|
|
 يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي ..
|
دعوة لرحلة ترفيهية في ظلال منبرنا الجميل هذا
عند بحيرته المليئة باسماك الزينة بكل الوانها الجميلة
تحت اشجاره الظليلة نجلس جميعاً (مريخاب وهلالاب) (هلالاب ومريخاب) بمختلف (تعابير) حبنا لنادينا
نمد ايدينا باريحية بسماحة بحب بصدق نتسالم ونتعانق في وئام ووصال جميل
نفرّغ كل قبيح من دواخلنا ونملأ جوانا بالجمال (جمال الروح الما بعدو تاني جمال)
ونمازح ونكاوي بعضنا البعض فالمكاواة المريلالية او الهلاريخية هي ملح الانتماء ..
نمزج الواننا الأربعة نخرج بتوليفة وزفة الوان فرح محبوبة ومحببة (احمر مع ابيض) و (ازرق مع اصفر)
وفي الختام نؤطر لمبادئ الكتابة هنا .. والعمل على فرضها لتصبح سلوكا عاما عند الجميع ......
- توجد عكاكيز باللونين الأحمر والأزرق لردع اي واحد يعكنن جلستنا الجميلة دي ..
ويتبع يا قول طلحة ..
|
|
 
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: امير عوض الجمري)
|
من اقوال علي قاقرين
Quote: د. علي قاقرين / لماذا وصلت درجة التعصب هذا المدى من الانحدار والسقوط ؟!by الهلال السوداني on Friday, November 26, 2010 at 8:21pm
< ما حدث في مباراة هلال - مريخ الأخيرة على نهائي كأس السودان يوم 18 نوفمبر باستاد الهلال ، أمر يحتاج لوقفة عميقة وعلاج شاف.. انه أمر خطير!!
< حدثت سلوكيات وتصرفات غريبة على مجتمعنا السوداني في داخل الاستاد من جمهور الفريقين!!
< هتافات مسيئة للاعبين في الفريقين!! هتافات مسيئة لجمهور الفريقين!! اشتباكات بين المشجعين .. وحتى في المقصورة حيث توجد شخصيات قيادية!! كانت قوارير المياه تقذف بين أطراف الفريقين عبر المقصورة وفوق رؤوس هذه الشخصيات المحترمة وعلى رأسها السيد وزير الشباب والرياضة.
< ولم يقتصر الاشتباك على جمهور الفريقين فقط ، بل تعداه ليحدث بين احد قياديي الاتحاد العام لكرة القدم وأحد قياديي مجلس ادارة نادي المريخ .. وذلك بسبب تحديد الشخصيات التي ستصعد لمنصة التتويج .. حدث هذا في المقصورة!!
< الألفاظ التي كنا نسمعها من ذلك الجمهور في ذلك اليوم ، الفاظ قبيحة يندي لها الجبين!! كانت سقطة أخلاقية كبيرة!! لقد وصلت تلك الاساءات درجة العرض والشرف في حق عوائل اللاعبين!! ولا حول ولا قوة الا بالله!!
< ان ينتصر الهلال على المريخ ، أو ينتصر المريخ على الهلال ، فهذا شئ عادي في مسار تاريخ المنافسة ... وهو تنافس شريف ومشروع في حدود الروح الرياضية السمحة .. والكرة «غالب ومغلوب»!
< أما أن يحاول أحد الفريقين أن ينتصر بأية طريقة فهذا أمر مرفوض!! الاساءات والتجريح والشتائم وسائل سيئة للوصول للانتصار .. اللاعبون بشر يتأثرون بما يسمعون!!
< لقد وصلت درجة التعصب مدى بعيد يستحق المناقشة بهدوء وبروح رياضية والروح الرياضية هي الوصول لدرجة السمو الرياضي .. هي الأخاء والصداقة والتسامح والمحبة وتربية النفوس للابتعاد عن صغائر الأمور .. هي روح تجمع ولا تفرق وتجمع ولا تشتت!!
< ولكن لماذا وصلت درجة التصعب الى هذا المدى من الانحدار والسقوط؟!
< عبر تاريخ كرة القدم في السودان لم تصل درجة التصعب الى هذا المدى الخطير حقاً!! كانت روح الرياضة هي الطاغية بين جمهور الفريقين وبين اللاعبين .. وكان التشجيع يتم عبر الغناء والشعر والأدب .. ونذكر على أبو الجود وعبد الكريم النذير في داخل الاستاد .. وكتابات الأدباء ابو آمنة حامد وعمر على حسن وحاج حسن عثمان وغيرهم..
< علاقات اللاعبين فيما بينهم كانت وطيدة وقوية ... وكان لاعبو الهلال والمريخ وحتى بعد مباراة بينهما يلتقون كلهم في منزل كابتن المريخ بشارة عبد النظيف بحي بيت المال يتآنسون ويضحكون!! ماذا جد في الأمر؟!
< في لقاء جمع مجلس ادارة نادي الهلال مع السيد الوزير حاج ماجد سوار لمناقشة احداث تلك المباراة اتفق الجميع على أن للاعلام الرياضي ، وخاصة المكتوب منه ، الضلع الأكبر للوصول لهذه المحطة!! والمتابع لما يكتب في بعض الصحف الرياضية من الفاظ ومصطلحات يشعرك بالخجل!! ماهو دور رؤساء التحرير؟!
< أعتقد ان رؤساء التحرير في كل صحيفة هو المسئولون الاوائل عن كل ما يكتب في الصحيفة .. هم عليهم المراقبة وتصحيح مسار كل ما يكتب في الصحيفة..
< ثم يأتي دور مجلس الصحافة والمطبوعات في الرقابة والتصحيح والعقاب!! حقيقة لم نر أي دور فعال لهذا المجلس تجاه كل ما يكتب في الصحف!! ومع كل تقديري واحترامي لاعضاء هذا المجلس ، الا انني ادعوهم لأداء دور أكثر فعالية ، وبلاش «مجاملة وطيبة اكتر من اللازم»!!
< أمن الملاعب له دور كبير ايضاً تجاه الهتافات والاساءات والتجريح الذي يجري داخل الاستاد .. عليهم القاء القبض على كل من يسئ واخراجه من الاستاد بسرعة!!
< أخطر ما وصلنا اليه في هذا الموضوع أن توجيه الاساءات والهتافات غير اللائقة أصبحت منظمة وتعقد لها الاجتماعات وتمول «كمان»!!
< أعضاء مجالس ادارات الاندية وقياديو الاعلام الرياضي عليهم ادوار مهمة في ضبط هذه السلوكيات المنحدرة نحو القاع .. واذا تواصل هذا الانحدار ستختفي الشخصيات المحترمة من الوسط الرياضي..
< حسناً فعل السيد وزير الشباب والرياضة بتكوين لجنة للتحقيق في أحداث مباراة هلال ـ مريخ ونرجو ان تجتمع هذه اللجنة عاجلاً لمناقشة الأمر والخروج بتوصيات قوية تعيد الوسط الرياضي لمساره الطبيعي ومعاقبة كل من تثبت ادانته..
< نأمل في أن تكون هنالك قناعة لدى كل الرياضيين بان ما حدث في مباراة هلال ـ مريخ ، هو أمر مرفوض ومدان ويجب أن
|
| |
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: khaleel)
|
طاب يومك اخى امير عوض واكيد سعيدين برحلتك الجميلة دى
ومايحدث الان بين جمهور الفريقين ( مريخ / هلال ) شى لا يمكن لصاحب قليل من الاخلاق الرياضية ان يقبله
ولا يمكن مهما بلغت درجة التعنت والتعصب ان تبلغ مرحلة الفجور واكثر منه التعرض لاعراض الناس
واسرهم واخلاقهم .. صراحة لا اريد ان اقول ان البادى اظلم ولكن كل شى لا علاقة له بالرياضة يفسدها واظن الصحافة الرياضة ( اللا رياضية ) لها الباع المعلا فى ازكاء روح الكراهية والعدائية فاذا لم تجد مثل هذه الاشياء البقيضة الحزم فاكيد رياضتنا الى انحدار وانما الرياضة الاخلاق ... مابقيت .
