ان ابن عكر وصاحب الملايين ... متى افرش الفكة تجو طايرين ...!

حفل دعم الجالية السودانية بمنطقة واشنطن الكبري بالفنان عمر احساس
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 21-09-2018, 03:59 PM الصفحة الرئيسية

مكتبة الراحل مصطفى عكر(مصطفى عكر&WadAker)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
29-11-2005, 05:00 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


ان ابن عكر وصاحب الملايين ... متى افرش الفكة تجو طايرين ...!

    ارتب الشيكات اقصد الاوراق واجيكم طاير
                   |Articles |News |مقالات |بيانات

29-11-2005, 05:02 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: انا ابن عكر وصاحب الملايين ... متى افرش الفكة تجو طايرين ...! (Re: WadAker)

    ابدا من وين
                   |Articles |News |مقالات |بيانات

29-11-2005, 05:05 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    قاصدفى العنوان"انا وليس ان" البصلح العنوان اتعابو جاهزه
                   |Articles |News |مقالات |بيانات

29-11-2005, 05:11 AM

فيصل نوبي
<aفيصل نوبي
تاريخ التسجيل: 16-09-2005
مجموع المشاركات: 14194

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    Quote: قاصدفى العنوان"انا وليس ان" البصلح العنوان اتعابو جاهزه







    دي بالغتا فيها يا ود عكر

    طيب ما تفتح ليك بورد جديد براك
                   |Articles |News |مقالات |بيانات

29-11-2005, 05:15 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    نوبى لك حق السبق بس اذا فى امكانية لاصلاح خطا العنوان فهات عشان اليافطة مرات اهم من محتويات المحل......مش
                   |Articles |News |مقالات |بيانات

29-11-2005, 05:21 AM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    !!!!!!!!!!!!!

    كتلت منو يا ود عكر وخميت بيضو


    صنفرة :

    ما تاكل وتقش خشمك يا عزيزي .. سمح
                   |Articles |News |مقالات |بيانات

29-11-2005, 05:34 AM

فيصل نوبي
<aفيصل نوبي
تاريخ التسجيل: 16-09-2005
مجموع المشاركات: 14194

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: ناذر محمد الخليفة)

    Quote: كتلت منو يا ود عكر وخميت بيضو


    ناذر

    كان ما العنوان الفوق ده !!!

    كان قلت كتل بكري ذاتو

    ولا يكون كتلو و عامل تغطية بغلطة العنوان دي
                   |Articles |News |مقالات |بيانات

29-11-2005, 05:59 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    Quote: كتلت منو يا ود عكر وخميت بيضو

    ناذر؟؟؟؟؟؟؟
    ياتو بيض
                   |Articles |News |مقالات |بيانات

29-11-2005, 06:07 AM

القلب النابض
<aالقلب النابض
تاريخ التسجيل: 22-06-2002
مجموع المشاركات: 8418

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    انا ابن ودعكر



    يا ود عكــــــــــــــر سليت روحنا


    ورينا قصة الاثنين مليون

    نص ناس المنبر قاليني انا الكسبت المبلغ
    الله لا كسب ناس اللوتري



    افصح عن ما خفي وهو الاعظم
    اعتقد ان جمهور القراء ينتظر
    ود عكر
    وقصته مع الاثنين مليون
    وخطاب الامل,,, والاحلام كم بلاد العم سام..
    تحية بطعم هذا الصباح الذي رأينا فيه الشمس بعد غياب خمسة يوم.
                   |Articles |News |مقالات |بيانات

29-11-2005, 06:05 AM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    !!!!

    Quote: ناذر؟؟؟؟؟؟؟
    ياتو بيض



    قصدي بيض الجدادة

    صنفرة :

    الواحد ما يركب تاني مثلين مع بعض ولا شنو
                   |Articles |News |مقالات |بيانات

29-11-2005, 08:16 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    ناذر رووووووووووووق... انتا شغل التركيب ده ما بتوب منو ؟
    القلب النابض تحية واحترام تعرفى واكيد حاتعرفى انو انا ما ماعارف ابدا من وين والا كيف...
    المهم ابدا بالشكر التقيل الى الاخت القلب النابض التى تحملت عبء الضربه الاولى عندما تلفت يمين وشمال وانا ابحث فى البورد عن بوردابى كارب من سكان مدينة الضباب او فى قعر افريقيا وقلته ياود ناس لندن خطرين احسن تفتش فيهم عن الجنس اللطيف وهو اضمن وارق وقبل كلو شى ما طماع ...ودى التوصية الطلعته بيها من الاجتماع المغلق بينى وبين نفسى ..وقد كان ومن هنا اتفقنا على بوست ربحت اثنين مليون دولار افتوووووني !!!
                   |Articles |News |مقالات |بيانات

29-11-2005, 08:40 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    اما الجو العام لما حصل يحتاج لجو خاص
    راجععععععين
                   |Articles |News |مقالات |بيانات

29-11-2005, 08:45 AM

almulaomar
<aalmulaomar
تاريخ التسجيل: 08-07-2002
مجموع المشاركات: 6426

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    يا أبن عكر وطلاع الثنايا
    مبروك عليك الإثنين مليون وإياك إياك أن تكون إثنين مليون جنيه أو إثنين مليون ناقفا ، يعني دايماً ملايينك ميادينك مجانينك خليها غربية وفي أسوأ الأحوال فلتكن بالشيكل ، والخوف أخي ودعكر أن تصفو ويصفو عكرك بعد هذا الكسب الكبير فتصبح إبن بغير عكر فتجعلنا في حيرة من أمرنا ولا نعرف نناديك أو نكورك ليك كيف بعد أن يروق عكرك ويتحول صفاء.
    لا تفرش الفكة يا ود عكر لأنه حينئذ سوف نجي طايرين حياري ومجانين يا الله ، وما هي إلا لحظات حتى تطير كل فكتك المفروشة والفي الصرة وتصبح وقتئذ بلا فكه.
    عن تصليح العنوان فيقول أهل الحل والربط أنك في مقام من أراد إرجاع الحليب إلى الشطر الغربي من الضفة وهو ما يماثل القول المأثور في أم الطيور "سيفي سليتو نوبه وعرب ما يرجعو بيتو" أنا سمعتها كده
                   |Articles |News |مقالات |بيانات

29-11-2005, 09:14 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    الملا كيفك والله كلامك تمام الكيف الا اخوك ضاربو بعيد عنك صداع معكر صفاء عكرو دعواتك
                   |Articles |News |مقالات |بيانات

30-11-2005, 02:20 AM

almulaomar
<aalmulaomar
تاريخ التسجيل: 08-07-2002
مجموع المشاركات: 6426

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    أخي ود عكر
    دمت صافيا وأبعد الله عنك شر الصداع ، وأدام عليك نعمة الصحة والعافية وأسكنك الصافية في إحدى العمارات العالية
                   |Articles |News |مقالات |بيانات

30-11-2005, 03:43 AM

محمود بكر
<aمحمود بكر
تاريخ التسجيل: 25-10-2005
مجموع المشاركات: 746

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: almulaomar)

    العزيز مصطفى عكر تحياتي

    طبعا انا تعودت على مصطفى عشان كدا اسم ود عكر ما جمع معي من الاخر ياحبيب
    انت اقتنعت ان الغربة لن تجمع فلوس وقلت اخير نحلم
    احلم ياخي احتمال الحلم يضرب معاك وتقبض ال2مليون وتجدعنا بمائة الف صمة خشم
                   |Articles |News |مقالات |بيانات

30-11-2005, 04:47 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    نوبى
    Quote: طيب ما تفتح ليك بورد جديد براك

    امممممممممممممممم صدق مافكرت فيها بسسسسسسسس الا تتفق معى .... الملح كتر منووووووو
                   |Articles |News |مقالات |بيانات

30-11-2005, 04:50 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    حباب القلب النابض
    Quote: افصح عن ما خفي وهو الاعظم
    اعتقد ان جمهور القراء ينتظر

    ودى دعاية بى مليار دولار .... دقايق او قون المغربية احسن من ميه
                   |Articles |News |مقالات |بيانات

30-11-2005, 04:57 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    صحبى الملا ودعمر والله انا احب الدعاء للاخواب بالغيب ودعواتك لى هدية لا تقدر باموال الدنيا ولك منى دعوات بعددزرات الرمال بكمال الصحة والعافية وان يغنيك الله من فضله وخزائنه التى لا تفرغ ...امين
    ضفرة :
    Quote: وأسكنك الصافية في إحدى العمارات العالية
    اما دى فاخوك عندو قطعة وسط اهلنا الحموعية ولحدى الان ماقادر اتمو وكان جاطت بقلبو زريبه وقال العرجه لى مراحها....تسلم
                   |Articles |News |مقالات |بيانات

30-11-2005, 05:05 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    استاذى محمود بكر والله انى اشتاقك واحترمك ولا انسى اياما جمعتنا فى سونا ولا انسى ماتعلمته منك من صبر وطولة بال فى مهنة النكد وتلك الاجواء التى تعرفها اكثر منى
    Quote: طبعا انا تعودت على مصطفى عشان كدا اسم ود عكر ما جمع معي من الاخر ياحبيب
    قلنا نغير شوية يعنى "نيو لوك"زى ما بقولو الصبايا والله الغربة انت عارفها وفى هذه الظروف قلنا احسن نحلم وقالو حلم الجعان عيش
    ضفرة: ارسلت لك email قبل فترة ارجو ان يكون قد وصلك اسال فيه عن ايهاب وبت مكى وبت الياس وغيرهم من الزملاء...تسلم ولك من الملايين ماتشتهى
                   |Articles |News |مقالات |بيانات

