|
|
|
 Re: التـقـبيل في قوم إسرائيل.. وبرضو في القانون الجنائي السوداني (Re: علاء الدين صالح)
|
العايز يعبِّر عن (المسكوت عنه) يعبِّر
الداير يكتب عن الأفعال والسلوك الشاذ والظواهر التانية يكتب
مافي زول ماسِك زول من رقبتو
لكن بالمُصطلحات دي؟
بالكلمات الرديئة دي؟
بالإباحية دي؟
أنا بعد شهرين دخلتا البوست امس بالليل وما قدرتا أكمِّلو
الأخوات هنا ما حيخشّو البوست دة يعني؟
أظرف حاجة (ولّا أقرف حاجة ما عارف) لقيت صاحب البوست زاتو موجِّه دعوة لنون النسوة
أقول (إنّا لله) زي ما الناس بتقول واتخارج؟؟
لا طبعاً
| |
 
|
|
|
|
|
|
|
|
Re: التـقـبيل في قوم إسرائيل.. وبرضو في القانون الجنائي السوداني (Re: علاء الدين صالح)
|
ما عندي كلام كتير أقولو
دي رسالتي الداير أقولا:
بكري ياخ نحنا بنعتبر البيت بيتنا
واعتبرني سيد بيت
والكلام البذيء الفي بوست ذو اليد دة والله ما بيشرِّفك
ولا بيشرِّف ناس البيت
الكلام مُنحط شديد يا بكري وما بيشبه المنبر
على الأقل خُت ليك يافطة تحذيرية طيِّب
واكتب فيها: This is Sudaneseonline.com, love it or leave it
أتمنى رسالتي تكون واضحة وما فيها لَبس
بعدين كان ربّنا حيّانا بجي أنزِّل الصورتين حقّات إيمو والرابط الهدية
وكان الله يحب المُحسنين
| |
|
|
|
|
|
|
|
|
|
Re: التـقـبيل في قوم إسرائيل.. وبرضو في القانون الجنائي السوداني (Re: Balla Musa)
|
Quote: ياعلاء
ياخى جننتنا
انت قاصد منو؟
ما أقصدها يقال فيها:
|
يعني إنتو ما حترتاحو إلا تودوا لينا البوست دا الخور؟ 
كدى أرجع Reverse للكابشر الأول براحة كدة مافي زول يشوفك
بعدين ياخ إنتا بتتكلم عن الحرف وانا بتكلم عن الإسم
هذا فراق بيني وبينك يا بلّة موسى
إنتو يا كافي البلا لا بتتغزلوا لا بتخلّو الواحد يتغزل؟
شفتا الفيديو؟
رهيب يا بلة رهيب
وا حلاتو يا ناس
| |
|
|
|
|
|
|
|
|
|
Re: التـقـبيل في قوم إسرائيل.. وبرضو في القانون الجنائي السوداني (Re: جمال الباقر)
|
Quote: يعني حيكونوا أخوات عزة اللُذاذ يا دكتور؟؟
أخواتنا البوردابيات الهنا طبعاً |
دا شنو ياعمدة هههههههههههههههههههه
قال في في واحد الناس بقولو ليهو المنفوش وهو بزعل من الكلمة دي
اها مشي للعمدة وقال ليهو الناس بقولو لي المنفوش
العمد قال ليهو تاني لو في زول قال ليك تعال كلمني
انا بنجمو ليك نجام قبورة
اها وقاعدين بتونسوا والعمدة نسي الموضوع
قام قال ليهو : شفت يا المنفوش
الراجل قاليهو : دا شنو يا عمدة
هنا العمدة ضحك وقال : النفشة للراجل مرة مرة ما كعبة
خالص الود
| |
|
|
|
|
|
|
|
|
Re: التـقـبيل في قوم إسرائيل.. وبرضو في القانون الجنائي السوداني (Re: ياسر بيناوي)
|
Quote:
Quote: يعني حيكونوا أخوات عزة اللُذاذ يا دكتور؟؟
أخواتنا البوردابيات الهنا طبعاً
دا شنو ياعمدة هههههههههههههههههههه |
ياسر بيناوي ياخ مشتاقين والله
نعمل شنو يا ياسر لكن
ذو اليد دا جاب ليهو مُسميات كدة قاطِعا من راسو براهو ولّا نحنا ما ناقشين حاجة ما عارف
إن شاء الله يا ذو اليد تطلع الطيش في الدكتوراة البتعمل فيها دي