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: نور الدين عثمان)
|
الاخ نور الدين سلامات ونحياتي
Quote: ومايحدث الان بين جمهور الفريقين ( مريخ / هلال ) شى لا يمكن لصاحب قليل من الاخلاق الرياضية ان يقبله
ولا يمكن مهما بلغت درجة التعنت والتعصب ان تبلغ مرحلة الفجور واكثر منه التعرض لاعراض الناس |
والله الحالة بقت صعبة جدا والامور وصلت مراحل خطيييرة ولازم الناس تعمل لاجتثاث المرض الخبيث دا .
| Quote: صراحة لا اريد ان اقول ان البادى اظلم ولكن كل شى لا علاقة له بالرياضة يفسدها واظن الصحافة الرياضة ( اللا رياضية ) لها الباع المعلا فى ازكاء روح الكراهية والعدائية فاذا لم تجد مثل هذه الاشياء البقيضة الحزم فاكيد رياضتنا الى انحدار وانما الرياضة الاخلاق ... مابقيت |
الصحافة الرياضة هي المعضلة حقيقة لكن حتى الصحافة الرياضية وما يكتب فيها هو وليد التشاحن والتحرش الحاصل في الشارع الرياضي ومنهم من يمتلك اداة لتفريغ المخزون الانفعالي الموجود جواهو فيقوم يكتب وتنتشر البغضاء وتسود في كل محافل الرياضة في البلد.
يللا نقتلعها من جذورها هذه الخبائث ونتواصل مع اخواننا في الصحافة الرياضية للعمل على ارساء دعائم الاخلاق الحميدة الفاضلة بيننا.
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: امير عوض الجمري)
|
الصحافة الرياضة هي المعضلة حقيقة لكن حتى الصحافة الرياضية وما يكتب فيها هو وليد التشاحن والتحرش الحاصل في الشارع الرياضي ومنهم من يمتلك اداة لتفريغ المخزون الانفعالي الموجود جواهو فيقوم يكتب وتنتشر البغضاء وتسود في كل محافل الرياضة في البلد.
................................................................................................................................................................................................................................................................
أخى أمير : تحياتى وتقديرى ,,
طبعا كل الذنب وقع على رأس الصحافة الرياضية , ومع قناعتى بتأثيرها على الشارع الرياضى , إلا أن هناك مؤثرات لا تقل خطورة عنها , فالإتحادات الرياضية , والمنتديات , وحتى البعض من
ادارات الأندية , لهم أدوار لا تقل خطورة فيما يحدث عن الصحف الرياضية ,, . وبهذه المناسبة فقد فرغت الآن من كتابة عمودى الذى سينشر غدا , اذا لم يطبق قرار الإيقاف على الصحيفة ,,,,,,,,,
وفيه سرد لوقائع تكريم الأستاذ احمد دولة بالأمس , شارحا فيه بكل الإعجاب والإعتزاز تمازج وتناغم الهلالاب مع اخوتهم المريخاب , فى مشهد كنت أتمنى أن يبث عبر الفضائيات , عسى يساهم
هذا الدرس المجانى فى إزالة الممارسات الدخيلة على هذا المجتمع النقى , وتصفو النفوس , ويعود الإخاء لكافة ألوان الطيف الرياضى ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, تحياتى ...
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: yousif saeed ali)
|
قوم حرك المركب خلي الشباب يركب
سوق معاك الرحله شادينا
Quote: نمزج الواننا الأربعة نخرج بتوليفة وزفة الوان فرح محبوبة ومحببة (احمر مع ابيض) و (ازرق مع اصفر)
وفي الختام نؤطر لمبادئ الكتابة هنا .. والعمل على فرضها لتصبح سلوكا عاما عند الجميع ...... |
ياسلام يا امير الناس ياصفوة
ياخي نفسيى ابقى صفوة واشبه الناس الصفوة وماقادر
الاقي ناس يجرجروني الى الوراء ناس متوشحه ببيض القلوب وبياض الثياب ناس زاهيه ونديه
وفي جبينها هلال ..
اميرنا امس بينما كنت في جلسة مع مريخي كبير وقديم
وهو يمدني مباشرة بكل مايكتب في الصحف والمنتديات من قصاصات تخص التعليق عن المريخ
قال : ياخي لي كم يوم مالاقيتك
وكان يريدني ان اقريهو التهاني لفوزهم المستحق
قلت له : تخيل عرفت من احد اولادنا عن ود حلتنا علاء الدين يوسف ان رسائل تصلهم بأتهامهم انهم باعوا المباراة
ومن نفس الهاتف ترسل رسائل الى المعز محجوب وهيثم وعمر بخيت
وبعد البحث عن طريق شركة الهاتف والامن وجد الراسئل صادرة من احد الاشخاص الذين ينتمون للهلال وبدون ذكر الاسماء
وما علينا كما تقول الفنانه ندى القلعة ..
قال : وبعد استعجاب واستغراب الى المستوى الذي وصلت له الرياضة
قال : في مره نحن قاعدين نتغالط مع جمهور الهلال وشي كواريك وصريخ
يازول قاعدين بعد شويه يدخلوا عبده الشيخ وسامي عز الدين وعبده مصطفى وياكلون مع بعض
وهذه هي الرياضة تنافس مع محبه . وكما ذكر قاقارين التجمع كان في بيت بشارة
ومن الطرائف زمان في الرابطة
عندنا واحد اسمو معاوية عريبي ( فريق المارد ) قاعد مع ناس فريق ( الصداقة ) اخر ضحك
بعد نهاية المباراة ويتعشا معاهم وتاني يوم شايل الشكوى الصباح ومتوجه لتقديمها .
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: abdulgafar mohd saeed)
|
حاضرين يا أمير
ما دام الحال في الواقع صعب اصلاحه على الأقل ينصلح حال البورد
في رأيي أن ما يدور في المنتديات المقفولة للناديين من الفاظ و كلام فارغ يبقى هناك ولاداعي لنقله هنا
ودي ساهلة افتكر
العندو طاقة سالبة عايز يفرغها يمشي المنتدى المقفول هناك على الأقل العضوية كلها - مفروض - من نفس اللون فما ح يكون في استفزاز
و بقترح لو نصيغ مذكرة ولا رسالة ولا مصيبة زمان باسم اعضاء سودانيزاونلاين نوقع عليها نرفعها لمجلس الصحافة
عشان يقوم بدورو و يوقف العبث الفظيع الحاصل من الصحافة الرياضية
___________________
أخير احب ان اعبر عن شعوري بالاسف للمرة التانية لاتفاقي مع "المدعو" طلحة تنظير في الرأي عن الصحافة الرياضية 
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: وليد عبد اللطيف)
|
الأخ / امير
سلام ،،
دعوة جميلة من انسان جميل وياريت لو كل الاخوان هلالاب ومريخاب ومريخاب وهلالاب حضور هذه الرحلة الجميلة
واقول ليك وبصراحة ورغم هلاليتي التي افتخر بها ولكن لا اريد الدخول في بوستات الكورة لما فيها من الفاظ عجيبة وغريبة علينا
وياريت لو نتناكف هلالاب ومريخاب بحب وبصدق واحترام لان هذا هو جمال الكورة ونبتعد عن الالفاظ الجارحة والله يوم مباراة هلال مريخ
الاخيرة في كاس السودان كنت بشاهد هذه المباراة في منزل أخ وصديق عزيز جدا وهو مريخابي ولكننا متعودين على حضور اغلب مباريات
الهلال والمريخ في الدوري والبطولات الافريقية مع بعض حتي نستمتع بالمباريات ونتناقش ونتناكف بكل ادب واحترام وفي هذه المباراة
لو ما شربني شربوت كارب انا كنت اتوفيت عديل كدا هههههههههههههههه
المهم عندما كتبت الجرائد وتناقل الناس موضوع لاعب المريخ الحريف راجي عبد العاطي كنت حزين جدا لان راجي قبل ان يكون لاعب المريخ فهو
لاعب الفريق القومي وهو في الاول والاخير بشر يعني مافي داعي لهذه الضجة في موضوع ليس لنا دخل فيه واتمنى ان لا يتاثر لاعب المريخ الفنان
راجي بهذا الموضوع وكم تمنيت ان يكون راجي لاعب في الهلال لانه لاعب صغير وحريف وبنعتذر له نيابة عن جماهير الهلال .
