رثــاء الاستاذ خالد الكد والدكتور عزالدين علي عامر والفريق فتحي احمد علي

في دعم حملة علاج دكتور الباقر العفيف:- قليل من كثر خير من كثير من قلة
نداء أنساني بخصوص الدكتور الباقر العفيف
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 21-11-2018, 02:53 PM الصفحة الرئيسية

مكتبة شوقى بدرى(shawgi badri)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
08-05-2003, 09:46 PM

shawgi badri
<ashawgi badri
تاريخ التسجيل: 26-04-2003
مجموع المشاركات: 622

للتواصل معنا

FaceBook
تويتر Twitter
YouTube


رثــاء الاستاذ خالد الكد والدكتور عزالدين علي عامر والفريق فتحي احمد علي

    في مثل هذه الايام فقدنا ثلاثه من رموزنا د.عزالدين علي عامر والاستاذ خالد الكد والفريق فتحي ولكي لا ننسي ولكي لا ينسي الاخرون نحاول ان نحي زكراهم. ولقد قال تلميذ لاستاذه عندما ساله عن عبد الله خليل اجابه:- عبد الله خليل دي محطة بص ..يا استاذ!

    د. عذالدين كان من الممكن ان ينعم بالراحه والترف لانه احد الاوائل من الدكاتره عندما كان الدكاتره "اولاد الهنا". ولد في حي سلامة الباشا في الخرطوم القديمة ومن اوائل المهاجرين للمملكه المتحدة. وعندما كان الكابتن حمدالنيل وبعض قباطنه السودان يحضرون لدراسات عليا في الجامعه البحريه العالميه التابعه للامم المتحدة ومقرهامدينة مالمو في السويدكان يشيدون بالدكتور عذالدين الذي كان يتبرع بعلاج الجميع حتي البحاره وعائلاتهم عندما يزورون بريطانيا, وكان يرفض بشده عندما كانو يعرضوا عليه نقل اي شئ للسودان كنوع من رد الجميل.

    د. عزالدين كان يهرع لمقابلة السودانيين ويبادرهم بالتحية عندما يراهم بالطريق وفي احدي المرات قابل احدي الاسر السودانيه في هارلي ستريت في لندن بحرار وترحيب فاشاحو بوجههم في استياء وذهبوا لحالهم. وبعد مقابلة احد الاخصائيين الانجليز ذكر الدكتور الانجليزي للعائله السودانيه بانه محتاج لرائ دكتور سودانيه ضليع في امراض المناطق الحاره وارسلهم الي د. عزالدين.واعتذرت العائله بانهم قد حزرو في السودان بشده من السودانيين في الخارج. ضحك د. عزالدين بطيب خاطر وقام بمساعدتهم كعادته مع الجميع.


    في رثاء د.عزالدين علي عامر


    أكان الرجال دبكر أنت السنط وماكا لعوت

    عز الدين بعوج الدرب حتي بعد الموت
    عامـــر أمير ورفيق الما بفكــو الريق
    في الحرابه جله ووسط المروق توريـق
    للغني والفقير كنتــا ديما حكيــــم
    للمركب ريس وللشراع مرسيــم
    في الليــل والضلام أنت الفانـــوس
    بــلاك الساقيه عدمـت القادوس
    مــات الزرع والتَبَس إنــــهرس
    راح التقنــت واندفن التـــرس
    مــا بترجــي سـؤال المصطــرم
    بعــدك الجــود والخير عِــدِم
    قــدامــك الحكــام صغـــار
    لـي قـوله الحـق دخلتا حتي النار
    علمـك وفهمـك بشهدوبو الانجـليز
    وأسمــك بجلــه الما بعرف الميز
    سجنـاً دخلتا ومــالاً فقـدتـــا
    ولمـا العيـون زغللـت عقبـاً ثبتـا
    لمــا الذاد يقـط والمشــوار يطول
    بتقــدل أول شـأيـل حمـــول




    شــوقي بدري ..


    ـههههههههههههههههههـ


    السنــط : أصلب الخشب .
    الدبكــر : نوع من الشجر / الخشب .
    توريــق : أكبر وأجمل المروق لعرش الديوان .
    التبــس : الشجيرات . المفرد تبســه .
    المرسيــم : أهم حبل يربط الشراع ويتحكم فيه .