قال حوار حضارات قال
الله بيسألك يا ياسر هسّا وينو الحوار ووينا الحضارات دي؟
ياها الفي كابشرات السجم الفوق دي؟
مودّتي يا صاحب
| |
|
|
|
|
|
|
|
|
|
Re: التـقـبيل في قوم إسرائيل.. وبرضو في القانون الجنائي السوداني (Re: جمال الباقر)
|
تحياتي علاء
بس دخلت اقول الكلام الجاي تحت دا ثمح
عليك الله يا بكري ابو بكر خصمتك بالنبي كان ما حذفت البوست دا مش حذفت بوست دينا خالد بتاع نبي الله اسحاق تحذف دا كمان و ياريت تمر علي البوست القديم سيد الاسم بتاع قوم فلان والقانون الفلاني
ولا نامت اعين المبحلقين المشعلقين عيونهم في كل البوستات التي تبدأ بعائلة بني يعقوب واقربائهم من بني ابن اخو جدهم ابراهيم
| |
|
|
|
|
|
|
|
|
|
Re: التـقـبيل في قوم إسرائيل.. وبرضو في القانون الجنائي السوداني (Re: Yassir Tayfour)
|
| Quote: جربوا ومن ثمّ إنتقدوا على دراية، ولا شنو؟ |
ياسر طيفور
شوف يا حبيب
إنتا زول صاحبي وصديقي ونحنا رُفقاء درب طويل وشائك
حلو الكلام؟
طيب
نحنا اتعودنا على الشفافية والوضوح في التعامل
فاهمني كيف؟
دا مااااا كلامك ولا الكلام الكان زمان الفي سلامك
خلّيني أسألك
وما تفتكر سؤالي دة ممكن يأثِّر على مسيرتنا
باعتبارنا رفقاء سلاح ونمضي في ذات المسير
وينتظرنا نفس المصير
نهائي يا ياسر
إطلاقاً لن أتخلّى عن صداقتك وصحوبيتك
شُفتا كيف؟
سؤالي كالتالي يا حبيب:
إنتا مشيت إتشوبرتا في صُحُف ذو اليد بى هناك يا اخوي؟؟؟ 
| |
|
|
|
|
|
|
|
|
|
Re: التـقـبيل في قوم إسرائيل.. وبرضو في القانون الجنائي السوداني (Re: سمير شيخ ادريس)
|
Quote: حبيبنا علاء الدين صالح
سلامات
عليك الله يا علاء لو عرفت ال (بوينت ) ال كلنا طلعنا ( اوف ) منه تورينى ليه |
الأفوكاتو الحبيب أبو سمرة
والله الشوق مطر ياخ
إن شاء الله بس كُلّنا دي ما تكون شاملاني أنا معاكُم
يا اخوي إنتو الكسرتو باب الإستاد وخشّيتو وعملتوا زحمة في الفاضي ساي
وطلعت المُباراة ملغيّة
انا ما بقطف زهور بوستات (الأقوام) دي بس بعاين بعيوني
تعرف يا سمير بالرغم من كدة أنا الوحيد المتضرر من بوست ذات اليد قول لَيْ كيف
لأنو هسّا تتخيّل في ناس كتيرة جداً بمجرد ما شافوا عنوان البوست دة
نهائي ما حيفكّروا يخشّو، كُلّهم حيقولوا (لا باللاي.. قديمة)
صدّقني يا سمير وآخد كلامي دة على محمل الجد: مافي بوينت ولا أي حاجة
كل الحاصل إنّكُم خلعتو بِت الناس دي خلعة شديدة خلاس
وكلام إنكم كلللللللكم آوت اوف بوينت دة كان رد فعل طبيعي للخلعة الخلعتوها ليها
مساوٍ له في القوة ومضاد له في الإتجاه
ياخي معقول بس واحد يفتح ليهو بوست ويعمل مُداخلة (مِس كول)
ويمشي يقطِّع البصل ويقشِّر التوم ويخُت الحَلّة في النار ويسوطها
يرجع يلاقي البوست عمل 78 مُداخلة؟؟؟
غايتو إنتو يا بورداب الآوت اوف بوينت ما بسألكُم
شكيتكُم على الله بس
مودّتي يا صديقي العزيز
| |
|
|
|
|
|
|
|
|
|
Re: التـقـبيل في قوم إسرائيل.. وبرضو في القانون الجنائي السوداني (Re: الامين موسى البشاري)
|
Quote: علاء الدين صالح
ســـلام ..