وفي المباراة الثانية عند اساءة الجماهير لكابتن الهلال والفريق القومي هيثم مصطفي حزنت اكثر لان الجماهير اساءة لوالدة هيثم
واسرته وهذه المواضيع ليس لها علاقة بالرياضة وكم هي قاسية الاساءة عندما تكون لوالدتك واعز الناس لك وانت لا تستطيع انت تفعل شيء
وياريت كابتن هيثم لا يتاثر بهذا الكلام الفارغ وياريت لو يتقبل اعتذارنا نيابة عن الجماهير المتعصبة وايضا يوصل اعتذارنا لوالدته
الكريمة ونقبل راسها حتي ترضى عنا ونفتخر بها لانها انجبت لنا لاعب فنان وحريف مثل هيثم مصطفي وقد متعنا كثيرا فلها مننا كل التحية
والاحترام .
معليش أخي امير على الكلام الكتير دا
بس انا حقيقة تعجبني كتاباتك والاخوان هارون وطلحة وود القاضي لانها بكل احترام وبدون الفاظ جارحة
وايضا تعجني كتابات جميع الاخوان الهلالاب لانهم اسياد بلد ( طبعا دي مشاغلة ساكت يعني ما تعصب ) هههههههههههه
لكن والله تعجبني كتابات الاخوان ود البشرى والكوتش وخليل فلكم جميعا التحية والاحترام
ومعاك في هذه الرحلة ونتمناها رحلة جميلة وسعيدة ،،،،
أبو كريم
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: عمران حسن صالح)
|
الحبيب يوسف سعيد .. تحياتي ومشتاقين والله
Quote: الأخ أمير سلام التعصب الذي يؤجج الكراهية منبوذ الواحد لسع بيذكر
معسكرات الفريقين بفندقي الأرز وكيشو قبل لقاءات القمة وبالرغم
من انني مريخابي متعصب يوم أن فاز الهلال بكأس الذهب خرجوا في
اليوم التالي يحملون الكأس ويجوبون العاصمة فخرجنا معهم يومها
أين كمال عبدالوهاب وحموري واحمد ادم وشواطين |
ياخي والله كنا لمن نتغلب نص البيت نحرد العشاء والنص التاني يقعدوا بي مزاج يلحسوا الفول والفطير باللبن .. بعد كدا نصحى الصباح نكابس الشاي
بي عيش باقي العشاء ... (وطبعا كل دا معاهو مكاواة لمن ضهرك يوجعك) لكن لا تفسد حياتنا الجميلة بل هي جزء اصيل من هذا الجمال .
يللا يا يوسف نعمل كللللنا لترسيخ فهم جميل ومعاني سامية للرياضة ونجعل العملاقين .. ماردين قويين في ادغال افريقيا يعمل لهما مليون حساب .
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: امير عوض الجمري)
|
الوليد الفنان في كل شيء
Quote: ياسلام يا امير الناس ياصفوة
ياخي نفسيى ابقى صفوة واشبه الناس الصفوة وماقادر |
ياخي انت صفوة ونقاوة انت مايسترو ومدوزن المنبردا ودائما نرتاح في كتاباتك عندما تهدنا الانفعالات والمغسة .
Quote: اميرنا امس بينما كنت في جلسة مع مريخي كبير وقديم
وهو يمدني مباشرة بكل مايكتب في الصحف والمنتديات من قصاصات تخص التعليق عن المريخ
قال : ياخي لي كم يوم مالاقيتك
وكان يريدني ان اقريهو التهاني لفوزهم المستحق
قلت له : تخيل عرفت من احد اولادنا عن ود حلتنا علاء الدين يوسف ان رسائل تصلهم بأتهامهم انهم باعوا المباراة
ومن نفس الهاتف ترسل رسائل الى المعز محجوب وهيثم وعمر بخيت |
لا حول ولا قوة الا بالله .. ياخي والله اللاعبين ديل مساكين ومتحملين بلاوي عجيبة خلاص والله ربنا يكون في عونهم ياخي .. يبذلوا ما يبذلوهو من عرق لاسعاد الناس ورفع اسم انديتهم ووطنهم عاليا ويجازون بقبيح الكلام وكيل التهم دون مراعاة لظروف تمر بهم كأنهم ملائكة وليسوا بشر ..
ذكرتني اتهام الاسطورة حامد بريمة ببيع المباراة يوم قون الدرون بتاع النقر !!!!
Quote: قال : وبعد استعجاب واستغراب الى المستوى الذي وصلت له الرياضة
قال : في مره نحن قاعدين نتغالط مع جمهور الهلال وشي كواريك وصريخ
يازول قاعدين بعد شويه يدخلوا عبده الشيخ وسامي عز الدين وعبده مصطفى وياكلون مع بعض
وهذه هي الرياضة تنافس مع محبه . وكما ذكر قاقارين التجمع كان في بيت بشارة
ومن الطرائف زمان في الرابطة
عندنا واحد اسمو معاوية عريبي ( فريق المارد ) قاعد مع ناس فريق ( الصداقة ) اخر ضحك
بعد نهاية المباراة ويتعشا معاهم وتاني يوم شايل الشكوى الصباح ومتوجه لتقديمها . |
ياخي والله يا وليد بالجد الامور وصلت لمرحلة حرجة جداً وانا ما عارف ليييه!!! عشان كدا لازم يا وليد كلنا نعمل من اجل اجتثاث هذه الظاهرة القبيحة.
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: امير عوض الجمري)
|
الحبيب ود البشرى .. تحيات كبار كبار
Quote: حاضرين يا أمير
ما دام الحال في الواقع صعب اصلاحه على الأقل ينصلح حال البورد |
الحال في الواقع ايضا يا هندسة يمكن اصلاحه وعبرنا نحنا وافتكر ان هذا المنبر مقرؤ على مستوى كبير جدا ومن كل القطاعات بس خلونا نبدا من هنا وننقل عملنا ونوصلو لكل من له صلة بالامر.
Quote: في رأيي أن ما يدور في المنتديات المقفولة للناديين من الفاظ و كلام فارغ يبقى هناك ولاداعي لنقله هنا
ودي ساهلة افتكر |
نحنا لازم نعمل يا ود البشرى على ازالة هذا العبث من تلك المنتديات ولازم نوصل فكرتنا لهذه المنتديات عشان الثقافة البنعمل من اجلها دي تكون ثقافة عاااامة ... واظن ان غالبية اعضاء منتديات الناديين هم اعضاء هنا .