    في رثــاء خالـــد الكـــــد


    كربل طرين سكن الفــؤاد يا أبروف
    مات العلــج المــا بعرف الخــوف
    يا أمدر سلام خالد رجــع للبيـت
    ماعن رُكب ويبقــي السؤال ككيــف
    يا بحر كيف تقـدر تلعب مــوج
    ويا شيخ حســن خلي الكلام البــوج
    يا شامـــت مافي ليك راحـــه
    موت الرجــال ما بخلي ليك ساحــه
    الدروه كضبت وما قدرت عليك شالا
    دا زمــن المحــن الشال أبو ســاره
    كنكيج الحجر الما بـهاب تمســاح
    ات راجــل الفريق اللي الدموع مساح
    يـوم الطقاش يوم نرفع الرايــات
    البـحر بنترسو ونقدل علــي شمبـات
    جوزيف قرنق ما قال أنا اتخميــت
    وراشد ركز تقول حبل الشنق سوميــت
    أخوي هاشـــم في الحاره ماك لويــع
    الراي والفهم اجتمعوا ليك يا شفيــع
    حمـــد الله الضــرس صافي ماك عكير
    وكت الكعه ديك سيد الرجـال بابكير
    فاطمـــــه أم أحمد براها توزن ديش
    زمان قالوا إنتهينا حرم كسرنا الطيـش
    ساعه الحاره ديك فطورنا باشا وعشانا أمير
    فتـح عيونك سمح الدور عليك يا بشير

    شوقي بدري .....





    ـههههههههههههههههههههههههههههههههههههههههـ



    كربــل : حربه لضرب فرس البحر لا تخرج بعد شكها مثل البدينقه أو
    أم حنيف لضرب التمساح .
    السوميت : نوع من الأحجار ألكريمه كجزء من جرتق العريس أو زينته




    قبل مده ماتت الاستاذه المعروفه بست مدينه بابكر الغالي وهي ابنة الرجل الشهم بابكر الغالي من تجار امدرمان وهو من الكبابيش. من اصحاب الحيشان المفتوحه في امدرمان والقلوب العامره بالحب. له تجاره في الجنوب ودكاكين بالقرب من الاسكلا. ست مدينه من اعلام السودان ولم يهتم اهل النظام الحاكم بموتها. ست مدينه هي شقيقة فاطمه"ام شلوخ" والدة الفريق فتحي احمد علي وفاروق احمد علي. وهن شقيقات الخالات امنة ورابحه واخرين...
    وعندما توفيت الخالة كنين بابكر الغالي والدة عبد الرحمن علي اردب في عام 1987
    كان وقتها الفريق فتحي علي راس الجيش السوداني صار الماتم من اكبر الماتم التي شهدتها ام درمان "الاعمي يشيل المكسر". وتربع الروساء والحكام علي كراسي الماتم بالساعات الطويله. سبحان مغير الاحوال.

    هناك قصه تروي في سوريا قديما وانه عندما مات حمار القاضي ذهب كل اعيان البلد للعزاء ولكن عندما مات القاضي بعد مدة قصيرة. لم يمشي في جنازته سوي فراش المحكمة. والذين يحكمون اليوم كانو يتربعون في مأتم 1987.
    منزل الفريق في شمبات والذي كاد ان يتكامل في بناءه تحت اشراف صديقه الوفي محجوب التجاني صادرته الجبهه.


    الفريق

    الفريق الذي كان جارا وصديقا لعبدالخالق محجوب"راشد"

    امبارح خبر فتحي
    والليله غار جرحي
    منو البقودنا اليوم؟
    وسمانا رابطه غيوم!
    كتلوك طب بالغم
    وقلبك ملاهو الهم
    كل يوم ألم وألم
    وفي البلد هناك سجم
    ونحن في لا ونعم
    وكل واحد بيعزف نغم
    فتحي كان البعرف الفهم
    شال السيف والقلم
    وماقال رجوعنا حلم
    من بدري قال في ظلم
    وطرشو اللكانو بكم
    وفي اليوم ده راح خالد*
    وانت كمان اخو راشد
    وكت الرجال كيمان
    حزبك بس السودان
    وماطمعت في سلطان
    وكنت للبهم محجان
    سابقنا لام درمان
    نوم يابطل في امان
    عزيزنا ماغبيان*
    برجعنا للاوطان
    مابهمك انت المال
    ومابشتروك محال
    وماسمعنا قال وقال
    بنقطع كمان تعظيم
    لانك انت عظيم