عندنا مرصد وطني للتقبيل
اها تشـــتري؟ |
العريس الأمين يا حبيبنا ورفيقنا في قص الأتر الإسفيري
ياخ ما زمان قُلنا ليك قبِّل المرصد عملتا مصهين
طبعاً كتير من الناس هنا ما حتقدر تستوعب الشغلة دي إلا نجيب ليهم صور
والصور موجودة وجاهزة
يا اخوانا بس للتوضيح:
كلمة (تقبيل) مُصطلح تجاري مستخدم في السعودية وبعض دول الخليج والأردن وبعض دول الشام ومعناه:
(التنازل عن المحل التجاري مقابل مبلغ من المال بخلاف الإيجار)
مثال رقم واحد
وهاكُم المثال العجيب دة
يا الأمين بالمناسبة المسجد دة في مدينة (الخَرْج)
دي مُش بلد مُسيلمة؟
| |
|
|
|
|
|
|
|
|
|
Re: التـقـبيل في قوم إسرائيل.. وبرضو في القانون الجنائي السوداني (Re: سمير شيخ ادريس)
|
Quote: العزيز علاء الدين
سلامى واشواقى لك وللاسرة العزيزة
تعرف ال( بوينت ) بنطبق عليه كلام ( انتو الواحد ما يهظر معاكم )
أو بالبلدى كدة ( ال تعملوا بايدك ) أو ( السحر الانقلب على الساحر )
أو بتعبير أدق خالص ( الشلاقة ال خلعت اشراقة )
أو كمن أخذته خمرة الظهور وحب الشهرة والمحاكاة لأن يأتى بما تسير به الركبان
وحاولت تعمل بوست يمشى عشر صفحات كالبوست اياه وتصبح مضرب جدل ونقاش
تعرف بتنا دى كانت زى حمود ( حلاق الجامعة ) كان برمى كلمات بفتكرها فى محلها
وبعد ضحك الناس وشماتتهم فيه يفكر فى مخارجة زى ( كلكم اوت اوف بوينت )
وعادة ما تكون محاولة المخارجة ألعن من البوينت ذاتها ..