30-11-2005, 05:11 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    اول ما اتزكرة فى لحظة فتح خطاب الجائزه المليونية اننى تلفت حولى ثم تحسست محفظتى بطريق درامتكيه وكانت الحصيله لا احد ينظر لى فالجميع مشغول بعملة ثم قالت لى محقظتى ان مبلغ اماناتك لدى اقل من 7الف جنيه سودانى وهو مبلغ تحتفظ به للطوارى...
    ومن هنا بدات الاحلام ...احلام ظلوط
                   |Articles |News |مقالات |بيانات

30-11-2005, 07:49 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    جملة اعتراضية: للذين يعيشون فى منطقة الخليج يعرفون على من علية القوم يطلقون لقب /معالى - معاليك ....امس اخبرنى احد الزملاء ان معالي"........" سأله عن حقيقة فوز "الزول "بالملايين ...وصاحبنا لم يرتد له طرف فاكد له حقيقة الامر وان "الزول " زميلنا موجود الان ويمارس عمله عادى....... وانا برررره
                   |Articles |News |مقالات |بيانات

30-11-2005, 09:22 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    احيانا تتبادر الى زهنى حزمة اسئلة لا تقل ثقالة عن مية جزمة تتلقاها فى راسك منتصف نهار خليجى عالى الرطوبه خالى النسيم..لماذا اغتربنا ...لا اريد اجوبه سياسيه واذا قلنا ان السبب الاول بعد الاسباب السياسية والاجتماعية الميه هو العيش/السترة ..طيب واذا قدر لك ان تجنى مالا كثيرا يختصر عليك السالفة دون ان تتاكد من مصدرة هل توافق ؟ الاجابه عن هذا السوال هى اول برطوش نزل على ام راسى بعدها طقطقت اصابعى وبدات رحلة البحث عن الاتجاهات المثيرة ..اذا ماقدر لى استلام ملايييين محددة العدد مجهولة المصدر او قل مطموسة المصدر .... ايضا الفكرة كانت هل اسال مباشرة والا ابدا فى اجراءات الاستلام ثم.. يعنى زى تطفح الكاس الاول وتقول للجماعة انتو البنشرب فيهو دا شنو؟
    عندها ... وبعد الاستعانة بالاخت القلب النابض فى الاتصال بالمصدر من موقعها فى لندن والاخ مرتضى فى التحدث مباشرة مع ممثل مركز الدفع من لندن قررت ان انشر تلخيصا لحظى المليونى فى عمود حروف بصحيفة الشبيبة الذى اشارك فيه .. وذلك لعدة اهداف ...ظاهره وهى العظة والعبرة والتعامل الهادئ مع المال المفاجئ .. وتحت تحت لابرئ نفسى كان صدقت الشغلانة واتفادى اسئلة من اين لك هذا ..ومالك دى مغسول ومبيض وبرضو وسخان وعكران,,, وجاء الجزء الاول تحت عنوان ....... فجاءة اصبحت مليونيرا.....
                   |Articles |News |مقالات |بيانات

30-11-2005, 10:30 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    فجأة ... أصبحت مليونيرا ..."1"
    مصطفى عكر
    قبل اسابيع وعبر بريدى الالكترونى فى الشبكة العنكبوتية وصلتنى رسالة .. ظريفة مختصرة وخفيفة وفى نفس الوقت غريبة ومريبة ,لاننى احفظ من يراسلونى عن ظهر قلب ولا افتح اى رسالة لا اعرف مصدرها خوفا من الفيروسات والاشياء الاخرى ...الرسالة حملت عنوانين .. الاول البارز"الفائزين" الثانى الناعم"مبروك" ثم بدات بمدخل ذا اسلوب جميل يعبر عن السرور ويفوح عبقه بالبشرى والحظ وعطر السعادة فى الايام القادمات وطبعا هذه الصفات غير متوفرة بالنسبة الى الا فى المناسبات المفرحة وباقى الرسائل معظمها نكد×نكد ... ثم انها عبرت البحار والفيافى والوديان والبحار والانهار وقطعت الاف الكيلومترات من جوهانسبيرج فى جنوب افريقيا اخر القارة الافريقية التى لم اتشرف بزيارتها من قبل و لا اعرف يها احدا الا اذا كان احد اجدادى القدماء قد ضل طريقة الى هناك...وهو امر يدعو للتوجس, والرسالة تحمل عنوانى صحيحا وقد استراحت فى صالة الوصول بعد ان حطت بامان تام على مدرجات صندوق بريدى المتواضع مما يعنى اننى المقصود بها فعلا وليس خطأ آليا
    الرسالة تقول بعد ان اعلنت عنوان مصدرها كاملا و بوضوح تام.... نعلن بكل الفرح والسرور انك ضمن الفائزين فى السحب السنوى الضخم لبرامج الحظ العالمية التى تم السحب عليها فى شهر يونيو الماضى فى مدينة جوهانسبيرج فى جنوب افريقيا .. وان عنوان بريدك الالكترونى الذى يحمل رقم التزكرة(..........) تحت الرقم المتسلسل ( ..... ) وارقام الحظ الخاصة به تحت الرقم (.......) قد نال الجائزة الاولى فى اول سحب للنسخة الاولى لبرامج الحظ العالمي...... وعليه كما تقول الرسالة فقد تم اعتماد فوزك واستحقاقك لاستلام مبلغ الجائزة البالغ قدرة 2مليون دولار امريكي نقدا US$2,000,000.00(Two million United States Dollars in cash ونفيدكم ان المبلغ المستحق لكم هو جزء من مبلغ 60مليون دولار تم توزيعها على 30 فائز تم اختيارهم بصوره عشوائيه عبر الانترنت من جملة المشاركين فى المسابقة من مختلف انحاء العالم و الذين فاق عددهم مليون مشارك فى نسخة البرنامج الاولى,...... وعليه فقد تم تحويل مبلغ المليونى دولار الخاص بك الى مركز الدفع الخاص بنا فى اوربا وسيتم تحويل المبلغ لكم بمجرد الاتصال بضباط مكتب العلاقات العامة ,اومهاتفة السيدة "سارة .ب فى لندن" ...
    وتاكيدا على حرص المسؤولين عن الجائزة وسلامة وصولها فقد اوصانى كاتب الرساله بان اضرب ستارا من الحرص والسرية حول المعلومات والارقام التى زودونى بها وحفظها بعيدا عن المتربصين والسارقين و المارقين ومن عين الحسود ,وكذلك حتى اثبت بها لحظة استلام المبلغ اننى الشخص المحظوظ الفائز.... ورغم اننى قرات الرسالة عشرات المرات واستوعبتها بين مصدق ومكذب بشعور يتراوح بين السخرية والجدية ومع ذلك استعنت بصديق مترجم وحصيف لزوم الدقة وتاكيد الامر وقد اكد لى صحة المعلوما ت ........
    اذن انا مليونير ... ولا يفصلنى عن تلك الحقيقة واستلام ملايينى الدولاريه سواء الاتصال بمركز الدفع فى لندن... عندها سرحت بعيدا جدا.... جدا....
    _____________________
                   |Articles |News |مقالات |بيانات

30-11-2005, 02:39 PM

Ahmed El Gasim
<aAhmed El Gasim
تاريخ التسجيل: 25-10-2005
مجموع المشاركات: 673

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    WAD AKER
    MOSHTAGEEN
    (... عندها سرحت بعيدا جدا.... جدا....)
    لا نسرح كتر ؟


                   |Articles |News |مقالات |بيانات

30-11-2005, 10:58 PM

محمد عيد الله

تاريخ التسجيل: 19-10-2005
مجموع المشاركات: 496

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: Ahmed El Gasim)

    Quote: اذن انا مليونير ... ولا يفصلنى عن تلك الحقيقة واستلام ملايينى الدولاريه
    سواء الاتصال بمركز الدفع فى لندن... عندها سرحت بعيدا جدا.... جدا....

    ود عكر
    اوعك لسة بتحلم!!
                   |Articles |News |مقالات |بيانات

01-12-2005, 01:02 AM

اساسي
<aاساسي
تاريخ التسجيل: 20-07-2002
مجموع المشاركات: 16527

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: محمد عيد الله)

    يا ود عكر ياخي انا من زمان نفسي القاك في بوست مريح زي كدا

    اول حاجة يا ود عكر قطعت مصاريني بي بوستك دا

    تاني حاجة يا ود عكر ياخي ناس القروش من شلاضيمهم بتعرفوا وابتساماتهم

    شوف انت فرحان بي كباية الشاي الشايلها كيف

    يعني لو الكلام دا جد وجاتك الاتنين مليون ممكن عادي يجيك شلل اطفال

    والضحك ساعتها شرطتك
                   |Articles |News |مقالات |بيانات

01-12-2005, 06:48 AM

almulaomar
<aalmulaomar
تاريخ التسجيل: 08-07-2002
مجموع المشاركات: 6426

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    أخي ود عكر
    وأنت تتمثل بالقول المأثور العرجاء لي مراحها أجدك ترفض التغيير بشتي الطرق والوسائل فبعد كل ملايينك تلك مازلت تعشق الزريبة والمراح وغوانتانامو البهائم أو ما يعرف عند أهل العوض بالسوكرة أو التوقيف في دول تشيد سجوناً وثكنات عسكرية بعدد ذرات الرمل وتعجز عن تشييد مركز صحي أو مدرسة أو روضة أطفال.
    ملايينك أخي ودعكر يمكن أن تجعل منك الأجمل والأعدل والأول من بين جميع العالمين ومتى ما فلست متي ما أنفض الناس من حولك فعض على قروشك وأمسكها مسكة مخلبية فود عكر صاحب الملايين غير ودعكر صاحب الملاليم في نظر الكثير من الناس في زماننا هذا.
                   |Articles |News |مقالات |بيانات

