|
|
|
 Re: الكرتلة مضمونة ومبرشمة - توجد صور (Re: najma)
|
محمد الجيلي
بوست مليان غبار
والله و الله بوست سمح ونضيف ونقي ولو بكري فيهو مروة يعلقو في السماء فوووووووووق
امشي يا مسنوح
نجمة
لا لا لا ما ممكن تكونى من زمن الكرتلة وتوتو كورة - انت بدري عليك يا هندسة بتكونى قريتيها في المناهج بس صاح ؟
| |
  
|
|
|
|
|
|
|
 Re: الكرتلة مضمونة ومبرشمة - توجد صور (Re: الطيب شيقوق)
|
| Quote: الكرتلة مضمونة ومبرشمة - |
شيقا المسنوح؛
دي نكتها من وين؟
فعلاً مضمونه ومبرشمه.. عِلِّي المسانيح بي تواطؤ
مع سيدا نقيطة جاز كان تجيب خبرا!!
- يمين قبل دا وقع لي [ديك] بي فد قرش!!
_______
ياخي شكراً.. فعلاً محتاجين لي بوست [يفش] شويي..
| |
|
|
|
|
|
|
|
|
|
Re: الكرتلة مضمونة ومبرشمة - توجد صور (Re: الطيب شيقوق)
|
كرتلتك دي ما شايف فيها الهبابة
الببيعوها في محطة شندي ديك .
بمناسبة الهبابة هاك النكتة دي
واحد من عربكم المطاميس ديل
لافي في الشوارع ببيع هبابات
مضروبة تعمل بالهبابة كدا تنكسر
المسنوح باع هباباتو سريع و كسح
بعد كم يوم كدا جاء شايل حاجة تانية
للبيع فقاموا لموا فيهو الجماعة الاشتروا منو
الهبابات الحنكروش ديك.قالوا ليهو تعال
هنا يا معفن تبيع لينا هبابات تنفخ فيها تنكسر
المسنوح قال ليهم انتو استعملتوا الهبابة كيف ?
قالوا ليهو استعملناها ذي ما الناس بتسعمل الهبابات
تحرك الهبابة على وشك.
قال ليهم انتو غلطتانين تب ما كدي بستعملوا نوع
الهبابات دي.
قال ليهم توقف الهبابة و تلولح راسك
| |
|
|
|
|
|
|
|
|
|
Re: الكرتلة مضمونة ومبرشمة - توجد صور (Re: Al-Shaygi)
|
| Quote: طيب والتى تى كوره شكلها كيف |
يا ود شيقوق ما تصحح اولاد الزمن ده !!!!
تي تي دي شني ؟؟ بدعت يا نجمه
بعدين انا حاجز الطبله والفنجان بي قرشين
لكن هي الكرتله ام خمسين ولا ام ميه ؟؟
____________________________
حيدر امين ده خلي بالك ديناصور كبير
| |
|
|
|
|
|
|
|
|
|
Re: الكرتلة مضمونة ومبرشمة - توجد صور (Re: عبدالعزيز الفاضلابى)
|
سلام د شيقوق
لملمت عجايز ما قبل الاستقلال كلهم هنا
بالمناسبة أنا كنت أحسب أن الكرتلة اختراع سوداني الى أن قرأت عن شخصية Kenneth Lay مؤسس شركة ENRON الأمريكية التي افلست وانهارت. يقال أنه لما كان صغيرا اشترى حمارا من مزارع وعندما ذهب لاستلامه كان الحمار قد مات ولكن الصبي أصر على سحب جثة الحمار وفكر في عمل كرتلة جائزتها حمار دون أن يخبر الجماعة بأن الحمار (جنازة) ... طبعا الجائزة وقعت لواحد منهم وعرف القصة فما كان من صاحبنا إلا أن أرجع له2 دولار التي دفعها وكسب الباقي ... ويبدو أنه استمرأ الاحتيال حتى كبر وكون امبراطورية انرون ولكنها انهارت ومات حسرة.
| |
|
|
|
|
|
|
|
|
|
Re: الكرتلة مضمونة ومبرشمة - توجد صور (Re: الطيب شيقوق)
|
Quote: بالله القرير ناسا حصل شركوا للطيور بالشرك ؟
تعال صعيدنا عشان تشوف الطيور والمتلات والشرك.
