|
|
 هذه هى صورة عائلتى التى أباهى بها العالم
|
يا جماعة قولوا ماشاء الله فهذه الصورة الموجودة فى البروفايل هى صورة عائلتى والتى تحتوى على أب غلبان وزوجة وفية ودكتورتان وأربعة دكاترة مستقبل موعودين ويارب تكفينا شر عين خلقك ودقر يا عين فأنا فخور بهم والله أحبهم ويحبونى كما يمثلون عائلة سودانية وحدوية تكافح فى هذه الدنيا من أجل لقمة عيش هنية وتسعى لتحقيق الرفاهية فى طاعة الله ورضوانه وهم مقسمون الآن على ثلاثة بلدان السعودية وبلجيكا والسودان وياربى تانى تلمنا متين يا الله تانى تلمنا
ودعواتكم يا أحباب
هشام شيخ الدين والأسرة
|
|
  
|
|
|
|
|
|
|
 Re: هذه هى صورة عائلتى التى أباهى بها العالم (Re: يازولyazoalيازول)
|
Quote: يا جماعة قولوا ماشاء الله فهذه الصورة الموجودة فى البروفايل هى صورة عائلتى والتى تحتوى على أب غلبان وزوجة وفية ودكتورتان وأربعة دكاترة مستقبل موعودين ويارب تكفينا شر عين خلقك ودقر يا عين فأنا فخور بهم والله أحبهم ويحبونى كما يمثلون عائلة سودانية وحدوية تكافح فى هذه الدنيا من أجل لقمة عيش هنية وتسعى لتحقيق الرفاهية فى طاعة الله ورضوانه وهم مقسمون الآن على ثلاثة بلدان السعودية وبلجيكا والسودان وياربى تانى تلمنا متين يا الله تانى تلمنا
|
ربنا يحفظكم ويغطيكم وينجيكم ويبعد عنكم كل مكروه ..
ويديك الصحة والعافية وطول العمر وتسعد بصحبتهم يا قادر يا كريم ...
| |
|
|
|
|
|
|
|
|
|
Re: هذه هى صورة عائلتى التى أباهى بها العالم (Re: محمد أبوالعزائم أبوالريش)
|
هشام شيخ الدين
انت ود اسرة تغطي عين الشمش
حفظك الله واسرتك
ناس علم وفن ورياضه
وكمان فاكهة بلادنا هنا تماضر والمقداد وتبارك المهم
عندي سؤال صغيروني
البنات الحلوات ديل ملفلفهما ليه
خلي البنيات يفرتقن الضفاير في الرزاز
سودان ما قبل التيه كانت النساء والرجال ما احلاهن وما احلاهم
مصطفي سيد احمد يغني يقول
ما احلاهم شايلو معاي الهم بالجملة ؟؟
اتمني ان يبارك لك في اسرتك وربنا يحفظها
ويسدد الخطي لاي فيهن او فيهم
تحية لزوجتك رفيقة الدرب الجميل معاك
لولاها لما استطعت اكمال المشوار
فنساء خلف الرجال لهن التحية والاجلال
| |
|
|
|
|
|
|
|
|
|
Re: هذه هى صورة عائلتى التى أباهى بها العالم (Re: معاوية عبيد الصائم)
|
Quote: علاء صالح
كمان منزل لينا
صور الشيشان
بتعنيك.....ماشاء الله
|
صاحبي معاوية عبيد
تحياتي العطِرة لك وللأسرة الكريمة
ياخ الشيشان العزّابة بتاعيني ديل داير أعرِّس ليهُم وارتاح..
عشان على الأقل أتفرَّغ شوية لمشروعي الحضاري التأهيلي الجديد..