02-12-2005, 05:09 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    Quote: لا نسرح كتر ؟

    احمد القاسم ..... قلته شنو ياحبيب ...فردة انا كته فى عالمين ...الاولى واقعى ومتاكد منه وقيمتة اقل من 700دينار سودانى وينطبق على حال عم عبدالرحمن ..فى حق الملاح ..والبال اشتغل ..والتانى اخيل من الخيال مبلغ خرافى لم يتوفر لآل عكر منذ تاسيس اسرتهم فى القرن الطباشيرى ........وتقول ما اسرح ..قال ماتسرح ..والله اسرح واشطر همباتى ما يمسكنى
                   |Articles |News |مقالات |بيانات

02-12-2005, 05:16 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    محمد بن عبدالله اجمل وارفع الاسمى......
    Quote: ود عكر
    اوعك لسة بتحلم!!
    ياابوحميد عليك الله اقنعنى المابخلينى احلم شنو ياخى غربة وضفر وناس تبيع ليك الاحلام باكثر مماتستحملهسلوكك ...اوبعبارة ادق باكثر مما تحملة من مال ياااخ كان على الاقل يعرضو احلامهم دى فى المزاد العلنى والقادر يشترى موش يشبكوك انت الشاطر الذكى والمحظوظ الاول عالميا والمنفى من شرايين الفلس والضياع ..و,,,, وتقول مااحلم.......لك الود والدعاء باحلام واقعيييييييييه
                   |Articles |News |مقالات |بيانات

02-12-2005, 05:27 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    اولا اساسى بى هنا مارى بى عندنا دى براه تساوى ملياراااااااااااات
    Quote: والضحك ساعتها شرطتك
    هو لسع ماشرطنى بعدين يااااااخ انا زول متوااااااااااضضضضضضضع ومابحب الفخفخينه ووحات .... الكبايةزاته ملح ولاول مره اكشف سرها يعنى سبق صحفى تستحقة وهى اى الكبايه كانت مليانه ببسى كولا فى مناسبة خاصة بان احد الزملاء معانا سودانى كامل الدسم قنع من خيرا فى الغربة واعلن عن تفنيش نفسة بنفسة فى تلاتة يوم يااخ دا ناس الجريدة بحنسو فوقو اسبوع ودى لاول مرة وقدر ما ..... زولنا ركب راسو ونحن شربنا البارد تعزية له فكانت الصورة المريبة ...والغريبة زولنا اول اسبوع ليهو فى السودان قعد ينكرش ويحل فى التكه ويعيد ربطها ويتحدث عن ايام الغربه وشجاعة فى اتخاز القرار وتحت تحت يرسل اوعك تتسرع وترتكب زى حماقتى ولسع هو يبكى وانا اثبت فيهو وارسل ليهو فى مناديل الندم ....... اهه هنا الضحك وشلل الاطفال بيشرطو منو؟
                   |Articles |News |مقالات |بيانات

02-12-2005, 05:30 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    حبيبنا الملا ,,,,,,سلامات
    بجيك بى مزاااااججججججج
                   |Articles |News |مقالات |بيانات

02-12-2005, 05:44 AM

القلب النابض
<aالقلب النابض
تاريخ التسجيل: 22-06-2002
مجموع المشاركات: 8418

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    ود عكر
    كيفك

    مواظب على الدواء
    الدكتور قال ليك ما تنساه
    اتحصن يا خوي
    عين العدو الطيرت الملايين
                   |Articles |News |مقالات |بيانات

02-12-2005, 10:42 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    Quote: ود عكر
    كيفك

    مواظب على الدواء
    الدكتور قال ليك ما تنساه
    اتحصن يا خوي
    عين العدو الطيرت الملايين

    اهلا اختنا الفلب النابض والله بوست اعتزال شيخ حسن وطرحكم الموضوعى الذى تفضلتى به وكذلك الاخ بشارى نسانى ملايييييييينى وهذا البوست ..... الاقيك بى غادى وبعدين بجى راجع
    ضفرة:املا ما ناسيك بس اديها صنة,,,,,,,,,
                   |Articles |News |مقالات |بيانات

02-12-2005, 10:57 AM

القلب النابض
<aالقلب النابض
تاريخ التسجيل: 22-06-2002
مجموع المشاركات: 8418

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    ود عكر يعني ينفع اشتغل صحفية معاكم

    في صفحة الاخبار السياسية.

                   |Articles |News |مقالات |بيانات

02-12-2005, 10:57 AM

عبدالرحمن عبدالله أبوشيبة
<aعبدالرحمن عبدالله أبوشيبة
تاريخ التسجيل: 11-08-2005
مجموع المشاركات: 1286

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    أرض جو ،، القسام ،، العباس ،، اسكد ،، عابر القارات ،، لافت الانظار ،، شرك خداعي ،، قوم لف ،، قال مليونير قااااااااااااااااااااااااااااااااااال
                   |Articles |News |مقالات |بيانات

03-12-2005, 00:01 AM

almulaomar
<aalmulaomar
تاريخ التسجيل: 08-07-2002
مجموع المشاركات: 6426

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    يقول عبد الله عبد القادر البعيو في حفله كاربه في الشعبية بالخرطوم بحري ، الما عندو القرش والكورس وراهو يردد القرش ، فيعد البعيو الكرة مرة أخرى جزلاً وكأنه إكتشف النار مصحوباً بالموسيقى الماعندو القرش ، فيأبي الكورس إلا أن يرد عليه بأحسن من قوله القرش ، وبنظرات فيها الكثير من المكر وإبتسامه قد تعني الكثير المثير يقول البعيو من البنات يتغبن تحرقو الحسره ويتعوض دموعو الكبن وينظر البعيو ذات اليمين وذات البتاع عله يجد أثر كلامه هذا في واحد مشكوكش لفلسه وقلة حيلته. دحين يا أخوى أحسبها عديل وأشتري كالكيوليتر وإياك إياك أن تخرب مالك ، وخراب المال يكون بالدين أو السلف ، يقول سيد الدكان ممنوع الدين ولو بعدين ، ويقول آخر الدين تلف والرد خساره. وإياك إياك والإستثمار في الزراعة وبخاصة زراعة البصل والموز وأحذر كذلك تجارة الملابس الجاهزة وتجارة العربات أو ما يعرف في أمصاركم بالسيارات وأحذر الإستثمار في العقارات والأراضي وخذ حذرك من الإستثمار في البهائم وإياك والجداد أو الدجاج فالأنفلونزا ضربته في مقتل فأصبحت ديوك القرية عن بكرة أبيها تصيح عند الساعة الحادية عشر مساء بعد أن إختلت ساعتها البيولوجية فأصبح عندها الليل والنهار سيان أو كما قال عبدالماهل ود جامبوك (الليل والنهار واحد على العميان) وأصبحت الدجاجة تلعب بالبيضة والحجر ، وأحذر أخي الإستثمار في الموبيليا أو الأثاث وأعلم أصلحك الله أن خير الأمور أوسطها وأن أواسط وأقاصي إستثماراتنا هي الفول والتمباك وشرائح الإتصال المسبقة الدفع نفعني الله وإياك والسامعين وجعلنا هداة مهتدين.
                   |Articles |News |مقالات |بيانات

03-12-2005, 05:03 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    Quote: أخي ود عكر
    وأنت تتمثل بالقول المأثور العرجاء لي مراحها أجدك ترفض التغيير بشتي الطرق والوسائل فبعد كل ملايينك تلك مازلت تعشق الزريبة والمراح وغوانتانامو البهائم أو ما يعرف عند أهل العوض بالسوكرة أو التوقيف في دول تشيد سجوناً وثكنات عسكرية بعدد ذرات الرمل وتعجز عن تشييد مركز صحي أو مدرسة أو روضة أطفال.
    ملايينك أخي ودعكر يمكن أن تجعل منك الأجمل والأعدل والأول من بين جميع العالمين ومتى ما فلست متي ما أنفض الناس من حولك فعض على قروشك وأمسكها مسكة مخلبية فود عكر صاحب الملايين غير ودعكر صاحب الملاليم في نظر الكثير من الناس في زماننا هذا.

