الشباب السوداني بالتنسيق مع القوى السياسية السودانية بولاية كولارادو يدعون لوقفة يوم الأحد ٤ ديسمبر
أرقام قياسية سودانية: مرشحة لموسوعة جينيس العالمية Guinness World Records!
التفكير الاستراتيجي و التفكير الآني - بين العصيان المدني و المقاطعة الجزئية آراء و مقارنات
الوقفة الاحتجاجية الكبرى بفلادلفيا لدعم العصيان المدنى فى السودان
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-03-2016, 09:39 AM الصفحة الرئيسية

مكتبة محمود الدقم(محمود الدقم)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

الشاعر اسماعين حسن والارث المتبقي.

03-30-2007, 08:47 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
الشاعر اسماعين حسن والارث المتبقي.

    في مدن بعيدة وبلاد بعيدة يقف السابلة والمثقفين والمتثاقفين ومحبي الثقافة صفوفاطويلة كي تمتليء اعينهم دهشة ومحبة بشاعرهم المفضًُل الذي من المنتظر ان يعمدُهم بقصيدة تجعلهم يولدون من جديد، يولد في تلك البلاد شاعر وهو طفلا يتمادى في الطرقات فيشير الحكماء منهم ان الغلام المتسكع في الطرقات لشاعر احفظوه، دثروه، لا تلقو به في اليم، وعندما يموت شاعرهم تضربهم الزلة والمسكنة وتحسبهم ايتام مدى الدهر، رغما من شاعرهم ترك لهم ارثا فكريا وثقافيا يكفيكهم ليوم القيامة.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-30-2007, 09:14 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    القمر بوبا:-

    الصغيرة شجيرة الأراك
    ياقمر عشرة الفي سَِماك
    شاغلة روُحي وقلبي المعَاك
    وين لقِيتك لامِن آباك
    القمر بُوبا عليك تَقيل

    العُيون الما بِدمعن
    نامن أو صاحيات يِبرقن
    لا بِصيدن لا بِعشقِن
    سِرهن في الجُوف يحرِقن
    كشفن رُموشِن أو غمضن
    كُلو مُوت ماتُقُول بِرحَمن
    القمر بُوبا عَليك تَقِيل

    الصَغيِرُوُن المَا كَبيِر
    الَرقَيبة قِزازةَ عَصيَر
    السَنُوُن بَراقَن يَشِين
    العُيوُن مِتل الفَنَاجيِن
    مابتحِش قَشة تنَاقيِر
    مابتَشيِل جَردل على الزيَر
    الَزرَاب فُوقا تَقُول حَريِر
    شَتتِي شَبار يامُ ضَميَر
    َخليِ قُلوب الصِبيِان تَطيِر
    انتي ريِحتِك دَمُور فِريِر
    ولا بتِ السُودان اصيل
    القَمر بُوبا عَليك تَقيل

    الجَزير اُمُ بُحراً حِما
    فِيك رُوحي وحُبي النُما
    مابسيُبا ان بُقا في السُما
    ما بُخِلي الناس تَظُلما
    روُحي في دِربِك سَالِمة
    يا غِرق يا جيِت حِازِمة
    القمر بُوبُا عُليك تُقيُل

    القُديما قُديما الحُمام
    الُوُديِزين في مُوجُو عَام
    يا مِرايقة قِليلة كِلام
    وا حِلاتا تقُول السُلام
    القُمر بُوبا عَليك تَقيَل

    الغَزال الفُوق في السُلم
    المُحبة تُزيد الألم
    كُل يُوم اصبَح لي في هم
    سِيسبان عُودك مُنَظم
    شَمعدَان نَفسِك يامُختَم
    البُرتَكَان نهِدك مَدردَم
    القمر بوبا عليك تقيل

    الصغيُرون امُ الجَنا
    ياكريم ربي تِسلما
    تبعد الشر من حِلتا
    جنة للأم الُولدتَا
    الفي جبل عَرفات وضعتا
    تَسلم البُطن الجُابتُا
    دي تِرباية حَبُوُبَتَا
    التِميرة الفي سبيطَتا
    الصَفَار صَابُغ خُضرَتا
    معزُورة امُها كان دَستا
    وا هَلاكي النار شافتا
    معزباني انا ود حلتا
    القمر بوبا عليك تقيل

    الدفَيفيق الدَابُو نَي
    البِسِيمتو بتكويني كِي
    اهلوُ ضَنو عليها وعلي
    حُبها النَساني وَالدي
    ما بَخليِك ان بِقيت حَي
    يا قِصيبة السُكر النِي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-30-2007, 09:51 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    في تلك البلاد ما وراء النهر والجبل عندما يموت شاعرهم يلطمون قلوبهم ويوسمون اسمه على الطرقات وقاعات الجامعات ومداخل المدن والمدارس والحدائق والمكتبات العامة ويقومون بتأبينه كل يوم في شكل كل سنة ويقرأون قوافيه ليل نهار في محطات مترو الانفاق، في السفن المتوجه من اثنيا الى جزيرة ميكنوس او كريت او الكناري، ويتسمى الاطفال باسمه، باسم ذلك الشاعر وهم مبتهجون غاطسون في بحر الحبور، زوربا اليوناني لنيكوس كزانتكيس مات وتسمي به الالاف ومئات الالاف كل منهم تساله ما اسمك؟ فيجبك بحبور ودهشة زوربا.


    وفي السودان بالكاد نسأل عن الشاعر ما اذا كان مازال حيا يرزق ام توفى لرحمة بارئه، وعندما يموت فانه يموت مثله مثل غفير المدرسة مع احترامنا للغفراء الاحياء والاموات، وسرعان ما ننساهم وننسى ذكراهم وتراثهم الفني والادبي لذا هذا البوست هو تأبين ومذاكرة لاشعار اسماعين حسن، كتب للوحدة الوطنية، كتب للتنوع الثقافي بين الجنوب والشمال، تغنى للنيل والخضار والجمال.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-31-2007, 11:59 AM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)


    وقد انشد الراحل المقيم في دواخلنا للبلاد للكرم والكرام ومااجمل رائعته (بلادي انا)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-31-2007, 12:07 PM

Mustafa Mahmoud
<aMustafa Mahmoud
تاريخ التسجيل: 05-16-2006
مجموع المشاركات: 35906

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-31-2007, 01:21 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: Mustafa Mahmoud)

    دكتور مصطفى محمود اهلا وسهلا بك وانت دائما اضافة حقيقة للبوست ونطمع للمزيد تشكر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-31-2007, 12:14 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    <4=font size>

    بلادى أنا:-
    بِلادِ نِاساًً مَواريثمُ في أوُل شِي … كِتاب الله
    وخيل مِشدوِد … وسِيف مِسنِون حِداه دِرِع .
    تَقاقِيهم تسرج الليل مع الحيِران

    وشِيخاًً في الخلاوي وَرع .
    وكم نَخلات تَهبهب فى جُروف السَاب

    وبَقرة حلُوبة تَتَضرع وليها ضَرع .
    وسَاقية تَصحى اليل مع الفجراوى ..

    يبكى الليل ويدلق فى جداولو دَمع .
    يخدر فى بلادى سَلام .. خُدرة شَاربيِ مُوية النِيل ..

    تُزرد في البوَادى زَرع .
    بِلادي سهوُل .. بلادي حقُول ..

    بلادي الجنة .. للشافوُها أو للبره بيها سمِع .
    بلادي أنا تِكرم الضيف وحتى الطير يَجيها جِعان ..

    من أطرافا تِقيها شِبع .
    بلادى الصَفقة والطَمبُور ..

    بلادى، بلادً من التاريخ من ترهاقا لي عن ميسنا
    وناسا حُنان .. يكفكفو دَمعة المفجوًع
    يبدو الغير على ذاتُم .. يَقسمو اللُقُمة بيناتمُ
    ويدو الزَاد .. حتى إن كان مصيرُم جُوع .
    ديكَ أهلى
    .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-31-2007, 12:29 PM

عادل جبارة

تاريخ التسجيل: 07-19-2006
مجموع المشاركات: 1795

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    الأستاذ محمود الدقم
    لك مني أعظم التحايا وأنت توثق لأحد عمالقة بلادي .. بعض وفاء لمن يستحق الكثير
    واصل وسنتابع معك هذا الجمال ...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-31-2007, 01:26 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: عادل جبارة)

    الاخ عادل جبارة تحياتي: حللت اهلا ونزلت سهلا احببت من خلال هذا البوست استعادت ذكرى الشاعر الراحل المقيم اسماعين حسن وهو الذي خلق القافية وسخرها للوطن وللجمال والحب والوحدة والسودانيين اجمعين وهو الذي اضاف للمشهد الثقافي عامة والمشهد الشعري خاصة لونا اخر من التسامي والعشق المقفى عشت اخي جبارة وتعالى معي ننثر وننشر من درره ما تيسر لنا والدعوة عامة لمن لديه اضافة عن هذا العملاق، لك الود والمحبة.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-31-2007, 12:37 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    وعندما كان يتقاتل من اجل الوطن تحت عباءات العنصرية والجهوية كان موقف الراحل المقيم اسماعين حسن واضحا اشاعة ثقافة التسامح بعيدا عن القتل والقتل المضاد وما احوجنانحن في المنبر لهذه الثقافة الان، وضع الراحل المقيم قاعدة ان السودان للعرب والافارقة في ذات القصيدة عندما كتب قائلا:-


    عَرب ممزُوجة بي دُم الزنُوج الحُارة .. دُيل أهُلي
    دُيل أهلي لمُا أدوُر أفصل للبدوُر فُصلي ..
    أُقول بَعضى .. ألاقيهُم تَسربوا فى مَسَارب الروُح بِقو كُلي
    أسيَاد قَلبي والإحسَاس .
    وسَافر في بِحار شُوقم زمَان عَقلي .
    مَحل قَبلتَ ألقاهمُ مَعاي مَعاي زي ضُلى .
    لو ما جِيتَ مِن زي ديلَ ..

