|
Re: البت وجلدوها.. طيب المشكلة شنو يا اخواننا؟؟ (Re: Tragie Mustafa)
|
Quote: ووين الحي بيك ايعقل يا جنابو؟؟الحياني بكابو؟؟؟ كل الاحزان....دي وانت غائب وكمان مستاء!
|
الاخت تراجى يشهد الله ما غايب ولا حاجة وشدّة ما متابع الفديو ده لما نزل فى اليوتوب الجهة النزّلتو ذاتها عارفها وكان مغالتانى اسالى النصرى امين..
الفديو مؤلم جدا يا تراجى ودى حقيقة والبفتكر غير كده ما انسان ذاتو..
الغرض من البوست ان نركّز فى معرفة المشكلة ومعالجتها بصورة مثلى ان امكن ذلك وبموضوعية لانو انا بفتكر انه المشكلة اكبر من قدو قدو .. ولما يرفدوهو حايجى جلاد اخر وسوف تختلف الاسماء والجرم واحد.. اتمنى مشاركة اكبر عدد من الاخوة والاخوات بهذا البوست ..عشان نعرف المشكلة شنو والمشكلة وين بالتحديد..فى مليون بوست اتفتحو وبصراحة فى ناس كتاااار {اوف بوينت} ..
وينو الكاب البيحيوك بيه ياتراجى ؟الكاب طار زمااااان وفضلت الصلعة بس...والمصيبة معاها كرشة كمان
تخريمة: اعجبتنى جدا قصيدة دكتور معز عمر بخيت وبعد اذنه زينت بها الصفحة الاولى من البوست الجديد بالرابط ادناه وكذلك الفيديو للاخ عمران الرجاء المرور بالبوست ورايك يهمّنا جدا
دفتر احوال ضابط الشرطة المناوب{2011}
| |
|
|
|
|
|
|
Re: البت وجلدوها.. طيب المشكلة شنو يا اخواننا؟؟ (Re: Ali Sirelkhatim)
|
قدوقدو اختار ان يشارك في التنكيل بالبنت دون تكليف بكامل قواه العقلية نزل وسط الدارة بالسوط وكان هناك زول بقوليه خليها خليها يبقى قدو قدو محرم مع سبق الاصرار والترصد
ولذلك لن يكون كبش فداء لانه شارك في مخالفة القانون بارادته ولذلك يجب ان يحاكم على خرقه للوائح العمل...
كل من يحاول تبرئة قدو قدو بيكون ما موضوعي
| |
|
|
|
|
|
|
Re: البت وجلدوها.. طيب المشكلة شنو يا اخواننا؟؟ (Re: عاطف عبدون)
|
سلام لصاحب البوست
المشكلة يا سيدي احنا عملناها مشكلة عشان تاني ما تبقى مشكلة بمعنى آخر، عشان تاني الحكومة ما تجلد ليها زولة تاني، وتفكر مليون مرة قبل ما ترفع ليها سوط وتنزلوا في ضهر امرأة.
قدوقدو زول تفتيحة، وعارف بعمل في شنو، القاضي قال مستعجل وداير يمشي، يعني الزمن مهم في العملية، وعرفنا في علوم الادارة حاجة اسمها خطوط الانتظار، او الكفاءة، مثلا، مقاول مفروض ينتهي من بناء سور في يوم، وهو عارف عامل واحد بي عشرة ساعات شغل ما بكفي، فامامه خيارين، يا يدي العامل دا اوفر تايم ويشتغل 4 ساعات زيادة او يضيف عامل آخر وينتهي من العمل في الوقت المحدد.
اها قدو قدو قرر ان ينزل الحلبة ويشارك في انجاز المهمة الآلهية دي وبدل ما تاخد الـ 50 جدلة في نصف ساعة (كما امر الشرع) على يد جلاد واحد، فتقوم تاخد الـ 50 جلدة في 15 دقيقة على يد جلادين ودا حسب دين (الكيزان).
يعني قدو قدو زول خبير في العلوم الادارية وقيل الهندسية ايضا. ولا فاقد تربوي ولا يحزنون.
الراجل همه سرعة انجاز المهمة لانو القاضي مستعجل.
| |
|
|
|
|
|
|
Re: البت وجلدوها.. طيب المشكلة شنو يا اخواننا؟؟ (Re: أحمد ابن عوف)
|
Quote: المشكلة يا سيدي احنا عملناها مشكلة عشان تاني ما تبقى مشكلة بمعنى آخر، عشان تاني الحكومة ما تجلد ليها زولة تاني، وتفكر مليون مرة قبل ما ترفع ليها سوط وتنزلوا في ضهر امرأة.
|
الحبيب احمد ابن عوف
تحيّة طيبة طيب رايك شنو لو الناس تركّز جهودها فى الغاء القانون او القوانين البى موجبها الحكومة بتجلد الناس؟
الف شكر يا حبيب..
| |
|
|
|
|
|
|
Re: البت وجلدوها.. طيب المشكلة شنو يا اخواننا؟؟ (Re: عاطف عبدون)
|
Quote: مافي اي مشكله لاخي
شئ عادي تتجلد تتسلخ تموت وين المشكله يعني
بس ياخي ما تكون كترة البوستات سببت ليك مشكله
وإلا انا حزعل
الزول دا لو عسكري كلامو صح
ياخوانا راعو لي مشاعر صاحب البوست
وفضوها سيره |
الحبيب ودعبدون عساك بخير با رجل يا اخ ما تزعل ورجاء اقرأء بين السطور وركّز معاى شوية.. لكن اقول ليك كلام ..طالما رحّب بى عودتك الحبيب ود هبانى معناتو انت زول ما ساهل تب يا خوى..
حمدلله على السلامة والف شكر على المرور يا حبيب
| |
|
|
|
|
|
|
Re: البت وجلدوها.. طيب المشكلة شنو يا اخواننا؟؟ (Re: د.نجاة محمود)
|
Quote: كل من يحاول تبرئة قدو قدو بيكون ما موضوعي |
الاخت العزيزة دكتورة نجاة تحية واحتراما وتجلّة لم احاول تبرئة قدو قدو ولكن لااعتقد ان رفده من الخدمة هو العقوبة المناسبة وليس كل من خالف لائحة يعاقب بقطع عيشه واولاده.. مرّة اخرى وكما ورد فى ردى للاخت تراجى الا تتفقين معى ان المشكلة اكبر من قدو قدو.. وهل سيقف الجلد والتنكيل برفده من الخدمة؟ دمت واسرتك الكريمة بالف خير يادكتورة والف شكر على المرور
| |
|
|
|
|
|
|
|