    الحبيب الملا
    على حسب الود والوعد القديم ارد
    من مدخلك الذى يفوح بعبق المغربية وعودة العرجات لى مراحهن بعد مرحن خرابا فى حواشات ودعكر وتتايسن مع بعولتهن بدون ان ياتين بفاحشة يجازين عليها باربعة تيوس شهود ثم تمرمقن وانحشرن بين شجيرات السدر بعد مص لحاها وانكرشن على حوائط الجالوص ذات الزباله الاسمنية بفعل سريان الحنان وصغار الحشرات بين مسماتهن , عدن والعود احمد واحمد ينتظر جرعات من لبن ماعز تخلو معدتها من كيس لئيم استعصى على الهضم و تغطى رقوتة على مقويات العقل والبدن ...مدخل اول
    المدخل التانى... تعلم اخى الملا ان المجتمع السودانى فى اساسه مجتمع رعوى / زراعى وكان امتهان التجارة محتكرا لبعض الاسر معروفة بالاسم ثم تطورت المهن وصار البعض همباتى وهبرتجى وتكونت الاموال والانفس الشح ومع هذه الثقافة المتواضعة اصبح ناس القروش اكثر اكنازا واخفاءا للنعمة متجاوزين "اما بنعمة ربك فحدث" وهم يخافون وصف المجتمع بانهم قوما متعالين ومترفعين والبعض منهم يخافون ان يتحدث الاخرين عن تاريخ اسرته وكيف هو اغتنى فجاة " خاصة اذا كان حده يحمل وسما واسما على وزن ود عوج الدرب برتبة قاطع طريق جحمان "..ونحن فى الغربة نعانى من هذا التراث فتجد السودانى مهما بلغ راتبة ومرتبتة يبحث عن الكريسيدا كان يطلبها من اليابان ولم اجد واحدا منهم يحرص على ركوب ال4وويلززز وما اظن السودان كلو فيه سيارة "همر" ,تعرف فى يوم من الايام الجرسون الذى يقوم بخدمتى راكب هوندا وانا راكب 11خ ... واذا قدر لك ان تشتغل فى شركة لحم راس فانظر حوللك تجد الشوام وخاصة اهل لبنان يمتازون بالهندام وحسن القوام وجميل الكلام واولاد بمبة باللف والدوران , والخلايجة بالسيارات والتلفونات اما نحنو فاكثرهم بهدله واخلاصا فى العمل ولسع فى زولات شايلين3310 ,وحتى فى مفاصلة العقد والامتيازات تجدنا نبحث عن راتب واحد ولا نصدق ان وجدناه بينما يبحث الاخرون عن نسب مئوية وشكل العفش والفيلا ونوع السيارة .والاجازة وين ..والخ ..انه تراث وفلسفة عميقة ورثناها ولم نجتهد فى تغييرها حتى ولو هبطت عليك ملك الاموال من السماء وقاليك لبيك ..وطبعا انا هنا لم اتحدث عن غنى الساسة والطبقة الملاسة وديل استثناء عن مازكرته لانو عينهم قوية وايدن قوية والشكيه منهم لى اب ايدن قوية ...وبعد ده كلو داير اترك تراث اهلى المصدئ واتفوجج بالمال والبنون كلا فانا تربال وابن تراب واخجل ان اطلب ديونى لدى الاخرين ..واقول ما تقراون ونفعنى الله واياكم بالمال الطيب والبنون المطيع وجعلنى من المستورين .... امين
                   |Articles |News |مقالات |بيانات

03-12-2005, 09:39 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    Quote: ود عكر يعني ينفع اشتغل صحفية معاكم

    في صفحة الاخبار السياسية.

    القلب النابض لو قلته لا لا بكون ظلمتك ولو قلته اىىىىىى بيقول كسير تلجججج عشان بقبل بشرط التبادل وعشان اقريك نحن الشمس مولعة عندنا طواااااالى .. قلتى شنو؟
                   |Articles |News |مقالات |بيانات

03-12-2005, 09:53 AM

القلب النابض
<aالقلب النابض
تاريخ التسجيل: 22-06-2002
مجموع المشاركات: 8418

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    ود عكر


    اخوي موافقة... المرتب مغري ولا لا .

    لكن يخلوني اكتب بمزاجي.
    اصلنا نحن السودانيين بنحب المعارضة وانا عارفة زولكم ما عنده معارضة ودي بتجيب ليكم الهوا" ناس كابوس ديل " .

    وين باقي القصة بتاعة الملايين... عارفة الكتابة مرات دايرة ليها مزاج خاص.

    رديت ليك هناك لكن ما كملت الرد, أوعدك أواصل في الرد.
    اصلا ما برد الا للكلام البستحق الرد.
    * ومابرد للناس البيهاتروا وما بكبروا من 1969ولا يوم, أثق في ذكاءك.

                   |Articles |News |مقالات |بيانات

03-12-2005, 09:46 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    ابوشيبة فى مضارب ودعكر حملا باقة الغام
    Quote: أرض جو ،، القسام ،، العباس ،، اسكد ،، عابر القارات ،، لافت الانظار ،، شرك خداعي ،، قوم لف ،، قال مليونير قااااااااااااااااااااااااااااااااااال

    ياخوى بى صواريخك دى شرفته وانسته ...... بس جاى براااااك ليه؟
                   |Articles |News |مقالات |بيانات

03-12-2005, 10:22 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    Quote: ود عكر

    اخوي موافقة... المرتب مغري ولا لا .

    لكن يخلوني اكتب بمزاجي.
    اصلنا نحن السودانيين بنحب المعارضة وانا عارفة زولكم ما عنده معارضة ودي بتجيب ليكم الهوا" ناس كابوس ديل " .

    وين باقي القصة بتاعة الملايين... عارفة الكتابة مرات دايرة ليها مزاج خاص.

    رديت ليك هناك لكن ما كملت الرد, أوعدك أواصل في الرد.
    اصلا ما برد الا للكلام البستحق الرد.
    * ومابرد للناس البيهاتروا وما بكبروا من 1969ولا يوم, أثق في ذكاءك.

    وانا اثق فى طرحك .....
    * فى النقطة الاول احيلك الى ردى على الملا عمر اعلاه
    *بمززززااااج دى بقت فى السودان مافى ......... تعرفى الناس ديل اخوك تعبهم فى الدنيا جنس تعب وفى الاخر زى ادونا الضوء الاخضر اكتب فى السودان زى ما عاوز زكرتينى مرة حاولت اكتب عن الانتفاضة الفلسطينية ودبجت لى مقال حارررررررر ودفرتو لى محرر الصفحة ومشيت البيت جيت الصباح لقيتو مافى وعلى التقتلنى اتصلت محتجا على مدير التحرير ..نادانى فى مكتبو وقال عبارة واحدة .... نحنا ماعندنا ساحات فداء هنا فل استوب........
    * هام البين قوسين ديك وبى طريقتك دى بضيعى ليك زول وكلك فهم
    * باقى قصة الملاييين موجودة وكلو ما اقول انشرها الاقى مداخله لى اخ/ت عزيزة فاتاخر لكن هى جاهزة ويدك معاى
    * ناس 1969 ديل انسيهم والتغيير فيهم صار محنة نسال الله ان يخلصهم من فاحش الفعل والقول..... وانا فى انتظار وعدك
                   |Articles |News |مقالات |بيانات

04-12-2005, 08:44 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    Quote: الرسالة تقول بعد ان اعلنت عنوان مصدرها كاملا و بوضوح تام.... نعلن بكل الفرح والسرور انك ضمن الفائزين فى السحب السنوى الضخم لبرامج الحظ العالمية التى تم السحب عليها فى شهر يونيو الماضى فى مدينة جوهانسبيرج فى جنوب افريقيا .. وان عنوان بريدك الالكترونى الذى يحمل رقم التزكرة(..........) تحت الرقم المتسلسل ( ..... ) وارقام الحظ الخاصة به تحت الرقم (.......) قد نال الجائزة الاولى فى اول سحب للنسخة الاولى لبرامج الحظ العالمي...... وعليه كما تقول الرسالة فقد تم اعتماد فوزك واستحقاقك لاستلام مبلغ الجائزة البالغ قدرة 2مليون دولار امريكي نقدا US$2,000,000.00(Two million United States Dollars in cash ونفيدكم ان المبلغ المستحق لكم هو جزء من مبلغ 60مليون دولار تم توزيعها على 30 فائز تم اختيارهم بصوره عشوائيه عبر الانترنت من جملة المشاركين فى المسابقة من مختلف انحاء العالم و الذين فاق عددهم مليون مشارك فى نسخة البرنامج الاولى,...... وعليه فقد تم تحويل مبلغ المليونى دولار الخاص بك الى مركز الدفع الخاص بنا فى اوربا وسيتم تحويل المبلغ لكم بمجرد الاتصال بضباط مكتب العلاقات العامة ,اومهاتفة السيدة "سارة .ب فى لندن"

    قد لا تصدقون فبعد نشر المقال الاول وتحديدا هذه الفقرة انهالت على التهانى والامانى السندسية والكبابى الفى الصوانى ,, وقربت اعمل اعلان فى الجريدة عشان اعين لى سكرتيرة وش اسد عشان تردعلى المعجبين وتقطع ليهم وش عشان يخلونى افضى لى شغلى واكل عيشى ,,ياجماعة فى ناس عديل كده جونى وهنونى وقدموا لى النصح والارشاد عن مفاتن المال و... واحدين تحت تحت طلبو قرض دين وكانوا جادين واخرين اتصلو و.... و.... والله هنا اتزكرت اشعب الاكول لامن خطط يوزع "ربعو" تلامذتو عشان ينفرد باللهطة ... اهه قال ليهم فلان دا عندو وليمة شرط ... اهه بعد الجماعة شتتوا دنقر وفكر وقال امكن الحكاية دى صاح وكسح وراهم .اهه انا بعد ان انهمرت على الزيارات والتهانى فكرت انو الشغلانة صاح...بعد داك استغفرت الله قلته احسن جزء تانى وغيرت العنوان فجاء الجزء التانى كالاتى....
                   |Articles |News |مقالات |بيانات