المشروع ياخ الكلَمتك عنو داك اليوم داك 
| |
|
|
|
|
|
|
|
|
|
Re: هذه هى صورة عائلتى التى أباهى بها العالم (Re: عبدالله كع)
|
هشام
وهم مقسمون الآن على ثلاثة بلدان السعودية وبلجيكا والسودان وياربى تانى تلمنا متين يا الله تانى تلمنا
ودعواتكم يا أحباب
الخالق الناطق حالتي ( قطر السعودية أمريكا السودان ) بس أنت بتلاتة شرايط و أنا بأربعة شرايط
ربنا يحفظكم و يوفقكم و تتلموا في ساعات خير آمين
| |
|
|
|
|
|
|
|
|
 Re: هذه هى صورة عائلتى التى أباهى بها العالم (Re: lana mahdi)
|
الإخوة والأخوات الأحبة الأعزاء:
أيوب خليل (ده كتير يا راجل ، كتر خيرك)
محجوب البيلى
وليد عبداللطيف
أيمن مبارك أبوالحسن
عادل عوض بلال
محمد أبوالعزائم أبوالريش (شكرا على توضيح الصورة)
صبرى الشريف (الغتغتة لزوم البلد العايشين فيهو)
أمير مصطفى أحمد(ونعم الجار الوفى)
ناجية مصطفى
هارون دياب
أحمد الشايقى
ALGARADABI
علاء الدين صالح
نصر الدين عثمان
سيف الدولة كامل
أمير عوض الجمرى
حمد عبدالغفار عمر
وليد الطيب قسم السيد
Deng (صلاح غريبة يتبنوه الملائكة ، لووووووووووووووووول)
خالد درق
عبدالله كع (منتظرين صورتك يا جميل)
أبوجهينة (كلناذلك الرجل)
مجدى عبدالرحيم(اللى بيسأل ما بيتوه)
Shawgi Sulaiman ( كلماتك مؤثرة)
بكرى عباس على
Hayat Hussain (فينك يا قريبتى أرسلى لى إيميل على [email protected])
إنعام حيمورة (نبراس الواقفة أقصى شمال الصورة)
lana Mahdi (شكرا يا بت الكرام)
الحقيقة يعجز اللسان عن شكركم ، وكلماتكم فى حقى وحق عائلتى جعلنى أحس فعلا أن الدنيا بخير والسودان بلد متعافى وجميل طول ما فيه أمثالكم ، وإننى لجد فخور بأن أكون منتمياً لهذا الجمع المبارك المتعافى السليم
بارك الله فيكم فردا فردا وفى أسركم وأقربائكم وجيرانكم وأصدقائكم ، وحفظكم وحفظ بلدنا السودان الجميل الذى يجلب للدنيا أمثالكم
وكتر خيركم واحد واحد
أخوكم المتيم بكم هشام شيخ الدين
| |
|
|
|
|
|
|
|
|
|
Re: هذه هى صورة عائلتى التى أباهى بها العالم (Re: يازولyazoalيازول)
|
عذرا أيها العزيز الغالى إن جئت فى آخر الموكب
لا أقول كلمتى والتى تتكون من أحرف كتبتها بقطرات
دمى .. لانكم تستحقون ذلك .. ويكفى أيها الحبيب
الغالى بأن راعى الجميع كان ذلك الصدر الحنون والقلب
الرائع والجميل والموسوعة الذى تخرج على أياديه ملايين
البشر الا وهو والد الجميع الشيخ الوقور المرحوم
( شيخ الدين جبريل) فهل هناك سعادة أجمل من ذلك
لا أظن ذلك .. فهنيئا لك أخى هشام بتلك الاسرة
المثقفة المتعلمة .. وهنيئا لنا بأخوة أعزاء نعتز بهم
لك وللاسرتكم الجميله ارقى سلام وأحلى موده ..
تحياتى وتقديرى وأحترامى ..
تاج السر
| |
|
|
|
|
|
|
|
|
|
Re: هذه هى صورة عائلتى التى أباهى بها العالم (Re: Elsheikh Mohd Aboidris)
|
الأخ الشيخ محمد أبو إدريس
طبعا أنا صاحبى هنا فى جدة الحبيب حمد أبو إدريس
غير قرابتك بى زوجتى يا الشيخ ، أنا أكون فى الحسبة ود عمتك وإنت ود خالى (أسأل حمد) بيوريك
بعدين ياخ إنت خال الجماعة الفى البروفايل ديل
أشكرك أشكرك أشكرك على دخولك البوست والرد فيهو ، نحن ما مشحودين على بعض وأنا أعتز وأفاخر أنى ناسبت الناس الكرام الزيكم فدائما ساداتنا العركيين هم تاج رأسنا ومصدر فخرنا رغم أنى دنقلاوى والحمد لله رب العالمين
تانى كمان خلينى أحييك وأسألك صالح الدعوات وأقول ليك مصير الحى يلاقى ، ياخ إن شاء الله نتلاقى فى ساعة خير ونعرف بعض أكتر
أخوك هشام شيخ الدين
| |
|
|
|
|
|
|
|
|
|
Re: هذه هى صورة عائلتى التى أباهى بها العالم (Re: يازولyazoalيازول)
|
الله يحفظهم ويديمك عليهم انت وامهم