    كان أسفاي .. وا مأساتي وا ذُلي
    تصوُر كِيف يكوُن الحَال ؟
    لو ما كَنتَ سُوداني .. وأهل الحارة ما أهلي ؟
    تصُـور كِيف ؟

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-31-2007, 12:55 PM

عادل جبارة

تاريخ التسجيل: 07-19-2006
مجموع المشاركات: 1795

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    Quote: تصوُر كِيف يكوُن الحَال ؟
    لو ما كَنتَ سُوداني .. وأهل الحارة ما أهلي ؟
    تصُـور كِيف ؟

    من أجل هذه الكلمات فقط يحق لنا أن نشيِّد ألف تمثال وتمثال لهذا البطل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-31-2007, 01:30 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    الاخ عادل لا ازيد الا ان اقول مطالبين بتجميع ارث الشاعر الراحل المقيم واقامة ندوات وورش عمل خاصة باعماله ومطالبين ايضا ان نطلق موقعا اسفيريا ومكتبات في طول البلاد وعرضها للشاعر اسماعين حسن، ربما بذلك نكون قد اعطيناه القليل من لمسة وفاء مرة اخرى اخي عادل جبارة تشكر على المرور والتعليق.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-31-2007, 01:43 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    لم يكن اسماعين حسن شاعرا بالصدفة، ولم ينسج قوافيه بالصدفة، فكما ان الله يصطفي عبادا كي يكونو انبياء فان الله سبحانه وتعالى اصطفى الشاعر ان يكون شاعرا ويخلق شاعرا ويحي ويموت شاعرا وتذهب قصائده في الافاق تحلق بالحب وما قرب اليه من قول او عمل، فالشعر لا يمكن تعلمه في المدرسة او الكلية بل الشعر نبوة عندما تشتعل جذوتها في وجدان الشاعر يكون كائن اخر من الرقة والانسانية وكان اسماعين حسن كذلك كتب القصيد ولعل ديوان شعره ريحة التراب هو سفره المتبقى مع مجموعة قصائد اخرى باقية وستظل باقية.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-31-2007, 02:06 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    رِيحة التُراب:

    والله يارِيحة التُراب
    .. شَديتِنى للمَاضى البَعيد ..
    عَبر الزَمان.

    فى اللا مَكَان ..
    عَبر البِكُون .. جُوه اللِى كَان

    .. مُشوار غَرِيب .. حَفيان
    وَطيت جَمر امُ لَهب .. الروُح تَهِيم .. فُوق النَجُوم … والفَانى … .. مَطمُور فى التُراب
    والله يارِيحة التُراب.
    كِيفن يَكُون دَرب الوِصوُل … لى سَاحة مَا شَقَاها زوُل.
    مِن دوُنى دُونِك .. ألفِ باب .. وكم حِجاب .. وكَم سَتِور
    مِنَدلى يا رِيحة التُراب.
    أصِلى مَليت العَذاب.

    جِيتا خَايد فى الضَبَاب .
    شُوق لَيالى الغُربة .. فى اعمَاقى دَاب.

    الحَنيِن … جُوه جُوفى … قِصة ما شَافت كِتاب.

    الصَغيروُن.. .. بى شقاوة الدُنيا يا ..يُمه شَاب
    والله يا ريِحة التُراب.

    العَطش يبس لَهاتى ,,, جِيتَ أهَاتى … جَارى … لى مُوية الرِهاب
    والله يارِيحة التُراب.
    جِيتا تَعبان .. داير ارقُد داير انوُم
    انسى نَفسى … والشقَى القاسيتو … فى وادى الهِمُوُم
    داير ألوُلى النسمة … بى فرحة صَغِير كُره السِمُوُم
    والله يارِيحة التُراب.

    ِريحة التُراب. والله يا رِيحة التُراب … لازِم ..أوُصل مَهما كَان
    أوعى، ما توصِينى كُنا وكَان زمَان .. الزمان.

    يا أصلى مَاليه أمان.
    ونحن فى ساحاتهُ.. زى خِيل الرِهان.
    والله يا رِيحة التُراب … لازم أوُصل مَهما كَان … حتى كَان
    سدت سواعِد الليل.
    دروُب الكُون وما خلت مَكان.
    حتى كان جَار القَدر شدانى فى قِاع الزَمان
    مُو ضَلام الليِل بَشيلوُ وبِمشى لى فَجر الأمان
    يا سلاسِل القُدرة … ما بَرضى الهوَان.
    بمشِى فُوق المُستَحِيل بَقدِل وبَتبختر كمَان.
    لازم أصِل … لى مَشاتِل رِيدى … فى أرض الحَُنان
    والله يا ريِحة التُراب.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-31-2007, 02:15 PM

Mustafa Mahmoud
<aMustafa Mahmoud
تاريخ التسجيل: 05-16-2006
مجموع المشاركات: 35906

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    رِيحة التُراب:

    والله يارِيحة التُراب
    .. شَديتِنى للمَاضى البَعيد ..
    عَبر الزَمان.

    فى اللا مَكَان ..
    عَبر البِكُون .. جُوه اللِى كَان




    just wonderful

    thank you ustaz mahmoud
    dr mustafa
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-01-2007, 12:05 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: Mustafa Mahmoud)

    Quote: رِيحة التُراب:

    والله يارِيحة التُراب
    .. شَديتِنى للمَاضى البَعيد ..
    عَبر الزَمان.

    فى اللا مَكَان ..
    عَبر البِكُون .. جُوه اللِى كَان




    just wonderful

    thank you ustaz mahmoud
    dr mustafa







    تشكر مثنى وثلاث ورباع واكثر دكتور مصفطفى.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-31-2007, 04:34 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    جواب باليد:-

    بِدُونْ عُنوَانْ

    عَليكُم الله يَا الرّاحْلِينْ

    ويَا مْسَافْرِينْ

    ويَا الدَّاجِّينْ

    ويَا الشَّاقِّينْ

    بطوُنْ التِّيهْ ومَا عَارْفِينْ

    سَلاَمِى كَتِير

    تَشِيلوُهُوا

    وفِى أطْرَافْ

    كُفَانَتكُمْ تَصرُوّهُوا

    تَودُّوهُوا

    وتَدُّوهُوا

    لِحَد الزّينْ بنَيَّةْ شيخْنَا إسْمَاعِينْ

    سَلاَمْ سَنَتينْ

    سَلاَمْ عُمْرنْ

    صِبِحْ يَايُمَّه لاَ يَسْوَىَ

    بِقىَ بَاهِتْ

    خُطُوطْ مَطْموُسَة

    فُوقْ لوُحْ الزَّمان

    مَمْسوُحة

    مَابِتْبينْ

    مَا بتَنْشَافْ

    معَد زُولَنْ

    يَتَبِّنْ فِيَها بالايدينْ

    عَليكُمْ الله يَا مْسَافْرِينْ

    ويَا الدّاجِّينْ

    أَنا مُشْتَاقْ

    وَكَايِسْ أمِّى يَا رَاحْلِينْ

    لَوْ لِى لَحْظَةْ

    لَوْلِى ثَانْيَة

    بَسْ أدُّونِى

    رَمْشَةْ عِينْ

    فِى حَدّ الزّينْ

    بِنَيَّةْ شيخْنَا إسَْماعِينْ

    عَشَانْ

    طَوّلْتَ

    مَارَسَّلْتَ

    مَا سَطَّرْتَ

    حَتَّى

    انْ كَانْ

    جَوَابَنْ فِيُه لَوْ سَطْرينْ

    لحَدّ الزّينْ

    بَوَصِّيكُمْ

    وَعارِفْ أمى رَاجْيَاكُمْ

    عَشَانْ تِتْنَسَّمْ الأخْبَارْ

    بِتَنْشِدْكُمْ

    تَنَاشِدْكُمْ

    تَحلِّفْكُمْ

    وَمَا بْتِرتْاَحْ

    إلأّ إنْ قُلْتُوا

    موُ أسْمَاعِينْ

    قِريبْ

    جَايِّيكىِ ..يَا حَنّينْ

    وُ قُولُو ا ليهَا

    يَومْ قَايْمِينْ

    جَابْليِنَا السَّلاَم بالكُومْ

    خَسَاره جَوَابُه مَا مَخْتُومْ

    وَ كَانْ

    قِدَّامْنَا بِحْلِفْ بِيكْ

    وَقَالْ

    يَا وَالْدَة مَا نَاسِيكْ

    وَكِيفْ ينساك..؟

    وَ حَتّى انْ كَان نساك

    مَا بِيْقدَرْ

    لأنُّه حَنِينْ

    وَشُوقْ ضَايِعْ

    كَدٍى شُوفيهُو

    عَايِشْ فِيكِ يَا حَنّينْ

    كَلامْ

    قِدّامْنَا نِحنْ ..كُتَارْ

    كَلامْ

    مِنْ قَلْبُه كَانْ بيَقُولوُ ..