04-12-2005, 08:57 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    مليونير مع وقف التنفيذ..."2"
    اذن انا مليونير ... ولا يفصلنى عن تلك الحقيقة سواء الاتصال بمركز الدفع فى لندن ....
    وانا اعيش حلم/ واقع الملايين التى هبطت على من السماء بدون مقدمات او سابق انزار ولا حتى فى احلام اليقظة كما حلم رئيس قسم المحليات اخونا محمد على البلوشى نهارا جهارا بانه اعتلى ادارة بلدية مسقط مع الفارق ان الاخ محمد على لايملك مستندات تثبت حلمه وانا املك ما يثبت ملايينى التؤام ..اصدقكم القول بان نوعا من الاحساس والشعور الذى لا اعرف له تصنيفا "لانه لم يتلبسنى من قبل" قد تملكنى وكادت اصابعى ان ترفض لوحة الحاسوب الذى امامى وتتمرد على قلم الصحافة ..مهنة المتاعب .. "وتعب ايه اللى جاى تقول عليه " بعد ان صرت من اصحاب الثروة والسلطة... وطبعا انتو معاى ان المال يولد الجاه والسلطة...طيب ... وانا اتساءل بينى وبين نفسى ايه الخطوات الثانية .الثالثة .. او الاخيرة ليصبح الكاش تحت امرك ..واجيب بنفس بارد كان الامر لا يعنينى ..ياولد عيش اولا الاحساس بالحظوة العالمية ..ابحر على امواج النت بحثا عن موقع مجلة "فوربس" الامريكية لناشرها ريتش كارلجارد ، التى تهتم بلائحة اغنى اغنياء العالم ولا يجد فيها الفقراء سطر واقتبس بعض المعلومات عن حياتهم ,ثم ارسم الخطوات الاولى لحياتك تحركاتك ..سلامك.. كلامك.. ابتسامتك ..طريقة تعاملك مع الناس يعنى ما اسميته بالتحول الاجتماعى الطبقى ...ثم ادرس خطوات التسليم والتسلم ولا ضير لو استعنت بمستشارين اقتصاديين و رجال امن من المحترفين بشرط ان تستوردهم من العراق باعتبار ان الوضع فى العراق يعطيهم ميزة اضافية فى الشعور بالخطر ..ثم ..ولكن ...طيب ..دقائق .... كيف يصدق الاخوة الزملاء والاصدقاء من حولك والسلطات العربية التى تحارب الارهاب وغسيل الاموال , ان صحفيا وجد نفسة فجاة مليونيرا .. اذن عليك اولا نشر اعلان تهنئة"منك واليك" صفحة اولى كاملة اثباتا لثروتك وعرفانا للصحيفة التى تعمل بها وتحفيزا للزملاء "من كد وجد ".
    والاثبات الثانى تم بنشر الخبر فى موقع "سودانيز اون لاين" المجانى الذى يؤمه ملايين السودانيين من المغامرين المنتشرين فى بلاد الشتات,وهم يشككون فى مستقبل البلاد والعباد , ويشكون ويبكون ويتنابزون بالالقاب , وللسلطة فيه رقيب.. وليته ماكان حيث زاره الالاف وعلق عليه مئات المتعبين بين ساخر وساخط على الوضع العربى ومطالب باصلاحات اقتصاديه ومتهكم وناصح باسترداد الاموال والعقول المهاجرة ومفتى بين الحلال والحرام واخر متعشم فى مستقبل واعد واخر يطلب نصيبه فى اموال النفط على اعتبار انه مال عام , والبعض عاملنى باحترام ظاهر وتاكدت ان الرقيب" وسط الكم الهائل من الزوار" قد اعلم السلطات بتحولى الكبير نحو افق بعيد ,وعندها سخرت من نفسى , واصبح على يوما اخر وانا اتلقى المزيد من التهانى عبر البريد الالى والتلفون والرسائل القصيرة واصدقكم القول ان البعض زارنى مهنئا وناصحا بان اتعامل مع الامر بطريقة بسيطة كانه يلمح باننى سوف اجن لامحالة.... "ياااخ انت ايش دخلك حتى لو جنيت واشتكيت من حز القيد".
    ثم ان الاعلانات تضرب عدة عصافير فى ان واحد اذ تثبت للعالم اجمع القفزة الهائله التى تحققت من طبقة المتاعب ومعاناة الصحفى امام الابواب المغلقة الى طبقة المليارديرات " بعد تحويل المبلغ الى الدينار السودانى المفترى عليه "حيث تفتح لك النوافذ والابواب الطرق والاشارات , وحتى لا اتعرض لفيض من الاسئلة الحاقدة على شاكلة من اين لك هذا؟ واموالك دى مغسوله وماطاهرة, ولماذا انت تحديدا ..واخطرها بانها اموال ارهابية.. واعتقدت ان التهيئه النفسية التى نفذتها بدقة وحرص كانت مهمة قبل الخطوة الاخيرة.. خطوة الاتصال بمركز الدفع بعاصمة الضباب لاجل الاستلام ..او قل خطوة المفاجاءات..!!
    _____________
    الشبيبة 20/11/2005
    ضفرة: غيرت العنوان كان الناس دى تحسسسسسسسسسسسسسسسسس
                   |Articles |News |مقالات |بيانات

04-12-2005, 12:56 PM

ناصر محمد خليل
<aناصر محمد خليل
تاريخ التسجيل: 25-10-2005
مجموع المشاركات: 848

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    الأخ ود عكر ..

    تمتعت جدا بسردك اللذيذ

    قبل يومين او ثلاثة جاءني إيميل من شخصية إسلامية لا اعرفها تدعي أنها مصابة بمرض السرطان والعياذ بالله وأن لديها ثروة طائلة تقارب العشرين مليون دولار ولا وريث لها وتطلب من يريدون خدمة الاسلام ان يتصلوا بها لطرح مشروعاتهم المتعلقة ببناء مساجد وغيره وسيكون لهم نسبة 20 في المائة من المبلغ !!

    تحيرت وفكرت في إرسال إسمي وبياناتي الكاملة إلا أنني خفت أن يكون في الأمر برنامجا للتجسس أو غيره .

    هل تعلم أن نسبة العشرين في المائة قد تقارب مليوناتك هذه يا ود عكر
                   |Articles |News |مقالات |بيانات

04-12-2005, 11:27 PM

almulaomar
<aalmulaomar
تاريخ التسجيل: 08-07-2002
مجموع المشاركات: 6426

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    أخي الكريم أتساءل إن كان هذا الثري وهو يحتضر سوف يعيط تلك النسبة العشرون بالمائة كاش أم في شكل عيني كأن يعيط زاوية في كل تلاتة مساجد أو الصفين الأمامين في مسجد أو حتى يجعلك مؤذناً ، المهم عشان تتأكد أكتر أنا ممكن أرسل ليهو بياناتي لأنه لو حاول ينصب علي سوف لا يجد شيئاً أصلاً كي ينصب عليه ولو صدق الرجل في زعمه سوف يكون لكم نصيب من نسبته المحولة لحسابنا بالدولار في بنك أمدرمان الوطني فرع الخرطوم.
                   |Articles |News |مقالات |بيانات

05-12-2005, 04:57 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    الاخ ناصر تحية بعدد مليوناتنا الدولارية مضروبة فى تعاريفاتنا السودانية ...ياخوى دى اول مرة اسمع بيها رغم انو رسائل كتيرة عن وريث لا ورثة له لكن مساجد دى حامضة ...جد عجبنى رد شيخنا الملا ودعمر
    Quote: أخي الكريم أتساءل إن كان هذا الثري وهو يحتضر سوف يعيط تلك النسبة العشرون بالمائة كاش أم في شكل عيني كأن يعيط زاوية في كل تلاتة مساجد أو الصفين الأمامين في مسجد أو حتى يجعلك مؤذناً ، المهم عشان تتأكد أكتر أنا ممكن أرسل ليهو بياناتي لأنه لو حاول ينصب علي سوف لا يجد شيئاً أصلاً كي ينصب عليه ولو صدق الرجل في زعمه سوف يكون لكم نصيب من نسبته المحولة لحسابنا بالدولار في بنك أمدرمان الوطني فرع الخرطوم.

    ضفرة : اتصل بالملا يديك بياناتو يمكن يطلع ليهو بى زاوية او خلوة او حوار كان مافى شيخ فكة
                   |Articles |News |مقالات |بيانات

05-12-2005, 05:03 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    الملا ود عمر أخي الكريم
    ،
    Quote: المهم عشان تتأكد أكتر أنا ممكن أرسل ليهو بياناتي لأنه لو حاول ينصب علي سوف لا يجد شيئاً أصلاً كي ينصب عليه ولو صدق الرجل في زعمه سوف يكون لكم نصيب من نسبته المحولة لحسابنا بالدولار في بنك أمدرمان الوطني فرع الخرطوم.