Quote: و بقترح لو نصيغ مذكرة ولا رسالة ولا مصيبة زمان باسم اعضاء سودانيزاونلاين نوقع عليها نرفعها لمجلس الصحافة
عشان يقوم بدورو و يوقف العبث الفظيع الحاصل من الصحافة الرياضية |
اثنّي هذا الاقتراح الرائع يا ود البشرى ويللا نختار من لهم ملكة الصياغة بيننا ليقوموا بهذه المهمة ...
___________________
| Quote: أخير احب ان اعبر عن شعوري بالاسف للمرة التانية لاتفاقي مع "المدعو" طلحة تنظير في الرأي عن الصحافة الرياضية |
وانا سعييييد جدا بهذا التوافق بينك وبين الحبيب طلحة ويا ريت انتو الاتنين تقوما بمهمة صياغة المذكرة ... ونسمي المهمة بشية الجمر ..
وانا ما عندي مانع اهبب النار في الكانون عشان الشية تطلع مظبوطة ونخلي عمران ومحمد امين يظبطوا الشطة بالليمون والدكوة .
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: امير عوض الجمري)
|
الاخ الفاتح ابو كريم .. تحيات غوالي يا راقي وكل سنة وانت واسرتك بالف خير .
| Quote: دعوة جميلة من انسان جميل وياريت لو كل الاخوان هلالاب ومريخاب ومريخاب وهلالاب حضور هذه الرحلة الجميلة |
ايوة بالله يا ابو كريم وسع رقاع الدعوة لهذه الرحلة عشان الكوم يكبر والحب يكتر ونجني ثماره.
Quote: واقول ليك وبصراحة ورغم هلاليتي التي افتخر بها ولكن لا اريد الدخول في بوستات الكورة لما فيها من الفاظ عجيبة وغريبة علينا
وياريت لو نتناكف هلالاب ومريخاب بحب وبصدق واحترام لان هذا هو جمال الكورة ونبتعد عن الالفاظ الجارحة |
دا الغرض والهدف الاول والاسمى لرحلتنا دي يا ابو كريم وان شاء الله نزيل كل القبح الملوّث مجتمعنا الرياضي ونخليهو في ابهى صورة .
Quote: والله يوم مباراة هلال مريخ
الاخيرة في كاس السودان كنت بشاهد هذه المباراة في منزل أخ وصديق عزيز جدا وهو مريخابي ولكننا متعودين على حضور اغلب مباريات
الهلال والمريخ في الدوري والبطولات الافريقية مع بعض حتي نستمتع بالمباريات ونتناقش ونتناكف بكل ادب واحترام وفي هذه المباراة
لو ما شربني شربوت كارب انا كنت اتوفيت عديل كدا هههههههههههههههها |
ياااخي دي ما حلاوة مريخ هلال ياها المناكفات دي وانا غااالبا ما احضر المباريات مع هلالاب ومريخاب وكتير جدا بنكون انا وصديقي الحبيب عبد الغفار محمد سعيد (الجايب التلج) وبنحضر المباريات مع بعض ... والله يوم كورة مازيمبي جرى جنس جري قدر ما كوركت ليهو عمل حميل .
مودتي يا ابو كريم ويللا نخت ادينا في ايدين بعض .
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: امير عوض الجمري)
|
الاخ الفاضل حيدر تحياتي
Quote: شكرآ جزيلآ الاخ أمير
و شكرآ لكل من ورد هذا الحوض و أدلى بدلوه
نعم فقد افتقدنا ثقافة التسامح فى دور الرياضة و نخشى ان نفتقدها فى هذا المنبر |
لا ان شاء الله لن نفتقدها هنا طالما امثالك موجودين وينثرون فضائلهم بيننا . ايدك في ايدنا ونعمل معا لترسيخ مبدأ التسانح بيننا .
Quote: و لكن كلى أمل فى أن نتواثق كما قال اخى محمد البشرى على محاربة هذه الألفاظ القبيحة على الأقل فى هذا المنبر ثم العمل على نقل ذلك الى الخارج و أظن أن هذا المنتدى مؤهل للقيام بمثل هذه الاعمال
رحلة جميلة سنظل مشاركين فيها حتى تؤتى أكلها |
الامل موجود والكل يعمل بهمة من اجل ان يصح الصحيح ونطرد عننا القبح باذن الله
تسلم يا حيدر وستؤتي الرحلة اكلها بوجودكم يا راقي
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: امير عوض الجمري)
|
تشرفنا بالمكالمة يا أمير
و اشكرك و الأخوان على تأييد فكرة التواصل مع مجلس الصحافة بصدد إيقاف ما يجري في الصحافة الرياضية
و لتسمح لنا بالنقاش في البوست هنا لتنقيح و بلورة الفكرة...
رسالة أم مذكرة أم وثيقة ما هو الشكل الأنسب لإسماع صوتنا كأعضاء المنبر لمسؤولي مجلس الصحافة
و رفضنا لما يدور
هل نحتاج ارفاق أمثلة ,خاصة الأعداد الصدرت ايام مباراتي القمة ؟
هل نكتفي بمجلس الصحافة فقط ام نعمم الرسالة للصحف الرياضية و ادارتي الناديين و المنتديات
كل واحد يقترح النقاط البشوفها مناسبة ونتناقش فيها
أما الصياغة النهائية نلجأ لأهل مكة زملاءنا الصحفيين و على رأسهم - للأسف - الزميل تنظير
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: haroon diyab)
|
لجميل هارون دياب
صباحاتك صحوة
ونهاراتك نخوة
ولياليك صفوة
Quote: اتمني صادقا ان نلتزم بالمقترح
بمقاطعة اي بوست يحوي اساءة او تجريح
او نبذ ولو بكلمة...... |
اقتراح جميل ومهم جدا في الاتجاه الصحيح وبكدا نحد اولا من الظاهرة ثم تدريجيا تنمحي تماماً
Quote: وياريت لو يتم الاتفاق علي جملة توضع
علي اي بوست نجد فيه مايسئ .
واقترح ان يقوم اول من يتداخل في البوست المعني
بكتابة......
هذا البوست يحوي الفاظ خارجة عن الروح الرياضية الرجاء مقاطعته |
اثنّي ... لكن حاجاتكم القاعدين تسووها دي انا ما قاعد اعرف اعملها .. ياخ انا لغاية اسي ما بعرف اخت الوش البضحك داك ... (عشان كدا الرحلة برضو حا يكون فيها برامج تعليمية للاميين الزيي كدا) (يوجد وش ضاحك)
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: محمد البشرى الخضر)
|
ودالبشرى تحياي
Quote: و اشكرك و الأخوان على تأييد فكرة التواصل مع مجلس الصحافة بصدد إيقاف ما يجري في الصحافة الرياضية
و لتسمح لنا بالنقاش في البوست هنا لتنقيح و بلورة الفكرة... |
تأييدنا للفكرة جاء من حرص الجميع على تنقية اجواءنا الرياضية من التلوث الذي يملأ ويعكر سماواتها وصفائها والبوست ملك لكم جميعا من اجل هذا العمل الخيّر .
Quote: رسالة أم مذكرة أم وثيقة ما هو الشكل الأنسب لإسماع صوتنا كأعضاء المنبر لمسؤولي مجلس الصحافة
و رفضنا لما يدور
هل نحتاج ارفاق أمثلة ,خاصة الأعداد الصدرت ايام مباراتي القمة ؟
هل نكتفي بمجلس الصحافة فقط ام نعمم الرسالة للصحف الرياضية و ادارتي الناديين و المنتديات
كل واحد يقترح النقاط البشوفها مناسبة ونتناقش فيها |
يللا يا شباب ادلوا بارائكم في الموضوع .. وانا افضّل ان تعمم الرسالة لمجلس المطبوعات والصحف الرياضية وحتى الاقسام الرياضية في كل وسائل الاعلام اضافة لادارتي الناديين الكبيرين .
| Quote: أما الصياغة النهائية نلجأ لأهل مكة زملاءنا الصحفيين و على رأسهم - للأسف - الزميل تنظير |
هههههههههههههها .. طلحة وانت اهم معاول عملنا هذا ... اطّاقشوا زي ما عاوزين لكن في اطارنا الحلو دا بس
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: Emad Mohamed)
|
ياااخي تخخخ..