    شوقي بدري.......
    **************************************************
    محجان: عصي طويله معكوفه لهز الشجر لاسقاط "الشبش" الزهر والبراعم والاوراق لاطعام البهم.
    عزيزنا: عبدالعزيز خالد
                   |Articles |News |مقالات |بيانات

08-05-2003, 10:02 PM

zumrawi

تاريخ التسجيل: 31-08-2002
مجموع المشاركات: 0

للتواصل معنا

FaceBook
تويتر Twitter
YouTube


Re: رثــاء الاستاذ خالد الكد والدكتور عزالدين علي عامر والفريق فتحي احمد (Re: shawgi badri)

    حقا انه شهر الماسئ
                   |Articles |News |مقالات |بيانات

10-05-2003, 00:19 AM

هدهد

تاريخ التسجيل: 19-02-2003
مجموع المشاركات: 0

للتواصل معنا

FaceBook
تويتر Twitter
YouTube


Re: رثــاء الاستاذ خالد الكد والدكتور عزالدين علي عامر والفريق فتحي احمد (Re: zumrawi)

    ها أنت ياشوقي
    تاتي من العميق
    العميق في الذات
    والعميق في الحزن

    عندك يكتسي الوطن صوت الوفاء


    لك خالص التحايا
                   |Articles |News |مقالات |بيانات

10-05-2003, 00:23 AM

محمد حلا
<aمحمد حلا
تاريخ التسجيل: 14-04-2003
مجموع المشاركات: 1060

للتواصل معنا

FaceBook
تويتر Twitter
YouTube


Re: رثــاء الاستاذ خالد الكد والدكتور عزالدين علي عامر والفريق فتحي احمد (Re: shawgi badri)

    كم انت وفي يا شوقي
    يا لهم من رجال رحلوا عنا في زمن عب
    لهم منا ان على جمر القضية قابضون
                   |Articles |News |مقالات |بيانات

10-05-2003, 02:26 AM

الشاعر

تاريخ التسجيل: 13-03-2002
مجموع المشاركات: 0

للتواصل معنا

FaceBook
تويتر Twitter
YouTube


Re: رثــاء الاستاذ خالد الكد والدكتور عزالدين علي عامر والفريق فتحي احمد (Re: محمد حلا)

    Quote: في رثــاء خالـــد الكـــــد

    كربل طرين سكن الفــؤاد يا أبروف
    مات العلــج المــا بعرف الخــوف
    يا أمدر سلام خالد رجــع للبيـت


    يا أخـوانا ما فهمـنا حاجة؟؟
    إنتو كلمة علج دي كلمة سمحة ولا كعبة
    الصحاف كان بيستعملها نبـز عدييييييل
    وهسع ده شاعر بيرثي شخص ويصفه بانه من العلــوج
    لو أنا غلطان ولا ده خطأ مطبعي عليكم الله قولوا لي حاجة
                   |Articles |News |مقالات |بيانات

10-05-2003, 03:59 PM

Yassir Mahgoub

تاريخ التسجيل: 25-07-2002
مجموع المشاركات: 545

للتواصل معنا

FaceBook
تويتر Twitter
YouTube


Re: رثــاء الاستاذ خالد الكد والدكتور عزالدين علي عامر والفريق فتحي احمد (Re: shawgi badri)

    في رثاء د.عزالدين علي عامر


    أكان الرجال دبكر أنت السنط وماكا لعوت
    عز الدين بعوج الدرب حتي بعد الموت
    عامـــر أمير ورفيق الما بفكــو الريق
    في الحرابه جله ووسط المروق توريـق
    للغني والفقير كنتــا ديما حكيــــم
    للمركب ريس وللشراع مرسيــم
    في الليــل والضلام أنت الفانـــوس
    بــلاك الساقيه عدمـت القادوس
    مــات الزرع والتَبَس إنــــهرس
    راح التقنــت واندفن التـــرس
    مــا بترجــي سـؤال المصطــرم
    بعــدك الجــود والخير عِــدِم
    قــدامــك الحكــام صغـــار
    لـي قـوله الحـق دخلتا حتي النار
    علمـك وفهمـك بشهدوبو الانجـليز
    وأسمــك بجلــه الما بعرف الميز
    سجنـاً دخلتا ومــالاً فقـدتـــا
    ولمـا العيـون زغللـت عقبـاً ثبتـا
    لمــا الذاد يقـط والمشــوار يطول
    بتقــدل أول شـأيـل حمـــول