    قلته لى بايظة بايظة داير تمرق بى اخر يد الشيخ ده تعرف واكيد حا عرف .......... جملة حسابكم الدولارى + لقب الملا عمر = غوانتانامو.... واحسن تحول قروش لدينارنا الكارب الايام دى وشايف الدولار يتقهقر امامة زى رقيص العروس زمااااان مما يشكل ضغط معوى على الاخوة المغتربين .... شفاك الله وكفاك مرمططة المغتربين الايام دى
                   |Articles |News |مقالات |بيانات

05-12-2005, 12:54 PM

القلب النابض
<aالقلب النابض
تاريخ التسجيل: 22-06-2002
مجموع المشاركات: 8418

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    الاخ ود عكر


    قــــــول لي ناصر دا , دا غسيل يتعرف تكوي , دايرنك تكوي ليهم


    اوعك من الغسيل والمكوة.
                   |Articles |News |مقالات |بيانات

06-12-2005, 04:52 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    كيفك ياقلب
    Quote: اوعك من الغسيل والمكوة.
    تقصدى قروش الجماعات ديل نتكون وسخانة ومكرفسة او تحتاج للماء والنار لزوم الطهارة حتى تصبح حلالا .......... ما اظن صاح
    ضفرة: الاخ نزار اياك وشغلة مكوجية القروش فانها توسخ الايدى والاجساموتورث الفساد والآثام كما تقصد القلب النابض ولها فى الحديث مقام......... فاسمع منها

    (عدل بواسطة WadAker on 06-12-2005, 09:17 AM)

                   |Articles |News |مقالات |بيانات

06-12-2005, 09:28 AM

almulaomar
<aalmulaomar
تاريخ التسجيل: 08-07-2002
مجموع المشاركات: 6426

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    حاولت أخي تحويل حسابي الخاص من الدولار إلى الدينار غير أنني وجدتها ما راكبه يعني غلط عديل كده ، كانت العملة في زمان سابق جنيه وكانت مستورة وساترانا لكين جو الجماعة وقالو نركب الموجة ونعمل دينار زي الكويت والبحرين والجماهيرية العظمي والجزائر كأضعف الإيمان والدينار ده زاتو قالو عليهو المؤرخين إنه عمله بيزنطية مشتقة من ديناروس يعني لو عندي حساب ديناروسي وكانت ديناروساتنا ذات قيمة عالية في وق صرف الديناروسات كان قبلتالأمر ، لكين برضو زعلت شديد لمن عرف ليك إنو الشغالة كلها غلط في غلط كاتبين يك ف الورقة وأم عشرة ، عشرة دينارات ،والعرب قالو القصة دي غلط لازم نقول عشرة دنانير لأنه الدينار يجمع دنانير ودينارنا يجمع كيفما أتفق ، عشان كده حا أحول حسابي الدوري من بنك أدرمان الوطني فرع الخرطوم إلى بنك أواسا العالمي فرع تيكلا هانوت وبعملة البر الأثيوبي. والبر يكفيني أن أجمعه بالطريقة التي تريحني ، أبرار بررة أو بإضافة الـ flying S كما في لغة الفرنجة وأكون في حل من واو الجماعة.
                   |Articles |News |مقالات |بيانات

06-12-2005, 09:21 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    اعيدت هذه الفقرات للنشر مرة اخرى لعموم الفائده للامام الملا ودعمر حفظه الله من عيون الامريكيات .....
    Quote: ويقول آخر الدين تلف والرد خساره. وإياك إياك والإستثمار في الزراعة وبخاصة زراعة البصل والموز وأحذر كذلك تجارة الملابس الجاهزة وتجارة العربات أو ما يعرف في أمصاركم بالسيارات وأحذر الإستثمار في العقارات والأراضي وخذ حذرك من الإستثمار في البهائم وإياك والجداد أو الدجاج فالأنفلونزا ضربته في مقتل فأصبحت ديوك القرية عن بكرة أبيها تصيح عند الساعة الحادية عشر مساء بعد أن إختلت ساعتها البيولوجية فأصبح عندها الليل والنهار سيان أو كما قال عبدالماهل ود جامبوك (الليل والنهار واحد على العميان) وأصبحت الدجاجة تلعب بالبيضة والحجر ، وأحذر أخي الإستثمار في الموبيليا أو الأثاث وأعلم أصلحك الله أن خير الأمور أوسطها وأن أواسط وأقاصي إستثماراتنا هي الفول والتمباك وشرائح الإتصال المسبقة الدفع نفعني الله وإياك والسامعين وجعلنا هداة مهتدين.
                   |Articles |News |مقالات |بيانات

06-12-2005, 09:42 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    فكةخشم فى شان دينارات الملا ودعمر
    Quote: وكانت ديناروساتنا
    توأم الدسنتاريا لكنه فرررت منها وفرزت عيشها بعد صارت تليفة وعافاها الشباب.........
    اما...
    Quote: والبر يكفيني أن أجمعه بالطريقة التي تريحني
    من برى وبرية منكم ودى حالة اندياح حر بعد ما حصل العصر والمصر وقال المغتربييين الرووووووب ووووب وووووب البيبى فوق وق وق وختموها تهليلا بى وب وب وب واااااااااى وكررررررر علينا
                   |Articles |News |مقالات |بيانات

06-12-2005, 12:38 PM

القلب النابض
<aالقلب النابض
تاريخ التسجيل: 22-06-2002
مجموع المشاركات: 8418

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    ود عكر اخوي

    خطبة الملا عمر في سوق الله وأكبر تجلب له الزباين الخصوصي ولا تصلح إلا في سوق عكاظ لا التجار ما عندهم قشة مرة . فالذهب والارض , وملابس السيدات والكريمات والاسلحة والغسيل والمكوة كلها في دكان واحد وعند تاجر واحد.
    لا زلنا في انتظار نصائح الامام في مخافة الملام.
                   |Articles |News |مقالات |بيانات

07-12-2005, 05:14 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    الملا ودعمر شيخ الطرق الملليه ذات المساجلات التطريبيه.... ادناه رسالة واسطة عدييييل كده "وتحت تحت تزكية" لقبول اختنا القلب النابض فى النحل المللليه ومنحها لقب الملاته وذلك بعد طرحها بحثها المميز المثير الخطير
    Quote: انتظار نصائح الامام في مخافة الملام
    . والذى نال تقدير " دى مابتقوليها الا انتى" بدرجة فارس
                   |Articles |News |مقالات |بيانات

09-12-2005, 07:59 PM

القلب النابض
<aالقلب النابض
تاريخ التسجيل: 22-06-2002
مجموع المشاركات: 8418

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    ود عكر اخوي


    Quote: اختنا القلب النابض فى النحل المللليه ومنحها لقب الملاته


    الملة عمر مانح الالقاب الذكية, والمناصب العلوية, في الدولة الاسفيرية, له الف تحية.

    اللقب مقبول والزعل مرفوع, والغسيل ممنوع.

    "من كتاب الملل والنحل للملا عمر"

    القرن الواحد والعشرين الميلادي.
    الدولة الاسفيرية
                   |Articles |News |مقالات |بيانات

09-12-2005, 09:00 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    اههههههه لسع الطلبات تاتينى على استحياء وفى عدة اشكال ,,, فرايت ان انزل جزء ثالث عله يشفع لى ويتركونى استمتع بملاييييييييييينى براااااااااى
                   |Articles |News |مقالات |بيانات

09-12-2005, 08:28 PM

salamat

تاريخ التسجيل: 05-02-2002
مجموع المشاركات: 228

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

                   |Articles |News |مقالات |بيانات

10-12-2005, 05:02 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    سلامات ..... وين يا "انا" يالمن زمان ماعارف ايه ......... شنو يعنى ركبت البت اللهلوبه دى وكبيت الزوقة اسع لو استمريت"انا" كان ورثت الملاييييييين دى ..... بس برضو فى البال وحق تشريفك لى لاتساويه هذه الملايين
                   |Articles |News |مقالات |بيانات

12-12-2005, 09:39 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)


    الناس دى روحتتتتتتتتتت وين؟
                   |Articles |News |مقالات |بيانات

12-12-2005, 02:34 PM

القلب النابض
<aالقلب النابض
تاريخ التسجيل: 22-06-2002
مجموع المشاركات: 8418

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    Quote: الناس دى روحتتتتتتتتتت وين؟




    قااااااااعدين



    للرفع
                   |Articles |News |مقالات |بيانات

13-12-2005, 05:12 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    Quote: قااااااااعدين

    كيفك ياقلب يبدو ان السياسة اخذتنا بعيدا وذلك ما يوكد اننا سودانييين بالجد...... التحية ليك وابشرك بانزال الجزء الاخير من معاناتى المليونية قريبا ....... خليك قريبه
                   |Articles |News |مقالات |بيانات

13-12-2005, 08:15 AM

القلب النابض
<aالقلب النابض
تاريخ التسجيل: 22-06-2002
مجموع المشاركات: 8418

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    Quote: قااااااااعدين


    No matter where u r


    waiting
                   |Articles |News |مقالات |بيانات

16-12-2005, 10:25 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    وبدا العد التنازلى اخطط لبلوغ الهدف فقط احتاج لدقة فى التصويب ... التركيز وعدم الانفعال حتى تاتى المعادلة صحيحة .......
    ضفرة: كيفك ياقلب ........... امر بمنخفض زهقى سرعان ما س "اتجاوزة" ...... ارجو ذلك
                   |Articles |News |مقالات |بيانات

16-12-2005, 01:13 PM

القلب النابض
<aالقلب النابض
تاريخ التسجيل: 22-06-2002
مجموع المشاركات: 8418

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    Quote: كيفك ياقلب ........... امر بمنخفض زهقى سرعان ما س "اتجاوزة" ...... ارجو ذلك



    وأنا ايضاً خاصة من قذارة الصفحة الاولي.