    مَا هُو هِزَارْ

    حُروُفَنْ

    شَارْبَه

    مِنْ لهَبْ الحَنينْ الحَارْ

    كَلامْ مِسْكِينْ

    عَلى دَرْبَ الضيَّاعْ مُحْتَارْ

    كَمَانْ

    قُولوُلهَا ..يَا مْسَافْرِينْ

    عَدِيلْ

    شُفْنَاهُو

    وَدَّعْنَاهُو

    خَليّنَاهُو

    سَتَّفْ عَفَشُو

    مِنْ بَدْرِى

    ومِنْ سَنَتينْ

    خَتَم تَسْرِيحُو

    مِنْ سَنَتينْ

    عَشَانْ جَايِّيكِى يَا حَنّينْ

    ومِن سَنَتينْ

    عَلَى دَرْبَ الرَّحِيلْ قَاعِدْ

    يَلَوِّحْ

    دِيمَه لِلرَّاحْلِينْ

    يوَدِّعْ دَيلْ

    يوَصِّيهمْ يَواعِدْهمْ ْ
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-31-2007, 04:40 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    وَلَحْظَةْ جَيْتُو مَا بتْطُولْ

    قَرِيْب وَاَعِد

    وَ شَادِد نُوقُو

    مِتْجَهِّزْ عَشَانْ صَاعِد

    وَكَايِسْ رِفْقَه

    لِلدَّرْبَ الطَّويلْ الشِّينْ

    كَمَانْ

    قُولُولهَا ..يَا مْسَافْريِنْ

    قَوافِلْ النَّاسْ

    تَجِى وتَروُحْ

    ومَشْدُوهِينْ

    وَ أنا مِنْ شَدْهَتُنْ

    مَشْدُوه

    قَدُر

    بَاصَرْتَ مَا قَادِر

    ألاَقِى

    فِريقَه قَدرَ الرُّوح

    وَ خَايفْ ..يُمَّه

    لَوْ سَافَرْتَ

    مِنْ دُونْ رِفْقَة

    مِنْ دُونْ نَاسْ

    بطِشْ

    عَارْفَانىِ يُمَّه بَرُوح

    وَاتُوه

    فى العَتْمهَ

    وَينْ ألقاكِ ..يَا حَنّينْ ؟؟

    وعَارْفِكْ

    يُمّه خَايْفَه ..عَلَىْ

    ورَغْم الشّيبْ

    تَلوُلينى

    وَ فى حِجْرِكْ

    بَنُومْ يَا يُمّة

    تَفْليِنىِ

    تَخَالِينى

    تَحَجِّينى

    وَ اتُوهْ فى حِضْنِكْ الدَّافِى

    وَ ارُوحْ فِى عَالَم الأفْرَاحْ

    وَ اعُودْ مِنْ تَانِى

    زَىْ مَا كُنْتَ

    أبْقَى ..جِنَىْ

    وَصِيْتِكْ يُمَّه

    فى أعْمَاقِى ..بِتْزَغْرِدْ

    تَولْوِلْ

    فىِ مَسَارْب الرُّوحْ

    كَأنهَّا

    رَعْشَةْ التِّيَارْ

    وَصِيْتِكْ

    لَىْ أرافْق النَّاسْ

    رِفقْةَ النَّاسْ

    بِتْكَسِرْ حِدَّةْ الأسْفَار

    حَتَّى انْ كَانْ

    رُكُوبىِ قِطَارْ

    وَخَلّى اللّيلْ

    وصَيِتِْكْ

    لَيَّه ..حَتَّى..نَهارْ..

    مِن (( السَجَّانَه))

    تَبْرِينِى

    نَتْقََاوَد

    تَقَادمِينِى

    تَوَصِّينِى

    وَتَانِى جَدِيد تَوَصِّينِى

    وَتبْكِى كَتِير

    كَتيِر وَ غَزِير

    عَشَانْ مُشْوَارى..

    لِى مُكْوِار..

    وكيفْ

    يَايُمَّه عَادْ أقْدَرْ

    أسَافِرْليكِى

    فِى بَحَرَنْ

    وَسِيع هَدَّار

    وشِى مَجْهُولْ

    وَحَاتِكْ يُمَّه

    لاَ بِنْطَاقْ وَ لاَ بِنْدَار

    بَخَاف

    رِيحْ العَدَمْ

    يا يُمَّه فِى الأغْوَار

    بَخَافْ يَايُمَّه

    أصْلِى بخَافْ

    مِن الأَقْدَارْ

    بَخَافْ الجَّنَّة ..يَايُمَّه

    وخُوفِى كَتِير

    مِن الأَهْوَالْ

    وصُوتْ الصَّاقْعَة

    جُوَّة النَّارْ

    بَخَافْ

    مِنْ أَيّى

    شِى بَعْدِكْ

    بخَافْ الغُربة

    لَمأّنْ عَشْعَشَتْ

    فِى الدَّار
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-31-2007, 04:43 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    وَانْتِى تَعَرْفى يَا حَنّينْ

    لأَنِّكْ سَيْدَة العَارْفيِنْ

    مَا وَرُّونَا

    مَا قَالُولْنَا

    رَايْحيِنْ وينْ

    وَمَا دَامْ

    السَّفَرْ يَا يُمّه

    مَافِى اللِّيد وَ مِتْعزِّر

    وعُزْرِى شَدِيد

    وريدى أشَدَّه

    يَا يُمَّه

    دَا ..سيلَنْ

    فِى عَضَاىْ ينهدر

    وانْتِى

    تَلُومى يَا يُمَّه

    وَ دَايْرة جَوَابْ

    يَكُون

    إنْ شا الله مِنْ سَطْرينْ

    أرَسِّلْ ليكِى

    عَادْ

    بى .. وينْ ..؟

    عَِى لُوحْ الزَّمَانْ

    يَايُمّه

    مَا مَكْتُوبْ عَناوِينُ

    وحَلاَّ لْكُنْ

    عَلِى الأبْعَادْ

    دِى مَا مَعروُفه

    هَلْ مِنْ طِينْ

    وَ الاّ قصُور

    مِن الإبْرِيزْ

    حَدِيد مَنْسُوجْ

    دَرَابْزِينُنْ

    عَدِيلْ

    إحْتِرْتَ فِى أَهَلَنْ

    بِقُوا

    مَا هُنْ

    ومَاَ يَا هُنْ

    وشِيتَنْ تَانِى

    إخْتلَّتْ مَوَازِينُنْ

    قَوانِينْ أرْضَنَا

    وَا ..حَسَْره

    مَا عَادَتْ قَوانينُنْ

    ونَاسْ

    زَىْ ديلَه يَا حَنّينْ

    حَنَعرِفْ كيفْ

    عَناوِينُنْ

    وفُوقْ الفَانْيَة

    مَا خَلُّولْنَا

    أيّى عَلاَمة

    تَبْقَى دَلِيلْ

    وايهْ بِيَفِيد

    ونِحْنِ ننوُح

    نَجَقْلِبْ

    فُوقْ قُفَاصْ طِينُنْ

    سُؤَالْ حَيَّرنْىِ

    وَ الأَفْكَار

    تَفُور

    فِى جُوفِى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-31-2007, 04:48 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    فِى جُوفِى تَدَفِّقْ

    تَقُولْ تَنوُّر

    وتَانِى تَفُور

    مِنْ الخَمَدَتْ بَرَاكِينُنْ

    ولَماَّ غَلَبْنَا يَا حَنّيِنْ

    ومَا قَادرينْ

    نَدَارِى غُلُبْنَا

    مِنْ شِيتَنْ وَرَانَا

    نِحِنْ مَاَ شَايْفِنُّه

    مَا مَنْظُور

    يَحِر بِى سيفهُ

    فِينَا غَلَبْنا

    كُنَّا الحِيره

    وَ الحَايْرينْ

    وَقَفْنا عَليهَا مَغْلُوبِينْ

    ومَغْلُوليِنْ

    وَ مَشْدُوهِينْ

    قُفَاصَةْ طِينْ

    نَقُولْ للدِنْيا

    حَالْ الدُّنْيَا يا حَنّينْ

    وَلَىْ سَنَتين

    أفَكِّرْ فيكى

    لاَ كَلّيتْ لاَ مَلَّيت

    لَىْ سَنَتينْ

    أفكِّر فِيكىِ

    فى ضُلْ الزَوَالْ قَاعِد

    كأنَى كَسِيح

    بَعِيد

    مِن نَاسِى مِتْباعِد

    تَسَابِيح

    هَايْمَه زَىْ النُّور

    تَرَفْرِفْ

    فِى قَلبْ عَابِد

    وَأحْقَاد

    الحَيَا ..جَمَدَتء

    بِجوُفْ الضُّلْمَة

    فى الحَاقِد

    أنَا يَايُمَّه مَا عَارِفْ

    أنَا غَاير

    معَ الأَغْوَار

    عَلِى ضَهَرْ الرِّيَاحْ صَاعِد

    أَنَا

    يَا يُمَّه يَا حَنِّيِنْ

    هاموت

    فِى لُجَّةْ المَجْهُولْ

    وألاّبَكُونْ

    دوى الرعد

    فى الراعد

    وَحَاتِكْ

    إنْتِى مَا عَارِفْ

    وَكُلَّ العَارْفُه يا حَنيّنْ

    وَحَاتِكْ إنْتِى

    لَىْ ســَنَتَيْن

    وفىِ ضُل الزَّوالْ قَاعِد

    أكُورِكْ

    دِيمهَ للدَّاجين

    للرَّاحْلِينْ

    عليكم الله يا مسافرين

    عندى جواب

    فرد ويحيد

    عشان تدوهو

    لى واحد

    جواب بالليد

    بدون عنوان

    عشان تدوهو

    حد الزين

    بنية شيخنا إسماعين

    وأصيح يا يمه

    زى مصيوب

    ومانى شديد

    عليكم الله يا الداجين

    فرد ويحيد

    عشان حنين

    فرد ويحيد

    يا مسافرين

    فرد ويحيد

    عيونن يمه

    مشدوهات

    ومشدودات

    وما شايفين

    وما عارفين

    حكاية الليد

    واصيح يا يمه من تانى

    وحاتك تانى

    تانى جديد





    (اسماعين حسن
    )
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-31-2007, 10:13 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    ؟؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-01-2007, 12:28 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    صوت الشوق:

    ويَفُوت
    على حنين من الأنَوار

    لعَالم ..ما عوالمنَا

    يِقَالدنا ويخاصِمنَا

    يِحارِبنا ويِسِالمنا

    يِحاسِبنا

    يِعاتبنا ويِعاقِبنا

    عَوالم..فُوق

    مَتَاهَات كُلها أسراَر

    عِند نِهاية المَنهى

    يَبدا درِيبُ

    جَديد

    وغريِب

    ومامَنَهى

    .يَقُودَك وين؟؟

    يَوديِك وين؟؟

    إنتَ الواقف المَاشِى

    تحِس الشى

    يكُون ..مَاشى

    وانتَ تكُون

    تكُون يَافى

    ومرة تَكُون

    .تَكُون مَافى

    تَشِيل الكُون

    بأعمَاقك

    ونُور القُدرة

    مَبهُول

    جُُوة أحدَاقك

    ولا يُُمِكن

    وما مُمُكِن

    تَمِد إيِديكَ

    تَكشِف ما وَرا الأستار

    هِناك ..الكُون

    هِناكَ

    سِرأً غَمِيس

    مَكنُون

    فى جُوف القُدرة

    والأقدَار

    هِناكَ

    ما بِيَلحقنُو..ظُِنِوُن

    تَشابِى الروُح

    تَشَابِى

    تَهَاتِى..للِبِيكُون

    حِليِل

    وقفة غَرِيب

    مَشدوُه

    مِحل قَبل

    يِلاقِى غَريِب

    وُكُل لحَظة

    بِشُوف أغرب

    يتَحسر

    على نَفسُه

    على ذَاتُه

    ومِن حَالاتُه يِتَعجب

    طِير مَحبُوس

    ومُسدوُد

    جُُوه جُوه

    اقفاصُ

    يِفَتِش لى طَريق يَهرب

    هِنَاك

    عَجايِب الأعجب

    وشى مجهُُول

    كان..مَبَهُول

    تَعاين

    فيهُ تَستغرَب

    تُدور تَوصل

    وفى لحظة ضُعف

    تَضهَب

    ومرات

    تَفصلك أشَبار

    ومن دوُنو الخيَال يَتَعب

    هِناك

    عِرفتَ

    سِر الرَاحوُا

    والجايين

    دِريب

    نَمشِيهُوا ..مِتسَاوين

    خِطِيوهَ

    خِطِيوَه نَمشِيهوُا

    نَجُر كِرعِينا

    حَفيَانين وتَعبانيَن



    (اسماعين حسن)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-01-2007, 02:43 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    مَداين الشُوق:

    مِنُو البِقدَر ..
    يُوصف لى مَداين الشَوق؟
    ..دَريبن وين
    وبِشرح ليهو ..عن حالن؟ ..يكون زارِن ..وشافِن شُوف؟
    .. عَديِل بالعِين
    كتير ..مِن قَبلِنا فاتوُا
    ..وفى دَرب الهوُى ماتوُا
    ما فِيهُم فِرِد ويِحِيِد
    ..رَجَع فى يُوم .. يَحدِثنا يُونِسَنا
    يقُول لِينا؟..الدرِب بِى وِين!


    مَدَاين .. قالوُا جُوه ضُبُاب ...
    على لوُح الزمان مقفُوُل .. طُرِيِقن
    خَالِى..ما مأهُول ..

    وبين المَشية والجَيَه ..قوَافِل، طَاشَة لِيها سِنِين
    مُنو البِقدر..يُوصف لِى ..مَداين ؟
    ..ما مَداين النَاس؟

    ..وحُجابن
    غُلاد وشَداد… ومن دوَنِن ..
    سُيوُف القُدره ..حارسه البُاب.
    .تُقرب لُيها..تُلقى العُين
    تُسافِر فى درَِب مَجهُول ..وتَرجع تَانى مِن أوُل؟؟
    ..وتَبدا طَريق
    ما ها بِيُوت .. مَفَرَقَه؟
    ..فى التُراب السَاس .. مَا بِتمس بالايدين
    وما بتِنشاف؟
    ..بِشُوف العَين ..تَحِسها ..جُوه جُوه الرُوُح
    تَعاين لِيها بالاحِسَاس.
    مُدن قُدر البَحر مَمدوُدة..لا بتنعد ولا بِتنقَاس؟
    هَدير فى لُجة المَجهُول ..
    وقاع اللُجه .. يُاما..حُير القِياس
    بَدوُر واحد ..فِرد ويحِيد ..يكُون زارِن ..وشَافِن شُوف ..عَدِيل بالعِين
    مَداين .. شَدّت الرُكبان ..وفاتوُا ..علَى الدرِب عَايرين
    مَشدودُين
    .. ومَشدُوهين ..
    لِدار الغُربة مُشتَاقِين
    وياما..شُفتهِن ..خَايفِين
    على وصفَن قديم .. سِمعوُهوا .. ما مثبُوت
    بأنك يا مَداين الشُوق .. رُبيع خَالد .. خُلود القُدرة
    لا بِيفُوت ولا بيموُت.

    (اسماعين حسن)
    * الشكر لمنتديات البركل.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-01-2007, 08:11 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    للشاعر الراحل المقيم ديوانا شعر ريحةالترابي، وديوان يا سلام عن دار الجيل بيروت

    نواصل....
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-02-2007, 09:13 AM

omer abdelsalam
<aomer abdelsalam
تاريخ التسجيل: 04-07-2006
مجموع المشاركات: 3435

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    Quote: لم يكن اسماعين حسن شاعرا بالصدفة

    نعم لم يكن ..الشاعر الراحل اسماعيل حسن ، شاعرا بالصدفة ، ولم تحمله سواعد مزيفه وتضعه في الواجهة
    من اقترب من شخص اسماعيل حسن رحمه الله ، يحس بان كل نبرة وزفرة وطلة ونظرة ولمحة منه ، تفوح شعرا والقا
    واصل اخي / محمود الدقم ..هذا التوثيق الرائع لشاعر عملاق لم يوفيه وطنه حقه وقيمته الحقيقية كغيره من مبدعى بلادي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-02-2007, 02:55 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    Quote: نعم لم يكن ..الشاعر الراحل اسماعيل حسن ، شاعرا بالصدفة ، ولم تحمله سواعد مزيفه وتضعه في الواجهة من اقترب من شخص اسماعيل حسن رحمه الله ، يحس بان كل نبرة وزفرة وطلة ونظرة ولمحة منه ، تفوح شعرا والقا

    ..
    Quote: هذا التوثيق الرائع لشاعر عملاق لم يوفيه وطنه حقه وقيمته الحقيقية كغيره من مبدعى بلادي

    تشكر اخي عمر عبدالسلام قلت واوجزت، كتبت فاصبت، هذا هو الشاعر اسماعيل حسن،واني لأسال هل الاجيال الجديدة تعرف من هو اسماعين حسن؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-02-2007, 02:55 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    Quote: نعم لم يكن ..الشاعر الراحل اسماعيل حسن ، شاعرا بالصدفة ، ولم تحمله سواعد مزيفه وتضعه في الواجهة من اقترب من شخص اسماعيل حسن رحمه الله ، يحس بان كل نبرة وزفرة وطلة ونظرة ولمحة منه ، تفوح شعرا والقا

    ..
    Quote: هذا التوثيق الرائع لشاعر عملاق لم يوفيه وطنه حقه وقيمته الحقيقية كغيره من مبدعى بلادي

    تشكر اخي عمر عبدالسلام قلت واوجزت، كتبت فاصبت، هذا هو الشاعر اسماعيل حسن،واني لأسال هل الاجيال الجديدة تعرف من هو اسماعين حسن؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-02-2007, 03:18 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    أسفاي:-

    واا أسفاي ....
    وَحاتكُم انتُو وَا أسفاي
    إرادة الموُلى
    رادتنِي وبقِيت غنَاي
    أسوي شنُو مع المكتُوُب
    أسَوي شنُو؟
    براهوُ الواهُب العُطاي
    منُو ..
    مِنُو البِدُور يِساهِر الليل
    ويسَافِر
    فُوق جِناح الشُوق
    يَكُوس نَجماً بَعِيد ضَواي
    مِنُو ..؟
    إذا وَصَفوُلُو أرض الحُور
    تَلاقِي قوافلو طُول الليل
    تَشُق التِيه
    تجُر النَم
    مع الحَردلو في الدُوبَاي
    وا أسفاي
    ببيع الدُنيا
    كُل الدُنيا وا أسفاي
    عشان خاطِر عُيون حِلوين
    وا أسفاي
    مَنابع الطِيبة مِتجاوُرين
    وا أسفاي
    ومِتسامحِين في السِمحين
    واسافِر فُوق ضِبي العين
    معاكَ سَلامة
    يادُنيَاي