تعرف المتلة شنو؟
¿ |
يا ود شيقوق
والله أظنك شركت لينا بالبوست بتاعك دا
كدي أولا وريني المتلات بتعملو ليها غصنها من الكتر ولا من اللعوت؟.. وهل بتستخدمو الشبكة أم حمايا كتل ستين؟ أطفال الصعيد يقولو: تلة تلة في المتلة... كسور..كسور...كسور.. تحلب تقلب تجي متشقلب ويستخدموها للتوجيه . أمانحن في الشمال فبرضو عندنا طرق كتيرة لصيد الطيور ولكن المتلة قد لا تصلح عندنا .. المرحلة التي تسبق وقوع الطائر في الفخ واصطياده نسميها الدودير. وتعني توجيه الطائر الى المكان الذي دفن فيه الشرك. وكنا نستخدم بعض أنواع الحبوب أو الدود والجراد حسب نوع الطائر المطلوب صيده. فأنواع الدباس (القمري) تعشق حب العيشريف (الذرة الشامي) وحب الفول. والحمير يحب القمح والذرة .. أما البلوم فإنه يحب حب التروب وهو شجيرة صغيرة لها حبة مكورة سوداء صغيرة وكنا نجد عناء في ثقبها لربطها بالخيط. الطيور الصغيرة (العصافير) مثل الترتار والرقوطي والحمري والقينقرد (ام قيردون) تحب الديدان والجراد.
ولولع أهلنا بالشعر والكلام المسجوع، فإن هنالك كلاما منظوما يستخدمه الأطفال لتوجيه الطائر المطلوب صيده الى مكان الشرك، وذلك حسب نوع الطائر. ومن أغاني الدودير لطائر الحمير والدباس
روِّحي غادي يا حبوبة...
.نحنا شركنا في التروبة
قشو الكة....قشوا الدكة...
الحميرة جات تتكا
يا ستار...أوع تجيهو بي عن صفحة الهبار
حميرا يادباسة..
أم شعرا مواسا..
عليكي الخليفة..
تديني مريسة ..
في قرعة نضيفة..
شان أشرب واقوقي
فوق بحرا زلوقي
(وأعتقد أن هذه الأغنية قام بتأليفها أحد الشايقية زمن الخليفة عبد الله التعايشي كنوع من الحرب الاعلامية ضد نظامه) ..
الكودّي عصفور صغير يعيش في البيوت ويمسى الذكر منه (أبوصلعة):
الكودي ، حمار جدي .. أركب فوقا تفنجط بي..
الترتار: وهو طائر موسمي يحب الديدان والجراد:
الترتار ود مديني
يشوف الدودي السميني..
الترتار حوا حوا
يشوف الدودي تتلوا
القينقرد: وهي أيضا طائر موسمي مهاجرنسجت حوله كثير من القصص حيث يقال أنها تأتي محمولة على أجنحة طائر الرهو والذي ينقلها لمكة المكرمة لأداء فريضة الحج:
القينقرد يالحاجة..
بت المليك يالحاجة ..
حج الله عليك يالحاجة..
دودك ورد يالحاجة..
بحرك شرد.. يالحاجة
ولدك عريس يالحاجة
يوم الخميس يالحاجة
جاب لك قميص يالحاجة
ضياب (صائد السمك)
ضياب ضياب
غتس ما جاب/
السيجة:
السيجة بت ود نيجة ..