    تحتاج الى البلدية .
                   |Articles |News |مقالات |بيانات

23-12-2005, 10:58 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    القلب النابض ...... كيفك ... قلنا نغير شوية يمكن الحظ يحالف او هكذا افضل من سياسة الاقصاء ونشر المفردة القذرة
    =+++++++++++>

    مليونير مع وقف التنفيذ..."3"
    ان ترد الى بريدك مثل هذه الرسالة المليونية امر قد لا يثير دهشة الكثيرين ومثلما تاتى رسائل " ملغومة" قد تاتى رسائل الفوز بمختلف الاشياء ولكن المثير هو ان تتقدم لتتلمس خطوات مسيرتك نحو الملايين المستحقة بذات الخطوات التى اكدت الرسالة على اتباعها حرفيا ... وكان ردى اليهم فى البدايه مجرد تسليه ولكن ... ان ياتى ردهم فى وقت قياسى لا يتعدى بضع دقائق فيجب الانتباه والتركيز واخذ الامور بجدية.... فالصدق والامانه جزء من تكوين البشر بمختلف اديانهم او هكذا ينبغى ..وفى مخيلتنا نحن المسلمين ان الشعوب فى العالم المتقدم يتفوقون علينا فى كمال الصدق والامانه وحتى الانضباط فى المواعيد "مواعيد خواجات"... حتى اصبحت بمثابة حقائق راسخة فى دواخلنا , بعد انتشار الفساد وعدم المساءلة والشفافية فى العالم الثالث الذى تنتمى اليه معظم الدول العربية والاسلاميه, وكذلك تاكيدات منظمة الشفافية الدولية" التي أنشأت عام 1995م -ومقرها برلين-ا ان الشفافية والمساءلة مفهومان مترابطان يعزز كل منهما الآخر. ففي غياب الشفافية لا يمكن وجود المساءلة، وما لم يكن هناك مساءلة فلن يكون للشفافية أية قيمة. ويسهم وجود هاتين الحالتين معا في قيام إدارة فعالة وكفؤة ومنصفة على صعيد المؤسسات العامة والخاصة.
    وقد تصدرت أيسلندة قائمة الدول الـ 159 الواردة فى اللائحة وبلغ مجموعها 9.7 درجات. فيما احتلت سلطنة عمان مرتبة أقل الدول العربية فسادا، وحصلت على 6.3 درجات على مؤشر "مدركات الفساد للعام 2005 المؤلف من عشر نقاط، وبلغت مرتبتها العالمية 28 على لائحة منظمة الشفافية الدولية , اذن نحن العرب والمسلمين اكثر بلدان الارض افسادا ...كما يقول تقرير منظمة الشفافية
    اعود واقول ان التهيئه النفسية التى نفذتها بدقة وحرص كانت مهمة قبل الخطوة الاخيرة.. خطوة الاتصال بمركز الدفع بعاصمة الضباب احد اكبر عواصم الغرب صدقا وشفافية لاجل الاستلام ..او قل خطوة المفاجاءات..!!
    بسرعة لا تصدق واجزم ان الامر لم يستغرق بضع دقائق وكان هؤلاء القوم بلغت بهم الشفافية والمسؤوليه الامانة والاحساس بمعاناة الاخرين والعمل على اسعادهم مرتبة ملائكية ثم ان الرد جاء تلفونيا مباشرا مما يعنى ان شخصى يجد الاهتمام المباش ..هالو مستر "اكر" هو يقصد كنيتى عكر "حتى فى اسمائنا لهم راى" ....وبدا حوار التهنئه... ومفاوضات التسليم والتسلم وانا لا اصدق ان المخابرة من لندن واكد لى الفوز وان المبلغ من نصيبى وسيكون تحت امرى حلال 48 ساعة استنادا للوائح الشركة بعد الموافقة التامه بواسطة مجلس المدراء والبنوك الدافعة و حسب قول المتحدث "ان مجلس المدراء والبنوك الدافعة" قد اقترحت على كل الفائزين ان يدفعو مبلغ 4000 دولار لتغطية التكليف الادارية ولاجراء التوثيق في المحكمة العليا وايضاً لارسال شهادة الفوز الاصلية للعنوان الذي ذودتنا به ك"فائز" عن طريق " المراسلة فقط" ويجب اتباع هذه الاجراءات البسيطة مع التشديد على ان يظل هذا الفوز" سرا" حتي استلام " التمويل"
    اذن وبكل شفافية صارت شركات الـ"دوت كوم" الغربيه تنتهك خصوصياتنا دون ارادة منا ولا حتى من حكوماتنا التى لم تخرج من مشاركتها فى القمة العالمية لمجتمع المعلومات في العاصمة التونسية "16-11-2005-" بتوصية تطلب ايقاف المتاجرة بياناتنا الشخصية و بيعنا الاوهام والاحلام
    وبعد ان لاحظت تشدده بان استلام المصاريف الادارية يجب ان يكون اولا ولا يمكن ان تخصم على قلتها من مبلغ المليونى دولار ... ولم يفلح ارثى التفاوضى كسودانى تمارس اطرافة لعبة التفاوض سنوات طوال لاقتسام سلطة مؤقته وثروة معظمها فى علم الغيب بهدف رفع المعاناة عن كاهل المواطنين .. بحثت عن مبدا الصدق والامانة والشفافية التى يتباهى بها الغرب علينا .. سالت نفسى بصدق عن اجابة ... ومالك من اين اكتسبته..؟
    ____________________
                   |Articles |News |مقالات |بيانات

23-12-2005, 12:08 PM

Ali Alhalawi

تاريخ التسجيل: 10-02-2004
مجموع المشاركات: 1467

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    أخى ود عكر .. سلام

    أولا .. لقد جئناك كيبورديا لأن الطيران عندنا محظور أو شبه ذلك .. لم نات من أجل الفكة التى لم نراك تفرشها سوى على الورق .. إلى أن نرى ملايينا حقيقية .. لا يختلف مسماها عن اليورو أو الدولار سنجيئك طايرين من كل فج عميق .. لو كانت ملايينك من نوع الليرة اللبنانية أو التركية سنجعلك مصرفا آخرا للزكاة بعد الغارمين .. و كيف لأبن ود عكر أن يكسب مليونى "...." إذ كان يرى فى الأربعة آلاف دولار فقط مبلغا كبيرا .. لماذا تبخسون الناس عملاتهم .. لو وهبونى مليون ريال عمّانى لاغير لسالت "ريالتى" و دفعت هذه الأربعة آلاف فورا .. أم تريدهم أن يتم التحويل "هبتلى" دون دفع رواتب المدراء و رؤساء الأقسام و موظفى الأرشيف و السكرتيرات و بتاعين الشاى و القهوة .. سأختصر طريقك للملايين و أخش واسطة خير .. لا أطلب منك شيكلا أو يورو .. حوّل الأربعة آلاف لحسابى الوجود فى البروفايل .. و فى أقل من 48 ساعة ستجد المليونين فى حسابك .. حينها سيجئك الجميع على طيران الأمارات
                   |Articles |News |مقالات |بيانات

24-12-2005, 06:18 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    الحبيب على الحلاوى حبابك..........
    Quote: أطلب منك شيكلا أو يورو .. حوّل الأربعة آلاف لحسابى الوجود فى البروفايل .. و فى أقل من 48 ساعة ستجد المليونين فى حسابك .. حينها سيجئك الجميع على طيران الأمارات
    لن تكون اكرم ياحلاوى اكرم بها من قبيلة ونحن ابناء عمومة ولكن فى الكرم قدام فانا اتبرع لك بعكس ما قلت فقط ارسل لى الاربعة الاف لجيبى مباشرة وانا اتنازل لك من المليونيين امام الملا ,,, رايك شنو؟ اهه ده الكرم والا بلاش
    ضفرة:مباشرة دى تعنى انا البجيك طاير فى الامارات
                   |Articles |News |مقالات |بيانات

24-12-2005, 07:14 AM

Ahmed El Gasim
<aAhmed El Gasim
تاريخ التسجيل: 25-10-2005
مجموع المشاركات: 673

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    ود عكر
    مشتاقين
    انت لسة ما قبضت؟!
    اصحي يا حبيب

    تحياتي لال عكر جميعا لك المودة
                   |Articles |News |مقالات |بيانات

26-12-2005, 10:31 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    احمد القاسم تحياتى .....والشوق بحر .... وعام سعيد ولك التحيات الجميلات من ال عكر
    Quote: ود عكر
    مشتاقين
    انت لسة ما قبضت؟!
    اصحي يا حبيب
    تحياتي لال عكر جميعا لك المودة

    ضفرة:تعرف يبدو الجماعة ديل عايزين يقفلوا الميزانية نهاية السنة13/21/2005 وايدنو الباقى ...... بشرط ان تحقق الميزانية فايض.... وطبعا ما اظن اذا كان محاسبينهم من دول العالم التالت الدايمن موازينم خسرانة...
                   |Articles |News |مقالات |بيانات

26-12-2005, 10:52 AM

القلب النابض
<aالقلب النابض
تاريخ التسجيل: 22-06-2002
مجموع المشاركات: 8418

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    ود عكر

    ديل غشو اجدادنا المساكين خلوهم يزرعوا القطن في الجزيرة


    ويحفروا الدهب

    ويعملوا السبعة وزمتها

    ويسرقوننا الضحى الأعلي

    ويأتو في نهاية المطاف يعملوا فيها اساتذة الاخلاق والصدق والامانة ويزيدون عليها حقوق الانسان.


    مش زودوها شوية كمان بنهب المساكين زينا مباشرة أربعة الف دولار من فرد يلقط فيها زي

    الطير لما يلقط أكل أولادو.

    ارعة ألف دولار حررررررررررام عليكم

    رجعوا لينا الفات .

    ضفرة:
    ما تطول الغيبة
    ثم تانيا انتو بتمشوا وتجو على كيفكم

    قولوا حاجة , استأذنو. فهمونا.

