الوحيد الاسوا من تاييد النظام انك تكون مصاحب شخص ذي هذا الذي عنيته بهذه الاشواق..
لا امانع من تاييد النظام فالعوج برضو راي..وكل مؤيد معلق من عرقوب التأييد الذي يلوح به..
بس ياخي انتقي من تشتاق اليه..
عهدي بك احسن من كده..
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: DKEEN)
|
Quote: الاخوة الكرام
نحن فى منبر بكرى الديمقراطى ونتعامل مع اناس لهم وجهات نظر ومعتقدات وافكار وتخصصات مختلفة فبالتالى لا اتوقع
اتفاق الجميع معى وكونى انسان ديمقراطى احترم كل الاراء حتى المنحط منها , وهذه فرصة طيبة لتكوين فكرة عن البعض
وتصنيفهم وانا اعتبرها بداية جميلة افادتنى كثيرا , اما عن حكاية طريقة عودتى من الخرطوم والباسبورد الذى احمله كما تناولها
عديمى الشغلة لن اخوض فى الامر كثيرا وهذه اشياء خاصة جدا ويكفى انى كتبت بالعربية واوضحت للجميع ما حل بالرجل وكفى
اما اصحاب الفارغات الموجودين فى المنبر للتسلية فلهم يوم وانا جاهز ومستعد لهم |
إتا زعلتا ياخواجة.
____________
جمعة مباركة لكل الفارغين.
كامل تضامني مع ودأخت امين نوتات والعوض هيمسلف؛
التحايا لكم.
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: سيف اليزل جعفر عبد الرحمن)
|
صابر سلام
طبعا الجلابه من حقهم ان يكتبوا هنا ما يشأوا
يجيو يحكوا عن المطارات و عن البطش وعن قلة ادب البوليس وحرامية الجمارك
كله اوكي ليهم...اكن ان تكتب انت
ويجوك الدافنين لك زي نا العوض العامل موضعي وحمور
وهم اصلا صارين لك الغبيه بتاعت بوست العبيد.....
يا صابر هذا المنبر به ناس مش فارغين
يا زول ديل عنصرين ولا شيئ آخر...
لذا انت هنا اعرف ما من حقك تكتب حاجه
غير تقصف ابو اهل دولتهم العنصريه....
صابر يبلع شنو؟؟؟انتو ما بلعتوا برئيسكم
يبلع صابر؟؟!!
زول حاء كتب قصه عاديه
كلنا نعرفها في داعي ل 70 مدالخه في الفارغه؟؟
رجال كبار وعراض سايبين وليداتك وواجاباتكم وقاعدين في الكمبيوتر
عشان تكتبوا مدخلات زي دي؟؟؟
يا اخي لو مشيتوا لعبتوا كورة شراب مع اولادكم افيد....
بلد بتتقسم وشعب جائع وفيديوهات منشوره باليوتيوب فرجة خلق الله فينا
ودوله منهاره تماما.....
وانتو قاعدين لانه صابر طلع بصالة الخروج و لا صالة الدخول؟؟؟
ان شاء الله طلع بعد شهر دي قضية منو؟؟؟
استحوا على دمكم.
وبعدين يا فرانكلي....مش يمكن اهله ماعهوا؟؟؟
الا تزيدوها كمان عشان يتصور ابن عاق؟؟!!
ومنو قال لك شوفة الاهل الا في السودان؟؟؟
الا تلعم انه ممكن يلتقيهم في اي دوله مجاوره؟؟؟
وكثير من السودانين يفعلونها؟؟؟
غايتو صحي جلابه!!
يوا باكتاش كنت قايله زمنك اقيم من كده
ومدخلاتك الشحيحه موفرها لكش اكاذيب الحكومه
وليست عدم دقة صابر.
وآخيرا يا صابر تلفوني في البروفايل
اتصل بي عشان اوريك كتلوج البورد ده تماما.
اوريك منو الامنجي
ومنو العرقي الجهوي فقط حتى لو يساري
واوريك من العروبي
ومن الهلالالي ومنو المريخابي ومن البطقع ساي
عشان تعرف تجيهم مستعد....ديل عامل يخافوا ما يستحوا.
شكرا عمر عثمان كنت من القلة الموضوعيه بهذا البوست.
| |
|
|
|
|
|
|
| |
صابر أتير
SHIBKA
omer osman
هاشم نوريت
Faisal Elrasheed
صلاح أبودية
ناصر احمد الامين
الحاج حمد الحاج
ابراهيم محمد الحسن
وليد الطيب قسم السيد
Abd-Elrhman sorkati
بشير أحمد
ABUHUSSEIN
الهادي محمد ابراهيم
عيسي الطاهر
أمير فتحي
HAIDER ALZAIN
عبدالله كع
ismeil abbas
طلال جبير جابر
haroon diyab
عبد اللطيف السيدح
BAKTASH
Elawad
حمور زيادة
Hassan Makkawi
Osman Musa
بشير حسـن بشـير
أسامة البلال
nazar hussien
سيف اليزل جعفر عبد الرحمن
Fadl Karrar
احمد معتصم الطيب
nile1
Yassir Tayfour
الزبير صالح الزبير
الوليد الرشيد وراق
حذيفه ابراهيم الكباشي
EMU إيمو
Frankly
Tragie Mustafa
فيس بوك
تويتر
انستقرام
يوتيوب
بنتيريست