رحلك دي كانت وييين أيام الممتاز ومساميره التلاااتة ..
وتوتي دي كانت مقفلة وقت الهلال وصل دور الاربعة ؟
والعجب الفكي هاشم أيام شكوى الهلال ..
رحل المريخاب ضاااربة بعرفا انا ..
نوع يا شباب معليش نسينا الفرشات ..وخلونا نتلاقا في السوق العربي جمب كشك الليمون البشغل ود اللمين وبعد داك نتحرك مجموعات ..
رحلكم البتخلونا نفتش فيها الجكس من الرحلات الجمبنا لأنو جكسيكم ضارب دي ماا بتخارج معانا ..
جني وجن شلهتة الرحلة البيكون الحتة القاعدين فيها كلها شوك وضريسة وشمس ونقعد اليوم كلو في زحححو بي جاي وقربو الفرشات من بعض..
رحلة بيلعبو فيها القبعة وبالله العندو نكتة يجي يحكيها لينا وهات أجمل تعليق ورأيك شنو في صاحب النضارة دي وانا اتوقع إنو صاحبة الطرحة دي دمها تقيل و و و ..
غايتو لو في حاجة ح تكون جميلة وتنسينا عولاق رحلتك الضاربة دي فهي تحملنا للرحلة دي لحدي ما تجي الساعة اربعة ونص ونقوم نمشي الميدان التحت داك ونقسما هلال مريخ وبعد داك تعال شوف..
بالله فريق بقيادة احمد الريح وود البشرى وفيصل نوبي ومعتصم دفع الله وتمبس ومعاوية وصاحب اللمسة الأنيقة عمر الفاروق والمهاجم الصاروخ خليل وبقية العقد الفريد يكون لاعب ضد تيم الكوامر امير الجمري وهارون ووليد المبارك ونديكم المعلوم والشمس حيية نضربكم تلاتة زي كل مرة ..
تخريمة :
أمرق من الدور ده بالله قال رحلة قال لقيتو الموسم انتهى والعالم بقت فاضية ..خلي الدوري يبدا وعينك ما تشوف الا النور من ظيييط ومييط وعييق واححححي وووب ..:)
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: عمر الفاروق)
|
Quote: نوع يا شباب معليش نسينا الفرشات ..وخلونا نتلاقا في السوق العربي جمب كشك الليمون البشغل ود اللمين وبعد داك نتحرك مجموعات ..
رحلكم البتخلونا نفتش فيها الجكس من الرحلات الجمبنا لأنو جكسيكم ضارب دي ماا بتخارج معانا ..
جني وجن شلهتة الرحلة البيكون الحتة القاعدين فيها كلها شوك وضريسة وشمس ونقعد اليوم كلو في زحححو بي جاي وقربو الفرشات من بعض..
رحلة بيلعبو فيها القبعة وبالله العندو نكتة يجي يحكيها لينا وهات أجمل تعليق ورأيك شنو في صاحب النضارة دي وانا اتوقع إنو صاحبة الطرحة دي دمها تقيل و و و |
مبالغة مبالغة مبالغة
عمر الفاروق جزم مسخوت
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: وليد عبد اللطيف)
|
الوليد صباحك خير
Quote: امير الجمري
الكبار من عائلة هيثم مصطفى اجتمعت لكي يعتزل البرنس كرة القدم
بالله ماذا تاني فضل للرياضة في السودان ياشباب
عندما يصل التعدي على اسرة اللاعب |
كونه انه (الكبار) من العائلة يجتمعوا فدا اكبر وابلغ رد للفئة القليلة الخارجة عن الروح الرياضية
والذين يمثلون انفسهم وعلينا جميعا محاربتهم بشتى السبل وليعرف اهل هيثم واهل راجي وسفاري ومحمد كمال وكل اللاعبين الذين يبذلون وقتهم وعرقهم وبتنازلون عن حياتهم الاجتماعية كل ذلك من اجل امتاعنا ورفع اسم البلاد عاليا في المحافل الدولية ، ليعرفوا اننا سنقف بكل قوة في وجه كل من تسوّل له نفسه الاعتداء على اعراضهم واهليهم وسلوكياتهم الشخصية .. واعتقد ان هذه الخطوة من اهل هيثم لم تكن صحيحة وعليهم ان يشجعوا هيثم لمزيد من العطاء والرد عليهم داخل الميدان (طبعا الرد ضد الفرق الافرقية ما ضدنا نحنا) .. هيثم قاادر على العطاء ومثل هذه التفاهات ان شاء الله لن تكون سببا في ابتعاد معشوق الجماهير الهلالية والسودانية عن الملاعب ....
(تحت تحت كدا عايزنو يمشي ياخي دا نجضنا نجاض) ... هههههههههها
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: عبدالله كع)
|
شقيقي الغالي عبد الله كعاكيعو
تحياتي وكل سنة وانت وعيالك بالف خير .
Quote: يا امير ..
دعوةتك مجابه بدون اي احتكاكات
ومافي داعي للعصي - .. - .. - |
تسلم يا عبد الله ... بس العصي دي للبجي يعكنن وبعدين هي بسطونة يعني ما بتعوّق .
| Quote: والمباراة الاخيرة ادينها ليكم براااااااااااااااانا .. |
كتر خيييييركم ماااا قصرتوا ودا الدايرنو احننا لمن تلقونا دايرين تدونا .. ياخي نحنا ما اديناكم كتير لمن فترنا وخليناكم قربتو تخاوونا ..
بشة لعاااب والله وموفق جدا .. سبحان الله قالوا كان في غرفة تسجيلاتنا ... قسم بس .
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: مدثر قرجاج)
|
Quote: بصراحة يا امير قلبى لسه مابقى صافى
ورغم ذلك حاضر |
تسلم يا قرجة يا فنان ونحنا اصلا عملنا الجلسة دي عشان نصفّي القلوب ونمنع الانفلات الاخلاقي
في المنبرونعمل جاااهدين لنمنعه في وسائل الاعلام الرياضي ... واهم حاجة قلوبنا تصفى هنا مع بعض وبعد كدا نشيل هدفنا دا ونمشي بيهو لي قدام ...
وزي ما قلت ليك الرش والمكاواة بيناتنا ما حا تقيف اصلو بس في اطار الادب والاحترام ..
تخريمة يا مدثر : امبارح بتفرج في كورة الفتح والصفاقسي حمدت الله .... يااااخي ناس الفتح راقدين ام بربلّي غايتو امس كانت انتهت 3/0 لابو الهل ... (بس الحمد لله ربنا ستر) هههههههههههههههها
دمت يا صديقي .. يللا تعال وجيب معاك العيش من فرن نزار ...
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: محمد آدم النور)
|
Quote: الطيشااااب ماشين رحلة مع الصفراااب ؟؟؟؟؟
حكم!!!!!
واحد مورداااابي .... ينفع؟؟؟؟؟ |
يا سلااااااااااااااام يا محمد .. كيف ما ينفع ينفع ونص ..
الموردة هي الضلع الثالث في مثلث القمة الا انها في الآونة الأخيرة ظهرت بمستويات باهتة ذوّبت هويتها المعروفة ونتنى ان تعود الموردة من جديد كسابق عهدها والا تصبح فقط ماكينة تفريخ لناديي المريخ والهلال .... وانا اتناقشت مع اخونا خالد الجزولي في الموضوع دا كتير في بوست سابق ...