تب ما بتجيهم عوجة طالما ابوهم هشام جبريل الذى يحمل بين جنبيه قلب عصفور
يا هشام لم اقابلك وافارقك الا احسست بانك لا تنتمى الى عالمنا وانت تحمل هذا الكم الهائل من براءة الطفولة
يا رجل انت لا تستحق الا الخير واثق تماما ان السماء لن تتخلى عنك وعن اسرتك
وفوق ذلك انت ابن مربى ومعلم الاجيال الراحل جبريل شيخ الدين عليه رحمة الله
انا حبك لوجه الله يارجل فما رايتك الا ضاحكا يضج وجهك بالبشر
جنى
| |
|
|
|
|
|
|
|
|
|
Re: هذه هى صورة عائلتى التى أباهى بها العالم (Re: jini)
|
الحبيب حيدر (جنى)
وأنا كذلك يعلم الله يا رجل أنى أبادلكم حبا بحب
كما أشكرك على كلماتك الجميلة فى حقى وحق أسرتى
بارك الله لك وفيك وعليك كل لحظات حياتك أنت ومن تحب ويسعدك فى الدارين بجاه سيدنا محمد يا حيدر
أخوك هشام
| |
|
|
|
|
|
|
|
|
|
Re: هذه هى صورة عائلتى التى أباهى بها العالم (Re: يوسف محمد يوسف)
|
الحبيب هشام شيخ الدين سلام لك وللاسرة الكريمه
قد يلتقي الانسان بالاف الناس في حياته وقد يجالسهم ايضا ويذهب ثم يذهبون ولكن قليلين يبقوا في زاكرته يحتلون اماكن جميلة فيها
ورغم اني لم التقيك الا لماما وبسرعة الا انك كنت دائم الحضور والبهاء ايها الرجل النقي
لك عندي اطنان من الحب والاحترام
| |
|
|
|
|
|
|
|
|
|
Re: هذه هى صورة عائلتى التى أباهى بها العالم (Re: عبدالمجيد الكونت)
|
ياعم هشام
ياخ انت من بشر نوع تاني
اللهم إني أتوجه لك بحبيبك محمد صلى الله عليه وسلم أن تعطي أسرة هشام خير مافي هذه الدنيا
وأن تكفيهم ربي شر مافي هذه الدنيا وأن تجعل ذرية هشام وزوجته صالحين وأن تعطي هشام وزوجته عمراً مديداً في طاعتك
وأن تكفيهم شر العين الحاسدة وأن تسخر لهم كل قلوب من يحتاجون إليهم وألا تجعل أحداً منهم يحتاج إلى عبد من عبيدك
في هذه الدنيا.
الواحد يتمنى يقابلك يا عمنا هشام وزوجتك وأبنائك
الصادق
| |
|
|
|
|
|
|
|
|
|
Re: هذه هى صورة عائلتى التى أباهى بها العالم (Re: ismeil abbas)
|
الشفيف الرهيف الأنيق الظريف هشام جبريل ...ياخ والله ليك وحشه مباااااااالغه
وأسعدتنا بهذه الصوره لهذه العائله الكريمه التي عرفتها عن قرب وهي بلاشك نموذج للعائله السودانيه الرائعه
لك ودي وتحايا وللأخت (بت الرجال) دريه ولكل الشباب
مودتي ياغالي
| |
|
|
|
|
|
|
|
|
|
Re: هذه هى صورة عائلتى التى أباهى بها العالم (Re: يازولyazoalيازول)
|
الإخوة الأعزاء:
عبدالمجيد الكونت
الصادق صديق سلمان
ismeil abbas
أمير فتحى
لكم الشكر والتقدير على الحضور والمشاركة فى هذا البوست بارك الله فيكم وفى أسركم وحفظكم الله من كل سوء ، ويا كونت كتر خيرك كتير وياصادق صديق مصير الحى يلاقى الدمام ما بعيدة وياإسماعيل تحياتى ويا أمير فتحى أنت والله جزء مننا وذكراك دائما معنا وذكريات أجواء والعيسائى وتحياتى كثيرا لجماعة عبدالعظيم وأولاده وضرورى ضرورى نشوفكم فى السودان
أخوكم هشام
| |
|
|
|
|
|
|
| |
يازولyazoalيازول
Kamal Karrar
معاوية عبيد الصائم
بله محمد الفاضل
saif massad ali
Habib_bldo
khaleel
عفاف الصادق بابكر
أيوب خليل
محجوب البيلي
موسي عيسي
وليد عبد اللطيف
أيمن مبارك أبو الحسن
عادل عوض بلال
محمد أبوالعزائم أبوالريش
امير مصطفى احمد
haroon diyab
ALGARADABI
علاء الدين صالح
نصر الدين عثمان
سيف الدولة كامل
امير عوض الجمري
حمد عبد الغفار عمر
وليد الطيب قسم السيد
Deng
عبدالله كع
ابو جهينة
مجدي عبدالرحيم فضل
Shawgi Sulaiman
بكري عباس علي
انعام حيمورة
lana mahdi
تاج السر محمد حامد
jini
مزمل خيرى
البحيراوي
يوسف محمد يوسف
الصادق صديق سلمان
ismeil abbas
أمير فتحي
فيس بوك
تويتر
انستقرام
يوتيوب
بنتيريست