    بَتمدد وبتوُسد
    وِسادة شُوق
    وبنوُم مُرتاح وخَالي البَال
    واقالِب تاني عَهَدِ صِبَاي
    عَشَان ما تَبكِي
    بَبَكي أنا
    واحَاكِي الطُرفة
    في نُص الخَرِيف بَكَاي
    حِمُوُلِي تَهِد جِبِال الشِيل
    وفَايت في العُتامِ الليل
    ومتِوكل عليك يا الله
    دافِر الليل
    بَِريق البسمَة إن لاح لِي
    بِتَتَفتح مَشاتِل الريد
    واحِسِك جُوا ..
    زَغرد فِيها صُوت النَاي
    وا أسفاي
    وحاتكُم انِتو وَا أسفاي
    أسفاي
    إذا ماشُفتَ نَاس سَمحِين
    يِتاتو ..
    زي قَدلة جنُا الوِزِين
    يِتاتو
    تلاقي قِلِيبي يَرمِح جَاي
    لما يِتاتُو
    زي قَدلة جنا الوِزِين
    يتاتو
    حِليل الكَان بِهدي الغير
    صبُر مُحتار يكُوس هَداي
    من ناس ديلا
    وا أسفاي
    من زي ديلا
    وا أسفاي
    إرادة المولي رادتني
    وبقِيت غَناي.

    (اسماعين حسن)

    *عن منتديات البركل.





                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-02-2007, 03:38 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    Quote: عن منتديات البركل.


    الصحيح نقلا من منتديات البركل.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-03-2007, 11:21 AM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    وهكذا شاعرنا الراحل المقيم اسماعين، يمضي بهدوء بعد ان عبأ المشهد صخب، لم نسمع ان وزارة الثقافة طيب الله ثراها احتفلت سنويا بذكري اسماعين، لم نسمع بشارع عُبد وسط البلد وسمى باسم الشاعر اسماعين، لم نسمع كلية او ردهة او صالة منشط ثقافي في جامعاتنا السودانية سميت باسم الشاعر، حتى الملاحق الثقافية والمنتديات الاسفيرية الا الشذر المذر منها تناولت سيرته اما البقية فكأن بهم لديهم تلقيح ضد الشعر.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-03-2007, 07:14 PM

Mamoun Ahmed
<aMamoun Ahmed
تاريخ التسجيل: 11-29-2004
مجموع المشاركات: 922

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    ارى ان اسماعيل
    هو من ادرج كل ملامح وقسمات
    شعر الشايقية الشعبي
    في مسار الاغنيه السودانية الحديثه

    كذلك نجاحه الكبير في اعادة تقديم
    ماهو محلي علي مستوى قومي

    والقمر بوبا خير نموذج لذلك

    واضف ..صياغة كلمات جديدة لالحان
    ممعنة في المحلية
    تأمل أغاني مثل ياسلام منك
    حيث ان اصل اللحن نوبي
    وكتب له اسماعيل كلمات جميله
    وجدت قبولا أنسى الناس
    أصل اللحن القديم


    في بداياته كان اسماعيل
    شاعرا عاصميايكتب قصائد حديثة
    بمعيارالخمسينيات..

    وعندما وصل وزميله وردي
    الي نهايات هذه التجربة
    توقف اسماعيل عن كتابة الشعر فترة
    واظنه اختفي من العاصمة فترة ظويله
    واتجه وردي لتجارب جديده

    وعندما عاد اسماعيل
    جاء بنقلته الاهم
    شعر جديد يحمل نفس اصله وقريته وهويته
    فكانت وا اسفاي
    مدرسة وتيار جديد
    في شعر الاغنية السودانيه
    لايزال حيا حتى يومنا هذا
    (انظر شعر حميد وشعراء مصطفى سيد أحمد)

    جرب اسماعيل في قمة تألقه
    الشعر الفصيح
    ولكنه لم يوفق فيه
    اصدر ديوانا كاملا بقصائد مقفاة
    وتعرض لهجوم عنيف من
    الناقد الكبير عبد القدوس الخاتم
    ثم طوى هذه التجربة الى الابد

    اسماعيل شاعر العامية المبدع
    والمتمكن من صورها وتعابيرها

    ولا يمكن تخيل تجربته دون ادراك
    التأثبر المتبادل
    بينه وبين وردي
    ولوردي ملكة وذوق شعري يتحسس به
    القصائد الناجحة
    وبعض اشعار اسماعيل جاْءت افكارها من وردي

    رحم الله اسماعيل حسن
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-04-2007, 11:32 AM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    Quote: ارى ان اسماعيل
    هو من ادرج كل ملامح وقسمات
    شعر الشايقية الشعبي
    في مسار الاغنيه السودانية الحديثه

    كذلك نجاحه الكبير في اعادة تقديم
    ماهو محلي علي مستوى قومي

    والقمر بوبا خير نموذج لذلك

    واضف ..صياغة كلمات جديدة لالحان
    ممعنة في المحلية
    تأمل أغاني مثل ياسلام منك


    نعم كان الراحل اسماعين من اوائل الذي رسمو مداميك التنوع الثقافي شعرا على مستوى المشهد الثقافي السوداني عبر المفردات، ويمكن استدعاء قصيدة بلاد انا (عرب ممزوجة بدم الزنوج الحارة ديل اهلي) ثم مفردة (ديل اهلي).

    واخذ مفردة الدوباي كتدليل اضافي على اندياح القافية شرقا وسهول البطانة كما في قصيدته وا اسافي:
    (إذا وَصَفوُلُو أرض الحُور
    تَلاقِي قوافلو طُول الليل
    تَشُق التِيه
    تجُر النَم
    مع الحَردلو في الدُوبَاي
    وا أسفاي)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-04-2007, 12:10 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    وعندما وصل وزميله وردي
    الي نهايات هذه التجربة
    توقف اسماعيل عن كتابة الشعر فترة
    واظنه اختفي من العاصمة فترة ظويله
    واتجه وردي لتجارب جديده


    اعتقد ان انزواءه عن العاصمة لفترة طويلة يعود لوفاة شقيقته جواهر التي تركت اثرا عميقا في وجدانه كشاعر لا سيما وان الشاعر اسماعين يعاني الغربة وربما غربة النفس ايضا لفترة طويلة ثم وفاة والدته بعد شهرين من تلك الفاجعة فاصبحت لديه فاجعتين وفي شهرين:
    (فراق واحد يقتل الزول
    وكيف يا يمه انتو أتنين
    خليتونا في درب الضياع ضايعيين
    منو يا يمه في شهرين فقد أخته
    وحيدة دارنا يا يمه، جواهرنا،
    وفقدناك أنتي في شهرين)
    Quote: وعندما عاد اسماعيل
    جاء بنقلته الاهم
    شعر جديد يحمل نفس اصله وقريته وهويته
    فكانت وا اسفاي
    مدرسة وتيار جديد
    في شعر الاغنية السودانيه
    لايزال حيا حتى يومنا هذا
    (انظر شعر حميد وشعراء مصطفى سيد أحمد)

    هذا صحيح تماماوالجديد ايضا ان مفردات الوحدة العزلة الموت الرحيل الغربة اصبحت ملازمة بشكل لصيق.
    Quote: جرب اسماعيل في قمة تألقه
    الشعر الفصيح
    ولكنه لم يوفق فيه
    اصدر ديوانا كاملا بقصائد مقفاة
    وتعرض لهجوم عنيف من
    الناقد الكبير عبد القدوس الخاتم
    ثم طوى هذه التجربة الى الابد

    اسماعيل شاعر العامية المبدع
    والمتمكن من صورها وتعابيرها

    ولا يمكن تخيل تجربته دون ادراك
    التأثبر المتبادل
    بينه وبين وردي
    ولوردي ملكة وذوق شعري يتحسس به
    القصائد الناجحة
    وبعض اشعار اسماعيل جاْءت افكارها من وردي

    رحم الله اسماعيل حسن

    الاخ الاستاذ مامون احمد تشكر حقيقة على هذه المداخلة العلمية الموضوعية التي اعطت البوست نكهة خاصة وسيظل الشاعر اسماعين حسن نبراسا ونجما في السموات الشعرية ومدرسة شعرية خاصة لها رونها ومنهجهافي المشهد.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-04-2007, 12:26 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    يا طير يا طاير:

    يا طَير يا طاير
    مِن بعيد فُوُق الغَمام
    من رِبُوعي أحمِل الشُوق
    يا حمام

    إن شالله تَمشي
    وتشمي يا طير لي تَعُود
    لي حبيبي تحمل الحُب والوروُد
    احكي عني
    وقُلُو يا طير هل يعُود؟
    من فُؤادي لِيهو ليك ألفين سلام

    يا طير
    يا طاير
    خُوفي بَس تَنسى الكلام
    يُوم تَشوُفو هَالّي زي بدر التَمام
    في جَبينو نُور يشِع
    يضوي الظلام
    في عِيُونو يَرقِد الشُوق والغرام
    حُِبِّي عارف إنو في صمتك كلام

    ياطير يا طاير
    لي حبيب زي اليَمام
    هادي طبعو زي صغير قبل الفِطام
    ديمة ضاحك ثَغرهُ يعلُوه ابتِسام
    من فُؤادي لِيهُو لَيك ألفين سَلام
    (اسماعين حسن)
    *مصدر سابق.