    اتوحشناكم
                   |Articles |News |مقالات |بيانات

27-12-2005, 02:11 AM

almulaomar
<aalmulaomar
تاريخ التسجيل: 08-07-2002
مجموع المشاركات: 6426

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    أخي ود عكر
    أنا قبال ده يا أخوي لمت في واحده إسمها حليمة قالت هي زوجة المغفور له أياديما ولا بنيتو ما بعرف والراجل غناسينغبي أياديما ده صاحب أطول فترة حكم في أفريقيا والغريبة مات بي جاي بعد يومين ولدو نطه في الكرسي لا وأيه كمان أدي اليمين الدستورية رئيساً لتوجو.
    المهم حليمة دي أخير منها حليمة بائعة اللبن دي يا راجل كبت لي نقه في الإيميل شئ فرزتو وشئ أنا وناس وبيستر ومنير البعلبكي ولونق مان ما عرفناهو المهم قالت هي بتثق في ثقة شديدة – حرم يا ود عكر يا أخوي لامن جضيماتي إتنفخن والوقت داك إن لقيت لي دلوكة كان ركزت للبطان من شدة الغرور - عشان كده عاوزه تحول القروش الثروة التي تركها إياديما عن طريقي ولي في المسالمه غزال أقصد لي نسبة مئوية تكفيني وتكفي أهل قريتي والحلال المجاورة شرور العوز والفقر ، أقوم يا أب عكر يا أخوي أسرح ليك في أياديما الراجل الحرامي الأكل قروش الشعب وحول كل إمكانيات الشعب المسكين إلى حسابات خاصة به زيو وزي أى حاكم من حكام الدرجة الثالثة - عفواً دول العالم الثالث – أها بقيت أحدس زول وأدس من زول خايف الحسد ، الغريبة يا ود عكر يا أخوي حليمة دي أصلها ما اتكلمت معاي في العرس برغم ثقتها في على حد زعمها وتحويلها كل الأموال التي سرقها أبوها عن طريقي أها رأيك شنو يا ود عكر يا أخوي أصارحها وأقول ليها بدورك ولا ألحس نسبتي المئوية وأشتت.
                   |Articles |News |مقالات |بيانات

28-12-2005, 06:03 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    الاخت القلب النابض...........
    الاخ الملا ودعمر .............
    بكل الاحترام والود لكم منى كل الامنيات بحلول عام سعيد خالى من الاحن وعامر بالسلام ....
    عذرا لم ارد ليس تجاهلا ولكن المزاج معكر شوية وهذا ما ورثناه من جدنا الكبير محمد الملقب بى عكر .... العجيب ان اسباب عكره غير اسباب خراب مزاجى .....وساعود بعد ان بدأ الصفاء يعود الى تدريجا .... آمل ان يزول الكسوف و يكتمل بدرا قبل نهاية اليوم او...... بالاكثر قبل الغد نهاية الاسبوع عندنا... فتكم بى عافية حتى اعاود.. ودعواتكم
                   |Articles |News |مقالات |بيانات

28-12-2005, 10:43 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    القلب النابض.........تحية واحتراما
    ضف
    Quote: رة:
    ما تطول الغيبة
    ثم تانيا انتو بتمشوا وتجو على كيفكم

    قولوا حاجة , استأذنو. فهمونا.

    اتوحشناكم

    تعرفى الواحد فينا كان يؤم هذا الموقع كلما ضاق بجو العمل ... يعنى يجد فيه سلواه وناس جميلين لم يراهم ولكن يحسهم وكان بين كل صفحة عمل يتاوق على صفحات المنبر وتطور الامر الى عشق ثم ادمان حتى جاء بعضهم فاصبح يكتب كلاما كتر منتهى الضحالة وقلة الزوق والاختيار السيئ لبعض المفردات ..بعضهم لا يكتب الا ليلا وهو تحت غمرة اللاوعى ظنا منه ان النضال واسلحته تحتاج الى وضع الراس تحت شاحن قوته مستمدة من السوائل الحارقة...تقول ليهو سلام واحترام ... يقول نحن ارباب النضال وسيوفه السنان والاخرين مجرد معيز بهايم وفيران .. يتحدثون عن حاضر لا اصل لهم فيه ومستقبل ينهى وجودهم ويتحاشون ماضيهم الاسود كمن يدارى سؤته بصفقة جرجير.....المهم هؤلاء القوم جعلوا المنبر على غير ماكان ظنا منهم ان ممارسة الاقصاء فى حده الاقصى تعنى الانتصار وحلحلة امراضهم النضالية واعطائهم وسام الانتصار برتبة فارس... هم من جعلونى واخرين اعلمهم يتاوقون فقط للتاكد من وجود احباب لهم مترفعين عن السؤ كلمة وفعلا......... ارجو لك كل التوفيق وارجو ان يكون العام القادم عام سلام ومودة للجميع...........
                   |Articles |News |مقالات |بيانات

28-12-2005, 10:59 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    Quote: أها بقيت أحدس زول وأدس من زول خايف الحسد ، الغريبة يا ود عكر يا أخوي حليمة دي أصلها ما اتكلمت معاي في العرس برغم ثقتها في على حد زعمها وتحويلها كل الأموال التي سرقها أبوها عن طريقي أها رأيك شنو يا ود عكر يا أخوي أصارحها وأقول ليها بدورك ولا ألحس نسبتي المئوية وأشتت.

    الملا ود عمر الرجل الكارب ..... عفيت منك
    يافردة الفتوى فى هذا الموضوع ورطة يعنى القروش والا حليمة ..حليمة والا القروش .. اذا قلنا القروش اولا باعتبار ان شكل القروش معروف حتى لو كانت شيكل اسرائيلى و تبقى القروش هى القروش وهى الاحلى لاكن"لاحظ لالالالالالالاكن دى" تبقى الحقيقة وهى انو حليمة المامعروف شكلها "موديل كم ,كم شنكل دفع رباعى والا عادى وشكل الصدامات والخطرات واكياس الهواء.الخ..الخ " هى صاحبة الكاش وهذه الاشياء فى علم الغيب وامكن كمان شرك من حلوم شبه الدوم ...عشان كده يامن احسن الضمان وخشششششششش جوز فى الجوز حلوم وقروشها البل كوم وخليك واضح ياجميل ............. واعوك تدقس وتستلم حليمة قبل الغنيمة ........ ومع ذلك نحن لا نفتى فى الغريب ولا بنخش فى الغريق........
                   |Articles |News |مقالات |بيانات

31-12-2005, 03:27 AM

almulaomar
<aalmulaomar
تاريخ التسجيل: 08-07-2002
مجموع المشاركات: 6426

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    أخي ودعكر
    نفعني الله بعلمك الواسع وفقهك وفتواك في شأن المال والنساء والقناطير المقنطرة
    أنا يا سيدي لا أطمع في حليمة بقدر طمعي في قريشاتها ولما كانت المرأة كما جاء في الأثر تنكح فيما تنكح له لمالها وكانت حليمة ذات مال كان على أن أقبل إذا هي قبلت أو أقبلت وأحاول إذا هي رفضت أو أدبرت – يعني بالدارجي كده بعض من المؤهلات المؤدية للزواج السريع في زماننا هذا هو المال.
    وقديماً قال السير أليكس إبن فكتوريا سليلة كتشنر الثالث عشر وجورج السادس عشر قولته المشهورة "money talks & sometimes walks هذا الووكس والتوكس كان أيام الجنيه السوداني يساوي 3 دولارات في سوق العملات وقبل ظهور اليورو وأفول بعض العملات وأصابتنا بداء الدينار الذي يجمع في بلادنا حمرة عين دينارات وهو كما تعلم أخي خطأ فاحش يعادل فحش طريقة الجمع ، اليوم بقت القروش تعمل أكثر من كده وحبذا لو كان السير أليكس على قيد الحياة حتى يعمل updating لمقولته تلك .
    عن شخصي الضعيف أخي ودعكر أقول أن مس حليمة داخله على طمع لأنو أخوك في كل الأحوال ماهو هوين سهل قياده كما تغنى بذلك مبدعنا العظيم وردي متعه الله بالصحة والعافية لكين أظن أن عرضها مغري ويسيل له اللعاب قروش ورتوش وحسابات في بنوك خارجية وشركات أوف شور وواحدات أوف سايد أظن أنني يجب أن أوافق ولا أدع الفرصة تفوتني لأنها لن تأتي مؤكداً مرة تانيه إضافة إلى أن مؤهلاتي تمثل الحد الأدني للقبول.
    حليمه يا يمه ما تقولي لي لا لا
    لو قلتي لا لا بفتش لي تأشيرة وبغترب يا خاله
                   |Articles |News |مقالات |بيانات

01-01-2006, 10:31 AM

WadAker

تاريخ التسجيل: 30-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: ان ابن عكر وصاحب الملايين ... متى افرش الفكة تجو طايرين ...! (Re: WadAker)

    Quote: عن شخصي الضعيف أخي ودعكر أقول أن مس حليمة داخله على طمع لأنو أخوك في كل الأحوال ماهو هوين

    الملا ود عمر ......... عامك سعيد ..... اجد صعوبة فى مراجعة فتواك الدسمة ولاكن انصحك اكان ممكن..... اوعك تدقس وتعصلج خلال التفاوض وتقرض على جملتك الفوق دى ....بكره يطير ليك وتقعد تغنى ظلمونى ...ظلمونى ..فالعصر عصر الفياجرا لا عصر الفحولة والفناجره يامان ..... وقرط على كده
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de