يللا يا محمد اعملوا من اجل رفعة الموردة عشان تعود لمكانتها الطبيعية وتعال رحلتنا دي وخت رجل على رجل يا حبيب .. يااخي دا انتو اولادكم هم الجابو الاقوان في مباريتين القمة الاخيرتين (بشة وهنو ) .
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: محمد آدم النور)
|
يا كابتن أمير
الواحد ما عايز يحبطكم لكن
بصراحة كدا حكاية مذكرة إحتجاج لمجلس الصحافة
والقائمين على أمر الصحافة دي ما ح تجيب تعبا..
أصلا ناس مجلس الصحافة عندهم لجنة رصد وعارفين
وشايفين كل شىء ولو بتخذوا قرار كان إتخذوهو
خاصة وان الصحف الرياضية تضررت منها شخصيات ومؤسسات لها
وضعها الإعتبارى وتقدموا بالشكوي مرات ومرات للمجلس
وكل مرة يكون لفت النظر والانذار هو الحد الأقصي
لاية عقوبة .
قامت سنمارات وندوات وورش تكلم فيها الجميع موجهين
ومرشدين ومتمنين ومحنسين ولكن لا حياة لمن تنادى ..
حتى رئيس الجمهورية طالب الصحافة الرياضية من قبل
بالمنهجية والإعتدال وقال ليهم بالحرف الواحد (خافوا الله)
ولم يعيروه حتى أذن من طين .
ناس مجلس الصحافة ذاتم إحتمال يكونوا هسع دى قاعدين
يقرأوا في البوست دا وقرأوا قبله بوستات ومواضيع
بذات المعني ولو عايزين يعملوا شىء كانوا عملوا ..
الحل الوحيد يا جمري أنو الناس تواصل جهادا دا
هنا في المكان دا ويمسحوا لناس الصحافة الرياضية
ديل سوط العنج بالزيت ويلموا فيهم سلخ طالما واصلوا
في الشىء القاعدين يعملوا فيهو دا .
غير كدا صدقني كلو ح يكون تحصيل حاصل ساى لا مذكرة
تنفع ولا حتى شكوي للامم المتحدة .
تحياتي .
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: طلحة عبدالله)
|
Quote: يا كابتن أمير
الواحد ما عايز يحبطكم لكن
بصراحة كدا حكاية مذكرة إحتجاج لمجلس الصحافة
والقائمين على أمر الصحافة دي ما ح تجيب تعبا..
أصلا ناس مجلس الصحافة عندهم لجنة رصد وعارفين
وشايفين كل شىء ولو بتخذوا قرار كان إتخذوهو
خاصة وان الصحف الرياضية تضررت منها شخصيات ومؤسسات لها
وضعها الإعتبارى وتقدموا بالشكوي مرات ومرات للمجلس
وكل مرة يكون لفت النظر والانذار هو الحد الأقصي
لاية عقوبة . |
حبيبنا طلحة سلامات .. طبعاً اهل مكة ادرى بشعابها
واكيد انت عارف اكتر مننا بهذا الخصوص فخلاث نحن نعمل
اضعف الايمان ونصلح من حال المنبر هنا ونتعاهد على وثيقة
خاصة بنا نصيغها لوحدنا ونؤمن عليها ونطلب من ادارة المنبر
والاستاذ بكري ابو بكر ان يصادق عليها ويعاقب كل من يخرق بنود
الوثيقة دي بما يروهو هم رااادع فعلا عشان نتجاوز اي ضغائن بيننا
هنا على الاقل على مستوى الرياضة اللهي مضرب المثل في التسامح مش بيقال خلوا (روحكم رياضية!)
اها رايك شنو ؟ لقيتني كيف عليك الله ؟!؟!
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: امير عوض الجمري)
|
كابتن أميرQuote: نصلح من حال المنبر هنا ونتعاهد على وثيقة
خاصة بنا نصيغها لوحدنا ونؤمن عليها ونطلب من ادارة المنبر
والاستاذ بكري ابو بكر ان يصادق عليها ويعاقب كل من يخرق بنود
الوثيقة دي بما يروهو هم رااادع فعلا عشان نتجاوز اي ضغائن بيننا
هنا على الاقل على مستوى الرياضة اللهي مضرب المثل في التسامح مش بيقال خلوا (روحكم رياضية!)
اها رايك شنو ؟ لقيتني كيف عليك الله ؟!؟!
|
لقيتك كدا والله
أنا معاكم في سياستكم دي وأبصم بالعشرة ..
وبعدين يا جمري كونو نصرف نظر عن المذكرة دا ما معناهو نربع
ونقعد نعاين في اللى بيحصل من صحافة المدرجات دي ..
لا ..
نحن نتابع الجرايد ونجيب أية كتابة تخرج من النص ونشرشح صاحباهنا
لامن يعرف حاجة ..
المنبر دا شعبيتو عريضة جدا يا جمري ومتابع حتى من ناس الجرايد ديل ذاتم
ولامن الواحد يلقي نفسو مسلوخ هنا صدقني تاني ح يفكر مليون مرة قبل ما
يكتب ليهو كلمة كدا واللا كدا ..
ولازم الشرشحة تكون من مجامعيو بما في ذلك فكرة عمود الصحفي ، إسلوب ، لغته،
الاخطاء الاملائية والنحوية .. إلخ .
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: طلحة عبدالله)
|
Quote: أنا معاكم في سياستكم دي وأبصم بالعشرة ..
وبعدين يا جمري كونو نصرف نظر عن المذكرة دا ما معناهو نربع
ونقعد نعاين في اللى بيحصل من صحافة المدرجات دي ..
لا ..
نحن نتابع الجرايد ونجيب أية كتابة تخرج من النص ونشرشح صاحباهنا
لامن يعرف حاجة ..
المنبر دا شعبيتو عريضة جدا يا جمري ومتابع حتى من ناس الجرايد ديل ذاتم
ولامن الواحد يلقي نفسو مسلوخ هنا صدقني تاني ح يفكر مليون مرة قبل ما
يكتب ليهو كلمة كدا واللا كدا ..
ولازم الشرشحة تكون من مجامعيو بما في ذلك فكرة عمود الصحفي ، إسلوب ، لغته،
الاخطاء الاملائية والنحوية .. إلخ . |
دا كلام ممتاز جداً يا طلحة وكمان انتو بحكم عملكم وزمالتكم للصحفيين يمكنكم التواصل المباشر معاهم
ولفت نظر بعضهم ممن يتقبل النصيحة وايضا لفت انتباههم لما يفتح من بوستات نقد لما يكتبون في الصحافة الرياضية
وزي ما قلت انت المنبر يحظى بكم هاااااااائل من القراء يظهر جلياً في اعداد المطّلعين والقراء ... ونتمنى ان يوصل صوتنا
لخوتنا الصحفيين وان نعدل الاعوجاج الحاصل ونعافي الوسط الرياضي في السودان مما اصابه من مرض عضال ...
تسلم يا طلحة.
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: Ashraf el-Halabi)
|
| Quote: يا جمري في إشاعات مغرضة بتقول إنو إنتا كنت هلالالبي |
براااااااااك قلتها يا اشرف اشاعات مغرضة ...
Quote: وفردة نص زي السم في الأسواق الحرة
وفي واحد من دوري المؤسسات كنت مرشح تمشي الهلال وخانتك راجياك |
والله يا اشرف الاسواق الحرة دي كان فيها تيم لو كان عندنا عقلية اشراك فرق الشركات والمؤسسات
في الدوري السوداني كان اسي المريخ لقى ليهو ند ومشارك في احراز البطولات الخارجية ... ههههههههههها.