    ------------------------------
    في رثــاء خالـــد الكـــــد


    كربل طرين سكن الفــؤاد يا أبروف
    مات العلــج المــا بعرف الخــوف
    يا أمدر سلام خالد رجــع للبيـت
    ماعن رُكب ويبقــي السؤال ككيــف
    يا بحر كيف تقـدر تلعب مــوج
    ويا شيخ حســن خلي الكلام البــوج
    يا شامـــت مافي ليك راحـــه
    موت الرجــال ما بخلي ليك ساحــه
    الدروه كضبت وما قدرت عليك شالا
    دا زمــن المحــن الشال أبو ســاره
    كنكيج الحجر الما بـهاب تمســاح
    ات راجــل الفريق اللي الدموع مساح
    يـوم الطقاش يوم نرفع الرايــات
    البـحر بنترسو ونقدل علــي شمبـات
    جوزيف قرنق ما قال أنا اتخميــت
    وراشد ركز تقول حبل الشنق سوميــت
    أخوي هاشـــم في الحاره ماك لويــع
    الراي والفهم اجتمعوا ليك يا شفيــع
    حمـــد الله الضــرس صافي ماك عكير
    وكت الكعه ديك سيد الرجـال بابكير
    فاطمـــــه أم أحمد براها توزن ديش
    زمان قالوا إنتهينا حرم كسرنا الطيـش
    ساعه الحاره ديك فطورنا باشا وعشانا أمير
    فتـح عيونك سمح الدور عليك يا بشير

    -----------------
    الفريق

    الفريق الذي كان جارا وصديقا لعبدالخالق محجوب"راشد"

    امبارح خبر فتحي
    والليله غار جرحي
    منو البقودنا اليوم؟
    وسمانا رابطه غيوم!
    كتلوك طب بالغم
    وقلبك ملاهو الهم
    كل يوم ألم وألم
    وفي البلد هناك سجم
    ونحن في لا ونعم
    وكل واحد بيعزف نغم
    فتحي كان البعرف الفهم
    شال السيف والقلم
    وماقال رجوعنا حلم
    من بدري قال في ظلم
    وطرشو اللكانو بكم
    وفي اليوم ده راح خالد*
    وانت كمان اخو راشد
    وكت الرجال كيمان
    حزبك بس السودان
    وماطمعت في سلطان
    وكنت للبهم محجان
    سابقنا لام درمان
    نوم يابطل في امان
    عزيزنا ماغبيان*
    برجعنا للاوطان
    مابهمك انت المال
    ومابشتروك محال
    وماسمعنا قال وقال
    بنقطع كمان تعظيم
    لانك انت عظيم

    شوقي بدري
                   |Articles |News |مقالات |بيانات

12-05-2003, 12:45 PM

Yassir Mahgoub

تاريخ التسجيل: 25-07-2002
مجموع المشاركات: 545

للتواصل معنا

FaceBook
تويتر Twitter
YouTube


Re: رثــاء الاستاذ خالد الكد والدكتور عزالدين علي عامر والفريق فتحي احمد (Re: shawgi badri)

    في محادثه مع العم شوقي أفادنا بهذا التوضيح ردا على إستفسار الأخ الشاعر عن معنى مفردة العلج

    كربل طرين سكن الفــؤاد يا أبروف
    مات العلــج المــا بعرف الخــوف

    العلج مفرده سودانيه قديمه و نطقها بفتح العين و اللام و معناها الرجل الضخم أو الفارس الضخم.. وقد جاء في الشعر الشعبي

    شايبنا عالم بالحروب و مراسن
    و صغيرنا يعزل في العلوج الماكن

    أما المفرده التي أشاعها إستعمال الوزير العراقي فهي العلوج بضم العين و اللام وهي صيغة الجمع من علج بكسر العين و تسكين اللام و على ما أعتقد معناها الحمار العجوز

    نظرا لغياب التشكيل نوضح الفرق في النطق كالآتي
    3alaj (as in the poem) --------- 3ilj (sa7af's terminology )

    الرقم ثلاثه هو بديل لحرف العين و الرقم سبعه هو بديل لحرف الحاء و هذا التوضيح الأخير إضافه من عندي أنا الموقع أدناه
                   |Articles |News |مقالات |بيانات

13-05-2003, 00:24 AM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: رثــاء الاستاذ خالد الكد والدكتور عزالدين علي عامر والفريق فتحي احمد (Re: shawgi badri)

    ابطال لن ينساهم شعبنا البطل
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de