|
|
 تداعيات عوضية كركبة....!!!
|
يا سسسسسسسلام ياخي علي عوضية كركبة... سفنجة من النوع المميز الذي له المقدرة علي احداث اصوات السفنجات الاستاندر عندما تلتحم باتربة شوارع فريق وراء وتصدر صوت تاريخي (طج... طج...طج) وعندها يتيقن كل القاطنين في تلك الجخانين بان الشارع الان هو ملكا لمرور عوضية كركبة وهي في طريقها المقدس لاحداث كركبة من الكركبات او عووووة من العووووات التي جبلت عوضوض علي احداثها وتوليعها وتوقيفها كنار منقد....
|
|
  
|
|
|
|
|
|
|
|
Re: تداعيات عوضية كركبة....!!! (Re: عبدالكريم الامين احمد)
|
كركبة اقل ما يمكن ان توصف به هي التايسونية الشديدة المفاجئة وسطوة العضلات التبش الي سعتها عوضية وعبر سنين طويلة من السفسفة والرمرمة والتخصص العالي في منجريات الكمونية والجقاجق التي كانت تحرص كل الحرص علي ان تشتريها من تلك الجزارة المزدحمة
والتي اصبح وصار مرورها اليومي بتلك الجزارة فرصة لمحبي كركبة عوضية بان يتاملو ويتفرجو في دهشة ومقدرات كركبة علي اقتلاع كوم او كومين من براثن الجيوش الصباحية التي تئن وتزمجر بها تلك الجزارة المحضورة...
| |
|
|
|
|
|
|
|
|
|
Re: تداعيات عوضية كركبة....!!! (Re: وليد عبد اللطيف)
|
عبد الكريم
تحياتي لك
شفت الإسم إتخلعت بالجد
لأنو كانت معانا مدرسة زميلتنا في أتبرا إسمها عوضية كنا نسميها عوضية كركبة.
سفنجة من النوع المميز الذي له المقدرة علي احداث اصوات السفنجات الاستاندر عندما تلتحم باتربة شوارع فريق وراء وتصدر صوت تاريخي (طج... طج...طج
لكن زولتك دي لو لبست ( كركب أو كما يسميه المصريين قبقاب ) كانت حتصحي الكانوا نايمين.
واصل
| |
|
|
|
|
|
|
|
|
|
Re: تداعيات عوضية كركبة....!!! (Re: ابو جهينة)
|
Quote: شفت الإسم إتخلعت بالجد
لأنو كانت معانا مدرسة زميلتنا في أتبرا إسمها عوضية كنا نسميها عوضية كركبة.
|
هلا يا ريس
وانازاتي اتخلعت كون في هذا الكون السوداني هنالك زولة اسمها عوضية كركبة تتقاطع مع عوضية كركبة فريق وراء في الكركبة
وعوضية كركبتي هنا هي سليلة فريق ورا حيث الدهشة وعوضية شرغرغ وحواء اوكمابو وعشة بطيخة واخريين
Quote: لكن زولتك دي لو لبست ( كركب أو كما يسميه المصريين قبقاب ) كانت حتصحي الكانوا نايمين.
|
يازول كركبة دي لمن تجي ماشة في الازقة والشوارع بتاعة فريق وراء التقول دبابة بس
حيشان الجالوص والبوص كلها تلقاها بتهزهز من طرف
| |
|
|
|
|
|
|
|
|
|
Re: تداعيات عوضية كركبة....!!! (Re: وليد عبد اللطيف)
|
Quote: يازول مره واحد في الحله على شكل عوضيه كركبه
كل يوم في التحام مع عجائز الحله في السياسة
واول ما الحكومه اتقلبت جاتهم ليك
وقالت ليهم : بعد كدا اي قرد يطلع شجرتو
يازول إتضايرنا و خفنا من العجائز وطبعا ضحكنا بعد يومين
ههههههههه
|
هلا يا ولي والاشواق
الحلال والفرقان ضروري يكون فيها مرة بتاعة كركبة وعوووة زي الخالة دي
ودائما بتكون زولة ماعندها قشة مرة وممكن تكركب من طرف
وتحياتي يافردة
| |
|
|
|
|
|
|
|
|
|
Re: تداعيات عوضية كركبة....!!! (Re: عبدالكريم الامين احمد)
|
كركبة كعوضية كانت وقبل التحامها الكاثوليكي في زواجها من الشهير عوض ابكرالشهير بعوض كركبة كانت عبارة عن حمل وديع
ولكن وعبر عيشتها الشاقة والطويلة في حضرة الكركباوي الذي كان مسجل كخطر في كراكير فريق ورا.. وجدت نفسها وعبر السنين الطويلة من الفرجة ومعاشرة كركبي ابن لذينة كعوض..وجدت نفسها وارثة منه هذه الشغلة التي سرعان ما سجلت كماركة تجارية مميزة وهو الشي الوحيد الذي ورثته من زوجها الراحل (عوض) بالاضافة الي ابنائها الكثر الذين سرعان ما تحولو الي سواعد لوجستية تساعدها في الكركبات والدشمانات التي تحتاج الي دعم واسناد في بعض الاحيان...
ونعود
| |
|
|
|
|
|
|
|
|
|
Re: تداعيات عوضية كركبة....!!! (Re: عبدالكريم الامين احمد)
|
ليس هناك تاريخ اركلوجي في ذاكرة فريق ورا يمكنها ان تحدثنا علي البدايات الكركبية لعوضية ولكن الشاهدبان الجميع قد وجد نفسه امام عوضية كركبة كحالة كركبية عكليتة لها مقدرات تتفوق فيها علي زوجها الراحل (عوض كركبة) من حيث الاداء الميداني في ساحة الكركبة (سوق الطواقي- عزومة- صف الرغيف- الاستبالية والبكهات ) بالاضافة الي مضايرة ونغشمة بعض الجارات الرعديات اللائي قد ينمو الي علم عوضية تفوههن ببعض الصوااتة او الشمارات التي تضر بمكانة (عوضية) او مكانة كل من تعتقد عوضية بانه واقع تحت حمايتها الكركبية... وكركبة في حرفنتها الكركبية كانت قادرة علي المسير لكيلومترات طويلة صوب نواحي الفرقان المجاورة كفريق قدام وفريق زنقو بحثا عن ضحية وتقصي عن شمار وقع في اضانها
وتسرب بان منبعه ومصدره تلك الفيافي والفرقان المجاورة كزنقو وقدام..
وسنعود
| |
|
|
|
|
|
|
| |
عبدالكريم الامين احمد
محمد عبد الماجد الصايم
بله محمد الفاضل
وليد عبد اللطيف
ابو جهينة
فيس بوك
تويتر
انستقرام
يوتيوب
بنتيريست