Quote: لكن ناس تسجيلات الهلال قاموا سجلوا لاعب تاني
ومن ديك والحقد يملأ قلبك على سيد البلد |
غايتو الهلال لو كان عنده فكرة زي دي وما اظن !!!! فالحمد لله اللقوا لاعب تاني سجلوهو .... ههههههههها
تخريمة : يا اشرف ما قلت لي منو الاداك شمارات الاسواق الحرة دي عليك الله !!!!
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: Ashraf el-Halabi)
|
Quote: اصدر وزير الشباب والرياضة الاستاذ حاج ماجد سوار ثلاثة قرارات وزارية حيث جاء القرار 38 بتشكيل لجنة تحقيق في احداث مباراتي نهائي الدوري الممتاز ونهائي كاس السودان بين فريقي الهلال والمريخ وعين القرار المستشار بالوزارة عميد ـ م ـ حسن عمر العوض
رئيسا ودكتور نجم الدين محمد المرضي مقررا وفي عضويتها كل من المستشار كمال صالح، عمر البكري ابو حراز، امير النعمان، اللواء مامون مبارك، دكتور حاتم عبد الماجد، وحدد القرار مهام واختصاصات اللجنة في التحقيق في الاحداث التي صاحبت مباراتي فريقي الهلال والمريخ ونهائي الدوري الممتاز ونهائي كاس السودان علي ان ترفع اللجنة تقريرها ونتائج التحقيق في غضون اسبوع من صدور القرار وفي القرار رقم 41 عين الوزير حاج ماجد سوار اعضاء بملجس ادارة اتحاد كرة اليد السوداني هم الفريق عبد الباقي مصطفي محمد احمد، كمال حامد احمد، خضر احمد موسي، طلعت بشري ابراهيم كما اصدر الوزير قرارا بتكليف اسماعيل الازهري المصباح باعباء مدير عام المفوضية الاتحادية لتسجيل هيئات الشباب والرياضة. |
المصدر
كما يدوور حديث في المنتديات - ما لقيت مصدر موثوق - عن إيقاف ستة صحف رياضية و التحقيق مع رؤساء تحريرها
وهج الصفوة الهلال حبيب البلد كوورة الزعيم سوبر
يبدو ان هناك ضوءا في آخر النفق يلوح
اتمنى لو صدق هذا الخبر أن لا تتدخل الأجاويد كالمرة الماضية و يلقى كل مستهتر عقابه حتى لو يصل لسحب الترخيص نهائيا
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: امير عوض الجمري)
|
عمودالاخ والصديق مجذوب حميدة في جريدة الصحافة الصادرة اليوم الخميس 2/12/2010
Quote: بلا تحفظ
الحذر واجب
٭٭ واضح أن الموسم القادم سيأتى معقدا فى حالة أن يستمر الوضع على ماهو عليه الأن حيث التعصب الضار بشتى أنواعه والحساسيات والعداءات والكراهية والمجاهرة بالخصومة التى بلغت أقصى مدى لها بين جمهور فريقى القمة ونرى أنه من الضرورى أن يتم التعامل مع تفاصيل ما يحدث الان بجدية وبنوع من الحذر وما لم يسعَ الجميع لوضع حد للانفلات الحادث الأن فان مستقبل اللعبة سيكون فى خطر ولا نستبعد حدوث كوارث ومصائب.
٭٭ معلوم أن ستشهد البلاد فى التاسع من يناير من العام المقبل « افتراضا » عملية الاستفتاء والتى ستحدد الشكل الجديد للسودان اما كما هو الان « مليون ميل مربع وأربعين مليون نسمة أى بخريطته الجغرافية والسياسية والبشرية أو سودان بدون الجزء الجنوبى منه الأن » ، ومؤكد أن الوضع الجديد للوطن القادم سيختلف أيا كانت نتيجة الاستفتاء وهذه المتغيرات قطعا ستؤثر على كافة الجوانب والمجالات الأخرى ومن بينها الرياضة وقياسا على وضع اليوم وحتى لا تظهر مشكلة جديدة « تزيد الطين بلة » فيجب منذ الان وضع حد للعدائيات الكروية وتحديدا ما يحدث فى كرة القدم من مشاكل تبدو الأن ظاهرة، ونرى أن حسمها أولا بأول سيجعلها تتلاشى أما فى حالة استصغارها وتهميشها والتعامل معها بتهاون فنتوقع لها أن تتضاعف وتقود الى فتنة ستقضى على الأخضر واليابس .
٭٭ الواقع يقول ان ظاهرة العداء الحالى والذى بات طابعا للعلاقة بين مشجعى المريخ والهلال يحتاج للدراسة والبحث لمعرفة أسبابه ودوافعه ومن ثم البحث عن علاج شاف وسريع له قبل أن يستفحل ويتعقد ويصل حد المواجهة خصوصا وأن هناك مواجهات ستتم بين الفريقين وبالطبع سيكون هناك حضور جماهيرى يصل عدده الى قرابة الثلاثين ألفا الشئ الذى سيجعل الوضع صعبا خصوصا وأن كل هذا العدد سيكون متواجدا داخل استاد بالتالى فان التحكم فيه ليس سهلا ولهذا نقترح من الان أن يقرر الاتحاد العام قيام مباريات المريخ والهلال بدون جمهور وأن لا يتم نقلها تلفزيونيا ولا حتى اذاعيا ونرى أن المصلحة العامة تحتم ذلك مادام أن حضور الجمهور بات يشكل خطرا على الأمن العام واستقرار الشارع .وكل ما نتمناه ان يتعامل الجميع مع واقع اليوم وفق حساباته ومعطياته الصحيحة وببعد نظر وبرؤية فاحصة وقراءة سليمة مع وضع اعتبار لكل الاحتمالات والتوقعات .
٭٭ هيبة الاتحاد فى كف عفريت.
٭٭ أكثر ما يميز دكتور شداد أنه يصنع لاتحاده هيبة وشخصية ويفرض وجوده ويجعله هو الأعلى ويأخذ الاتحاد وضعه الطبيعى والرسمى كمؤسسة وطنية تدير منشط كرة القدم ويبقى الجميع خاضعا لقرارات هذه المؤسسة ان كانت اتحادات محلية أو أندية ممتازة أو عادية اضافة لذلك فالدكتور كمال شداد يدير الاتحاد بمبادئه وقناعاته التى تقوم على الانضباط وسياسة الحسم لا سيما وأنه لا يعرف هذا كبير وذاك صغير لا ترهبه التهديدات ولا الهتافات أو التصريحات ولا يعير ما يكتب عنه من هجوم فى الاعلام اهتماما اضافة لذلك فهو يمتلك «جرأة زائدة » تجعله يصدر القرار فى أى وقت وأى قضية وضد أى نادى أو ادارى دون أن تهمه ردود الأفعال، وما يساعده أنه لا يخشى احدا ولا يخاف وله القدرة على الدفاع عن اى قرار يتخذه هو او اتحاده ولهذا كله فان عهوده تشهد انضباطا والكل يتمسك بالالتزام وان تجرأ أحدهم وخرج عن الخط يجد نفسه أمام لجنة الانضباط « التأديب» .الان الوضع فى الاتحاد يحتاج لأن يدار بطريقة دكتور شداد حيث الحزم «الشديد » والحسم « الفورى » وفرض سياسة الانضباط خصوصا بعد الفوضى التى سادت والتصريحات «الهوجاء» التى تصدر من بعض الاداريين والأخطاء المستمرة من الحكام والانفلات الذى تحول للمدرجات ونرى أن الدكتور معتصم جعفر قادر على القيام بهذا الدور لاسيما وأنه كان نائبا للدكتور شداد ومن هنا نوصيه ونقول له ان أردت النجاح فعليك «بتطبيق سياسة أستاذك شداد ».