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-04-2007, 12:33 PM

Mustafa Mahmoud
<aMustafa Mahmoud
تاريخ التسجيل: 05-16-2006
مجموع المشاركات: 35906

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-04-2007, 08:46 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    دكتور مصطفي لك عاطر الود وانت تزين البوست بحضورك الانيق.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-04-2007, 09:30 PM

Mamoun Ahmed
<aMamoun Ahmed
تاريخ التسجيل: 11-29-2004
مجموع المشاركات: 922

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    توقيت عجيب اخي محمود
    أن تضع هذه الاغنية بالذات هنا

    فقد ذكر وردي في حوار معه قبل فترة قريبة
    أن اسماعيل كا ن ذو حضور شعري
    دائم -ان صح التعبير
    وذكر ان هذه الاغنية تم تأليفها
    وتلحينها في جلسة واحدة
    وكانا في حالة (تفتق) ابداعي
    كان اسماعيل يكتب مقطعا
    وهو مستلقي تحت سريره
    ويسلمه لوردي الجالس مع عوده
    قائلا له:
    (خد ياسجم!)
    ليضع وردي لحن المقطع
    الى ان اكتملت الاغنيه!

    الا ترى ان شعر اسماعيل يولد (ملحنا)؟
    وان كل قصائده اغنيات جاهزة؟

    شكرا لك

    واصل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-05-2007, 11:10 AM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: Mamoun Ahmed)

    Quote: توقيت عجيب اخي محمود
    أن تضع هذه الاغنية بالذات هنا

    فقد ذكر وردي في حوار معه قبل فترة قريبة
    أن اسماعيل كا ن ذو حضور شعري
    دائم -ان صح التعبير

    الاخ مامون احمد اهلا بك مرة ثانية وثالثة ورابعة واكثر وانت تنثر لنا الحقيقة الغائبة الحاضرة في ابداعات الشاعر اسماعين رحمة الله، بيد ان الوصلة المعنية التي اشرت اليها فان من وضعها هو الدكتور مصطفى محمود وجاءت في وقتهاكما تفضلت.
    Quote: وكانا في حالة (تفتق) ابداعي
    كان اسماعيل يكتب مقطعا
    وهو مستلقي تحت سريره
    ويسلمه لوردي الجالس مع عوده
    قائلا له:
    (خد ياسجم!)

    هذه هي ربُةالشعر عند الراحل اسماعين، وهي تمثل قمة المتيافيزيقيا الشعرية والماورائية الابداعية ولكن الكلمة التي تحتها خط جعلتني اضحك كثيرا لانها ايضا تدل على روح الفكاهة عند الشاعر اسماعين حسن.

    اذن هذا هو اسماعين حسن ولدا صاخبا ونحت الشعر من صخر العدم صاخبا، ورحل عن دنيانا صاخبا، وترك المشهد حزين، اخي مامون اشعر ان لديك الكثير الغائب عنا فرجاءا لا تبخل به علينا وفي صالات الانتظار الجديد ننتظرك، تشكر من عمق الاعماق
    .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-05-2007, 00:42 AM

خطاب حسن احمد
<aخطاب حسن احمد
تاريخ التسجيل: 03-24-2007
مجموع المشاركات: 464

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    ..
    ...الأخ محمود
    ..لك وافر التحايا..وشكرا لك سيدى ..ولمداخليك الأوفياء..
    على التغنى لقامه إبداعيه..تربينا إبداعيا تحت كنفها الهتون
    ..حساً .. وجمال ..فإسماعيل حسن أحد الذين شكلوا الذاكره ..
    ووهبونا بإبداعاتهم ..العود الصلد والقدره على مقارعة ..أهوال
    الزمان ..وسأعودمتى سنح الوقت ..
    لكم العرفان
    ..و له
    ..والوالده حد الزين بنية شيخناسماعين
    ..متسع الجنان..
    ..
    قبل الخروج ..
    ياريت ..نسمع ..مداين الشوق
    ..بصوت المهندس الفنان
    عبد العظيم منصور..
    وعبدالعظيم ملحن أساسا..لكنه مغنى ٍجليل
    ..
    لكم الود
    ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-05-2007, 11:32 AM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: خطاب حسن احمد)

    Quote: ...الأخ محمود
    ..لك وافر التحايا..وشكرا لك سيدى ..ولمداخليك الأوفياء..
    على التغنى لقامه إبداعيه..تربينا إبداعيا تحت كنفها الهتون
    ..حساً .. وجمال ..فإسماعيل حسن أحد الذين شكلوا الذاكره ..
    ووهبونا بإبداعاتهم ..العود الصلد والقدره على مقارعة ..أهوال
    الزمان ..وسأعودمتى سنح الوقت ..
    لكم العرفان
    ..و له
    ..والوالده حد الزين بنية شيخناسماعين
    ..متسع الجنان..

    استاذنا المتأنق شعرا، وحضورا، وبهاءا، وقصيدة، نيابة عن نفسي واصالة عن الاخ:
    عادل جبارة
    عمر عبدالسلام
    الدكتور مصطفى محمود
    الاخ مامون احمد
    الاخ حسن الطيب ياسين.
    نقول لك دون مجاملة حضورك اعطانا ثقة وحبا اكثر بالشاعر اسماعين حسن، فالشاعر وهب الذاكرة لمن يتذكر او القى السمع وهو شهيد، لمن يفقه الحرف العامي والاحساس، وهو الذي اهدى الاجيال كنز ابداعيا ثمينا لو حافظنا عليه، العرفان لك انت ياسيدي
    .
    Quote: قبل الخروج ..
    ياريت ..نسمع ..مداين الشوق
    ..بصوت المهندس الفنان
    عبد العظيم منصور..
    وعبدالعظيم ملحن أساسا..لكنه مغنى ٍجليل
    ..
    لكم الود

    الا ترى انك عجلت بالخروج ياسيدي ولم تتمليء اعيننا دهشة من عبق حضوركم؟ بخصوص الطلب ياريتني افهم في تكنولجيا تحميل الفيديو على المنتدى لفعلت ولكن اعتقد ان الدكتور مصطفى محمود او من يملك سر تحميل المادة، لن يبخل عليناان توفرت لديه المادة المطلوبة.
    Quote: وسأعودمتى سنح الوقت
    ..
    سنعتبر ذلك وعدا منك بالاقامة الدائمة بينا في هذا البوست، الاستاذ خطاب حسن احمد عميق الامتنان يجثو امامكم احتراما، وجوع حبنا لقوافي ابداعاتكم اعلنت التمرد مالم تكرمها بشيئا من قصيد، بشيء من قافية، بشيء من حرف عطاءكم الشعري، وشخصي لا يتزلف ولكن هي الكلمات تخرج مسرعة لا املك الا ان اعطيها الحرية، شكرا، شكرا، شكرا.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-05-2007, 02:58 AM

حسن الطيب يس
<aحسن الطيب يس
تاريخ التسجيل: 10-09-2005
مجموع المشاركات: 1306

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)


    الاخ الفاضل محمود
    هذا عمل رائع جدا جدا ربنا يديك الصحة و العافية
    و القوة لنسعد بالحديث عن هذة القامة في فن بلادي
    و اريد ان اطلب منك أن تسمح لي ليادة الفائدة أن
    انقل بعض من هذا العمل الي بوست الشايقية للاخ
    أبو الحسن
    ولك و لي اهلنا الشايقية و كل المحبين للشاعر
    إسمعين ودحد الزين كل الحب
    أخوك حسن الطيب
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-05-2007, 11:46 AM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    Quote: الاخ الفاضل محمود
    هذا عمل رائع جدا جدا ربنا يديك الصحة و العافية
    و القوة لنسعد بالحديث عن هذة القامة في فن بلادي
    و اريد ان اطلب منك أن تسمح لي ليادة الفائدة أن
    انقل بعض من هذا العمل الي بوست الشايقية للاخ
    أبو الحسن
    ولك و لي اهلنا الشايقية و كل المحبين للشاعر
    إسمعين ودحد الزين كل الحب
    أخوك حسن الطيب

    اخي حسن تحياتي:
    واسعدني حضورك اولا في هذه الاحتفائية الرمزية للشاعر اسماعين حسن، وهو شاعر لجميع الناس ولجميع السودانيين شرقا، وغربا، وجنوبا،وشمالا، ووسطا، واننا توجهنا، الم ينشد قائلا
    :
    (قلبى مشدود فوق
    ..ضلوع الليل وتر
    غنى للشوق من قديم لليله
    ..أصلن ..ما فتر
    جواب دروب الكون بكوس ارض الحنان
    حتى إن بقت .. فوق..القمر
    سايقنى فى دربو السهر
    … الريد بزغرد فى الدروب رُكبانه..شدت للسفر
    يا حليل بريقن لاح بعيد
    .. شدانى لى أرض الصعيد
    يا حليل هناك .. الصيد ..يصيدك
    وانت ما بتقدر تصيد
    ما كلى ريد .. عطشان وبحلم بالمطر.)
    اخي حسن، خذ البوست كله لاخونا ابو الحسين شرطنا عليك ان تبلغه سلامنا اليه والى دار شايقية من الباوقة الى اطراف الخيلج العربي و واطراف الكون كلو، شكرا لك وفي انتظارك.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-06-2007, 07:22 PM

benyya
<abenyya
تاريخ التسجيل: 03-09-2003
مجموع المشاركات: 774

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    الشكر للاخ الفاضل محمود الدقم وقد ازاح الرماد عن هذه الجذوة وحلق بنا في سموات الابداع للشاعر الكبير اسماعيل حسن ، طيب الله ثراه، وتبقي زاكرة عطره وابداعاته خالده عملاقه شامخة



    التقدير والاعزاز لكلماته بقدر ذرات تراب وطني



    لى قدام
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-08-2007, 03:32 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    الشكر للاخ الفاضل محمود الدقم وقد ازاح الرماد عن هذه الجذوة وحلق بنا في سموات الابداع للشاعر الكبير اسماعيل حسن ، طيب الله ثراه، وتبقي زاكرة عطره وابداعاته خالده عملاقه شامخة
    التقدير والاعزاز لكلماته بقدر ذرات تراب وطني
    لى قدام


    العزيزة benyya تحياتي العطرات:
    تشكرين على المرور والحضور/ انه اسماعين حسن انه النيل/ والخضرة/ القاقية/ انه المتقي شعرا فينا/ وفي الاجيال القادمة/ انها لمحة خاطفة له ولجمال شعره وبيئته مرة.