وهذا ما حدث
والدليل الهدؤ الجا بعد العاصفة
|
سمير تحاياي لك وللأُسرة الكريمة يا غالي
أنا بتفِّق معاك يا أبو سمرة في كل ما ورد أعلاه إلّا في حكاية حاولَت دي
ذات اليد ما أظنها كانت بتسعى للشُهرة والشوفونية
لأنها أصلاً ليست في حوجة لهما
أنا بعتقد إنها ما كانت بتقصد إنها تغوص في أعماق الموضوع في حد ذاتو
رغم عبارتها المثيرة للجدل بتاعت ميول واتجاهات البوردابيات
لكن قطعاً كان عندها تبرير وتفسير لتلك العبارة
بس الزمن لم يسعفها لإيراد دفوعاتها
على كل حال سيبقى بوست ذات اليد هو البوست رقم صفر
ذلك البوست الغامض الذي لا يعرف حقيقته أحد
العملتو كان بإيدك يا مورتا يا صديقي
| |
|
|
|
|
|
|
|
|
|
Re: التـقـبيل في قوم إسرائيل.. وبرضو في القانون الجنائي السوداني (Re: Nazik Eltayeb)
|
Quote: يا بكري ابو بكر عليك الله تحذف البوست دا انا والله ما كنت جادة في طلبي (مفروض يكون باين من اللغة من كلمة ثمح وعليك النبي انو ما كان جاد في طلب الحذف) بس كنت عايزة اقول انو بوست دينا اتحذف ليه في حين بوست ذو اليد قاعد (في شنو فات علي ما قريتو في بوست دينا اتسبب في الحذف) لكن لو كان بنفس طريقة بوست ذو اليد مفروض يبقى عشان كدة طلبت مزاحا حزف هذا البوست اسوة ببوست دينا و طلبت من بكري ايضا المرور على البوست القديم بالحذف برضو رغم ان كلمة الحذف لم تذكر واضحة لكنها تفهم ضمنا
اعتذاري لصاحب البوست و كل من انزعج لذلك
وارجو من علاء صالح ان لا يطلب من بكري حذف البوست فالمنبر عام ولا يوجد راي ليس له رأي اخر
دمتم بخير |
يا نازك الطيب والله بصراحة كدة حيرتيني معاكي
هسّا إنتي جيتي توضحي إنّك ما كنتي جادة إنّو بكري يحذف البوست
وبديتي مُداخلتك بطلب تاني جديد لنج لبكري عشان يحذف البوست
شُكراً أُختي نازك للتوضيح وتقبّلي تحياتي واحترامي
| |
|
|
|
|
|
|
|
|
|
Re: التـقـبيل في قوم إسرائيل.. وبرضو في القانون الجنائي السوداني (Re: ABUHUSSEIN)
|
Quote: علاء الدين ياخي بصراحة كدا إنت البوست دا قاصدني بيه أنا و لا شنو ..؟؟؟؟؟؟
|
علاء الدين تطير عيشتو.....
ياخ معقول يا أبو حسين بس؟
يعني أنا لو قاصدك برُد عليك وبترُد علَيْ في بوست بيناوي؟
ما كنتا بجي مارّي فوقك ترانزيت وبجدع ليك إقنور قدر الضربة زي بتاعت أماني الأمين ديك
علَي الحرام أنا لا قاصدك ولا قاصد أي واحد من الشباب البى غادي
ولا قاصد ذو اليد بجلالة قدرو
اها تاني عندك كلام بعد الحرام؟
| |
|
|
|
|
|
|
|
|
|
Re: التـقـبيل في قوم إسرائيل.. وبرضو في القانون الجنائي السوداني (Re: Yassir Tayfour)
|
| Quote: الله يسألني يا ود صالح لا هسي نقرة ساكت في العنوان ما عملتها، لكن النية في، بس ربنا يرفع القدم.. |
هو أصلو يا ياسر ما دام النِيّة في
صدِّقني أنا ما بقيف في طريق سعادتك
يا زول إعقلها وتوكّل
منو عارف يمكن بكري يكتب لينا الفرج على إيدك
| Quote: لكن النماذج الجبتها دي تأكد بأن البوست المعني "لباسو مشروط" |
والمشكلة إنّو ما بتخيَّت بعد دة
| |
|
|
|
|
|
|
| |
علاء الدين صالح
Yassir Tayfour
محمد يوسف الزين
جمال الباقر
EMU إيمو
Balla Musa
محمد عمر جبريل
ياسر بيناوي
Nazik Eltayeb
سمير شيخ ادريس
الامين موسى البشاري
ABUHUSSEIN
فيس بوك
تويتر
انستقرام
يوتيوب
بنتيريست