٭٭ فى سطور
٭٭ الألمانى كروجر طلب «خمسين ألف يورو» راتبا شهريا له ولمساعديه « بالغت يا كرو ».
٭٭ الذى نعرفه هو أن البرازيل تصدر النجوم ولم نسمع يوما أنها استوردت لاعبا وان صح فعلا ان علاء الدين يوسف ومهند الطاهر سيحترفان هناك فان ذلك يعتبر « انجازا » يستوجب الاحتفال به.
٭٭ هل حقيقة أن الهلال فاوض حارسه الأسبق أكرم الهادى حارس المريخ السابق.
٭٭ من الخطأ أن تصرف الملايين على شراء لاعب احتياطى ومن غير المعقول أن يضم كشف فريق ستة مهاجمين علما به أن المطلوبين منهم للمشاركة اثنين فقط.
٭٭ بضمه للرباعى كلتشى وحسن جزيرة وعاصم والمقدم يكون المريخ قد أحسن تأمين وتقوية دفاعه وهجومه ولايحتاج لأى لاعب فى هذين الخطين وتبقى له فقط دعم حراسة المرمى والوسط .
٭٭ أرى أن الوضع الصحيح والمطلوب هو أن تؤول مسؤولية الصحف الرياضية للسيد وزير الشباب والرياضة لكونه المسؤول عن كل ما له علاقة بالرياضة. |
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: امير عوض الجمري)
|
Quote: تخريمة يا مدثر :
امبارح بتفرج في كورة الفتح والصفاقسي حمدت الله ....
يااااخي ناس الفتح راقدين ام بربلّي غايتو امس كانت انتهت 3/0 لابو الهل ... (بس الحمد لله ربنا ستر) هههههههههههههههها |
ما دعواتكم هي الفطست لينا الهلال تتخيل ما شين الحج انا و ابوبكر محمد حسين .. يا ريتني ما سوقتو معاي ..
ونحنا في الطريق امين صالح بانقا كان بمدنا بتفاصيل المباراة ..
الهلال جاب الهدف ... فرحت وتفائلتا خيرا ...
الرمه ابوبكر .. يدعي ويقول انشالله تعادل ..
الشوط الاول انتهي ..
وحاتك صاحبك .. شغال ان شالله تعادل
الكورة كلها كملت اخينا كباتا شغال دعاء
اللهم لا نتصر الهلال واللهم اعمي المعز في ضربات الجزاء
ـــــــــــــــــ
والغريبه في الميقات ونحنا بنحرم جاء واحد سالنا
من الكورة ..
قلت الهلال الضحك شرطو ... !!
ضحك وقال احمدلله (شددت ليك الميم ) لمن كوركت -
وقال لو الهلال شال الكاس ده القيامه حتقوم (هههههههههههههاي ) ضحكتو شينه زيو ..
وفي النهايه قال : ان شالله ما فيكم زول هلالابي ... ! بالله شوف
وانا من شدة الزعل والكربنه قلت ليهو اللهم اني صايم ...!!
اما صاحبك كباتا حجتو ما استفاد منها اي حاجه - دعواته كلها كانت علي الهلال والهلالاب
ـــــــــــ
بالله بيشه كان في غرفة تسجيلاتكم ؟؟
شكيتو علي الله جمال الوالي ... مشي جاب قروش جاكم تاني !!
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: امير عوض الجمري)
|
الاخ حاتم تحياتي وتقديري ...
Quote: أخى أمير : تحياتى وتقديرى ,,
طبعا كل الذنب وقع على رأس الصحافة الرياضية , ومع قناعتى بتأثيرها على الشارع الرياضى , إلا أن هناك مؤثرات لا تقل خطورة عنها , فالإتحادات الرياضية , والمنتديات , وحتى البعض من
ادارات الأندية , لهم أدوار لا تقل خطورة فيما يحدث عن الصحف الرياضية ,, . وبهذه المناسبة فقد فرغت الآن من كتابة عمودى الذى سينشر غدا , اذا لم يطبق قرار الإيقاف على الصحيفة ,,,,,,,,,
وفيه سرد لوقائع تكريم الأستاذ احمد دولة بالأمس , شارحا فيه بكل الإعجاب والإعتزاز تمازج وتناغم الهلالاب مع اخوتهم المريخاب , فى مشهد كنت أتمنى أن يبث عبر الفضائيات , عسى يساهم
هذا الدرس المجانى فى إزالة الممارسات الدخيلة على هذا المجتمع النقى , وتصفو النفوس , ويعود الإخاء لكافة ألوان الطيف الرياضى ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, تحياتى ... |
الذنب يقع على الصحف الرياضية يا حاتم لانها الاوسع انتشارا والاكثر تأثيرا والاسهل تناولاً .. ولم تعفى المنتديات من تحمل بعض الاثم في ذلك ونحن هنا نسعى لتسود روح التمازج والتناغم بيننا في هذا المنتدى الوطن وان نرسل رسالتنا عبر سودانيزاونلاين المقروء من قطاع كبير جدا وايضا عبر اعضائه امثالك ممن لديهم اقلام شريفة نضيفة تكتب في الصحف وتزيل عنّا هذا القبح ... وياريت يا حاتم لو بكرة تنزل لينا مقالك هنا بعد ان تكون الصحيفة اتوزعت ان لم توقف كما تفضلت ... في انتظار المقال غدا ان شاء الله
تخريمة : جننتني عشان القى المداخلة .. عليك الله اضيف الرد من اخر مداخلة عشان نلقاهو بسهولة .
تسلم استاذي الجليل .
| |
|
|
|
|
|
|
|
|
|
Re: يا مريخاب وهلالاب (متعصبين معتدلين وحتى الماشين جنب الحيط) تعااالوا احضروا شرّفوا الرحلة دي (Re: ahmed khidir)
|
| Quote: غايتو رحلتكم دي انا بمشيها عشان صديقي عبد الغفار |
حباب احمد خضر وعبد الغفار سيد الرحلة وكمان جايب التلج لترطيب اي مكان تظهر فيهو بوادر حرارة ..
Quote: مشكلة التعصب بقت في جيلنا التاني
بعد هزيمة الهلال من دوجوليبا اتصلت بي ابنتي
وقلته ليها الهلال اتغلب الليله قالت لي المهم ما يتغلب من المريخ
اها دي يحلوها كيف |
دا حصاد غرسنا واكيد بتك ما جابت الكلام دا من برا يا حمادة وانا لا ابرئ نفسي فابنائي نغس الوضع مع عكس الانتماءات اعشان كدا والله لازم نربيهم صاح هم طبعا بيشوفوا ما يفرح ابوهم ويتمنوه وبشوفوا البيغضب ابوهم فبتمنوا الا يحدث .
بس طبعا التعصب في حدود الروح الرياضية ما فيهو مشكلة بس اهم حاجة بربيهم على التحلي بالروح الرياضية السمحة
واي تعصب اخر ما فيهو مشكلة ...
| |
|
|
|
|
|
|
| |
امير عوض الجمري
khaleel
فدياس نجم الدين
نور الدين عثمان
yousif saeed ali
طلحة عبدالله
وليد عبد اللطيف
abdulgafar mohd saeed
محمد البشرى الخضر
الفاتح خليل الفكي
جمال السنوسي
عمران حسن صالح
haroon diyab
Emad Mohamed
عمر الفاروق
عبدالله كع
ابراهيم محمد الحسن
مدثر قرجاج
محمد آدم النور
Abdlaziz Eisa
ahmed khidir
فيس بوك
تويتر
انستقرام
يوتيوب
بنتيريست