    (يا سلام لما نسالم ... طائر مغرد
    .يستحيل.......شل العواطف
    في قليب عاشق .مغرد...ء
    زي تميرا في الشمال لمن يفيض
    النيل يفرهد
    تنتشي الدنيا وتزغرد
    النسيمة الحلوة تطبقنا
    وتنقر بابنا كو كو
    يا سلام ..يا سلام)

    (اسماعيل حسن)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-08-2007, 04:10 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    طير الرهو:

    والله والله يا طير الرهو
    قسماً
    عديل ما فيه لو
    دمع الحبايب ذي نغيم
    الساقية
    في الوادي البعيد وتسوي جو
    والله يا طير الرهو.

    ما كت مصدق اني
    بلقاك يارهو
    اشكو ليك من جور زماني ..
    كيف رماني ..
    شوف براك ..شوف الزمن
    كيفن بسو..ء
    حتى باقي الزاد كمل
    والليل ..طويل طولاً
    غريب مافيه ضو
    والريح تنوح فوق الدروب
    وآخوفي من صوت
    الرياح
    وكتين تنوح وتسوي او
    زيك غريب
    و الغربة طالت يا مسيكين
    متلي يا طير الرهو
    التراب ملينا عيشته
    اريتني زيك
    كل يوم يحضني جو.

    في بحور الريد نسافر
    والمراكب كاسحة.
    ما دام ريحنا نو
    نمشي لي أرض الحبايب يا حلاتن
    في المغيرب والدنيا ضو

    يا سلام لما نسالم .
    طائر مغرد
    .يستحيل
    شل العواطف
    في قليب عاشق .مغرد.
    زي تميرا في الشمال لمن يفيض
    النيل يفرهد
    تنتشي الدنيا وتزغرد
    النسيمة الحلوة تطبقنا
    وتنقر بابنا كو كو
    يا سلام ..يا سلام
    (اسماعين حسن)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-08-2007, 05:09 PM

Mamoun Ahmed
<aMamoun Ahmed
تاريخ التسجيل: 11-29-2004
مجموع المشاركات: 922

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    اخي العارف
    محمود الدقم

    طبر الرهو
    قصيدة مدهشة

    تجرأ فيها اسماعيل مغنيا لطير الرهو
    والذي ظل محل سخرية واستهزاء
    ومضربا للمثل

    لكن تغنيه لهذا الطائر
    الملازم لنيلنا ورمالنا
    يكشف عن اعتزاز وارتباط اسماعيل ببيئته وبلده

    رمز سوداني حقيقي واصيل

    والاعجب من ذلك حسن انتقائه
    للقافيه الصعبه بحرف الواو المفتوح

    اعتقد ان هذا جاء تثبيتالجرس الكلمات المنتهيه
    بحرف الواو
    وهذه رنة سودانيه محضة
    وفق اسماعيل في التقاطها

    ومن هنا تم القبول
    وتنازعها الملحنون
    وكم تأسف وردي
    لاختطافها منه!
    لكن بن الباديه تفوق في تلحينها

    لك وللاخوه التحية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-09-2007, 10:34 AM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    Quote: طبر الرهو
    قصيدة مدهشة

    تجرأ فيها اسماعيل مغنيا لطير الرهو
    والذي ظل محل سخرية واستهزاء
    ومضربا للمثل

    لكن تغنيه لهذا الطائر
    الملازم لنيلنا ورمالنا
    يكشف عن اعتزاز وارتباط اسماعيل ببيئته وبلده

    اضافة الى تفضلت به اخي مامون فانها ليست المرة الاولى يستعير فيها الشاعر اسماعين حسن بمفردة طائر بري فقد سبق له ايضا استعار طائر الحمام والوزين وذلك في الابيات التالية:
    (القُديما قُديما الحُمام
    الُوُديِزين في مُوجُو عَام
    يا مِرايقة قِليلة كِلام)
    ثم حلق بنا نحو جنوب السودان وسهول البطانة والغرب ا لحبيب فاستعار لنا الغزال:
    (الغَزال الفُوق في السُلم
    المُحبة تُزيد الألم
    كُل يُوم اصبَح لي في هم)
    اما انتقاءه لطير الرهو فاعتقد انه ليس لان الطائر محل سخرية وحسب بل لان هذا الطائر يعتبر من اكثر الطيور قربا للماء وغوصه في الماء من جهه ولانه اكثر الطيور قربا للمزارع والزراعة وهي في حد ذاتها خطوط بيانية تكشف لنا استعارات الشاعر به وله ومدى تعلقه ببيئته الام حيث الماء والزراعة والمزراعين

    Quote: والاعجب من ذلك حسن انتقائه
    للقافيه الصعبه بحرف الواو المفتوح

    اعتقد ان هذا جاء تثبيتالجرس الكلمات المنتهيه
    بحرف الواو
    وهذه رنة سودانيه محضة
    وفق اسماعيل في التقاطها

    ومن هنا تم القبول
    وتنازعها الملحنون
    وكم تأسف وردي
    لاختطافها منه!

    هذا صحيح وهناك من حاول تطويع الواو في القافية الشعرية على مستوى الشعرية السودانية نقصد به اولاد الماحي عندما قال المادح:
    (ناهي النهو
    انا لي في زبارتو هو
    نبي الله جو)
    واعتقد ان الفنان حمد الريح قد وفق في اداءها اداء عظيما اخي مامون احمد سنكون ممنونين ان اطلت البقاء معنا مع عاطر الشكر.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-09-2007, 11:47 AM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    حكايتى مع الناس:

    بدور
    اشرح حكايتى براى
    … ومن يومى ..البقيت غناى.
    بقيت يا ناس وحب الناس
    سكن فى جوفى جوه عضاى

    وغرقان فى مآسيهم ..مراكبى
    تفوت وتفوت
    وياما ..ضاربة فى اللجات
    تحت وتكوس .

    وترجع لى مراسيهم
    أقالد النسمه ..
    فيها بدوب ..وجوه الجوف ..عواصف الريد
    تسوى الوور ..ترد الروح
    نسيمه تفوح تهبهب من اراضيهم
    فوا..أسفاى ..ووا..اسفاى
    نُص الليل ..على الأبعاد ..
    ومن أبعد من الابعاد
    مناحتى تقيف .. اذا ناحت سواقيهم
    وكيف يا ليل !!؟..وكيفك .كيف
    اذا قُت ليك.. شيك الشوق.
    .سلامى كتير ..كتير وكتير

    وسلّم لِيه..للاحباب ووصيهم
    وقول ليهم
    قيود الغربه شدتنى ..وما قادر
    قدر ناتلته ما قادر ..أكسر القيد
    ويوم انفكه ..
    من دى الشبكه ..يا دنيا
    برجع تانى
    ابقى وليد ..يلولونى واكاويهم ..
    محال اقدر ..
    أصور حالى ..يوم الشوف
    يلاقى الشوف ..والاقيهم
    أشد واركب ..براق الشوق
    أهجم الليل ..واقول يا ليل
    وازغرد ..فوق اراضيهم ..
    بحب الناس .. انا المكتول
    بحب الناس..
    وكل منايا ..ابق حجاب من المقدور اغتيهم

    امد ايديه..للملهوف
    وللبيشابى ..ضايع فى بحار الخوف
    اعدل الميل.
    واهدمك .. يا جبال الويل
    أغنى الناس !!..وأقول ياليل
    وترقص ..فى دروبنا حروف
    شتيل الريد ..يفرهد فى اغانيهم.