شيلي كراع واديني كراع
| |
|
|
|
|
|
|
|
|
|
Re: الكرتلة مضمونة ومبرشمة - توجد صور (Re: maman)
|
| Quote: كدي أولا وريني المتلات بتعملو ليها غصنها من الكتر ولا من اللعوت؟.. وهل بتستخدمو الشبكة أم حمايا كتل ستين؟ أطفال الصعيد يقولو: تلة تلة في المتلة... كسور..كسور...كسور.. تحلب تقلب تجي متشقلب ويستخدموها للتوجيه |
يا مامان
بالله براحه علينا
اول مره اعرف انو الشوايقه عندهم رطانه.....!!!!
قال نجمه قال ...!!!
| |
|
|
|
|
|
|
|
|
|
Re: الكرتلة مضمونة ومبرشمة - توجد صور (Re: طارق ميرغني)
|
مامان
عذرا اولا ما عندي خاصية الاقتباس
وشكرا ثانيا لانك دودرتنا لاتجاه اخر عسى ولعل يكون فيهو خير
كدي أولا وريني المتلات بتعملو ليها غصنها من الكتر ولا من اللعوت؟.. وهل بتستخدمو الشبكة أم حمايا كتل ستين؟ أطفال الصعيد يقولو: تلة تلة في المتلة... كسور..كسور...كسور.. تحلب تقلب تجي متشقلب ويستخدموها للتوجيه . أمانحن في الشمال فبرضو عندنا طرق كتيرة لصيد الطيور ولكن المتلة قد لا تصلح عندنا .. المرحلة التي تسبق وقوع الطائر في الفخ واصطياده نسميها الدودير. وتعني توجيه الطائر الى المكان الذي دفن فيه الشرك. وكنا نستخدم بعض أنواع الحبوب أو الدود والجراد حسب نوع الطائر المطلوب صيده. فأنواع الدباس (القمري) تعشق حب العيشريف (الذرة الشامي) وحب الفول. والحمير يحب القمح والذرة .. أما البلوم فإنه يحب حب التروب وهو شجيرة صغيرة لها حبة مكورة سوداء صغيرة وكنا نجد عناء في ثقبها لربطها بالخيط. الطيور الصغيرة (العصافير) مثل الترتار والرقوطي والحمري والقينقرد (ام قيردون) تحب الديدان والجراد.
اولا يا مامان اخوي انا كنت زمان شيطان خلاص وجنى تشرك الطير واخدت من ابوى اكثر من الف علقة بسبب ترضع العجول واكل الغنم العلوق من البقر لاني بنتظر حابس لحظة الطير يكون راجع اوكاور العصيييييييير واللحظة دي الطير بيجي نازل في المتلة بلهفة شديد ليلتقط مؤونة وليداتو . اها انا في اللحظة دي بكون مندس ليك تحت جكونية و مشرك للطير عشان يجي نازل طبعا اللحظة دي هي لحظة عودة البهائم من السرحة ولحظة تربط العجول ولحظة الحليب واخوك بيكون فيها ناسي اى حاجة منتظر اب طويقية والاقبير ودخان عذبات دى انواع طيورنا - طيور ضهاري تأكل فتريتة بس مش قراصييييييي زي طيركم .
اما الدودار فندنا مستعملة حقيقة ومجازا - حقيقة لما نمشي لصيد الغزال والارانب وغيرها ومجازا دى اخليها ليك عارفك شاطر وبتكون زياراتك للمستشفيات كتيرة بالحيل !!!!!!!!!
شكرا لهذه الابيات الشعرية الجميلة .
خالص ودي
| |
|
|
|
|
|
|
| |
الطيب شيقوق
محمد الجيلى
محمد عبدالرحمن محمد
خالد المحرب
فيصل محمد خليل
حيدر حسن ميرغني
حيدر امين
Al-Shaygi
طارق جبريل
خضر الطيب
عبدالعزيز الفاضلابى
maman
saif massad ali
فيس بوك
تويتر
انستقرام
يوتيوب
بنتيريست