|
Re: كرنق..صراع في رابطة جبال النوبة العالمية بامريكا ..ديموي ستي باليوم المفتوح..صور بالكوم (Re: Mustafa Mahmoud)
|
بشاشا
Quote: عثمان سلام، المردوم بعرف اجضمو تب اكتر من البقارة المعاي وايضا شوية من الجالوا، ولكن الكرنق هذا لانعرف عنه شئ. لو عندك فيديو اصلي مش تقليد ناس امريكا الزينا، فنزلو بالله. |
أنت ما جضمت الكرنق .. لا يمكن بحال تجضم المردوم ..
الكرنق أيقاع واحد ورزم واحد .. أما المردوم أيقاعات متعدده فى رقصه واحدة.
كل الذين يظنون أنهم يعرفون المردوم ربما يقع لهم رزم أو أيقاع: كرفاى، عشان كده أغلب البقارة يقولوا ليك أراكم نكتلوا كرفاى (ويقصدون المردوم) .. لكن جرب السفنجه أو كمشه .. أو كورى .. وتعال قول أعرف المردوم ..
للعلم أيقاع المردوم ممكن كل سنة أو أخرى يظهر أيقاع جديد .. الأغنية الواحدة ترقص فيها عدة أيقاعات .. ومهم أختيار الأيقاع تقع على السبارة أو قائد صف المردوم.
عثمان
يا أخوى ذكّرتنا بأيام خلت فى منطقة الغلفان .. ناس شمس الدين السنوسى .. أخوك كان الزغرات (الزغاريد) ترقد فوقه رج ..
بريمة
| |
|
|
|
|
|
|
Re: كرنق..صراع في رابطة جبال النوبة العالمية بامريكا ..ديموي ستي باليوم المفتوح..صور بالكوم (Re: Tragie Mustafa)
|
عثمــان..حبابك يا صديقي و التحية لأخونا و صديقنا الجميل صابر الأول و الحيكومة..و كتر خيرو على الهدية الجميلة..و امبارح كنت داير اضع نفس المقطوعة..و من هنا التحية لأخونا و استاذنا جرهام عبد القادر ..و هو اول من انتبه لهذه المقطوعة و بحثها ووثق لها بصورة علمية جيدة للغاية..و جرهام هذا كنز من كنوز جبال النوبة يمشي على قدمين.. و باحث ملم بموسيقى المنطقة .. فيا ريت كلنا ننتبه لهذه الواقعة..و ياريت كمان الناس تساهم معه في مزيد من التوثيق..
اها يا صابر ، انا لسع مصر على نظريتي الزمان: انو أي استايل بتاع شعر حايم في اوربا و نورث امريكا راجع لشعب الكاونارو..و كذا الرسم على الجسد البشري بالأولوان.. ياخي ده شعب تشكيلي بالفطرة..!
ياخي اليومين ديل الواحد بيفتش ليهو في سمسم و سويبة يتحبس فيها حبسة عروس..و بعد العمر ده كن لقينا الكرنق و المردوم و الصراع ..تب ما بنقصر..و يوم نعمل صراع بين كندا و امريكا..و نتمسح بالرماد..غايتو اليوم داك اخونا بريمة ح يعمل اضان حميل..و يقول ليك ماشي فترة نقاهة في رحلة كروز للكاريبي..!!!
شكرا يا عثمان.. و شكرا يا صابر..
كبر
| |
|
|
|
|
|
|
|