    (اسماعين حسن)
    *مصدر سابق
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-09-2007, 11:50 AM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    مرسال الشوق:

    من زمن كايس أراضيهم
    وصف لى درب الريد
    شان أوصل أراضيهم يا
    مرسال رسائل الشوق
    أنا الضهبان .
    تعبتا كتير وياما سئلتا
    وما خليت ناس عابرين
    وكان زى حالى محتارين

    يهزوا الراس وما عارفين مراسيهم
    يا مرسال رسائل الشوق أنا الضهبان
    وحلتك انتى يا مرسال
    بحب واحدين وما عارف دريبن وين
    وبرضو وحاتك انتى مابعرف اساميهم
    يا مرسال رسائل الشوق انا الضهبان
    تجينى حروف من المجهول
    واكتب برضى إلى المجهول
    رسائل تروي قصة زول
    يحب الطيف يسافر فى هجير الصيف
    مشتاق يوم يلاقيهم

    (اسماعين حسن)
    *مصدر سابق.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-10-2007, 02:07 PM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    فلنستجم قليلا ونقول ان ابرز المحطات التي شكلت نقاط تحول واثرث تأثيرا مباشرا في شعرية الشاعر الراحل المقيم اسماعين كثيرة لكننا سوف نجملها في التالي من خلال قراْءتي المتواضعة لقصائده:
    اولا- القلق المقيم:
    القلق هي ثيمة مشتركة لعموم قبيلة المبدعين غير ان الشعراء منهم يحملون مفردة القلق تميمة على اعناقهم ان حلو او ذهبو مفردة القلق والتوتر نجدها شكلت دافع مقيم في المشهد الشعري لاسماعين حسن ويمكن اكتشاف ذلك في ابياته الاتية
    :
    (انادي الليل..
    واقول ياليل ..
    انا المظلوم عزاى
    دمعة
    دموعي تسيل ..وليلي طويل
    وعايش.
    في مهب الريح براي ..شمعة)

    وفي قصيدة اخرى:
    (زيك غريب و الغربة طالت يا مسيكين
    متلي يا طير الرهو
    التراب ملينا عيشته
    اريتني زيك
    كل يوم يحضني جو
    في بحور الريد نسافر
    والمراكب كاسحة
    ما دام ريحنا نو)

    احيانا وفق الشاعر في تطويع القلق شعرا وحضورا واحيانا اخرى تماهى الشاعر قلقا وهروبا الى عوالم اخرى باحثا عن طمأنينة ومناً وسلوى فوجدها في طير مغرد:
    يا سلام لما نسالم طائر مُغرد
    .يستحيل شل العواطف
    في قليب عاشق .مغرد.
    زي تميرا في الشمال لمن يفيض
    النيل يفرهد.
    تنتشي الدنيا وتزغرد
    النسيمة الحلوة تطبقنا
    وتنقر بابنا كو.. كو..)


    لنا عودة.....
    :
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-11-2007, 10:13 AM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    2-السفر او الغربة :
    شكلت المفردات اعلاها قلادة ملازمة للشاعر فتارة يكتب عن الغربة ولا تدري ما اذا كان يقصد غربة النفس او السفر، او الغربة في حد ذاتها كمتوالية شعرية في الفضاء الابداعي!! لكن باي حال نجده استطاع تطويع الغربة شعرا في احايين كثيرة ويبدوا لنا واضحا في الابيات التالية في قصيدته عودة الهارب:
    (والله يا بحر الشمال من فوق ..
    ضفاف الغربة
    بعد الغربة ما جيت ليك هارب..
    جيت ليك ..
    من بعد الودار .. فوق اليباب
    .. العمر صوب .. ارتحل ..عبر المغارب
    والله يا بحر الشمال ..
    الشوق .. يغالبنا وغلبنا
    ونحن … فى لجج الهموم قاعدين نغالب
    تصور..حالتى كيف .. فى الغربه ..متبشتن
    يجابدنى الحنين طولت من دار الأهل طولت غايب)


    وفي الكثير من قصائده ايضا ان الغربة في احايين اخرى نالت منه خصوصا عندما يطرا والدته فيزداد شجنا ولوعة ويمكن ان نستدعى ابيات من قصيدة بعنوان حروف حيث قال الشاعر:
    (حروف كُلّ النَّاسْ تَجى يَايُمَّه ..
    لى أمَّاتَها .. شَايْلَه .. مَحَمَّله الليدين.ْ
    مَستَّفه يُمَّه فى كُلّ الظروُفْ.
    وأنَا يَايُمَّه بعَدْ النَّاسْ بيَجِى أدَّبَّه فُوقْ طَرَف الأصابعْ أتَاوِقْ
    والعَدَمْ خَانِقْنِىِ .. مَالِى حَيَاتِى خُوفْ.
    بَدُورْ
    أهْدِيكى شِيتنْ مَا بتَقْدَرْ عَليهوُ النَّاسْ
    وَحَاتِكْ .. يُمَّـــــه كَانْ دَفَعُوا الوفْ.
    حُرُوفْ.. حُرُوفْ .. يَايُمـــــَّه فِى دَفَتَْر غُناىْ
    غَنَّايَه … جَارّه النَّمْ تَرقِّصْ فى الحُروفْ)


    اذن بشكل عام شكلت مفردة الغربة والرحول مدماك اضافي في المرجعية الفكرية للشاعر اسماعين حسن واكسبت شعره القا على الق، وجعلته مصنفا وسط العديد من شعراء العامية بالسودان قاطبة بانه غنى وشدا للغربة والرحيل والسفر.

    لنا عودة ان شاء الله..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-11-2007, 03:37 PM

omer abdelsalam
<aomer abdelsalam
تاريخ التسجيل: 04-07-2006
مجموع المشاركات: 3435

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: محمود الدقم)

    Quote: وجعلته مصنفا وسط العديد من شعراء العامية بالسودان قاطبة بانه غنى وشدا للغربة والرحيل والسفر.

    أخي / محمود
    جمعتنى بالشاعرالراحل امسية حميمية في اواخر السبعينات في منزله بحى السجانه
    جئته مودعا بحكم صلة القرابة التى تجمعنا به ، وانا في طريقى للمغرب للإلتحاق بالدراسة في جامعة فاس
    فطيلة المدة التى جالسة فيها الشاعر الرائع اسماعيل حسن ، كنت اشعر ان هذا المبدع لا ينتمي لهذا المكان، وغريبا عنه ، ( أقصد مجتمع العاصمة السودانية )
    فالرجل كان يبدو لى ( أحد شخصيات الطيب صالح في موسم الهجرة للشمال او دومة ود حامد )
    كان في مجمل حديثه معى يرنو الى تلك البقاع الوديعة بشمال السودان متمثلة في قريتنا ( البرصة ) وجارتها قرية ( القلعة ) مسقط راس الشاعر .
    فأجزم أن الغربة (حالة خاصة ) كانت تسكن اسماعيل حسن منذ أن رحل عن تلك الديار الوديعة حيث مراتع الصبا والشباب

    (عدل بواسطة omer abdelsalam on 04-11-2007, 03:39 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-11-2007, 06:09 PM

Mamoun Ahmed
<aMamoun Ahmed
تاريخ التسجيل: 11-29-2004
مجموع المشاركات: 922

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: omer abdelsalam)

    وحاتك يانجيمة الحي
    بفتش ليكي في المجهول
    أتاريكي قي عيني!


    كم تعجبني هذه الكلمات الرائعات
    من اسماعيل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-12-2007, 11:36 AM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: Mamoun Ahmed)

    Quote: وحاتك يانجيمة الحي
    بفتش ليكي في المجهول
    أتاريكي قي عيني!


    كم تعجبني هذه الكلمات الرائعات
    من اسماعيل
    ذ
    الاستاذ مأمون احمد كل قافية في شعر اسماعين تجعلك تصاب بالدهشة والذهول، والظمأ والهروب باحثا عن مزيد من كلماته الجزلى، اشكر متابعتك لنا في هذا السِفر .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-12-2007, 11:07 AM

محمود الدقم
<aمحمود الدقم
تاريخ التسجيل: 03-19-2004
مجموع المشاركات: 6405

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: الشاعر اسماعين حسن والارث المتبقي. (Re: omer abdelsalam)

    Quote: جمعتنى بالشاعرالراحل امسية حميمية في اواخر السبعينات في منزله بحى السجانه
    جئته مودعا بحكم صلة القرابة التى تجمعنا به ، وانا في طريقى للمغرب للإلتحاق بالدراسة في جامعة فاس
    فطيلة المدة التى جالسة فيها الشاعر الرائع اسماعيل حسن ، كنت اشعر ان هذا المبدع لا ينتمي لهذا المكان، وغريبا عنه ، ( أقصد مجتمع العاصمة السودانية )
    فالرجل كان يبدو لى ( أحد شخصيات الطيب صالح في موسم الهجرة للشمال او دومة ود حامد )
    كان في مجمل حديثه معى يرنو الى تلك البقاع الوديعة بشمال السودان متمثلة في قريتنا ( البرصة ) وجارتها قرية ( القلعة ) مسقط راس الشاعر .
    فأجزم أن الغربة (حالة خاصة ) كانت تسكن اسماعيل حسن منذ أن رحل عن تلك الديار الوديعة حيث مراتع الصبا والشباب

    الاستاذ عمر عبدالسلام: انها شهادة مهمة تسجلها لنا في سفِرنا الرمزي عن الشاعر اسماعين حسن، ونطمع منكم ان توثق لنا اكثر عنها فالغربة الشجن، اللحن الابتر، يستطيل ليصبح نصا شعريايبعث الطمانينة في النفس، او يفجر البراكن الكامن فيهامحرضا، بيد ان شعر اسماعين حسن عن الغربة فان من يقرأه يشعر بان الشاعر يقصده هو -اي القاريء لشعره- وكأن كل حرف من حروف قصائد الغربة تخاطب المتلقى وتضعه في خانة (ان القصيدة كتبت لك وعنك وبك فتمهل وتفحص وتدبر) اخي بوعمير سجل لنا المزيد من تلك الشهادات مع عاطر التحايا.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de